المساعد الشخصي الرقمي

مشاهدة النسخة كاملة : مصيبة على خط الشمال نداء عاجل لأشغال قبل الليل ؟؟ بالصــــور


عنزي قطر
21-05-2009, 04:51 PM
السلام عليكم ورحمة الله وبركاته



مصيبة على خط الشمال نداء عاجل لأشغال قبل الليل ؟؟ بالصــــور


اليوم وبشكل مفاجـأ تم اغـــلاق خط الشمال وبشكل شبه كامل والمصيبه ان اللوحات غير موجوده والي تسهل على السائقين معرفة التحويلات الجديده لكي نتفادى وقوع حوادث خطيره ..



الشركه المنفذه لمشروع خط الشمال اغلقت الشارع بشكل عشوائي وغير مدروس بصراحه لانه التحويلات غير معروفه والله اني ضيعت لفت البيت لانه الشارع تغير وماكانت هناك لوحات توضح التحويلات الجديده ..



احنا الحين في النهار المصيبه في الليل الله يستر من الحوادث ومن الشاحنات الي بعضهم مايلتزم بقوانين المرور ويتسببون بالحوادث الله يحفظ الجميع ,, الدوريات ماقصرت وقائمين بواجبهم في هالحر الله يعطيهم العافيه لكن لازم يكون هناك لوحات توضح التحويلات الجديده ويكون هناك اعلان في وسائل الأعلام المقروء والمسموع عن هذا الاغلاق لانه خط الشمال شارع حيوي والكثير من المواطنين والمقيمين يترتادون هالخط ,,




نسأل اشغال او الشركه المنفذه وين التخطيط قبل اغلاق اي شارع ومب اي شارع خط الشمال شارع حيوي الجميع يرتاده ,,








اشغال اتقوا الله في المواطن والمقيم





صــور : تصوير كلنا قطر = عنزي قطر

http://www.tawaasel.com/up/uploads/images/tawaasel-de816f694a.jpg (http://www.tawaasel.com/up/uploads/images/tawaasel-de816f694a.jpg)


http://www.tawaasel.com/up/uploads/images/tawaasel-2146f38b0e.jpg (http://www.tawaasel.com/up/uploads/images/tawaasel-2146f38b0e.jpg)


http://www.tawaasel.com/up/uploads/images/tawaasel-97df07a8ef.jpg (http://www.tawaasel.com/up/uploads/images/tawaasel-97df07a8ef.jpg)


http://www.tawaasel.com/up/uploads/images/tawaasel-9a011857cf.jpg (http://www.tawaasel.com/up/uploads/images/tawaasel-9a011857cf.jpg)


http://www.tawaasel.com/up/uploads/images/tawaasel-efb8ad8830.jpg (http://www.tawaasel.com/up/uploads/images/tawaasel-efb8ad8830.jpg)

لوحه غريبه من اشغال والشركه المنفذه ماندري الدوحه في اي اتجــاه ؟؟!!!!

http://www.tawaasel.com/up/uploads/images/tawaasel-253e0238e4.jpg (http://www.tawaasel.com/up/uploads/images/tawaasel-253e0238e4.jpg)


http://www.tawaasel.com/up/uploads/images/tawaasel-c25939cd9b.jpg (http://www.tawaasel.com/up/uploads/images/tawaasel-c25939cd9b.jpg)





عنــزي قطــــر
وطن
21-05-2009, 04:56 PM
لا حول ولا قوة الا بالله
الله يكون بالعون
هام السحاب
21-05-2009, 04:57 PM
يعطيك العافيه العنزي
المفروض يعطونك لقب مراسل بلا حدود :nice:
سداوي&مدريدي
21-05-2009, 05:01 PM
قمة الأهمال وين المسؤولين راقدين على أذنهم !!
بوخالد911
21-05-2009, 05:04 PM
قمة الأهمال وين المسؤولين راقدين على أذنهم !!




لا راقدين ع السريررر



:omg::eek5::omg:
بوخالد911
21-05-2009, 05:05 PM
مسلسل الاهمال ما زال مستمراً ..............
ra3shat hadab
21-05-2009, 05:15 PM
مرحبا اخوي
كلامك صحيح
وكتبت انا موضوع بهالخصوص ...
http://www.qatarshares.com/vb/showthread.php?t=264951

اهمال مش طبيعي مادري نلوم من؟ اشغال ولا المرور ولا الشركة اللي ماسكة المشروع ... !!!!!
وبعدين يقولون هاااا زادت الحوادث.. هاااا تريلا منقلبه .... هااااا قطو مندعم !!
شارع حيوي مثل خط الشمال يوصل لهالمواصيل... يا روح مابعدج روووح مافي الا نتم فبيوتنا وما ننزل الدوحة!!
وتبقى الدنيا حلوه
21-05-2009, 05:16 PM
كسر الله عودهم
اللمبي
21-05-2009, 05:18 PM
الله يكون بعون مرتادين الخط
ولاحول ولاقوة الابالله عليهم
عنزي قطر
21-05-2009, 05:18 PM
لا حول ولا قوة الا بالله
الله يكون بالعون

شكرا لك اختي اهم شي مانبي نسمع وفيات وحوادث والله حرام والله :anger1:
سداوي&مدريدي
21-05-2009, 05:18 PM
لا راقدين ع السريررر



:omg::eek5::omg:

:shy:
عنزي قطر
21-05-2009, 05:33 PM
يعطيك العافيه العنزي
المفروض يعطونك لقب مراسل بلا حدود :nice:



شهادة اعتز فيها اخوي :nice:
BO SAUD
21-05-2009, 05:39 PM
بيض الله وجهك اخوي وبالفعل لازم يكون هناك تدخل من أشغال وإدارة المرور تدري اخوي انا الحين في الرياض وجاي في موتري والحين عندهم حفريات واغلاق للشوارع في معظم جسور وانفاق الرياض والله ثم والله تحويلات مرتبه وميسره واضاءه للتحويله تشوفها من بعيد مش مثل الي عندنا لين تدعم الصبيه تدري انه فيه تحويله .
جليســــة القــــرآن
21-05-2009, 05:41 PM
بارك الله فيك أخوي
أنا اليوم مابروح على هالخط لين يعدلونه
alsenjari
21-05-2009, 08:37 PM
اللفة اللي مسوينها عند أم صلال محمد عبارة عن مصيبة الله يستر على المسلمين والله يكون بعونهم
عنزي قطر
21-05-2009, 10:14 PM
شاكر لكم المرور
جوال 11
21-05-2009, 10:31 PM
لا حول ولا قوة الا بالله
الله يحفظ مرتادي طريق الشمال
هذه من زيادة الرواتب في أشغال
عنزي قطر
21-05-2009, 10:54 PM
لا حول ولا قوة الا بالله
الله يحفظ مرتادي طريق الشمال
هذه من زيادة الرواتب في أشغال



شكرا لك اخوي المرور المميز
فتى الجود
21-05-2009, 11:09 PM
لاحول ولاقوة الا بالله

مشاء الله الأمور عندنا في البلاد من سيئ ألى أسوء

عنزى قطر والله كفوا ومشكور على النقل وياليت تطرش رابط الموضوع

حق أخونا جاجاسم
شاهين
21-05-2009, 11:52 PM
يارجال الله الحافظ
الصراحة يومياً أنا على هالخط
وأذا تبي تشوف العجب من الشاحنات
كون متواجد الساعة 5 الفجر وطالع
صدقني بتشوف الهوايل
لاحسيب ولارقيب
والله الحافظ



يعطيك العافية
RJ83
22-05-2009, 12:04 AM
ما صرت استغرب هالتخلف..
A.L.I
22-05-2009, 12:10 AM
لا حول ولا قوة الا بالله
عنزي قطر
22-05-2009, 12:10 AM
[QUOTE=RJ83;4183505]ما صرت استغرب هالتخلف..[/QUOT



الله كريم شكرا لك:telephone:
وطن
22-05-2009, 12:14 AM
شكرا لك اختي اهم شي مانبي نسمع وفيات وحوادث والله حرام والله :anger1:

مريت ع الخط
وتوهقت لاني ما توقعت ان خط الشمال مسكر من اوله
سرعة الشارع 60
لان الصراحة ما يستحمل اكثر من 60-80
والخويا تقريبا منثرين كل كم كيلو
الله يعطيهم العافية

لكن الشباب الله يهديهم
بعد فالتين فيه
ولا هامهم شي
وطن
22-05-2009, 12:16 AM
لا حول ولا قوة الا بالله
الله يحفظ مرتادي طريق الشمال
هذه من زيادة الرواتب في أشغال

اي زيادة يا اخوي
الشباب تقلصت رواتبهم

وبعدين لو زادوهم وين المشكلة
الله يهنيهم برزقهم
درب الساعي
22-05-2009, 12:22 AM
انا توني جاي على شارع الشمال صراحة الوضع مأساوي راح إنشاهد حوادث خطيره وخاصة مع التحويلات الجديدة وكثره تعرجات ومطبات الشارع والفتحات الفرعية وقلة الأشارات والأنارة وكثرة الشاحنات
الوضع خطيييير

أتمنى السلامة للجميع
عنزي قطر
22-05-2009, 12:43 AM
مريت ع الخط
وتوهقت لاني ما توقعت ان خط الشمال مسكر من اوله
سرعة الشارع 60
لان الصراحة ما يستحمل اكثر من 60-80
والخويا تقريبا منثرين كل كم كيلو
الله يعطيهم العافية

لكن الشباب الله يهديهم
بعد فالتين فيه
ولا هامهم شي



الله المستعان شكرا لك وطن على المرور :(
هذلان
22-05-2009, 02:10 AM
السلام عليكم


تكلمتوا عن سوء التحويله و الله يهدي بس من صممها القهر في شي ثاني قفلت وانا راد البيت

الحين على هالعفيسه الي عافسينا اياها و على هالهنود الي ساكنين في الشمال (عمال) يمشي ٣٠ وماسك الخط السريع والله ماوصلت محطه الخيسه الافاير دمي.

اتعدى المحطه بشوي الا صايدني رادار و انا مش مسرع ؟؟

سؤال هل شفتو لوحه تحدد السرعه ؟
هل هذا عمل قانوني تحويله توها اليوم فاتحينا يحطون الخويا عليها رادار.
صلاحيات معطينها لناس مايعرفون يوظفونها لمصلحه الناس.
حاط لي رادار..
- هز طووولك و علم الناس السواقه ..
- هز طوولك و تصرف باي شكوى يشتكيها مواطن على سائق مخالف لقانون المروور و كاد يتسبب في حادث بدال ما انا اتصل بالمرور ولا الشرطه يقولي تعال قدم بلاغ.
- هز طولك و شدد على القوانين الي تسمح لكل من هب و دب ياخذ ليسن وياخذ سياره !! لبناني ولا مصري ولا سوري ولا هندي . يعلم،نه على l و s في مدرسه تعليم بـ ١٢٠٠ ريال و ياخذ ليسن انتو يا داخليه ما انتبهتو ان هالشخص بينقل ثقافه السواقه في بلاده عندنا هنيه . من متى الناس في الشارع ولا في الدوار يطلع راسه من الدريشه و يسب ؟ احيانا تكبس لواحد ليت بكل احترام تبيه يفتح لانه يمشي اقل من سرعه الشارع تبيه يفتح تكبسله يمسك بريك في وجهك يعني ادعم ولا يبي يخرعك.
ليش لانه قوانين المرور قوانين بايته قديمه (القران هو ترى الي مايتغير) المفروض يغيرون قانون المرور هذا الي ينص على انه اي حادث من ورى يك،ن الشخص الي ورى هو الغلطان . المفروض يكون على حسب الدعمه وين . يعني اذا دعمته من ورى و انت على الخط السريع يكون الي قدام هو الغلطان لانه يمشي على الخط السريع و فيه شخص يبي يتجاوز و انت مسكر عليه.
وفيه كذا قانون المفروض يتغيرون

والله ماني معصب على الرادار .. نرفزني الاسلوووب صلاحيات قويه معطينها ناس ماتعرف توظفها صح

والله ماينطبق عليها الا المثل الي يقول على شينه قوالت عينه

تحويله الله يستر من تاليها .. حتى حق زروع ماتنفع تحطونها في خط يرتاده الاف و تريلات.

ما اتمنى الا ان هالتحويله تعدي على خير
الله يجعله في ذمتهم
وطن
22-05-2009, 08:37 AM
اخوي في لوح تحدد السرعة على طول الخط
شفتهم أمس
وبعد في لوحة مكتوب عليها الطريق مراقب بالرادار

السرعة المحدده 60
بوحارب
22-05-2009, 08:42 AM
اخوي في لوح تحدد السرعة على طول الخط
شفتهم أمس
وبعد في لوحة مكتوب عليها الطريق مراقب بالرادار

السرعة المحدده 60

60كم على خط الشمال :omg:

اذا الطبلون ما يعد تحت ال 140 ولا مارتاح

وخاصه لما اسمع قطعة 4<<< ليكون نسيتي وش معنى قطعة رابع هههههههههههه


الله يعطيك العافية عنزي قطر وياريت لو اشغال تشوف موضوعك المهم

عانينا وايد من هالخط ( خط الموت ):(
وطن
22-05-2009, 08:44 AM
بو حارب هذي تحويله
والصراحة ما تستحمل اكثر من 80
امس مريت عليها
والوضع فيها وايد خطر يعني ما تستحمل سرعة
بوحارب
22-05-2009, 08:46 AM
بو حارب هذي تحويله
والصراحة ما تستحمل اكثر من 80
امس مريت عليها
والوضع فيها وايد خطر يعني ما تستحمل سرعة

مشكلة تحويلات اشغال

تودي الواحد في داهية :) وتخليه يفتح عيونه غصب @@

الله يستر لو تنزل ضبابه وش بيصير في الناس :(
moonبنتnight
22-05-2009, 09:01 AM
صادتني حره لم شفت الشارع مسكر 00

استهتار بارواح الناس 00 ومقفلين الخط بدون تحويله وطريق مرستينه عدل حق الناس 00

سيارات تكسرت 00 الحوادث 00 الارواح لعبه 00

لاحول ولا قوة بالله
Northman
22-05-2009, 09:04 AM
متعودين ,, وين الجديد
بوعلي2
22-05-2009, 09:20 AM
لاتسرعون وربكم بيحفظكم

مابيدنا حيله مع اشغال شنسوي ؟

الله يحفظنا

اهم شي لاحد يسرررررررررررررررررررررع تحملوا بعمركم
الـقـاسـي
22-05-2009, 09:59 AM
اي اخوي عادي اهما يبون يسلون المواطنين يسون لهم متاهات ..
هذلان
22-05-2009, 10:49 AM
احنا الي ساكانين على الخط الشمال محرومين من شغلتين

1- مانقدر ناخذ سياره صالون
2- مانقدر نشتري سياره جديده

صالون بتكسر مع التحويلات و المطبات الي على خط الشمال
سياره جديده مانقدر نشتري من هالتريلات و الحصا الي يطيح منهم و من مخلفاتهم الي ماليه الشارع
عنزي قطر
22-05-2009, 07:10 PM
الله المستعان اتمنى من اشغال يتحركون شوي
جهام
22-05-2009, 10:03 PM
امس ضيعنا في هالطريق واستغربت كل اللوحات الارشادية مكتوبة الى الدوحة واندور لفة ام صلال محمد بس الحمدلله بعد ما طقينا الطريق وقربنا من الخور ردينا ...
عنزي قطر
23-05-2009, 03:47 PM
امس ضيعنا في هالطريق واستغربت كل اللوحات الارشادية مكتوبة الى الدوحة واندور لفة ام صلال محمد بس الحمدلله بعد ما طقينا الطريق وقربنا من الخور ردينا ...

هلا والله باهل ام صلال محمد :nice: حتى انا ضيعت الفة:eek5:
فهد قطر
23-05-2009, 07:30 PM
هلا والله باهل ام صلال محمد :nice: حتى انا ضيعت الفة:eek5:



اخووي عنزي قطر مشكور على المجهوود والنقل الرئع

حبيت اقولك ترى لفتكم الثانيه مش الاولى عشان ما ظيع :nice:
عنزي قطر
24-05-2009, 04:31 PM
اخووي عنزي قطر مشكور على المجهوود والنقل الرئع

حبيت اقولك ترى لفتكم الثانيه مش الاولى عشان ما ظيع :nice:

:nice::nice::nice: مشكور فهد با:telephone:
سويسرا
25-05-2009, 02:30 AM
لا حول ولا قوة الا بالله العلي العظيم

الله يحفظ الجميــــــــع يارب
مبرمج QA
25-05-2009, 07:54 AM
عنزي قطر ...

حبيبنا الصراحة أن اشكرك من كل اعماق قلبي.... ما شاء الله عليك كل سلبيات اشغال والطرق موجوده عندك واتعرفه صح .... والله اتمنى لك التوفيق في حياتك ... والود ودي يحطونك مدير أشغال على علشان اتحل هالمشاكل الي ما اتخلص
عنزي قطر
25-05-2009, 05:19 PM
:nice::nice:
عنزي قطر ...

حبيبنا الصراحة أن اشكرك من كل اعماق قلبي.... ما شاء الله عليك كل سلبيات اشغال والطرق موجوده عندك واتعرفه صح .... والله اتمنى لك التوفيق في حياتك ... والود ودي يحطونك مدير أشغال على علشان اتحل هالمشاكل الي ما اتخلص



هلا والله اخوي أذا صرت مدير أشغال بقعد بالمكتب :nice::nice::nice:
هذلان
27-05-2009, 03:52 PM
عفيه عليكم

سبق و قلت في ذمتهم الي راح يصير على هالتحويله

اليوم الساعه ٢:٤٠



http://u1.imgupload.co.uk/1243378800/460e7229395d3fb16e73998442a1c44a0ff236c17d0fcdc998 c6aed592d435ca.jpg
عنزي قطر
27-05-2009, 05:17 PM
والله قلبي كان حاس شكرا اخوي على الصوره بس ياريت تصغر الصوره


عنزي قطر