المساعد الشخصي الرقمي

مشاهدة النسخة كاملة : ابى مشورتكم


مافيا قطر
24-05-2009, 01:38 AM
انا شباب ماخذ سلفه من البنك البريطانى وعندى بطاقات وبغيت انقل من البنك النحس هذه ايش رايكم اصبر لين ما تخلص سلفيتى ولا انقل بنك ثانى وايش بنك احسن فى البنك وبغيت اسلامى لو احسن رغم سلفتى صارلها ستنين وباقى 5 سنين وتخلص ومحتار الصراحه اخاف انقل اخسر كل اللى دفعته فى سنتين
ريان
24-05-2009, 01:50 AM
انقل لبنك اسلامي وتوكل على الله وستلاحظ الفرق في بركه الراتب

والله يوفقك لما يحبه ويرضاه
هذلان
24-05-2009, 01:54 AM
انقل لبنك اسلامي وتوكل على الله وستلاحظ الفرق في بركه الراتب

والله يوفقك لما يحبه ويرضاه

هذا هو الشور الطيب

اخوي انا كنت مثلك و في البريطاني كان راتبي يطير ولا ادري وين يروح لين ماجاني واحد و نصحني بهالنصيحه وكان شوره طيب
توكل على الله و انقل للمصرف راح ترتاح بعون الله . وابتعد عن الربا و انا اخوك تراه شي مهب بسيط. الله يعفي عنا و عنك
مافيا قطر
24-05-2009, 01:55 AM
ماقصرت اخوى على رايك ونشوف باقى الاعضاء والاخوان وما خاب من استشار
بوخليفة3
24-05-2009, 01:57 AM
الشيخ البنك الاسلامي ماعتقد يشتري سلفيتك
واذا شراها من البنك البريطاني مثل ماقلت انت راح تخسر كل اللي دفعته لان البنك يبغي فايدته
لان مثلا لو عليك 300 الف
البنك راح يدفعها انزين وين فايدته؟؟
اكيد بيزيد عليك المبلغ وماظنتي سلفيتك بتخلص عقب 5 سنوات لان الفوايد في هالبنوك دايما تزيد ماتنقص
حاول انك تسدد على دفعات
وبالتوفيق الشيخ
مافيا قطر
24-05-2009, 01:59 AM
بو خليفه 3 متاكد انه سلفيتى بتخلص عقب 5 سنين بالظبط لانى ماخذها على القانون الجديد 7 بس
بوخليفة3
24-05-2009, 02:08 AM
بو خليفه 3 متاكد انه سلفيتى بتخلص عقب 5 سنين بالظبط لانى ماخذها على القانون الجديد 7 بس

اوكي وحتى لو خلصت ماعتقد ان البنك بيشتري سلفيتك
اقصد البنك الاسلامي
احسن حل انك تسدد على دفعات وتسكر المديونية
انت كم قسطك؟
هذلان
24-05-2009, 02:13 AM
يا شباب حتى لو خذو منك فوايد
هذا ربا . من ترك شيء لله اعاضه الله خيرا منه

الله يعينك سدد من وين ماكان حتى لو زادت سلفتك ولا الربا