جيت بتزوج وطلعت علي جنبية وش طولها !!

[WINNER]

تقدمت ابي اتزوج وحده من بنات الناس وافقوا علي مبدئياً وقالوا لي برد عليك بعد اسبوع
بعد اسبوع عطوني الموافقه بعد ماسئلوا عني والحمد لله سمعتي وسمعت عائلتي ممتازه

قبل الملكه بيومين جاني اربعه اشخاص عند بيتي ورحبت فيهم وقلت تفضلوا للقهوه

قالي واحد قهوتك مشروبه والبنت اللي تبي تملك عليها انا ولد عمها وانا احق فيها وكان وجه مكشر وغضبان وهو يتكلم :omg:

قلت له عسى ماشر الدنيا اخذ وعطا وتفاهم ,,

قالي ماعندي تفاهم البنت لاتقربها بشق بطنك بهذي الجنبية وكان يطلعها علي مع شباك السيارة :eek5:

انا للحين ماخبرت والد البنت بالسالفه وخايف لايقولي بكره بروح للمحكمة انملكك :(

تفكيري الحين بالجنبيه اللي طلعها ولد عم البنت وانا صراحه خايف لايطر بطني بالسكين كلها بسبب ملكه :(

وش الحل مع هالسفاح ؟


ملاحظه ..

انا ترى مانيب خواف اقدر املك على البنيه ولا علي من ولد عمها السفاح بس تعرفون الحياه حلوه :anger1:

[بــو فهــد]

قول حق ابو البنت .. والله لا يهينك مركز الشرطه .. واملج على البنت والله يوفقكم ويرزقكم بالذريه الصالحه :)

[المزن الرياني]

وين قاعدين !!

[مـحـمـد الـعـذبـة]

هذا يسمونه حجر على البنت وما في احد يقدر يتزوج البنت حتى يوافق ابن العم انها تتزوجك او بيشق بطنك بالجمبية :)

[حبر سري]

تقدمت ابي اتزوج وحده من بنات الناس وافقوا علي مبدئياً وقالوا لي برد عليك بعد اسبوع
بعد اسبوع عطوني الموافقه بعد ماسئلوا عني والحمد لله سمعتي وسمعت عائلتي ممتازه

قبل الملكه بيومين جاني اربعه اشخاص عند بيتي ورحبت فيهم وقلت تفضلوا للقهوه

قالي واحد قهوتك مشروبه والبنت اللي تبي تملك عليها انا ولد عمها وانا احق فيها وكان وجه مكشر وغضبان وهو يتكلم :omg:

قلت له عسى ماشر الدنيا اخذ وعطا وتفاهم ,,

قالي ماعندي تفاهم البنت لاتقربها بشق بطنك بهذي الجنبية وكان يطلعها علي مع شباك السيارة :eek5:

انا للحين ماخبرت والد البنت بالسالفه وخايف لايقولي بكره بروح للمحكمة انملكك :(

تفكيري الحين بالجنبيه اللي طلعها ولد عم البنت وانا صراحه خايف لايطر بطني بالسكين كلها بسبب ملكه :(

وش الحل مع هالسفاح ؟


ملاحظه ..

انا ترى مانيب خواف اقدر املك على البنيه ولا علي من ولد عمها السفاح بس تعرفون الحياه حلوه :anger1:

الله يهداك انت من صجك؟

يخوي في نيابة عامة في شرطة في وفي وفي وفي

وين قاعدين الله يهداك؟

يبه تدري شتسوي؟

1- تروح تشتكي في المركز واتمنى انك خذت رقم الموتر
2-اذا كنت متأكد من ان هالتمساح هذا ولد عمها , اتروح وتقول حق ابوها مايلي ( عقب حب الخشوم والتقهوي وغيره):
يبه انت تدري اني انا شاريكم وشاري البنت , وغرضي من الزواج ان احصن نفسي , وبصراحة مالقيت مثلكم سمعة واصل واخلاق , ومااحب اسوي مشاكل لا لي ولا لكم , انا جاني (التمساح ) وقال لي كذا كذا كذا , واحب استوضح الموقف منك عمي , لأني انا دخلت من الباب ونيتي كانت سليمة ومحد قال لي هالكلام , وشرف لي اني اناسبكم بس ابي اعرف شسالفة , لأن مهب من حقه يسوي اللي سواه

(يعني ابيك اتحطهم في الشيمة , وتخليه هو يوقف الولد عند حده )

بس طبعا لازم تشتكي اخوي , لازم قبل كل شي , هذا حقك

واحنا محنا في غابة الله يهداك

وبعدين اخوي عارفين الحياة غالية , لكن اذا انك الحين ماتمسكت بالبنت , متى راح تتمسك بها؟ اذا الله كاتبها لك باذن الله راح تاخذها , ولاتنسى انت ماسويت شي غلط , دخلت من الباب وهدفك شريف , لازم تكمل لين الأخير , مب يجيك اهبل ويهددك تقوم وتخاف!!


الله يوفقك

[بو الجوري]

هذي قصتك أخوي .. وإلا منقوووله :con2:

[حبر سري]

هذي قصتك أخوي .. وإلا منقوووله :con2:

بصراحة حتى انا بديت اسأل نفسي والله!!

كثرت هالايام الشكاوي والمواضيع اللي من هالنوع !!

[بن درويش]

علم ابو البنت وفك عمرك
خلها بينهم

[بنت سعادة السفير]

لاحول ولا قوة إلا بالله ، حسبي الله ونعم الوكيل
صراحه مووضووع كبير جداً وماينسكت عنه ، اخووي انصحكـ صارح ابو الرجال بكل شي احسن لكـ ، وبلغ الشرطه بالمووضووع ، وتوكل على الله ،
الله يكوون في العوون .

[الوان]

مسكينه هالبنت

[WINNER]

قول حق ابو البنت .. والله لا يهينك مركز الشرطه .. واملج على البنت والله يوفقكم ويرزقكم بالذريه الصالحه :)



الشرطه فضايح بدل ما اروح محكمه املك اروح اشكي واسجن ولد عمهم :(

[WINNER]

وين قاعدين !!



انا كنت في البيت وهو جاني عند الباب بجنبية :(

[WINNER]

الله يهداك انت من صجك؟

يخوي في نيابة عامة في شرطة في وفي وفي وفي

وين قاعدين الله يهداك؟

يبه تدري شتسوي؟

1- تروح تشتكي في المركز واتمنى انك خذت رقم الموتر
2-اذا كنت متأكد من ان هالتمساح هذا ولد عمها , اتروح وتقول حق ابوها مايلي ( عقب حب الخشوم والتقهوي وغيره):
يبه انت تدري اني انا شاريكم وشاري البنت , وغرضي من الزواج ان احصن نفسي , وبصراحة مالقيت مثلكم سمعة واصل واخلاق , ومااحب اسوي مشاكل لا لي ولا لكم , انا جاني (التمساح ) وقال لي كذا كذا كذا , واحب استوضح الموقف منك عمي , لأني انا دخلت من الباب ونيتي كانت سليمة ومحد قال لي هالكلام , وشرف لي اني اناسبكم بس ابي اعرف شسالفة , لأن مهب من حقه يسوي اللي سواه

(يعني ابيك اتحطهم في الشيمة , وتخليه هو يوقف الولد عند حده )

بس طبعا لازم تشتكي اخوي , لازم قبل كل شي , هذا حقك

واحنا محنا في غابة الله يهداك

وبعدين اخوي عارفين الحياة غالية , لكن اذا انك الحين ماتمسكت بالبنت , متى راح تتمسك بها؟ اذا الله كاتبها لك باذن الله راح تاخذها , ولاتنسى انت ماسويت شي غلط , دخلت من الباب وهدفك شريف , لازم تكمل لين الأخير , مب يجيك اهبل ويهددك تقوم وتخاف!!


الله يوفقك


كلامك صح وتراني شجاع :anger1: ليش تقول انا خواف :anger1:

[WINNER]

هذي قصتك أخوي .. وإلا منقوووله :con2:


قصتي هذي وترى بدال البنت بنات دام الدعوه فيها موت :(

تراني ما اخاف جدي كان فارس :anger1:

[WINNER]

لاحول ولا قوة إلا بالله ، حسبي الله ونعم الوكيل
صراحه مووضووع كبير جداً وماينسكت عنه ، اخووي انصحكـ صارح ابو الرجال بكل شي احسن لكـ ، وبلغ الشرطه بالمووضووع ، وتوكل على الله ،
الله يكوون في العوون .


الحل شنو مع الحجر ؟

[حبر سري]

كلامك صح وتراني شجاع :anger1: ليش تقول انا خواف :anger1:

اخوي بصراحة من ردودك انا حاس بعدم الجدية

اسمح لي عالصراحة , يعني شكل الموضوع فكاهي , وانت حاطه في العاام بالغلط , يعني كنت تبي تحطه في الاستراحة

لكن على العموم انا قلت لك اللي عندي , ولو كانت البنت موافقة على خشتك (مثل مايقولون السعوديين) فالمفروض تتمسك بها , وماتصير خيخة جذيه(السموحة عالصراحة) , لأن وقتها المفروض تغير اسمك الى looser وماراح تصير winner

والله يوفقك ويوفق الجميع

:nice:

[بو الجوري]

:rolleyes2:

[ولد الشقب]

قل لبوها وخل حيلهم بينهم

[WINNER]

مسكينه هالبنت



البنت بتحصل غيري وانا بحصل غيرها محد مسكين ,,

بنت يبيها ولد عمها ومافيه الا اجيه بدبلوماسيه عشان اخذها من هالسفاح

جنبيه مره وحده صج مايخاف الله :anger1:

فلم رعب مع هالجنبية اللي وش طولها :(

[WINNER]

اخوي بصراحة من ردودك انا حاس بعدم الجدية

اسمح لي عالصراحة , يعني شكل الموضوع فكاهي , وانت حاطه في العاام بالغلط , يعني كنت تبي تحطه في الاستراحة

لكن على العموم انا قلت لك اللي عندي , ولو كانت البنت موافقة على خشتك (مثل مايقولون السعوديين) فالمفروض تتمسك بها , وماتصير خيخة جذيه(السموحة عالصراحة) , لأن وقتها المفروض تغير اسمك الى looser وماراح تصير winner

والله يوفقك ويوفق الجميع

:nice:

ادري ان فيه ناس بتقول اني خواف وخيخه :anger1:

ياخي انا مسالم مانيب راعي سكاكين :anger1:

وش تبيني اقول عشان اتكلم بجدية ؟ انا في منتدى والبنت وهالسفاح مايعرفون للمنتديات والا ماكنت بكتب قصتي .

انا ضامن ان محد راح يقرأ قصتي الا انتم بس

[الصديق الوفي]

الشرطه وابوها اول شئ تعلمه

[Chanel]

اخوي بصراحة من ردودك انا حاس بعدم الجدية

اسمح لي عالصراحة , يعني شكل الموضوع فكاهي , وانت حاطه في العاام بالغلط , يعني كنت تبي تحطه في الاستراحة

لكن على العموم انا قلت لك اللي عندي , ولو كانت البنت موافقة على خشتك (مثل مايقولون السعوديين) فالمفروض تتمسك بها , وماتصير خيخة جذيه(السموحة عالصراحة) , لأن وقتها المفروض تغير اسمك الى looser وماراح تصير winner

والله يوفقك ويوفق الجميع

:nice:

انت:ok:

[واحد ثقة]

إذا كانت البنت لايوجد لها مثيلات في البنات وأنت متأكد بأنك بحاجتها وأن حياتكم ستكون سعيدة بإذن الله فأقدم واملك على البنت مادام أباها موافق ،،

أما إذا كانت البنت عادية كأي بنت وتقدمك لخطبتها مجرد إحساس بأنها تصلح لك فأنا أقول :

" أترك الداب وشجرته "

والله سبحانه سيعوضك بمن هي خيرٌ منها ، لا أحد يريد أن يبدأ حياته الزوجية بمشاكل لها أول وليس لها آخر ، ونحن نعرف بأن هذه الأمور لاينفع فيها قانون ولا غيره ، ومافي النفوس سيبقى ولن يمحيه الزمن ،،

[WINNER]

قل لبوها وخل حيلهم بينهم



طيب اذا قلت لبوها يمكن يقول بكره الملكه وماعليك من ولد عمها :(

انت عمرك شفت الجنبية ؟

[بو الجوري]

اذا السالفه صج .. .. و ولد عمها يبيها ..

وإنت أصلاً مب حاطها في بالك .. وبتلقى غيرها على قولتك ..
خلاص .. قول لبوها السالفه .. وقوله إنك ماتبي تكمل للأسباب المذكوره ..
وشلك فعوار الراس .. وعلى قولتك .. إن هي بتلاقي غيرك .. وإنت بتلاقي غيرها ..
معناته إنك مب مختارها ومصمم انك تتزوجها .. خلها لولد عمها .. أبرك :)

[WINNER]

إذا كانت البنت لايوجد لها مثيلات في البنات وأنت متأكد بأنك بحاجتها وأن حياتكم ستكون سعيدة بإذن الله فأقدم واملك على البنت مادام أباها موافق ،،

أما إذا كانت البنت عادية كأي بنت وتقدمك لخطبتها مجرد إحساس بأنها تصلح لك فأنا أقول :

" أترك الداب وشجرته "

والله سبحانه سيعوضك بمن هي خيرٌ منها ، لا أحد يريد أن يبدأ حياته الزوجية بمشاكل لها أول وليس لها آخر ، ونحن نعرف بأن هذه الأمور لاينفع فيها قانون ولا غيره ، ومافي النفوس سيبقى ولن يمحيه الزمن ،،


الزوزاج قسمه ونصيب ان حصلت عليها كان بها وان ماحصلت عليها وهذا امر الله

فيه ناس جالسه تطنز علي ليش ؟؟؟؟؟؟؟؟؟؟؟؟؟؟؟؟؟

[hemoud123]

قصتي هذي وترى بدال البنت بنات دام الدعوه فيها موت :(

تراني ما اخاف جدي كان فارس :anger1:

لان جدك كان فارس فانا اعتقد البنت تاخذ ولد عمها احسن لها

[حبر سري]

ادري ان فيه ناس بتقول اني خواف وخيخه :anger1:

ياخي انا مسالم مانيب راعي سكاكين :anger1:

وش تبيني اقول عشان اتكلم بجدية ؟ انا في منتدى والبنت وهالسفاح مايعرفون للمنتديات والا ماكنت بكتب قصتي .

انا ضامن ان محد راح يقرأ قصتي الا انتم بس

شوف ياحفيد الفارس:nice:

انا شقلت؟ قلت حاس بعدم الجدية

يعني مجرد احساس يمكن يكون غلط

لكن ارجع واقول لك دامك مصر ان قصتك صجية ان لو البنت موافقة عليك , توكل على الله ولا عليك من احد , وسو اللي قلت لك عليه , ومافي شي اسمه ماني راعي مشاكل , هالكلام تقوله لو انك انت متسبب في المشكلة , لكن انت تقدمت لها على سنة الله ورسوله , وين الغلط؟
المشكلة جات لي بيتكم , خلاص انت رجال (وجدك فارس طبعا:nice:) خلاص تصرف , انت الرجال , وشناطر؟ البنت تجيك وتقول لك حبيبي لا تخليني؟ ومستعدة اذبح نفسي علشانك؟؟

كلام الافلام المصرية هذا انساه يبه , ولي دعوك حصان اصهل

:nice::nice::nice:

[واحد ثقة]

الزوزاج قسمه ونصيب ان حصلت عليها كان بها وان ماحصلت عليها وهذا امر الله

فيه ناس جالسه تطنز علي ليش ؟؟؟؟؟؟؟؟؟؟؟؟؟؟؟؟؟


وين الطنازة في كلامي ؟

الله يسامحك ،،

[WINNER]

اذا السالفه صج .. .. و ولد عمها يبيها ..

وإنت أصلاً مب حاطها في بالك .. وبتلقى غيرها على قولتك ..
خلاص .. قول لبوها السالفه .. وقوله إنك ماتبي تكمل للأسباب المذكوره ..
وشلك فعوار الراس .. وعلى قولتك .. إن هي بتلاقي غيرك .. وإنت بتلاقي غيرها ..
معناته إنك مب مختارها ومصمم انك تتزوجها .. خلها لولد عمها .. أبرك :)

كلامك صح لناس اللي تفكر انها تعيش
انا تقدمت على الله وهم وافقوا عقبها جاني هالسفاح

ولد عمها واحد ناشف ومايعرف التفاهم نهائياً
يقولي يا انا يا انت في هالدنيا :(

[بو الجوري]

ياخي خلها لولد عمها وخلاااااص ..
دامه وصل للباب .. وفيده جنيه مادري جنبيه على قولتك .. يعني يبيها ..
ولو تزوجتها بيعصب إن إنت طنشت لكلامه وماهتميت .. والله يعلم شبيسوي ..

دامها بنت عاديه .. دور غيرها .. ليش مصمم .. !!! !!!

[WINNER]

برد عليكم بكره وبقول لكم وش الجديد اللي صار وانتم حطوا نفسكم مكاني

مع السلامة

[بومحمد911]

يا رجال روح انت بعد اشتر لك جمبيه ولا تصير خرنك السموحة على الكلمة اتغشمر وياك

تدري ذكرتني بحادثة صارت في قطر اعتقد ان الاقلبية يعرفون القصة

ولد العم يوم درا ان بيزوجون بنت عمه حق غيره ما راح حق الي بياخذها راح حق بنت عمه و دخل عليها الغرفه ونحرها الله يرحمها

المهم مني مناك قالوا الولد مهب صاحي دخلوه المصحة النفسية

[بو الجوري]

برد عليكم بكره وبقول لكم وش الجديد اللي صار وانتم حطوا نفسكم مكاني

مع السلامة


ننتظرك بكره .. بس حاسب لا تمر صوب بيت العروووس .. لا يشق بطنك .. :)

[حبر سري]

انت تقول انها فكاهه :(

ياليتها كانت نكته وماكانت واقع في حياتي :(

؟

يخوي الله يهداك انت شفيك؟؟

الحين سلمنا ان القصة صج

تبيني اعطيك اياها كاش يعني واقول لك:
صير رجال وخلك قدها؟؟

ماابي اقولها ياوينر

الله يهداك انت الحين تقول تبي تتزوج , شكلك منت قد المسؤولية

بكرة لي تعرض لك انت وياها وشراح تسوي؟؟؟

بتقعد تقول حق زوجتك والله اسمحي لي مااحب المشاكل؟

بكرة بيطب عليك في البيت فليل وبيقول لك : طلقها لاادوس في بطنك جدامها!

وشراح تسوي؟؟ بتنطرها تدافع عنك؟؟؟ تفزع لك؟؟ مب انت الرجال؟؟

تقول ماتحب المشاكل , انت ماسعيت للمشكلة , هي جاتك بنفسها , خلاص تصرف ياخي

اليوم جاك بالجنبية , بكرة بيلف عليك وبيقلب موترك , وبكرة لي تزوجت يمكن مايندرى شيصير وانت بس مااحب المشاكل ومااحب المشاكل؟؟
لو جايك الدوام وماد يده وشبتسوي؟؟
بتقعد تصيح جدام الموظفين شكلك!!!

لا ياخوي , انا واله لو ابوها وادري يمكن اردك بصراحة , باقول اذا كان من اولها جبان , ومايعرف يتصرف ويخاف بهالطريقة , هذا ماراح يعرف يدافع عن بنتي

(طبعا اذا فرضنا بصحة القصة)

والله اتمنى لك التوفيق , بس ياخوي حدث العاقل بما يعقل

واحد جاك البيت وهددك وتقول ماتبي مشاكل؟؟

لازم تشتكي , بكرة ماتدري وشراح يسوي , الدولة فيها قانون , اقلها ياخذون عليه تعهد , ويمكن اكثر , هذا تهديد بالقتل

ايه والله ياانا ياانت في هالدنيا !!

وشرايك انت؟؟ ناطره يجي يقصبك في بيتكم؟

تصرف

[WINNER]

يا رجال روح انت بعد اشتر لك جمبيه ولا تصير خرنك السموحة على الكلمة اتغشمر وياك

تدري ذكرتني بحادثة صارت في قطر اعتقد ان الاقلبية يعرفون القصة

ولد العم يوم درا ان بيزوجون بنت عمه حق غيره ما راح حق الي بياخذها راح حق بنت عمه و دخل عليها الغرفه ونحرها الله يرحمها

المهم مني مناك قالوا الولد مهب صاحي دخلوه المصحة النفسية



نحرها يعني ماتت صج مجرم :eek5:

تعتقد ولد عم البنت نفس هذا المجرم ؟؟؟؟؟؟؟؟؟؟؟

[بو الجوري]

أخوي حبرسري .. تخيل ولد عمها عضو فالمنتدى .. :)
تلاقيه رايحله دعس .. :nice:

والله كلامك صحيح .. لكن انا اشوف يخليها احسنله .. .. دامها وحده عاديه ..
شله بعوار الراس !!!

[احلى دنيا]

مادري شاقول

[عبير وردة]

:eek5: اسم الله على عيوني ...... قريت اسم الموضوع طلعتلك جنيه .. بسم الله الرحمن الرحيم !!!!!!

لما دخلت الموضوع وفهمت إنها سكينة قلت ول إحنا بقطر ولا بشيكاغو ....

يا أخي إيش لك في هالهم من أولها الحكاية فيها مشاكل ... ولد عمها نفسه فيها ... خلاص روووووح لأبوها وقلوه القصة ... وإنه إبن عمها نفسه فيها ... خلاص إنتهى الموضوع...

والباب اللي يجيك منه الريح ..................... سده واستريح ..

:shy:يا ريت عندي ولد عم يعمل هيك ..... بس ماعندي أعمام ولا أولاد عم :(

الخلاصة ... دائما في مواضيع الزواج إذا كان في بداية مشاكل ومشاحنات ومناوشات وسكاكين ووووو فأخرتها معروفه ........................... الطلاق.

الله يوفقك مع بنت الحلال اللي يرتاح قلبك لها وتكون الزوجة الصالحة لك ... وبدون جنبيات :)

[WINNER]

؟

يخوي الله يهداك انت شفيك؟؟

الحين سلمنا ان القصة صج

تبيني اعطيك اياها كاش يعني واقول لك:
صير رجال وخلك قدها؟؟

ماابي اقولها ياوينر

الله يهداك انت الحين تقول تبي تتزوج , شكلك منت قد المسؤولية

بكرة لي تعرض لك انت وياها وشراح تسوي؟؟؟

بتقعد تقول حق زوجتك والله اسمحي لي مااحب المشاكل؟

بكرة بيطب عليك في البيت فليل وبيقول لك : طلقها لاادوس في بطنك جدامها!

وشراح تسوي؟؟ بتنطرها تدافع عنك؟؟؟ تفزع لك؟؟ مب انت الرجال؟؟

تقول ماتحب المشاكل , انت ماسعيت للمشكلة , هي جاتك بنفسها , خلاص تصرف ياخي

اليوم جاك بالجنبية , بكرة بيلف عليك وبيقلب موترك , وبكرة لي تزوجت يمكن مايندرى شيصير وانت بس مااحب المشاكل ومااحب المشاكل؟؟
لو جايك الدوام وماد يده وشبتسوي؟؟
بتقعد تصيح جدام الموظفين شكلك!!!

لا ياخوي , انا واله لو ابوها وادري يمكن اردك بصراحة , باقول اذا كان من اولها جبان , ومايعرف يتصرف ويخاف بهالطريقة , هذا ماراح يعرف يدافع عن بنتي

(طبعا اذا فرضنا بصحة القصة)

والله اتمنى لك التوفيق , بس ياخوي حدث العاقل بما يعقل

واحد جاك البيت وهددك وتقول ماتبي مشاكل؟؟

لازم تشتكي , بكرة ماتدري وشراح يسوي , الدولة فيها قانون , اقلها ياخذون عليه تعهد , ويمكن اكثر , هذا تهديد بالقتل

ايه والله ياانا ياانت في هالدنيا !!

وشرايك انت؟؟ ناطره يجي يقصبك في بيتكم؟

تصرف



انت راعي مشاكل وشري ليش ماتقول حلول طيبه ,, ليش انا قطو عشان يدوس في بطني ؟

انت رجل انتحاري انا رجل مسالم من البيت لدوام ومن البيت للمسيد بس

ياخي حنا أهل الخيل ليتك تعرف جدي كم ذبح له من فارس :anger1:

[na9er]

حبر سري

في بداية الموضوع كنت أقول في نفسي عنك ماله داعي تقول بأنك حاس بأن السالفة مب صج,
بس فعلا يا أن السالفة مب صج أو أن الأخ ...........

:rolleyes2:

[hemoud123]

ياخي خلها لولد عمها وخلاااااص ..
دامه وصل للباب .. وفيده جنيه مادري جنبيه على قولتك .. يعني يبيها ..
ولو تزوجتها بيعصب إن إنت طنشت لكلامه وماهتميت .. والله يعلم شبيسوي ..

دامها بنت عاديه .. دور غيرها .. ليش مصمم .. !!! !!!

لا يا خوي وانت صاج
ما دامه وصل للبيت وفي يده جنبيه , هذا يعني تهديد بالقتل بسلاح ابيض يعني بالعربي ثلاث سنوات سجن

[واحد ثقة]

http://p.vtourist.com/205864-Tourist_Traps-Yemen.jpg

[eXpert*]

أخي الفاضل ,,

اولاً : بالتوفيق في حياتك مع من ما كانت .

ثانياً :يجب تتأكد أن الشاب ولد عمها أكيد و ليس كلام فارغ

ثالثاً : دام ان الشاب يبي يخطب البنت ،، الميدان يا حميدان ليش ما تقدم !! يمكن الشاب فاشل وأهل البنت ما يرغبون فيه .

رابعاً : الاهم من هذا كله تروح تبلغ عليه ،، لانه هذا يعتبر تهديد والقانون لازم يأخذ مجراه .

هذا ما عندي على عجاله ،، و الانسان ما يشتري سمك في البحر ،، لا تسمح لاي كان يأخذ منك من أخترت كـ شريكة حياتك .

[OTOsan]

:)

تعلق راعي الموضوع بالجنبيه وتذكرها ، ذكرني بمسرحية مدرسة المشاغبين :





هي ايدك بتوجعك آوي يامرسي !!




الله يوفقك ان شاء الله ، بس دام البنيه ماتمثل لك اي شي .. دور غيرها .. والخيره في ما اختاره الله !

[OTOsan]

هههههههههههههههههههههههههههههههههههههههههههههههههه ه
ههههههههههههههههههههههههههههه

بس الله يرحم والديكم

حرام عليك يابوشفيق , يالربع لاحظوا اتصال الاخ وينر قطع ولا بعده؟؟

خوفي لايكون طاح من عالكرسي :rolleyes2:

وينر , وينر

تسمعني؟؟؟معانا انت؟

الله يسامحك يابوشفيق

اخوي حبر ما اعتقد الاخ وينر يقصد هالجنبيه .. لانه يقول عنها انها طويله :)

في اطول من هالجنبيه يالربع ..؟؟

[swedan_qatar]

قصتي هذي وترى بدال البنت بنات دام الدعوه فيها موت :(

تراني ما اخاف جدي كان فارس :anger1:

الله يرحم جدك وانت مثله ولا !

[بنت عز نفسها]

ول شهالسالفه .. والله تصير هالسوالف ليش لا

لا المفروض تكلم ابو البنت وتلفون مستعجل وتشرح له القصه باللي صار ويخير البنت (بينك وبين ولد عمها) وشنو هي تختار انت راضي وموافق فيه...لو اختارت ولد عمها ابعد عن الشر وغني له
واذا طلع تبيك...تقوله يوصل لولد اخوه الكلام باللي صار كامل مايتعرض لك وخبر الشرطه وهم يشوفون شغلهم ...

هذا من رايي ..

وكان الله غفور رحيما

[eXpert*]

ياخي خلها لولد عمها وخلاااااص ..
دامه وصل للباب .. وفيده جنيه مادري جنبيه على قولتك .. يعني يبيها ..
ولو تزوجتها بيعصب إن إنت طنشت لكلامه وماهتميت .. والله يعلم شبيسوي ..

دامها بنت عاديه .. دور غيرها .. ليش مصمم .. !!! !!!




والله أعلى ما في خيله يركبه ،، ولو هو فيه خير و يبي البنت يروح يخطبها مب قاعد يوقف في نصيبها ويهدد من تقدم لها.

اخوي WINNER توكل على الله وتملك على البنت .وأترك عنك ولد عمها الـ LOSER

:victory:

[swedan_qatar]

اهم شي ما يكون ولد عمها مشارك بالمنتدى راحت عليك يللي جدك كان فارس ! اشوف صور الجنابي قامت تطلع

[بو الجوري]

والله أعلى ما في خيله يركبه ،، ولو هو فيه خير و يبي البنت يروح يخطبها مب قاعد يوقف في نصيبها ويهدد من تقدم لها.

اخوي winner توكل على الله وتملك على البنت .وأترك عنك ولد عمها الـ loser

:victory:


أخوي .. ليش يدخل نفسه فمشاكل .. وهو مثل منت شايف .. تحسه متردد .. وخايف من الجنبيه !!
وهو مب مختارها ويبيهاا .. هو مجرد خطب وحده ماتمثله اي شي ..
فليش عوار الراس .. بالنسبه له .. لكن لو هو مختارها .. ويبيها .. ومصمم .. هذا كلام ثاني ..

[WINNER]

الله يسامحكم وش هالجنابي !!!!!!!!!!!!!!!!!!!!!!!!!!!!!!!!!!!!!!!


ردي على ولد عمها وعلى البعض

http://www6.0zz0.com/2008/10/18/12/460350421.gif

[OTOsan]

والله أعلى ما في خيله يركبه ،، ولو هو فيه خير و يبي البنت يروح يخطبها مب قاعد يوقف في نصيبها ويهدد من تقدم لها.

اخوي winner توكل على الله وتملك على البنت .وأترك عنك ولد عمها الـ loser

:victory:

عاد اخوي اكسبيرت ..
وينر لازم يعزمك عالعرس .. ونت تتحمل المسؤوليه اذا اطلعت الجنبيه :)

[WINNER]

النت يقطع عندي وانا موجود ماخفت !!!!!!!!!!!!!!!!!!!!!!!!!!!!!!!!

[الصاعق الحارق]

اووف لو تسوي هذا الحدث فلم بياخذ اوسكار صدقني

[مـراحـب]

:eek5:

هههههههههههههههههههههههههه
هههههههههههههههههههه
هههههههههههههه


شر البليه ما يضحك

[hamoor4ever]

مشكله ودي اقول لك اشتك لكن بصراحه الشرطه ماراح يسوون لك شي حاول اتحل المشكله مع اهل البنت احسن وماتدري يمكن هي دازته مثلا والله اعلم مع انه هاذه شكله مجرم وفاشل بحياته ومااعتقد ان حد يبيه والله يعينك

[@فهد@]

الموضوع سهل ولاتخاف فيه اكثر من حل شوف ولد عمها وش يرضيه

لاتشتكي لان الشكوي راح تزيد الموضوع تعقيد

خبر ابوها وشوف رده

[eXpert*]

أخوي .. ليش يدخل نفسه فمشاكل .. وهو مثل منت شايف .. تحسه متردد .. وخايف من الجنبيه !!
وهو مب مختارها ويبيهاا .. هو مجرد خطب وحده ماتمثله اي شي ..
فليش عوار الراس .. بالنسبه له .. لكن لو هو مختارها .. ويبيها .. ومصمم .. هذا كلام ثاني ..


وليش يخاف من حق شرعه له الدين ..

انا عندي يتعرض لي ولد عمها ولا ينقال عني جبان وانسحبت.

افترض يطلع اختبار من ولد العم يبي يعرف اللي بياخذ بنت عمه ؟ يمكن صح

خل يبلغ أبو البنت باللي صار ،، لو أبو البنت شاريك بيقولك تملك عليها واللي فيه خير يقرب صوبك .

واذا أبو البنت ماله في المشاكل ووجع الرأس بيقول ولد عمها اولى منها .

بس لا تسكت عن حقك في انك ترفع عليه دعوى تهديد.

وارجع واقول وازيد لو هو راغب في البنت كان راح وخطبها .

[سويسرا]

لا حول ولا قوة الا بالله العلي العظيم

معقوله في ناس للحين تفكيرها جذي

يبا هذا من اولها جي

لالا يبا ابعد عن الشر وغني ليه

حتى لو قلت حق الابو ماراح ينفعك...........لان ولد عمها مب راده شي اذا في راسه الشر

صدقني حاااااااااااااسب ترى تصير ويشق بطنك ههههههههههه

الله يوفقك...

[الضمير الحي]

خذلك جمبيه انت بعد

[ra3shat hadab]

تقدمت ابي اتزوج وحده من بنات الناس وافقوا علي مبدئياً وقالوا لي برد عليك بعد اسبوع
بعد اسبوع عطوني الموافقه بعد ماسئلوا عني والحمد لله سمعتي وسمعت عائلتي ممتازه

قبل الملكه بيومين جاني اربعه اشخاص عند بيتي ورحبت فيهم وقلت تفضلوا للقهوه

قالي واحد قهوتك مشروبه والبنت اللي تبي تملك عليها انا ولد عمها وانا احق فيها وكان وجه مكشر وغضبان وهو يتكلم :omg:

قلت له عسى ماشر الدنيا اخذ وعطا وتفاهم ,,

قالي ماعندي تفاهم البنت لاتقربها بشق بطنك بهذي الجنبية وكان يطلعها علي مع شباك السيارة :eek5:

انا للحين ماخبرت والد البنت بالسالفه وخايف لايقولي بكره بروح للمحكمة انملكك :(

تفكيري الحين بالجنبيه اللي طلعها ولد عم البنت وانا صراحه خايف لايطر بطني بالسكين كلها بسبب ملكه :(

وش الحل مع هالسفاح ؟


ملاحظه ..

انا ترى مانيب خواف اقدر املك على البنيه ولا علي من ولد عمها السفاح بس تعرفون الحياه حلوه :anger1:



يـــه !!

وين قاعدين احنا؟ :eek5:
ليكون في مضارب بني عبس ... :fight: :fight:

يبه شوف لك وحده ما وراها مشاكل نصيحه... والله يعوضك خير !،،
باجر بينكد عليك عيشتك انت وياها !!..

[..er..]

هذا يسمونه حجر على البنت وما في احد يقدر يتزوج البنت حتى يوافق ابن العم انها تتزوجك او بيشق بطنك بالجمبية :)



:nice:


هذا هو معنى كلامك كله :omen2:

[سداوي&مدريدي]

لا لاتخاف اذا شق بطنك اتصلي عشان اساعدك في شيل امعائك ههههههههه
اتغشمر معاك :shy:


:eek5:


:eek5:

:eek5:



استغفر الله الاشكال هاذي لين الحين موجوده فالدنيا
شالي تنتظره طال عمرك !! توكل على الله وقول لبوها
انا مب مستعد احط نفسي في مشاكل واضيع حياتي والسبه عيال عمها
ياخي الدولة فيها قانون واذا اشتكيت عليهم صدقني محد يقدر يقرب صوبك
توكل على الله وبلغ ابوها في البدايه وقوله يحل الموضوع ولا خلاص بنلغي الفكره
والله يوفقك

[WINNER]

الموضوع سهل ولاتخاف فيه اكثر من حل شوف ولد عمها وش يرضيه

لاتشتكي لان الشكوي راح تزيد الموضوع تعقيد

خبر ابوها وشوف رده



الله اللي باط جبدي ,, اعضاء يقول روح اشك عليه :anger1:

مايصير امس ابي اناسبهم واليوم اسحبهم لمراكز الشرطة :anger1:

[WINNER]

مشكله ودي اقول لك اشتك لكن بصراحه الشرطه ماراح يسوون لك شي حاول اتحل المشكله مع اهل البنت احسن وماتدري يمكن هي دازته مثلا والله اعلم مع انه هاذه شكله مجرم وفاشل بحياته ومااعتقد ان حد يبيه والله يعينك

فاشل وبس ,, هذا مافيه عقل مجنون ,, لو شفت ازبده وهو يتكلم وش كان بتقول ,,

كأن مافي الحياه إلا هالبنت ,, هو بنفسه ليش ماملك عليها قبلي ؟

حسدني الله يعيني ,, ياليته ديمقراطي طلع متعصب ودكتتاتوري

[WINNER]

وليش يخاف من حق شرعه له الدين ..

انا عندي يتعرض لي ولد عمها ولا ينقال عني جبان وانسحبت.

افترض يطلع اختبار من ولد العم يبي يعرف اللي بياخذ بنت عمه ؟ يمكن صح

خل يبلغ أبو البنت باللي صار ،، لو أبو البنت شاريك بيقولك تملك عليها واللي فيه خير يقرب صوبك .

واذا أبو البنت ماله في المشاكل ووجع الرأس بيقول ولد عمها اولى منها .

بس لا تسكت عن حقك في انك ترفع عليه دعوى تهديد.

وارجع واقول وازيد لو هو راغب في البنت كان راح وخطبها .




اذا قصده اختبار فهذا اختبار لي وقد اجتز امتحانه بنجاح لاني ماكبرت المشكله للحين ؟

[WINNER]

لا حول ولا قوة الا بالله العلي العظيم

معقوله في ناس للحين تفكيرها جذي

يبا هذا من اولها جي

لالا يبا ابعد عن الشر وغني ليه

حتى لو قلت حق الابو ماراح ينفعك...........لان ولد عمها مب راده شي اذا في راسه الشر

صدقني حاااااااااااااسب ترى تصير ويشق بطنك ههههههههههه

الله يوفقك...


يوووووووووووووه فيه غيري كثير بنفس مشكلتي بس انا اصعب مشكله فيهم

[WINNER]

يـــه !!

وين قاعدين احنا؟ :eek5:
ليكون في مضارب بني عبس ... :fight: :fight:

يبه شوف لك وحده ما وراها مشاكل نصيحه... والله يعوضك خير !،،
باجر بينكد عليك عيشتك انت وياها !!..




طيب وذا كانت مناسبتني اروح ادور من جديد بسبة هالنشبه ؟

[WINNER]

لا حول ولا قوة الا بالله العلي العظيم

معقوله في ناس للحين تفكيرها جذي

يبا هذا من اولها جي

لالا يبا ابعد عن الشر وغني ليه

حتى لو قلت حق الابو ماراح ينفعك...........لان ولد عمها مب راده شي اذا في راسه الشر

صدقني حاااااااااااااسب ترى تصير ويشق بطنك ههههههههههه

الله يوفقك...


بعضكم يبي يخوفني :eek5: طيب ليش هالاسلوب ؟

[ام الحلوين]

اهم شي راي البنت قبل ابوها
تاكد من راي البنت يمكن مغصوبه عليك وتبي ولد عمها
ويمكن ولد عمها يبيها وهي ماتبيه
اخوي الفاضل استخير قبل تخطي اي خطوه
والي ربك كاتبه بيصير
وبالتوفيق

[WINNER]

يـــه !!

وين قاعدين احنا؟ :eek5:
ليكون في مضارب بني عبس ... :fight: :fight:

يبه شوف لك وحده ما وراها مشاكل نصيحه... والله يعوضك خير !،،
باجر بينكد عليك عيشتك انت وياها !!..




اذا تزوجت اتحداه يعرف بيتي ,, باخذ لي شقة كلها عوائل عربيه ,, ذيك الساعه خليه ايفرفر يدورني في شقق الدوحة :victory:

[بوخليفة3]

والله لو انا منك اليوم املج عليهاواللي عنده يسويه ياخي طلعلك اللي يطلعه انت بعد عندك يد تقدر ادافع عن نفسك وبلغ الشرطه اذا صار شي
اما تاخذ وضع الجبان لا
وبعدين انت ماخذتها للحين ومب مستعد ادافع عنها عيل عقب اشبسوي لو حد تعرض لك انت ومرتك بتقوله الحياة حلوه
انا اقول خلك اعزوبي ابرك لك

[شبيــه الريح]

بصراحه انا مستغرب والله انت تسولف وكانه شي عادي اقولك والله المفروض هالمواضيع تنلغي لانه

يبين من اسلوبك انه هالشي ماخذه للضحك

[WINNER]

والله لو انا منك اليوم املج عليهاواللي عنده يسويه ياخي طلعلك اللي يطلعه انت بعد عندك يد تقدر ادافع عن نفسك وبلغ الشرطه اذا صار شي
اما تاخذ وضع الجبان لا


عشاني شرحت قصتي وبالتفاصيل صرت جبان ,, ياخي انا واحد معرف حركات السكاكين وخرابيطها ,, يعني كيف اروح اطلع عليه البندق وفرضا ثارت عليه بالغلط وين اروح ؟ السجن مؤبد بسبب هالمشكله ؟

الشرطه حاطها في راسي كآخر الحلول ما بي اسجنه ومن وراه اخذ بنت عمه ,, فرضا فرضا قول انه طلع من السجن وش ظنك راح يسوي ؟؟؟؟؟؟؟؟؟؟ ممكن يسويها فيني ؟؟؟؟

[WINNER]

بصراحه انا مستغرب والله انت تسولف وكانه شي عادي اقولك والله المفروض هالمواضيع تنلغي لانه

يبين من اسلوبك انه هالشي ماخذه للضحك


انتم مو متعودين على مثل هالمشاكل لان عاداتكم مب مثل عادات هالسفاح .

انا اتكلم جد ليش امزح ؟

[WINNER]

اهم شي راي البنت قبل ابوها
تاكد من راي البنت يمكن مغصوبه عليك وتبي ولد عمها
ويمكن ولد عمها يبيها وهي ماتبيه
اخوي الفاضل استخير قبل تخطي اي خطوه
والي ربك كاتبه بيصير
وبالتوفيق


لو اني مب عارف انها تبيني كان قالولي من اولتها ,, يعني بيجرونها علي ؟ مستحيل هي تبيني وولد عمها سبق وقف في وجه واحد قبلي وذاك انحاش ,, انا للحين لا ازال صامد ,, وهذا اللي قاهره وماراح استسلم الا اذا شفت الدعوه فيها ان وااخواتها

[الضمير الحي]

بعضكم يبي يخوفني :eek5: طيب ليش هالاسلوب ؟


اذا تزوجت اتحداه يعرف بيتي ,, باخذ لي شقة كلها عوائل عربيه ,, ذيك الساعه خليه ايفرفر يدورني في شقق الدوحة :victory:




http://www.stop55.com/smiles/faces/up/big1.gif (http://www.stop55.com/vb)



وين الفارس المغوار مادري الملثم المفروض اتواجهه ما تخاف

[R.T.Z]

تقدمت ابي اتزوج وحده من بنات الناس وافقوا علي مبدئياً وقالوا لي برد عليك بعد اسبوع
بعد اسبوع عطوني الموافقه بعد ماسئلوا عني والحمد لله سمعتي وسمعت عائلتي ممتازه

قبل الملكه بيومين جاني اربعه اشخاص عند بيتي ورحبت فيهم وقلت تفضلوا للقهوه

قالي واحد قهوتك مشروبه والبنت اللي تبي تملك عليها انا ولد عمها وانا احق فيها وكان وجه مكشر وغضبان وهو يتكلم :omg:

قلت له عسى ماشر الدنيا اخذ وعطا وتفاهم ,,

قالي ماعندي تفاهم البنت لاتقربها بشق بطنك بهذي الجنبية وكان يطلعها علي مع شباك السيارة :eek5:
انا للحين ماخبرت والد البنت بالسالفه وخايف لايقولي بكره بروح للمحكمة انملكك :(

تفكيري الحين بالجنبيه اللي طلعها ولد عم البنت وانا صراحه خايف لايطر بطني بالسكين كلها بسبب ملكه :(

وش الحل مع هالسفاح ؟


ملاحظه ..

انا ترى مانيب خواف اقدر املك على البنيه ولا علي من ولد عمها السفاح بس تعرفون الحياه حلوه :anger1:


انا كنت في البيت وهو جاني عند الباب بجنبية :(


سبحان الله شي واضح إن القصه من نسج الخيال والعالم ترد من الباب الرد يعني تقراء ولاكانها تقراء..ما عدا ألاخ ليث

[الضمير الحي]

الظاهر الموضوع بينقلونه الاستراحه

[القلب المؤمن]

أحسن طريقة للدفاع هي الهجوم ..أنا لو منك بروح أهدده بجنبية وبقول له والله لو تقرب مني لا اقطع رقبتك ..
لاني لو تراجعت وتركت الموضوع بحس نفسي جبانة وانا مارضاها على نفسي !
بعدين الاعمار بيد الله ياخي لا تخاف منه خلك شجاع ..

[متسبب]

والله ماعرف صحه القصه من غشمرتها؟
لكن فيه موقف صار حق واحد يداوم مع اخوي وتقدم حق ناس ووافقوا وملج عليها وعقب العرس طلع ولد عمها وحط سلاح على راسه وقاله هذي بنت عمي والمفروض ابوها يشاورنا قبل لا يزوجها اي احد وهو ماشاورنا واحنا نبيها لنا وصحيح طلقها بعد العرس على طوول

[WINNER]

أحسن طريقة للدفاع هي الهجوم ..أنا لو منك بروح أهدده بجنبية وبقول له والله لو تقرب مني لا اقطع رقبتك ..
لاني لو تراجعت وتركت الموضوع بحس نفسي جبانة وانا مارضاها على نفسي !
بعدين الاعمار بيد الله ياخي لا تخاف منه خلك شجاع ..


انا شجاع ليش التلميح بالجبن ؟
الموضوع يبيله استعمال الدبلوماسيه عشان ما اخسر احد .

[حبر سري]

انا شجاع ليش التلميح بالجبن ؟
الموضوع يبيله استعمال الدبلوماسيه عشان ما اخسر احد .

عندي لك طريقة دبلوماسية

شوف وينر

انت حاول تعرف بيتهم وين

واول ماتعرف البيت , طبعا خل دريولكم يوديك مع اخوك العود

وانزل طق الجرس
واذا طلع لك الدريول قول له ممكن فلان ؟

واول مايطلع لك ولد عمها تدري شتقول؟

قول :
يالله مسا خير قلبي منقبض وش به


هنيه ولد عمها بيدري ان قلبك في شي , وبيقول للدريول :
ياراجو , هاك الجمبية لمدة خمس دقايق اتفاهم مع الغرنوق ذا , او يعني الرجال الطيب ذا

وبس

تفاهم وياه

[WINNER]

والله ماعرف صحه القصه من غشمرتها؟
لكن فيه موقف صار حق واحد يداوم مع اخوي وتقدم حق ناس ووافقوا وملج عليها وعقب العرس طلع ولد عمها وحط سلاح على راسه وقاله هذي بنت عمي والمفروض ابوها يشاورنا قبل لا يزوجها اي احد وهو ماشاورنا واحنا نبيها لنا وصحيح طلقها بعد العرس على طوول



ياخي فيه ناس مو مصدقه ان السالفه صحيحه ,, مثل هالسوالف سالت الدماء لركب .

بعض الاعضاء يبيني اصير كأنها ايام الجاهليه .

الدبلوماسيه والبحث عن الحلول السريعه هي الافضل لاني لو ما احصل حل ممكن تكبر المشكله اكثر من اول وانا الخاسر الاكبر .
خسران زواج وخسران شجاعه وبصير في عيون ربعي بشكل غير مقبول وممكن انكسر وماعاد احد يزوجني بسبب اني مادافعت عن حقي الشرعي .

[WINNER]

عندي لك طريقة دبلوماسية

شوف وينر

انت حاول تعرف بيتهم وين

واول ماتعرف البيت , طبعا خل دريولكم يوديك مع اخوك العود

وانزل طق الجرس
واذا طلع لك الدريول قول له ممكن فلان ؟

واول مايطلع لك ولد عمها تدري شتقول؟

قول :
يالله مسا خير قلبي منقبض وش به


هنيه ولد عمها بيدري ان قلبك في شي , وبيقول للدريول :
ياراجو , هاك الجمبية لمدة خمس دقايق اتفاهم مع الغرنوق ذا , او يعني الرجال الطيب ذا

وبس

تفاهم وياه

هذا اسلوب ولا رد ؟ قل خير والا اصمت ,, ردودك بتخليني اشتط وانا معروف بالهدوء والعقلانيه ..

[وطن]

شدعوه جنبيه وين قاعدين
باليمن !!

ما اخبر عندنا حد يمشي بجنبيه !!!


بعدين اخوي لما يجي واحد يهددك عند باب بيتك بسلاح
الحل البديهي انك تتوجه لمركز الشرطة تشتكي عليه

ولا تنحرج من اهلها ولا شي
هو الغلطان !!
وانت سويت الشي الطبيعي بتقديم شكوى


والظاهر انه يبيها بس هي وابوها رافضينه
بعد ما تشتكي تروح تقول لهم حصل كذا وكذا وانا اشتكيت
مو تروح لهم قبل ما تشتكي ويضيع حقك بعدين

[hemoud123]

قبل سنتين رفض احد طياري القطريه وهو اوروبي رفض ركوب احد الشخصيات العربيه ( الله يرحمه) لان كان لابس جنبيه والراكب رفض يسلم الطيار الجنبيه على ان تعاد له بعد الوصول , وتاخرت الرحله ساعة ونصف الى ان تم استبدال الكابتن وغادرت الطائره
طلعت عن الموضوع السموحه منكم

[بوحارب]

اذا عينك على البنت

تزوجها وما عليك من ولد عمها التعبان

وأشتك عليه في الشرطة

الله يوفقك

[i.qatar]

.
.

ياخي مادري .. بس احس ان الموضوع . . . . . . . . ! :telephone:

على العموم . .
اللي جابها جاب غيرها
وحتى لوخذتها بتستمر المشاكل . .

الا اذا كنت تبيها ومصمم عليها . .
وعلى قولتك تبي تحلها بالدبلوماسيه
كلم ابوها وعلمه باللي صار . . وشوف شرايه
ابوها يعني عمه . . يعني له كلمه عليه . .
يجتمع مع راعي الـ " جنبيه"
ومع ابوه ويحلون السالفه بطرق دبلوماسيه حضاريه .
. في ظل هذه الظروف اللا انسانية !

واذا حسيت ان راعي الـ " جنبيه " غير متعاون
مع المساعي السلميه
عندك أمن العاصمه مايقصرون
يجرونه هو وجنبيته ويوقعونه على تعهد
عدم الاقتراب منكم لمسافه وقدرها 5 كيلو متر !

والله يعينك . .

- - - - - -

اخر الكلام :
حبر سري . . . شحالك ؟ :nice:
.
.

[ummalaz]

احتمال البنت تكون ماعايزاهوا وعايزاك انت

[i.qatar]

احتمال البنت تكون ماعايزاهوا وعايزاك انت

وجهة نظر برضو

[حالي الذوق]

Winner

انا اقول لو تشتري لك جنبيه واول ما تشوفه تحطها بين عيونه وتهوس شوي شوي مب تبط عينه وتقول حالي الذوق الي قال لي. شوي شوي وقل له شوف ان قربت صوبي مره ثانيه بحطها ببطنك

وخبرنا ايش صار معاك:weeping::weeping::weeping::secret:

[i.qatar]

Winner

انا اقول لو تشتري لك جنبيه واول ما تشوفه تحطها بين عيونه وتهوس شوي شوي مب تبط عينه وتقول حالي الذوق الي قال لي. شوي شوي وقل له شوف ان قربت صوبي مره ثانيه بحطها ببطنك

وخبرنا ايش صار معاك:weeping::weeping::weeping::secret:

:nice:

[مشغولة البال]

افاااا

نقلوا الموضووع :eek5:

[القلب المؤمن]

السموحة اخوي انا ماقصدت اقول انك جبان ..لا بالعكس انا كنت اقولك ردة فعلي أنا ..

في النهاية أنت أكيد انسان عاقل وحكيم وبتعرف شلون تتصرف :discuss: والله يوفقك في اي اختيار تختاره .

:nice: وبالتوفيق

[AL-GokaR]

:telephone:999

[_بوشهاب_]

والله ياخوي لو انا والله لا اقوله طلبك في الدكان الثاني عسى ماشر بشق بطنك
يابوي في ناس يبيلهم كسر عين وهذا واحد منهم واذا البنت ضاربه في راسك تبيها تبيها املك عليها بكره
والله أعلى ما في خيله يركبه
(( انت رديت عليه ولا تميت ساكت يوم قالت بشق بطنك ارجوك لاتقولي كنت ساكت وتقهرني ))
واذا تبي ردود له قول بعطيك ردود بخيله يبارك لك بعد

[شاهين]

احتمال البنت تكون ماعايزاهوا وعايزاك انت


أكيد عايزا هوا
الزوله وافقت من قبيل :omen2:

[شويهينــه]

الحين السالفه صج والا غشمره؟؟؟؟

[بومحمد911]

ها ايش صار

هل من جديد على الساحة انت عايش ولا

[ارتفاع]

القانون في نيروبي يقول البيت لها

[superzooz]

احنى سنه كم؟؟؟؟؟؟؟؟؟؟

[musel999]

خلها حق ولد عمها
وانت الله بيرزقك خير منها
ترى هذي اولتها حجر بعدين ماتدرى وش يصير

[hemoud123]

الصراحه يا خوي شكل الجنبيه اللي الشباب حطوا صورتها تعور وايد , لذلك لك حل من اثنين اما انك تترك البنت او تركب راسك وتاخذها , لو تركتها ما فيه مشكله لو ركبت راسك فيه احتمالين اما ان الرجال يشق بطنك بالطول او بالعرض , لو بالطول ما فيه مشكله لو بالعرض بيكون احتمالين اما كرشك يطب بين ايديك او يطيح بالارض لو بين ايديك ما كومشكله لو بالارض .........
عقلك في راسك واعرف خلاصك

[ولد الشقب]

طيب اذا قلت لبوها يمكن يقول بكره الملكه وماعليك من ولد عمها :(

انت عمرك شفت الجنبية ؟

اي والله الي شفتهاااااااااااااا
ماهي على ابوك قل غيرت راي مابي اعرس

[بولينجر]

اقول لك اخوي الله يعينك شفت ناس من هالاشكال ومصدق سالفتك.....

وترى اذا ما اشتكيت عليه خلال اسبوعين من تهديده لك يروح حقك في الشكوى....

وهالاشكال ماينفع معاهم الا القانون....

واذا انت مب متمسك بالبنت شوف لك غيرها ابرك لك من المشاكل....

والله يوفقك....