يا أخوان...أرشدوني الله يعطيكم من واسع فضله...ويسعدكم ويعافيكم

[ابوريان44]

السلام عليكم ورحمة الله وبركاته:
وكل عام وانتم بالف خير:
200ألف ريال.......هي حيلتي.....كيف استثمرها؟
هل اشتري بها أسهم منوعه أم أضعها بسهم واحد؟
انا لا اجيد المضاربه؟
الحل ربما استثمار وانساها؟؟ هل كلامي صحيح؟
ام ماذا تنصحوني؟
ارجو ان ترشحوا لي اسهم معينه جائزه
وتساعدوني بوضع اسباب ترشيحكم لتلك الاسهم
الله يسعدكم في الدنيا والاخره
وكل عام وانتم بالف خير

[ابوسلمان]

حاليا أكتتب في بنك الريان و الي بيطلع مافيه خسار لانه بسعر الاكتتاب أن شاء الله

والله أعلم

[طاير]

والله ياخوي انا ماعندي خلفية كبير بس من تعاملي بالسوق وشوي وشوي انصحك بالتالي
حط كل المبلغ في بنك الريان وانطر ليمن التخصيص وفي النهاية انت الربحان وباقي المبلغ ( الفائض ) خله في حسابك بأحد الشركات الوسيطه وانطر اي تقلب وهبوط للسوق واشتر فيه وبكذا ان شاء الله مهما صار ما راح تخسر راس مالك باي حال من الأحوال
واذا انت من اهل قطر خل عندك سيولة شوي ودخلها في الإسمنت على شهر اربعه :)
ودايم انصحك تخلي مبلغ انتظار تقدر تعدل فيه سعر السهم مستقبلا اذا حبيت او تشتري فيه اسهم نازل سعرها
والشباب الخبراء في هالمنتدى ماراح يقصرون معاك ويظل كلامي راي

[marwan]

أخي الكريم،،،،
لست محلل فني ولكن أوجه إليك بعض النصائح الناتجة عن تجربة سابقة:
- إذا كنت قطرياً فطبعاً الاكتتابات هي الأفضل، قم بالاكتتاب ببنك الريان، وبعد التخصيص سيتم رد المبلغ الفائض لك، افتح حساب في شركة وساطة مالية "المجموعة مثلاً" حتى تكون جاهزا للبيع والشراء.
- كما أشرت فإن المبلغ الذي تملكه هو 200 ألف ريال، أنصحك بأن لا تدخل السوق بكل المبلغ، حتى لو صعد السوق ورأيت كثير من الناس يربحون في لحظات، احذر الطمع، لإنه كما هناك إمكانية للربح السريع فهناك إمكانية للخسارة السريعة، أنصحك بأن تدخل السوق بنصف المبلغ فقط أي 100 ألف ريال إذا لم تكن صاحب خبرة كافية، احتفظ بالمبلغ الآخر لأمور ثانية في حياتك.
- الاكتتاب "إن كنت قطرياً" لا يوجد به خسارة والربح مضمون بإذن الله، لذا فادخل الاكتتابات دون أي خوف، غدا سيبدأ الاكتتاب ببنك الريان، قم بالاكتتاب لك ولأسرتك إن أمكن، بإمكانك وضع كل المبلغ في الاكتتاب حتى لو كان 200 ألف ريال لإنه لا يوجد خوف منه، بعدما يتم التخصيص سيتم رد المبلغ الزائد لك حيث من المتوقع أن يتم تخصيص 500 سهم للفرد والزيادة بالنسبة والتناسب، أي أنه لن يتم استهلاك مبلغ كبير بالاكتتاب وسيتم رد باقي المبلغ. المبلغ المردود كما قلنا لا تضعه كله بالسوق، وحاول متابعة السوق والاستفادة من مشاركة الإخوة هنا وتعلم الأسهم، لا تدخل السوق وأنت تجهله بشكل تام، لا تعتمد على الحظ، وحاول التعلم والاستفادة دائما، حاول استشارة من تثق بهم من حولك ومن لهم باع طويل بالأسهم.
أرجو أن تكون هذه النصيحة قد أفادتك وشكرا
تذكر، لا تدخل السوق بكل ما تملك
بالنسبة لتوزيع الأسهم، فأنا أنصحك بشراء الأسهم من شركات متعددة " قطاعات مختلفة" مثلا جزء بالبنوك وجزء بالتأمين والخدمات.
ولكن تذكر بأن هناك شركات حلال وأخرى محرمة وأخرى جائزة بشروط، يمكنك الاطلاع عليها في المنتدى.

[جريح الايام]

انا نصحك انك تتزوج بنت الحلال وخلك من الاسهم ترى الاسهم مالها امان

[الرحال]

انصحك بالأتي
100000 ريال تفتح محفظة بالسعودية للمضاربة مع اشتراك بخدمة المسجات اي الرسائل القصيرة لأخذ المعلومات
عن الشركات الرابحة والخاسرة ووقت البيع أو الشراء وما عليك إلا تنفيذ الاوامر
50000ريال تكتتب ببنك الريان
50000 ريال وهذا الأهم ( تبني لك مسجد ينفعك عند الموت بعد عمر مديد ) لأن ما سبق سوف يذهب للورثة

[خالد علي علي]

انا انصحك بالاكتتاب بريان وشراء سهم الصناعات قطر لين يووصل 90حطهن فيه وقوول مايهززززززط ريح او اذ تبي استثماررررررر طوويل الاجل الناقلات بس هذا يبيلها وقت يعني لمن تشيب يعني 5 سنوات ومافووووق

[كش ملك!!]

فيه صندوق في السعوديه اسمه " الأمانه " وزع ارباح بنسبه 145 في المئه في 2005

والصندوق حلال


انصحك فيه