وزارة البلديه والعمل الاضافي

[الملكي 111]

السلام عليكم ورحمة الله وبركاته

جميعنا استبشرنا خيراً بعد تعديل الرواتب وقلنا الحمدلله على الزياده اللي فعلاً بتكون الاضخم من تأسيس دولة قطر ولكن بعد التعديل وظهور المرتبات في البدايه كانت حلوه ... ولكن بقدرة قادر وفي غمضة عين طارة علاوة البدل الاضافي التي تصل 40 % من الاساسي لتعود الزياده زياده عاديه وليست كما ضخمها الاعلام ...


السؤال
لموظفين وزارة البلديه فقط

اذا كنت مفتش وطلب منك بعد الدوام التفتيش او عمل كمين لمطعم او ماشابه بعد الدوام الرسمي وخصوصاً اننا نعلم بأن المطاعم والمحلات الغذائيه يزيد نشاطها مسائاً هل ستوافق وتعطي الدوام دقيقه من وقتك بعد انتهائه ؟؟؟؟؟


.................................................. ..................................

بالنسبه لي لا والله ولا دقيقه واحده

الرجاء من الجميع التفاعل وطرح ارائهم لكي يرا المسؤولين مدى الصدمه التي حصلت للموظفين بعد اغتصاب العلاوه من غير وجه حق .

ودمتم بكل ود

[قطريه ماركه]

الله يكون في عونكم ..

وننتظر الرد من موظفي البلدية !!

[nyzk]

الله يوفقك اخوي اضف الى مفتشي المطاعم مفتشي المباني ايظا

اجمالا يستحق المفتشين علاوة العمل الاضافي لانهم يزاولون عملهم خارج اوقات الدوام الرسمي

فالمفتش يضطر بسبب طبيعة عمله ان يفتش في العصر او في الليل

اتمنى عودة العلاوة لمستحقيها وتستاهلون كل خير يا موضفي وزارة الشؤن البلديه

[ريان]

صحيح راحت الزياده -- والحمدلله على كل حال


- الزياده لاتذكر .

-الهيئات راحت رواتبهم .

خاطري اعرف 3 مليار من وين!!!!


انا اداري شهاده وعمل-- ولكن يتطلب مني في فترات الاشراف الخارجي والمعاينه .

الحين اسف ولو اصرو قلت اسف ولو طولوها قلت ولعنه لكم ولدوااامكم .

[مساهم عادي]

كل يوم تبان حقيقة قانون الموارد البشرية وهل فعلا زاد الرواتب او نقصها...

يعني الحين صارت الف ولا الالفين الي كانوا يخذونها موظفي الحكومة هي سبب التضخم والهدر...

ورواتب الهنود والفلبن في الشركات 20 الف وفوق للسكرتيرات......مامست خير شر

[الملكي 111]

الله يعطيكم العافيه جميعاً وننتظر مزيد من التفاعل

[ذيبه مزاجيه]

مسكين اخوي .. شايل الشغل على راسه شيل .. وكل ما نادوه راح .. قهر لين يحرمون كل واحد في مكانه عنده عمل اضافي ,,
حسبي الله ونعم الوكيل ,,
يبي لي اسئله واكتب ردة فعله @_@

[mubarak2]

أنا مفتش كنت في القانون القديم أخذ جميع مستحقاتي وكان راتبي
أساسي: 3766
اجتماعيه: 1050
تنقل: 500
عمل إضافي: 1400
بدل إستئجار: 1820
خصم التقاعد:240
المجموع: 8296

واللحين بعد القانون الجديد صار راتبي
أساسي: 4500
اجتماعيه: 1600
بدل سكن: 1500
تنقل: 1000
خصم تقاعد: 305
المجموع: 8295

يعني الفرق بين أول واللحين: 8296 - 8295 = 1

وللعلم أنا كنت على الدرجه العاشره وباقي لي 3 شهور وباكمل
أربع سنوات وأستحق الدرجه التاسع بس للأسف عطوني بداية التاسعه
وين الإنصاف بين الموظف الي سارله أربع سنوات وحاطينه بداية التاسعه
والجديد الي بعد كم يوم بيخلص الثانويه وبيتوظف على نفس درجتي
مب حرام (والله العظيم إن قانون الموارد البشرية ظلمنا)
ماقول إلا حسبي الله ونعم الوكيل

[الملكي 111]

أنا مفتش كنت في القانون القديم أخذ جميع مستحقاتي وكان راتبي
أساسي: 3766
اجتماعيه: 1050
تنقل: 500
عمل إضافي: 1400
بدل إستئجار: 1820
خصم التقاعد:240
المجموع: 8296

واللحين بعد القانون الجديد صار راتبي
أساسي: 4500
اجتماعيه: 1600
بدل سكن: 1500
تنقل: 1000
خصم تقاعد: 305
المجموع: 8295

يعني الفرق بين أول واللحين: 8296 - 8295 = 1

وللعلم أنا كنت على الدرجه العاشره وباقي لي 3 شهور وباكمل
أربع سنوات وأستحق الدرجه التاسع بس للأسف عطوني بداية التاسعه
وين الإنصاف بين الموظف الي سارله أربع سنوات وحاطينه بداية التاسعه
والجديد الي بعد كم يوم بيخلص الثانويه وبيتوظف على نفس درجتي
مب حرام (والله العظيم إن قانون الموارد البشرية ظلمنا)
ماقول إلا حسبي الله ونعم الوكيل


ذيبه مزاجيه يعطيج العافيه اسئليه وردي علينا

mubarak2
الله يكون بعونك اللي عطوكياه باليمين خذوه باليسار بس زياده دعايه ودعوه للتجار بزيادة الاسعار لان المواطن اصبح من اغنا اغنياء العالم والاكبر دخلاً على مستوى العالم ... كله إعلام × إعلام والضحيه المواطن الغلبان .
الله يكون في عونا وعونك اخوي

[برستيج305]

حسبي الله ونعم الوكيل

[jassim]

بس وزارة البلديه

[الملكي 111]

برستيج305
الله كريم والرزق من المولى عز وجل
ودمت بود


jassim
لا اخوي اذا تشتغل شغله مشابهه وتبي اتعقب تفضل ياطويل العمر
ودمت بود

[بويوسف]

يارجال انت تتكلم عن الوضائف الفنية .. وحال المهندسين اردى .. من الصدمة والظلم محد قادر يتكلم.

[halah]

وش أخبار بدل الإستئجار؟؟

يمشي وألا بيروح مع بدل العمل الإضافي؟؟

الله يكون فعونكم يا مفتشين البلدية

بصراحة انتوا جنود مجهولون فالبلاد شغل الصبح فمكاتبكم وتخليص معاملات الناس

والعصر تفتيش على المحلات والشركات وروحة وردة فسياراتكم الخاصة (واحتمال ما يعطونكم بدل استئجار محترم نظير استخدامكم سياراتكم الخاصة)

يعني وش أكثر من جذي هذا مب عمل اضافي (يعني دوام الصبح ودوام العصر)

عندي سؤال

بعد هذا كله ألا يستحق المفتش بدل العمل الإضافي كاملا؟؟وبدل استئجار معتبر؟؟

اذا كان لا يستحقه فمن يستحقه؟؟

بصراحة الله يعينكم والله يفرجها عليكم

[hamoor4ever]

وش أخبار بدل الإستئجار؟؟

يمشي وألا بيروح مع بدل العمل الإضافي؟؟

الله يكون فعونكم يا مفتشين البلدية

بصراحة انتوا جنود مجهولون فالبلاد شغل الصبح فمكاتبكم وتخليص معاملات الناس

والعصر تفتيش على المحلات والشركات وروحة وردة فسياراتكم الخاصة (واحتمال ما يعطونكم بدل استئجار محترم نظير استخدامكم سياراتكم الخاصة)

يعني وش أكثر من جذي هذا مب عمل اضافي (يعني دوام الصبح ودوام العصر)

عندي سؤال

بعد هذا كله ألا يستحق المفتش بدل العمل الإضافي كاملا؟؟وبدل استئجار معتبر؟؟

اذا كان لا يستحقه فمن يستحقه؟؟

بصراحة الله يعينكم والله يفرجها عليكم


القانون العجيب يقول مايستحقون شي ، سواء شغلج على مكتب او بالحر فالكل متساوي امام القانون الا اذا عندك واسطه وتشتغل في الاماكن المستثناه من القانون مثل قطر فونديشن فأنت يحق لك مالايحق لغيرك من بدل سكن مرتفع وبدلات اخرى مع الراتب