حد يعرف

[بوشاهين]

السلام عليكم

شخباركم

حيالله من يدش الموضوع

ابي حد يدليني مكان اودي فيه الاهل علشان يتسبحون ماخلوا لنا بحر علشان نروحه

والاهل يحنون نبي بغير جو ونروح البحر

ابي مكان حلو وما يكون فيه شباب والاهل ياخذون راحتهم

وجزاكم الله كل الخير

[qatarlands]

عندك الخور فيه مكانيين واحد خلف مستشفى الخور
والمكان الثاني بعد الاكاديميه على اليمين مكان حلو وفيه عرشان
وربي يوفقك

[فـــــواز]

مرحبا اخووي بو شاهين


جرب تروح بحر دخان نظيف ويمكن تحصل مكان صاد عن العالم

[روض]

فى زكريت حلو بس بحر دخان عالم هناك

[سويسرا]

والله في الويكند صعبه شوي....

بس فالايام العاديه عندك بحر الغاريه رووووعه وراس لفان

الاهل يوم الاحد راحو بحر الغاريه من 4 لين 10 فليل

روووووعه ومافي ولا شخص ابداااا واستانسو حدهم وخذوا راحتهم

[هدهد سليمان]

عندك الخور فيه مكانيين واحد خلف مستشفى الخور
والمكان الثاني بعد الاكاديميه على اليمين مكان حلو وفيه عرشان
وربي يوفقك


راعي المكان اللي تقول عنه خلف مستشفى الخور من المفروض عنده مكانه بس .. لكن للأسف قفله من كل صوب مخلي بس صوب المسجد ما ادري ليش الصراحه من المفروض يخلون الناس على راحتهم يعني الواحد ما يدري وين يروح!

[hemoud123]

اتمنى يجي يوم تعتبر المناطق الشاطئيه كلها ملكيه عامه ولا يجوز فيها التملك الخاص
اقول اتمنى

[Only Me]

الخور احسن مكان

[عضو المنتدى]

السلام عليكم

شخباركم

حيالله من يدش الموضوع

ابي حد يدليني مكان اودي فيه الاهل علشان يتسبحون ماخلوا لنا بحر علشان نروحه

والاهل يحنون نبي بغير جو ونروح البحر

ابي مكان حلو وما يكون فيه شباب والاهل ياخذون راحتهم

وجزاكم الله كل الخير

والله معاك حق أخوي شاهين

يوم الجمعه إللي راح أنا والأهل أندور على مكان للسباحه

إلا زحمه وشباب ولا المكان مسكر وممنوع :anger1:

وما يصير ياجماعه الخير نقطع مسافة 20 كيلوا في الخور والا دخان

علشان نتسبح نصف ساعة .ما كثر مشاريعهم هالوامير ماتخلص على قلة عددهم عندنا ,

سكروا علينا هالساحل بطولة وعرضه . والله يعين الجميع ترى عيالهم لين كبروا حتى البر ماراح يخلونا .

الله المستعان على كل حال

[روح وريحان]

احنا كنا نروح بحر الغاريه وايد هادي ومافيه حد ..

[ليث العرين]

لا بر ولا بحر


والله حرام عليهم


مافي لا بحر حق السباحه ولا بر للمقناص



الله يعينه