مشاهدة النسخة كاملة : من هم هالملثمين في شوارعنا ؟؟؟؟؟؟ من وراهم؟ وليه النظاره السوداء على اعينهم ؟
ويلاه
25-05-2009, 01:33 AM
اكيد لفت انتباهك مره باص مر بجانبك فيه عمال وست عمال ملثمين ولابسين نظارات سوداء والباص ماشي بالشارع ؟
اكيد لفت انتباهك اسيوي بين عمارات الدفنه متلثم بلثمه مفصله لغرض اخفاء معالم الوجه ونظارات سوداء كبيره وهو يدور بين براميل الزباله ( اعزكم الله ) ويجمع علب البيبسي والميرندا الفارغه؟
اكيد لفت انتباهك اربع عمال تحت الحراره الشديده وهم متلثمين ولابسين نظارات سوداء كبيره ويعملون وهذا حالهم بعد في البرد ؟
اكيد لفت انتباهك هالغريب الملثم يقود سياره مسرع ولابس نظاره ؟
منهم ياترى ؟
اعدادهم بالمئات ؟
منتشرين بكل مدينه ؟
ايش بتقول عنهم ؟
بتقول : متلثمين خوفا من الغبار؟
طيب وليه زملائهم مب متلثمين ؟ وليه متلثم وهو يمشي بالشارع وهو بالسياره وهو بالباص بكروه ؟
باصات من الخور كل صبح تتجه للدوحه عمال في كل باص لازم ملثم او اثنين او ثلاثه
من الوكره
من دخان
منهم ؟
ياترى هال ملثمين شامين شئ ملوث في قطر احنا ماندري عنه؟
هل بقطر تلوث ماهو ببلادهم النظيفه والخاليه من الغبار والدخان والتلوث؟
ماهو السر ؟
حتى بالحدائق نشوفهم منتشرين
هل هي ظاهره جديده على بلادنا الحبيبه
ام خطر محدق بنا ونحن غافلون ؟
الجهات المعنيه بالدوله نبي اجابه ....
اخواني اخواتي شاركونا الراي
فتحوا عيونكم حول بيوتكم
كثيرة السرقات والسارق غير معروف
كثر الهاربون من العماله ولا نلقاهم
من المسؤول ومن المتستر
ارجوكم ابي ملاحظاتكم حول الموضوع وان شاء الله انزل لكم صور تعدعم الموضوع
شكرا مقدما لكم
OTOsan
25-05-2009, 02:32 AM
نستطيع ان نجرب .. ونحل محلهم يوما واحدا في عملهم .. تحت شمس الظهيرة ، وفي اجواء الغبار الكاتمة .. لنستطيع ان نكتشف لماذا هم ملثمون !!
لا اظن انهم يتلثمون للهروب من كفيل .. بقدر ماهم يتلثمون للهروب من شظف الحياة ولقمة العيش القاسيه ، فهل نحرمهم هذا اللثام الذي لايقيهم مايريدون ان يتقوا منه الا بالقليل !!
مع الشكر ،،
ويلاه
25-05-2009, 02:38 AM
اخوي انا مهتمه بالامر كثير ولي سنه اراقب الوضع ليس لشي الا اني ابي اعرف ماهيتهم
اخوي معليه البس انت اللثام هذا ووقف تحت الشمس وغط عيونك اوكي في الصيف واللثام كنه شراع مكرر على الوجه وعيونك عليها نظاره مايشلها الوجه هل تقدر تتنفس؟ جرب؟
اوكي بنقول حر طيب ليه بالباص مايفصخه ويتنفس؟
طيب بالشتاء وش بتقول بعد هل من كثرة الثلوج عندنا بيغطي وجهه من البروده
طيب زملائهم ليه مايحسون بالحر والبرد ؟
الله يعطيك العافيه
جليســــة القــــرآن
25-05-2009, 02:42 AM
الله أعلم
القلب المؤمن
25-05-2009, 02:47 AM
:eek5: مادري عن العمال ..بس في السنوات الاخيرة ..جو الدوحة فيه تلوث ....
والدليل ...تزايد عدد حالات السرطان !! والغريب زمان كانوا مرضى السرطان من عمر 50+
الحين تشوف مرضى سرطان أعمارهم 17 سنة !!!!!!! وبأعداد كبيرة بالدوحة وسط دهشة الاطباء والكل يتساءل ليش هذي الظاهرة الغريبة ؟؟؟؟؟؟
شي ثاني ..زيادة أمراض الجهاز التنفسي بشكل ملحوظ وأولها الربو ..اللي صار ماينولد طفل الا وعنده أعراض ربو ؟؟؟؟؟؟
شي ثالث ...انتشر بالاونة الاخيرة نوع غريب من التهاب الحنجرة والسخونة المعندة على العلاج ..يعني زمان تمرض بدون ماتاخذ مضاد حيوي وتشرب عصير برتقال-ليمون تتحسن بس الحين لازم مضاد حيوي وبعد ..مايفيدك وتروح تغيره بمضاد أقوى !! :anger1:
تلوث ملحوظ بس الكل :secret:
وماخفي أعظم ..
قطر دزاين
25-05-2009, 03:56 AM
هذي موضه
نفس موضه الشار لستن
والزلف اللي واصل نص الوجه
ونفس تربيه الشعر
مصيرها للزوال
شويهينــه
25-05-2009, 07:15 AM
:eek5::eek5::eek5:
الله يهداج خليتيني اوسوس
بروحي بس اشوفهم اتاكد اذا باب السياره مقفل او لا
وماحب اوقف احذا باص متروس عمال احس نظراتهم تخوف:no:
ALREEM
25-05-2009, 07:24 AM
والله مايندرى ومهما كانت نواياهم مايسعنا نقول الا الله يحفظنا ويحفظ لنا بلادنا
يعطيج العافيه ..
مسلمة
25-05-2009, 07:51 AM
نستطيع ان نجرب .. ونحل محلهم يوما واحدا في عملهم .. تحت شمس الظهيرة ، وفي اجواء الغبار الكاتمة .. لنستطيع ان نكتشف لماذا هم ملثمون !!
لا اظن انهم يتلثمون للهروب من كفيل .. بقدر ماهم يتلثمون للهروب من شظف الحياة ولقمة العيش القاسيه ، فهل نحرمهم هذا اللثام الذي لايقيهم مايريدون ان يتقوا منه الا بالقليل !!
مع الشكر ،،
أنا بعد أحس أن قسوة ظروف الجو هي التي تدفعهم لذلك ،وربما البعض منهم هاي طريقة لبسه ، بالجزيرة يحطون البدو في المغرب العربي رجالهم دوم متلثمين :)
كاتم الاسرار
25-05-2009, 07:56 AM
يعطيج العافيه على الموضوع
abdulla999
25-05-2009, 08:10 AM
ستر زين
شكراً على الموضوع
بو الجوري
25-05-2009, 08:25 AM
هلا .. السبب هو تجنب ظربة الشمس .. وبس
يغطون وجيهم براحتهم
بس على الاقل اللي يبي يتلثم يعلق بطاقه تعريفيه على قميصه وفيها صورته وااااااااااضحه للتأكد منه من قبل الجهات الامنيه...
pinky
25-05-2009, 12:29 PM
يغطون وجيهم براحتهم
بس على الاقل اللي يبي يتلثم يعلق بطاقه تعريفيه على قميصه وفيها صورته وااااااااااضحه للتأكد منه من قبل الجهات الامنيه...
:nice: شدراكم يمكن هاي العماله الهاربه
البرجوازي
25-05-2009, 01:39 PM
اختي الكريمه هذي الحركه يسوونها بعض العمال من جنسيات معينه مثل الفلبين النيبال لانهم مايتحملون مثل غيرهم خاصة من الغبار واشعة الشمس القويه في الصيف او الشتاء . لكن مثال اخوانا البتان والبنغال عادي ولا يفتكر
سفير القلم
25-05-2009, 01:48 PM
بعض الشعوب هذه هي ثقافتهم وعادتهم
ويجب علينا احترامها
عندنا المرأة أيضا تغطي وجهها وهذا عندهم غريب جدًا
كل شعب له ثقافة وعادات تختلف عن الشعوب الأخرى
eXpert*
25-05-2009, 02:59 PM
اللثام عن الغبار والهواء الحار ،، فلذلك يضع اللثام التى مع قطرات العرق ونسمات الهواء تبرد على كلاً من الجهاز التنفسيّ وعلى وجهة العامل في نفس الوقت.
الموضوع مب سالفة تخفي ،، بقدر ماهو أداة للاعانه على الكفاح في ظل الظروف المناخية لدولة قطر . من حرارة ورطوبة وغبار.
سؤال : لو الحين مسكت ملثم و وديته الشرطة وطلع نظامي لا مطلوب ولا شي واقامته سارية المفعول ؟ هل بيتغير مفهومج ونظرتج ؟
ويلاه
25-05-2009, 03:48 PM
:eek5: مادري عن العمال ..بس في السنوات الاخيرة ..جو الدوحة فيه تلوث ....
والدليل ...تزايد عدد حالات السرطان !! والغريب زمان كانوا مرضى السرطان من عمر 50+
الحين تشوف مرضى سرطان أعمارهم 17 سنة !!!!!!! وبأعداد كبيرة بالدوحة وسط دهشة الاطباء والكل يتساءل ليش هذي الظاهرة الغريبة ؟؟؟؟؟؟
شي ثاني ..زيادة أمراض الجهاز التنفسي بشكل ملحوظ وأولها الربو ..اللي صار ماينولد طفل الا وعنده أعراض ربو ؟؟؟؟؟؟
شي ثالث ...انتشر بالاونة الاخيرة نوع غريب من التهاب الحنجرة والسخونة المعندة على العلاج ..يعني زمان تمرض بدون ماتاخذ مضاد حيوي وتشرب عصير برتقال-ليمون تتحسن بس الحين لازم مضاد حيوي وبعد ..مايفيدك وتروح تغيره بمضاد أقوى !! :anger1:
تلوث ملحوظ بس الكل :secret:
وماخفي أعظم ..
شكرا لمشاركتك الطيبه
لكن اكيد مب هالسبب والا كان اهل قطر اولى باللثمه في قطر
وصدقت ماخفي اعظم ولو تكون هناك جهه تتابع الوضع وتبحث لعرفنا الغرض من هالمنظر الغريب
شكرا لمرورك
ويلاه
25-05-2009, 03:48 PM
الله أعلم
شكرا للمرور والتعليق
ويلاه
25-05-2009, 03:50 PM
هذي موضه
نفس موضه الشار لستن
والزلف اللي واصل نص الوجه
ونفس تربيه الشعر
مصيرها للزوال
الله يرحم ايام تلك الموضه اللي كانت على حلها
لكن مااعتقد والا كان شباب قطر هم من سوف يجربونها لانهم جربوا الشار لستن والزلف
وجعلة للزوال قل امين
شكرا لك على المرور والتقليق
ويلاه
25-05-2009, 03:55 PM
:eek5::eek5::eek5:
الله يهداج خليتيني اوسوس
بروحي بس اشوفهم اتاكد اذا باب السياره مقفل او لا
وماحب اوقف احذا باص متروس عمال احس نظراتهم تخوف:no:
سم الله عليج من الخوف ويقولوا بالامثال من خاف سلم :)
بس بقولك لو مثلا حد سرق من بيتك او بيت جيرانكم والعمال اللي بالشارع واحد منهم السارق وشافته الخادمه وهو يهرب وملثم ودخل بين هالعمال
وجات الشرطه واخذت اقوال الخادمه وفك الاخ اللثمه هل الخادمه بتعرف من منهم ا لسارق ؟
وياكثر العمال حول البيوت وملثمين
هالملثمين ماهم الا عماله هاربه ولو اهل الاختصاص وقفوا على كل شركه وطالبوا الكفيل بكشف اسماء وبطاقات عمل تعلق برقبة كل عامل كان ماشفنا هالعماله الهاربه
اجل بعد ايش رايك بشاحنه بها منظر اسيوي متلثم وبنظاره سوداء ومسرع سرعه جنونيه ايش بتقولي ولما بيسوي حادث على طول بيهرب ولا حد عارف منهم ولما يجي صاحب الشاحنه راح يجي بواحد على كفالته ويقول خاف وهرب
والدليل حوادث الشاحنات التي كثرت بشكل ملحوظ بشوارعنا والسبب سائقين برخصه خفيفه يهربون ويعملون بالشركات ويسوقوا شواحن وهم مب مكلفين
شكرا لمشاركتك ومروروك الطيب
ويلاه
25-05-2009, 03:56 PM
والله مايندرى ومهما كانت نواياهم مايسعنا نقول الا الله يحفظنا ويحفظ لنا بلادنا
يعطيج العافيه ..
امين
شكرا لمرورك الطيب
ويلاه
25-05-2009, 03:59 PM
أنا بعد أحس أن قسوة ظروف الجو هي التي تدفعهم لذلك ،وربما البعض منهم هاي طريقة لبسه ، بالجزيرة يحطون البدو في المغرب العربي رجالهم دوم متلثمين :)
ياسلام يااختي يعني ظروف الجو ببلادهم جنه :)
وبالمغرب هذه عادات وتقاليد الرجل يتلثم والمراه لا لان كان قديما يشاركون بالغزوات فيكون الفارس مغطي وجهه حتى ما يعرفه عدوه واصبحت عاده وتقاليد
لكن هذولا اتحدى ان كانوا ببلادهم او بدوله منظمه العماله يسوون هاللثمه والنظاره
وانا جمعت بعض الصور بنزلها حتى وهم بالباص متلثمين
الله يحفظنا وياكم يارب
شكرا على المشاركه
ويلاه
25-05-2009, 04:00 PM
يعطيج العافيه على الموضوع
يعطيك العافيه على المرور والاطلاع
ويلاه
25-05-2009, 04:01 PM
ستر زين
شكراً على الموضوع
اي والله الستر زين لكن لمن ؟
لمن هو اواهم واستغلهم لكن الله يكشف عنهم يارب
شكرا على مرورك واطلاعك
ويلاه
25-05-2009, 04:02 PM
هلا .. السبب هو تجنب ظربة الشمس .. وبس
اهلين
ضربة شمس معليه تحت الشمس لكن العصر وفي باص وفي شاحنه مكيفه كيف تكون ضربة شمس طيب وبعز الشتاء ايش نقول ؟
شكرا على المرور والتعليق
ويلاه
25-05-2009, 04:04 PM
يغطون وجيهم براحتهم
بس على الاقل اللي يبي يتلثم يعلق بطاقه تعريفيه على قميصه وفيها صورته وااااااااااضحه للتأكد منه من قبل الجهات الامنيه...
عليك نور بس من تحكي له ؟
الكل ماهو شغله ولا يهمه حد ما يطيح الفاس بالراس
شكرا على مرورك وتعليقك
سويسرا
25-05-2009, 04:04 PM
السلام عليكم
بصراحه انا اشوف بعض المرات
بس اللي متأكده منه ان غالبيتهم هروب من الكفيل
او مطلوب في قضية سرقه
والبعض طبعهم كذا
والله اعلم
بس بصراحه موضوع السرقات هالايام زادت لان مافي رادع قوي
قسما بالله لو يحكمون ع السارق بقطع اليد
وينفدون الحكم في مكان عام وباعلان رسمي
كان الكل سوى الف حساب قبل ما يرتكب جريمه
بس احنا الطيبه عافستنا كله ابعاد وبس...
الله كريم ان شاء الله
ويلاه
25-05-2009, 04:05 PM
:nice: شدراكم يمكن هاي العماله الهاربه
نقول الهاربه
نقول السارقه
نقول ايش بعد ...... الله يستر
شكرا على مرورك وتعليقك
hemoud123
25-05-2009, 04:09 PM
في احد الدول التي يحكمها نظام دكتاتوري : قالوا لزوجة الرئيس ان هناك من يموت من الجوع لانهم لايجدون الخبز, عندها ردت باستغراب: ولماذا لا ياكلون كنتاكي او بيرغر كنغ؟
هؤلاء العمال ياتون من دول الطقس معتدل طوال العام , وعندما ياتون الى قطر يفاجأون بالحرارة الغير مطاقه لذا تجدهم يغطون وجوههم ويرشون انفسهم بالماء
ويلاه
25-05-2009, 04:14 PM
اختي الكريمه هذي الحركه يسوونها بعض العمال من جنسيات معينه مثل الفلبين النيبال لانهم مايتحملون مثل غيرهم خاصة من الغبار واشعة الشمس القويه في الصيف او الشتاء . لكن مثال اخوانا البتان والبنغال عادي ولا يفتكر
ماتضحكوا علي .....مره شفت واحد يجمع بعلب فاضيه وحدثته وانا بالسياره ليه متلثم اش فيك كذا لابس فك اللثمه طلع هندي قلت وين كفيلك ليه تلم زباله والشاهد الله انه صار يمشي سريع ودخل وسط عمال كثار في احد شوارع الابراج بالدفنه وكأن الطير على راسه
مب سالفه بتان او بنغال لا سالفه اقامه مخالفه او هروب من الكفيل مايبي لها تفكير ومن هالشي يترتب اشياء كثيره مثل الجرائم والسرقات والانتحار والقتل
تقول احدى ا لسيدات انها هرب منها سائق وبنفس اليوم دق عليها سايق من الشارع قال انا فيه دريول تبي قالت فيه ورقه من الكفيل قال لا رفضت لكن من مرارة انها مالاقت حد يسوق بهم
اعادة الاتصال عليه وفعلا جاء واشتغل عندها لانها مضطره تقول مارتحت وثالث يوم حاسبته وطردته من البيت قال بس ابي يوم حتى القى شغل لما طلع من غرفة السايق راحت وفتشت في اغراضه اللي جابها لقت كيس فيه عشرات المفاتيح ولقت لاب توب ووصلة انتر نت طويله
هل هذا دريول عادي او كان يشتغل سايق ....؟
ام هو حريف ومتمرس سطو ونت
الله يستر بس
اما البتاني مااعتقد انه يقبل يخبي وجهه لانه عيب عندهم والبنغالي مع الخيل ياشقرى
شكرا لمرورك الطيب ومشاركتك
ويلاه
25-05-2009, 04:16 PM
بعض الشعوب هذه هي ثقافتهم وعادتهم
ويجب علينا احترامها
عندنا المرأة أيضا تغطي وجهها وهذا عندهم غريب جدًا
كل شعب له ثقافة وعادات تختلف عن الشعوب الأخرى
ايه صادق لما تقول عن بلاد المغرب
لكن انت شفت هندي بالهند متلثم الا بافلام القتل والسرقه والنهب
يالبى قلوب اهل قطر البيضاء اللي هذا تفكيرهم عز الله نثقافه اللثمه للمقيمين
شكرا لك
PoBox
25-05-2009, 04:24 PM
*
*
*
من كل شي تسوون قضية :rolleyes2:
تركتوا المفاصيخ من الاجانب وحطيتوا على هالمساكين بسبة اللثام
على الاقل مخفي احسن من عاري بكل حال:rolleyes2:
حالتهم في الباصات اللي متلثم ، اللي شايل لبسه من الحر
اللي حاط غترة على خصره بعد انتهاء الدوام
اللي مرقع ملابسه بقطعة لونها مختلف
اللي نايم على كتف جاره ،
اللي متلحف الرصيف بانتظار سيارة الشركة
في مجرمين ، في هاربين في في في
شالوا اللثام خلاص ، استتب الامن ؟:omen2:
ويلاه
25-05-2009, 04:26 PM
اللثام عن الغبار والهواء الحار ،، فلذلك يضع اللثام التى مع قطرات العرق ونسمات الهواء تبرد على كلاً من الجهاز التنفسيّ وعلى وجهة العامل في نفس الوقت.
طيب لكن لما تكون درجة الحراره مرتفعه وهو حاط لثام مخاط بشكل ولا نسمه هواء تدخله ولابس نظاره كبر الصحن كيف بيتنفس ؟؟؟
هاللثمه ماتعرق النظاره ماتعرق طيب بالباص وفي الظل ليه لابسها
ليه زملائه مب مثله بس هو مولود في الريف الفرنسي مايستحمل بقطر ؟؟
الموضوع مب سالفة تخفي ،، بقدر ماهو أداة للاعانه على الكفاح في ظل الظروف المناخية لدولة قطر . من حرارة ورطوبة وغبار.
الله يعينه يارب جاي هوه من بلاد مره صاير بها مثل القطنه من كثر برادها ونظافتها وقلة تلوثها وجاء لقطر حتى ينهض بلثمته في ارضها ....لا والله الا هو متستر خلف هالقناع والدليل العماله الهاربه كل يوم بالعشرات ولا حد قال لقينا العامل الهارب او حتى عرفنا وينه ...!
سؤال : لو الحين مسكت ملثم و وديته الشرطة وطلع نظامي لا مطلوب ولا شي واقامته سارية المفعول ؟ هل بيتغير مفهومج ونظرتج ؟
مفهومي ونظرتي بتتغير لما اشوف كل عامل له بطاقه تعريفيه
مفهومي ونظرتي بتتغير لما اشوف قانون يردع من هاللثمه وهالنظاره اللي صايره معلم من معالم قطر
مفهومي ونظرتي ببتغير لما هالعماله الهاربه والتي يتستر عليها من لا يخاف الله ويستقلها ويجعلها اداة اجرام في بلادي
مفهومي ونظرتي بتتغير لما امشي وانا ماحمل علامة تعجب وخوف من عيون تراقب خلف هاللثمه والنظاره
شكرا لك على المشاركه
ويلاه
25-05-2009, 04:33 PM
*
*
*
من كل شي تسوون قضية :rolleyes2:
تركتوا المفاصيخ من الاجانب وحطيتوا على هالمساكين بسبة اللثام
على الاقل مخفي احسن من عاري بكل حال:rolleyes2:
حالتهم في الباصات اللي متلثم ، اللي شايل لبسه من الحر
اللي حاط غترة على خصره بعد انتهاء الدوام
اللي مرقع ملابسه بقطعة لونها مختلف
اللي نايم على كتف جاره ،
اللي متلحف الرصيف بانتظار سيارة الشركة
في مجرمين ، في هاربين في في في
شالوا اللثام خلاص ، استتب الامن ؟:omen2:
انت مع لثمتهم ؟
يعني عادي عندك الوضع ؟
مب سالفه شالوا اللثمه واستتب الامن
في الامارات عماله هاربه
في السعوديه
في الكويت
هل هناك لثمه ؟؟؟؟؟؟؟؟؟؟
هل شفت مثل ماهو بشوارعنا ؟
نطالب بان تشال اللثمه والنظاره وتدرس حالتهم ويعطون بطاقات تعريفيه
على الاقل مادام انكم رجال وما عليكم من لثمتهم احنا النساء مانخاف وعيونهم تحدق بنا وبسياراتنا وبيوتنا
ان كان مب هامك غيرك مهتم
والوضع مب وضع لثمه ونظاره الوضع الغرض ايش هو ان كانت هاللثمه صيف وشتاء
الله يحمي قطر واهلها
وشكرا لك على المشاركه
Powered by vBulletin® Version 4.2.5 Copyright © 2024 vBulletin Solutions Inc. All rights reserved.