§*«(يا بخت من وفق راسين بالحلال)»*§ برعاية الخطابة: أم الربيان [الأرشيف]

مشاهدة النسخة كاملة : §*«(يا بخت من وفق راسين بالحلال)»*§ برعاية الخطابة: أم الربيان

ra3shat hadab

27-05-2009, 02:12 AM

السلام عليكم ورحمة الله وبركاته

قالوا في الأمثال الشعبية :

١ - ( يا بخت من وفق راسين بالحلال )

و

٢ - ( امشي في جنازة ولا تمشي في جوازه) :deal:

كثرت في الآونه الأخيره اعلانات منشوره فالجرايد المحليه عن الخطابات - الخطابه ام تركي وام خليفه وام ناصر وام مادري من.... واكيد فيه ناس تتصل.....

وهالشي يطرح عدة تساؤلات:

مش المفروض تكون هناك ضوابط للمهنه هذي؟ (لانها صارت فالاونه الاخيره مثل البيع والمشترى ياخذون فلوس عليها)..
طبعا غير موضوع الجديه وعدم النصب.. والسريه....
وياما سمعنا عن بنات تعرضوا للاستغلال وقصوا عليهم خطابات..

هل هناك رقابة من المجلس الأعلى للأسره او اي جهة ثانيه مختصه- على الخطابات اللي يعلنون في الجرايد؟

شرايكم في اللي يلجأ للخطابات من الجنسين سواء رجل ولا امرأه؟

هل انت مع المثل رقم ١ و لا رقم ٢ ( المذكورين في بداية الموضوع :nice: )

هل قمت بدور الوسيط أو الخطابه من قبل ؟؟

عطونا رايكم حول الموضوع..
واتمنى نشوف اراء من لهم تجارب/مواقف مع الخطابات او خبرة في هالمجال..

وتبقى الدنيا حلوه

27-05-2009, 09:12 AM

وتبقى الدنيا حلوه

27-05-2009, 09:13 AM

OTOsan

27-05-2009, 09:49 AM

يكفي ان اقول انني مع المثل الاول بالطبع ..

اما عالم الخطابات فلا استطيع ان ابدي فيه الرأي نظرا لعدم معرفتي بخباياه :)

يعطيكم العافيه ،،

فارس الكلمة

27-05-2009, 10:20 AM

وجود الخطابة مهم في هذا الزمن .. لكن تحتاج إلى ضوابط أخلاقية و اجتماعية أولاً ..

و الخطابات موجودات في مجتمعنا القطري منذ القدم .. فالأمر ليس جديداً ..

طيب .. لماذا لا تردين على الاسئلة التي وضعتيها أعلاه ..؟..:)

الفا برافو

27-05-2009, 10:22 AM

مع رقم واحد
بس صح لازم المسأله يحطون لها قواعد وشروط وتكون الخطابه معروفه ومرخص لها من احد الجهات المسؤله يا الداخليه يا مجلس الاسره

مهب كل من جا ونجر

ParadEyes

27-05-2009, 10:44 AM

باعتقادي الشخصي..اللجوء للخطابات هو اخر مراحل اليأس..
اامن بان النصيب على الله.. و نصيبي بيدلني لو كنت وين.. مو انا الي اروح ادور

الوان

27-05-2009, 11:23 AM

نصيحة للبنات .... لا تعطين أي خطابه صورتج ...

الصراحه فكرة حلوة ان تتبنى فكرة التزويج هيئة او مؤسسة اجتماعية

ياليت لو يطبقونها

وتبقى الدنيا حلوه

27-05-2009, 01:02 PM

أخرتها مسياااار يا شباب المنتدى هههههههههههههههههههههههههه

بالعكس الخطابه و ظيفتها تدلكم على بنت الحلال و انتوا عليكم تسألون عنها

اسعاف

27-05-2009, 01:14 PM

الّي يبحثون عن رجل عن طريق الخطابة

هذول مثل الي يبغي سيارة من سوق بدل(الصناعية )

الي تبغي تستر على نفسهه من البنات : تكلم الوالد والوالدة : انها تريد ان تستر على نفسهه

ولا بأس ان توصي الأم من تراه اهلا للوصاة من النساء للبحث عن الرجل الكفو

وكذلك الحال بالنسبة للأب عليه ان يذكر لأحد الثقات انه عنده بنت يريد ان يستر عليهه

انا عن نفسي كلمني رجلين عن بناتهما يريدان الزوج الصالح

ولا أخفيكم سرا أني تسببت في زواج اكثر من حالتين

وفشلت في الثالثة

==================================

لكن قبل ما تبحثون عن الرجل الكفو يا ايها النساء ، قللوا اشوي من طلباتكم

واتركوا عندم البهانس والزبووا

ترا هالايام الرجال الزين عملة نادرة وصعبة(ذو الدين والخلق )

فإذا جاءكم فزوجوه والله بيغنيه بعد ذلك سيغنيه

======================

وكذلك الحال بالنسبة عن البحث عن زوجة

ارى ان تكلف الأم والأخوات والعمات والخالات والأصدقاء الثقة عن بنت الحلال ذات

مواصفات الدين والخلق والحياء(ربة بيت عدل ) مش خراجة ولاجة

ولا يتشدد في الجمال والرشاقة ترى الجمال جمال الروح والخلق وليس جمال البدن

لذلك حذر الرسول الكريم من الزواج من الجميلة اذا كانت اخلاقها سيئة ودينها هزيل

فقد روي عن النبي عليه الصلاة والسلام انه قال "إياكم وخضراء الدمن فقيل وما خضراء

الدمن قال المرأة الحسناء في المنبت السوء"

... وقال علماء الحديث عن هذا الحديث أنه حديث ضعيف جدا ...

ولكن وللأسف الشديد العمل بمقتضى هذه الجملة السابقة معمول به وبشدة في مجتمعنا .

وهناك مواطن ممكن واحد يبحث فيها عن بنت الحلال

مثلا مراكز تحفيظ القران وغيرها من اماكن الطهر والعفاف

وسلامتكم

اخوكم

اسعاف

..

ALREEM

27-05-2009, 01:37 PM

امممم .. انا اشوف ماله داعي وجود الخطابه .. والناس يدفعون لها فلوس ويعطونها صورهم << طيب شيضمنكم ؟؟!
ماله داعي الواحد او الوحده تلجأ للخطابه بوجود الاهل والمعارف .. اما اذا كان الشخص مقطوع من شجره او متغرب وماعنده حد << يعني بعض الحلات القليييييله اللي الشخص يكون مجبور انه يلجأ للخطابه .. مع ان الواحد يقدر يمشي نفسه من غير خطابه ومن غير مايوهق نفسه ويدخل نفسه ف امور مايدري وش بتكون اخرتها ..

يعطيكم العافيه .. تقبلووو مروري

HORK

27-05-2009, 01:44 PM

قبل 3 سنوات كان معاي في الدوام احد الشباب الصغار في العمر

يعني في بداية العشرينات وفي بداية حياته العمليه ومراهقته

المهم الرجال شاف في يوم رقم خطابه في الجرايد

واتصل بها من باب الفضول والغشمره والضحك عليها

طبعا الرجال فاضي وعزابي واسلوب مغازلجي محترف

وشبك الخطابة العجور نسبيا في عمر امه او اكبر اشوي

وترك اللي وراه من البنات وتفرغ فقط لهذه الخطابة العجوز واغرائاتها

الاخت تولعت في زميلي هذا

وما خلت سر من اسرار البنات والعوائل الا وعند صديقنا

والله يا جماعه اسرار دقيقه جدا عن مطلقات او بنات ناس وحتى عن الازواج

زميلنا كان يجاهر بهذه الاسرار وتفاصيلها واحيانا بالصور

المهم الرجال بعد فتره فنش من الشغل قلت له ليش يا ابن الناس عسى ماشر

قال خلاص باقعد في البيت امي بتصرف علي ما ابي اشتغل

وانقطعت اخباره لين اليوم والله يستر عليه

اعتقد كلامي واضح والمغزى من الكلام واضح

وخير الكلام ما قل ودل

واللبيب بالاشارة يفهم

كلامي هذا كله حقيقي ومن واقع انا عشته بنفسي والله على ما اقول شهيد

Only Me

27-05-2009, 01:50 PM

لا تعليق

ra3shat hadab

27-05-2009, 10:58 PM

تسلمين على الموضوع

أنا مع المثل الأول

و أعرف صديقه لي خطابه و ساعدتها

وأعتقد ما فيها شي لو الوحده تزوجت عن طريق خطابه

بنات الحلال وايد في بيوتهم قاعدين ومحد يدري عنهم فما فيها شي لو لجئوا لخطابه

أنا عن نفسي ما أفكر أتزوج بهل الطريقه

هلا وغلا .....
بعض الرجال يعايرون زوجاتهم اذا خذوهم عن طريق خطابات...
شخصياً أأيد وما أأيد... يعني للي مالهم معارف ومايطلعون من البيت مالهم الا الخطابة ولا انتظار النصيب من الغيب :)....

تسلمين حبوبه

ra3shat hadab

27-05-2009, 11:08 PM

وعلى فكره في بنات معرفه قصوا عليهم خطابات و خذوا منهم فلوس و صور و لين الحين يقولون لهم للحين ندور لكم

أنا ما أأيد الخطابه اللي تزوج عن طريق صور وافضل اللي توفق راسين بدون مقابل و بدون صور لأنها تسوي شي لله

و بالفعل هالمهنه محتاجه مراقبه و بالذات ان بعض الخطابات قامت تخلي البنات و الشباب يتقابلون عندها لا حسيب و لاقيب

و بعض الخطبات ياخذون مبلغ 10.000 ريال على كل زيجه

و البعض يزوجون مسيار !!

عموما في بعض الخطابات عندها ذمه و تخاف الله في اللي تسويه و البعض اهم شي عندهم الكسب المادي

مرحب

اكيد بتكون بليه البلايا اذا وصلت للصور...
كفايه انها عطت اسمها واسرارها للخطابه تقوم وتعطيها صورتها.. !!!
المشكله ان بعض البنات دق اليأس بابهم ويقومون بتصرفات عفوية وبحسن نيه وما يحطون ببالهم عواقبها :( .... الله يستر على بنات المسلمين....

الخطابه تستفيد من الصوبين.. تاخذ من البنت ومن الرجال..
وتاخذ بعد دفعه على الحساب !! يعني قبل لايصير اي شي...
الحين توصل لـ ٣٠ الف .. وبعضهم يقولون لج انتي وشيمتج ،،،،،
وبعدين على حسب السوق :telephone: ... فالصيف يسوون تنزيلات ( اتغشمر :tease: )
( ما سمعتي طارق العلي شقال؟ .... الطويله لها سعر..والقصيره لها سعر.. والمتينه لها سعر ... والضعيفه لها سعر.... والمتحجبه لها سعر.. والسفور لها سعر......الخ) !!! بس ما يندرى صج هالكلام ولالا :nice:

ra3shat hadab

27-05-2009, 11:23 PM

يكفي ان اقول انني مع المثل الاول بالطبع ..

اما عالم الخطابات فلا استطيع ان ابدي فيه الرأي نظرا لعدم معرفتي بخباياه :)

يعطيكم العافيه ،،

يسعد مساك أوتو،،

والله يعافيك ويسلمك من كل شر

،،

منتهى الحكمة

28-05-2009, 12:58 AM

وايد عجبني هالموضوع وحساس وايد واحب أقول لكم عن مواقف تصير بين طالبين الزواج طبعاً كل واحد يشوف صورة الثاني وممكن هناك تكون زيارة و نظرة للبنت وممكن يكلمون بعض بالهاتف بحجة التفاهم والتعارف وهذا كله ترتيب الخاطبة وممكن ما يصير نصيب 00 تدرون شيصير بعدها يستمر الشاب يتصل بالبنت أو العكس وتبدأ العلاقة التي تحولت من قصد الزواج إلى اللعب 00 طبعاً ممكن الخاطبة مالها علم بنية الشاب الذي لديه شغف وفضول لرؤية فلانه أو علانه وذ لك بقصد التعرف واللهو وتصبح الخطابه دون علمها بنية الشاب إلى حلقة وصل ووسيلة تعارف لمن يرغب بها00 لذلك يجب أن تكون هناك ضوابط لوظيفة الخاطبة فهي من أشرف المهن وتكون تحت إشراف هيئة معينة حتى تكون هناك مصداقيةوإحساس الناس بأن الصور والمعلومات بأيدي أمينة وتكون ممن ينطبق عليه شروط معينة00 ودمتم سالمين

شيخ القبيلة

28-05-2009, 11:48 AM

الّي يبحثون عن رجل عن طريق الخطابة

هذول مثل الي يبغي سيارة من سوق بدل(الصناعية )

شنو هذا، كلامك هذا للاسف من وجهة نظر شخصية وماله أي فايده على المجتمع، بالعكس كثير من الخطابات يخافون الله وزوجو ناس كثير وانا شخصيا اعرف ناس كثير متدينين وغير متدينيين تمت زيجاتهم عن طريق الخطابات اللي مب عاجبينك والحمدلله عايشين في سعادة والله رزقهم بالذرية .لو كل الناس بيقعدون يدورون حق عيالهم بنفسهم مثل كلامك اذا نسبة كبيرة مابيتزوجون .

الي تبغي تستر على نفسهه من البنات : تكلم الوالد والوالدة : انها تريد ان تستر على نفسهه!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!

شهالكلام احنا وين قاعدين تبي بنت تجي اتقول حق امها ولا ابوها ابيج تسترين علي ابغي اتزوج نسيت ان البنات يستحون وماسمعنا عن بنت تتجرأ وتقول ابي اتزوج وين هذا في المريخ . ماصارت ولااستوت بنت تقول لاهلها ابيكم تسترون علي ؟؟؟؟؟؟!!!!!!!!!!اللي نعرفه ان الشاب هو اللي يقول حق اهله ابي اتزوج مب البنت .

ولا بأس ان توصي الأم من تراه اهلا للوصاة من النساء للبحث عن الرجل الكفو
وكذلك الحال بالنسبة للأب عليه ان يذكر لأحد الثقات انه عنده بنت يريد ان يستر عليهه

انا عن نفسي كلمني رجلين عن بناتهما يريدان الزوج الصالح

ولا أخفيكم سرا أني تسببت في زواج اكثر من حالتين

وفشلت في الثالثة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!
==================================

لكن قبل ما تبحثون عن الرجل الكفو يا ايها النساء ، قللوا اشوي من طلباتكم

واتركوا عندم البهانس والزبووا

ترا هالايام الرجال الزين عملة نادرة وصعبة(ذو الدين والخلق )

فإذا جاءكم فزوجوه والله بيغنيه بعد ذلك سيغنيه

======================

وكذلك الحال بالنسبة عن البحث عن زوجة

ارى ان تكلف الأم والأخوات والعمات والخالات والأصدقاء الثقة عن بنت الحلال ذات

مواصفات الدين والخلق والحياء(ربة بيت عدل ) مش خراجة ولاجة

ولا يتشدد في الجمال والرشاقة ترى الجمال جمال الروح والخلق وليس جمال البدن

لذلك حذر الرسول الكريم من الزواج من الجميلة اذا كانت اخلاقها سيئة ودينها هزيل

فقد روي عن النبي عليه الصلاة والسلام انه قال "إياكم وخضراء الدمن فقيل وما خضراء

الدمن قال المرأة الحسناء في المنبت السوء" ... وقال علماء الحديث عن هذا الحديث أنه حديث ضعيف جدا ...
ولكن وللأسف الشديد العمل بمقتضى هذه الجملة السابقة معمول به وبشدة في مجتمعنا .

حديث ضعيف وجاي اتقوله حق الناس!!!!!!!!!!!!!!!!!!!!! يعني ابي افهم اشلون تبي الناس تستفيد من حديث ضعيف واصلا شالهدف انك اتقوله .

وهناك مواطن ممكن واحد يبحث فيها عن بنت الحلال

مثلا مراكز تحفيظ القران وغيرها من اماكن الطهر والعفاف

وسلامتكم

اخوكم

اسعاف

..

؟؟؟؟؟؟؟؟؟؟؟؟!!!!!!!!!!!!!!!!!

شيخ القبيلة

28-05-2009, 12:00 PM

قال ايش قال مثل سوق بدل شهالمنطق

احلى دنياااا

28-05-2009, 01:41 PM

في كلام غريب شلون خطابه تطلب صوره
اعرف خطابات شكثر ما يطلبون صور بس يبون يعرفون معلومات بسيطه عن البنت ومواصفاتها
انا كنت اعرف شخص من عايله محترمه وتزوج عن طريق خطابه لانه تم فتره طويله يخطب بنات من بيوت كثيره ومحد وافق عليه مع انه فيه مواصفات ممتازه وبالاخير تزوج وحده عن طريق خطابه والله وفقه وياها
محد يقدر يقول الزواج هذا ناجح او فاشل لانه كله نصيب والله يعلمه بس
وانا مع كلام اخوي شيخ القبيله بكل اللي قاله
ويا ليت لو محد يتكلم عن شي الا مجربه ومايقعد يقول سمعت وسمعت

صايد السالفه

28-05-2009, 07:39 PM

انا ضد لان الرجال لما يخطب وحدة يحب انه يكون علي معرفه باهلها او يكون واثق من الانسانه الي بيخطبها بس يجي علي عماه جنه موصي علي موتر يعطي الخطابة مواصفات يبيها فل ابشن ولا بدون ككككاك بس صراحة مب حلوة ولحد الحين ياجماعه المجتمع القطري محاااااااااااااافظ ولا يقبل بهالاشياء يمكن بعد لو زمان اول نقول اوكي بس الحين مستحيل اذا الخطابات الحين كل وحدة من جنسيات ثانية وانا قاري في منتدى ان الخطابة الفلانية يتعقبونها الشرطة لانها تقص علي خلق الله ف وين الواحد يوثق فيهم

Northman

30-05-2009, 11:47 AM

محتار ,, و بين البين ..

!الشايمه!

30-05-2009, 04:05 PM

الموضوع....المفترض انه يطرح قضية....نواجهها في مجتمعنا هذي الايام

الخطابة.....ورأي الناس فيها..

المعروف ان الخطابة....كان دورها القديم غير مسمى...اي امرأة عجوز
تزور كل الفريج وتشوف عندهم بنات في سن الزواج...وتعمل على
مدحهن..لبيوت اخرى لديهم شباب في سن الزواج...قصد شريف...ونبيل

اليوم بسبب الوضع الاجتماعي وبعد كثير من العوائل عن الاختلاط الاجتماعي
ورغبة البعض في تيسير امور الزواج...ظهرت هذه المهنة...القديمة الحديثة.

التي لا اعتقد انها تلقى الاهتمام بين العوايل....وان تم هذا الشئ
يكون بالسر......وبشكل غير معلن....بسبب بسيط

انه لايمكن الاعتماد على نوايا فردية.....لانعرف مامدى مصداقيتها...
من هذه المرأة التي يدخلها البعض على بيوتهم..ويأمنونها
على اسرارهم...وصورهم....ومعروف مامعنى صور نساء وبنات في مجتمعنا......!

يتجنب الكثيرين....هذه الخطابة....لان نتائجها لاتحمد عقباها...
ويجب ان يكون هناك مسائلة لهؤلاء النسوة....والتأكد من هويتهن....خاصة
انهن اصبحن يعلنن عن انفسهن بشكل علني في الجرائد.....

للمصلحة العامة يجب ان تتولى جهة مثل هذه الامور..ان كان هناك
رغبة في تيسير امور الزواج بشكل قانوني...ديني...

يكفل سلامة الاطراف وعدم تلاعب...بعض اصحاب النوايا الخبيثة لاستغلال ضعف
بعض النساء اللاتي لديهن ظروف خاصة....

اتصور الموضوع كان عن الخطابات....لم فجِأة تحول من اوريون

لموضوع المسيار...وهذا الاسلوب الساخر والملتوي...الذي يريد فيه

تحقيق المصلحة العامة.....والتضحية العظيمة.....والصور اللي يبي يريد

يطابقها مع الحقيقة......!!! والاتصال اللي دار مع الخطابة...

مالذي ترمي اليه..كشف الخطابة...التي كانت قد الموقف وكشفت تلاعب
بعض الفاضيين الذين يريدون تحقيق المصلحة العامة.....ويضحون تضحيتهم
العظيمة لانقاذ المجتمع...من خلال التلاعب باعراض الناس..

ما اعتقد ان مثل هذه المواضيع الحساسة...مصدر للسخرية والعبث
اللي قاعد تسويه.......

الله يهديك...بس

تحية

بوحارب

30-05-2009, 05:33 PM

لا يعجبني الزواج عن طريق الخطابات :o

فلفل حار

30-05-2009, 05:42 PM

محدن بياخذ الا نصيبه ....:)