المساعد الشخصي الرقمي

مشاهدة النسخة كاملة : {..لايجي بيني وبينه كره واحزان وقطيعه ..}


لوجين098
22-05-2009, 04:13 PM
كنت اقــول ان ضاقــت الــدنيا توســع
وأتسأل ليه ضاقت في عيوني هالوسيعه

لين شفت الخافق اللي حب من جد وتولع
يحرقه وقته وصارت ايامه حزينه

منحرف حظي وأعرفه طول عمره ماتسنع
[ من عرفت الشوق قاسي والهوى هذا صنيعه ]

ياحياتي حط يدك فوق هالقلب وتسمع
بس لا تسأل دخيلك ليه دقاته سريعه

يوم شفتك داخل عيوني نما حب وتربع
يوم شفتك والحياه القاسيه صارت بديعه

كيف اعيش وبعدك انفاسي بها موتي تمتع
كيف واحلامي غدت دونك كوابيس شنيعه

والحزن آآآه يآلحزن فيني به الخافق تشبع
ليه حملني تناهيد وحمل مآلآ أستطيعه

آآهـ من قلبي وأنا اشوفه مع الوقت إيتقطع
يـأمر عيوني تهل الدمع وعيوني تطيعه

انت حبــــك غير كل الحب لو ربعه توزع
كل واحد ماعشق قلبه يبي يصبح صريعه

عاد تدري لو هوى كل الخلايق لك تجمع
مايجي ذره من احساسي مدام انك شفيعه

يازماني دامني ماأقوى على عنادك تشجع
وارسم جروحي وانا بشكي لـ رب الشريعه

يالله اني طاالبك من قلب صادق ويتضرع
لايجي بيني وبينه كره واحزان وقطيعه

ياالله اني طااالبك وان ضاقت الدنيا توسع
لين تفرج والحيـــاة تصير بوجوده وسيعه
بوعلي2
22-05-2009, 04:31 PM
اختيار طيب

سلمت الانامل وشكرا على الطرح
لوجين098
22-05-2009, 06:44 PM
شكواك للي طالبه مابعد خاب
ودعواي لك يالله تطول سنينه
كم واحد من الحب منصاب
الحب قاتل ماأحد يقدر يدينه
يادمع عيني لمن تغرب ومن غاب
ياشيب عيني لمن يفارق ضنينه
قلبي عذلته لكن القلب ماتاب
والحب تلعن ساعته وسنينه

أرسلك المرسول يامعرب الجد
من ساس قوما"يحتمون المظله
يحمل تحياتي بها الود ممتد
من ضامري ماهي سواليف شله
البعد ماعنه الرجاجيل تنحد
لو حال من دونه سماء نجد كله
والحر مهما راح لابد مايرد
للنايف اللي كل حر فطن له

الليالي شرهتني ودنياي أمحقاء
بين كتمان الحقايق وشرهات الرفيق
والله أني ماتوقعت مدري ماهقاء
ينخدع فيني صديق وغيره في حريق
مستعد أقضي العمر من دون أصدقاء
بس ماأخون الصداقه ويجفاني صديق

مافيك عيب إلا قلبك متيني
وتصد عني والصدود القطيعه
إن كان واصلني فهذي يميني
مبسوطه لك والمواصل شريعه
وإن كان قاطعني يبالله يعيني
مر الفراق ولا حلاوة خديعه
لكن صبري والرجاء واليقيني
وسيلتي عن كل بلوى وجيعه

كان ودك ماتزيد الصدر ضيقه
لاتسمع للدعاوي والشكاوي
وش يهمك وش صديق من صديقه
مامشالك بالمحاسن والمساوي
رافق اللي فاهم واجب رفيقه
لانخيته جاوبك راعي نخاوي

غربة عمر منها المشاعر عطيبات
ولجل الرجاء جربت كل الطرايق
ورد الامل في زحمة اليأس مامات
يحيه دمعن به رموشي غرايق
بصوتي أجاوب صرخة العمر بآهات
مدام حظي من عناء الوجد عايق

وش حيلة اللي علته داخل الجوف
نار الفراق بوسط صدره تصلى
وش حيلتي ياناس والحال منصوف
منصوف نصفين على اللي تغلى
نصفه يقول أصبر يمكن يحن ويروف
ونصفه يقول اللي تغلى يخلى
لوجين098
22-05-2009, 07:39 PM
لعتني يانور عيني وصديت
وخليتني من طول هجرك أعاني
مدري جفاء مدري علينا تغليت
ولا دخل في جوكم شخص ثاني
وأنت الذي في وسط عيني تعليت
وليا ذكرتك داعي الشعر جاني
ماطاب لي زاد ولا مقعد البيت
حتى لذيذ النوم راح وجفاني
بودحوم
29-05-2009, 03:44 AM
كنت اقــول ان ضاقــت الــدنيا توســع
وأتسأل ليه ضاقت في عيوني هالوسيعه

لين شفت الخافق اللي حب من جد وتولع
يحرقه وقته وصارت ايامه حزينه

منحرف حظي وأعرفه طول عمره ماتسنع
[ من عرفت الشوق قاسي والهوى هذا صنيعه ]

ياحياتي حط يدك فوق هالقلب وتسمع
بس لا تسأل دخيلك ليه دقاته سريعه

يوم شفتك داخل عيوني نما حب وتربع
يوم شفتك والحياه القاسيه صارت بديعه

كيف اعيش وبعدك انفاسي بها موتي تمتع
كيف واحلامي غدت دونك كوابيس شنيعه

والحزن آآآه يآلحزن فيني به الخافق تشبع
ليه حملني تناهيد وحمل مآلآ أستطيعه

آآهـ من قلبي وأنا اشوفه مع الوقت إيتقطع
يـأمر عيوني تهل الدمع وعيوني تطيعه

انت حبــــك غير كل الحب لو ربعه توزع
كل واحد ماعشق قلبه يبي يصبح صريعه

عاد تدري لو هوى كل الخلايق لك تجمع
مايجي ذره من احساسي مدام انك شفيعه

يازماني دامني ماأقوى على عنادك تشجع
وارسم جروحي وانا بشكي لـ رب الشريعه

يالله اني طاالبك من قلب صادق ويتضرع
لايجي بيني وبينه كره واحزان وقطيعه

ياالله اني طااالبك وان ضاقت الدنيا توسع
لين تفرج والحيـــاة تصير بوجوده وسيعه


ما أروع هذه القصيدة

والله أني قريتها أكثر من أربع او خمس مرات . لقوة كلماتها وروعة معانيها


أختيار يدل على حس راقي
كل الشكر يالوجين

وفي أنتظار المزيد
هااوي
29-05-2009, 03:58 PM
اختي المتميزة لوجين 098
صح الله لسان شاعرها
وصح الله قلبج العطر المرهف
قصيده بمنتهى العذوبه والإحساس
وإختياركم قمه بالروعه والمعني
يدل ع حس ذوقي رفيع
لا تحرمينا جديدكم
هااوي
لوجين098
29-05-2009, 10:48 PM
كل الشكر لمروركم واكيد من ذوقكم وسماحت اقلوبكم بماتفضلتم علي
ولاهنتم اجمعين
المهاجر
04-06-2009, 02:13 PM
يازماني دامني ماأقوى على عنادك تشجع
وارسم جروحي وانا بشكي لـ رب الشريعه

يالله اني طاالبك من قلب صادق ويتضرع
لايجي بيني وبينه كره واحزان وقطيعه


ما اروعها من كلمات ,, وما اجمل الاحساس الصادق عندما يسكن وجداننا

فمن اجلهم ضحينا ومن اجلهم اعطينا,,

وان حان الرحيل والفراق

ايضا من اجلهم خفنا ان يتغير ما بداخلنا وبداخلهم

فيصبح الحب كره والشوق بعد والفرح حزن

عشنا اجمل ايام العمر بقربهم , ولكن لم نصل لما كنا نحلم به

فاصبح حلمنا سراب ,,, وعالمنا ضرب من الخيال


اختي الكريمه سلمت يداكي على هذا الاختيار والنقل الرائع الجميل


تقبلي مروري وتقديري
لوجين098
05-06-2009, 03:21 AM
كل الشكر لمررك انت ياخوي العضو المهاجر ولا هنت
q6ria25
07-06-2009, 09:55 PM
يسلمووو عالاختيار الراقي
ننتظر الجديد :)