ابي اشتري لابتوب وش تنصحوني فيه [الأرشيف] - منتديات شبكة الأسهم القطرية

مشاهدة النسخة كاملة : ابي اشتري لابتوب وش تنصحوني فيه

حـ ن ـيـ ن

23-05-2009, 10:26 PM

مساء الخير ...

عضوات وأعضاء المنتدى ابي اشتري لابتوب وش تنصحوني فيه ...

ويكون عربي وانجليزي وسعره حلو بين الـ3 والـ4 ويكون حجمه متوسط

فهل من نصيحة :victory:

مشرفين المنتدى بليز لا تنقلون موضوعي للكمبيوتر لأن هنا الأعضاء متواجدين أكثر من هناك ..

حـ ن ـيـ ن

23-05-2009, 10:40 PM

:) ننتظر نصائحكم:anger1:

غير البشر

23-05-2009, 10:40 PM

مساء الخير ...

عضوات وأعضاء المنتدى ابي اشتري لابتوب وش تنصحوني فيه ...

ويكون عربي وانجليزي وسعره حلو بين الـ3 والـ4

فهل من نصيحة :victory:

مشرفين المنتدى بليز لا تنقلون موضوعي للكمبيوتر لأن هنا الأعضاء متواجدين أكثر من هناك ..

تبين عملي وسعره حلو نصيحتي لج

toshiba توشيبا

سداوي&مدريدي

23-05-2009, 10:42 PM

تبين عملي وسعره حلو نصيحتي لج

toshiba توشيبا

:nice:

غير البشر

23-05-2009, 10:46 PM

صور توشيبا

http://up3.m5zn.com/photo/2009/5/23/12/cbb77ogmz.jpg/jpg (http://up3.m5zn.com)

http://up3.m5zn.com/photo/2009/5/23/12/bzvwhq905.jpg/jpg (http://up3.m5zn.com)

أم حمد

23-05-2009, 10:59 PM

لالالالالالالالالالالالالالالا

حد يشتري توشيبا !!

:eek5:

تحملي خذي hp او سوني وانتي مغمضه !!

روحي جرير خذت hp هديه حق زميله تقريبا 4الاف وشي

لكن مواصفاته ممتازه !

خذي لفه هنااا

http://www.shopping.hp.com/notebooks;HHOJSID=yrvSKYJF4K8JYWmsThph8WtWQglhJnZ7 yhG3BJWNJq1fRJrzbLF2!602788157?jumpid=in_R329_prod exp/hhoslp/psg/notebooks

:)

عيون قطر

24-05-2009, 02:06 AM

والله توشيبا شي وتطول البطارية مالته اما hp بطاريته تعبانه ماطول بس كاشكل التوشيبا تعبان بس حق كرف ماله حل التوشيبا والاحسن اشوفه سوني بس اشوي غالي بس الصراحة يستاهل سعره فيه وعندك ديل اكس بي اس هذا النوع وايد زين بس غالي لوتاخذه من امازون احسن

هذلان

24-05-2009, 02:29 AM

:secret:

MAC 2.4 - 13 inch

:victory:

بـن عدوان

24-05-2009, 03:19 AM

توشيبا نوع كوزيمو

او سوني فايو

غيرهم لاتاخذين

نصيحه من مجرب

خيال شمر

24-05-2009, 07:29 AM

صراحه انا كان عندي توشيبا وماشكيت منه يمكن قعد عندي 4 سنيين بدلته باتش بي
تبهدلت ماينفع ... لذلك انصحج بالتوشيبا ... والديل بعد يمدحونه ... مع التحيه

A bin M

24-05-2009, 09:56 AM

sony ,Dell

شـعـشـبـونـه

24-05-2009, 12:51 PM

كل اللي اقدر افيدج فيه ان لاتقربين صوب (الاتش بي) بتتعبييييييييييين منه :(

حـ ن ـيـ ن

24-05-2009, 12:57 PM

للجميع أقول الله يعطيكم العافية ..

يعني رشحتو توشيبا ..سوني ..دل:con2:

بولينجر

24-05-2009, 01:28 PM

للجميع أقول الله يعطيكم العافية ..

يعني رشحتو توشيبا ..سوني ..دل:con2:
وانا اقول لج الثلاث زينين.... شخصيا افضل السوني على الجميع....لكن سعره اغلى شوي لنفس المواصفات تقريبا من توشيبا ودل...
ترتيبهم عندي:
1- سوني
2- توشيبا
3- دل

fhd4

24-05-2009, 02:40 PM

الشباب ما قصروا ..

أنا أقول قبل ما تشوفين نوع اللابتوب ... شوفي مواصفاته .. وبعدين شوفي نوعه .. بس فيه أنواع لا تقربين صوبها ... مثل Acer و LG...

ابتدي في الاشياء اللي تهمج ... مثلا حجم الشاشة ووزن اللابتوب ...

وبعدين شوفي المواصفات المهمة ... أنا أعتقد ان الحين أهم شي هو ... حجم الـ RAM ... وحجم الـ Cash ...

بالنسبة للـ RAM ... لا تاخذين أقل من 2GB ... والـ Cash لا تاخذين أقل من 3MB ..

حجم الهارديسك الصراحة ما أشوفه وايد مهم إلا إذا الواحد يبي يخزن ملفات كبيرة وأفلام في اللابتوب نفسه ... وإلا ممكن تاخذين هارديسك خارجي يكفي ويوفي...

سرعة اللابتوب بعد مو ذاك الفرق الصراحة ... راح تلاقين السرعات تتراوح بين 2.0 و 2.53 بالنسبة للسعر اللي تبينه ...

إذا حددتي المواصفات ... ذيك الساعة قارني بين الانواع اللي لها نفس المواصفات ... عشان تشوفين فرق السعر ...

لأنه ممكن تحصلين لابتوبات لها نفس السعر بس المواصفات فرق السماء والارض ...

أولا السوني:

السوني الصراحة أفضلهم بس أغلاهم ... كل أنواعه ممتازه ما عدا CS ...مستواه عادي ويمكن أقل من الماركات الثانية ...

توشيبا وHP ... نفس المستوى ... بس الـ HP مواصفاته أحسن وسعره أفضل ...

الـ Dell كانت فيه مشاكل بس الحين ما عندي فكره ... بس سمعت انه صار أفضل ... بس اللي أعرفه انه أغلى من الـ HP والـتوشيبا ...

أعيد وأكرر المقارنه لازم تكون بين اللابتوبات لها نفس المواصفات بالضبط ... عشان تكون المقارنة عادلة ...

أم عبووودي

24-05-2009, 02:46 PM

اخي اتفضل وشاهد صور اللابتوبات ومواصفاتك ولكن يأخد وقت لتوصيل
وان شاء الله يعجبوك
http://www.qatarshares.com/vb/showthread.php?p=4195079#post4195079

amal qatar

24-05-2009, 02:58 PM

عن تجربه .. التوشيبا قعد معاي 6 سنوات تقريبا .. ممتاز من كل النواحي

biz-qtr

24-05-2009, 11:51 PM

السوني مب عملي كللللللللش
القدام اي لكن الجداد الحين هاي الملونين وخاصه فئه z و sr تعبانين بالمره

تبين لاب توب تستخدمينه 6 شهور وعقب ينضرب كرت الصوت او المذر بورد اخذي اللمتد اديشن ال hp والا سوني

الاب توبات اللي تستحمل الكرف التوشيبا و الديل هاي اللي اعرفه لكن السوني لالالالالالالا ما يستحمل كلش

واذا لج بارض تتعلمين ع نظام جديد اخذي الماك صج صج جهاااااز وتعافين غيره طبعا اذا عرفتي له

لجين قطر

25-05-2009, 01:50 AM

اخذي شي رخيص اذا خرب ماتندمين عليه

شبيــه الريح

25-05-2009, 03:10 AM

وانا اقول لج الثلاث زينين.... شخصيا افضل السوني على الجميع....لكن سعره اغلى شوي لنفس المواصفات تقريبا من توشيبا ودل...
ترتيبهم عندي:
1- سوني
2- توشيبا
3- دل

نفس الترتيب عندي ولو افضل التوشيبا لاني مجربه من قبل واشوفه احسن من السوني

شبيــه الريح

25-05-2009, 03:12 AM

شوفي هذا بيعجبج اكيد

http://www.qatarshares.com/vb/showthread.php?t=261394&page=3

وسعره فيه والله لو مب زايد عندي مابعته

blueZircon

25-05-2009, 04:05 AM

هذلان

25-05-2009, 04:22 AM

الشباب ماقصروا

لكن انا حالياً محتار بين كذا لاب توب واهم شئ عندي الادائيه بغض النظر عن المواصفات , فبعد دراسه سويتها طلع لي الافضل ان اشتري ماك بوك أبل واركب عليه الوندوز وبالتالي راح يكون عندي نظامين في جهاز واحد نظام الوندوز والماك . صحيح ان الماك بوك شوي سعره غالي 6000 وفوق لكن الصراحه سعره فيه كجوده واائيه ومواصفات ووضوح وكلشئ

نصيحه اخيره , لاتاخذين كمبيوتر صناعته صينينه او كوريه. عليج بالياباني او الامريكي

وبالتوفيق ان شاءالله

السلام عليكم

انا ذكرت في هالموضوع جهاز mac 2.4 شاشه ١٣ هذا لايعلا عليه و الرام ٣ ولا ٤
انا استخدم حاليا ماك و مركب عليه وينوز فيستا لكن ما شاء الله طياره
بعد فتره صارت عندي مشاكل بطء و فيروسات في الوينوز و شغلته على الماك و للحين انا على الماك و احس صعب ارجع للوينوز

بوجاسم566

25-05-2009, 09:43 AM

توشيبا نوع كوزيمو

او سوني فايو

غيرهم لاتاخذين

نصيحه من مجرب

:nice:

:nice:

تاجرة قطرية

25-05-2009, 11:10 AM

Hp سئ بكل القاسات

الحين باخذ لي سوني او توشيبا

الكاسر99

25-05-2009, 02:13 PM

عليك أختي بالتوشيبا

والديل ممتاز

سمعت أن ال hp تعبان

وأعرف واحد من ربعي عنده سوني أحترق عنده الهارد دسك مرتين

وقطع غيار السوني التابع للبيت الحديث غير متوفره

جاسم القطري

25-05-2009, 02:58 PM

sony vaio

or

DELL

والارخص dell
ماعليه كلام سعره زين ويستحمل الحك

ونصيحه ابتعدي عن hp

شبيــه الريح

25-05-2009, 03:37 PM

والله في ماركه بس لو لها وكيل صح بقطر بتمشي مثل العسل الasus

والله لاب توبات ماعليها كلام ونوعيه مضمونه وخصوصا انه امريكي

سويسرا

25-05-2009, 06:37 PM

توشيــبا بالراااااااااااااااااااحه

شبيــه الريح

20-06-2009, 03:35 PM

السوني بالاول وبعدين توشيبا وبعدين دل الماركات الثانيه ابتعدي عنها

ramy72

22-06-2009, 02:26 PM

ما الك غير التوشبا سالايت....

شوكلاته

24-06-2009, 02:08 AM

صراحه انا كان عندي توشيبا وماشكيت منه يمكن قعد عندي 4 سنيين بدلته باتش بي
تبهدلت ماينفع ... لذلك انصحج بالتوشيبا

انا نفس الحاله
والحين تجربتي الجديده مع الـ MacBook Air ومضمونه تجربه الماك
لكن نظراً للسعر اللى حطيتيه فـ اعطيج غرنتي التوشيبا هو الافضل وعملي جداً

Msh3l

24-06-2009, 04:11 AM

توشييييييييبا بلا مناازع .. توشيبا وتيوتا للأبد نيهاهاهاهاها .. :p

!الشايمه!

26-06-2009, 06:56 AM

انا اشوف كل اللاب توبات..نفس الشئ...الاهم مميزات الجهاز نفسه...

وبصراحة... جرير......وايد مجرمين.....اسعارهم غاليه ع الفاضي

وحتى شنطه للاب توب مايعطونك:anger1:

كارفور شزينهم..اسعارهم حلوه...عادي يعطونك شنطه فري...تفتح

كرتون اللاب تلقى شنطه ثانيه وياه هههههههههههههه

وحق كمبيوترات الماك.....عليكم باوفيس ون.....في الرويال بلازا<< كلموا

عامر...اما فيرجن اسعارهم اعلى شوي...ولازم تسالون عن كل

شي لا يوهقونكم...بكيبورد مب عربي......!! <<< بس شنط اللاب توب

عندهم حلوه وايد :)

تحية

راعي النيسان

26-06-2009, 07:26 AM

من واقع تجربة انا صار لي الحين خمس او اربع سنوات على لاب توب HP وما شكيت منه .. ليش ؟

لانه المواصفات اهي اللي تلعب دور بأدء الكمبيوتر وليس اعتمادا على اسمه وتصنيعه .. بذاك الوقت يوم اخذت الاتش بي كان قنبلة عصره صحيح بوقته كان سعره غالي بس عرفت انه المواصفات اللي باخذها اليوم راح تخدمني في المستقبل القريب ..

اهم شي ثلاث شغلات اذا قررت تشتري اللابتوب اعتمد على هذه المواصفات :

تأكدي أن المعالج الخاص بالكمبيوتر Intel core due2 هذا المعالج يعتبر حاليا اخر نوع وافضل الانواع يتميز بانه ممكن يفتح جميع البرامج دفعة واحدة بدون بطء وظغط على الكمبيوتر نفسه ،، وهو نفس اللي يركب على كمبيوترات الماك حاليا ..

الرام : تأكد بانه الرام اقل شي اهو 2 جيجا ،، ولو اني انصح انه الواحد يشتري 4 جيجا لانه كل البرامج الجديدة والمحدثة صارت تتطلب العمل على رام 4 جيجا نتيجة لكبر حجمها وكثرة تطبيقاتها .

الثالثة والأهم بوجهة بظري الخاص : مجرد انك تشتري الابتوب احذف ويندوز الفيستا ،، وركب الاكسبي ،، بعض من البرامج لحد هذه اللحظة ما تشتغل على الفيستا ،، وبعدين احسه مش عملي لانه لحد اللان اسمع انه بعض الناس تشتكي من أداهء .

shaikha ma

26-06-2009, 10:43 AM

انا اجووف ماك بوك ... الصراحه انا قبل كنت ضد ماك بس الحين لما شريته

واااااايد ارتحت عليه ،، واحس احسن من الابتوبات الثانيه ..

واللي يقولك لا انا جربته ومب شي ومادري وشو... ترى ماعرف له عدل .. انا من البدايه كنت جي ..

بس لما عرفت حق الكمبيوتر الصراااحه عجيييييييييب .. وماقدر استغنى عنه ..

السني 73

26-06-2009, 02:35 PM

ما الك غير التوشبا سالايت....

:nice::nice::nice: