اماكن خاصة في المطاعم

[جذووور]

السلام عليكم ورحمة الله وبركاته

حبيت أسأل عن كوفي أو مطعم يكون فيه أماكن خاصة للعائلات ويكون مغلق عبارة عن كبائن مغلقة يقدم وجبات إفطار ..

أفيدوني أفادكم الله .

[ANONYMOUS]

3ala edek

7efat rejly o malegat

[بدور]

جرب هيديارد

[بومحمد911]

شوف الشاطر عباس

[binhlail]

اللي أعرفه إن نظام الكبائن أو الأماكن الخاصة ممنوع وذلك بسبب التجاوزات الأخلاقية اللي حصلت بالسابق بسببها

[ابن مانع]

مافي غير فينيسيا
تعبنا واحنا اندور
او اطلب عشاك ورح اقعد على البحر ( ومافي مكان الحين )
او قص على هلك فر فيهم في السياره ومن زحمه لزحمه عشان يملون وطلب لهم عشا وردهم البيت احسن لك


الله يكون في عونا

[بنت ابوها 19]

مراح تحصل
كان في كوفي شوب

سوااد الوجوه خربو السمعه فيه
وشلو النظام


احنا عندنا ناس جنفل ماتفكر بالعوايل
تخربط واحنا الي ننحرم

[مضاد]

جرب هيديارد

ماعاد يصلح .

[k9911]

السلام عليكم ..

نجمة الهند ..
بس ما ينفع افطار ..!!

نظام الكباين مش موجوده عندنا للأسف !!!

[ليــث قطر]

بخارى - مطعم هندي بجوار مجمع التنس .. زين فيه بارتشن

فينيسيا

هيديارد

شاطر عباس - سلوى

رويال تندور - سوق واقف << فيه ستاير رااائع




هذا ما يحضرني ..

[&شهد&]

سوولكم بيض وطماط وبلاليط وقعدوا في صالتكم دلتكم حوليكم تلفزيونكم جدامكم مكيفكم يجرخ والكرك يطبخ .....ولا أحلى:)

[جليســــة القــــرآن]

للأسف ما أقدر أخدمك
لأني ما أحب المطاعم ولا أكلهم

[النجلا]

مافي غير فينيسيا
تعبنا واحنا اندور
او اطلب عشاك ورح اقعد على البحر ( ومافي مكان الحين )
او قص على هلك فر فيهم في السياره ومن زحمه لزحمه عشان يملون وطلب لهم عشا وردهم البيت احسن لك

الله يكون في عونا



لايكون معطي هالنصيحة حق ريلي خخخخخخ

اي والله يدوور راسنا واحنا ندور مطعم عدل مافي زهقنا من المطاعم اللي رحناها

شوف عندك بخارى >> قالوا لك عنه فوق بس لاتروح ويكند ترى زحمه من الهنود
عندك جنبه فدريكرز رحناه مرتين مافي ناس وايد وتقدرون تندعسون في اخر طاولة صوب العاب اليهال...

وعندك اوبرا اللي في اللاند فووق في قسم عائلات روحوا الصبح مابيكون حد غيركم :)

واذا لقيت مكان عدل قولي :victory:

[برشلوني قطر]

فنيسيا + الهيديارد << فطووره حلوو وقعدته حلوه والصبح فااضي


والا روح السعوديه افطر وارجع خطاافي:nice:


وبالتوفييق

[وتبقى الدنيا حلوه]

الله يعينك

[::.Silent.::]

للأسف ما في مكان

[دي دي]

مطاعم سوق واجف اغلبها
مطعم الاعظمية العراقي عائلي واكلة لذيذ

[الوان]

اي مطعم تروح اطلب منهم بارتشن
احنا رحنا مره مطعم الغاردن اللي في المول

عندهم بارتشن و اكلهم يجنن و الخدمة اوكي ما يملقون عليك

[بنت سلمان]

عندك هيديارد فيه بارتشين
عندك مطعم بيروت في سوق واقف اطلب بعد منهم بارتشن

أو مثلا ايلي فرانس اشارات رمادا ..
غالباً مايكون فاضي .. أو ممكن حريمكن يواجهون الطوفة
نفس الشي بالنسبة للسيتي سنتر / في مكان مخصص للحريم

[جذووور]

مشكوووووووووورين .. على الأماكن المقترحة بس ملينا منها حتى اللي هناك احفظوا وجوهنا من كثر ما نروح ..

عموماً شكراً جزيلاً

[crystal tear]

هديـارد

[Sharshooooor]

خذ ريوق من اي معصرة وروح عالبحر احسن لك :)

[بنوته]

السلام عليكم ورحمة الله وبركاته

انا اروح مطعم للاكلات الهنديه اسمه اشينا في المطار عندهم بارتشن ونقعد في نهاية المطعم ...بس ماعرف اذا ينفع للفطور او لا

الله يوفقكم

[شيط ويط]

السلام عليكم ورحمة الله وبركاته

حبيت أسأل عن كوفي أو مطعم يكون فيه أماكن خاصة للعائلات ويكون مغلق عبارة عن كبائن مغلقة يقدم وجبات إفطار ..

أفيدوني أفادكم الله .


في كوفي اسمه (هايدرادا) مدري ياليت حدد يصحح لي الاسم لاني مضيع فيه ..على طريق سلوى وانت جاي من اشارات رمادا يكون جرير على يدك اليمين .. تطوف جرير المحلات اللي على يدك اليمين تحصله هناك .. كوفي ومطعم ..في خصوصيه واكله حلو ..

[ابن مانع]

لايكون معطي هالنصيحة حق ريلي خخخخخخ

اي والله يدوور راسنا واحنا ندور مطعم عدل مافي زهقنا من المطاعم اللي رحناها

شوف عندك بخارى >> قالوا لك عنه فوق بس لاتروح ويكند ترى زحمه من الهنود
عندك جنبه فدريكرز رحناه مرتين مافي ناس وايد وتقدرون تندعسون في اخر طاولة صوب العاب اليهال...

وعندك اوبرا اللي في اللاند فووق في قسم عائلات روحوا الصبح مابيكون حد غيركم :)

واذا لقيت مكان عدل قولي :victory:

هذا الحل الي في الدوحه
او نفس ماقال واحد من الاخوان نروح السعوديه ونعود

[#بوحمد#]

مطعم الحمرا
تندور الي في السد
نجمة الهند

[joOoreee]

السلام عليكم ورحمة الله وبركاته

حبيت أسأل عن كوفي أو مطعم يكون فيه أماكن خاصة للعائلات ويكون مغلق عبارة عن كبائن مغلقة يقدم وجبات إفطار ..

أفيدوني أفادكم الله .



أخوي عندك مطعم ( السندباد ) في نجمه أكلة روعه ومجرب
وفيه خصوصية بارتشن

وعندك مطعم (الأسماك ) على طريق المطار ديكوره عادي بس الأكل لذيذ خاصة أم الربيان
وفيه خصوصية فاصل ستاير


الله يستر علينا وعليكم يارب



http://m002.maktoob.com/alfrasha/ups/u/26978/31670/395853.gif

[::.Silent.::]

أبشركم

مطعم الطواش اللي في سوق واقف

عنده جلسات ارضيه مسكرة

والله شي

تأخذون راحتكم مع الاهل


الله يبارك لهم على هذي الخطوه

[المقهوره]

فيه الي فرانس إلي عند اشارات رمادا
فيه امااكن للعائلات

وهيديارد

[الفا برافو]

عندك ذا ون في الموول

يعطونك بارتشن اذا طلبت

وباقي الاعضاء عطوك الاسامي اللي في بالي
وبعد عندك ديوانية البخاري اللي في الغرافه لو حاب تغير من الريوق وتضرب بام خمس :)

[الفتى]

للأسف لا توجد أماكن ترضي الخاطر عندك فنيسيا و المجلس بس سم قبل الأكل لا يحوشك تسمم .

أذا ودك ميل على السعودية و له البحرين و له الأمارت أو الكويت كلهم عندهم مطاعم عوائل وكبائن مسكرة و تأخذ راحتك مع هلك .

خاصة السعودية و ايد يحترمون العوائل .


اللي أعرفه إن نظام الكبائن أو الأماكن الخاصة ممنوع وذلك بسبب التجاوزات الأخلاقية اللي حصلت بالسابق بسببها

لا أعتقد أخي الكريم بسبب الأخلاقيات - في أماكن كثير يقدر الواحد يستغلها ، أقلها حجز الفناق و منعوا الأشياء التي تخدش الحياء بالأماكن العامة .


لكن شلوا الكباين بقرار من البلدية

يمكن


لحاجه في نفس يعقوب و قضاها

أتمنى النظر في هل الشيء و أعادة أماكن العوائل وكلاً يسلك الطريق اللي يحبة

[هداف]

ود هلك فندق الريتز المطعم اللي تحت اذا رايح للافطار لان الصباح مافيه احد وفيه طاولات صاده عن الناس وكلا لاهي في عمره من الاقليه اللي يفطرون من سكان الفندق,,,,,,,وطبعا الاكل فايف ستارز ومتنوع

[♣شيبةالنخرة♣]

ماعاد يصلح .

ليه ما عاد يصلح :rolleyes2:

[sood mhamed]

مافي غيرالفنادق تحصل افطار معتبر