%%للي عنده خبرة بالبورش كيان%%

[غرور قطر]

السلام عليكم
حابة أسأل اللي عنده خبرة بالبورش كيان اشرايكم فيه كموتر حلو؟؟؟؟ و شنهي مميزاته وشنهي عيوبه ؟؟؟؟؟؟؟؟
والألوان الحلوة اللي تنصحوني فيها؟؟؟؟؟؟
أي موديل حلو؟؟؟؟؟
موديل 2009 ماعجبني أحسه دفش والا اشرايكم؟؟؟؟؟؟؟
أحب شكل 2007 ؟؟؟
أتمنى تفيدوني وشكرا

[الخارجية]

عندي 2008 للبيع جديدة

[البيت بيتك]

الشيخ 2008 او 2009م واللون لولوي او اسود وتكون اس اهم موصفات المذكورة اذا حصلت هذة الموصفات شيل وانت تضحك
شاشه مع التلفون والنفيغيشن والبونوروما كمرة ريوس ورنقات 19 او 20
وفالك طيب

[السد]

ابتعد عن البورش
ما يصلح
قطع غيار غالية
وانا مجرب
وما فيع خصم في الوكالة
جمس او تويوتا ابرك لك

[Qatar11]

اختي البورش ما عليه ولكن راح يتغير شكله بعد
سنه يعني 2010 راح يكون اخر شكل لهالجيل ووعقبها
راح يتغير الشكل كليا
يعني اشوف حرام تاخذين سياره راح يتغير شكلها بعد سنه
اما اذا اهي في خاطرج الحين ف توكلي على الله

[HEART_LION]

والله شوفي بما انج بنت مانصحج بالبورش كلش واسالي الشباب والبنات اللي مجربين شوفي الشكاوي اللي قبل تابعي المواضيع وقطع الغيار اسعار خياليه والوكاله ماتبيع قطع الغيار وسيرفس تعبان يعني ماتصلح لج

شفت الموضوع وحبيت افيدج ولو جيتي بتبيعنها بعدين نص السعر رايح عليج

اخذي لكزس احسنلج بالف مره وعلى راحتج

[A4844]

السلام عليكم انا كانت عندي بورش موديل 2005 تيربو على ايامها حتى كنت اشيكها في شركه الاودي
ذيك الايام كان مافي شي اسمه شركة البراق .. اذا انت من النووع الي تدفع حق سيرفس خذ لاني كل ما ادخلها السيرفس كانوا ياخذوون تقريبا من 3500 لين 8000 ريال . كنت اول ما ادخل السياره اول شي
يقولونه لي سفايف وغير الاشيا الثانيه والله الموفق ..

[QatarProv]

استفسار بسيط

الموتر لين دخل الشركه اجباري انك تبدل كل الي يقولولك عنه ولا ؟؟؟؟؟


لان حزات هم يقولون عن اشياء استهلكت مثل السفايف والي عرفنا السفايف نبدلها لين سمعنا صوتها

ولا لين حسينا ان البريك مايمسك عدل ولا شرايك ؟؟؟

[غرور قطر]

انا عندي لكزس ومابي ابدلها لأنها روعة
بس بخاطري الكيان وحابة اعرف مواصفاتها
بس اذا الوكالة تعبانة شالفايدة منها
يعطيكم العافية وماقصرتوا على الردود

[غرور قطر]

وحابة اتأكد من شغلة اللي عنده بورش الأغلب يقول سيارة دلوعة مب حق شوارعنا عند المطبات لازم اتحمل وتخترب بسرعة مادري صح هالكلام والا لأ؟؟؟

[بن درويش]

الكزس الى عندج الrx330
احسن من البورش وماتخترب مايبيلها اله سفايف وايل
البورش حلوه بس سعرها يطيح واذا فى خاطرج اخذى ال2008 وفوق الشكل الجديد

[غرور قطر]

اللي عندي Es350
بس مو مترقعة فيها

[غرور قطر]

يعطيكم العافية

[Fine Touch]

و الله حق اللي يقول انه البورش ما تصلح للبنات.....انه بنت و أسوق بورش... صراحة السياره ما عليه كلام....مريحة و فخمة...ما شاء الله لا أحسد سيارتي :)

[Fahad77]

الموتر روعة والله أختي وماعليه كلام

خلج من الكلام الموتر دلوع ومادري وشو ومايصلح لشوارعنا وهالكلام

أهم شي استخدامج انتي

لو استخدامج زين ومحترم للسيارة بتعيش معاج ولو استعمالج تعبان بيخترب عندج الموتر وبيبهدلج

سواء كنتي راكبة بورش ولا مرسدس ولا تويوتا ولا نيسان ولا جمس ولا ولا ولا

استخدام الحشمة هو اللي يخلي السيارة تعيش عندج

انا عندي بورش كاين إس 2008 والموتر فوق الممتاز وماعليه كلام

بالنسبة لقطع الغيار أكيد بتكون أغلى من الشركات الثانية العادية مثل تويوتا ونيسان وغيرهم

يعني ماينفع أجي أقارن سعر سفايف البورش مع سفايف تويوتا كورولا ولا كروزر صح ولا لأ أختي :)

اللي يبي الفخامة لازم يتحمل الأسعار واللي ساكن بقصر مو مثل اللي ساكن في ملحق

وفي الأخير اقول المثل اللي يقول " اللي يبي الدح لايقول أح " :)

[الخارجية]

يكفي لو مشيت في الشارع لك احترامك .. عندي واحد من الربع عنده كيان ايروح فيها كل مكان طعوس بر بحر والله ماشيه تمام معاه حتى السفايف يطلبها عن طريق النت سعر سفايف يمكن ارخص من سفايف الكامري بس الوحد يسوق الموتر بعقل مش بتهور صدقوني اللي يستخدم الكيان لا يمكن يرجع يسوق تويوتا

[غرور قطر]

اخر رد عجيب يطعس فيها ؟؟؟؟؟؟؟ ماشالله عليه والله قلبه قوي
اسأل لنا من اي موقع يطلب قطع الغيار
اذا جذيه سهلت المهمة

[حمد]

يكفي لو مشيت في الشارع لك احترامك .. عندي واحد من الربع عنده كيان ايروح فيها كل مكان طعوس بر بحر والله ماشيه تمام معاه حتى السفايف يطلبها عن طريق النت سعر سفايف يمكن ارخص من سفايف الكامري بس الوحد يسوق الموتر بعقل مش بتهور صدقوني اللي يستخدم الكيان لا يمكن يرجع يسوق تويوتا

والله تصدق ان الي عرفته

انك لو سقت اي سياره ماترجع تسوق تويوتا .... لان هلقطر عندهم مرض اسمه تويوتا ... ومتى ماخذوا اي ادوى شفوا من هالمرض

[honey_uk]

والله تصدق ان الي عرفته

انك لو سقت اي سياره ماترجع تسوق تويوتا .... لان هلقطر عندهم مرض اسمه تويوتا ... ومتى ماخذوا اي ادوى شفوا من هالمرض

الله يشفينا :) خخخخ

====
البورش عند اخوي انا 2005 ولي يومكم هاي مابدلها وكل ماركب سياره ثانيه يقول مافي غير البورش :)
سافر فيها الامارات السعوديه ماخلى شي ماسواه فيها :) الا البر مادخل لانه يخاف عليها + رنقاتها ماتنفع حق برع :)
-----

السياره كـ سياره ماعليها كلام فخامه .. مواصفات وكشخه ... بس بالنسبه حق التكاليف فـ السياره تكلف قطع غيارها غاليه " اكيد لانها بورش :) " والسيرفس مهب ذاك الزوود على كلام اخوي انه دايماً يرجعون له السياره ناقصه شي ولازم يدقق وراهم و و و ...
طبعاً مافي امل نقارن بينها وبين التيوتا :)

لانه اكيد البورش احسن ... وفالنهايه القرار قرارج :) واهم شي الواحد ياخذ اللي في خاطره لانه بتتحسفين مثلي :)

[Um Sultan]

اختي اذا راتبج 15 الف وفوق .. خذي بورش لانج راح تفتقرين مع السيرفز وقطع الغيار الغاليه

تغير السفايف مع الدرام ويلات ب 8000 تقريبا

والايل والفلتر ب 750 كل 10 الاف

وغير المشاكل اللي بتطلع لج كل فتره وبتروحين تدفعين لان الضمان بس على المحرك والجير

والسيرفز في البورش خايس مافي ناس مدربه عدل ومايعرفون يصلحون ويطلعون المشاكل من وين .. هاي عيبهم

اقولها لج وانا مجربه البورش (كيان 2009) ..... سواقتها احسن منها مافي .. ومريحه وخذي لج 6 سلندر لانها خفيفه حق البنات

ال 8 سلندر ثقيله وشبابيه وااايد .. وانتي ماتبينها حق مسابق واستعراض .. وغير هاي تصرف ايل وبترول اكثر

واذا ماتقدرين على خساير البورش بعد ماتشترينها والقطع .. خذي لج بي ام وارتاحي من سيرفز وكل شي بس دفعي سعر سيارتج والبترول

وفي نصيحه ثانيه اللي هي الانفنتي ex او fx وعندج اللكزس الفوريل الحجم الصغير شكلها الجديد حلوو بعد

وفي الاخير الامر راجع لج .. خذي اللي بترتاحين له واهم شي تفكرين فيه هو عقب ماتاخذين السياره وخدمة مابعد البيع ..

_______________________________________


انا عندي لكزس ومابي ابدلها لأنها روعة
بس بخاطري الكيان وحابة اعرف مواصفاتها
بس اذا الوكالة تعبانة شالفايدة منها
يعطيكم العافية وماقصرتوا على الردود

خلج على اللكزس ابرك لج بمليون مره ..
الكيان خذي 6 سلندر - بيضه - حساسات - فتحه لاتاخذين بانورما بتنشوين في الحر - كاميرا خلفيه هاي اهم شي .. واي شي تبينه عقب تقدرين تضيفينه من الوكاله
الوكاله فاشله مب بس تعبانه .. مافي عندهم موظفين عدلين ولا ميكانيكين يبردون القلب ..
ادخل سيارتي تشيك ترد لي وصخه ومغبره وغير هاي احس ان ماسوو فيها شي .. ويدفعوني 50 ريال تنظيف سياره على شنو مادري ..




وحابة اتأكد من شغلة اللي عنده بورش الأغلب يقول سيارة دلوعة مب حق شوارعنا عند المطبات لازم اتحمل وتخترب بسرعة مادري صح هالكلام والا لأ؟؟؟


لان مافيها هيدروليك ..

السياره يابسه ووعره وااايد ..

[ANONYMOUS]

يعني ماينفع أجي أقارن سعر سفايف البورش مع سفايف تويوتا كورولا ولا كروزر صح ولا لأ أختي :)

اللي يبي الفخامة لازم يتحمل الأسعار واللي ساكن بقصر مو مثل اللي ساكن في ملحق

:)


المفروض هالرد ينكتب بماي الذهب ويتثبت

[&شهد&]

اخذي كيان وانتي مغمضة....

[غرور قطر]

خلاص شلتها من بالي على قولة ام سلطان يعطيج العافية اهم شي السيرفز بعد ماشتريها
يعطيكم العافية ماقصرتوا على الردود