>> 3.5 مليون دولار من المشروع القطري لسكان جنوب لبنان << ياليتنا لبنانيين !!! [الأرشيف]

الـقـاسـي

28-05-2009, 07:21 AM

سلم مكتب المشروع القطري لاعادة اعمار جنوب لبنان امس أهالي مدينتي (بنت جبيل والخيام) وبلدتي (عيناتا وعيتا الشعب) مبلغ ثلاثة ملايين وخمسمائة وخمسين ألف دولار في اطار الدفعتين الثانية والثالثة من التعويضات للمساكن المدمرة والمتضررة بفعل الحرب الاسرائيلية على لبنان في عام 2006 .
وكانت دولة قطر قد تعهدت بإعادة اعمار مدينتي (بنت جبيل والخيام) وبلدتي (عيناتا وعيتا الشعب) بكافة مرافقها العامة اضافة
الى اعادة اعمار وترميم كافة دور العبادة من مساجد وحسينيات وكنائس واديرة وخلوات في كل جنوب لبنان.

المصدر : الراية
http://www.raya.com/site/topics/article.asp?cu_no=2&item_no=446235&version=1&template_id=20&parent_id=19

يعني قريب الــ 12مليون وخمسمية الف .. ياحكومتنا الرشيده من يسوي لنا مكتب لأعاده إعمار القطريين في بلادهم وأنتو مهتمين بلبنان ودارفور أكثر من القطريين ..

مثل ماتهتمون بأهل لبنان وغيرهم اهتموا بالقطريين شوي حرام عليكم .. أموال الدوله مش لعبه عشان يستفيد منها الاجنبي والقطري مايستفيد ..

اللبنانيين مدلعينهم اخر دلع ما أعترضنا بس أحنا اولى منهم .. حسبي الله ونعم الوكيل ..

فنان قطر

28-05-2009, 07:30 AM

لا تعليييق

عساف

28-05-2009, 07:34 AM

حسبي الله ونعم الوكيل

سلطان_قطر

28-05-2009, 07:35 AM

ماسمعت المقوله المشهوره اللي تقول

خيرنا لغيرنا :)

واخرتها اسرائيل بيضربونهم وبيدمرون كل شي ونجي احنا ودول الخليج نعطيهم فلوسنا لاعادة اعمار دولهم وهلم ماجرى :)

المزن الرياني

28-05-2009, 07:39 AM

ضريبه أتفاق الدوحه

جمال اليافعي

28-05-2009, 07:54 AM

المشروع الي في قلب الدوحه بو 20 مليار اتوقع للبنانين ههههههههه يردون الجميل و يعمرونا :)

كيفـي

28-05-2009, 08:02 AM

عين عذاري.. تسقي البعيد وتخلي القريب..

المشكلة عندما ينظر الى الشعب القطري بإنه مترف وغني..!!

ولا يعلمون بإن هناك الكثير من الأسر المتعففة.. والكثير ممن اثقلته الديون..

وان شاء الله ينتبهون لهذه المشاكل قبل لاتتفاقم..

لان كما يعرف لا تكثر الجرائم الا عندما يزداد الفقر ويزداد عدد البطالة..
ويصبح مستوى المعيشة مرتفع والدخل منخفض..!!

والله كريــــم..

eXpert*

28-05-2009, 08:05 AM

ماسمعت المقوله المشهوره اللي تقول

خيرنا لغيرنا :)

واخرتها اسرائيل بيضربونهم وبيدمرون كل شي ونجي احنا ودول الخليج نعطيهم فلوسنا لاعادة اعمار دولهم وهلم ماجرى :)

في هاذي صدقت ،، لا ويا ريت اسرائيل تبادر تضرب ،، تلاقيهم هم يتحرشون في اسرائيل . ويدمرون بلدهم بنفسهم .

الله يستر بس تاريخ 7/6/2009 راح يكون عندهم انتخابات .

الـقـاسـي

28-05-2009, 08:07 AM

لا تعليييق

اي والله لاتعليق .. مانقدر نقول شي ..

الـقـاسـي

28-05-2009, 08:07 AM

حسبي الله ونعم الوكيل

اي والله حسبي الله ونعم الوكيل ..

الـقـاسـي

28-05-2009, 08:08 AM

ماسمعت المقوله المشهوره اللي تقول

خيرنا لغيرنا :)

واخرتها اسرائيل بيضربونهم وبيدمرون كل شي ونجي احنا ودول الخليج نعطيهم فلوسنا لاعادة اعمار دولهم وهلم ماجرى :)

اي والله خيرنا لغيرنا .. شكلهم اسرائيل متفقه مع اللبنانيين .. تحرشو واحنا ندمركم وقطر تدفع ..
حتى اسرائيل بعد ..

الـقـاسـي

28-05-2009, 08:09 AM

ضريبه أتفاق الدوحه

ههههههههه اي والله مايسوى علينا ..

الخارجية

28-05-2009, 08:10 AM

هيك الله بدوه

مبرمج QA

28-05-2009, 08:11 AM

التعليق ممنوع في هذه المسأله !!!

الـقـاسـي

28-05-2009, 08:13 AM

وتبقى الدنيا حلوه

28-05-2009, 08:35 AM

لا وبعد بيعمرون لهم الكنائس !!

بيانو

28-05-2009, 08:50 AM

ضريبه أتفاق الدوحه

:nice:

الطائر الحائر

28-05-2009, 08:58 AM

حسبنا الله ونعم الوكيل ... !!!!!!!

المقهوره

28-05-2009, 09:03 AM

في هاذي صدقت ،، لا ويا ريت اسرائيل تبادر تضرب ،، تلاقيهم هم يتحرشون في اسرائيل . ويدمرون بلدهم بنفسهم .

الله يستر بس تاريخ 7/6/2009 راح يكون عندهم انتخابات .

واذا صار ضرب ومضارب نفس اول في ال انتخابات
اول شي سووه

اتهموا قطر ان لها يد بالموضوع

وبعد تساعدهم الي مثلهم ينقال له بيباي ومع السلامة

المقهوره

28-05-2009, 09:04 AM

لا وبعد بيعمرون لهم الكنائس !!

اذا صدق مهتمين بالدين يشلون كل المساجد الكباين بقطر ويحطون مساجد دام فيها تعمير قطر اولى

Only Me

28-05-2009, 09:04 AM

:weeping:
ابي بس مليون ريال عشان اشتري بيت

Sharshooooor

28-05-2009, 09:08 AM

ترى افضلية الاجانب على القطريين وصل لاعلى مستوى

حاسبوا ياقطريين افهموها لاحد يتكلم خلاص

والا ترى بتتسفرون اخرتها

Sharshooooor

28-05-2009, 09:12 AM

التعليق ممنوع في هذه المسأله !!!

نعم اخوي؟
مافهمت ايش تقصد بالضبط؟
تتكلم ان مايجوز نعلق على حلال اهل قطر وين يروح؟
والا عشان دينا حذرنا بعدم المن!

مضاربه

28-05-2009, 09:18 AM

الله يهدي اميرنا ويسخره حق شعبه ويرزقه البطانه الصالحه ويحنن قلبه على القطريين هو ابونا وهو صاحب القلب الكبير

المقهوره

28-05-2009, 09:21 AM

انا اخبر الواحد اذا مب مقصر ويا رعيته وقدهم شبعانين من الخير .. يقوم يوزع على الناس اللي برى ..
اما عندنا بالعكس الشعب محتاج ومليارات تطلع برى البلاد والشعب اولى بها ..

حسبي الله عليهم .. اذا صارت زياده للمواطنين طارو بعض الناس للامير وقالو له راح تصير كارثه ..
واذا صارت الفلوس لغير القطريين تصير الفلوس جاهزه وعسل على قلب ميزانيتنا ..

" للأسف قطر لغير القطريين فقط " << للأسف أني كل يوم أتاكد ان هالجمله صحيحه ..

انا اقول ان الحركه الي سووها زياده وقانون الموارد البشريه الي هز فئة من القطريين بسبب الظلم الي صار فيه

ان الغرض خصم من عندنا وتجميع كم مليون على شان عيون اللبنانيين بدك بدك شو بدك بدنا متبل وتبوله ونصيف ع جبال لبنان

هالمطربين الي اغلبيتهم من لبنان ورصيد الواحد منهم ملاييين ليش ماياخذون منهم ضرائب ويعمرون بلادهم بيدهم

ولا التخريب عليهم والتعمير علينا....

والي صار لهم جزاء من الله على كثر الفسق في بلادهم

صلى الله عليه وسلم : ((أنهلك وفينا الصالحون قال نعم إذا كثر الخبث ))

وقال الله تعالى: وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ [هود:117]

خافوا ربكم يا مسؤلين قطر ليصير فيكم من كثر ما تظلمون هالناس

الـقـاسـي

28-05-2009, 09:32 AM

اذا صدق مهتمين بالدين يشلون كل المساجد الكباين بقطر ويحطون مساجد دام فيها تعمير قطر اولى

اهم شي اكبر كنيسه عندنا .. بعدين شكلهم حتى الكباين بيشلونها بيقولون كل واحد يصلي في بيته مافي مكان حق الكباين ..
انا من منعوا يشغلون المكرفونات بالمساجد وانا غاسل ايدي منهم ..

الـقـاسـي

28-05-2009, 09:33 AM

:weeping:
ابي بس مليون ريال عشان اشتري بيت

تبي ملايين مب مليون روح اي دوله واخذ جنسيتها ورد قطر .. صدقني بتعيش في نعيم ..

الـقـاسـي

28-05-2009, 09:34 AM

ترى افضلية الاجانب على القطريين وصل لاعلى مستوى

حاسبوا ياقطريين افهموها لاحد يتكلم خلاص

والا ترى بتتسفرون اخرتها

اي والله وصلت لاعلى مستوى .. شكلهم ناويين يسفرونا ..
بيخصمون بعد من رواتبنا وبيشترون لنا جزيره في اي مكان وبيقطونا فيها ..
حسبي الله ونعم الوكيل ..

الـقـاسـي

28-05-2009, 09:36 AM

انا اقول ان الحركه الي سووها زياده وقانون الموارد البشريه الي هز فئة من القطريين بسبب الظلم الي صار فيه

ان الغرض خصم من عندنا وتجميع كم مليون على شان عيون اللبنانيين بدك بدك شو بدك بدنا متبل وتبوله ونصيف ع جبال لبنان

هالمطربين الي اغلبيتهم من لبنان ورصيد الواحد منهم ملاييين ليش ماياخذون منهم ضرائب ويعمرون بلادهم بيدهم

ولا التخريب عليهم والتعمير علينا....

والي صار لهم جزاء من الله على كثر الفسق في بلادهم

صلى الله عليه وسلم : ((أنهلك وفينا الصالحون قال نعم إذا كثر الخبث ))

وقال الله تعالى: وَمَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُونَ [هود:117]

خافوا ربكم يا مسؤلين قطر ليصير فيكم من كثر ما تظلمون هالناس

لا يبه ليش يخصمون منهم دام قطر موجوده .. قطر متكفله بدول العالم .. حتى امريكا تساعدهم اذا صارت لهم نكبه ولا شي واهيا مب محتاجه لعشرين دوله مثل قطر ..
بس انه شوفوا اننا بطرانيين ونساعد الناس ..
يامسؤولين ويا أصحاب القرار لاتبنون اسم لقطر على حسابنا كقطريين ..
الله لايسامحكم وحقنا بناخذه في الدنيا ولا فالاخره ..

القااضي

28-05-2009, 09:36 AM

الله كريم ،،

الله يرحمنا برحمته ،،،

الـقـاسـي

28-05-2009, 09:37 AM

نعم اخوي؟
مافهمت ايش تقصد بالضبط؟
تتكلم ان مايجوز نعلق على حلال اهل قطر وين يروح؟
والا عشان دينا حذرنا بعدم المن!

الدين حذرنا اننا مانمن ولكن الساكت عن الحق شيطان أخرس بعد ..
اموال البلاد تروح بغير وجه حق .. وأحنا أولى بها ..
اذا عدلوا اوضاعنا ذاك الوقت يتبرعون بالفلوس على كيفهم ..
بس مب يتبرعون ويخصمون مننا فلوس ..

حبر سري

28-05-2009, 09:56 AM

قد يكون هناك فعلا صرف للفلوس في غير محلها , وقد تذهب الفلوس لغير مستحقيها لكن :

اللي يتمنى انه يصير لبناني بس علشان تحوشه كمن بيزة , هل هذا يستاهل العنابي؟؟
مجرد سؤال

الـقـاسـي

28-05-2009, 10:09 AM

قد يكون هناك فعلا صرف للفلوس في غير محلها , وقد تذهب الفلوس لغير مستحقيها لكن :

اللي يتمنى انه يصير لبناني بس علشان تحوشه كمن بيزة , هل هذا يستاهل العنابي؟؟
مجرد سؤال

ايه استاهله يابوي .. انا لما قلت هالكلمه طلعت من القهر ..
ياليت تكلم بالمنطق ياحبر سري .. انا الي قلتها يعني ماستاهل العنابي ..
الحمد لله ان رزقي مب في يدك ..

حبر سري

28-05-2009, 10:20 AM

ايه استاهله يابوي .. انا لما قلت هالكلمه طلعت من القهر ..
ياليت تكلم بالمنطق ياحبر سري .. انا الي قلتها يعني ماستاهل العنابي ..
الحمد لله ان رزقي مب في يدك ..

انا تكلمت بالمنطق يالقاسي

والارزاق بيد الله , لاهي بيدك ولا هي بيدي , واللي لك بتاخذه غصب طيب , لأن الله اللي بيسخر لك اياه

حاط عنوان اشكبره ياريتني لبناني علشان الفلوس الله يهداك؟ وين بلدي وان جارت علي عزيزة؟؟؟
والله كلها شعارات , هذا شي واضح

وانا ماقلت الاوضاع كلها صح , انا اعترف وهذا شي اوضح من الشمس , ان يمكن في فلوس تروح لغير مستحقيها , ومااتكلم عن لبنان , اتكلم بشكل عام , والله يحفظ لبنان واهله من كل شر (عسى ماتقول عني لبناني بعد:nice:)

يمكن القيادة العليا لها راي في الموضوع , وعلى قولة اعضاء وايد شفنا لهم كتابات تقول :
ان القيادة العليا في هالبلد ( عسى الله يحفظه من كل سوء ) تشوف شي احنا مانشوفه , هاذي وجهة نظرهم اللي لها كل احترام

لكن يجي واحد ويقول ياريتني لبناني بس لأنه شاف تبرعات تروح حق لبنان !!!

كفو عليك اخوي

ان شا الله يعطونك جواز لبناني , وينولك من الحظ جانب

الله يوفقك

حبر سري

28-05-2009, 10:23 AM

الـقـاسـي

28-05-2009, 10:28 AM

لا وكاتب ياليتنا لبنانيين؟؟؟

يبه تكلم عن نفسك

الحمد لله نتشرف بان نكون قطريين مهما صار , وياما شفنا اجانب (امريكان وغيرهم ) ياخذون رواتب على 120 الف و 130 الف , ولا عمرنا قلنا ياليتنا امريكان!

اي انا كاتبها والمقصود فيها ياليتنا نحصل اهتمام نفسهم ..
وانا ماقلت اني ماتشرف اني قطري .. انا افتخر بأني قطري ومايهمني ترى رايك ..
بس من غيرتي على بلادي وعلى اهل قطر اتمنى انهم يكونون بأحسن حال ..
المشكله نظرتك انت واللي مثلك للقطري وللوضع اللي صاير اهيا اللي مخليه اهل البلاد في هالحال ..
ياليت تفكر بكلامك عدل قبل لاتقط كلام يزعل الواحد .. وتكون نظرتك أعمق للامور ..
ماتنظر لها بنظره سطحيه يالغالي ..

::.Silent.::

28-05-2009, 10:28 AM

حيهور

28-05-2009, 10:30 AM

لاحول ولاقوة الا بالله

الله المستعان

حبر سري

28-05-2009, 10:33 AM

اي انا كاتبها والمقصود فيها ياليتنا نحصل اهتمام نفسهم ..
وانا ماقلت اني ماتشرف اني قطري .. انا افتخر بأني قطري ومايهمني ترى رايك ..
بس من غيرتي على بلادي وعلى اهل قطر اتمنى انهم يكونون بأحسن حال ..
المشكله نظرتك انت واللي مثلك للقطري وللوضع اللي صاير اهيا اللي مخليه اهل البلاد في هالحال ..
ياليت تفكر بكلامك عدل قبل لاتقط كلام يزعل الواحد .. وتكون نظرتك أعمق للامور ..
ماتنظر لها بنظره سطحيه يالغالي ..

نظرتي للقطري؟؟؟ وانا قلت القطري ملياردير مثلا؟

يبه انا تكلمت عن اللي يتمنون يصيرون لبنانيين بس علشان الفلوس , وانا ماقلت اني انا ملياردير , او اني مب حاس , لاتحاول تلبس على الناس يالقاسي , ترى الناس تفهم هالحركات , ماقلت ان الشعب القطري كله مليارديرية , وكلنا نتمنى نصير مليارديرية , هذا طبع البشر , ماقلنا شي

لكن يجي واحد ويكتب ياليتني لبناني بس علشان شاف فلوس تروح لهم؟

اقول له:
ان شا الله بتصير لبناني , بيعطونك الجواز ان شا الله :nice:

وهمك رايي ولا ماهمك , فهذا شي راجع لك اخوي

الله يوفقك بالجواز اللبناني ان شا الله

وبعدين تعال:
تقول نظرتي للقطري؟ وين نظرتي للقطري؟؟؟ انا وين كتبت نظرتي للقطري؟؟

ممكن تقول لي ياللي نظرتك مش سطحية؟ياللي نظرتك عميقة وايد

مب هذا دليل انك قاعد تحاول تلبس على الناس الله يهداك؟؟؟
وين تكلمت عن نظرتي للقطري؟؟؟وين تكلمت عن نظرتي للوضع؟؟؟؟ ممكن تفهمني وتفهم القراء الكرام بعد اذنك طبعا؟؟؟ ممكن يال(غالي):nice:

الـقـاسـي

28-05-2009, 10:34 AM

ليــــن متى ؟؟؟

حسّوا بالقطريين اللي ساكنيين بالإيجار والسكن الحكومي

قطري في بلاده ما عنده سكن ملك

يقولك: قطر تعهدت على نفسها إعادة إعمار لبنان

و قطر متى بتعهد على نفسها انها تضمن سكن خاص ملك لكـــل القطريين؟؟؟

و الله قهــــر

و مبروك للبنان

الحين بينطون لك بعض الناس وبيقولون لك انت بعد انك ماتشرف انك قطري ومن هالكلام اللي يدل على عقلية اللي يقوله ..

اذا تكلمنا عن حقوقنا قالوا ماعندكم وطنية وماتفتخرون ببلادكم ...

اخوي مب القطري اعلى دخل فالعالم مثل مايقصون علينا .. خلاص لازم تحمل هالشيء ..

الناس تنظر لنا اننا اغنى ناس وشعب مرفه .. بس اللي يعيش في قطر يدري ان الوضع عكس الكلام اليل يصرحون فيه ..

كم واحد يكتبون انه انه بدون سكن كم اسره قطريه متعففه .. كم انسان ذابحته الديون في قطر ..
كم وكم وكم ومادري متى بيحسون فينا ..

وضعنا كل ماله مدهور ومن أردى الى أردى وماندري متى بيتعدل الوضع ..

احنا من حقنا نطالب بتعديل عيشتنا .. على الاقل تكون حياتنا مساوية لثروات البلد ..
مب تكون ثروات مايعلم بها الا الله ومب عايش في قطر الا 10% من الشعب ..
واقصد بكلمة عايش متهني وفلوسه واجد ..
الحمد لله على كل حال .. بس اعلى دخل فالعالم هذي طلعت علينا اغلى من بيع السوق ..

حبر سري

28-05-2009, 10:38 AM

الحين بينطون لك بعض الناس وبيقولون لك انت بعد انك ماتشرف انك قطري ومن هالكلام اللي يدل على عقلية اللي يقوله ..

اذا تكلمنا عن حقوقنا قالوا ماعندكم وطنية وماتفتخرون ببلادكم ...

اخوي مب القطري اعلى دخل فالعالم مثل مايقصون علينا .. خلاص لازم تحمل هالشيء ..

الناس تنظر لنا اننا اغنى ناس وشعب مرفه .. بس اللي يعيش في قطر يدري ان الوضع عكس الكلام اليل يصرحون فيه ..

كم واحد يكتبون انه انه بدون سكن كم اسره قطريه متعففه .. كم انسان ذابحته الديون في قطر ..
كم وكم وكم ومادري متى بيحسون فينا ..

وضعنا كل ماله مدهور ومن أردى الى أردى وماندري متى بيتعدل الوضع ..

احنا من حقنا نطالب بتعديل عيشتنا .. على الاقل تكون حياتنا مساوية لثروات البلد ..
مب تكون ثروات مايعلم بها الا الله ومب عايش في قطر الا 10% من الشعب ..
واقصد بكلمة عايش متهني وفلوسه واجد ..
الحمد لله على كل حال .. بس اعلى دخل فالعالم هذي طلعت علينا اغلى من بيع السوق ..

ياللي نظرتك عميقة:nice:

انتقد على كيفك , بس شتسمي اللي يتمنى يكون لبناني بس علشان الفلوس؟؟ انت شتسميه؟؟

هذا اول شي

وثاني شي كاتب ياليتنا لبنانيين؟؟؟ من قال لك ان احنا نتمنى نكون لبنانيين؟؟ مع احترامي الشديد لهم والله يوفقهم ,

تكلم عن نفسك الشيخ , وان شا الله يعطونك الجواز , وهذا مهب انتقاص من قدر اخوانا اللبنانيين اللي ادعي الله انه يحفظهم ويحفظ بلادهم

لكن استغرب !! واحد جاي وكاتب ياليتنا لبنانيين!!! ياخي انتقد , قول اللي تبي , بس تتمنى تصير لبناني بس علشان الفلوس الله يهداك؟؟؟

الله يخلف علينا والله
ومن قال لك لاتطالب بتحسين وضعك؟؟ وياترى تحسين وضعك يكون عن طريق الجواز اللبناني؟؟ياخي طالب بتحسين وضعك , وياريت لو ماتتكلم بصيغة الجمع (ياليتنا ) ياليت من الله يهداك بس؟

ياخي قلنا لك ندري ان في فلوس بشكل عام تروح لغير مستحقيها , ماقلنا شي , وندري ان اهل البلاد اولى , ماقلنا شي , واصلا بدون مانقول هالشي معروف , لكن عمرنا ماتمنينا غير جنسية الاد نفيع :nice::nice::nice:(طبعا تعرفهم )

آخر كلام:
شو هالحكي؟؟:nice:

الـقـاسـي

28-05-2009, 10:41 AM

نظرتي للقطري؟؟؟ وانا قلت القطري ملياردير مثلا؟

يبه انا تكلمت عن اللي يتمنون يصيرون لبنانيين بس علشان الفلوس , وانا ماقلت اني انا ملياردير , او اني مب حاس , لاتحاول تلبس على الناس يالقاسي , ترى الناس تفهم هالحركات , ماقلت ان الشعب القطري كله مليارديرية , وكلنا نتمنى نصير مليارديرية , هذا طبع البشر , ماقلنا شي

لكن يجي واحد ويكتب ياليتني لبناني بس علشان شاف فلوس تروح لهم؟

اقول له:
ان شا الله بتصير لبناني , بيعطونك الجواز ان شا الله :nice:

وهمك رايي ولا ماهمك , فهذا شي راجع لك اخوي

الله يوفقك بالجواز اللبناني ان شا الله

وبعدين تعال:
تقول نظرتي للقطري؟ وين نظرتي للقطري؟؟؟ انا وين كتبت نظرتي للقطري؟؟

ممكن تقول لي ياللي نظرتك مش سطحية؟ياللي نظرتك عميقة وايد

مب هذا دليل انك قاعد تحاول تلبس على الناس الله يهداك؟؟؟
وين تكلمت عن نظرتي للقطري؟؟؟وين تكلمت عن نظرتي للوضع؟؟؟؟ ممكن تفهمني وتفهم القراء الكرام بعد اذنك طبعا؟؟؟ ممكن يال(غالي):nice:

ياخي ياليتني لبناني ياليتني مصري ياليتني سوري انت وش حارق اعصابك ..
ياخي انت مب راضي تفهم شسوي فيك .. اقول تيس يقول احلبوه ..
ياخوي انا لما قلت ياليتنا لبنانيين اقصد ياليتنا نحصل نفس الاهتمام بالبنانيين ..
نفس التبرعات اللي تروح لهم .. نفس المدن اللي عمروها لهم بدون مقابل ..
نفس المكتبه اللي تكفلو بأنشائها ..
ياليتنا لبنانيين عشان يبونون بيوت للقطرين بسرعه مثل مابنوا بنت جبل ..
مب يتم القطري سنين لين يبنى بيته ولا ياخذون الفلوس منه وياخذون فوائد ..
حاول يكون تفكيرك اكبر شوي وتفكر بكلامي ..
وانا غلطت وقلت انك غالي ليش اكذب عليك لا انت بغالي ولا شي ..
وترى انا اتكلم بعفويه ماخطط والبس مثل ماتفكر انت ..

فهمت بعد ولا تبي شرح أكثر .. انا مقدر ان لكل انسان قدرات عقليه تختلف عن غيره لكن هذا مايمنع ان الانسان يحاول يطور من قدراته العقليه عشان يستوعب بعض الامور الي تصعب عليه فهمها ..
فالوضع عادي ترى ..

الـقـاسـي

28-05-2009, 10:43 AM

ياللي نظرتك عميقة:nice:

انتقد على كيفك , بس شتسمي اللي يتمنى يكون لبناني بس علشان الفلوس؟؟ انت شتسميه؟؟

هذا اول شي

وثاني شي كاتب ياليتنا لبنانيين؟؟؟ من قال لك ان احنا نتمنى نكون لبنانيين؟؟ مع احترامي الشديد لهم والله يوفقهم ,

تكلم عن نفسك الشيخ , وان شا الله يعطونك الجواز , وهذا مهب انتقاص من قدر اخوانا اللبنانيين اللي ادعي الله انه يحفظهم ويحفظ بلادهم

لكن استغرب !! واحد جاي وكاتب ياليتنا لبنانيين!!! ياخي انتقد , قول اللي تبي , بس تتمنى تصير لبناني بس علشان الفلوس الله يهداك؟؟؟

الله يخلف علينا والله
ومن قال لك لاتطالب بتحسين وضعك؟؟ وياترى تحسين وضعك يكون عن طريق الجواز اللبناني؟؟ياخي طالب بتحسين وضعك , وياريت لو ماتتكلم بصيغة الجمع (ياليتنا ) ياليت من الله يهداك بس؟

ياخي قلنا لك ندري ان في فلوس بشكل عام تروح لغير مستحقيها , ماقلنا شي , وندري ان اهل البلاد اولى , ماقلنا شي , واصلا بدون مانقول هالشي معروف , لكن عمرنا ماتمنينا غير جنسية الاد نفيع :nice::nice::nice:(طبعا تعرفهم )

آخر كلام:
شو هالحكي؟؟:nice:

هههههههههههههههههه ياخي دمك خفيف .. ضحكتني وانا مالي خاطر اضحك ..
انك صايد السالفه يعني الحمد لله والشكر ..

حبر سري

28-05-2009, 10:45 AM

ياخي ياليتني لبناني ياليتني مصري ياليتني سوري انت وش حارق اعصابك ..
ياخي انت مب راضي تفهم شسوي فيك .. اقول تيس يقول احلبوه ..
ياخوي انا لما قلت ياليتنا لبنانيين اقصد ياليتنا نحصل نفس الاهتمام بالبنانيين ..
نفس التبرعات اللي تروح لهم .. نفس المدن اللي عمروها لهم بدون مقابل ..
نفس المكتبه اللي تكفلو بأنشائها ..
ياليتنا لبنانيين عشان يبونون بيوت للقطرين بسرعه مثل مابنوا بنت جبل ..
مب يتم القطري سنين لين يبنى بيته ولا ياخذون الفلوس منه وياخذون فوائد ..
حاول يكون تفكيرك اكبر شوي وتفكر بكلامي ..
وانا غلطت وقلت انك غالي ليش اكذب عليك لا انت بغالي ولا شي ..
وترى انا اتكلم بعفويه ماخطط والبس مثل ماتفكر انت ..

فهمت بعد ولا تبي شرح أكثر .. انا مقدر ان لكل انسان قدرات عقليه تختلف عن غيره لكن هذا مايمنع ان الانسان يحاول يطور من قدراته العقليه عشان يستوعب بعض الامور الي تصعب عليه فهمها ..
فالوضع عادي ترى ..

ههههههههههههههه
اعصابك يبه

لاني بغالي ولا شي , ادري :nice:اغليتني ولا مااغليتني يالقاسي , فأنت قاسي:)

شوف يالقاسي انت , ياليتك انت سوري ولا لبناني على قولتك , لاتعم الله يسلمك , انت تبي تصير منهم علشان الفلوس , الله يوفقك , لشو معصب(خبرك اكلمك باللبناني:nice:)

الله يوفقك ويعطونك جنسيتهم , بس ترى حاسب , اغلب التبرعات تروح حق اهل الجنوب على ماعرفت , فقول لهم لما يعطونك الجنسية , ابي اكون من اهل الجنوب:nice:

بالتوفيق

انا وين وهو وين!!!

ويقول انه يقول لي تيس وانا اقول احلبوه
خخخخخخ

يابو الشباب , انتقد على كيفك , طالب بتحسين اوضاعك على كيفك , لكن ياخي لاتتكلم بصغية الجمع , كاتب ياليتنا , ياليتك انت يبه مب احنا , احنا مانتنازل ولا نتمنى نكون مب قطريين علشان كمن بيزة , حتى ولو كانت اوضاعنا على قولتك تعبانة , احنا ماقلنا اوضاعنا والله احنا كل واحد فينا عنده قصور وخمسين سيارة وملايين في البنك , ماقلنا هالكلام, وكل واحد من حقه يطلب تحسين وضعه

وارجع واقول لك:
شو هيدا الحكي؟:nice:

الله يوفقك يبه

حبر سري

28-05-2009, 10:46 AM

هههههههههههههههههه ياخي دمك خفيف .. ضحكتني وانا مالي خاطر اضحك ..
انك صايد السالفه يعني الحمد لله والشكر ..

ايوا جذيه

اضحك لاتعصب:nice:

Sharshooooor

28-05-2009, 10:48 AM

الدين حذرنا اننا مانمن ولكن الساكت عن الحق شيطان أخرس بعد ..
اموال البلاد تروح بغير وجه حق .. وأحنا أولى بها ..
اذا عدلوا اوضاعنا ذاك الوقت يتبرعون بالفلوس على كيفهم ..
بس مب يتبرعون ويخصمون مننا فلوس ..

هههههههههههههه

انت فهمتني غلط
هذا كان ردي على العضو qa
لان قال مايجوز النقاش في هالمواضيع

فقلت له خير ليش يعني شنو السبب هل عشان المن ؟

هذا مايعتبر من
هذا يعتبر حلم لنا انا نحصل جزء من العطاء اللي يقدم للدول
احنا متزوجين جدد ونسكن بالايجار تتوقع متى راح نمتلك بيت الاحلام؟

اتمنى من سمو الامير حفظة الله النظر في موضوع القطريين
واتمنى من المسؤولين في الديوان الاميري رفع هذا الموضوع لسموة وعدم تهميشة

ذربة ألكلام

28-05-2009, 10:55 AM

حبر سري

28-05-2009, 11:00 AM

كلامك سليم 100% يالقاسي ، وان شاالله تكون قاسي على اعداء الدين ، بس انا عندي سؤال محيرني جدا ومن مدة طويله

ليش الدوله صابه كل اهتمامها على هذي الجنسيه ؟ ليش مو المصري ولا السوري ولا الاردني ولا الخليجي ليش بالتحديد اللبناني ؟ انا سمعت ان بعض اللبنانيين الي يشتغلون في قطر ياخذون اعلى الرواتب وبالدولار الامريكي هل هذا الكلام صحيح ؟

أختي ذربة الكلام

مافي اعلى من رواتب الامريكان والبريطانيين والفرنسيين والكنديين , وغيرهم من هالجنسيات

اخوانا العرب مهما ارتفعت رواتبهم , ماتوصل لمواصيل اللي ذكرتهم

على حسب معرفتي

مضاربه

28-05-2009, 11:17 AM

كلامك سليم 100% يالقاسي ، وان شاالله تكون قاسي على اعداء الدين ، بس انا عندي سؤال محيرني جدا ومن مدة طويله

ليش الدوله صابه كل اهتمامها على هذي الجنسيه ؟ ليش مو المصري ولا السوري ولا الاردني ولا الخليجي ليش بالتحديد اللبناني ؟ انا سمعت ان بعض اللبنانيين الي يشتغلون في قطر ياخذون اعلى الرواتب وبالدولار الامريكي هل هذا الكلام صحيح ؟

وليش ياختي سوري والا لبناني والا اي جنسيه كانت ليش مب القطري قعدو القطريين في بيوتهم وقالو انتو ماتصلحون للشغل وجابو ناس من برا وخسروا عليهم من سكن وتدريس ورواتب عاليه ليش هذا كله صج ان قلة تدبير على قولة الوالده كله تقول هالمثل قلة تدبيري برك لشعيري

حبر سري

28-05-2009, 11:20 AM

قعدو القطريين في بيوتهم وقالو انتو ماتصلحون للشغل وجابو ناس من برا وخسروا عليهم من سكن وتدريس ورواتب عاليه ليش هذا كله صج ان قلة تدبير على قولة الوالده كله تقول هالمثل قلة تدبيري برك لشعيري

للأسف

Only Me

28-05-2009, 11:34 AM

تبي ملايين مب مليون روح اي دوله واخذ جنسيتها ورد قطر .. صدقني بتعيش في نعيم ..

شكلي باخذ الجواز الكندي

الـقـاسـي

28-05-2009, 12:07 PM

هههههههههههههه

انت فهمتني غلط
هذا كان ردي على العضو qa
لان قال مايجوز النقاش في هالمواضيع

فقلت له خير ليش يعني شنو السبب هل عشان المن ؟

هذا مايعتبر من
هذا يعتبر حلم لنا انا نحصل جزء من العطاء اللي يقدم للدول
احنا متزوجين جدد ونسكن بالايجار تتوقع متى راح نمتلك بيت الاحلام؟

اتمنى من سمو الامير حفظة الله النظر في موضوع القطريين
واتمنى من المسؤولين في الديوان الاميري رفع هذا الموضوع لسموة وعدم تهميشة

ههههههههه والله اني فاهمك صح .. انا كان ردي تكمله لردك فديت خشمك ..
ماكان رد عليك انت .. كان تكمله لردك بس ..

الخير كله

28-05-2009, 12:08 PM

تضحكون..........

فريج النصر

28-05-2009, 12:09 PM

شوكرا جزيلا لك

جاسم الكواري

28-05-2009, 12:10 PM

لا تعليييق

الـقـاسـي

28-05-2009, 12:19 PM

ههههههههههههههه
اعصابك يبه

لاني بغالي ولا شي , ادري :nice:اغليتني ولا مااغليتني يالقاسي , فأنت قاسي:)

شوف يالقاسي انت , ياليتك انت سوري ولا لبناني على قولتك , لاتعم الله يسلمك , انت تبي تصير منهم علشان الفلوس , الله يوفقك , لشو معصب(خبرك اكلمك باللبناني:nice:)

الله يوفقك ويعطونك جنسيتهم , بس ترى حاسب , اغلب التبرعات تروح حق اهل الجنوب على ماعرفت , فقول لهم لما يعطونك الجنسية , ابي اكون من اهل الجنوب:nice:

بالتوفيق

انا وين وهو وين!!!

ويقول انه يقول لي تيس وانا اقول احلبوه
خخخخخخ

يابو الشباب , انتقد على كيفك , طالب بتحسين اوضاعك على كيفك , لكن ياخي لاتتكلم بصغية الجمع , كاتب ياليتنا , ياليتك انت يبه مب احنا , احنا مانتنازل ولا نتمنى نكون مب قطريين علشان كمن بيزة , حتى ولو كانت اوضاعنا على قولتك تعبانة , احنا ماقلنا اوضاعنا والله احنا كل واحد فينا عنده قصور وخمسين سيارة وملايين في البنك , ماقلنا هالكلام, وكل واحد من حقه يطلب تحسين وضعه

وارجع واقول لك:
شو هيدا الحكي؟:nice:

الله يوفقك يبه

ياخي ماكل فول ع الصبح ولا شسالفتك .. مب راضي تفهم وجهة نظري ..
ع العموم ياحبر مب أكبر همي الحين اني اقعد اتناشب وياك ..
وأختلاف الرأي لايفسد للود قضية ..
واذا أنا ضميتك ويانا وانت ماتبي فأعتبره خطأ مطبعي ولاتزعل ..
ياليتنا كلنا لبنانيين الا حبر سري ههههههههه ..

ياخوي انا ماتكلمت ولا انقهرت ولا قلت هالكلام الا لما أشوف أهل قطر محرومين من التمتع بحلال بلادهم وغيرهم ياخذها بارده مبرده ..
مب شي يقهر هذا ويطلع الواحد من طوره .. ويخلي يفكر بأشياء اهو ماوده حتى مجرد التفكير فيها ..
وانا مش على استعداد ابيع ديرتي على أساس فلوس حتى لو كانت مبالغ خرافيه مب شوية بيزات ..
وانت لاتجيني تثبت لي انك وطني .. ترى اذا انت قطري انا بعد قطري واحب بلادي أكثر منك ومتأكد انا بهالشي ..
فـ لاتجيني تطلعني بايع بلادي وبتنازل عنها عشان فلوس .. حتى لو قلت ليتنا لبنانيين ..
فيه شي فاللغه العربيه أسمه استعاره مكنية .. يجوز اني طبقته بطريقة خاطئه ..
ع العموم انا مابي اعيد هالكلام واشرح من جديد ..
اذا تضايقت اني ضميتك بهالكلمة فأنا أعتذر لك وقدام الاعضاء كلهم ..
بس ترى الواحد يزعل لما تكلم بهالطريقه واني ابيع بلادي عشان فلوس لا ياخوي ماتوصل لهدرجة ..

حبر سري

28-05-2009, 12:23 PM

ياخي ماكل فول ع الصبح ولا شسالفتك .. مب راضي تفهم وجهة نظري ..
ع العموم ياحبر مب أكبر همي الحين اني اقعد اتناشب وياك ..
وأختلاف الرأي لايفسد للود قضية ..
واذا أنا ضميتك ويانا وانت ماتبي فأعتبره خطأ مطبعي ولاتزعل ..
ياليتنا كلنا لبنانيين الا حبر سري ههههههههه ..

ياخوي انا ماتكلمت ولا انقهرت ولا قلت هالكلام الا لما أشوف أهل قطر محرومين من التمتع بحلال بلادهم وغيرهم ياخذها بارده مبرده ..
مب شي يقهر هذا ويطلع الواحد من طوره .. ويخلي يفكر بأشياء اهو ماوده حتى مجرد التفكير فيها ..
وانا مش على استعداد ابيع ديرتي على أساس فلوس حتى لو كانت مبالغ خرافيه مب شوية بيزات ..
وانت لاتجيني تثبت لي انك وطني .. ترى اذا انت قطري انا بعد قطري واحب بلادي أكثر منك ومتأكد انا بهالشي ..
فـ لاتجيني تطلعني بايع بلادي وبتنازل عنها عشان فلوس .. حتى لو قلت ليتنا لبنانيين ..
فيه شي فاللغه العربيه أسمه استعاره مكنية .. يجوز اني طبقته بطريقة خاطئه ..
ع العموم انا مابي اعيد هالكلام واشرح من جديد ..
اذا تضايقت اني ضميتك بهالكلمة فأنا أعتذر لك وقدام الاعضاء كلهم ..
بس ترى الواحد يزعل لما تكلم بهالطريقه واني ابيع بلادي عشان فلوس لا ياخوي ماتوصل لهدرجة ..

لاطلعتك بايع بلادك ولا شي , سألتك سؤا ل وانت تحرقصت منه :nice:

سألت سؤال ولا جاوبت , لاقلت عنك بايع وطنيتك ولا شي , وارجع واقول لك:
الله يوفقك وتاخذ الجواز اللبناني , ياخي هذا اللي تبيه ليش تعصب لما ادعي لك؟:nice:

وبعدين تعال :
وين الاستعارة المكنية وين كلامك الله يهداك:)

الله يوفقك يبه

المقهوره

28-05-2009, 12:28 PM

اهم شي اكبر كنيسه عندنا .. بعدين شكلهم حتى الكباين بيشلونها بيقولون كل واحد يصلي في بيته مافي مكان حق الكباين ..
انا من منعوا يشغلون المكرفونات بالمساجد وانا غاسل ايدي منهم ..

من قال ممنوع

انا المسجد الي يبعد عن بيتنا نسمعه ومشغل المكرفون
بس صح امنعوها فتره بلفيت الاجانب يتضايقون ويزعجهم

المقهوره

28-05-2009, 12:31 PM

لا يبه ليش يخصمون منهم دام قطر موجوده .. قطر متكفله بدول العالم .. حتى امريكا تساعدهم اذا صارت لهم نكبه ولا شي واهيا مب محتاجه لعشرين دوله مثل قطر ..
بس انه شوفوا اننا بطرانيين ونساعد الناس ..
يامسؤولين ويا أصحاب القرار لاتبنون اسم لقطر على حسابنا كقطريين ..
الله لايسامحكم وحقنا بناخذه في الدنيا ولا فالاخره ..

اها هذه صدقت

الـقـاسـي

28-05-2009, 12:32 PM

كلامك سليم 100% يالقاسي ، وان شاالله تكون قاسي على اعداء الدين ، بس انا عندي سؤال محيرني جدا ومن مدة طويله

ليش الدوله صابه كل اهتمامها على هذي الجنسيه ؟ ليش مو المصري ولا السوري ولا الاردني ولا الخليجي ليش بالتحديد اللبناني ؟ انا سمعت ان بعض اللبنانيين الي يشتغلون في قطر ياخذون اعلى الرواتب وبالدولار الامريكي هل هذا الكلام صحيح ؟

ان شاء الله .. هذا اللي محيرني ان الاهتمام بالاجانب اكثر من القطريين ..
يعني اهما مايدرون ان القطري اهو اللي راح يتم لهم طول عمره ..
اوكي استفيدو من الاجانب في تأسيس كفاءات قطريه مب تعتمدون عليهم وتهمشون دور القطري وتلغون وجوده ..

المقهوره

28-05-2009, 12:34 PM

ايه استاهله يابوي .. انا لما قلت هالكلمه طلعت من القهر ..
ياليت تكلم بالمنطق ياحبر سري .. انا الي قلتها يعني ماستاهل العنابي ..
الحمد لله ان رزقي مب في يدك ..

صح اطلعت من القهر وهذا الي واضح

بس لو هو مايستحق العنابي كان ما علق على اي شي ولا نقهر من اي شي يصير بقطر

كان اخذ نفسه بهدوء لاي دوله تعطي جنسيات وسكت ولا من شاف ولا من دري

بس هو متمسك بدولته قطر على شان كذا يتكلم عنها بالي في خاطره على شان لعلى وعسى يعتدل الحال

هذا الي انا فهمته

حبر سري

28-05-2009, 12:37 PM

صح اطلعت من القهر وهذا الي واضح

بس لو هو مايستحق العنابي كان ما علق على اي شي ولا نقهر من اي شي يصير بقطر

كان اخذ نفسه بهدوء لاي دوله تعطي جنسيات وسكت ولا من شاف ولا من دري

بس هو متمسك بدولته قطر على شان كذا يتكلم عنها بالي في خاطره على شان لعلى وعسى يعتدل الحال

هذا الي انا فهمته

وانا ماقلت شي يالمقهورة الله يحفظج

الله يوفقفه مع الجواز اللبناني

وشقلت انا؟

انا سألت سؤال بس

والله يوفق الجميع هو ولا غيره
:nice:

واحييج على ردودج المتزنة بصراحة

الـقـاسـي

28-05-2009, 12:38 PM

تضحكون..........

يقول لج شر البلية مايضحك .. وانا اضحك على حال بعض الناس اللي يعتبرون الحديث والتعليق في مثل هالامور ممنوع ..

التعليق ممنوع في هذه المسأله !!!

احنا في دولة مثل ماتعرفون فيها حرية التعبير متاحة للجميع .. طبعا انا ماقول هالشيء اهما يقولون ان عندنا حرية تعبير وديموقراطية .. فــ من حقنا نجربها ونتكلم بحرية ..

المقهوره

28-05-2009, 12:39 PM

انا تكلمت بالمنطق يالقاسي

والارزاق بيد الله , لاهي بيدك ولا هي بيدي , واللي لك بتاخذه غصب طيب , لأن الله اللي بيسخر لك اياه

حاط عنوان اشكبره ياريتني لبناني علشان الفلوس الله يهداك؟ وين بلدي وان جارت علي عزيزة؟؟؟
والله كلها شعارات , هذا شي واضح

وانا ماقلت الاوضاع كلها صح , انا اعترف وهذا شي اوضح من الشمس , ان يمكن في فلوس تروح لغير مستحقيها , ومااتكلم عن لبنان , اتكلم بشكل عام , والله يحفظ لبنان واهله من كل شر (عسى ماتقول عني لبناني بعد:nice:)

يمكن القيادة العليا لها راي في الموضوع , وعلى قولة اعضاء وايد شفنا لهم كتابات تقول :
ان القيادة العليا في هالبلد ( عسى الله يحفظه من كل سوء ) تشوف شي احنا مانشوفه , هاذي وجهة نظرهم اللي لها كل احترام

لكن يجي واحد ويقول ياريتني لبناني بس لأنه شاف تبرعات تروح حق لبنان !!!

كفو عليك اخوي

ان شا الله يعطونك جواز لبناني , وينولك من الحظ جانب

الله يوفقك

ان القيادة العليا في هالبلد ( عسى الله يحفظه من كل سوء ) تشوف شي احنا مانشوفه , هاذي وجهة نظرهم اللي لها كل احترام

هالجمله بالذات كثير اسمعها عند مدراء الادارات خاصه اذا عارضنا على قرار حاطينه ونقول ظالم
على طول يرزون هالجمله احنا نشوف شي انتوا ماتشوفونه وفي النهايه هالشي غلط

يعني مستحيل تبي تفهمني ان هالشعب كله مايفهم

الـقـاسـي

28-05-2009, 12:40 PM

صح اطلعت من القهر وهذا الي واضح

بس لو هو مايستحق العنابي كان ما علق على اي شي ولا نقهر من اي شي يصير بقطر

كان اخذ نفسه بهدوء لاي دوله تعطي جنسيات وسكت ولا من شاف ولا من دري

بس هو متمسك بدولته قطر على شان كذا يتكلم عنها بالي في خاطره على شان لعلى وعسى يعتدل الحال

هذا الي انا فهمته

أذكى انسان مر علي انتي فهمتي الي فخاطري بشكل صحيح .. بس حبر سري فسر كلامي بالطريقة المكتوبه وليس المقصوده ..
انا احييج اختي المقهوره واشكرج على هالرد اللي برد خاطري ..

بوعلي2

28-05-2009, 12:42 PM

الحمد الله على كل حال

الـقـاسـي

28-05-2009, 12:42 PM

ان القيادة العليا في هالبلد ( عسى الله يحفظه من كل سوء ) تشوف شي احنا مانشوفه , هاذي وجهة نظرهم اللي لها كل احترام

هالجمله بالذات كثير اسمعها عند مدراء الادارات خاصه اذا عارضنا على قرار حاطينه ونقول ظالم
على طول يرزون هالجمله احنا نشوف شي انتوا ماتشوفونه وفي النهايه هالشي غلط

يعني مستحيل تبي تفهمني ان هالشعب كله مايفهم

واضيف على كلامج انه مافيه انسان على هالدنيا معصوم من الخطاء .. وفي ناس الله يرزقهم بالبطانه الصالحه وفيه ناس لا ..

ماقول الا عسى ربي يطول عمر بومشعل ويخلي لنا ذخر ويرزقه بالبطانه الصالحه ..

كاتم الاسرار

28-05-2009, 12:43 PM

الـقـاسـي

28-05-2009, 12:44 PM

من قال ممنوع

انا المسجد الي يبعد عن بيتنا نسمعه ومشغل المكرفون
بس صح امنعوها فتره بلفيت الاجانب يتضايقون ويزعجهم

احنا مسجدنا بس الاذان والاقامه .. واهما صدق منعوا المكرفون من كلام الناس انه عشان الاجانب .. انا مادري شالسبب بس هذا الكلام الي اسمعه ..

المقهوره

28-05-2009, 12:45 PM

أذكى انسان مر علي انتي فهمتي الي فخاطري بشكل صحيح .. بس حبر سري فسر كلامي بالطريقة المكتوبه وليس المقصوده ..
انا احييج اختي المقهوره واشكرج على هالرد اللي برد خاطري ..

:) عفوا

حنا هنا نكمل بعض
وكلن يخونه التعبير عادي بس في النهايه قطريين وقلوبنا بيضاء

تصدق انا زعلانه حدي حدي من الي اسمعه واشوفه والقرارات الخطأ
واقول ليش بو مشعل مايشوف مشاكل شعبه بنفسه مثل زايد الله يرحمه

واذا شفت صورته ولا شفته بسمته وتحيته لشعبه انط واقول فديته بومشعل
لان شخصيته جدا روعه ومن اصل طيب

بس مشكلته هالي حوله مخربين كل شي

الـقـاسـي

28-05-2009, 12:46 PM

انا اقووووووووول خلونا ساكتين احسن كفايه الي يصير في الديره من الاجانب اشدعوه لهدرجه كل شكاوي عليهم من وطني الحبيب ومن الاشغال والبنوك وكل مكان ما اقووووووووووول غير حسبي الله ونعم الوكيل وان شاءالله لهم يوووووووووووم وما يشبعووووووووووووووووووون

والله قههههههههههههههههههههههههههههههههههههههههههههههههه هههههههههههههر

اخوي لو انت اجنبي وقالوا لك تعال وتوظف بهالراتب الكبير وهالامتيازات بتقول لا أهل بلادكم أولى .. لاطبعا بتوافق وبتروح ركض وبتحارب أهل البلاد عشان ماياخذون مكانك ..
خصوصا اذا بعض المسؤولين مسلمينك الخيط والمخيط ..
المفروض يتحاسبون بعض المسؤولين اللي مسلمينهم كل شي ..

المقهوره

28-05-2009, 12:46 PM

احنا مسجدنا بس الاذان والاقامه .. واهما صدق منعوا المكرفون من كلام الناس انه عشان الاجانب .. انا مادري شالسبب بس هذا الكلام الي اسمعه ..

اهم شي الأذان والاقامه
اما قصة نسمع كل الصلاه ترى انا كنت اتخربط في صلاتي بسبب الصوت العالي لمسجدنا القريب من بيتنا

خاصة ايام رمضان في التراويح اخربط

حبر سري

28-05-2009, 12:47 PM

ان القيادة العليا في هالبلد ( عسى الله يحفظه من كل سوء ) تشوف شي احنا مانشوفه , هاذي وجهة نظرهم اللي لها كل احترام

هالجمله بالذات كثير اسمعها عند مدراء الادارات خاصه اذا عارضنا على قرار حاطينه ونقول ظالم
على طول يرزون هالجمله احنا نشوف شي انتوا ماتشوفونه وفي النهايه هالشي غلط

يعني مستحيل تبي تفهمني ان هالشعب كله مايفهم

يالمقهورة انتي قريتي كلامي كله؟
انا نقلت لج وجهة نظر البعض , مهب كلامي :nice:

الـقـاسـي

28-05-2009, 12:47 PM

:) عفوا

حنا هنا نكمل بعض
وكلن يخونه التعبير عادي بس في النهايه قطريين وقلوبنا بيضاء

تصدق انا زعلانه حدي حدي من الي اسمعه واشوفه والقرارات الخطأ
واقول ليش بو مشعل مايشوف مشاكل شعبه بنفسه مثل زايد الله يرحمه

واذا شفت صورته ولا شفته بسمته وتحيته لشعبه انط واقول فديته بومشعل
لان شخصيته جدا روعه ومن اصل طيب

بس مشكلته هالي حوله مخربين كل شي

مافي احد في هالبلاد مايحبه ويفديه بعد .. بس المشكله مثل ماقلتي من بعض اللي حوله اهما الي مخربين عليه ..
يوصلون له الصوره بشكل غلط .. ولا ابو مشعل مافي حاكم اطيب منه ..

اكسجين

28-05-2009, 01:01 PM

الـقـاسـي..... اقتراح .!

عدل المقولة

من

للأسف قطر لغير القطريين فقط

الى

( للأسف قطر وخير قطر لغير القطريين فقط )

:weeping:

المقهوره

28-05-2009, 01:01 PM

يالمقهورة انتي قريتي كلامي كله؟
انا نقلت لج وجهة نظر البعض , مهب كلامي :nice:

زين ادري انه مهب كلامك وكلام غيرك

ان كل شي عندهم لهم وجه نظر والله فاهمه

الـقـاسـي

28-05-2009, 01:03 PM

الـقـاسـي..... اقتراح .!

عدل المقولة

من

الى

( للأسف قطر وخير قطر لغير القطريين فقط )

:weeping:

اي والله صدقت يا اكسجين .. ان خيرها طالع برى ..

المقهوره

28-05-2009, 01:04 PM

خلاص ياجماعه ترى والله اني احس قلبي يوجعني من الي يصير

لاعاد تحطون هالمواضيع الي توجع القلب :weeping::weeping::weeping::weeping::weeping:

الـقـاسـي

28-05-2009, 01:06 PM

خلاص ياجماعه ترى والله اني احس قلبي يوجعني من الي يصير

لاعاد تحطون هالمواضيع الي توجع القلب :weeping::weeping::weeping::weeping::weeping:

اي والله انها مواضيع تعور القلب بس شنسوي يمكن احد يحس فينا ..
أو ع الاقل نفضفض عشان لانموت من القهر ..

المقهوره

28-05-2009, 01:08 PM

مشكلتي يجيني هبوط في ضغط الدم اذا شفت ولا قريت هالمواضيع :(

ومشكلتي ملقوفه ما اقدر ما اقرأ هالمواضيع

مضاد

28-05-2009, 01:08 PM

’

موضوع يضيق الخاطر . :(

هام السحاب

28-05-2009, 01:17 PM

الحكومه ابخص
:omen2:

حمود قطر

28-05-2009, 01:29 PM

طولو بالكم يا جماعة الخير ..

القــاســي
المقهورة
سايلنت
حبر سري

جنوب لبنان ( بنت جبيل ) بالتحديد ..

فيها أراضي مملوكة لأشخاص مهمين في دولة قطر ..

منهم وزراااااااء VIP وأعتقد عرفتوا من هم ( ثلاثة لارابع بعدهم ) ..

وعشان يحافظون على ممتلكاتهم .. ( قاعدين يدفعون من جيب البلد لإعادة إعمار جنوب لبنان )

وهناك ادله على تضبيط العلاقات مع لبنان ..

1. افتتاح أكبر كنسية بالشرق الأوسط واللي افتتحها سعادة الـ ( ...................)

ويوم قالوا له ليش وليش ..؟؟ رد عليهم : قطر دولة متتعددة الحضارات وووو ومثل ما هم

يفتحون مساجد احنا نفتح لهم كنائس ... !!

2. قاموو يدشوون بدون فيز وعلى كفالة الدولة .. وبصراحة ما يتعطل في أي مشكلة ..

ويمكن ما يتسفر بعد نفس الفلسطيني ..

3. صار يشتغل في شركات ومؤسسات وبنووك .. وصاروا يفتحون مطاعم فخمة وقهاوي ..

( فول وحمص وكبة وفتووووش وو و و و وو و و )

4. اللي يقووول انه سوووق واااقف لأهل قطر .. أقوله اسمح لي ( ملك جنوب لبنان ) ..

5. مشاريع ضخمة وبالملايين دااشين فيها مع تجار قطر ( الذهب والعقار والفنادق والسياحة ..)

6. اللبناني كان في السابق سيارته ( بولو Golf - بيجو - باجيروا - هوندا سيفيك - فولوكس فاجن - .................) الحين ( رنج روفرسوبرجارج - BMW - بنتلي - بوعيون - بورش كايين تيربوا والأرقام مميزة ...... )

7. متى كنا نسمع عن احتفالات راس السنة والكريسماس وعيد الحب والهالويين و و و و
في المجمعات الا بعد ما جاووو عندنا اللبنانيين ..

الله يستر .. بس من الجااااااااااي

( قطر أصبحت لغير القطريين للأسف )

حبر سري

28-05-2009, 01:31 PM

طولو بالكم يا جماعة الخير ..

القــاســي
المقهورة
سايلنت
حبر سري

جنوب لبنان ( بنت جبيل ) بالتحديد ..

فيها أراضي مملوكة لأشخاص مهمين في دولة قطر ..

منهم وزراااااااء vip وأعتقد عرفتوا من هم ( ثلاثة لارابع بعدهم ) ..

وعشان يحافظون على ممتلكاتهم .. ( قاعدين يدفعون من جيب البلد لإعادة إعمار جنوب لبنان )

وهناك ادله على تضبيط العلاقات مع لبنان ..

1. افتتاح أكبر كنسية بالشرق الأوسط واللي افتتحها سعادة الـ ( ...................)

ويوم قالوا له ليش وليش ..؟؟ رد عليهم : قطر دولة متتعددة الحضارات وووو ومثل ما هم

يفتحون مساجد احنا نفتح لهم كنائس ... !!

2. قاموو يدشوون بدون فيز وعلى كفالة الدولة .. وبصراحة ما يتعطل في أي مشكلة ..

ويمكن ما يتسفر بعد نفس الفلسطيني ..

3. صار يشتغل في شركات ومؤسسات وبنووك .. وصاروا يفتحون مطاعم فخمة وقهاوي ..

( فول وحمص وكبة وفتووووش وو و و و وو و و )

4. اللي يقووول انه سوووق واااقف لأهل قطر .. أقوله اسمح لي ( ملك جنوب لبنان ) ..

5. مشاريع ضخمة وبالملايين دااشين فيها مع تجار قطر ( الذهب والعقار والفنادق والسياحة ..)

6. اللبناني كان في السابق سيارته ( بولو golf - بيجو - باجيروا - هوندا سيفيك - فولوكس فاجن - .................) الحين ( رنج روفرسوبرجارج - bmw - بنتلي - بوعيون - بورش كايين تيربوا والأرقام مميزة ...... )

7. متى كنا نسمع عن احتفالات راس السنة والكريسماس وعيد الحب والهالويين و و و و
في المجمعات الا بعد ما جاووو عندنا اللبنانيين ..

الله يستر .. بس من الجااااااااااي

( قطر أصبحت لغير القطريين للأسف )

والله ياحمود قطر بغض النظر اذا كنت اتفق او اختلف وياك الحين , لأن في نقاط يمكن انا اختلف وياك فيها , لكن دامك رديت هالرد فالله يعطيك العافية , وعساك عالقوة , الطرح موضوعي وان كنت اختلف في بعض النقاط مثل ماقلت , لكن ماراح اتشعّب برع الموضوع اكثر

يعطيكم العافية

الـقـاسـي

28-05-2009, 01:36 PM

طولو بالكم يا جماعة الخير ..

القــاســي
المقهورة
سايلنت
حبر سري

جنوب لبنان ( بنت جبيل ) بالتحديد ..

فيها أراضي مملوكة لأشخاص مهمين في دولة قطر ..

منهم وزراااااااء vip وأعتقد عرفتوا من هم ( ثلاثة لارابع بعدهم ) ..

وعشان يحافظون على ممتلكاتهم .. ( قاعدين يدفعون من جيب البلد لإعادة إعمار جنوب لبنان )

وهناك ادله على تضبيط العلاقات مع لبنان ..

1. افتتاح أكبر كنسية بالشرق الأوسط واللي افتتحها سعادة الـ ( ...................)

ويوم قالوا له ليش وليش ..؟؟ رد عليهم : قطر دولة متتعددة الحضارات وووو ومثل ما هم

يفتحون مساجد احنا نفتح لهم كنائس ... !!

2. قاموو يدشوون بدون فيز وعلى كفالة الدولة .. وبصراحة ما يتعطل في أي مشكلة ..

ويمكن ما يتسفر بعد نفس الفلسطيني ..

3. صار يشتغل في شركات ومؤسسات وبنووك .. وصاروا يفتحون مطاعم فخمة وقهاوي ..

( فول وحمص وكبة وفتووووش وو و و و وو و و )

4. اللي يقووول انه سوووق واااقف لأهل قطر .. أقوله اسمح لي ( ملك جنوب لبنان ) ..

5. مشاريع ضخمة وبالملايين دااشين فيها مع تجار قطر ( الذهب والعقار والفنادق والسياحة ..)

6. اللبناني كان في السابق سيارته ( بولو golf - بيجو - باجيروا - هوندا سيفيك - فولوكس فاجن - .................) الحين ( رنج روفرسوبرجارج - bmw - بنتلي - بوعيون - بورش كايين تيربوا والأرقام مميزة ...... )

7. متى كنا نسمع عن احتفالات راس السنة والكريسماس وعيد الحب والهالويين و و و و
في المجمعات الا بعد ما جاووو عندنا اللبنانيين ..

الله يستر .. بس من الجااااااااااي

( قطر أصبحت لغير القطريين للأسف )

والله ياخوي مادري احس كلامك واقعي .. الله يستر ماودي اصدقه ..
بس للاسف شكله هذا هو الواقع ..

Sharshooooor

28-05-2009, 01:38 PM

اقدم لك ورده ياحمود قطر

بعد اذن صاحب الموضوع

الثاقب

28-05-2009, 02:12 PM

طولو بالكم يا جماعة الخير ..

القــاســي
المقهورة
سايلنت
حبر سري

جنوب لبنان ( بنت جبيل ) بالتحديد ..

فيها أراضي مملوكة لأشخاص مهمين في دولة قطر ..

منهم وزراااااااء vip وأعتقد عرفتوا من هم ( ثلاثة لارابع بعدهم ) ..

وعشان يحافظون على ممتلكاتهم .. ( قاعدين يدفعون من جيب البلد لإعادة إعمار جنوب لبنان )

وهناك ادله على تضبيط العلاقات مع لبنان ..

1. افتتاح أكبر كنسية بالشرق الأوسط واللي افتتحها سعادة الـ ( ...................)

ويوم قالوا له ليش وليش ..؟؟ رد عليهم : قطر دولة متتعددة الحضارات وووو ومثل ما هم

يفتحون مساجد احنا نفتح لهم كنائس ... !!

2. قاموو يدشوون بدون فيز وعلى كفالة الدولة .. وبصراحة ما يتعطل في أي مشكلة ..

ويمكن ما يتسفر بعد نفس الفلسطيني ..

3. صار يشتغل في شركات ومؤسسات وبنووك .. وصاروا يفتحون مطاعم فخمة وقهاوي ..

( فول وحمص وكبة وفتووووش وو و و و وو و و )

4. اللي يقووول انه سوووق واااقف لأهل قطر .. أقوله اسمح لي ( ملك جنوب لبنان ) ..

5. مشاريع ضخمة وبالملايين دااشين فيها مع تجار قطر ( الذهب والعقار والفنادق والسياحة ..)

6. اللبناني كان في السابق سيارته ( بولو golf - بيجو - باجيروا - هوندا سيفيك - فولوكس فاجن - .................) الحين ( رنج روفرسوبرجارج - bmw - بنتلي - بوعيون - بورش كايين تيربوا والأرقام مميزة ...... )

7. متى كنا نسمع عن احتفالات راس السنة والكريسماس وعيد الحب والهالويين و و و و
في المجمعات الا بعد ما جاووو عندنا اللبنانيين ..

الله يستر .. بس من الجااااااااااي

( قطر أصبحت لغير القطريين للأسف )

الله يهديه ايقولل اصوات نشاز المعارضين لوجود الكنيسه في قطر
يبدولي لو قال هذا الكلام ضد شعب في دوله ديمقراطيه شيصيرفيه

كلمه اقولها كلمه واحذر من الاستمرار في الاهانه ترى كل شي له حدود

Bently

28-05-2009, 02:45 PM

الله يهدي اميرنا ويسخره حق شعبه ويرزقه البطانه الصالحه ويحنن قلبه على القطريين هو ابونا وهو صاحب القلب الكبير

اوفقك الراي

روى مسلم في صحيحه عن تميم بن أوس الداري رضي الله عنه قال : قال رسول الله صلى الله عليه وسلم ( الدين النصيحة ، قالوا : لمن يا رسول الله ؟ قال : لله ، ولكتابه ، ولأئمة المسلمين وعامتهم ) وما من ريب أن من النصح لولاة أمر المسلمين الدعاء لهم بالتوفيق والسداد والصلاح والمعافاة ، فهم أولى يدعى له بذلك لأن صلاحهم صلاح للأمة ، وسدادهم نفعه عائد عليهم وعلى المسلمين ، فالدعاء لهم من أهم الدعاء وأكثره عائدة ونفعا

Sugary

28-05-2009, 03:07 PM

ياناس هذا شي محزن الي قاعد يصير انا والله اني حزينه على الوضع الي صاير غصبا عن الكل سواء اعترضنا او ماعترضنا محد مفتكر فينا شكثر تذمرنا من قرارات وبينا وجهه النظر فيها بس يطلع كلام في الهوى ليش كذا طيب يعني فعلا ديرتنا محتاجة لتحسين الوضاع فيها بالكامل وتحسين اوضاع مواطنيها يعني بالذمة كم عددنا؟ احنا الاقلية في بلدنا مع ذلك مو قااااااااااااادرين نتهنا بخيرها وناخذ حقوقنا بالكامل ونعيش فيها راضين ومرتاحين وبعدها يسوون الي يسوونه يبون يتبرعون بالباقي يحرقونه عليهم بالعافيه محد بيتذمر ولابيقول شي المهم المواطن ياخذ حقه واحنا الحمدلله لافينا الحسد ولا الحقد بالعكس احنا اكرم الناس واطيبهم في التعامل مع الاخر بس نتمنى يكون لصوتنا صدى يبرد قلوبنا
وبعيدا عن الموضوع اتمنى مايكون فيه حساسيات بينا او خلافات كفايه يعني الي قاعد يصير وماقادرين نسوي شي موناقصين اقلها نحس في هالمنتدى ان حنا اهل ومن ديره وحده وكلمتنا وحده.

الرايــق

28-05-2009, 03:14 PM

في هاذي صدقت ،، لا ويا ريت اسرائيل تبادر تضرب ،، تلاقيهم هم يتحرشون في اسرائيل . ويدمرون بلدهم بنفسهم .
الله يستر بس تاريخ 7/6/2009 راح يكون عندهم انتخابات .

في هذي غلطان يا expert
اللي يحارب اسرائيل حتى لو كان يتحرش فيها من اخواننا اللبنانيين او الفلسطنيين او غيرهم ما هي الا دفاعا عن كل العرب والمسلمين
اللهم دمر اسرائيل وزلزل الارض من تحت اقدامهم ..
:(

محسن العجي

28-05-2009, 03:16 PM

والله قهر

بعض اهل قطر مايدرون وين يسكنون وحكومتنا توزع فلوسها يمين ويسار

احنا اولى فيها

حرام والله

<== من النوع اذا جاء 5 الشهر ماعاد يعرف ويش يسوي الراتب بح خخخ

الله كريم

الرايــق

28-05-2009, 03:18 PM

:(

طولو بالكم يا جماعة الخير ..

القــاســي
المقهورة
سايلنت
حبر سري

6. اللبناني كان في السابق سيارته ( بولو golf - بيجو - باجيروا - هوندا سيفيك - فولوكس فاجن - .................) الحين ( رنج روفرسوبرجارج - bmw - بنتلي - بوعيون - بورش كايين تيربوا والأرقام مميزة ...... )

الله يستر .. بس من الجااااااااااي

[color="magenta"]( قطر أصبحت لغير القطريين للأسف )

:(:(:(:(:(

الله يرزق الجميع بس اللي يقهر ان من اول 6 شهور يركب هالسيارات ...كيف ياعالم ومن وييين !
الله المستعان

طواش

28-05-2009, 03:20 PM

الحمد لله إن احنا قطريين .

الفلوس هاذي اللي تقولون عنها أظنها من زكاة إيرادات الدولة فهي تطهير للمال العام ودافعة

البلى والبلوى عن أهل قطر .

Scorpion

28-05-2009, 03:55 PM

انا ما اعرف سبب فتح موضوع كهذا ؟؟ وعلى كل حال رأي يمكن مايعجب البعض ..

هل هو إعتراض على تصرف سمو الأمير ؟؟ مع العلم انه لايتم صرف مثل هذه المبالغ للمساعدات الخارجيه الا بموافقة الشيخ حمد! ..

او هو حسد ؟؟ يااخي ترا انت بنعمه، شوف اخواننا في البلاد المجاوره يدفعون ماء وكهرباء وهنا ولله الحمد الكهربا والماء مجاني عدا عن تكاليف العلاج والدواء ؟! ألا يكفي هذا لينال قليل من الشكر بدلاً من التذمر والتسخط !!

ودائماُ ياعزيزي لاتنظر لمن هو فوق منك لأنك بتتعب، بل أنظر لمن هو اسفل منك لترى انك في نعمه عظيمه :)

او هو اعتراض على رزق قد ساقه الله اليهم ؟!

أنا طبعاً لاأؤيد صرف مبلغ كهذا" للجنوب " بحكم ان 99% شيعه ، وقد أًخبرت من شخص ثقه من مؤسسة الشيخ عيد ممن زاروو لبنان ايام الحرب وقدموا المساعدات بأنه عندهم مايكفيهم كشيعه واخبره شخص ممن يتلقى المساعدات بان يذهب ليرى مآلت اليه حال المسلمين السنه في صبرا وشاتيلا وغيرها من مناطق السنه ..

qatar.up

28-05-2009, 04:22 PM