المساعد الشخصي الرقمي

مشاهدة النسخة كاملة : فودافون والنصب


زلزال قطر
21-05-2009, 09:59 PM
مرحبا ..حبيت اخبركم بقصة وبنفس الوقت ابي رايكم فية وشنهو احسن حل تشوفونة
اليوم اتصل بي واحد مسؤول في فودا فون وقال لي ان الرقم اللي شريتة من اسبوع
ودفعت فلوسة ووصلني واستخدمتة لي 3 ايام انة مب لي وفي واحد قبلك بثانية واحدة
حجز الرقم والمفروض انة يكون عندة مب عندك وانهم بيعطوني رقم غيرة طبعا رفضت
وقال ان الغلط من السستم اللي عندهم ...ودي اعرف ارائكم...
فارس قطر333
21-05-2009, 10:11 PM
اي حلوه السالفه

قبلك بثانيه ولا بجزء من الثانيه

مادام انتي دفعت الفلوس واستلمت الكرت واستعملته بعد

مالهم اي حق في انهم يقولون الكرت مب لك وانه في واحد احجزه قبلك بثانيه

واذا السستم غلطان هم اللي يتحملون المسوؤليه مش انت

يعني الغلط منهم مب منك

ولا تخليهم ياخذون الرقم منك
شـعـشـبـونـه
21-05-2009, 10:16 PM
لو اني مكانك نحاس لهم باحتفظ بالرقم حتى لو كان شين او عادي

مادري هذا الي اتوقع اني بسويه وانت بكيفك اخوي ..

الله يكفينا شر فودافون وكيوتل بعد .. :(
bnb
21-05-2009, 10:16 PM
الرقم مسجل بأسمك لا ترد عليه
غلطهم هم يرقعونه بالطريقة المناسبه لهم
هذا اذا فعلا ان فيه غلط في السستم علماَ بأن فكره غلط في السستم صعيه
واعتقد والله وأعلم ان هذا الموظف هلفوت حد وعده بيزتين
بو نايف
21-05-2009, 10:30 PM
اليوم الموظف اللي جنبي بالدوام

هواش معاهم على التلفون من7 الصبح الى 12 الظهر

لين الحين ما وصلت

ويقولن خطاء بالسستم وانت مالك حساب عندنا وتسجلت بأسم شخص ثاني ..!!!

مع انه طابع الوصل ووصله ايميل وانسحبت الفلوس من الفيزة !!!!

انا 3 ايام وصل كرتي

لا يتصلون ويبونه بكرة !!!!
superzooz
21-05-2009, 11:07 PM
طالبهم برقم دبل السعر الي انت شاريه وبعدين تنازل
..er..
21-05-2009, 11:18 PM
مرحبا ..حبيت اخبركم بقصة وبنفس الوقت ابي رايكم فية وشنهو احسن حل تشوفونة
اليوم اتصل بي واحد مسؤول في فودا فون وقال لي ان الرقم اللي شريتة من اسبوع
ودفعت فلوسة ووصلني واستخدمتة لي 3 ايام انة مب لي وفي واحد قبلك بثانية واحدة
حجز الرقم والمفروض انة يكون عندة مب عندك وانهم بيعطوني رقم غيرة طبعا رفضت
وقال ان الغلط من السستم اللي عندهم ...ودي اعرف ارائكم...


لاتوافق على كلامهم :)


وان صار ماصار وسحبوه اشتك عليهم :nice:


ومرمطهم في كل زاويه :omen2:
مافيا قطر
21-05-2009, 11:52 PM
والله قاصه عليكم فودا فون بارقامهم المميزه صج طلعت ملايين من هاى الارقام
وايش فيها الارقام العاديه كله رقم وخلاص
الهيدبارك
22-05-2009, 01:35 AM
لا تحااااول ولا تفكر

طالب برقم احسن منه اذ عطوك ايه ولا قول طيرو ولو كان واحد حاجزه مارح اتلاقيه بس فيه حد عينه على الرقم ويبون يرجعونه والله اعلم اذ ماكان حد من اهل الشركه
ويلاه
22-05-2009, 03:18 AM
الله يعين هذا اوله وغلطات ومشاكل

لو منك ماسلمه حتى ان قطعوه مني اشكي عليهم واقدم الاثباتات واطلع بتعويض يرفع الراس:)
Q6o
22-05-2009, 05:51 AM
قولهم بعطيكم اياه بس بشرط
يعطونك رقم مميز واحلى منه

روح واختار لك رقم حلو وقولهم عطوني اياه بسعر هالرقم وبتنازل عنه
واذا ارفضوا انت ارفض ومب كفو يسحبونه منك
واذا اسحبوه روح اشتك عليهم وشوف قضاتنا اشلون بيعوضونك وبيجلدونهم
الهاجري_قطر
22-05-2009, 08:40 AM
زلزال ابوي انا هالحركه صارتلي مع كيوتل قبل سنه ونص تقريبا ورقم شاريه من البرج ودفعت فلوسه واصرفوه لواحد ثاني واشتكي وطلعو الشكوى في الجريده وماحد سوى شي بس شوف والله لوتستعمل فودافون والله تبطل تستعمل كرت كيوتل انا عندي فودافون واشتراكي بو350 ريال ويعطونك دبل رصيدب1000ريال والله العظيم اني ماخليت مكان المانيا والسعوديه يعني اقل مكالمه ربع ساعه من غير مكالماتي الداخليه تدري كم نقص من الرصيد 190ريال وهذا من غيرالمسجات وانت بتجرب وبتشوف ان كلامي صحيح وانا قبل لايشتغل تعرف الكلام والشباب يقولون ارسال ضعيف مع اني ماخذ رقمي غالي من فئة ال300000الف وحسيت اني توهقت واول ماخذيت الكرت اول متشغل الجوال من تشتغل الشاشه على طول الارسال فول وبتشوف ان كلامي صحيح وبتجرب صدقني ماراح تتحسف هذا غير خدماتهم على شهر 1 البلد اللي تروحله وفيه شبكة فودافون اللي يتصلك من الدوحه ماينحسب عليك ولافلس فصدقني اللي خذا فودافون مب خسران وعالعموم رقمك تمسك فيه وروح لهم في الموفينبك اللي مقابل الفورسيزن الدور الثاني وبتلاقي كذا مدير هناك وبالتوفيق للجميع
بوحارب
22-05-2009, 08:51 AM
اذا الرقم في خاطرك لاترده لهم

واذا مالك حاجه فيه

طالبهم بتعويض 20000 على الأقل مع فلوس الرقم اللي دفعتها ^ ــ *
Northman
22-05-2009, 09:01 AM
خلك طيب و رد لهم الرقم ,, و يُستحسن تعتذر لهم بعد هههههه

خبرك حنا يالقطريين طيبين , نعطي مجال للكل يستهبل علينا >> و الادله اشكثر
فــلان
22-05-2009, 07:02 PM
سكر في وجهه و إن طالت وصلها محكمه.
لـبـيـه
22-05-2009, 07:25 PM
صارت معاي نفس السالفه مع كيوتل ولانها غلطت موظف حاولو يراضوني باااي رقم ثاني واعرضو علي ارقام من الي قلبك يحبهم واحلى من رقمي الي خذوه ويقولك الحياه فرص فخذت الرقم نفس الوقت وجابلي الرقم ثاني يوم عشر الاف ريال والرقم الي خذوه مني كان جايبلي 2500 بس فنصيحتي دام الحق وياك ساومهم وخذ رقم ثاني في بالك احلى من الرقم الي عندك وشكراا
بوخالد2
22-05-2009, 07:34 PM
اخوى العزيز ماصارت لنا السالفه ذي

لحد الان فينا كل شخص خذ ببطاقه 3 ارقام عليها

وحنا كل يوم في الشغل نحجز ونشتري والمبلغ مب بسيط للارقام

مااعتقد يصير الشي هذا

راجعهم في البرج
elsahher
22-05-2009, 07:52 PM
مرحبا ..حبيت اخبركم بقصة وبنفس الوقت ابي رايكم فية وشنهو احسن حل تشوفونة
اليوم اتصل بي واحد مسؤول في فودا فون وقال لي ان الرقم اللي شريتة من اسبوع
ودفعت فلوسة ووصلني واستخدمتة لي 3 ايام انة مب لي وفي واحد قبلك بثانية واحدة
حجز الرقم والمفروض انة يكون عندة مب عندك وانهم بيعطوني رقم غيرة طبعا رفضت
وقال ان الغلط من السستم اللي عندهم ...ودي اعرف ارائكم...


بسيطة اخوى ما تتنازل عن رقمك الا برقم افضل منة وماتدفع لهم مليم زيادة

الحق معك اينما ذهبو
Sharshooooor
22-05-2009, 09:46 PM
اكيد ترفض وبشدة بعد

يعني ماتصلوا بعد 10 دقايق
اتصلوا بعد 3 ايام
هههههههههههههههههه

وين السستم اللي مستانسين علية

اخاف بكرة يقولون مادفعت والا يطلعون علينا اي سالفة
ام وليد
22-05-2009, 11:25 PM
اخوي ماتتدري يمكن يعطونك رقم احسن من رقمك مو خسران شي
زلزال قطر
23-05-2009, 12:17 AM
مشكورين اخواني اعضاة المنتدى على ارائكم وتفاعلكم مع الموضوع . يوم الاحد بروح انشااللة للبرج وبشوف اذا بيعطوني رقم احسن من اللي عندي ولا ما راح اتنازل لهم وبخبركم باللي يصير معي انشااللة ومشكورين مرة ثانية ويعطيكم الف عافية
ALKUWARI-90
23-05-2009, 04:02 AM
قولهم الرقم للبيع اذا لكم خاطر تشترونه :d واطلب دبل سعر الرقم