بصراحه حــــــــــر وملل شنو الحل

[مليت]

السلام عليكم ورحمة الله وبركاته

بصراحه يا جماعة الخير الوضع ما ينطاق حر وملل ودوام ما تدري شلون اترتب امورك

حد فيكم عنده اقتراح بس لا يقول سجل في نادي ولا روح لك مجمع لني مليت من هذا كله ابي

اشي مفيد يبعد الملل واهم شي بدون معصيه

[م. عبدالعزيز]

عليكم السلام .. موضوعك حلو وجه في وقته ، اشكرك :) .. انا بعد اسأل نفس السؤال .. ونشوف آراء الباقي نستفيد من الجميع

[مليت]

هلا يا بش مهندس

مادري ادخل كورس النجليزي احس بعد با تملل مخي موقف بسبب 50 درجة مئوية

[روح الاطلس]

خذ لك كورس سباحة لو ماتعرف تسبح:tease:

[مليت]

خذ لك كورس سباحة لو ماتعرف تسبح:tease:

اقول يا بخت الي الله معطه الصحه والملاين الحين

تحصله في ابرد منطقه ويقرا مشاركتي ولا يبي يرد من الوناسه

[بيانو]

الغالى مليت

الحين الاسم على موسمى مليت خاصيه من ملل

اولا - دخلت الموضوع كى اسلم عليك لانك من فتره طويله لا حس ولا خبر وان شاء الله تكون بخير

ثانيا - لو لاقيت حل يكسر الملل خبرنى معاك ولا تنسانى

[م. عبدالعزيز]

ليش لاء.. كورس انجليزي فكره مفيده .. لو مستواك بالانجليزي مب لين هناك ادخل عالاقل تستفيد... حتى لو كل يوم ساعه،،،،

خبرك الحين كل شي بالانجليزي ....

[ابوسعود]

يبيلك سفره اسبوعين لمكان بارد

وتغيير الجو ويروح الملل

في الدوحه مافيه شي تقدر تسويه

[عاشق الشهادة]

اقول يا بخت الي الله معطه الصحه والملاين الحين

تحصله في ابرد منطقه ويقرا مشاركتي ولا يبي يرد من الوناسه




هههههههههههههههههههههههههههههههههههه كنك تقصدني:shy:

[مليت]

الغالى مليت

الحين الاسم على موسمى مليت خاصيه من ملل

اولا - دخلت الموضوع كى اسلم عليك لانك من فتره طويله لا حس ولا خبر وان شاء الله تكون بخير

ثانيا - لو لاقيت حل يكسر الملل خبرنى معاك ولا تنسانى

حبيبي يا احلى بيانو في الدنيا والله لك وحشه يا بختك يا بيانو على الاقل ممكن تعزف لو تمللت

[مليت]

ليش لاء.. كورس انجليزي فكره مفيده .. لو مستواك بالانجليزي مب لين هناك ادخل عالاقل تستفيد... حتى لو كل يوم ساعه،،،،

خبرك الحين كل شي بالانجليزي ....

والله من ضمن الحلول الي حصلتها ومنها استفاده بعد ترا فترة الصيف مشكله

[مليت]

يبيلك سفره اسبوعين لمكان بارد

وتغيير الجو ويروح الملل

في الدوحه مافيه شي تقدر تسويه

يا ليت بس اسبوعين ما تسوي شي على الاقل لين عقب الرمضان ويفضل تكون في بلاد درجة حرارتها ما اتعدى 20

[مليت]

هههههههههههههههههههههههههههههههههههه كنك تقصدني:shy:

عسى ربي يهنيك عاد وين وكم درجة الحراره عندك

[عاشق الشهادة]

عسى ربي يهنيك عاد وين وكم درجة الحراره عندك





ايش رايك 16 درجه بالليل وبالنهار لاتتعدى 30 درجه :nice:

[بيانو]

حبيبي يا احلى بيانو في الدنيا والله لك وحشه يا بختك يا بيانو على الاقل ممكن تعزف لو تمللت




ههههههههههه

:tease::tease::tease::tease::tease:

والله تونى عازف من شويه :):)

[بيانو]

طب خد لك يومين خارج الخليج

[مليت]

ترجع بسلامة يا عاشق الشهادة وشكلك في لبنان

والله يا بيانو يومين ما ينفعوش خاااااااااالص قولي 4 شهور على الاقل

[روح وريحان]

- هذي فرصة لقضاء وقت اكثر مع الاهل وعمل نشاطات معاهم

- ممكن تشترك في مركز لتحفيظ القرآن بيكون يومين في الاسبوع ومنها تستفيد وتأخذ أجر وتتونس

- الالتحاق بأحد المؤسسات الخيرية للعمل التطوعي .. مثل عيد الخيرية ومركز ضيوف قطر

- التحق بدورات للاعمال اليدوية مثل النجارة منها تتعلم شي يديد ومنها وناسه

اممم

هاللي في بالي الحين .. بالتوفيق

[عاشق الشهادة]

ترجع بسلامة يا عاشق الشهادة وشكلك في لبنان

والله يا بيانو يومين ما ينفعوش خاااااااااالص قولي 4 شهور على الاقل





روح ابها البهيه ولاتنسى السوده شي خيال وانصحك تذهب الى جبال فيفا شي رومنسي اذا لك بالرومنسيه :)

[روح الاطلس]

اقول يا بخت الي الله معطه الصحه والملاين الحين

تحصله في ابرد منطقه ويقرا مشاركتي ولا يبي يرد من الوناسه

حالنا من حالك والله :( زهق وملل وحر وش نسوي

[روح الاطلس]

روح ابها البهيه ولاتنسى السوده شي خيال وانصحك تذهب الى جبال فيفا شي رومنسي اذا لك بالرومنسيه :)

توني كنت بكتب له نفس هالرد واقول له روح سودة درجة الحرارة في الصيف بحدود 18

عاشق انت في سوده الحين ؟؟ خبرنا شوووي عنها

[هدوء 2]

طيب ممكن جنس ثاني يكون ما بينكم :shy:وييقول لكم نفس الشعور بعد انتو أرحم شباب حسرة ع البنات بس بصراحه الجو عندنا ولا أحلى ... حده أمبيييييييييه :anger1:

[عاشق الشهادة]

توني كنت بكتب له نفس هالرد واقول له روح سودة درجة الحرارة في الصيف بحدود 18

عاشق انت في سوده الحين ؟؟ خبرنا شوووي عنها





انا الحين يالغالي بقطر السوده بأذن الله بعد شهر من الأن بيكون ابردي ومطر وخير وجو فظييع هناك .

[المستثمر]

مادري ليش ديرتنا مافيها مدينة ملاهي مائيه ومدينة ثلجيه , الصراحه مشاريع مضمونة الربح وطول السنه بس مادري شنو المانع يكون عندنا هالمشاريع على هالجوووووووووووووووو + 50

[شيط ويط]

قدم على إجازة وسافر :secret:

[بوحارب]

مافيه احلى من المجالس والخيام هالوقت

الربع جاييني عندي الخيمة عقب الصلاة مسوي لهم عزيمة كرك <<< حلوة عزيمة كرك:)

حياكم كلكم

[القناص]

مافيه احلى من المجالس والخيام هالوقت

الربع جاييني عندي الخيمة عقب الصلاة مسوي لهم عزيمة كرك <<< حلوة عزيمة كرك:)

حياكم كلكم

هاه أنا معزوم معهم ولا مالنا نصيب.........

[Night KNight]

الله كريم وانا اخووك
مالك الى تشتري لك كم غزل
وبين كل فتره وفتره اتروح تنصب
وفليل اتروح اتباري
انا تولعت في البحر بس زهقت
الحين اروح اتسبح بس
والباقي تمشايا وجلسه بالمجالس
ان شاء الله انحصل حل عند الشباب
خاصة ان عندي اجازه ومب عارف استقلها بشي عدل

[دبلوماسية]

الملل .. يدخل إلى النفس من
غير مايستأذن .. (صج مايعرف السنع)

لين نحس بالملل .. نشعر بالضيق من غير اي سبب!!
(ولا يمكن في سبب .. بس مانقول حق حد عنه)

فـ يستمر شعور الملل في اقتحام نفسك و حياتك !!
(حشى انفلونزا الخنازير .. مب ملل :eek5:)

عندنا كل وسائل الترفيه لكن الملل يسيطر علينا ..
(شنسوي شنسوي .. ؟؟ ممكن الاستعانة بصديق؟؟:telephone:)

***

الحياة ممكن انها اتصير غرفة صغيرة اتضيق عليك ..
ماتعرف شلون تطلع منها !! (نفس طريق الشمال :nice:)

اتحس ان الحياة صارت سوداء!! (ليش انخسر وانركب ليتات؟:victory:)

وأن الأكسجين بدأ في العد التنازلي للانخفاض ..
( لان الجو بارد عندنا .. والثلج يكتم ع النفس .. :rolleyes2:)

فجأة .. تكتشف انك :

ماتقدر اتنفس ..
وان مالك الا الصبر ..

المشكلة .. اذا ماكتفيت بهالحل ههههه (وطبعا هاي مشكلتك )

فـ الانسان على طول يدور حلول ((للقضاء على هذا المرض "الملل" ))

***

وإليك الحلول::nice:
1- انك تدخل منتدى وتكتب انك متملل .. وتكتشف انه شي طبيعي ..
وكل الناس مثلك .. :rolleyes2:2

2- انك تقرا الجرايد .. وتكتشف ان مافي اخبار جديدة .. وإذا في شي ..
بيكون شي يجيب الضيقة اكثر .. فـ تكتشف انه شي طبيعي ..
حتى الاخبار مثلك .. مملة ..:rolleyes2:

3- انك تسجل في مكان وانت متملل .. واتروح وانت متملل .. وتكتشف ان
كل اللي وياك متمللين .. وسوالفهم اتجيب الضيقة .. (كله عن الملل):rolleyes2:

4- انك تقعد في البيت وتنطر الوناسة تجيك .. وماتجيك .. وتكتشف
ان حتى النطرة مامنها فايدة .. وممله :rolleyes2:

5- انك ترقد .. وتحلم بالملل وانت في قمة الراحة والهدوء (احسن حل)

6- انك تكتب رد شطول عن الملل .. ((مثلي))

[6611]

ههههههههههههه


الله يعينك

حياك لندن اسبوعين ابد ما عليك الا تجيب ثيابك ^_*


لك نيه ^_*

[الرايــق]

روح سافر سو عمرة وخذلك لفة جدة وابها أو الطائف وارجع..
صحيح حر .. بس تكسر الروتين ومنها طاعة ..
وانا سويت نفس الشي الصيف اللي طاف ..
دق سلف واسمع مني:shy:

[الخير كله]

ايش رايك 16 درجه بالليل وبالنهار لاتتعدى 30 درجه :nice:

وين تورا بورا:secret:

[الخير كله]

مافيه احلى من المجالس والخيام هالوقت

الربع جاييني عندي الخيمة عقب الصلاة مسوي لهم عزيمة كرك <<< حلوة عزيمة كرك:)

حياكم كلكم

هندي كرك بهالحر؟؟؟؟؟؟؟؟؟
قول عصير يا القحي,,,,
يسير انا وشاهيناز وروز تسوون لنا خيمه نسائيه ببيتكم:(

[مافيا قطر]

بوحارب خيمتكم فيها مكيف ولا

لا تقولى مروحه ولا امبطل باب الخيمه وتقول لهم الحين بجيكم هوى شمال والربع مساكين فاحين من الحر

[كاتم الاسرار]

مادري ليش ديرتنا مافيها مدينة ملاهي مائيه ومدينة ثلجيه , الصراحه مشاريع مضمونة الربح وطول السنه بس مادري شنو المانع يكون عندنا هالمشاريع على هالجوووووووووووووووو + 50

مرحباا يالغالي المستثمر الصراحه صدقت في كلامك انت قوووووووووولي وين احنا انروووح مافي مكان كله استغلال التجار في كل شي حتى ساحه الاستعراض 200 ريال والله حرام انا توني جاي من البحرين وماشاءالله عندهم كل شي والله جنه دلمون مائيه عين عذاري اسكي ولا توهم بعد بيفتحون في مجمع سيتي سنتر حديقه مائيه ضخمه انا مريت وشفت تجهيزات الافتتاح قريب والله واحنا للحين مع الشوارع المترقعه ومخالفات المرور مافيها غيرها الله يعييينا اشدعوه حديقه مائيه مافي في الدوحه ولا ملاهي ولاشي الواحد وييييييييييين يرروووووووووووووووووح قهرررررررررررررر

[بوحارب]

هاه أنا معزوم معهم ولا مالنا نصيب.........

المحل محلك يالقناص:)


هندي كرك بهالحر؟؟؟؟؟؟؟؟؟
قول عصير يا القحي,,,,
يسير انا وشاهيناز وروز تسوون لنا خيمه نسائيه ببيتكم:(
تصدقين عاد اليوم بالذات شارب لي دلة كاملة من الصبح لين الحين
بالعكس الكرك على الحر يكون له طعم اكثر:)

اذا روز معاكم بنسوي لكم خيمة ملكية لكن بروحكم لاااا


بوحارب خيمتكم فيها مكيف ولا

لا تقولى مروحه ولا امبطل باب الخيمه وتقول لهم الحين بجيكم هوى شمال والربع مساكين فاحين من الحر


ههههههههههههههههههههههههههههههههههههههههه

اسأل الفلفل :)

[شاهيناز]

هندي كرك بهالحر؟؟؟؟؟؟؟؟؟
قول عصير يا القحي,,,,
يسير انا وشاهيناز وروز تسوون لنا خيمه نسائيه ببيتكم:(


اروح عزيمه تركش اسبرسو كرك لا ماحبه ,,, وش قالو لك ميري اشرب كرك:)

[كيفـي]

يقول الشاعر الأمير خالد الفيصل :

كل رجل في حياتـه لـه ميـول
والهـوايـه تمتـلـك رجالـهـا

فالهواية تمتلك الإنسان وتفكيره .. خاصة حينما يعشقها..
ففي كثير من الأحيان تضيع أوقاته.. لي درجة التفريط..!!

لذلك يجب ان نوازن مابين اعمالنا وواجباتنا تجاه ربنا وهواياتنا..
وان لم تكن لديك هواية.. بإمكانك البحث حتى تجد ما يستهويك..

والله يوفقك لما يحب ويرضــى..!!!

[غير البشر]

مافيه احلى من المجالس والخيام هالوقت

الربع جاييني عندي الخيمة عقب الصلاة مسوي لهم عزيمة كرك <<< حلوة عزيمة كرك:)

حياكم كلكم




كرك على لحم او دجاج ؟؟

[النجلا]

انا عندي اقترااااح...<<< خفي علينا

المووهم هو لكم انتوا الشباب بس<<< لأن للبنات شوي يمكن يكون صعب التطبيق

الحين كل واحد فيكم يقول حياكم عندي في المجلس والا الخيمة..

ليييش ماتتفقون كلكم يالمتمللين على مجلس واحد منكم وتتلاقون فيه بتكون لمة حلوة ومش روتينية وبتتعرفون على بعض عن كثب<< حلوة هاذي..

والله ترى الفكرة حلووة...<< شرآآيكم.؟؟؟

[برنس قطر]

افضل يا خوي تاخذلك كورس لغه في معهد معترف فيها فترى بعد العصر ويكون يومين في لاسبوع علشاان متملل وتاخذلك كورس كمبيوتر تعرف اكثر عليه حصه وحده في لاسبوع اهم شي تكون بعيدعن كورس لغه وباقي لاياام تكون فري لك بتكون ستفت وفت نفسك وطورت من ذاتك هذي وجه نظري .. ياليت القى وقت بس اقدر ارتاح من الروتين وساافر سبوع اغير بس:)

[رجل الجزيرة]

اقول يا بخت الي الله معطه الصحه والملاين الحين

تحصله في ابرد منطقه ويقرا مشاركتي ولا يبي يرد من الوناسه


صدقني بيزهق إلا من رحم ربي، فالحل هو: الصلوات الخمس مع الخشوع والخضوع مع الجماعة وحفظ أذكار الصباح والمساء، أقسم لك بالله يا الممل ما أعرفه، والحمد لله، وهذا أنا مجربه.

[مليونيره]

تزوج :)
أشفيني صرت جني الضحيه

[بوحارب]

كرك على لحم او دجاج ؟؟

على بط :eek5:خخخخخخخخخخخخخخخخ

رجل الجزيرة صدقت في اللي قلته( الا بذكر الله تطمئن القلوب)

[رجل الجزيرة]

على بط :eek5:خخخخخخخخخخخخخخخخ

رجل الجزيرة صدقت في اللي قلته( الا بذكر الله تطمئن القلوب)


جزاك الله خير على الرد، وأنا أقول لجميع الأعضاء إني أنا جربت هذه الطريقة، يا أخوي كان الجاثوم كان يجني كل ليلة، بالعربي ما أكذب عليكم أقسم لكم بالله ما كنت أصلي بالمرة، فكان الجاثوم كان يجني في بدايته مرة في السنة وبعد مرتين في السنة وصار مرة في الشهر ومرتين في الشهر وكل مرة ويزيد لين صار كل ليلة لدرجة أسهر لين أذىن الفجر ولا أصلي بس أطح رأسي إلا وهو يجيني، فسألت واحد من الربع بإلي صار فقالت جرب الصلاة مع الجماعة بس ما تفوتك، فالحمد فصليت بإنتظام إلا وهو إختفى مرة وحدة، يا سبحان الله وقعدت أربعين يوم أحاول أصلي الفجر مع الجماعة وإلا وأقوم بعد التسليم لين الشيطان أئيس مني، لأني قلت في نفس يا أنا يا الشيطان، والحمد لله فالصلوات الخمس ما تفوتني إن باللغت أقل من 7 صلوات في السنة، وبوجودعذر.

يا إخواني جعل ربي يرحم والديكم ويدخلهم في جنات الفردوس الأعلى من الجنة هذا اليوم الجمعة المبارك فالصلاة الصلاة، فالشيطان متحدي الله سبحانه وتعالى إنه لازم يكون معاه حزب معه في نار جنهم فاللهم ألا نكون معه.

وسامحوني على إن طولت عليكم.


وأسأل الله العلي القدير أن يثبتنا على دينه ويرجمنا ويرحمم والدينا ووالدينا وأفرب ما يلينا والمسلمين والمسلمات والمؤمنين والمؤمنين والمؤمنات، الأحياء منهم والأموات، رب أتنا في الدنيا حسنة وفي الآخرة حسنة وقنا عذاب النار إنك قريب مجيب الدعوات وأصلي وأسلم علي نبينا محمد صلى الله عليه وآله وأسلم تسليما كثير وآخر دعوانا أن الحمد لله رب العالمين.