ارجو المساعدة بشراء ارقام من فودافون

[ام وليد]

السلام عليكم
اليوم وبالصدفة اكتشفت اني اقدر احجزلي ارقام من موقع فودافون لاني مساهم :omg:
المهم دخلت عل الموقع ولقيت لي كم من رقم بس للاسف كل ما ابي اشتري رقم وادخل رقم الفيزا يقولي خطأ
وحاولت اجرب واخترت رقم سلطة بو 500 ريال واول مادخلت بيانات الفيزا
ظهرت لي رسالة تقولي تم شراء الرقم وبيوصلك بعد 5 ايام وماكان فيه اي اختيار للالغاء الطلب مب مشكلة المهم اني عرفت كيف يشتروووون من هالموقع وكان السبب انة بطاقتي الفيزا مافيها رصيد كافي
وشريت رقم مجاني اخر
الي ابي اعرف يا اخوان هل في حد معين للشراء لانة احد الاخوان قالي ماتقدر تشتري اكثر من ثلاث ارقام هل هالكلام صحيح يعني مافي امل اشتري رقمين زيادة عل الرقمين الي شريتهم
وشكررن

[فارس قطر333]

الشيخ لكل رقم شخصي 3 ارقام بس

ومايصير اكثر من 3

هذا النظام عندهم

[ام وليد]

افااا
عل العموم مشكووور يالغالي ماقصرت

[la-3yonk]

لكل شخص 3 ارقام مميزه و 3 ارقام مجانيه

انا سألتهم

[ام وليد]

لكل شخص 3 ارقام مميزه و 3 ارقام مجانيه

انا سألتهم

الله يبشرك بالخير اخوي:victory:
بس انا شاري رقم مميز ورقم مجاني والحين ماقدر احط غير رقم واحد بالسلة كل ما اضيف
رقم يديد يقولي ماعندك غير مكان واحد :rolleyes2:

[دولة قطر]

اخوي ماتقدر تاخذ الا 3 ارقام ( سواء كانت مميزه ولا مجانيه )

[الهاجري_قطر]

بوليد اكيد الفيزا اللي عندك مالت قطر الوطني انا قبل ابي اشتري من النت كله اتلعوزمعاهم واروح لهم وكسرتها والغيتها وعذرهم عشان السيفتي طيب البنوك الثاني شغاله وفيه شيفتي واستعمل مالت بنك الدوحه والبريطاني من احسن مايمكن وعلى فكره انا من ساعتين واحد من الربع وقاعد اخذله رقم ب5000 ريال وفيزا قطر الوطني مانفعت ويطلع بطاقة البريطاني وتمت العمليه عالعموم بالتوفيق انشالله