شرايكم في وكالة مازدا

[w.qatar]

السلام عليكم

انا شفت سياره CX-9 و عجبتني و خاطري اشتريها بس الكل يذم في وكيل مازدا بالدوحه اقول لهم ليش ما يعطوني سبب ؟؟

السياره ممتازه و يابانيه 100% و سعرها ممتاز بس ابي اتاكد من موضوع الوكاله و خدماتهم بعد البيع عشان اشتري وانا متطمنه مابي اتلعوز بعد ما اشتريها :rolleyes2:

[الرايــق]

سعر القطع غالية جدا
والسيارة قيمتها تنزل بسرعة لو حبيت تبيعها ..
كم سعرها ؟ ممكن نفترح عليك بديل مناسب بالسعر اللي فبالك
وبالتوفيق يالشيخ

[بومحمد911]

ما انصح بلمازدا

[ولــ(الزعيم)ــد]

كم ميزانيتج علشان نعطيج خيار احسن من المازدا

صج انها سياره قويه ويابانيه وماعليها كلام بس اسمحيلي يعني سياره فلبينيين

مالها احترامها في الشارع نفس الاند كروزر مثلاً والتيوتا بشكل عام

وهوو اختيار موفق بس على قوله المثل ((اكل على كيفك والبس على كيف الناس))

[w.qatar]

انا هالسياره ولا مره شفت فلبيني يسوقها بالعكس اول مره شفتها وانا رايحه الدوام طريق الكورنيش واحد قطري يسوقها و كششششخه السياره صج محد يحب المازدا بس السياره حلوووه و احس تناسب البنات اكثر شوف صورها و مميزاتها في موقعهم http://4a.mazda.com/product/cx9/

و سعرها 115 ألف

[بن درويش]

:tease:الناس اذواق لولا اذواق الناس لدامت البضائع فى الاسواق :tease:

[w.qatar]

شوفوا لقيت هالموضوع في احد المنتديات

بالنسبة لسيارات مازدا فالكثير لا يعرف عنها سوى ، قطع غيارها غالي ولكن إليك حقيقة ذلك من خلال النقاط التالية ..
مميزاتها :
1- الجودة والمتانة أعلى من سيارات نيسان وأعلى من سيارات تويوتا .
2- نسبة الأعطال تعتبر من أقل السيارات عطلا وربما تتفوق على سيارات تويوتا .
3- أغلب المواد الخام المصنعة منها السيارة تعتبر عالية الجودة .
4- إقتصادية في صرفية البنزين .
5- السيارة المذكورة تتفوق على نيسان مورانو ومثيلاتها ولا أخفي أنها منافس للأودي والإنفنيتي واللكزيس فهي فخمة للغاية .

وإليك كشف تقريبي لأسعار الصيانة في الوكالة لسيارة مازدا cx-9 لدي وكيلها في دبي .

ذهبت اليوم لسيارات كلداري في دبي لاتأكدمن بعض أسعار قطع الغيار لسيارة مازدا cx9 وكانت كالتالي :

1-البريك ( سبايس ) الأمامي بعد الخصم 310 درهم
2-البريك الخلفي ( السبايس ) بعد الخصم 225 درهم
3-البمبر الأمامي ( الدعامية ) بعد الخصم 700 درهم
4-الكشافات الأمامي ( للحبة ) بعد الخصم 700 درهم
5-سير الماكينة لعدد أثنين ( بعد الخصم ) الأول 65درهم والثاني 85 درهم
6-فلتر الغير ( الكير ) بعد الخصم 195 درهم
7- فلترزيت المحرك بعد الخصم 30 درهم
8-الكمبريسور ( للمكيف ) بعد الخصم 2500 درهم

وأما بالنسبة لاسعار الصيانة الدورية داخل وكالة كلداري وهي على النحوالتالي :

1-1000 كيلو ( مجاني )
2- 5000 كيلو - 270 درهم
3-10,000 كيلو – 420 درهم
4- 15,000 كيلو – 270 درهم
5- 20,000 كيلو – 730درهم

أي أن أقل سعر للصيانة هو 270 درهم وأعلاه 730 درهم

وللملاحظة : يمكن إجراء السيرفيز خارج الوكالة دون أن يؤئر على الضمان

ولكن هل تعتبرالأسعار المذكورة أعلاه غالية سواء في قطع الغيار أو اسعار الصيانة مقابل سياراتمماثلة من تويوتا أو نيسان أو هوندا أو غيرها من السيارت اليابانية .

مادري كم اسعار الدوحه صراحه انا كنت مثلكم قبل متعصبه للتيوتا بس شفت هالسياره بالصدفه و دشت مزاجي بالاضافه الى اني اشوفها انتشرت بالامارات و السعوديه و شكلها رهيييب و سعرها زين

[أبو طلحه]

ما شفت فلبيني بالعكس شفت اقطري يسوقها وكان لون الموتر عنابي

[doha007]

السلام عليكم

بخصوص اللي قال مالها هيبه وحق فلبينيين , اقوله غيروا نظرتكم وبسكم عن المفوشر والبطره الواحد فيكم مديون حده بس علشان ياخذ بورش حتى صب البترول سلفيات من يمين ويسار

أما التويوتا مبالغين واجد في اسعار الفورويلات والمقاطعه للحين ماشيه ضدهم وأتعس خدمات عندهم "قبل وبعد البيع"
بخصوص راعية الموضوع , السياره ماعليها كلام وكل اللي ياخذونها من هل البلاد اقطريين وخليجيين وانا بعت البي ام 2006 وباخذ هالسياره للأهل , حتى أبرك من اللكزس الصغيره هذيك اللي وصلت 200 ألف

توكلي على الله وخليهم يعطونج تأمين شامل وضمان 5 سنين عداد مفتوح ولا عليج من نظرة الشباب الرجعيه

[nyzk]

السياره شكلها حلو بس لو انتي من هواة تبديل السيارات فهي ماتنفع لان المازدا يطيح سعرها بشكل كبيرعند البيع.


http://a332.g.akamai.net/f/332/936/12h/www.edmunds.com//media/roadtests/firstdrive/2007/mazda.cx9/07.mazda.cx9.det.2.500.jpg


http://a332.g.akamai.net/f/332/936/12h/www.edmunds.com//media/roadtests/firstdrive/2007/mazda.cx9/07.mazda.cx9.act.1.500.jpg



http://a332.g.akamai.net/f/332/936/12h/www.edmunds.com//media/roadtests/firstdrive/2007/mazda.cx9/07.mazda.cx9.det.3.500.jpg


http://a332.g.akamai.net/f/332/936/12h/www.edmunds.com//media/roadtests/firstdrive/2007/mazda.cx9/07.mazda.cx9.r34.500.jpg


http://a332.g.akamai.net/f/332/936/12h/www.edmunds.com//media/roadtests/firstdrive/2007/mazda.cx9/07.mazda.cx9.int.500.jpg



http://a332.g.akamai.net/f/332/936/12h/www.edmunds.com//media/roadtests/firstdrive/2007/mazda.cx9/07.mazda.cx9.cc.500.jpg


http://files.conceptcarz.com/img/Mazda/mazda_cx9_manu-07_i04-800.jpg

[JoOoOoOoJ]

و الله ونعم الاختيار ...انا عندي مازدا زوم 6 اخدتها من الوكاله ...بال 2006 ...والله سياره ثبات و قوه و اقتصاديه ...و اللي بقول انه قطع الغيار غاليه ...بس بسألك من وين جايب الاشاعه ....

ترا اسعارها بالرينج تبع النيسان ...يعني حتى ارخص من النيسان ...

و ك خدمه ...والله رووووووعه و ما عليهم كلام ...

و بالنسبه لهذي السياره ...ترا والله انها راقيه من كله ...يعني فل ابشن و بسعر ارخص من كل التويوتا الفورويل ...


ما عليك تراها اختيار موفق ..

[fahed.111]

اللي اعرفه انها سياره قويييييييييييييييييييييييييييه ولاكن مشكلتها في شغله سعرهااا يطيح بسرعه
بس اللي بيستعمل لايهتم

[w.qatar]

يعطيكم العافيه على الردود

اذا على السعر وقت البيع مو مشكله لاني ما بغير السياره كل سنه يعني بتم عندي فتره

و اذا بغيت اغيرها بعدين بخليها للبيت ما ببيعها

طيب وين مكان الوكاله بالضبط

[الخارجية]

الله يرحم المازدا 929 ايام زمان قير عادي والله هذا الموتر مش طبيعي وكانوا شباب أهل قطر طايحين فيها

[ام وليد]

سيارة حلوة
وهالسيارة نفس سيارة محمد الدعيع الحارس السعودي خخخخ

[ام وليد]

الله يرحم المازدا 929 ايام زمان قير عادي والله هذا الموتر مش طبيعي وكانوا شباب أهل قطر طايحين فيها


خخخخخخخخ

http://upload.wikimedia.org/wikipedia/commons/f/fe/Mazda_929_NL_1985.jpg

[nyzk]

يعطيكم العافيه على الردود

اذا على السعر وقت البيع مو مشكله لاني ما بغير السياره كل سنه يعني بتم عندي فتره

و اذا بغيت اغيرها بعدين بخليها للبيت ما ببيعها

طيب وين مكان الوكاله بالضبط

مكان وكالة المازدا خلف مكتبة جرير

[شاهين]

الصراحه السياره عليها مكيف ثلج لا التويوتا ولاالنيسان
وبخصوص قطع الغيار مايفرق بين النيسان بشي
اللهم النيسان تحصل له قطع غيار خارج الوكالة
وأنا أجرت السيارة مدة أسبوع وأعجبتني
بس نظرتنا للمازدا غريبه
رايي لصاحب الموضوع أنه يجرب السياره يمكن تليق له أو لا



ياجماعة واحد حط رد أو صوره ومغط أبو الصفحه:eek5:

[سطح القمر]

الله يرحم المازدا 929 ايام زمان قير عادي والله هذا الموتر مش طبيعي وكانوا شباب أهل قطر طايحين فيها

هالسياره كانت عندي ..... عليها تحمل مب طبيييييعي اكثر حتى من الكراسيدا حتى :nice:
الشيء الوحيد اللي يعجبني في مازدا اللحين هو انه الورشه مب في الصناعيه :victory: