حصر الدفع ببطاقات الفيزا لدى الجهات الرسمية يعسر على المراجعين

[الحلال فقط]

http://img30.imageshack.us/img30/4886/93158769.jpg

من جريدة الشرق

[سهم مديون]

عادي يشوف احد يعطف عليه يعطيه كاش ويسحب ببطاقته :victory:

[Grnas]

الله يرحم أيام الطابع

[PoBox]

*
*
*

بالعكس هذا تسهيل على الناس
وياليت حتى في البقالة بعد مايقبلون الا بالبطاقات
وأأمن عن السرقة من الكاشير وترتيب الحسابات ومطابقة الكاش بالفواتير


نظرا لوجود شياب او كبار سن و و و
الحل بطاقة تعبئة تباع بنفس المكان نفس الطوابع
الى ان تنحل المشكلة بعد 20 سنة ويكون للكل بطاقة فيزا او ماستر وبطاقة بنك

[فتى الجود]

عادى مرة ماكان في بطاقتي افلوس
وجاني العامل وقالي تعطيني 10 ريال أزيادة

وأدفعلك معاملتتك وأخلصك

عطيتة

لكن
هل هذا حق ؟

أحنا في قطر كل شي نخلي الوافدين يستغلونه فية


ومن وين دشت علينا هالعادة ؟!

من الوافدين المحترميين
وبمساعده من جهات الأختصاص

[FULL]

يعني الحين المراجع يروح للهيئة او الوزارة علشان يخلص معاملة ، ويعرف انهم يستعملون البطاقات ، ومع ذلك يروح بدون مايشحن بطاقته برصيد ؟

هل مازال هناك اصلا من يعمل ولا يملك بطاقة atm ؟
او انه خاش الفلوس تحت السرير ؟

[Sharshooooor]

*
*
*

بالعكس هذا تسهيل على الناس
وياليت حتى في البقالة بعد مايقبلون الا بالبطاقات
وأأمن عن السرقة من الكاشير وترتيب الحسابات ومطابقة الكاش بالفواتير


نظرا لوجود شياب او كبار سن و و و
الحل بطاقة تعبئة تباع بنفس المكان نفس الطوابع
الى ان تنحل المشكلة بعد 20 سنة ويكون للكل بطاقة فيزا او ماستر


ماشالله عليك ماخليت لنا كلام نقدر نقولة كفيت ووفيت
انا معاك 100%
والشرق ماعندها سالفة بهالموضوع
واللي ماعنده كاش اكيد ماعنده في البطاقة بعد
عمرها ماكانت البطاقة عائق للناس وممكن استخدام البطاقة العادية بدل الفيزا (عن الحلال والحرام)
والمفروض انحلت هالمشكلة من زمان ماننطر بعد 20 سنه قدام لحلها

[hamoor4ever]

ماعندهم سالفه في اوروبا اللي يروح ماكدونالدز يدفعون بالبطاقه ويصبون بترول بالبطاقه للاسف احنا للحين عندنا ناس تستخدم الكاش مع ان الاي تي ام امن للشركات وللافراد للاستخدام بدل مايتقدمون يبون يرجعون للخلف

[م. عبدالعزيز]

بطاقة الصراف او الvisa لها مزايا ولها سلبيات

المزايا:
1- ماتضطر تشيل الفلوس وتترس البوك
2- تدفع بكل سهوله وبدقايق
3- آمنه .. (لو انسرقت لا قدر الله تتصل على البنك يكنسلونها علطول) + (البطاقة عليها باسوورد)

السلبيات:
1- ماتخليك تحس بطعم الحياه :p
2- لو فيزا من بنك غير اسلامي يذبحونك بالفوايد

[الحلال فقط]

الأفضل ان يكون خيار الدفع متاحا بالفيزا او بالكاش وعدم حصره باحدهما
احيانا يكون معك كاش وبطاقة الفيزا غير حاملها او العكس
رأيت احدى الموظفات في المرور مخصصة بطاقة وكاتبة عليها اسم ( سبيل ) مخصصيتها لمن ليس معه بطاقة حتى لا تتعطل معاملته