كم العمر المناسب لشراء هاتف جوال لاولادك؟؟؟

[ابن قطر]

سؤال محير


ما ان تذهب الى مجمع او زيارات للاهل حتى تتفاجى بحمودي او احمدو او نصور .......الخ

يتحدث بالجوال لا واغلى نوع حتى تخجل من موبايلك؟؟؟؟

وعندما تذهب للمجمعات ترى الفتيات من السن 5 6 9 وطالع

يتحدثن بالموبايل ورنات كلها حب واحساس ..... وغصبأ عنك سوف تسمع لا محال


من المسئول عن هذا التخبط الاسري وما نتائجه وكيف تكون التربية والتعامل معهم


بالمستقبل


سؤال محير وننتظر الرنه المناسبه اقصد المشاركات المفيده ...


وفوق هذا وذاك ما هو العمر المناسب لشراء هاتف خليوي لاولادك


انتظر المشاركات

[toota]

اقول لك رأيي بعد ما اشوف رأي الاعضاء

[الدوحي7]

لاسف الهاتف للتباهي وضياع الابناء، لان والله مايدرون من يكلمهم اخر الليل من بنت وولد وهذا سبب ضياع الابناء وعلى فكره وحوش ينتظرون هذه الفرصه ،والاب والام ليش عيال فلان احسن منهم هذا التخلف،،

[ابن قطر]

:telephone::telephone:
اقول لك رأيي بعد ما اشوف رأي الاعضاء

[الـقـاسـي]

والله ياخوي انا اشوف بالنسبه للولد من فوق الـ 15

والبنت من فوق الـ 17 او بعد ماتخلص الثانوية ..

هذا هو الصح ..

الجوال وان كان شر لابد منه لكن له مميزات تغطي على عيوبه وصار شي اساسي محد يقدر يستغني عنه ..

[ابن قطر]

لاسف الهاتف للتباهي وضياع الابناء، لان والله مايدرون من يكلمهم اخر الليل من بنت وولد وهذا سبب ضياع الابناء وعلى فكره وحوش ينتظرون هذه الفرصه ،والاب والام ليش عيال فلان احسن منهم هذا التخلف،،

نعم صدقت وحوش ينتظرون هذه الفرصه

[ابن قطر]

والله ياخوي انا اشوف بالنسبه للولد من فوق الـ 15

والبنت من فوق الـ 17 او بعد ماتخلص الثانوية ..

هذا هو الصح ..

الجوال وان كان شر لابد منه لكن له مميزات تغطي على عيوبه وصار شي اساسي محد يقدر يستغني عنه ..

شكرا اخوي القاسي على المرور

يا ليت نشوف الالتزام بهذه الاعمار

[&شهد&]

والله انا ولدي طلعت له جوال يوم بدا يروح النادي ويطلع مع أهل ابوه رحلات أو يروح لبيت الجيران
اهني حسيت انه محتاج لجوال وانا بعد ابي اطمن عليه

[ابن قطر]

والله انا ولدي طلعت له جوال يوم بدا يروح النادي ويطلع مع أهل ابوه رحلات أو يروح لبيت الجيران
اهني حسيت انه محتاج لجوال وانا بعد ابي اطمن عليه

هلا اختي شهد كم عمر الولد الله يطول بعمره

[الدوحي7]

شكرا اخوي القاسي على المرور

يا ليت نشوف الالتزام بهذه الاعمار

هذه الاعمار احلى اعمار يتصيدون لهم لان الشاب يبقي الطرف الاخر او الوحش الاخر، والبنت كذالك تقول الالتزام بهذه الاعمار ، والله ضياع وهذه حلفه ، والهاتف يستخدم في غيير الاتصال من فيديو وغيره وكذا ميموري تلاقى عند الشاب والبنت والام والاب عيالنا اكبروا،،

[الغريبة]

الولد 15 والبنت 15 للعدالة لان خطأ البنت نفس خطأ الولد مع المراقبة المسؤلة وبدون ما تكون (حشرية)على قولة اخوانا المصريين

[تحداني]

.. صباح الخير سيدي الفاضل ..
سؤال رائع ..بل في محله ...

وخاصه مع انتشار هذه الظاهره .
بل هذا الاختراع اللعين ..
.
.

انا سأتكلم لك ليس من باب الامومه ..
سأتكلم لك عن تجربتي الخاصه مع اخواني ..
.
.الهاتف لا يكون الا للضروريات ..
وخاصه عندما يكون الطفل ملتحق بنادي رياضي ..
او لديه معهد خارج اوقات الدراسه الرسميه ..
وكذلك الحال مع البنات ..
.

.
اما طالما الاباء يرافقون ابنائهم في خروجهم ..ودخولهم ..
فلا اعتقد انه بحاجه لهاتف جوال ..


.
.
اما عندما يكبروا الابناء ..
في الجامعه فرضا ..
او في العمل ..
فللجوال اهميه ..
ووقتها نتمنى ان يكونوا قدر الثقه ..
ويعطوننا الامان ..
.
.
والطفل سبحان الله ..
عندما تكبر اهتماماته من لعبه ..الى دراجه ..الى بلي ستيشن ..
وفجأه تعطيه هاتف جوال ..يشعر انه اصبح كبيرا ...
اي يحمل شيئا ..الكل يحمله ..
وخاصه الكبار ..
.
.
فيذهب فكره اني كبرت .
.بالرغم من صغر سنه ..

.
وهنا تبدأ السلوكيات الغريبه ..

تظهر على هذا الطفل الكبير

طيش بالاستخدام ..
.

.
.
.وعفويه الاطفال ..
.
.
ونهايه مدمره ..
.

.سلمت يداك على هذا الموضوع ..
استمتعت كثيرا ..

الله يحفظ ابنائكم يارب
ويسعدك يارب :)

[&شهد&]

هلا اختي شهد كم عمر الولد الله يطول بعمره

طلعت له جوال بعمر 10 سنين الله يحفظه

[ابن قطر]

.. صباح الخير سيدي الفاضل ..
سؤال رائع ..بل في محله ...

وخاصه مع انتشار هذه الظاهره .
بل هذا الاختراع اللعين ..
.
.

انا سأتكلم لك ليس من باب الامومه ..
سأتكلم لك عن تجربتي الخاصه مع اخواني ..
.
.الهاتف لا يكون الا للضروريات ..
وخاصه عندما يكون الطفل ملتحق بنادي رياضي ..
او لديه معهد خارج اوقات الدراسه الرسميه ..
وكذلك الحال مع البنات ..
.

.
اما طالما الاباء يرافقون ابنائهم في خروجهم ..ودخولهم ..
فلا اعتقد انه بحاجه لهاتف جوال ..


.
.
اما عندما يكبروا الابناء ..
في الجامعه فرضا ..
او في العمل ..
فللجوال اهميه ..
ووقتها نتمنى ان يكونوا قدر الثقه ..
ويعطوننا الامان ..
.
.
والطفل سبحان الله ..
عندما تكبر اهتماماته من لعبه ..الى دراجه ..الى بلي ستيشن ..
وفجأه تعطيه هاتف جوال ..يشعر انه اصبح كبيرا ...
اي يحمل شيئا ..الكل يحمله ..
وخاصه الكبار ..
.
.
فيذهب فكره اني كبرت .
.بالرغم من صغر سنه ..

.
وهنا تبدأ السلوكيات الغريبه ..

تظهر على هذا الطفل الكبير

طيش بالاستخدام ..
.

.
.
.وعفويه الاطفال ..
.
.
ونهايه مدمره ..
.

.سلمت يداك على هذا الموضوع ..
استمتعت كثيرا ..

الله يحفظ ابنائكم يارب
ويسعدك يارب :)


رد اكثر من رائع

واقتراحات للعمل به من قبل اولياء الامور


وان كنت ارى بمنحهم بالبداية هواتف خليوية غير متطورة


شكرا اختي تحداني

على المرور الطيب

[ريان]

الولد فوق 15 سنه

البنت - تستخدم جوال امها لين تتوفق وتروح بيت زوجها

او في عمر ما بعد الثلاثين

[أم عبدالرحمن]

من وجهة نظري ..

انه العيال اذا راحوا الاعدايه يكون عندهم جوال

اما البنات بعد الثانويه انا ابوي خذ لي الجوال يوم رحت الجامعه

واللحين الطفل مايكمل اول ابتدائي الا عنده بدل الجوال اثنين وين الاهل عنهم

والله قهر أختي الاصغيره في اول ابتدائي انجحت تقول ابي جوال ربعي كلهم عندهم

في ذمتكم مب قهر وشي يحرق القلب لا واللي يبط جبدك زياده انه يحطون للجوال رقم سري

وين مراغبة الاهل مب زين الله بيحاسبهم ... :(

بعطيك العافيه على الموضوع

[اسعاف]

الجوال للولد العاقل الثقيل عند أول ثانوي

وكذلك البنت

ترى السن ليس هو المقياس الوحيد في هذه المسئلة

ياما رجال وشوارب لكن عقولهم مثل عقول العصافير0 يلعب في بنات الناس

ونفس الكلام ينطبق على النساء( لا وتجدها متزوجة وقاعدة تلتهي مع المعجبين)

أهم شئ اننا نربيهم تربية اسلامية صحيحة

وانقوي فيهم جانب الأيمان ومراقبة الله في السر والعلن

ومع هذا لا يترك الوالدين ابناءهم على هواهم بل يراقبونهم من بعيد ( لأن الشيطان ما مات )

هذا الكلام من تجربة عملية

أخوكم اسعاف

[Bu Rashid]

سلمنت يمناك اخي العزيز ابن قطر على الموضوووووع الرائع ...

بالنسبة لي .. الولد يعطى جوال متى ما استدعى الامر لذلك
يعني عندما يبدء الولد الذهاب الى النادي او الدراسه في معهد او تقوية
وخصوصا عندما يبدء الخروج مع عيال عمه او اصدقائه لاماكن الترفيه كي تكون على اتصال معه
ويجب مراقبتهم ومراقبة المسجات والصور وغيره

اما البنات فالحاله تختلف - مع اني احب المساواه - البنت يجب ان يكون خروجها مع امها او أختها
ولاماكن معروفه وبأوقات معروفه فهي ليس بحاجه الى جوال
ولكن عندما تصل الى مرحلة الثانويه ممكن ان تحصل على الموبيل ولكن فقط في النهار ...
وفي الليل وما ادراك ما الليل .... يبقى الجوال خارج غرفة النوم في الصاله كي يشحن ...;)

[moonبنتnight]

أنا أيد بعد الثانوية العامة00 الولد والبنت 00

طلعولهم جوال يستقل ما يرسل 00 رنه وأنتوا أتصلوا 00 أشوفه أحسن وتعلمون أنا وسيلة أتصال مب تسليه 00 بالسعودية شفت دعاية جوال تراقب فيه حتى عيالك وين راحين بعد 00

تطور شلون توظفها في خدمة عيالك وتحكم فيها بعد 00

[النهار]

الجوال لايختلف عن الدش في المنزل هذه ضريبة التكنلوجيا
المشكله ليست في الاباء الله يهدي الامهات هم السبب ليش ولد فلان عنده جوال مع العلم ولدي اكبر منه بثلاث ايام تقعد تحن على راس الاب طلع له جوال عيال الناس مو احسن من عيالي لوتحب ولدك كان طلعت له جوال انت امورك الماديه احسن من فلان والكلام جدام الولد هنا يحس الولد ان ابوه مايحبه تزرع الكراهيه في الولد ناحية الاب المسكين يروح يطلع جوال وخط بس خايف على ولده يطلع جوال من الرخيص لافيه كاميرا ولابلوتوث يعني استاندر عادي هني تقوم القيامه لايمه انا امابي هذالجوال خلودي احسن مني ولاعزوز ولاولا ولا ولا هات في الاسامي الابو موانت تبي الجوال لتتصل ويش لك بالجوال بوكميرا لماتكبر اجيب لك جوال احسن شوف جوال عادي اقدم من جوالك مافيه ولاخاصيه من الخصايص يايبه انت طرز بوكلش عاد هنى دور الام ياريال موعيب تفشل ولدك جدام ربعه بهذالجوال ماعليك يمه انا بشتري لك جوال توه نازال في السوق محد من ربعك لي الحين اشتراه والمصيبه لوتعرفون حمود كم عمره ماتصدفون 8 سنوات الصف الثاني الابتدائي اشترت الام جوال حمودي راح فيه المدرسه اول يوم وثاني يوم ثالث يوم الابله صادت الجوال عند حمودي خذت الجوال من حمودي قالت له ماتجي المدرسه بدون ولية امرك حمودي صاح وناح مافي فايده راح حمودي عندامه يمه ابله خذت الجوال وقالت لازم تجيب ولي امرك اكيد جوالك رن في الصف لايمه كنت اطرش بلوتوث حق رفيجي الابله خذت جوال رفيجيك لايمه الابله ماشافت جواله راحت الام الي المدرسه وماقالت حق الابو ليش رايحه لودرى مش احسن لها ؟؟؟؟؟ المصيبه الولد عنده في الجوال بلاوي زرقه وهو في هذالعمر

عليكم التعلق

[الدوحي7]

الجوال لايختلف عن الدش في المنزل هذه ضريبة التكنلوجيا
المشكله ليست في الاباء الله يهدي الامهات هم السبب ليش ولد فلان عنده جوال مع العلم ولدي اكبر منه بثلاث ايام تقعد تحن على راس الاب طلع له جوال عيال الناس مو احسن من عيالي لوتحب ولدك كان طلعت له جوال انت امورك الماديه احسن من فلان والكلام جدام الولد هنا يحس الولد ان ابوه مايحبه تزرع الكراهيه في الولد ناحية الاب المسكين يروح يطلع جوال وخط بس خايف على ولده يطلع جوال من الرخيص لافيه كاميرا ولابلوتوث يعني استاندر عادي هني تقوم القيامه لايمه انا امابي هذالجوال خلودي احسن مني ولاعزوز ولاولا ولا ولا هات في الاسامي الابو موانت تبي الجوال لتتصل ويش لك بالجوال بوكميرا لماتكبر اجيب لك جوال احسن شوف جوال عادي اقدم من جوالك مافيه ولاخاصيه من الخصايص يايبه انت طرز بوكلش عاد هنى دور الام ياريال موعيب تفشل ولدك جدام ربعه بهذالجوال ماعليك يمه انا بشتري لك جوال توه نازال في السوق محد من ربعك لي الحين اشتراه والمصيبه لوتعرفون حمود كم عمره ماتصدفون 8 سنوات الصف الثاني الابتدائي اشترت الام جوال حمودي راح فيه المدرسه اول يوم وثاني يوم ثالث يوم الابله صادت الجوال عند حمودي خذت الجوال من حمودي قالت له ماتجي المدرسه بدون ولية امرك حمودي صاح وناح مافي فايده راح حمودي عندامه يمه ابله خذت الجوال وقالت لازم تجيب ولي امرك اكيد جوالك رن في الصف لايمه كنت اطرش بلوتوث حق رفيجي الابله خذت جوال رفيجيك لايمه الابله ماشافت جواله راحت الام الي المدرسه وماقالت حق الابو ليش رايحه لودرى مش احسن لها ؟؟؟؟؟ المصيبه الولد عنده في الجوال بلاوي زرقه وهو في هذالعمر

عليكم التعلق


:weeping:

[العداله]

المشكله يا جماعه مو في الجوال المشكله ان الطفل يكون حوالينه اعيال عمامه وخواله ويعايرونه لما
يكون عندهم حاجه هو ما عنده مثلها ..
بتقولون لي طنشوا له اقول لكم صعبه وااااايد الواحد مايهون عليه ان ولده يحس بالنقص
انا عن نفسي طلعت جوال حق ولدي وهو عمره 6 سنوات لكن الجوال عندي طول الوقت وهو ياخذه في الشهر مره لما يحب ياخذ صور من عيال عمه ( والصور لازم تمر علي من باب الرقابه طبعا )
وبالنسبه لبنتي عطيتها جوال وهي بعمر 4 سنوات بس عاد من غير الكرت والمسكينه ماتعرف بس تقلد اخوها

[moon-99]

( الجوال ) مهم
بس للعيال انا اشوف ان مووو مهم كلش الا اذا كانوا هاملينهم اهلهم
يعني
الـولـد : بعد الاعداديه
لان بيحتاج الموبايل أكثر من البنت
وبتكون له طالعته و جياته ، وما راح يقدر يكلم ربعه الشباب من بيتهم

البنت : مثل ما قالوا تستخدم جوال امها لين ما تتيسر وتروح لبيت زوجها
أو بعد ماتتخرج من الثانوي وبتدخل الجامعه تحتاج تاخذ لها موبايل
اما واهي فالمدرسه أو انها جالسه فالبيت لا شغل و لا جامعه ما تحتاجه طبعا
عندها تلفون البيت

ولا تنسوووووون !!!! قبل كنا عايشين بدون جوالات
وما عندنا غير تلفون البيت
والرجال تلفون سياره واذا بغينا شي منهم نتصل من البيت على البليب ويتصلون لنا
وخلصت السالفه :nice:
اكيد عشتووا ذيك الاياااام

[المقهوره]

عن نفسي للولد من 15 يعني من الثانويه العامه

اما البنت لاتحلم فيه إلا بالجامعه على شان تتصل اذا خلصت وتبي السائق
وان جات البيت تسلمه لامها

وهالقانون ماشي عندنا بصراحه

[المشتاقه الى الجنه]

أفضل عمر بعد إنتهاء الثانويه ودخول الجامعه

[@فهد@]

ماله علاقه السن .. الشي في التربيه نفسها ... والحرص واجب

والله يافيه من ورا الموبايل بلاوي .... وخصوصا شغلات الميموري

[ضوى]

بالنسبة للولد يطلع له جوال من سن 14 بس مايكون في ايده على طول بس لما يطلع وينسحب منه اذا موجود مع هله ،
البنت مالها حاجة بجوال دامه ويا امها وابوها واذا عالجامعة يصير خير ممكن جوال بس في اضيق الحدود

[toota]

السلام عليكم
لاحظت ان الكثير من الأعضاء يرون ان الولد ممكن يكون عنده موبايل بعد الاعداديه , والبنت بعد الثانويه .
كما لفت نظري ان تبريرهم للولد انه في هذا السن يطلع بنفسه . مما اثار حفيظتي . كيف يمكن لطفل بعمر ال 14 عام ان يخرج من البيت بدون افراد عائلته .
والله صعب , يا ناس انتبهوا على عيالكم ترى هذا السن سن حرج . ترى الطفوله الى سن 18 سنه اذا ما كنتوا تدرون . روحوا لطبيب الاطفال واسئلوه عن السن اللي يعتبر سن طفوله .
ترى اولادكم مثل بناتكم الشر في كل مكان , لا تنسون البلد مفتوحه وكل شي متاح وموجود.انتبهوا الله يرضى عليكم على عيالكم.
بالنسبه لي اشوف بعد الثانويه ممكن للجنسين امتلاك هاتف جوال , وياليت يكون في مراقبه من بعيد خلال الشهور الاولى علشان بس اتأكد من حسن استخدام العيال للهاتف الجوال . كذلك ياليت ما اطلعون لعيالكم رخص قيادة سيارة الا بعد الثانويه .
تحياتي.

[الوان]

اعتقد اذا الياهل يعرف يستخدمة يكون في عمر يحتاج للتلفون
متى الياهل يعرف حق التلفون؟؟؟؟ هذا هو السؤوال
ما يعرف الياهل حق الجوال الا على العشر سنوات اما قبل فنادر ما تلقى ياهل
يعرف يتصل او يرسل رساله او يرسل صوره
و ينتهي الجوال في يد الخدامة
الياهل فوق العشر سنين ممكن يروح بعض الاماكن بروحه مع السايق و يحتاج التلفون
هذا راي الوان ...

[Sharshooooor]

يختلف طبعا بين الاولاد والبنات

الاولاد بعد 12
والبنات بعد الثانوية على اساس انها دوم مع اهلها ومومحتاجته في هالسن
والولد اكيد راح يحتاج للموبايل عشان تتطمن علية في روحته وجيته وتكون دايما معاه بكل مكان

[Store]

انا اشوف اول مايفهم الياهال ممكن تاخذ له جوال عشان يكون شي عادي عنده

القصد انا الخوف من ان الياهال يملك جوال ترد بمردود عكسي

[nym]

انا اشوف احسن سن للأولاد هو 15 سنه

[ANONYMOUS]

الولد 7 سنين

والبنت 10

[!الشايمه!]

اعتقد المشكلة ليست في شراء الجوال...والسن المناسب
المشكلة في مراقبة الاهل...للمسجات...والاتصالات....حتى لاتخرج
عن الاطار الذي يقلق الاهل..

المشكلة اللي الاهل ماينتبهون لها....موضوع البلوتوث
طفل او طفلة....في اي مجمع....ويفتح البلوتوث...والله يهديهم ياحبهم
لنكات الكبار..الرومنسية........!!!!!؟ شنو نوعية البلوتوثات اللي
راح توصلهم....!!؟ شنو نوعية الصدمات اللي راح يتلقاها
طفل او طفله بسن ال 6 او 7 سنين؟

تحية

[شيط ويط]

لين يدخل الجامعة :telephone:

[ANONYMOUS]

اعتقد اذا الياهل يعرف يستخدمة يكون في عمر يحتاج للتلفون
متى الياهل يعرف حق التلفون؟؟؟؟ هذا هو السؤوال
ما يعرف الياهل حق الجوال الا على العشر سنوات اما قبل فنادر ما تلقى ياهل
يعرف يتصل او يرسل رساله او يرسل صوره
و ينتهي الجوال في يد الخدامة
الياهل فوق العشر سنين ممكن يروح بعض الاماكن بروحه مع السايق و يحتاج التلفون
هذا راي الوان ...


اليهال يعرفون اشياء احنا مانعرفها

خليها عل ربج

[الدوحي7]

اعتقد المشكلة ليست في شراء الجوال...والسن المناسب
المشكلة في مراقبة الاهل...للمسجات...والاتصالات....حتى لاتخرج
عن الاطار الذي يقلق الاهل..

المشكلة اللي الاهل ماينتبهون لها....موضوع البلوتوث
طفل او طفلة....في اي مجمع....ويفتح البلوتوث...والله يهديهم ياحبهم
لنكات الكبار..الرومنسية........!!!!!؟ شنو نوعية البلوتوثات اللي
راح توصلهم....!!؟ شنو نوعية الصدمات اللي راح يتلقاها
طفل او طفله بسن ال 6 او 7 سنين؟

تحية

:nice::weeping:

[دبلوماسية]

.. صباح الخير سيدي الفاضل ..

.الهاتف لا يكون الا للضروريات ..
وخاصه عندما يكون الطفل ملتحق بنادي رياضي ..
او لديه معهد خارج اوقات الدراسه الرسميه ..
وكذلك الحال مع البنات ..
.

.
اما طالما الاباء يرافقون ابنائهم في خروجهم ..ودخولهم ..
فلا اعتقد انه بحاجه لهاتف جوال ..

.

.سلمت يداك على هذا الموضوع ..
استمتعت كثيرا ..

الله يحفظ ابنائكم يارب
ويسعدك يارب :)



سياستك نفس سياسة هلي ..
انا خلصت مدرسة .. والحين في الجامعة ..
وللحين ماعندي جوال :secret:
لاني ما اطلع بروحي ..
يا مع امي .. يا مع ابوي ..
وباقي اليوم في البيت ..
وفي حال في شي (يعني في الجامعة لازم اقعد اكثر ولا شي)
امي تعطيني تلفون (تلفون الطلعات) ..
اول ما ارجع البيت اعطيها اياه .. :secret:

[الـقـاسـي]

سياستك نفس سياسة هلي ..
انا خلصت مدرسة .. والحين في الجامعة ..
وللحين ماعندي جوال :secret:
لاني ما اطلع بروحي ..
يا مع امي .. يا مع ابوي ..
وباقي اليوم في البيت ..
وفي حال في شي (يعني في الجامعة لازم اقعد اكثر ولا شي)
امي تعطيني تلفون (تلفون الطلعات) ..
اول ما ارجع البيت اعطيها اياه .. :secret:

هذي السياسه العدله والله .. الله يخلي لج ابوج وامج والله ان تفكيرهم صحيح ..

[غزلان]

اعتقد المشكلة ليست في شراء الجوال...والسن المناسب
المشكلة في مراقبة الاهل...للمسجات...والاتصالات....حتى لاتخرج
عن الاطار الذي يقلق الاهل..

المشكلة اللي الاهل ماينتبهون لها....موضوع البلوتوث
طفل او طفلة....في اي مجمع....ويفتح البلوتوث...والله يهديهم ياحبهم
لنكات الكبار..الرومنسية........!!!!!؟ شنو نوعية البلوتوثات اللي
راح توصلهم....!!؟ شنو نوعية الصدمات اللي راح يتلقاها
طفل او طفله بسن ال 6 او 7 سنين؟

تحية



:nice::victory::nice:

اهم شي مراقبة الأهل

[شموخ العز]

ابن قطر مشكور على الموضوع القيم


من راي من بعد ما يخلص الاربعين يوم نعطيه جووال


والله العمر المناسب 15 سنه زين بس اللي نشوفه يهال اعمارهم اربع سنوات


الله يعين مظاهررررررررررررررررر وتفاخر


انا عندي بنات اعمارهم 17 و15 ما عندهم جولات

بس العيال عندهم جولاات غصب عني

[♣شيبةالنخرة♣]

السياسه باهلنا من دخول الجامعه وبعد قضاء سنة على الاقل


يالله يكون عندهم جوال :)



صحيح احنا جربناه وندري وش الممكن من الاغلاط اللي ممكن تحصل من وراه


فاللي نبيه ان نجنب عيالنا هالاغلاط دامنا مسؤولين عنهم


كلكم راااااااااااااااع


مع تحيات\

ابوكم الشيبة

[شارع الأصمخ]

بدون تعليق ............ بس انا عن نفسي اول جوال كان عندي يوم كنت 14 سنه بس هالكلام كان قبل فتره من الزمن الحين الامر تغير

[برق الجنــوب]

الولد اول ثانوي

والبنت بعد الشهاده الثانويه

[الدوحي7]

سياستك نفس سياسة هلي ..
انا خلصت مدرسة .. والحين في الجامعة ..
وللحين ماعندي جوال :secret:
لاني ما اطلع بروحي ..
يا مع امي .. يا مع ابوي ..
وباقي اليوم في البيت ..
وفي حال في شي (يعني في الجامعة لازم اقعد اكثر ولا شي)
امي تعطيني تلفون (تلفون الطلعات) ..
اول ما ارجع البيت اعطيها اياه .. :secret:

الله يبارك في والدينك وفيك ، ويرزقك الزوج الصالح والذريه الصالحه،

[عابر سبيل]

اشكر الاخ الكريم/ابن قطر و كل من سبقني
في هذا الحوار الرائع و الراقي في هذا الموضوع.

استفدت جدا جدا....و لا اخفيكم انني شخصيا امر
في ازمة مع مثل هذه القضية.

عندما تكون انت في جهة....و الجمهور الاكبر ممن حولك من
اقارب في الجهة الاخرى...فتلك معضلة...ليست لك او لقناعاتك...
بل معضلة و تحدي في تسيير سلوك ابنائك و توجيه دفة التربية
لعيالك.

ان المقارنات بين الاقران من ابناء و بنات و من حولهم من ابناء
اعمام/اخوال....عدى عن ابناء الاصدقاء و زملاء المدارس...

هي مسألة شائكة تؤرق الاباء في علاقتهم مع ابنائهم...
خاصة من ينهج منهج الاقناع و التحاور مع فلذات اكباده
الذين لربما يفوقونه في الطول و هم في الثانوية
او حتى الاعدادية!...فلا يُعقل معملتهم معاملة
دكتاتورية...او توجيهية "صِرفه".

اتمنى ان اسمع مزيدا من التجارب في هذا المنحى....

فانا رايت شبه اجماع على تفضيل تأخير اعطاء الجوالات للابناء...

لكن لم نسمع عن تبعات من اقدم على هذا الامر ( اعطاءاً او منعاً)
اكانت ايجابية ام سلبية على سلوك و علاقات
الابناء ...و كيف تعامل او يتعامل معها
المربون و الاباء؟

[نشميّه]

والله هو مب بالسن ..
أحنا عندنا عيالنا مثلاً طلعاتهم وايد بحر وبر ..
اللي عمره 9 سنين عنده تلفون واللي عمره 8 عنده تلفون
وبعدين بيكون ويا ابوه ولا عمه .. والحمدلله ماشفنا من عيالنا
لا صغيرهم ولا كبيرهم شي غلط الله يثبت بهم ..
اما البنات أنا أشوف من تدخل الثانويه .. لما تروح بيت خالتها
ولا بيت جدها ومثلاً بدون امها ولا مسجات بينها وبين ربعها
احنا في عصر السرعه والتكنولوجيا والكل عنده تلفون مافي داعي
نخلي خواتنا وعيالنا يشكون في روحهم أو نحسسهم أنهم مب محل ثقه
المهم نعطيهم الثقه ونعرف من يكلمون يعني فلانه تكلمج اي سلمي عليها
نحسسهم ان احنا نعرف من يكلمون بينا وبينهم مسجات نعطيهم تلفوناتنا
ونشوف تلفوناتهم مانحسسهم ان في شي غلط !
أهم شي الثقه .. نحسسهم بالثقه علشان هم يثقون فينا .. ومايسوون الغلط
:)
وبعض الردود صراحه ! ترى احنا في سنة 2009 مب 1999
عشر سنوات وايد فرقت ياناس

[جير قطر]

شكرا ابن قطر على الموضوع الجميل والمميز

انا خذت جوال لما خلصت 2 ثانوي واحطه بالصاله ينشحن على قولة اخونا بوراشد بالليل

منعا للقيل والقال مع الوالد والان انا ادرس في بريطانيا من 1 والجوال مغلق بالليل ومب محول لاني

مواعد نفسي بالابتعاد عن المعاصي والكلام الغير مفيد وتقبلوا تحياتي

[الدوحي7]

والله هو مب بالسن ..
أحنا عندنا عيالنا مثلاً طلعاتهم وايد بحر وبر ..
اللي عمره 9 سنين عنده تلفون واللي عمره 8 عنده تلفون
وبعدين بيكون ويا ابوه ولا عمه .. والحمدلله ماشفنا من عيالنا
لا صغيرهم ولا كبيرهم شي غلط الله يثبت بهم ..
اما البنات أنا أشوف من تدخل الثانويه .. لما تروح بيت خالتها
ولا بيت جدها ومثلاً بدون امها ولا مسجات بينها وبين ربعها
احنا في عصر السرعه والتكنولوجيا والكل عنده تلفون مافي داعي
نخلي خواتنا وعيالنا يشكون في روحهم أو نحسسهم أنهم مب محل ثقه
المهم نعطيهم الثقه ونعرف من يكلمون يعني فلانه تكلمج اي سلمي عليها
نحسسهم ان احنا نعرف من يكلمون بينا وبينهم مسجات نعطيهم تلفوناتنا
ونشوف تلفوناتهم مانحسسهم ان في شي غلط !
أهم شي الثقه .. نحسسهم بالثقه علشان هم يثقون فينا .. ومايسوون الغلط
:)
وبعض الردود صراحه ! ترى احنا في سنة 2009 مب 1999
عشر سنوات وايد فرقت ياناس

صحيح بس شنهوا الفرق الى تتكلمين عنه هل الانسان غير الانسان تقولين عام 2009، يوم احنا اصغار كانوا يقولون عام 2000 وعام 2000 وجانا عام 2000 وراح ، ، انا اشوف الانسان تغير وصار وحش يعني اكيد تسمعون بمشاكل وبلاوي ماكانت موجوده وانا اكرر والله ياناس عيالكم ينتظرون من يفرط منهم ويكالونه الوحوش والله على ماقول شهيد،،

[na9er]

الله يا الدنيا
صاروا اليهالو بو 9 سنين عندهم جواويل :omen2: لا وآخر موديل .. فيه كل شي .. كاميرا وبلوتوث وانترنت وووو ..

الله يرحم أيام البليب :tease: ..

المهم

رايي في الموضوع بشكل عام
وبنيته عن تجارب من حولي
واستفادة من الصواب والخطأ في تجاربهم


الجوال ما ينعطى للولد أقل من 14 سنة إلا للحاجة (وقت الطلعات, ويحبذ أن طلعات اليهال ما تكون كثيرة بدون أولياء أمورهم في هالسن)
ويكون الجوال عادي إن كثر يكون فيه كاميرا عادية .. بدون بلوتوث لأنه هو العلة والمدمر مهما كانت تربيتك زينة للولد ..

فوق الـ 14 ينعطى الجوال بشكل دائم ويبقى بنفس المواصفات العادية للجوال , وهذا لين الإنتهاء من المرحلة الثانوية ..

بعد الثانوية خلاص يكون الولد كبر .. وحزتها ولي أمره يشترله أحدث جوال :nice: مع كل المواصفات ..


بس لكل قاعدة إستثناء .. فيه يهال بس تشوفهم كبار وعاقلين .. هذول ممكن يستثنون من كلامي فوق :victory: وتكون لهم حالات خاصة ..


وأشوف من المهم أن ولي الأمر ما يطلع لولده رقم مميز

لكون الرقم المميز ممكن دافع للولد إلى الترقيم والمغازل :rolleyes2:
ويا كثر اليهالو اللي يحطون أرقامهم في الالعاب على النت من قيمزر ومواقع التعارف والشات ..


أما البنات ماتوقع يحتاجون الجوال إلا في الجامعة ..


بالنسبة للبيئة المحيطة بالأولاد وكيف التعامل معاها
أتوقع أفضل حل للموضوع بأن ولي الأمر يقعد مع عياله ويحاورهم ويكلمهم ويحاول يقنعهم بأن الجوال مب للزينة
واحنا بنعطيك اياه وقت الطلعات وجيه , وإذا ما فاد الحوار والنقاش يمدحون الدكتاتورية :tease: ..


وللأسف يا كثر الأمهات اللي يخربون عيالهم بسبب التدليع الخاطئ


ويعطيك العافية على الموضوع ..

[ابن قطر]

اشكر الاخ الكريم/ابن قطر و كل من سبقني
في هذا الحوار الرائع و الراقي في هذا الموضوع.

استفدت جدا جدا....و لا اخفيكم انني شخصيا امر
في ازمة مع مثل هذه القضية.

عندما تكون انت في جهة....و الجمهور الاكبر ممن حولك من
اقارب في الجهة الاخرى...فتلك معضلة...ليست لك او لقناعاتك...
بل معضلة و تحدي في تسيير سلوك ابنائك و توجيه دفة التربية
لعيالك.

ان المقارنات بين الاقران من ابناء و بنات و من حولهم من ابناء
اعمام/اخوال....عدى عن ابناء الاصدقاء و زملاء المدارس...

هي مسألة شائكة تؤرق الاباء في علاقتهم مع ابنائهم...
خاصة من ينهج منهج الاقناع و التحاور مع فلذات اكباده
الذين لربما يفوقونه في الطول و هم في الثانوية
او حتى الاعدادية!...فلا يُعقل معملتهم معاملة
دكتاتورية...او توجيهية "صِرفه".

اتمنى ان اسمع مزيدا من التجارب في هذا المنحى....

فانا رايت شبه اجماع على تفضيل تأخير اعطاء الجوالات للابناء...

لكن لم نسمع عن تبعات من اقدم على هذا الامر ( اعطاءاً او منعاً)
اكانت ايجابية ام سلبية على سلوك و علاقات
الابناء ...و كيف تعامل او يتعامل معها
المربون و الاباء؟

بارك الله فيك اخوي عابر سبيل

وما زلنا ننتظر التجارب حتى نصل للبرهان

والف شكر على المرور الطيب ودوم مميز اخوي عابر سبيل

[ام فالح 2002]

لا اله الا انت سبحانك اني كنت من الظالمين