الف مبروك .. 50 مليون دولار لكل مواطن قطري

[رايق]

الشرق القطرية 30/05/2009
منحت وكالة " موديز " للتصنيفات الائتمانية العالمية قطر أقوى تصنيف ائتماني سيادي لدولة في منطقة الشرق الأوسط Aa2 بالعملتين الأجنبية والمحلية مع نظرة مستقبلية " مستقرة " وهو نفس التصنيف الذي أعطته الوكالة لسقف الودائع .

وقالت " موديز " إن نصيب الفرد من الناتج المحلي الإجمالي مؤشر على قوة الاقتصاد لأنه يعكس مقياس قدرة الدولة على سداد التزاماتها , وخلال السنوات الخمس الماضية 2004 / 2008 وصل نصيب الفرد في قطر من الناتج المحلي الإجمالي إلى 78 ألف دولار طبقا لصندوق النقد الدولي , وهو أعلى نصيب للفرد في العالم , وسجل الناتج المحلي الإجمالي لقطر نموا بمستويات عالية بنسبة 15 % سنويا خلال السنوات الخمس الماضية بسبب النمو القوي لصادرات قطر من الغاز كونها أكبر مصدر للغاز الطبيعي المسال في العالم , وتخطط الدولة لمضاعفة صادراتها من الغاز خلال السنوات القليلة المقبلة .


ووفقا للتقرير فإنه في حال جرى تقدير احتياطيات قطر النفطية من الغاز والبترول على أساس سعر 50 دولارا للبرميل فإن نصيب الفرد من السكان في قطر يبلغ نحو 10 ملايين دولار وحسب تعداد السكان في قطر للعام 2007 حيث يقدر عدد القطريين بنحو 200 ألف مواطن فإن نصيب الفرد القطري سيبلغ 50 مليون دولار .

انتهى الخبر :telephone:

[المزن الرياني]

الله يبارك فيك يا رايق

أخيراً بقدر أشتري فيلا باللؤلؤه
كان حلم صعب المنال بس مع هالتقرير تحقق الحلم
:dance

[المارونـــي]

الحمدلله على هالنعمه والله يرحمنا برحمته

[رايق]

زعلتني منك يالمزن .. بس فيلا ؟

50 مليون دولار تساوي تقريبا 180 مليون ريال

يعني لو انتقاطط انا و انت و معنا كم واحد نشتري جزيرة اللولوه كلها :shy:

[المزن الرياني]

زعلتني منك يالمزن .. بس فيلا ؟

50 مليون دولار تساوي تقريبا 180 مليون ريال

يعني لو انتقاطط انا و انت و معنا كم واحد نشتري جزيرة اللولوه كلها :shy:


وين نتقاطط يا رايق ؟!!!
يقولك جزيره اللؤلؤه حجم الاستثمارات اللي فيها تتجاوز 50 مليار ريال قطري
مليار ينطح مليار :rolleyes2:

[أنت]

هههههههههههههههههههه
يالربع صج بيعطوني 50 مليون وله تتغشمرون
صج عااد قولو لي يااخي

[GPC]

انا باخد الـ 50 مليون وأرفع السوق لمت أب

[رايق]

وين نتقاطط يا رايق ؟!!!
يقولك جزيره اللؤلؤه حجم الاستثمارات اللي فيها تتجاوز 50 مليار ريال قطري
مليار ينطح مليار :rolleyes2:

طيب مافي اي مشكله

انا و 8 من الشباب و انت نقدر نوفر 5 مليار ريال

الـ 45 مليار الباقية ممكن يصبرون علينا لين نكتشف لنا حقل بترول ولا غاز هنا ولا هناك :secret:

[قطري وأفتخر]

ها ها ها ها

والله ما تشوفها:tease:

[رايق]

هههههههههههههههههههه
يالربع صج بيعطوني 50 مليون وله تتغشمرون
صج عااد قولو لي يااخي

نصيبك 50 مليون دولار .. تستاهل :nice:
الله الله في الزكاه وانا اخوك

[حبر سري]

هههههههههههههههههههه
يالربع صج بيعطوني 50 مليون وله تتغشمرون
صج عااد قولو لي يااخي

هم الحين محتارين اخوي يعطونك اياها كاش ولا شيك

واذا عطوك اياها كاش , هل يعطونك اياها ريالات ولا خمسات ولا عشرات ولا خمسميات

لأن في اشاعة تقول انهم بيعطونك الخمسين مليون على هيئة عملة معدنية فئة خمسين درهم

تصرف انت عاد من الحين , دبّر لك خيشة ولا قوطي عصير بونص علشان تشيل فيه الفلوس , ولا حصالة مثلا

مبروك عليك اخوي

[بوعبدالله2005]

مابي من الخمسين مليون ريال شء بس ابيهم يخلصوني من ديني بس بس بث

[GPC]

مابي من الخمسين مليون ريال شء بس ابيهم يخلصوني من ديني بس بس بث

اللهم فرج عن المهمومين والمكروبين وسدد الدين عن المدينين يا أرحم الراحمين ولا حول ولا قوة إلا بك

الله بفك عنك أخوي إن شاء الله وعن جميع المسلمين

[الغالي غالي]

انا قريت التقرير بس لاحظت انة هالجملة تغيرت........(.فإن نصيب الفرد القطري سيبلغ 50 مليون دولار )


وأصبحت كالتالي :

سيطالب الفرد القطري بدفع مبلغ وقدرة (50 مليون دولار )

[PoBox]

طيب مافي اي مشكله

انا و 8 من الشباب و انت نقدر نوفر 5 مليار ريال

الـ 45 مليار الباقية ممكن يصبرون علينا لين نكتشف لنا حقل بترول ولا غاز هنا ولا هناك :secret:

ال45 علي ، ماتتسلفون وراسي يشم الهوا =<< عاش نشمي:telephone:


لفت نظري في نفس التقرير اعلاه
ان دخل قطر 60% منه معتمد على الغاز الطبيعي =<< وهذي معلومة جديده علي كنت معتقد ان النفط فوق 70% طلع اقل من 40% ؟

فليش الجماعة ماعطين النفط الزخم الأساسي ؟؟
والميزانية تقيم على سعر نفط

نقدر نقددر عائد الدولة من النفط وسعره وكمياته
لكن صعب جدا في الغاز حيث كل مشروع قصه مختلفة الفصول:rolleyes2:
والموضوع شوي مكتوم وكانه استثمارات جهاز الاستثمار

كما ان دخل الفرد احنا مش بالمركز الاول
للامانة وايد مغلطات قريتها في التقرير اعلاه وخلتني احس ان محرر الجريده هو اللي بهر الموضوع قبل لايحطه ، مش موديز :rolleyes2:

ومع هذا لايمنع ان التقرير فيه دفعة قوية لقطر في التصنيف السيادي وخطوة ايجابية جميلة
وشكرا على الموضوع ،

دخلت موسع المخبا وقلت اخيرا بشتري الفيرون الكاربون فايبر :weeping:

[عنابي 2010]

والله مانبي غير الستر بس ارض ونبنيهاء من فلوسناء لاغير ولا اكثر

[رايق]

ال45 علي ، ماتتسلفون وراسي يشم الهوا =<< عاش نشمي:telephone:


لفت نظري في نفس التقرير اعلاه
ان دخل قطر 60% منه معتمد على الغاز الطبيعي =<< وهذي معلومة جديده علي كنت معتقد ان النفط فوق 70% طلع اقل من 40% ؟

فليش الجماعة ماعطين النفط الزخم الأساسي ؟؟
والميزانية تقيم على سعر نفط

نقدر نقددر عائد الدولة من النفط وسعره وكمياته
لكن صعب جدا في الغاز حيث كل مشروع قصه مختلفة الفصول:rolleyes2:
والموضوع شوي مكتوم وكانه استثمارات جهاز الاستثمار

كما ان دخل الفرد احنا مش بالمركز الاول
للامانة وايد مغلطات قريتها في التقرير اعلاه وخلتني احس ان محرر الجريده هو اللي بهر الموضوع قبل لايحطه ، مش موديز :rolleyes2:

ومع هذا لايمنع ان التقرير فيه دفعة قوية لقطر في التصنيف السيادي وخطوة ايجابية جميلة
وشكرا على الموضوع ،

دخلت موسع المخبا وقلت اخيرا بشتري الفيرون الكاربون فايبر :weeping:



بعدي والله يا بوكسي :nice:
شي حلو ان الواحد يدخل جو و يعيش احلام ورديه

بالنسبة لـ 60% ..

الغاز والبترول يمثلون 60% من الناتج المحلي الاجمالي .. 85% من قيمة الصادرات .. 70% من دخل الدولة ..

لذلك اعتقد كان قصدهم في التقرير الغاز و البترول مع بعض .. الله لا يفرقهم

[♣شيبةالنخرة♣]

ابي 200 الف بس وبسكت العمر كله لا ابي حقوقي الدستوريه ولاني بمعترض على شي بصير مواطن اليف ههههههههههههههههههههههههههههههههههههههههههههه

[سبع قطر]

والله لو صج 180 مليون

باشتريلي قصر وبتزوج وبسدد ديوني والباقي بتصدق فيهم وبخلي مليون حق المستقبل


الله يوفق الجميع يارب ومشكور اخوي عالاخبار الحلوه

[fahad ..gh]

والله لو صج 180 مليون

باشتريلي قصر وبتزوج وبسدد ديوني والباقي بتصدق فيهم وبخلي مليون حق المستقبل


الله يوفق الجميع يارب ومشكور اخوي عالاخبار الحلوه

50 الف دولار؟؟

بشترى صاروخ نووى بفجر البورصه ..

[بلا حدود!]

شكـرا على الخبر الطيب

بس متى يعني ..؟

[@الشبح@]

الشرق القطرية 30/05/2009
منحت وكالة " موديز " للتصنيفات الائتمانية العالمية قطر أقوى تصنيف ائتماني سيادي لدولة في منطقة الشرق الأوسط Aa2 بالعملتين الأجنبية والمحلية مع نظرة مستقبلية " مستقرة " وهو نفس التصنيف الذي أعطته الوكالة لسقف الودائع .

وقالت " موديز " إن نصيب الفرد من الناتج المحلي الإجمالي مؤشر على قوة الاقتصاد لأنه يعكس مقياس قدرة الدولة على سداد التزاماتها , وخلال السنوات الخمس الماضية 2004 / 2008 وصل نصيب الفرد في قطر من الناتج المحلي الإجمالي إلى 78 ألف دولار طبقا لصندوق النقد الدولي , وهو أعلى نصيب للفرد في العالم , وسجل الناتج المحلي الإجمالي لقطر نموا بمستويات عالية بنسبة 15 % سنويا خلال السنوات الخمس الماضية بسبب النمو القوي لصادرات قطر من الغاز كونها أكبر مصدر للغاز الطبيعي المسال في العالم , وتخطط الدولة لمضاعفة صادراتها من الغاز خلال السنوات القليلة المقبلة .


ووفقا للتقرير فإنه في حال جرى تقدير احتياطيات قطر النفطية من الغاز والبترول على أساس سعر 50 دولارا للبرميل فإن نصيب الفرد من السكان في قطر يبلغ نحو 10 ملايين دولار وحسب تعداد السكان في قطر للعام 2007 حيث يقدر عدد القطريين بنحو 200 ألف مواطن فإن نصيب الفرد القطري سيبلغ 50 مليون دولار .

انتهى الخبر :telephone:

قول ماشاء الله .. الله يزيد ويبارك .. هذه النعمه .. علينا ..

انا اقول .. مسامحهم .. ابي المبلغ بالريال القطري .. ويخلون فرق العمله لهم .. :victory:

:nice:

:telephone:

[Bu Rashid]

بشرك الله بالخيرررررررر ...
واخيرا جاك الفرج يا بوراشد ...

بيت في البحرين ولبنان ومصر وكان بفرنسا و وبيت في فلووووريدا :rolleyes2:

[Northman]

من الفرحه ,, يمكن اشقق ثيابي :tease:

[Charisma]

ههههههههههههههههههههههههههههههههههههههههههههههه



هستروا العالم هههههههههههههههههههههههه

[i.qatar]

50 مليون دولار . . !

مليون دولار بس . . راضي

[qqat700]

100.000.000.000/200.000=500.000ريال :tease:المحاسب وييييييييينه

[الجسراوي]

الحسبه فيها غلط ..... شكل التقرير من سنتين قبل :tease:

اللي شروا اكتتاب الريان اكثر من 230,000 شخص من المواطنين القطريين :rolleyes2:

هم عدوا ابناء المواطنات .... :secret:

الصراحه انا راتبي ما يكفيني نصف الشهر

والاحلام الورديه دايما نسمعها بس ما نشوفها

قال 50,000 مليون دولار

اخاف ين ولا تومان ولا ليره :anger1:

[Bond 007]

الله يسمع منكم يالربع ويكون الموضوع صج :app2:

[Mo0o0oM]

50 مليون دولار .. ؟؟

انا ابي نصيبي اللحين :looking:

[The future]

مبروك مبروك
تستاهلون50

[Alpinestars]

لحد يحلم وايد

[ابو فهيد]

السلام علــيكم ..
, ,
الـله كريم ,, حكموتنا كريــمه واحـ نا نستــاهل ..

ومشكوووووووووووور يا رايق ..

[bo7mood72]

50 الف دولار؟؟

بشترى صاروخ نووى بفجر البورصه ..

هههههههه

انت تبي تمسح الدوله من الخريطه
قل قنبله دناميت صاروووخ وبعد نووي رحنا في عينها
وين 50 مليون بشرد لجزيره الواق واق

[هجمة مرتدة]

يامانتا كريم يارب

[بونـاصر]

الله العنوان حلووووو

[يحفظك ربي]

صج والله

متى بنستلمم

اخخ لو يعطوني 5 مليون ريال مانبي 50 مليون دوولار

اشتري سيارة احلامي واسافر واستانس

دخلت في عاالم الاحلااام خخخخخخ

الله يرزقنا من فضله ....

وان شاء الله يكووون الخبر صحيييح


^^"

[ملك البضائع]

انا بس ابي مليون :( و49 مليون ياخذونها

[نمـر]

إذا شفنا بيض الصعو بعدها راح يعطونا المبلغ

[مهره]

ما فهمت

[$saryalia$]

كل شي بيصير غالي وماراح تقدرون تشترون شي
خذوا الفلوس وعلى اقرب دوله اشتروا اللي تبون كي كي كي