%%% == اففففففف شالحرررر 50 الظهر و 39 بالليل :( ==%%%

[honey_uk]

موترك جلد ... وعلى هالجو يعني لو تحذف ديايه على الكرسي ولا الطبلون تستوي في خمس دقايق :)

يعني سيارتك صايره 2 في واحد سياره وفرن هاهاها

شالحررررررررر يالربع والله مهب طبيعي ...

المهم السؤال هني وشو احس حل علشان هالحر ؟ العازل ندري به والمخفي نعرفه لكن وشهو احس شي علشان الحر

يعني انتوا شتسوون علشان تخففون من هالحرر ؟؟

انا جربت العازل جونسون بس احسه يكتم الحر داخل السياره مجرد ما ابطلها احس بالحر يطلع لي من السياره .... والمكيف ياخذ له وقت لين يبرد " في اكس ار 2009 "

يالله كل واحد يعطينا من التجارب الزينه :) خلنا نشوف لنا حل قبل يوم الاحد :)

[بن رومي]

تدري انا اليوم

خليت الموتر شغال

وانا داخل حق صلاة الجمعة




لاكن يا اخوان

لا اعتراض لأمر الله

والحمد لله كثيرا

[ولد سالم]

والله انا امس مركب عازل حراري بالهفوف ع 400 ريال ويا رخيص والمكيف الظهر عالواحد بس
وبعدين خفيف ما يبين يمكن 10 بالميه واقل شفاف ترتوووب وانصحكم فيه

[honey_uk]

لا ياخوي ماحد يعترض على امر الله اكيد :)

وتقبل الله :)

[honey_uk]

والله انا امس مركب عازل حراري بالهفوف ع 400 ريال ويا رخيص والمكيف الظهر عالواحد بس
وبعدين خفيف ما يبين يمكن 10 بالميه واقل شفاف ترتوووب وانصحكم فيه


مافي مثله هني ؟ وين نروح الهفوف واللي يسلمك مافينا شده هالشمس :)

[الوهاااااج]

الله يعينا ما شفتو شي الحر جااااااااااااي باقي شهر 6 7 8 9

[honey_uk]

الله يعينا ما شفتو شي الحر جااااااااااااي باقي شهر 6 7 8 9

اي والله انا ماحاتي الا ثمانيه رمضان بعد :) :) الله يجيب الاحد بس شكلي باخذ اجازتي برمضان

زين يالربع شالحل يعني ... شيسوي الواحد علشان يخفف من هالحر :)

[البيت بيتك]

تو الناس باقي شهر 6و7و8و9 والله يعين عليهم

[HEART_LION]

اخوي مخفي لاتركب ركب عازل زيرو زيرو لان كل ماكان فيه لون يمتص اشعة الشمس بعكس الشفاف يصير مثل العاكس ويعكس اشعة الشمس نصيحتي لاتركب فيه لون وجونسون مانصحك فيه تيتانيوم احسن منه من تجربتي

[♣شيبةالنخرة♣]

هذا حر الدنيا منتو قادرين تتحملونه كيف بـ (حر جهنم ) اقول تعودوا من الحين :weeping:

[فاضي عمل]

الواحد شبيقدر يقول محد يقدر يعترض على اوامر رب العالمين , الحمدلله على كل حال
والواحد مايقدر يركب مخفي ثقيل قدام فيعني مايقدر يعارض المرور لان فالاخير بينذل ذل
والله يالربع وانا رايح المسيد مصخن الموتر دقيت المكيف وحركت وانا الف بالسكان يدي حرقتني زين مادخلت فالرصيف ههههههههه
ولا يكون في تلفون فالسياره والله ان ينغلي فهالنص ساعه اللي تنزل فيها للصلاه
والموتر عليه عازل بعد يعني لو بدون عازل خلاص بس جهز الدهن واغلي بيض خخخ
الله كريم

[Q6o]

عندي جي اكس ار اسود 2009
ومكيفه تعبان مع الحر
كل يوم اشغله حده وبالعافيه يوصل الهوا بارد
امس رحت ركبت عازل في كول وكل ربعي انصحوني فيه
يالربع والله ما اكذب عليكم يوم دخلت محل في كول المكيف شغال حده
ويوم طلعت والحمدلله المكيف على رقم 3 والهوا يوصل بارد وترتيب
والله صج هذا العازل والا بلاش
وللعلم سيارات بيتنا كلها تيتانيوم وجونسون ولا شفت لهم فايده نفس نص فايدة في كول
صح انه سعره اغلى منهم وركبوا لي اياه ب 2100
بس يستاهل
يعني حط فلوسك على شي يسوا ولا كل يوم من محل لين محل

نصيحه من مجرب مافي غير الفي كول للصيف
ركب 30% نفس اللي يركبونه سيارات اللخويا
مايوقفونك عليه ولاهو ممنوع
وثاني شي اذا بغيت بعدين تحط مخفي ورا تقدر تركب فوق العازل وبسهوله تشيله اي وقت بدون مايخترب عليك العازل

[BURBERRY]

نار جهنم احر ..

[مستثمر111]

والله بروح اضرب مخفي كامل ولي فيها فيها الظباط الي يقولون لا قولهم اطلع الظهر وشوف تعبنا بس ابي اعرف سبب واحد لمنعه بقولون علشان الناس ما تخربط في السيارات الحين الفنادق مفتوحه وكل شي متوفر ما اعتقد بيمنعهم المخفي

[الجوكر90]

السلام عليك
يالربع قبل يومين قلت حق ابوي حط عازل احسن لك قالي لا مايحتاي يعني من كثر ماطلع الظهر
اليوم واحنا رايحين المسيد هو موتره بي ام 730 والقير يكون عند السكان اقولكم اشوف ابوي يحط ايده ع القير وبسرعه يشلها اقوله اشفيك يقولي ماجربت تمسك القير فالحر والا يسالني وين يحطون عازل وان شاء الله بنروح حق في كول لانه احسن مكان

[الزيبق]

اخوي مخفي لاتركب ركب عازل زيرو زيرو لان كل ماكان فيه لون يمتص اشعة الشمس بعكس الشفاف يصير مثل العاكس ويعكس اشعة الشمس نصيحتي لاتركب فيه لون وجونسون مانصحك فيه تيتانيوم احسن منه من تجربتي

انا جربت تيتانيوم والله وما قالت المخفي ماله يتعفس واذا رحت له على اساس ان الضمان خمس سنوات قالك انت مركب مخفي على العازل وبعدين شليته امسوي نفسه فاهم وانا لا ركبت ولا شي لا ويه قوي ايقولك اذا تبي تشتكي اشتك يدري ان مركز الشرطه بيقلون لك روح المحكمه وعاد انت بتلف مثلي رحت 3 مراكز شرطه من الصناعيه لين امسيمير لين الريان وكلهم كل واحد ايقول هاي مب اختصاصي يعني بالعربي نصب عيني عينك

[ALRAYYAN]

غير الفي كول مافي عازل
الحمد لله مركبه من اول ماشريت الموتر والامور طيبه
وغير جذي الموتر ماصفه في الشمس .. في الدوام طبيله وفي البيت طبيله
والله يعين الجميع

[biker]

الحل طال عمرك تقعد في بيتك وتخلي المكيف يدف عليك ولا تطلع الا بعد المغرب هههههههههه
عليك ب تيتانيوم ..خذها نصيحة مجرب

[abdulla999]

هذا حر الدنيا منتو قادرين تتحملونه كيف بـ (حر جهنم ) اقول تعودوا من الحين :weeping:

احوي انشاء الله المسلمين كلهم في الجنة مانبي غير دعئك
بس نصيحة غير عازل تنانيوم مافي انا مركب 10% والحمد الله من اركب السيارةحط المكيف على 2 بعدين اخليه واحد وبرد بعد صج يستاهل القيمة

[HEART_LION]

انا جربت تيتانيوم والله وما قالت المخفي ماله يتعفس واذا رحت له على اساس ان الضمان خمس سنوات قالك انت مركب مخفي على العازل وبعدين شليته امسوي نفسه فاهم وانا لا ركبت ولا شي لا ويه قوي ايقولك اذا تبي تشتكي اشتك يدري ان مركز الشرطه بيقلون لك روح المحكمه وعاد انت بتلف مثلي رحت 3 مراكز شرطه من الصناعيه لين امسيمير لين الريان وكلهم كل واحد ايقول هاي مب اختصاصي يعني بالعربي نصب عيني عينك

اذا تيتانيوم مب مقنع فيه يعني جونسون مصخره لاني فضلت تيتانيوم على جونسون وشوف ردود الاعضاء بتعرف تجاربهم عشان ماتكون التجربه لي انا فقط
اشوفهم يمدحون الفي كول بس ماجربته

[الغزال العارضية]

هذا حر الدنيا منتو قادرين تتحملونه كيف بـ (حر جهنم ) اقول تعودوا من الحين :weeping:

بعيد الشر ان شاء الله

الله يبشرنا بالجنه جميعا


:)


وتوقعاتهم للحرارة فالاسبوع 61 يعني الجاي أعظم

[فقط قطر]

61 شهر 6....شهر 7 و 8 ....كم يعني......

[بن عجلان]

V.kool
مالكم غيــره .. وموفقين :)
بلا تيتانيم .. بلا جونسن .. جذب في جذب

[Q6o]

اشهد انك صادق يا بن عجلان
قبل كنت اقول ليش اروح اركب عازل في كول وغالي واخر شي نفسه نفس غيره جونسون وتيتانيوم
بس تبغي الصج يوم جربت في كول تحسفت اني ما ركبته من زمان
نصيحه اللي يبغي يركب عازل عليه بالفي كول ويدعي لي
واذا بتركب غير الفي كول نصيحه لاتركب تيتانيوم ولا جونسون
روح محلات الزينه وركب عازل بو 150 ريال لانه نفس اللي عندهم منتج امريكي ولا يخترب واحسن من المخفي

[قرناس قطر]

هههههههههههههه حــــــر مافي إلا يحوطون الدوحه أبكيربي نفس الطبيلات ويركبون ليتات ومراوح شفط ومكيفات من دوار سلاح الجو إلا الكرنيش ومن الكرنيش إلا القولف ومن القولف إلا جسر الشمال وإلا معيذر وإلاأبوهامور وإلا المطار على شكل داأري ولها بيبان للمناطق الخارجيه ومنها شرطة ثبوت تفتيش بعد الساعه وحده من اليل دخول وخروج ومنع دخول التريلات ودناكر لهم طريق خارجي 1باب للوكره 2باب للخور 3باب لشمال 4باب لشحانيه 5باب لي بوسمره أحلا حل

[بن درويش]

ليحين ماياكم رمضان شهر 8
الله يعينكم السنه

[دولة قطر]

مالك الا انك تركب 40% عازل حراري كامل ..

وبعدين تروح محل الزينه تاخذ لك المخفي القماش ترزه فوق العازل (الجوانب اللي ورى السايق والعبري)

حق الشمس وانتهى موضوعك ..

[Qatarianes]

اي والله انا ماحاتي الا ثمانيه رمضان بعد :) :) الله يجيب الاحد بس شكلي باخذ اجازتي برمضان

زين يالربع شالحل يعني ... شيسوي الواحد علشان يخفف من هالحر :)

ياريال انا زين اني تخرجت العام من لندن
رمضان العام كان قفزه نوعيه عن الثلاث السنين الي قبله .. نفطر على تسع وشي
هالسنه بتنكرفون الظاهر كل مره يقرب رمضان من الصيف اكثر
الله يستر.

[هام السحاب]

سيارتي مخفي كامل 30%و اغلب طلعاتي فالليل
بس غريبه ولا مره صايد ثبوت و كلمني ع المخفي
ليش انتو تنصادون :rolleyes2:
ركبو مخفي وان شاء الله مابيصير الا كل خير

[متسلف وفي الاخير]

الله يعين الجميع

[أبو طلحه]

الله يعين

[قيد الارض]

شوف كم تسجلت درجة الحرارة في احد المناطق

[بــوعــوف]

اففففففففف 52 !!!!!!!!!!!!!!!!!!!!!!!! :omg:


يالله بحسن الخاتمة ونعيم الجنة ..

[سفير القلم]

اشهد انك صادق يا بن عجلان
قبل كنت اقول ليش اروح اركب عازل في كول وغالي واخر شي نفسه نفس غيره جونسون وتيتانيوم
بس تبغي الصج يوم جربت في كول تحسفت اني ما ركبته من زمان
نصيحه اللي يبغي يركب عازل عليه بالفي كول ويدعي لي
واذا بتركب غير الفي كول نصيحه لاتركب تيتانيوم ولا جونسون
روح محلات الزينه وركب عازل بو 150 ريال لانه نفس اللي عندهم منتج امريكي ولا يخترب واحسن من المخفي

أخوي وين محلات الزينة اللي ممكن تركب العازل