شاشة اللاب توب فجأه صارت سوداا

[دهــن العود]

السلام عليكم ورحمة الله

عندي مشكلة في شاشة اللاب توب

فجأه صارت سوداا

الجهاز يشتغل بس ما اشوف شي .. ولما اقلب الشاشة شوي تفتح بس على خفيف

اخذت الجهاز عند واحد قال لي في مشكلة يمكن في الرام ؟؟


مدري اذا عندكم حل ؟؟

لان هالجهاز فيه اشياء مهمة في شغلي :(

على الاقل لو اقدر انسخ الاشياء المهمة واحتفظ فيها في فلاش او سي دي :weeping::weeping::weeping:

[قول و فعل]

وده اي محل كمبيوترات في مجمع اسواق الغرافه


وينسخون لك الاشياء المهمه على سي دي


...

توه ريلي رايح امس ومسوي نفس الحركه

[وادي السيل]

هلا اختي

جربي تشبكين الاب توب على شاشة كبيوتر مكتبي اذا اشتغل معناته الخلل في كرت الشاشة او الشاشة

[أبو البراء]

اذا يفتح بس بطئ والشاشه السودا تطول مشكلة وندوز

اما اذا كان الاشكال انا مافي شاشه تبعد البدايه ولا صوت ولا اي حركه في الشاشه ممكن يكون الرام

[النــادر]

اختي ماله دخل الرام في هذا الموضوع ...

لما تشغلين الكمبيوتر هل في بدايه الامر يطلع لك صوره الوندوز في بدايه التشغيل ..

وهل المشكله انك تشوفين الكمبيوتر لكن لا يوجد نور بالشاشه يعني خفيف جداً

واحتمال كبير في كرت الشاشه او تبديل قطع صغيره للشاشه ..

وبالتوفيق

[بولينجر]

يمكن الوصلات بين الشاشة والجهاز منقطعة جزئيا.... حاول(ي) تحريك الشاشة برفق .... واذا مانفع خلي محل تصليح ينسخ كل شي....

[دهــن العود]

جزاكم الله خير


فعلا مثل ماقال اخونا النادر (( المشكله انك تشوفين الكمبيوتر لكن لا يوجد نور بالشاشه يعني خفيف جداً )) هذا الي حاصل بالضبط

مع اني ما اشوف شعار الوندوز اول ما يشتغل الجهاز بس اسمع الصوت

الظاهر الخلل في كرت الشاشة


ماتقصرون بيض الله وجيهكم

:)

[دهــن العود]

:weeping::weeping::weeping:

من كم يوم اخذت الجهاز عند محل تصليح كمبيوترات حتى يحل لي المشكلة

طلب علي رقم خيااالي بصراحة لو اشتري جهاز جديد ابرك لي:omg:


ماعليكم امر ماعندكم رقم فني كمبيوتر يخاف الله واسعاره معقوله والاهم شغلة اكيد



انتظركم لاهنتوا

[النــادر]

اختي عندي لاب توب نفس الموضوع قالوا كرت الشاشه لازم يتغير او المذربورد

المهم السعر يقارب 1200 وفوق

لكن اختى هناك مكان في السوفتيل واحد اذكره لي اسعاره اقل ويقدر يصلح المشكله من كلامه

بتاكد لك من مكانه واحتمال اروح له اليوم او بكره اشيك على الكمبيوتر وكم قيمته

[دهــن العود]

تسلم اخوي النادر وجزاك الله خير

ولو تقدر تجيب لي رقمة تسوي فيني خير والله


:)

[eXpert*]

اختي الفاضلة ,,

عندج في محلات أسواق الغرافة محل اسمه الغرير
او في المحلات الجديدة اللي في الغرافة في محل اسمه الدبلوماسي

ان شاء الله اسعارهم مناسبة

[mubarak2006]

اختي هذا المذر بورد ودع الشيخة....وتصليحه مكلف

شكرا

[النــادر]

تسلم اخوي النادر وجزاك الله خير

ولو تقدر تجيب لي رقمة تسوي فيني خير والله


:)



اختي المحل اسمه العالمية للحلول التقنيه

الموقع في سوفتيل

رقمهم 4424874

اسمه خالد او هناك فني

الافضل تودين الكمبيوتر ويشوفون المشكله والله ييسر امرك اختي ..

اخوك النادر

[النــادر]

اختي هذا المذر بورد ودع الشيخة....وتصليحه مكلف

شكرا


نعم المحل اللي ذكرته للاخت ممكن يصلحه ..

ولكل مشكله لها حل

وياخوان وياخوات ترى مافيه شي مستحيل

سبحانك اللهم وبحمد أشهد ان لا اله الا انت استغفرك واتوب إليك

[دهــن العود]

جزاك الله خير اخوي النادر وبيض الله وجهك


ماتقصر :)