ابي مشورتكم جزاكم الله خير عندي اسهم تاسيس والحين ابي ادخل كمضارب

[مساهم قديم]

مساهم قديم)) هذا اسم ترى مش اكثر ... المهم يا اعزائي انا عمري ماشتريت ولا بعت بالاسهم الا من التأسيس والحمدالله لازلت محتفظ بكثير من اسهم التأسيس .... السؤال وطلب المشوره في اني من فتره وانا تراودني فكرة دخول السوق والمضاربه لان اشوف السوق يطلع يومين وينزل يومين وماعاد فيه خوف من النكسات الكبيره لاسمح الله الاخوان المضاربين الي قبل شالو عنا الثقل في هوايان السوق الكبير ..... ناوي ادش السوق براس مال من 300 - 200 الف وابي مشورتكم الله يجزاكم خير

[عليمي]

تركد وخذ راحتك في التفكير

وحط لك خطة
مستثمر؟ مضارب ؟ يومي؟ شهري؟


واستخير


واقرا الاخبار


وخلك مع الشركات النقية


والله يوفقك وييسر أمرك ويرزقك الرزق الحلال

[عتيج الصوف]

ركز على الأسهم القيادية ذات العائد اذا كنت تميل للأستثمار ’’اما المضاربة فيجب متابعة السهم اول بأول,,ومتابعة قسم التحليل الفني للسهم,,وحتى للأستثمار لمعرفة وقت الدخول ,,وعادة يكون الدخول على دفعات عند كل نزول وتقسيم الدخول على ثلاث او اربع دفعات بسهمين عائدهم الأفضل
,,والله يوفقك ويبارك لك واسمح لنا على القصور

[مساهم قديم]

تركد وخذ راحتك في التفكير

وحط لك خطة
مستثمر؟ مضارب ؟ يومي؟ شهري؟


واستخير


واقرا الاخبار


وخلك مع الشركات النقية



والله يوفقك وييسر أمرك ويرزقك الرزق الحلال



نصيحة طيبه وفقك الله

[مساهم قديم]

ركز على الأسهم القيادية ذات العائد اذا كنت تميل للأستثمار ’’اما المضاربة فيجب متابعة السهم اول بأول,,ومتابعة قسم التحليل الفني للسهم,,وحتى للأستثمار لمعرفة وقت الدخول ,,وعادة يكون الدخول على دفعات عند كل نزول وتقسيم الدخول على ثلاث او اربع دفعات بسهمين عائدهم الأفضل
,,والله يوفقك ويبارك لك واسمح لنا على القصور



جزاك الله خير الجزاء على هالكلام الطيب

[Ahmad Bayram]

السوق في هذه الايام بينزل انتظر لحين تنتهي هالفترة التصحيحية و بعدها ادخل كمضارب .....

[bo7mood72]

وخلك حذر لا يضربونك

ترى يوم تضارب ويوم تنضرب

الله يوفقك

[نصر77]

اخي ي الكريم بعد كل ما تفضل به الاخوان انصحك بإعطاء نفسك فرصة و لتكن 10 ايام تقوم فيها بعمليات شراء و بيع و همية تحاول فيها اختيار بعض الاسهم و تتابعها و تحاول توقع حركتها كأنك تمتلكها فعلاً فإذا وجدت نفسك استطعت ان تجاري السوق وتحقق ارباح وقتها يمكن ان تدخل بالتدريج. و لا تركز مالك في سهم بل كن حريص علي التنويع قدر المستطاع. و يمكنك ايضاً تخصيص نسبة من رأس مالك للاستثمار في اسهم المؤسسات الجديدة و التي يتوقع نموها بطريقة مطردة في المدة القادمة. وفقك الله لما فيه خير الدنيا و الدين و الاخرة

[QaTaR_OnE]

نصيحه ..امسك اسهمك افضل لك .. وبعد عن المضاربه

[ابو الشباااب]

يا أخي الكريم --- مساهم قديم --
خذ نصيحه ---خسران في الاسهم --- وهي خبره

إحفظ اسهمك وخليها بدون مضاربه وبيع وشراء

ادخل بمبلغ 30 الف وجرب بيع وشراء وشوف وين توصل
اذا خسرت راح يكون مبلغ صغير
الله يربحك ويعوضنا خساراتنا الكبيره

[داااايم السيف]

اخي الكريم بعد كل ما تفضل به الاخوان انصحك بإعطاء نفسك فرصة و لتكن 10 ايام تقوم فيها بعمليات شراء و بيع و همية تحاول فيها اختيار بعض الاسهم و تتابعها و تحاول توقع حركتها كأنك تمتلكها فعلاً فإذا وجدت نفسك استطعت ان تجاري السوق وتحقق ارباح وقتها يمكن ان تدخل بالتدريج. و لا تركز مالك في سهم بل كن حريص علي التنويع قدر المستطاع. و يمكنك ايضاً تخصيص نسبة من رأس مالك للاستثمار في اسهم المؤسسات الجديدة و التي يتوقع نموها بطريقة مطردة في المدة القادمة. وفقك الله لما فيه خير الدنيا و الدين و الاخرة


فعلاً كلام من ذهب ونصيحه من الماس
بارك الله فيك اخوي نصر77

[الجسراوي]

اشلك بالبحر وأهواله ورزق الله على السيف

البورصه مالها امان مثل البحر تبغي لها نوخذه يعرف الهيرات والمغاوص

صدقني اخوي تجيك ايام تندم عليها لانك ما بعت وتجيك اوقات ودك تسطر نفسك لانك ما شريت

امسك مجنونك لا يجيك اللي اجن منه

والقناعه كنز لا يفنى

[مساهم قديم]

اشكر كل من تكرم علي بالرأي والمشوره وجزاكم الله خير .....

اخوي نصر77 نصيحتك طيبه وبديت اليوم بالتطبيق الفعلي واشتريت بسعر السوق اليوم من شركتين ( طبعا شراء وهمي) وراح اجرب هالعشرة ايام الجاية ان شالله

[نصر77]

اشكر كل من تكرم علي بالرأي والمشوره وجزاكم الله خير .....

اخوي نصر77 نصيحتك طيبه وبديت اليوم بالتطبيق الفعلي واشتريت بسعر السوق اليوم من شركتين ( طبعا شراء وهمي) وراح اجرب هالعشرة ايام الجاية ان شالله

موفق ان شاء الله اخي الكريم و لا تنسي ان تشاركنا في تجربتك لتعم الفائدة علي الجميع.

[سيكل الفريج]

الله يعينك لانك شريت وقررت المغامره في وقت صعب وفي وقت كله خدع ومافيا تتحرك....العب على صغير واسأل دائما خبير في كل خطوه وبالتوفيق....تحياتي

[مساهم قديم]

مرحبا بك ياسيكل الفريج ايدي على كتفك ( اردفني معاك) للخبير الي يتحمل الاستشاره وما يطفش ... خبرك الغشيم دايم يبهدل الخبير بالاسئله والاستشارات ... لكن ربك يسهل انت والشباب ماقصرتو وان شالله تسير الامور للربحيه المقنعه