حصى بالحمّص

[بنت الدوحه]

السلام عليكم ورحمة الله وبركاته


ايماناً مني بأن المنتديات تعتبر منابر حره ولكل مواطن

الحق في الشكوى والتذمر من اي مشكله تواجهه

مشكلتي مع مطعم اسطنبول - معيذر الشمالي

طلبنا من المطعم حمص ولما وصل الحمص كانت الكارثه

حصى بالحمص!!

اللي ودي افهمه شلون وصل للحمص؟

طبعا احتفظنا بالحصى ولما وصل على اساس يشوفه

قال " خلوا الحصايه عندكم ودوها البلديه "

الله يرحم ايام الوافد يخاف من اي موضوع فيه قطري

الحين يقول لك روح اشتكي ولا هميتني

[الخفي]

من امن العقوبه ساء الادب

[حبر سري]

الحين هو قال خلوا البلدية تنفعكم

طيب اختي هل بلغتوا البلدية؟

هو يخربط باللي يبيه , لكن هل بلغتوا؟؟

[Bu Rashid]

ما علييج منه وديها البلدية وراح يسكروووووون المطعم ...

الحمد لله على سلامتك

[بنت الدوحه]

الحين هو قال خلوا البلدية تنفعكم

طيب اختي هل بلغتوا البلدية؟

هو يخربط باللي يبيه , لكن هل بلغتوا؟؟



اي نعم اخوي قال خلو الحصايه عندكم ودوها البلديه

واتصلت على الخط الساخن للبلديه ورد علي شخص وقال مش موجودين الاحد اتصليلهم

[المزن الرياني]

الله يهداج أختي
معروف هذا من أوصخ مطاعم معيذر

[حبر سري]

اي نعم اخوي قال خلو الحصايه عندكم ودوها البلديه

واتصلت على الخط الساخن للبلديه ورد علي شخص وقال الاحد اتصليلهم

:nice::nice:

ايوا جذيه اختي

لاتخلين حقج ابد , وباذن الله بياخذ جزاه :
1-على رداءة الاكل
2-على تحديه وجرأته , لأنه ماتحداج انتي , هذا تحدى القانون


اهم شي سويتي اللي عليج

:nice:

[بنت الدوحه]

ما علييج منه وديها البلدية وراح يسكروووووون المطعم ...

الحمد لله على سلامتك




ان شاء الله راح ابلغ البلديه بكلمته قبل موضوع الحصى

الله يعينكم يا اهل قطر

[بنت الدوحه]

الله يهداج أختي
معروف هذا من أوصخ مطاعم معيذر

اخوي احنا نطلب منه بين فتره وفتره ما شفنا شي من اكله بس اللي يقهر كلامه

خلوها عندكم عشان تودوها البلديه!! لهالدرجه مايخافون ؟

[بنت الدوحه]

:nice::nice:

ايوا جذيه اختي

لاتخلين حقج ابد , وباذن الله بياخذ جزاه :
1-على رداءة الاكل
2-على تحديه وجرأته , لأنه ماتحداج انتي , هذا تحدى القانون


اهم شي سويتي اللي عليج

:nice:


ان شاء الله ياخذ جزاه حسبي الله ونعم الوكيل

[حبر سري]

الله يعينكم يا اهل قطر

لاتخافين على هل قطر اختي

ماينقدر عليهم باذن الله

واكيد بتلاقين ناس جذيه , وفي كل مكان

لكن الغالبية العظمى عارفة حدودها

لاتخافين

[المزن الرياني]

اخوي احنا نطلب منه بين فتره وفتره ما شفنا شي من اكله بس اللي يقهر كلامه

خلوها عندكم عشان تودوها البلديه!! لهالدرجه مايخافون ؟



ياريت تشوفين المطعم من داخل وبتعرفين :rolleyes2:

[بويوسف]

اختي حاولي تبلغين مدير النظافة او تفتيش المطاعم .. خصوصا ان هذا الشخص تجرأ على قانون الدولة واستهتر في القوانين .. وهذي وقاحة مابعدها وقاحة .. على كلامه هذا لازم ابعاد ..

[هام السحاب]

شين و قوي عين
هالاتراك مصخوها فوق ما اكلهم استغفر الله ييب المرض وقاحتهم زايده
يبيلهم حمله مقاطعه

[بنت الدوحه]

ياريت تشوفين المطعم من داخل وبتعرفين :rolleyes2:

يبقى السؤال من المسؤول؟

البلديه ماتمر ماتشوف المطعم ؟

[بنت الدوحه]

لاتخافين على هل قطر اختي

ماينقدر عليهم باذن الله

واكيد بتلاقين ناس جذيه , وفي كل مكان

لكن الغالبية العظمى عارفة حدودها

لاتخافين

الله كريم ياخوي

[بنت الدوحه]

اختي حاولي تبلغين مدير النظافة او تفتيش المطاعم .. خصوصا ان هذا الشخص تجرأ على قانون الدولة واستهتر في القوانين .. وهذي وقاحة مابعدها وقاحة .. على كلامه هذا لازم ابعاد ..


اكيد اخوي راح ابلغ هذا فعلاً عينه قويه ولازم ابلغ عنه

[بنت الدوحه]

شين و قوي عين
هالاتراك مصخوها فوق ما اكلهم استغفر الله ييب المرض وقاحتهم زايده
يبيلهم حمله مقاطعه



مو الاتراك بس يا هام السحاب

حتى كروه الله يعين بس

[q321]

حسبي الله ونعم الوكيل