((( الجلســـــه الصباحيـــه )))4/4

[مغروور قطر]

جعلك تسلم وهذا الظن فيك

[bo_yousif]

اشتبي ؟؟ بسرعه لاني اذيت العالم ترى مب زين ...

اخلص :mad:


خلك ترى محد موسع صدري الا انت ؟؟؟

[الوضع ما يطمن]

المصرف نزل

وانا حاط طلب بيع 552 يعني متفائل
يالله ترزقني وترزق مني

اللهم آمين ..

انزين ليش تبي تبيع ؟ انا لو منك ما بعت ... سهم المصرف سهم قوي واستثماري لامد البعيد
لا تفرط فيه .. هذي نصيحه مني لك ..

[بوعبدالله2005]

انا حطيت بس ما حد شرا للأسف وكلهم 50 سهم والله يرزق الجميع

[مغروور قطر]

اخوي jkfشو صاير عسى ماشر ومن قال انك معصب اخوي عسى ماشر

[بوعبدالله2005]

اللهم آمين ..

انزين ليش تبي تبيع ؟ انا لو منك ما بعت ... سهم المصرف سهم قوي واستثماري لامد البعيد
لا تفرط فيه .. هذي نصيحه مني لك ..


يعني اكيد الطلب ما يتنفذ

خير من الله

وشكرا على النصيحه

[الدانة عنود]

ليش كارثه الحمدلله

الله يطول عمر بومشعل

[الدانة عنود]

عندنا في قطر الخمس تصير 100

[boabdullah]

شباب

نصيحة ركزوا عى السوق

ولاحظوا في ناس تلم في المواشي والصناعات

والله فرصة للشررررررراء

بوعبدالله :) :)

[بـوصـالـح]

للبيع صندوق طماط ب 3 ريال مع كرتون فلفل احمر مجاني والتوصيل مجاني

كل شي مجاني

بس فكنا وللي يرحم والديك تعال شيل وخلصني



هذا حال السوق اليوم



بس ما ادري ليش حاس انه بيرد اليوم

[bo_yousif]

عندنا في قطر الخمس تصير 100


قولي الحمدلله يا الدانة

هذا من فضل ربي

[الوضع ما يطمن]

انا حطيت بس ما حد شرا للأسف وكلهم 50 سهم والله يرزق الجميع

والله انا افكر اشتري في المصرف بس احس انها مغامرة تخوف .. غير انه اذا شريته على 500 وشي كم بيطلع لي المربح اذا بعته ؟ السالفه ما تسوى ... عموما الله يابرك لك فيهم .. وينباعون بالسعر اللي ودك فيه ..

[جمال النعيمي]

اخوي مغرور الكويتي قاعد تقول محلل اقصادي ونفسي رد وشوف الي قالة

وانت تعرف هذا الشي ماريضي حد لابد من يحترم نفسة

[الدانة عنود]

الشغل كله على
المتحده
صناعات
مواشي

[مغروور قطر]

اخوي انا معاك وحذرناه ولازم يراعي شعور الاخريين وكلامه فيه استهزاء واضح

[الدانة عنود]

والنعم بالله

[الوضع ما يطمن]

عندنا في قطر الخمس تصير 100

اي والله وذي من الخير والنعمه اللي كاتبها لنا رب العالمين ومحد مفتكر فيها
اللهم لك الحمد والشكر ...

[جمال النعيمي]

تسلم يامغرور

[bo_yousif]

اخــــــــــــــــــــــــــــــــــــــــوي بيـــــــــــــــــــــــــــزات وينك ؟؟

[سهم طايش]

وسع الخاطر اخوي jkf

في ناس من نشوفهم هني الا وقت النكبات حق الشماته

ووقت الصعود ما نشوف رقعة وجههم

و دام عزج يا قطر

و انشالله السوق بيتعدل وضعه و بيرتفع و يسلم راسكم

و الحمدلله على كل حال

[Banana]

مايحك ظهيري الا ظفيري وينك وينك يا لبروكر القطري اصبرررررررررررررررررررررررررررروا

[بـوصـالـح]

في لم فالسوق

[bo_yousif]

اخوي مغرور الكويتي قاعد تقول محلل اقصادي ونفسي رد وشوف الي قالة

وانت تعرف هذا الشي ماريضي حد لابد من يحترم نفسة


وسع خاااااااااطرك ياخوي ،،،،

[بيـــزات]

موجود يا بو يوسف

بس خبرك عندي شيله الحين وان شاء الله ما تخترب

[جمال النعيمي]

هلا والله سهم طايش

[bo_yousif]

موجود يا بو يوسف

بس خبرك عندي شيله الحين وان شاء الله ما تخترب



خرباااااااااااااااااااااااااااانه لا تتعب نفسك

طلعوا الشباب منحووووسين

طلعهم من البورصة ،،،

[بيـــزات]

لا ما عليك امس بدّعوا

واليوم يومهم يوم الشدايد

[الدانة عنود]

اخواني خلكم عنيدي

لحد يبيع بخساره

صدقوني انا خسرانه 60 الف لحد الحين من يوم الاحد لسبوع الي فات

وعادي صج صحت شوي بس عادي

وكل ليل وره نهار

وكل نزول وره ارتفاع
وكل هدو وره عاصفه
وكل بس تعبت

[إنتعاش]

الوطني319.5
التجاري 250
المصرف 509
الدوحه 244
الدولي 339
الاهلي 146.4
قطر تامين 240
دوحه تامين 98
الخليج تامين 305
العامه تامين453.5
الاسلاميه تامين 326.2
التحويلية 83.5
اسمنت 340
مطاحن 59
صناعات 230
متحده 106.6
الطبيه 52.2
كيوتل 315
كهرباء 112
نقل 179.2
عقاريه 210
سلام 60.5
اجاره 81.7
ملاحه 194.1
تخصصي 97
فحص فني 84.7
سينما 83
وقود 145.2
مواشي 57
مخازن 66

[مغروور قطر]

الله ان شاء الله يعوض عليج اختي الدانه عنود

[بيـــزات]

يعطيك العافيه اخوي انتعاش

[سهم طايش]

الله يعوضج اختي عنود و الخير جاي انشالله

امسكي الاسهم و لا تبيعين بخساره بأذن الله بيتعدل السعر و بتربحين 60 الف بدل الخساره

[الدانة عنود]

هاهاها


الحمد لله ما سمعو كلامنا وخلو المت 10%

هاهاها

[bo_yousif]

اخواني خلكم عنيدي

لحد يبيع بخساره

صدقوني انا خسرانه 60 الف لحد الحين من يوم الاحد لسبوع الي فات

وعادي صج صحت شوي بس عادي

وكل ليل وره نهار

وكل نزول وره ارتفاع
وكل هدو وره عاصفه
وكل بس تعبت

سلاااااااااااااامتج من الصيااااااااح

اذا انتي خسرانة 60 الف وصحتي

عيل اللي خسر 350 الف شسوي ،،،،

اطب من مكتبي الدور 30 لا وعلى شارع عااااااااااااام

[الدانة عنود]

اميييييييييييييييييييييييييييييييييييييييييييييييي يييييييييييييييييييييييييييييييين مشكور سهم طايش

لرفع المعنويات

والله يبيلها رفع

[بيـــزات]

ايه والله لو المت 10%

كان الحين من صيد امس

[roadrunner]

يالله مب بهامور .. الا بيريور بو ساطور يدش السوق ويلم الأولي والتالي ويعتدل وضع السوق .... انشاااالله

[مغروور قطر]

اخواني لاحظو العامه لتامين اليوم مافيه اب لمت فيه مد وجز

[بيـــزات]

ايه يا رجال على الــ20

كل يوم بس عن الحارج

[bo_yousif]

ايه والله لو المت 10%

كان الحين من صيد امس


اي والله ياخوي

[roadrunner]

اخواني لاحظو العامه لتامين اليوم مافيه اب لمت فيه مد وجز

ههههه .. والعقاريه مب المايه ثابره عندها ... الا قرااااح من قلب .. ولا جفاف افريقيا

[الدانة عنود]

والله ما بيع بخساره
لو اورثه للورثه عقب عيني

صج ما عندي سيوله خلاص بح

بس يوم الخميس ببيع شوي غاز وبسيل الغاز
وبدخل بقلب قوب

قولو امين

نربح

[bo_yousif]

والله ما بيع بخساره
لو اورثه للورثه عقب عيني

صج ما عندي سيوله خلاص بح

بس يوم الخميس ببيع شوي غاز وبسيل الغاز
وبدخل بقلب قوب

قولو امين

نربح

بعـــــــــــــد عمر طويــــــــــــــــــل

لاتعورين قلبي :d

[roadrunner]

بس يوم الخميس ببيع شوي غاز وبسيل الغاز
وبدخل بقلب قوب

قولو امين

نربح


والله السالفه شكلها خربانه من قلب ... والخوف ان الغاز يستوي ماي ببيعته اذا كان الوضع بيتم هالشكل .


بس الله يستر

[لريال اللي بيتحول مليار]

انا ابي اعرف الحين وبسرعة ابيع المتحدة ولا لا؟؟؟

[المستثمر الكويتى]

انا احس ان اليوم فيه شئ وان البعض متحاملين على ما ادرى ليش يقولون انى غلطان وارجو انه يبين غلطى

وانا انسحب من الجلسه لدرء وابعاد التشنج وفعلا بدا السوق وتاثيراته



بالنسبه العنود اقول الله يعز الشيخ حمد بن خليفه ال ثانى وهو ما قصر بالمكرمات ولكن يبى منكم انكم تديرون اموالكم بحنكه وذكاء


وانا اقول لبعض الاخوه اللى يقول او ينعتى بانى اتشمت لالالالالالالالا انا مثلكم وكلنا فى الهوا سوا

واللى صاير عليكم صاير على


اخى مغرور قطر استاذنك من الجلسه واشكرك على ادرتها الممتازه وعلى سعت صدرك علينا

[الوضع ما يطمن]

هاهاها


الحمد لله ما سمعو كلامنا وخلو المت 10%

هاهاها

تبين سلف حاضرين <-- طالع من يتكلم :d

[هامور]

مثل ما نزل مؤشر السوق

اشوف ان الجلسة الصباحية بنزول والسبب الشات الحاصل

وكل نزول وانتم بخير

وفالكم طيب

برب

[الدانة عنود]

الغاز انشاء الله طالع طاله

الناس الي طيحه بيع هم صغار المستثمرين يبون غاز غاز غاز
وهم الي مخربين

عاد اني من كبار المستثمرين

وصايحه على 60

[لريال اللي بيتحول مليار]

:: انا ابي اعرف الحين وبسرعة ابيع المتحدة ولا لا؟؟؟

[سهم طايش]

اموت و اعرف من هالعلل اللي يبيعون باللمت داون في الصناعات !!

[bo_yousif]

تبين سلف حاضرين <-- طالع من يتكلم :d

هههههههههههههههههههههههههه

[الدانة عنود]

مخليتكم ذخر

لو صارت علي ديون ممكن

[مغروور قطر]

اخوي مستثمر كويتي والله احنا رحب فيك بس احنا ننتقد الاسلوب الي تعمل فيه فيه اسلوب الطف وهذا من ورا القصد

[الوضع ما يطمن]

الغاز انشاء الله طالع طاله

الناس الي طيحه بيع هم صغار المستثمرين يبون غاز غاز غاز
وهم الي مخربين

عاد اني من كبار المستثمرين

وصايحه على 60

اي والله عاد اني ... مثل حالتي :p

[سهم طايش]

ودك في البورصه مافي لمت داون كله لمت اب هههههه

[بيل جيتس]

صباح الخير على الجميع

صدق اليوم قهر

بس لاحظتوا ويش صار بالاسمنت انشاء الله الدور ياي على الباقى

بس قول يــــــــــــــــــــــــــــــارب

[بـوصـالـح]

لمت داون كل الشركات ( هاي اخر شي كنت اتوقعه )

[الوضع ما يطمن]

مخليتكم ذخر

لو صارت علي ديون ممكن

بال ذي صدقت على طووول اشدعوه محد يجامل اهنيه

رحنا وطي :confused:

[مغروور قطر]

صباح النور اخوي بيل جيتس

[مغروور قطر]

اخوي الوضع بليز خلونا في محور الحديث لو سمحتو

[الوضع ما يطمن]

البورصة اليوم ريانية

[الوضع ما يطمن]

اخوي الوضع بليز خلونا في محور الحديث لو سمحتو

آسف قسم بالله آخر مره اليوم خلاص ....
وهذا خشمك احبه اموووواح

اشوفكم عقب الساعه 12 اذا الله راد

فمان الله


حقكم علي يالربع .. حبيت الطف الجو لا اقل ولا اكثر والسموحه اذا طلعت مرات عن صلب الموضوع ( متعوب عليها ذي صلب الموضوع والله اني مب هين ) :d

الوضع ما يطمن

[بيـــزات]

الوطني 320
التجاري 248.5
المصرف 507.5
الدوحه 244
الاهلي 146.4
الدولي 338.9
قطر للتامين 240
الدوحة للتامين 95
العامة للتامين 453.5
الخليج للتامين 305
الاسلامية 339
التحويلية 83.5
الاسمنت 360
المطاحن 59
صناعات 228
المتحده 105.8
الطبية 52.2
كيوتل315
كهرباء وماء 112
النقل 179
العقارية 210
السلام 60.5
الاجارة 81.7
الملاحه 194.10
التخصصي92.1
الفحص الفني 84.7
السينما 83
الوقود 145.2
مواشي 57
مخازن 66

ارتفاع 2 -انخفاض 22- ثبات1
التغيير 324.51-
الساعه 10.10

[الدانة عنود]

بال ذي صدقت على طووول اشدعوه محد يجامل اهنيه [quote]


هاهاها

[bo_yousif]

رووووووووووووووووووووووح يارياني

سلامي ل اندرسون

[q8_investor]

ياجماعة .... نبي تحليل منطقي حق الوضع الي قاعد يصير بالبورصة
امس واليوم ؟؟ بس من دون تفاؤل لان مايضيع الواحد الا التفاؤل
مثل الي صار قبل ذخول الاجانب ؟؟

[bo_yousif]

[quote=الوضع ما يطمن]آسف قسم بالله آخر مره اليوم خلاص ....
وهذا خشمك احبه اموووواح

اشوفكم عقب الساعه 12 اذا الله راد

فمان الله


خلك لا ترووووووووووووووووووووووووح

[مغروور قطر]

اخوي Q8 الوضع المفهوم الخاطئ عن صغار المستثمرين متوقعين عند دخلو الاجانب سوف ينتعش السوووق فا معا اول يوم عرضو الاسهم مما تسبب في تضخم في الاسهم ووتسبب في نزوول السووق ولاكن خلال الايام سوف يعي المساهم في عدم العرض مما سوف يدفع السوووق الى الارتفاع مره اخرى

[بيـــزات]

والله انا اشوف الوضع طبيعي جدا

الي له خص واللي ماله خص في البورصه

يعني لازم يصير تزحزح الحين للاستحواذ على قسم لا بأس به من الاسهم على اسعار

ترضي اصحاب الطلبات

[الدانة عنود]

امس التغيير 1.70% صعود

واليوم لحد الحين 2.89 نزول

يعني صعود امس كنه ماصار

[لريال اللي بيتحول مليار]

وووووووووووووين الرد ؟؟؟؟؟؟؟؟؟

[بيل جيتس]

استفسار ؟؟؟؟؟؟؟؟؟؟؟؟؟

لماذا لم تتم حتى الان اى بيعه فى العقاريه

اذا كان الهدف تنزيل السعر يجب ان تتم بيعه ولو واحده حتى يسجل السعر الجديد

ما هى ارائكم ...


ابي ابيع النقل البحرى وافتك منه ... ويش انطر بعد!!!!!!!!

ويش رأيكم ...

[مغروور قطر]

اخوي لريال الي بيتحول الى مليار شنو رد على شنو

[قطر]

السلام عليكم

اللون احمر شخبارك ياشباب

اخر شي كنت اتوقعه المصرف من 540 الى 506

من اللي ايبيع؟؟؟

وجمعيته الاثنين الجاي :mad:

يالله صباح خير

[Banana]

السوق تجمد شوفوا 327 نقطه نزول تفألوووووووووووووووووووووووووووووووووووووووا

[roadrunner]

من المسؤول عن النزول الفظيع بالسوق... هل المستثمرين " بو 100 سهم على وصف حبيب قلبي بيزات" ام هي لعبة هوامير

[مغروور قطر]

اختي موزه صحيح كلامج وان شاء الله ارتفاع عمى قريب ان شاء الله ولكل ان شاء الله بيعوض ولا تهتمون ان شاء الله

[بيـــزات]

عليكم السلام قطر

وصباح خير

[لريال اللي بيتحول مليار]

الظاهر ان محد يعرف شسالفة السوووق!!!!!!!!!!

[سهم طايش]

24 شركة هبوط

و لا شركة ارتفاع

ثبات شركه وحده

[مغروور قطر]

اخوي لريال لكل عارف سبب نزول وردينا على اخونا الكويتي بسبب نزول السوق راجع الرد في الخلف اخوني قطـــــر الله يصبحك بالخير

[بيـــزات]

من المسؤول عن النزول الفظيع بالسوق... هل المستثمرين " بو 100 سهم على وصف حبيب قلبي بيزات" ام هي لعبة هوامير



والله يا حبيب الروح ان اتوقع تحالف بو 100 مع الهوامير لاسباب


غير واضحه :cool:

[q8_investor]

مغرور ... يعني الوضع راح يتعدل بعد مايشترون الاجانب (كبار المستثمري) وليس الكل
الكميات المطلوبة وبعدين راح يقدرون يتحكمون بالسوق نوعا ما ... بنهايه ماستفادو
القطرين من دخول الاجانب الفايدة المتوقعه ... اتوقع محد يقدر احل يساهم في ان
الفايدة تعم على جميع اخوانا القطريين الا الهوامير وين الكبار الي عندكم ليش مايتحركون
ماعقولة انهم ماحطو سياسة قبل دخول الاجانب اتمكنهم من التحكم بالسوق!!!

[roadrunner]

انزين ياجماعة .... ايش وضع العقارية بكره في حالة ما يتم عليها اي عميله شراء ... شلون بتفتح بكره .. على اي سعر .

[لريال اللي بيتحول مليار]

عندي اسهم بعض الشركات الداكة ابيعها الحين ولا لا اشوفها قدامي تنزل كل يوم

[مغروور قطر]

المشكله مو الهوامير اخوي المشكله صغار المستثمريين جمعو اسهمهم وعرضو في اول يوم دخول الاجانب مما سبب تضخم ولاكن اعتقد انهم سوف يعون لذالك وبيراجعون انفسهم ويسحبون طلاباتهم مما يرجع التوازن لسوق واعتقد ان الاجانب للحين مادخلو متفرجيين لازالو لمتصاص حماس السوووق

[بيـــزات]

يبيلك قلب ما يتعب



:cool: :cool: :cool:

[مغروور قطر]

اخوي برمجنا اذا ماتنفذ ولا اوردر سوف يتم نفس السعر اليوم

[قطر]

بيزات ومغرور
هلا والله اخواني :)

مبرمجنا لازم بتصير بيعه ولو على عشر اسهم في اخر الوقت
عشان اينزلون السعر

:)

عاد عقب الجمعيه عرض بهالحجم الله ايهديهم اصحاب اسهم العقاريه

[المستشار]

اقتراح لوقف هذا النزيف
القيام بحملة من خلال هذا المنتدي شعارها " يويد سهمك اليوم بينفعك بكرة "
شكراً

[bo_yousif]

:D [QUOTE=بيـــزات][CENTER]يبيلك قلب ما يتعب



اي والله

[q8_investor]

ماتنزل عند الشركات المساهمة قوائم يومية يبين نسب الغير قطريين
من ملاك الاسهم ... وبهطريقة ممكن انعرف هل الاجانب هم سبب الانخفاض
او القطريين نفسهم

[roadrunner]

اخوي برمجنا اذا ماتنفذ ولا اوردر سوف يتم نفس السعر اليوم


اما واحد رزيل يشتري سهم واحد على اللمت داون ... صج اخساس

[سهم طايش]

السوق فيه بلا

[مغروور قطر]

اخوي انا اعتقد السبب القطريين في نزول السوق مش الاجانب وماعتقد انهم يمديهم يشترون عشان يعرضون داون لمت وخاصه في جميع الشركات

[الدانة عنود]

اقتراح لوقف هذا النزيف
القيام بحملة من خلال هذا المنتدي شعارها " يويد سهمك اليوم بينفعك بكرة "
شكراً


يود سهمك ليك سهم اسهم منه

[q8_investor]

اما واحد رزيل يشتري سهم واحد على اللمت داون ... صج اخساسهذى شي اكيد ولا يختلف عليه اثنين :(

[قطر]

المستثمر الكويتي

والله المفروض

بس ماتدري هم ايش ايفكرون؟؟
لازم تنزل القوائم والنسب يوميا في موقع السوق

[سهم طايش]

عرض الصناعات يوحي ان بكره لمت داون بعد

[مغروور قطر]

حتى البنك الاسلامي البريطاني نازل 48 بنس

[bo_yousif]

السوق فيه بلا


من مــــــــــــــــــــــــــات البابا والسوق تعبااااااااااااااان

[الدانة عنود]

المفروض الدوله تصرف لنا علاوه بدل عوار عيون

((( عيونا بققه في الشاشه))

[سهم طايش]

ههههههههههههه بويوسف

لو عندنا قطريين مسيحيين بنقول يمكن

[سهم طايش]

حطيت اورد طلب سهم واحد على العقاريه

[مغروور قطر]

والله انا اقووول السوق فرصه لشراء

[bo_yousif]

المفروض الدوله تصرف لنا علاوه بدل عوار عيون

((( عيونا بققه في الشاشه))


الله يعز الحكومة

سلامت عيونج :p :p

[الدانة عنود]

واحد كله موهقني في البورصه

يقول شوفي البورصه من يوم الاحد الي جاي شلون بتصير

عكس اليوم

[roadrunner]

حطيت اورد طلب سهم واحد على العقاريه

هههه ... حبيبي ... عازمك على العشاء اليوم .. بس والي يرحم والديك لا تسويها

[قطر]

بويووووسف يسعد صباحك وش جاب البابا عندنا
لايكون مسوي لبورصتنا طب ههههههههههههه


مغرور قطر ليش نزل حراااااااااااااام يعني في كل البورصات خسران :(

[q8_investor]

مغرور انا اقول كل الاسبوع هذى السوق نزول ..
الي يبي يشتري ينطر لما السوق يبدا يصعد ويدخل معاهم
والله اعلم ..

[مغروور قطر]

اخوي قطر ايه والله حتى البنك البريطاني الاسلامي طايح الحين 52 بنس

[الجزيرة]

............. بصراحه اعتقد المافيا موجزده فى السوق

الله يستر

[bo_yousif]

[quote=قطر]بويووووسف يسعد صباحك وش جاب البابا عندنا
لايكون مسوي لبورصتنا طب ههههههههههههه


الكل حزناااااااااااااااان ياخوي

[مغروور قطر]

والله قوي التخصصي هو الوحيد اخضر

[سهم طايش]

8 الاف طلب شراء فقط على جميع الشركات

و العرض ملااااااااااايين

و الله كارثه

[سهم عتيج]

انزين ياجماعة .... ايش وضع العقارية بكره في حالة ما يتم عليها اي عميله شراء ... شلون بتفتح بكره .. على اي سعر .


راح تفتح على نفس أسعار اليوم,, يعني على 193 و 5% ارتفاع او نزول

[ولد قطــــــر]

انا اتوقع سبب الهبووووط الغير متوقع هو نزول الناقلات نهايه الاسبوع يوم الخميس ... والكل يسيل فلووووسه عشان الناقلات ..

[الدانة عنود]

صراحه انا ارجح انه عمل معمول لنا

حد يعرف ساحر رخيص

[q8_investor]

وين الاجانب ... والله انا اعرف 7 من الربع فاتحين احسابات في البورصه عندكم
وين العالم ليش ماكو طلبات .... هذي مؤامره كبيره داشه فيها دول ومنظمات
ضد بورصة قطر

[الخبير المالي]

خاطري اعرف من اللي قاعد يبيع بخسارة!!

[ولد قطــــــر]

معقووووووله السوق كله امت داوووووون ؟؟؟؟؟؟؟؟ ما فيه الا كم شركه عليها طلب ... لا والطلبات كلها 100 و 200 سهم !!!!!!!!!!!!!!!!!

مثل ما قلت لكم .. الظاهر السبب نزول ناقلات يوم الخميس ... وتسييييييل المبالغ لهالسبب

[bo_yousif]

الـــــــــــــوضع مــــــــــــايطمن ،،،، وينك ؟؟؟

[الشقيان]

شسالفه ياالربع المنتدى انقلب

((( برنااامج خزز )))

هدو اشوي لحد ياخذ الامور بستعبااااااااط :mad: :mad: :mad: :mad:

[مغروور قطر]

اخوي q8 من صجك انت لا اخوي وضع عادي جدا جدا ولكل متوقع له يصير بنفس الي صار العرض كبير يعني توقعاتك بيكون اب لمت والعرض معروف انه من صغار المستثمريين ويحدث في كل البورصات العالم

[q8_investor]

خاطري اعرف من اللي قاعد يبيع بخسارة!!
ياخبير ... محد قاعد يبيع بخساره .. ذول ناس عندهم الاسهم من اشهر بسيطة وكانو ربحانين
ويبون يوقفون خسارة ارباحهم يعني مو خسران من جيبة ... نسيت ارتفاع البورصة
قبل 3 اشهر

[قطر]

بويوسف من الحزين في ذمتك ؟؟؟؟؟؟؟؟؟؟؟

انا صراحه فرحت له مسكين مات وهو متحنط

لي طلع لك من البلكونه كنه دراكووووله طالع ايدزونه دز

:cool:


مغرور والله قلبي عورني لاينزل عن ال50 شاري بكميه كبيره

لا وقلت حق البروكر عادي لي نزل باشتري بعد لكن لي جا الصدق والله توجع


حسافه مابعت يوم وصل 91 :(

[boabdullah]

الصراحة

ما أقدر أشوف اللي أشوفه (((( مافي شرررررراء )))

تحليل يأخوان تحليل ؟؟؟؟؟؟؟؟

بوعبدالله

[مغروور قطر]

قطر لا تعور قلبي انا شاري والله وكنت ناوي ابيع ومادري شنو الي ردني

[bo_yousif]

[QUOTE=قطر]بويوسف من الحزين في ذمتك ؟؟؟؟؟؟؟؟؟؟؟

انا صراحه فرحت له مسكين مات وهو متحنط

لي طلع لك من البلكونه كنه دراكووووله طالع ايدزونه دز

:cool:


الاجانب !! هم الحزنانين على دراكوووووله

[قطر]

الشقيان ليش معصب اخوي

لاوناسه في البورصة ولاترويح عن النفس مع اخوانا:(

[الجزيرة]

.. هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههه


........................... هذى هى كذبه ابريل ........................... قالوا الاجنبيى صار الجنى

انا اول الضحايا

[q8_investor]

انا معاك اخوي مغرور ... كنت اشيشكم على بعض الدول :)
بس ترى اذا طول الوضع على هل الحال راح يأثر على ناس واجد
وممكن حتى انا معاك نعرض ونقول انبيع من فوق ونشتري من
تحت .. واذا صار هل الموال مو زين

[مغروور قطر]

عارف اخوي q8 بس صدقني هم بيعرفون من انفسهم وبيحسبون طلابات البيع وبيقل العرض وبيزيد الطلب وبيحدث الارتفاع ان شاء الله ولاتنسى ان فيه شركة ناقلات بعد 3 ايام سوف تنزل ولكل يبي سيوله لشراء فيها

[roadrunner]

وين الأسعار ياجماعة ... حطوا لنا آخر الأسعار والي يرحم والديكم ... ترى قلبي صاير لمت داون من اسعار اليوم

[قطر]

مغرور قطر الله كريم بالنسبه للبنك البريطاني
واحنا يوم شريناه قلنا استثمار طويل

المفروض ننساه :)

[q8_investor]

ايقولون بال سي ان بي سي ان بورصة قطر قررت طرد الاجانب
لان مامنهم فايده والبورصة بدونهم احس ...... وراح يتبعون شعار
((دهنا في مكبتنا))

[مغروور قطر]

اخوي مبرجمنا الاسعار كما هي داون لمت ومانبي نسد نفسك وشوفو العامه صار فيها مثل كل يوم اب لمت 476

[الخبير المالي]

يالله ياشباب استئذنكم رايح الرتزكارلتون باخذ الكوفي مالي اللي بيجي معاي حياه الله

[bo_yousif]

ايقولون بال سي ان بي سي ان بورصة قطر قررت طرد الاجانب
لان مامنهم فايده والبورصة بدونهم احس ...... وراح يتبعون شعار
((دهنا في مكبتنا))

اهاااااااااااااااااااااااااا بيض الله وجيهم أحسن :D :D

[الدانة عنود]

الشقيان ليش معصب اخوي

لاوناسه في البورصة ولاترويح عن النفس مع اخوانا:(



والله صح

لو فيه حركه لو فيه مجال ايجابي لسوق بنتكلم

تعبنا اذا انت اخوي توك داخل ترى في ناس من الفجر هنا الله يعطيهم العافيه

وخاصه مغرررور قطر الله يعطيه العافيه

من غبشه يفتح مجلسه العامر لضيوف الكرام

[الحزين]

ياجماعة صج فرصة للشراء ... اتوقع بعد نزول ناقلات الغاز بترتفع الاسعار .. الكل يبي سيولة ويشتري في الغاز
وهذي فرصة كبيرة للشراء

[الجزيرة]

........... الى مطلوب اقل من 6000 سهم على البورصه كلها ......... يعنى خراب ابيوت

[bo_yousif]

يالله ياشباب استئذنكم رايح الرتزكارلتون باخذ الكوفي مالي اللي بيجي معاي حياه الله


حيــــــــــــــــــاك الله هني وعافيه

[قطر]

الخبير ليتني معاك

بس جايك في اي جلسه تقعد :)

[q8_investor]

بو يوسف ..... يطردونهم بس انا مو معاهم لاني من زمان ما اشتري بسمي :)

[مغروور قطر]

اختي الدانه هذا مجسلكم كلكم ومو حق احد من دون حد

[إنتعاش]

الوطني319.5
التجاري 246.6
المصرف 506.6
الدوحه 244
الدولي 324.5
الاهلي 146.4
قطر تامين 240
دوحه تامين 95
الخليج تامين 305
العامه 476.1
الاسلاميه تامين 339
التحويلية 83.5
اسمنت 359
مطاحن 59
صناعات 228
متحده 105.8
الطبيه 52.2
كيوتل 302.2
كهرباء 108.8
نقل 177
عقاريه 210
سلام 60.5
اجاره 81.7
ملاحه 194.1
تخصصي 91
فحص فني 84.7
سينما 83
وقود 145.2
مواشي 57
مخازن 66

[q8_investor]

انا اقترح ان يبيعون ال 8000 طلب الي بقا
لان شكلهم مو حلو اذا الشاشة اصفار اريح حق العين
وبلا عوار قلب وصكرون اليوم ... وباجر اسير خير

[الخبير المالي]

حياك الله اخوي بويوسف واخوي قطر انا اقعد في الكوفي اللي فوق عند الموسيقى الهادية

[قطر]

عاش انتعاش يااخي سلم اشدعوه

مب انا سبب النزول ترى هههههههههههه

مغرور يوم شرا في السلام نزله

وانت شريت في المصرف ونزل

بس انا مالي خص هههههههههه

[سهم طايش]

اللي يبي يتصل في المجموعه التلفونات فااااضيه

من اول رنة يردون

[bo_yousif]

انا اقترح ان يبيعون ال 8000 طلب الي بقا
لان شكلهم مو حلو اذا الشاشة اصفار اريح حق العين
وبلا عوار قلب وصكرون اليوم ... وباجر اسير خير


طالع من يتكلم !!!!!

لا صار السوق سوق ؟؟؟؟ ذيك الساع تأمر ،،،، :p

[roadrunner]

عاش انتعاش يااخي سلم اشدعوه

مب انا سبب النزول ترى هههههههههههه

مغرور يوم شرا في السلام نزله

وانت شريت في المصرف ونزل

بس انا مالي خص هههههههههه

ههههههههههه .. وانا المقرود العود لآني شاري بكل شركه سهم واحد ... بس عشان انزل السوق

[إنتعاش]

بعت في المصرف ياريال وتحسفت

مسوي فيها فهيم !!

ابيع فوق واشتري تحت !!

بعته على 495.9 :(

[مغروور قطر]

قطر كله منك مو مني ولا من انتعاش

[قطر]

الخبير :) ماتقصر

ذكرتني بمجموعه من زمان مامريت عليهم يقعدون مقابل فيلا مودا

الله يذكرهم بالخير

وهني وعافيه وكوفي رايق باذن الله

[q8_investor]

ترى كل الي قاعد اصير من وراى راس
الارهابي الي فجر بالمسرح ... اقولكم انتم
مستهدفيد بس ماتصدقون

[مغروور قطر]

اخوي كويتي صارت في كذا دوله من دول الخليج ومانزل سوقهم وش دخل الله يهديك

[bo_yousif]

ترى كل الي قاعد اصير من وراى راس
الارهابي الي فجر بالمسرح ... اقولكم انتم
مستهدفيد بس ماتصدقون


الله يدوم الأمـــــــــــــــــــــــــــــــان

اقول عين خير ،،، واكرمنا بسكاااااتك

[قطر]

مبرمجنا الحمدلله اعترفت بسرع بسرعه جدامي بيعهم :eek:

انتعاش قاعد لنا جودوا في المصرف وجودا واتبيع من ورانا ... بس اعترف مابقت لك خريده فيه هههههههه


مغرور لالالا صدقني انا شاري من زمان وكله لمت اب دخلتوا معاي ثقلتوا الميزان صار كله داااااااااااون

هههههههههههه

[مغروور قطر]

قطر والله لا تقهرني بلعكس انا معروف عني محظوظ واي شركه اشتري فيها ترتفع الى السلام من سمعت نصيحتك

[قطر]

هههههههههههههههه مغرور لاتحطها علي ماسمعت نصيحتي انت

شفتني شرييييييييييييييت رحت شرررريت مثلي

ماشاورتني يااخي كنت بابيعك اسهمي

===============

بس ريلالالالالالالالالالالاكس

بكره بشوف كان اسيل لي شي من الصبح واشتري السلام

وشرايك تتعاون معاي كل واحد 100الف سهم ؟

بيطيرون الناس معانا

[إنتعاش]

ياخوي ايه والله

انا قصدي ابيعه الحين واشتريه عقب ساعه ساعتين واوفر لي كم ريال

مش اني ابيعه وانساه لا طبعا


لكن البلوى رجع رااااااااح فووووووووق

والحين ابيه ينزل لي تحت بس والله آخر مره يا مصرفي الحبيب

والله كل الاسهم ياقطر :(

[roadrunner]

قطر والله لا تقهرني بلعكس انا معروف عني محظوظ واي شركه اشتري فيها ترتفع الى السلام من سمعت نصيحتك

اذا عندك بالسلام يود اسهمك ولا تتهور ... عليها شي حلو ... 10% اسهم مجانية و 64% اكتتاب خاص بسعر 15 ريال ... بس صدقوني ان الي صاير اليوم من خرعة صغار المستثمرين .... واحنا سوقنا معروف .. يا انه كل الأسهم رايحة فوق يا انها كلها تحت ... اصبروا شوي لين نهاية الإسبوع وشوفوا ايش الي يصير ... بإذن الله بترتفع انشالله

[q8_investor]

يوسف ليش هل الاسلوب الحضاري
هد اعصابك ترى بس انت الي خسران
الكل نفس الحال ... ولاتخلي التغيرات تأثر
فيك .. هذي البورصة يبيلها قلب جامد وصبر
والي موقد العب لايدخل

[مغروور قطر]

قطر انت تبي توهقني انا استثمار طويل الاجل وموب بايع الى سنه الجايه

[الدانة عنود]

شسالفه اطلعو الشباب من كبار المستثمرين (((( قطر انتعاش مغروور ))

ترى انتو الي موهقينا يلكبار

[بيل جيتس]

28 سهم بيع فى العقاريه لتغيير السعر

[نوكيا]

رزيييييييييييييييييييييييييييييل
رزييييييييييييييييييييييييييييييل
رزييييييييييييييييييييييييل

واااااااحد شاري 28 سهم في العقارية ونزل السعر :mad: :mad:
يعني باجر السعر غير

[مغروور قطر]

متوقع تصير هل الصفقه لتنزيل اسهم وعادي لازم يتنفذ ولا تهتمون ان شاء الله ان شاء الله ارتفاع قادم لكم بقوه

[ابوعلي اليافعي]

>>>>>>>>>>>>>>>>>>>> :( >>>>>>>>>>>>> :mad:

[السلطــــان]

ييا جماعة الله يخليكم حد يروح يشتري في وقوود من الصبح وانا حاط اوردر بيع للحين ما تنفذ :(

[مغروور قطر]

ابو علي اليافعي عسى ماشر شفيك افا عليك انت خبير وعارف وضع الي صاير

[roadrunner]

28 سهم بيع فى العقاريه لتغيير السعر

الله لا يقول انشالله ... كاني اشيك عن طريج بنك الدوحة ولين الحين ما عليها تداول .... اتمنى هالخبر يكون غشمرة بس

[الدانة عنود]

صدقوني عندهم خلل في البرنامج ناس طالبه وناس عارضه على نفس السعر ليشش

ما يتنفذ الامر ليش ليش ليش

[بيل جيتس]

ياجماعه ويش سالفة الاسمنت حبه فوق وحبه تحت

خلهم يرسون على يافوق ياتحت مثل الباقى

[bo_yousif]

يوسف ليش هل الاسلوب الحضاري
هد اعصابك ترى بس انت الي خسران
الكل نفس الحال ... ولاتخلي التغيرات تأثر
فيك .. هذي البورصة يبيلها قلب جامد وصبر
والي موقد العب لايدخل

انا مش معصــــــب ،،،،

لكن اسلوبك اسلوب كويتي لارحت ولاجيت وهذا ماتعودناه منكم !!!

لكن بخوص التفجير والهبوط اللي تقول عنه (( لا تنسى ماضي الكويت )) يامستر كويتي

[قطر]

اشوووووووووووووووووف شاشة السوق والله على بالي الوقت انتهى هههههههههه
ماتتحرك


انتعاش خيرها بغيرها عساك مابعت كل الاسهم؟؟


مغرور قطر ............صدق مبرمجنا جود اسهم السلام ولاتهدها

تدري كم بيطلع لي متوسط بعد الاكتتاب بس قول ماشالله 25 تقريبا :)

[ابوعلي اليافعي]

والله يالمغرور انا زعلان لزعل الشباب والي كان حاط امل على هاليومين..لكن انشالله بكره احلى..بس جمدوا قلوبكم السوق يبيله قلب ونفس طويل..

[مغروور قطر]

اخوي ابو يوسف لو سمحت ولا نطلع برا موضوع الجلسه

[الدانة عنود]

ياجماعه ويش سالفة الاسمنت حبه فوق وحبه تحت

خلهم يرسون على يافوق ياتحت مثل الباقى


هو الله يسلمك محتار مع راعي البيت مره يقوله بيت شعبي مره يقوله عماره

[بيل جيتس]

حتى التخصصي قطعوا راسه ؟؟؟؟؟؟؟؟؟؟؟؟؟

[bo_yousif]

اخوي ابو يوسف لو سمحت ولا نطلع برا موضوع الجلسه


ابشر لكن انت تشوف اللي مايتسمى (( قصدي مستر كويتي )) ايش يقول ؟؟

[502]

وسعوا صدوركم يا شباب كلناربع واخوان...........

[قطر]

مبرمجنا صحيح

انزلت العقاريه وانباع فيها 28 سهم

وقلت لك انا اخر الوقت بيشترون

بس ليش 28 مادري
ليش مب 30 ولا 25

:)

[مغروور قطر]

شنو توقعاتكم حق بكره

[q8_investor]

ريلاكس شباب انتوا اكبر من هالاشيا

[بيـــزات]

وعسى ان تكرهوا شيً وهو خير لكم

والخيره فيما اختار الله

يوم لك ويوم عليك... دوافع وايد للصبر

وان شاء الله معينين خير

[بيل جيتس]

اخر دقايق فى السوق ولا يوجد اى تدول

والله غريبـــــــــــــــــــــه

[bo_yousif]

ريلاكس شباب انتوا اكبر من هالاشيا

[الدانة عنود]

امس قالو هاه السستم خربات علشان هشكل مارتفع السوق


مدري شعذرهم اليوم



اه متى اغمض عين وافتح عين وشوف نفسي جدام الانتر نت ابيع وشتري عن طريق دلاله

[الجزيرة]

........................ يا جماعة هذا انتحار جماعى للاسهم .... اعتقد انه طوفان الخساره

.. كلن يغنى على .....؟

[bo_yousif]

........................ يا جماعة هذا انتحار جماعى للاسهم .... اعتقد انه طوفان الخساره

.. كلن يغنى على .....؟

هههههههههههههههههههه والله انك صادق

[قطر]

تعبنا يابوعلي بكره احلا وبكره احلا انا قمت اتشائم مب من السوق من صغار المستثمرين الغير واعين والله

وال 5% اللي ماتسمح لك انك اتضارب وتحرك السوق شوي


يعني ان جيت بتشرتي تنصدم بال5%

وان جيت اتبيع تنصدم بطلبات الغير واعين وكمياتها

والله حاله

[الدانة عنود]

ارجوكم يا اخوان نحترم بعض ارجوكم ترى انتو اكبر من جذيه

[بيـــزات]

يا المستثمر الكويتي ويا بو يوسف

اذكروا الله يا جماعه... بغيناها طرب وصارت نشب


انتوا خوان عيب عليكم

[q8_investor]

ريلاكس شباب انتوا اكبر من هالاشيا

[502]

ريلاكس شباب انتوا اكبر من هالاشيا
اخوي بيوسف أرجو ان تتحلى بروح العفو والتسامح الي يوصي عليه ديننا الحنيف ولا تضايق عمرك

[مغروور قطر]

q8 ابو يوسف لو سمحتو احترمو المشرفين والناس الموجودين هذا منتدى له احترامه وتقديره مو شات لو سمحتو للمره الاخير

[roadrunner]

حطيت اورد طلب سهم واحد على العقاريه


ليكوووون هذا انت يا سهم طايش سويتها فينا بس .... انت كللللش مافي زين اذا صج

[bo_yousif]

يا المستثمر الكويتي ويا بو يوسف

اذكروا الله يا جماعه... بغيناها طرب وصارت نشب


انتوا خوان عيب عليكم


ابشر يابيــــــــــــــــــــــــــزات

واعتذر من الاخوان والاخوات

وآآآآآآآآآآآآآآآآآآآآآآسف يامغرور

[q8_investor]

والله على عيني وراسي من فوق
كلكم ... بس انتمو تشوفون اهو الله يهدا
غلط علي بعدين الكويت بعدين اهلي
عل العموم انا اسف بس عشان اعيونكم
ولاني اعرف طبع اهل قطر .. ادري انا
في شواذ عندنا وعندكم خير

[قطري]

بويوسف والاخ الكويتي
ارجو منكم اختيار الفاظكم

[الدانة عنود]

خلاص سلمو على بعض

[abu ali]

والله ياخوان شكل هوامير الداخل والخارج لعبو بنا البه من النوع الطيب

[q8_investor]

انشالله طال عمرك :)

[مغروور قطر]

اشكر الجميع على المشاركه وان شاء الله بيكون سوقنا احسن الايام القادمه وتفضلو معنا في برنامجكم ((( بعنــا وشرينــا )))

[bo_yousif]

بويوسف والاخ الكويتي
ارجو منكم اختيار الفاظكم


ابشـــــر يامشرفنا ،،،

وانا اعتذرت واكرر اعتذاري لكم

[إنتعاش]

الرجاء من الاخوان احترام الآخرين

لأن كلنا اخوان و من دول مجلس التعاون الخليجي

وضبط النفس بشكل اكبر

والإلتفات للامور المختصه بتحركات السوق بشكل بحت

- - - -

وهاذي الرساله الثانيه مني لكم بهذا الخصوص

وكلي أمل في تفهم المقصد والحفاظ على روح الاخوه والموده ما بيننا

[بيل جيتس]

ارجوكم يااخوان التزام الاحترام فيما بينكم واعلموا جميعا اننا جميعا اخوان عرب ومسلمين

وخلونا نركز فى السوق احسن من هذه المهاترات الى مامنها فايده

ارجوا ان لا احد يزعل مني...