المساعد الشخصي الرقمي

مشاهدة النسخة كاملة : :: مجرد نصيحة للمقبلين على جوال iphone ::


Charisma
30-05-2009, 07:19 PM
السلام عليكم ورحمه الله وبركاته


ياخوان نصيحة بس للي ناويين يشترون ايفون

الايفون ترى نوعين اذا بنتكلم عن الـ3جي


نوع مفتوح رسمي : يشتغل على كل الشبكات في العالم وبدون اي مشاكل ويحدث لاي فريم وير بدون اي مشكلة


ونوع مقفول على شبكة وحدة: وغالبا هالاجهزه اتجينا من برى ومقفولة على شبكاتهم ويظطرون المبرمجين اهني يسوون جلبريك وينزلون برنامج يسوي هاكنق عالسوفت وير عشان يشتغل على شبكة كيوتل وغيرها وهالنوعيه مانصح فيها مهما كان سعرها لان كل ماينزل سوفت ويرجديد من ابل مارااح تقدر تحدثه لنك لو حدثته ابل بتقفل جهازك للابد وسلم عليه



الاسعار على كم؟ انا مستغرب بصراحة من الاسعار اللي تنعرض على 3500 وعلى 3400<-يعني بو الشباب مسوي تنزيلات اميه ريال


ياجماعه سعره الاصلي والمفتوح رسمي 2800 وحولها وانا يوم اقول حولها فرق اميه زايدة و ناقصه على حسب الشركة اللي بتشتريه منها لان ابل ماتبيع الايفون للافراد اتبيعه لشركات الاتصالات وانت تشتريه منها <- شاريه من تايلن بـ2800


بعد الشراء؟\


الايفون نظام معقد وشي طبيعي اذا ماعندك صبر تتعود عليه خلال اسبوع راح تحذفه بالطوفة حاول تتعلم عليه وحاول تقرا مواضيع تقنيه عنه وطرق التعامل معاه

وفي موقع واحد بصراحة الي لم جميع المواضيع اللي يحتاجها مستخدم الايفون

دورة بقوقل : الكمبيوترالكفي

وادخل قسم الايفون


هل في له تعريب؟ التعرب الحالي شغال على سوفت وير 2.2 ومش رسمي من ابل يعني مجهود اشخاص

السوفتوير 2.2.1 له تعريب من ايفون اسلام وبفلوس تسعين ريال اظن


السوفت وير القادم واللي يحمل رقم 3 : راح يكون طفره بعالم الايفون لان راح يظهر كل مميزاته من بلوتوث وام ام اس وتصوير فيديو .الاهم من هذا كلة اللغه العربيه الرسميه من شركة ابل


وشي نسيت اخبركم اياه


فودافون قطر متعاقده مع شركة ابل انهم ينزلون ايفون لمشتركي فودافون بس اهني السؤال

مايندرا اذا كان الايفون اللي بتنزلة فودافون مفوح رسمي؟ ولا مقول على شبكتها لا لو مقفول على شبكتها بصراحة مضيعه وقت وفلوس عليه =)

تقدر تتاكد من هالخبر بموقع ابل http://www.apple.com/iphone/countries/qa/

واتمنى اني وضحت بعض النقاط عشان لاحد ينقص عليه من ناحية السعر او المواصفات وخصوصا المواصفات


وبالتوفيق
بولينجر
30-05-2009, 07:39 PM
شكرا على التوضيح وكل اللي قلته صحيح... بالنسبة للتعريب تعريب اي فون اسلام احسن تعريب متوفر حاليا
rockerbabe
30-05-2009, 11:38 PM
تسلم اخوي على المعلومات.. و أنا خاطري في جوال أيفون 3 جي المفتوح رسمي من الشركة بس أبي أشتريه بكل ثقة و هو مفتوح.. في دبي موجود؟ ؟؟ لأني يوم سألت في محل هناك بيبيعني إياه من دون ضمان على 3200 تقريبا .. و ما أبي أغامر و أشتريه من مكان بالنت .. لأني جربت مرة و باعني أيفون مقفول حى حرق بطاقتي!! المهم تساؤلك أنا قد طرحته من قبل هنيه عن هل الأيفون بيكون فاتح على شبكة الفودافون فقط؟؟
مهابه
31-05-2009, 12:06 AM
بالفعل هني يلعبون في الاسعار ..
بس محل الفخامه يبيعه بسعر حلو ومناسب ^^

شكرا على التوضيح
كاشخ في قطر
31-05-2009, 12:56 AM
ياشباب الكلام صحيح وانا عندي خبره كببببببببببيره في الايفون ببساطه اللي يبي يتعرف على المقفول يحاول يتاكد انا مافي شريحه تركب مع الكرت 2 يجب ان تدخل الشريه وتخرجها اكثر من مره اذا مافي شبكه مقفول واذا في شبكه مفتوح
والتعرب خلاص ودعناه لنه خلاص شركه ابل اعترفت باللغه العربيه ،
بس والله الايفون دددددددداهيه انا احسن جهاز استخدمته في حيااااااتي جربت كل الاجهزه مثل الايفون ماااااافي٠
نصيه حاسبو من محل في النصر اسمه المجره يتلعب بالاسعار البعض يبيعهم ب2800 والبعض الاخر يبيعه ب3500 والتعريب لين دفعت افلوسه على اساس انه اصلي تنصدم انه مكسور ومكرك٠

واللي عنه اي اي اي اسفسار او حاب اني افيده انا حااااضر في اي شي يتعلق في الايفون
برامج العاب سوفت وير تعريب.
Charisma
31-05-2009, 01:17 AM
شكرا على التوضيح وكل اللي قلته صحيح... بالنسبة للتعريب تعريب اي فون اسلام احسن تعريب متوفر حاليا

صحيح اخوي تعريب ايفون اسلام اهو الافضل بس اهو مقابل مبلغ مادي ويكبعلى الفريم وير 2.2
2.2.1

وفي تعريب مجاني ثاني يركب على 2.2 فقط

بكل الاحوال ازمة التعريب بتنتهي بنص شهر سته مع الفريم وير الجديد 3
Charisma
31-05-2009, 01:19 AM
تسلم اخوي على المعلومات.. و أنا خاطري في جوال أيفون 3 جي المفتوح رسمي من الشركة بس أبي أشتريه بكل ثقة و هو مفتوح.. في دبي موجود؟ ؟؟ لأني يوم سألت في محل هناك بيبيعني إياه من دون ضمان على 3200 تقريبا .. و ما أبي أغامر و أشتريه من مكان بالنت .. لأني جربت مرة و باعني أيفون مقفول حى حرق بطاقتي!! المهم تساؤلك أنا قد طرحته من قبل هنيه عن هل الأيفون بيكون فاتح على شبكة الفودافون فقط؟؟

اخوي بدبي اكيد موجود عندكم شركة الاتصالات توفر الايفون لمشتركينها من خلال باقاتها وفي ناس اظن تبيع الايفون اللي عن طريق الاتصالات او موبايلي بالسعوديه

وكلهم مفتوحين على كل الشبكات
Charisma
31-05-2009, 01:19 AM
بالفعل هني يلعبون في الاسعار ..
بس محل الفخامه يبيعه بسعر حلو ومناسب ^^

شكرا على التوضيح

شي حلو اخوي بس ممكن توضح لنا على كم اسعار الايفون عنده؟ وهل هي مفتوحة رسميا او لا
Charisma
31-05-2009, 01:21 AM
ياشباب الكلام صحيح وانا عندي خبره كببببببببببيره في الايفون ببساطه اللي يبي يتعرف على المقفول يحاول يتاكد انا مافي شريحه تركب مع الكرت 2 يجب ان تدخل الشريه وتخرجها اكثر من مره اذا مافي شبكه مقفول واذا في شبكه مفتوح
والتعرب خلاص ودعناه لنه خلاص شركه ابل اعترفت باللغه العربيه ،
بس والله الايفون دددددددداهيه انا احسن جهاز استخدمته في حيااااااتي جربت كل الاجهزه مثل الايفون ماااااافي٠
نصيه حاسبو من محل في النصر اسمه المجره يتلعب بالاسعار البعض يبيعهم ب2800 والبعض الاخر يبيعه ب3500 والتعريب لين دفعت افلوسه على اساس انه اصلي تنصدم انه مكسور ومكرك٠

واللي عنه اي اي اي اسفسار او حاب اني افيده انا حااااضر في اي شي يتعلق في الايفون
برامج العاب سوفت وير تعريب.


يعطيك العافيه اخوي مشاركتك ولا اروع


وبخصوص الايفون شقولك.. انا من انصار النوكيا لكن بكل اختصار من جربت الايفون مابي ارجع للنوكيا كلش ..

شفت اللي يستخدمون البوكيت بي سي؟ "ويندوز موبايل" ويوم تطري لهم النوكيا يقولون لك باال صج قديم..


الحين اصحاب الايفون لاذكرت لهم البوكيت بي سي... بتقولهم باااال شنو قديم انت خ خ خ


عموما اوي انا اتمنى من موضوعي يكون مصدر عالاقل لتوضيح بعض الاختلافات في الايفون واتمنى منكم ذكر بعض المحلات اوالموفرين للايفون بالدوحة "المفتوح رسمي" مع السعر عشان الاعضاء يستفيدون
جاسم القطري
31-05-2009, 09:27 AM
يعطيك العافيه موضوع حلو ومفيد

مع اني ما احب الايفون وللحين مع النوكيا والبوكيت بي سي :)

اذا نزلوه فودافون ليش لاء نجربه :)
راعي الأدهم
31-05-2009, 11:24 AM
يعطيك العافية وبصراحة استفدت من موضوعك
rockerbabe
31-05-2009, 03:02 PM
نبي نعرف وين ينباع الأيفون النوع الأول هنيه في قطر؟؟
عـيـون قـطـر
31-05-2009, 08:27 PM
يسلموووو الغالي والله خاطري اخذ لي ايفون بس ما اعرف من الأصلي والتقليد
Charisma
01-06-2009, 01:15 AM
مرحبا بكم اخواني

انا واحد من الربع كان يبي يشتري ايفون وحسنا باغلب الاماكن الاسعار كانت متفاوته مابين 3400 و3500

ادري السعر مبالغ فيه لكن رسينا على محل المجره في النصر ريال قطري اهناك محترم و"خبير" وعنده خلفيه كبيرة بالايفون

رفيجي مشتري من عنده الايفون على 3300 + سكرين بروتكشن + كيز + تعريب ايفون اسلام والجهاز اللي عنده اخر حلاوة ومفتوح رسمي ادري ياخوان يمكن السعر مبالغ فيه بس ه
ا ارخص مكان لحد الحين بالدوحة وهو يعتبر وكيل لشركة ايفون اسلام اللي تقوم بتعريب اجهزه الايفون وعنده ورشة تصليح ايفون يعني المحل الاول للايفون


انصحكم تلقون نظرة عليه =)
لوسيل
01-06-2009, 12:39 PM
ياشباب الكلام صحيح وانا عندي خبره كببببببببببيره في الايفون ببساطه اللي يبي يتعرف على المقفول يحاول يتاكد انا مافي شريحه تركب مع الكرت 2 يجب ان تدخل الشريه وتخرجها اكثر من مره اذا مافي شبكه مقفول واذا في شبكه مفتوح
والتعرب خلاص ودعناه لنه خلاص شركه ابل اعترفت باللغه العربيه ،
بس والله الايفون دددددددداهيه انا احسن جهاز استخدمته في حيااااااتي جربت كل الاجهزه مثل الايفون ماااااافي٠
نصيحه حاسبو من محل في النصر اسمه المجره يتلعب بالاسعار البعض يبيعهم ب2800 والبعض الاخر يبيعه ب3500 والتعريب لين دفعت افلوسه على اساس انه اصلي تنصدم انه مكسور ومكرك٠

واللي عنه اي اي اي اسفسار او حاب اني افيده انا حااااضر في اي شي يتعلق في الايفون
برامج العاب سوفت وير تعريب.


مرحبا بكم اخواني

انا واحد من الربع كان يبي يشتري ايفون وحسنا باغلب الاماكن الاسعار كانت متفاوته مابين 3400 و3500

ادري السعر مبالغ فيه لكن رسينا على محل المجره في النصر ريال قطري اهناك محترم و"خبير" وعنده خلفيه كبيرة بالايفون

رفيجي مشتري من عنده الايفون على 3300 + سكرين بروتكشن + كيز + تعريب ايفون اسلام والجهاز اللي عنده اخر حلاوة ومفتوح رسمي ادري ياخوان يمكن السعر مبالغ فيه بس ه
ا ارخص مكان لحد الحين بالدوحة وهو يعتبر وكيل لشركة ايفون اسلام اللي تقوم بتعريب اجهزه الايفون وعنده ورشة تصليح ايفون يعني المحل الاول للايفون

انصحكم تلقون نظرة عليه =)




واحد يحذر من المجره والثاني يمدح في المجره :rolleyes2:

:) شسالفه يعني نروح المحل ولا مانروح

نبغي طرف ثالث يعطينا رايه في المجره ونحل الخلاف إلي بينكم :telephone:
eXpert*
01-06-2009, 12:53 PM
انا بصراحة ،، من مشجعي الشراء الالكتروني ،، بس اذا فيه حد يعرف ارخص موقع يبيع الايفون المفتوح من الشركة يخبرني !
rockerbabe
02-06-2009, 08:58 AM
أنا كلمت المجرة أمس قال لي ب 3300 أبيض 16 جيجا بس شيضمني إنه مفتوح رسمي لأني يوم سألته عليه ضمان قال لا .. و عادي المفتوح رسمي عليه ضمان دولي من أبل .. و قال لي بع دساعة بيكون متوافر.. و شضمني إنه مب مستعمل ؟؟
Charisma
02-06-2009, 10:42 AM
واحد يحذر من المجره والثاني يمدح في المجره :rolleyes2:

:) شسالفه يعني نروح المحل ولا مانروح

نبغي طرف ثالث يعطينا رايه في المجره ونحل الخلاف إلي بينكم :telephone:



اخوي انا ترى مالي مصلحة يوم امدح الريال .

انا اساسا ماشريت جهازي من الدوحة شاريه من برى مفتوح رسمي بـ2800 ريال

رحت للريال اللي شغال بالمجرة انا رفيجي وسعر جهاز الايفون "المفتوح رسمي" بـ3300 ريال مع كيز وسكرين بروتكشن وتعريب ايفون اسلام للسوفت وير 2.2.1

ضمان؟ طبعا ماعليه ضمان انسى اصلا مووع الضمان مافي محل بيعطيك ضمان عالايفون لان اساسا انت المفروض ماتشتريه من محل المرض ينشرى من شركة اتصال وهاذي سياسه شركة ابل بتويق منتج الايفون انهم يبيعونه على شركات االاتصالات وشركات الاتصالاتسوق لمشتركينها هالجهاز

اغلب المحلات يشترون الاجهزه من شركات الاتصالات اللي برى مثل الامارات السعودية البرتغال نيوزلندااستراليا

ويبيعونها اهني زايد


انا سبق وقلت ان الاسعار الدوحة مبالغ فيه.. بس لو الخيا الافضل لو فكرت تشتري من الدوحة فهو محل المجره.

لان الريال بصراحة فاهم شغله ويكفي انه يعرف يضبط الايفون لو صارت له مشكلة واااقصد مشكلة هارد وير يعني فنقشت عليك البطارية ولا انكسرعليك زر ولا انكسرت الشاشه عنده القدرة انه يصلح وترى تصليح الايفون مب بالشي السهل لانك شايف شلون هيكلة الجوال معقده


واخيرا التلاعب بلاسعار هذا مصطلح خاطىء في الايفون لان في اجهزه مفتوحة رسميه واهي الغاليه وفي اجهزه مقفولة ماتنفك الا بشفرات وعفسه وهاذي يمكن الرخيصه فهذا مايعتبر تلاعب بالاسعار


عموما الق نظرة عالريال وبتفهم كل شي اا درت اغلب المحلات بالدوحة محل بالستي والفخامه وغيرهم وكلللهم خبر خير والله ولايعرفون شالفرق بين المفتوح والمب مفتوح

الريال ذاك فاهم كل غيره وكبيرة
Charisma
02-06-2009, 10:45 AM
أنا كلمت المجرة أمس قال لي ب 3300 أبيض 16 جيجا بس شيضمني إنه مفتوح رسمي لأني يوم سألته عليه ضمان قال لا .. و عادي المفتوح رسمي عليه ضمان دولي من أبل .. و قال لي بع دساعة بيكون متوافر.. و شضمني إنه مب مستعمل ؟؟

سلامتك الشيخ المفتوح رسم ماعليه ضمان من ابل مباشره ..

انت يوم تشتري الايفون من شركة اتصال اي في هالحال ضمانك يسري مع شركة الاتصال مب مع الابل لو اخترب عليك الجهاز تودية لشركة الاتصال

مثلا انا شاري جهازيمن شركة اتصال بتايلند اسمها ترو موفي وعوني ضمان سنه وانا الحين بالدوحة لو اخترب علي ماقدر اسوي شي لازم اعود تايلند اعطي الجهاز لشركة ترو وفي وهم يطرشونه لابل


بالعربي شركة ابل ماراح تتعامل مه المستهلك مباشره ... التعامل بس بينك وبين مزود الخدمه وموفر الجهاز ببلادك وطبعا بقطر مافي ايفون بس شهر تسعه بينزل عن طرق فودافون بس مايندرا بيكون مفتوح رسمي او مقفول على شبكة فودافون بس


ومن ناحية مستعمل او مب مستعمل انت وشطارتك تفحص الجهاز او لاصح قوله لاتفتحة خلني اشوف كرتونته وان شفت كرتونه مقرطسة ومب مفكوكة اكيد مب مستعمل


عموما الريال اللي هناك "القطري" ماتكلم عن الهندي

محترم والله ومعاملته راقيه وماعند لف ودوران وخبير سالته كذا سؤال ابي اشوف مستوى تعمقه باجهزه الايفون.. عطاني محاضرات عنها واقنعني انه فاهم =)
Charisma
02-06-2009, 10:49 AM
ملاحظة بخصوص اللي يقول لتعريب مكسور ومكرك.

المحل وكيل لشركة ايفون اسلام واهي الشركة المعربه لاجهزه الايفون شلون بيركب لك تعريب مفكوك !؟

وعموما ازمة التعريب بتنتهي خلال ست ايام مع نزول التحديث رقم 3 لاجهزه الايفون
كاشخ في قطر
02-06-2009, 02:27 PM
انا مالي مصلحه من صاحب محل المجره بس انا بتكلم باللي شفته٠
واحد ماخذ الجهاز من عنده ب2800 وبعض الشباب خذو ب 3000 و البعض ب 3500 ايش اتسمي هذا@
وعن التعريب انا عارف انه الوكيل الوحد في التعريب بعد ماخذها من عبدالله المريخي (!) .
وواحد من الشباب ماخذ التعريب من عنده يوم شفته على طول كلمته شخصياً قال يمكن بالغلط خل نقول بالغط 4 اجهزه بالغلط بس الحين ماضن انه يقدر يبيع التعريب المكسور لنه واحد من الشباب هدده بآنه بيشتكي عليه٠
وانا قلت اللي اعرفه وربي فوقي
بولينجر
02-06-2009, 04:03 PM
وشلون تميز المقفول من المفتوح؟ عندك طريقة سهلة؟
Charisma
02-06-2009, 10:55 PM
انا مالي مصلحه من صاحب محل المجره بس انا بتكلم باللي شفته٠
واحد ماخذ الجهاز من عنده ب2800 وبعض الشباب خذو ب 3000 و البعض ب 3500 ايش اتسمي هذا@
وعن التعريب انا عارف انه الوكيل الوحد في التعريب بعد ماخذها من عبدالله المريخي (!) .
وواحد من الشباب ماخذ التعريب من عنده يوم شفته على طول كلمته شخصياً قال يمكن بالغلط خل نقول بالغط 4 اجهزه بالغلط بس الحين ماضن انه يقدر يبيع التعريب المكسور لنه واحد من الشباب هدده بآنه بيشتكي عليه٠
وانا قلت اللي اعرفه وربي فوقي


انا والله ماخضت بتفاصيل الامور هاذي ولاعرف اساسا شصار حتى الريال لو تبي الصج ماعرف شسمه

انا يوم طريت محل المجرة ذكرته لان ارخص محل من المحلات اللي شفتها بالدوحة واللي يركب لك التعريب الرسمي واللي فاهم بالايفون .


هو صحيح ممكن قبل كان ينباع برخص بس الحين الظاهر استغلوا عدم توفر الايفون بالبلاد الله العالم مادري بس لو في محل يبيع ارخص منه اذكرة لنا عشان الاعضاء يستفيدون واحنا نستفيد وننصح الربع يروحون له
Charisma
02-06-2009, 10:57 PM
مقتبس من العضو ua3 من الكمبيوتر الكفي:


1-روح على الـSetting>General>About و خذ رقم الموديل Model (الخانة رقم 10).

2-إدخل على هذه الصفحة:
http://support.apple.com/kb/HT1937

3-إضغط على CTRL+F و إكتب رقم الموديل راح يعطيك الجهاز من أي دولة و إذا مفتوح رسمي أم لا.

إذا الخانة الأولى فيها علامة يعني الجهاز مقفول على شبكة واحدة..و إذا ما عليها يعني الجهاز مفتوح رسمياً من آبل.
إذا الخانة الثانية فيها علامة يعني الجهاز يمكن فتحه من مزود الخدمة و يشتغل على كل الشبكات.


بالتوفيق
واحد في حاله
02-06-2009, 11:42 PM
انا خذيت الايفون من محل المجره ,,, والتلفون مفتوح رسمي بدون برنامج او تيربو سيم

اول مانزل الفيرجن الجديد 2.2.1 بكل بساطه سويت ابديت والجهاز اشتغل

الجهاز المفتوح ببرنامج اذا سويت له ابقريد يقفل على طول


الشهاده لله الرجال شغله نظيف ورايته بيضا
Charisma
05-06-2009, 04:16 AM
بالمبارك الايفون

عاد الله يعينك اول اسبوعين لازم اطقطق فيه لين ماتعرف له =)
كاشخ في قطر
05-06-2009, 05:24 AM
المجره مايبيع الايفون المقفول لنه عارف اذا مقفول بترجع الايفون له.
وعن الشخص انا عارفه شخص محترم ما عليه كلام بس هذه طبيعه اي واحد عنده محل لازم يكسب الناس بكلامه الطيب
وعن المحل انشاءالله بذكرلكم المحل لنه انا اعرف واحد يبيعه ارخص بس الشخص مسكر محله واحين مسافر اذا رجع بيفتح محله وببيع فيه.
ويمكن المحل مرحبا للهواتف يبيعه بس لازم تعرف الهندي عدل عشان يبيعه لك بارخص.
وعن التعريب انا مستعد اعرب اي جهاز !!!
Charisma
05-06-2009, 12:35 PM
المجره مايبيع الايفون المقفول لنه عارف اذا مقفول بترجع الايفون له.
وعن الشخص انا عارفه شخص محترم ما عليه كلام بس هذه طبيعه اي واحد عنده محل لازم يكسب الناس بكلامه الطيب
وعن المحل انشاءالله بذكرلكم المحل لنه انا اعرف واحد يبيعه ارخص بس الشخص مسكر محله واحين مسافر اذا رجع بيفتح محله وببيع فيه.
ويمكن المحل مرحبا للهواتف يبيعه بس لازم تعرف الهندي عدل عشان يبيعه لك بارخص.
وعن التعريب انا مستعد اعرب اي جهاز !!!

اخوي احنا قلنالك اذا في محل يبيع بارخص قولنا عشان نستفيد


وبخصوص التعريب لا اخوي ماتقدر تعرب اي جهاز يمكن تعرب سفت وير 2.2 و2.1 اماسوفت وير 2.2.1 لازم تشتريه من ايفون اسلام او من وكيلة بالدوحة اللي هو المجره
واذا بتعرب الـ2.2.1 عن طريق السورس الايراني فهالحركه قديمه وماتنفع لان الحروف مقطعه ومب واضحه عدل


بكل الاحوال السوفت وير 3 جاي عقب يومين
saranay1
05-06-2009, 01:44 PM
بدايـة احب اشكرك على جهودك ، وموضوع جدا مفيـد

لكن وحط تحتها خطين
فـ يوم الاثنين القادم 8 - 6 ، راح يصير مؤتمر WWDC السنوي اللي هو اختصار من World Wide Developers Conference التابع لـ شركة آبل
واللي تم من خلالها قبل سنه بالضبط الاعلان عن الـiPhone 3G وقبل سنتين بالضبط الاعلان عن الـiPhone الاوريجينال
السنـه ؟
مثل ما الكل متوقع ، راح يكون في عرض بالتفصيل عن مميزات النظام القادم من آبل اللي هو الـSnow Leopard + المهـم والأهـم عرض كامل لـ مميزات الـ iPhone OS 3.0 واللي مثل ماذكرت يشيل تقريباً كل العيوب السابقه اللي كانت موجوده بالجهاز ، سواءا اللغة العربية الرسمية من آبل أو الـCopy/Cut/Paste أو الـPUSH Notifications او حتى الـMMS وتصوير الفيديو !
فـ اضمن لكم بنسبه 99.9% ان مع هالـOS راح يتم الاعلان عن آيفون يديد ، ما بعد الثري جي!
فـ كلش كلش كلــــش ما انصح حد يشتري آيفون هالوقت لانهم كل سنه يسوونه Refresh
اوكي ، صحيح لو خذتوا الـ3G بإمكانكم تسوونه آبديت للسوفتوير 3.0 اللي يدعم العربيه
لكن بعض المميزات راح تكون ناقصه منه ، وتكون متوافره (فقط) فاليديد اللي راح يتم الاعلان عنه الاثنين القادم

وسمعت اشاعات كثيره بإن أحد المنتديات القطرية راح يغطي الحدث لايف دقيقه بدقيقه ، فـ إن شاء الله خير

وبخصوص فودافون ، ما اتوقع انهم بييبون الـ3G لان اساساً اول ما يتم الاعلان عن المودل اليديد للـ آيفون راح يتكنسل الـ3G من السوق وبتسحبه شركه آبل ، نفس النقلة اللي صارت بين الآيفون العادي والـ3G
وبالعكس انا أفضل انه يكون مقفول على شبكة فودافون بحكم انها ( بوجهه نظري ) أحسن شبكة في قطر !
ولو نحسبها صح ، سعر الدقيقه فـ فودافون وايد اقل من كيوتل! بحكم ان الـ100 ريال تتضاعف لك تقريباً 3 اضعاف ، يعني لما تعبي بـ 100 يعطيك رصيد بـ 250!
صحيح الدقيقه اغلى ، بس لو نقسمها ، فـ كيوتل الـ350 ريال تييب لنا 1000 دقيقه كلام ، اما فـ فودافون تييب لنا 2000 دقيقه! بحكم ان الـ350 فـ فودافون تعطينا رصيد بقيمه 1000 ريال!

وغير هاي لحد ينسى ان من كيوتل لـ فودافون اغلى! بينما من فودافون لـ فودافون أو كيوتل سعر ثابت ومميز صراحه

اتوقع لهم نجاح باهر ، وان شاء الله يكون الآيفون مقفل على شبكتهم لانهم يستحقونه صراحه
وبنفس الوقت بيكون مفيد جداً للمستهلك بما انهم راح يعطونه عقد لمده سنه مثلا وبيكون سعر الجهاز ارخص من سعره الغير مقفل المبالغ فيه :victory:

فالنهاية أحب اكرر واتمنى من الجميع محد يتهور وياخذ له Macbook أو iPhone ، لان المنتجين راح يتغيرون بعد هالمؤتمر اللي بيكون بعد أيام قليله بس!

ويعطيكم الف عافيه =)
Charisma
06-06-2009, 05:52 PM
بدايـة احب اشكرك على جهودك ، وموضوع جدا مفيـد

لكن وحط تحتها خطين
فـ يوم الاثنين القادم 8 - 6 ، راح يصير مؤتمر WWDC السنوي اللي هو اختصار من World Wide Developers Conference التابع لـ شركة آبل
واللي تم من خلالها قبل سنه بالضبط الاعلان عن الـiPhone 3G وقبل سنتين بالضبط الاعلان عن الـiPhone الاوريجينال
السنـه ؟
مثل ما الكل متوقع ، راح يكون في عرض بالتفصيل عن مميزات النظام القادم من آبل اللي هو الـSnow Leopard + المهـم والأهـم عرض كامل لـ مميزات الـ iPhone OS 3.0 واللي مثل ماذكرت يشيل تقريباً كل العيوب السابقه اللي كانت موجوده بالجهاز ، سواءا اللغة العربية الرسمية من آبل أو الـCopy/Cut/Paste أو الـPUSH Notifications او حتى الـMMS وتصوير الفيديو !
فـ اضمن لكم بنسبه 99.9% ان مع هالـOS راح يتم الاعلان عن آيفون يديد ، ما بعد الثري جي!
فـ كلش كلش كلــــش ما انصح حد يشتري آيفون هالوقت لانهم كل سنه يسوونه Refresh
اوكي ، صحيح لو خذتوا الـ3G بإمكانكم تسوونه آبديت للسوفتوير 3.0 اللي يدعم العربيه
لكن بعض المميزات راح تكون ناقصه منه ، وتكون متوافره (فقط) فاليديد اللي راح يتم الاعلان عنه الاثنين القادم

وسمعت اشاعات كثيره بإن أحد المنتديات القطرية راح يغطي الحدث لايف دقيقه بدقيقه ، فـ إن شاء الله خير

وبخصوص فودافون ، ما اتوقع انهم بييبون الـ3G لان اساساً اول ما يتم الاعلان عن المودل اليديد للـ آيفون راح يتكنسل الـ3G من السوق وبتسحبه شركه آبل ، نفس النقلة اللي صارت بين الآيفون العادي والـ3G
وبالعكس انا أفضل انه يكون مقفول على شبكة فودافون بحكم انها ( بوجهه نظري ) أحسن شبكة في قطر !
ولو نحسبها صح ، سعر الدقيقه فـ فودافون وايد اقل من كيوتل! بحكم ان الـ100 ريال تتضاعف لك تقريباً 3 اضعاف ، يعني لما تعبي بـ 100 يعطيك رصيد بـ 250!
صحيح الدقيقه اغلى ، بس لو نقسمها ، فـ كيوتل الـ350 ريال تييب لنا 1000 دقيقه كلام ، اما فـ فودافون تييب لنا 2000 دقيقه! بحكم ان الـ350 فـ فودافون تعطينا رصيد بقيمه 1000 ريال!

وغير هاي لحد ينسى ان من كيوتل لـ فودافون اغلى! بينما من فودافون لـ فودافون أو كيوتل سعر ثابت ومميز صراحه

اتوقع لهم نجاح باهر ، وان شاء الله يكون الآيفون مقفل على شبكتهم لانهم يستحقونه صراحه
وبنفس الوقت بيكون مفيد جداً للمستهلك بما انهم راح يعطونه عقد لمده سنه مثلا وبيكون سعر الجهاز ارخص من سعره الغير مقفل المبالغ فيه :victory:

فالنهاية أحب اكرر واتمنى من الجميع محد يتهور وياخذ له Macbook أو iPhone ، لان المنتجين راح يتغيرون بعد هالمؤتمر اللي بيكون بعد أيام قليله بس!

ويعطيكم الف عافيه =)


صحيح اخوي راح يكون في ايفون جديد واسمه iphone video

وفي مواقع كثيره كتبت عنه واهم شي ان مافيه تغيير جوهري بالنظام بين الايفون الحالي والل راح ينزل الفروقات في الكامرا 3.2 وفي السعه 32 وفي هيكل الجهاز بس كنظام اتوقع انه واحد


بالسبه للمؤتمر في منتديات كثيره راح تغطيه وبالنسبه لفودافون اا اتمنى ماينزلون الايفون الجديد مقفول على شبكتهم لان الوحد ودة يغير الكروت لاسمح الله سافر مكان او شي و ودة يستخدم كرت كيوتل .. يعني في حريه اما لو كان مقفول ماراح يكون منه فايده

وحتى لو اعلنت بعد يومين عن الايفون الجديد اتوقع راح ياخذ له وقت لين ينزل السو ولين يجينا الاسواق العربيه
كيفـي
06-06-2009, 09:09 PM
ماخذه بـ 3400 ريال.. وجنني من كثر مايقبل الشركة..

معقولة انه مقفل..!!

مع انه على كروت العايلة كلها اوكي 100 % ..!!!

وجزاك الله خير على النصيحة..
فلفل حار
19-06-2009, 02:35 PM
نبي نعرف وين ينباع الأيفون النوع الأول هنيه في قطر؟؟

نفس السؤال .... :)

جزاكم الله خيــر ....:nice:
بوAli
20-06-2009, 02:34 PM
متى ينزل الآي فون ال3g s الجديد يكون مفتوح من الشركة؟ امس نزل في امريكا, متى تتوقعون ينزل الشرق الاوسط؟
معروض من ايطاليا بس سعره فوق ال5000 ريال :weeping:
ALA-N
20-06-2009, 04:05 PM
ياشباب الكلام صحيح وانا عندي خبره كببببببببببيره في الايفون ببساطه اللي يبي يتعرف على المقفول يحاول يتاكد انا مافي شريحه تركب مع الكرت 2 يجب ان تدخل الشريه وتخرجها اكثر من مره اذا مافي شبكه مقفول واذا في شبكه مفتوح
والتعرب خلاص ودعناه لنه خلاص شركه ابل اعترفت باللغه العربيه ،
بس والله الايفون دددددددداهيه انا احسن جهاز استخدمته في حيااااااتي جربت كل الاجهزه مثل الايفون ماااااافي٠
نصيه حاسبو من محل في النصر اسمه المجره يتلعب بالاسعار البعض يبيعهم ب2800 والبعض الاخر يبيعه ب3500 والتعريب لين دفعت افلوسه على اساس انه اصلي تنصدم انه مكسور ومكرك٠

واللي عنه اي اي اي اسفسار او حاب اني افيده انا حااااضر في اي شي يتعلق في الايفون
برامج العاب سوفت وير تعريب.



اخوي لوتكرمت ممكن تفيدني بالفرق بين الايفون اللي يشتغل بتيربوسيم
واللي مفتوح رسمي ,
هل اقدر اعمل ابديت للي مع تيربو سيم وبالنسبه للمفتوح رسمي ممكن ينعمله ابديت عن طريق الايتونز بدون مشاكل وكم اسعار المستعمل منهم

تحياتي
aref66
06-08-2009, 10:05 PM
كفيت ووفيت
دي المواضيع التمام
قطرية7
06-09-2009, 12:56 AM
السلام اخوي اذا نزلت فية برامج من على النت يخترب الايفون
قطرية7
06-09-2009, 01:07 AM
اقصد اذا حدثت السوفت وير
بواردي
06-09-2009, 01:35 AM
اي فون وبس
ميمي_قطر
06-09-2009, 01:42 AM
مشكور على التوضيح
ويعطيك العافيه