@@ السكن مع أهل الزوج .. بين القبول والرفض @@

[بنـ الدحيل ـت]

موضوعنا لهذا اليوم :

(( السكن مع أهل الزوج .. بين القبول والرفض ))



قديماً كانت الفتاة عندما
يعرض عليها الشاب الزواج
فى بيت عائلته او مع امه تحديداً
كانت توافق بكل يسر وسهولة


وكانت البيوت لكبرها وتعدد غرف
النوم بها كانت تسكن عدة
إُسر فى بيت واحد
دون خوف او قلق من الخلافات
او رفض الزوجات لهذا الوضع
بل كثيراً ماكانوا يقمن سيدات
البيت بشغل المنزل بالتنسيق سوياً
وكثيراً كن يشتركن فى تحضير الولائم
لأسرهم فى سعادة ثم يجلسن ليتسامرن سوياً..!!
بل حتى الان يوجد فى بعض العائلات
في القرى من يتبعون هذة الطرق...


وكان يوجد من الشباب من يعانى من ضيق ذات اليد او دخله ضعيف
فكان يتفق مع عروسه على الزواج بها فى سكن فى بيت اسرته
وكانت ترحب وتسعد بهذا العرض وتتفائل خيرا بهذة الزيجه ..!!


ولكن الان اختلف الحال
واصبح شبة مستحيل
بان يعرض شاب على فتاة
الزواج منه فى بيت عائلته
او مع والدته حتى لو كانت مريضة
وليس لها ملجأ غير الاعتماد على ابنها


بل كثيرا ما ترفض الفتاة الزواج بشاب
حتى لو كانت تحبه وهى على يقين من انه سيسعدها
لتوافر المميزات التى تحتاجها فى شريك
حياتها لماذا لانه ليس لدية شقة
وسوف يجعلها تسكن مع اهله


بل وصل الحال بان الفتاة ترفض
ان تسكن فى دور او طابق خاص بها
اى ليست حجرة فى نفس البيت
وانما فى بيت مستقل بها ولكن
فى نفس العمارة او محل السكن
لماذا لان امه راح تراقبها فى
( الطالعه والنازله )


..

وسؤالي لكل الشباب

هل تفضل السكن فى بيت العائلة
ام تفضل الاستقلال بمنزل خاص بك..؟


واذا كنت تقوم بخدمة والديك
واصرت زوجتك الانتقال
او الاستقلال فى بيت خاص بكم
ماذا ستفعل ويكون رد فعلك..؟

وسؤالي لكل البنات..

هل تقبلين بالسكن فى بيت عائلة عريسك
ام تفضلين الاستقلال فى بيت خاص بك..؟


وما قولك اذا كان زوجك او عريسك
الابن الوحيد لوالدية او والدية
مسنين ويقوم برعايتهم
ولا يستطيع الانتقال بعيدا عنهم
لانهم يحتاجون الية ولخدمته لهم..؟


في إنتظار أرائكم ...

[دبلوماسية]

هل تقبلين بالسكن فى بيت عائلة عريسك
ام تفضلين الاستقلال فى بيت خاص بك..؟
اي اكيد باقبل اني اسكن معاه في بيت هله ..
بالعكس انا اشوف احسن .. خاصة اني باكون في بداية حياتي
الزوجية .. :nice: وللحين ماعرف كل شي ..
وبيكون في ناس وايد يساعدوني ويعلموني ..
حتى القعدة مع امه راح اتفيدني وايد ..
واكيد هي بتحبني وبتعتبرني مثل بنتها ..
واكثر بعد :shy: ..
اذا حريم اول قدروا .. احنا نقدر ..

والبنات اللي مايقبلون ماعندهم سالفة ..
لان مايدرون ان البيت المستقل .. يبيلها مسؤولية اكبر :nice:



وما قولك اذا كان زوجك او عريسك
الابن الوحيد لوالدية او والدية
مسنين ويقوم برعايتهم
ولا يستطيع الانتقال بعيدا عنهم
لانهم يحتاجون الية ولخدمته لهم..؟
انا اللي باقوله خلك في البيت .. وماعندي مانع
اعيش وياهم .. وباهتم فيهم ..
لان حالهم حال امي وابوي ..
وهو ولدهم الوحيد .. ومالهم غيره ..

" وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) "

[حقيقه]

الصراحه
على حسب اهل الزوج
فيه ناس نكديين
وفيه ناس مرحين
وفيه ناس اشرار
وفيه ناس طيبين
وفيه ناس يستاهلون الاعدام
وفيه ناس يستاهلون تحطهم على راسك

[amal qatar]

على حسب اهل الزوج .. في أهل اللهم ياكافي .. وفي اهل الود ودها البنت تعيش معاهم طول العمر

[بومحمد911]

موضوعك حلو والمناقشة فيه ستصبح جميلة (من ناحيتي انا ) واعوذ باالله من كلمة أنا

اذا كان وضع الاهل جيد من ناحية الام والاب وان هناك من يهتم فيهم ويقوم بتلبية حاجتهم او اذا كانوا يقدرون على القيام بواجباتهم افضل السكن خارج بيت الاهل

[سويسرا]

الموضوع جدا حساس..........والخوض فيه يبيله قلب......

باختصار ومن ناحيتي.......اشوف ان الموضوع له اكثر من اتجااااااه

ووايد القرار صعب...

وحسب الظروف....

تحيااااتي

[فتى الجود]

لول كانت تصير المشاكل لانهم كانوا يقولون حق ( الجنة )مرت الولد
اليوم عليك الطباخ وتنظيف البيت أو أنه شغل البيت يتوزع على البنات اللى في البيت
راعية البيت أو الأخوات أو حريم العيال
لكن الحيين ولله الحمد
أىبنت تتزوج توصل خامتها قبلها
فا ما أعتقد أنه في مشاكل

لكن رأي أنها أذا تقدر تطلع في بيت أفضل مليون مرة
لانه الأحتكاك يولد المشاكل

ويقولن الأوليين أبعد اللحم عن اللحم حتى لايخيس


ويمكن وجهة نظرى خاطئة

[clouds]

افضل السكن المستقل حتى لو اهل الزوج طيبين لان من حق الزوجه تكون لها خصوصيه
بس لو هو وحيد اهله او امه مره مسنه ومافي غيرها في البيت بناتها مثلا معرسات وماعندها حد فممكن اسكن معاها وارعاها ونفس الشي بالنسبه للاب
لكن لو البيت متروس شباب واخوانه قاعدين لا والف لا بيت خاص فيني احسن

[ولد النواخذه]

الحمدلله أنا شخصيا ساكن مع اهلي ومرتاح ىخر راحه بالقرب من والدي ووالدتي وابنائي ترعاهم والدتي لما تنشغل امهم والتفاهم كبير بين والدتي واخواتي وزجتي وماعندي ادنى مشكله بالعكس من الصعب أتخيل الوضع غير الي عليه الآن

[♣شيبةالنخرة♣]

هل تفضل السكن فى بيت العائلة
ام تفضل الاستقلال بمنزل خاص بك..؟

افضل الاستقلاليه في حالة المشاكل بين الزوجه والام او الاخوات ولكن ان كان التفاهم موجود والعلاقه طيبه فأفضل بيت العائله لما له من انس ..

واذا كنت تقوم بخدمة والديك
واصرت زوجتك الانتقال
او الاستقلال فى بيت خاص بكم
ماذا ستفعل ويكون رد فعلك..؟

التفاهم بيكون قبل الزواج في كل الامور وان كانت بنت اجاويد بتتحمل كل القرارات وان كانت من بنات هالايام (الدلع الماصخ اللي لازعلت ودني بيت اهلي) بتسوي مشاكل من تحت الارض هذي بيت ابوها اولى بها :) ..


ويا زين جلسات الاهل واللمه حتى الابناء بينشأون في جو حميمي وعلى المنهج اللي تربوا عليه اباءهم وامهاتهم ويتعلمون من الاجداد كل الامور اللي ما بيتعلمونها من الوالدين ..


يعطيك العافيه بنتي بنت الدحيل كالعاده في تميز دائم


مع تحيات\

ابوك الشيبة

[المرايا]

يا حلوها اللمة

يحصلي ام واب واقول لا ..؟؟

ما اظن ..

بالعكس القعدة في بيت اهله احلى وامتع وفيه الفايدة لي وله ..

وبالذات اذا كانوا كبار بالسن .. الا بقعد معاهم وبخدمهم وبحطهم على راسي ..

واذا عاملوني معاملة سيئة .. بيكون الاجر في صبري عليهم اكبر ..

امهاتنا اصبروا على اشيااء اكثر من اللي نسمع عنها الحين ..

ويا بخت اللي عندها شخص كبير بالسن في البيت ..

[جهام]

[quote=فتى الجود;4241352]
ويقولن الأوليين أبعد اللحم عن اللحم حتى لايخيس

[halah]

وسؤالي لكل البنات..

هل تقبلين بالسكن فى بيت عائلة عريسك
ام تفضلين الاستقلال فى بيت خاص بك..؟

أنا متزوجة وساكنة بروحي ومدري السؤال يشمل المتزوجين وألا بس العزابية

مدري اذا تسمحين بكتب رأيي لأن الموضوع شدني

انا من أشد المعارضين للسكن مع أهل الزوج

لأن الوحدة تتزوج وتبي تاخذ راحتها فبيتها

يعني تبي تلبس على راحتها ومع أهله لازم تكون محتشمة طول الوقت

تبي تطلع وتدخل بدون وجود مراقبين يعدون عليها طلعاتها ودخلاتها

تبي تطبخ أكل لها ولزوجها ومب مضطرة تحسب حساب أهله كلهم (أنا ما أقول ما تطرش لهم ولكن الوحدة فبداية حياتها يكون طباخها مب لين مناك ف ماتحب تسمع تعليقات من أهله)

وأهم شي من وجهة نظري ان الواحد يربي عياله على كيفه مب على مزاج المحيط اللي هو فيه(أنا ما أقصد ان الأهل يخربون بالعكس فيهم الخير والبركة لكن لي جيت تأدب ولدك كلن يدافع عنه وما يخلونك تلمسه ، و اذا كنت ما تحب ان عيالك يشوفون قنوات تلفزونية معينة وهي موجودة عند أهلك ف شبتسوي؟)



وما قولك اذا كان زوجك او عريسك
الابن الوحيد لوالدية او والدية
مسنين ويقوم برعايتهم
ولا يستطيع الانتقال بعيدا عنهم
لانهم يحتاجون الية ولخدمته لهم..؟

اذا كان مافي حد فالبيت غير أمه وأبوه مافي مانع

واذا كان هو اللي يساعد أهله وعنده أخوات واخوان صغار ممكن أرضى فبيت مستقل بجانب بيتهم أو داخل حوشهم (مب ملحق صغير لا بيت)

[hamoor4ever]

أنا متزوجة وساكنة بروحي ومدري السؤال يشمل المتزوجين وألا بس العزابية

مدري اذا تسمحين بكتب رأيي لأن الموضوع شدني

انا من أشد المعارضين للسكن مع أهل الزوج

لأن الوحدة تتزوج وتبي تاخذ راحتها فبيتها

يعني تبي تلبس على راحتها ومع أهله لازم تكون محتشمة طول الوقت

تبي تطلع وتدخل بدون وجود مراقبين يعدون عليها طلعاتها ودخلاتها

تبي تطبخ أكل لها ولزوجها ومب مضطرة تحسب حساب أهله كلهم (أنا ما أقول ما تطرش لهم ولكن الوحدة فبداية حياتها يكون طباخها مب لين مناك ف ماتحب تسمع تعليقات من أهله)

وأهم شي من وجهة نظري ان الواحد يربي عياله على كيفه مب على مزاج المحيط اللي هو فيه(أنا ما أقصد ان الأهل يخربون بالعكس فيهم الخير والبركة لكن لي جيت تأدب ولدك كلن يدافع عنه وما يخلونك تلمسه ، و اذا كنت ما تحب ان عيالك يشوفون قنوات تلفزونية معينة وهي موجودة عند أهلك ف شبتسوي؟)




اذا كان مافي حد فالبيت غير أمه وأبوه مافي مانع

واذا كان هو اللي يساعد أهله وعنده أخوات واخوان صغار ممكن أرضى فبيت مستقل بجانب بيتهم أو داخل حوشهم (مب ملحق صغير لا بيت)

تعجبني صراتج للاسف اغلب الردود غير واقعيه بس كلام في كلام ووقت الصج تقول ابي بيت بروحي

[غروب الشمس]

موضوع النقاش رائع ........انا عندي اخو وحيد متزوج ساكن في بيت الوالد الله يحفظه وزوجته تنطر اليوم اللي تطلع من بيتنا لبيتها الخاص حتى اخوي نفس الشي اللي ماسكه انه ماله بيت ومايقدر يتحمل المسؤليه
مضطر يعيش في بيت الوالد .
من ناحيتي لما انخطبت زوجي قال بصراحه انا ماقدر اسكنك بروحك عشان نكون على بينه ووافقت لعل وعسى بالمستقبل يغير رايه خاصه ان كل خواتي من تزوجوا على طول راحوا بيوتهم محد معاهم ومع السنوات اذكر زوجي لونطلع احسن حلو ان الواحد يستقل كان يرد على انا ما خدعتك وقلت لك من البدايه ماراح اطلع واسكت عنه فتره وارد اكرر محاولاتي بلا فايده نفس الرد يعطيني.
شوفوا زوجي مب الوحيد بالعيله اولا وماعليه قصور ثانيا بس بار باهله ويقول انهم بيستوحشون يفضى البيت عليهم ما تهون عليه نفسه يخليهم خاصه انه الاخير من الاولاد .(امه وابوه بصحتهم)
الحين قربت اكمل10 سنين معاهم واحلم اطلع من بيتهم لمملكتي الخاصه ؛اهل زوجي بالبدايه كانوا ملايكه بس بعد ماعرفوا شخصيتي شلون بدوا يتامرون علي ترا ان دخلت قالوا من وين جايه هاي كله برع وان طلعت قالوا وين رايحه متحكمين في عيالي وكان مالي حق اربيهم بطريقتي لما اسافر ام زوجي تمنع عيالي يروحون بيت الوالد خداماتي مايسمعوني يسمعون كلام صاحبه البيت( قهر حتى الخدم ) طبعا غير عيال الاخ والاخت الذكور البالغين يدرعمون عندي بلا احم ولا دستور بلا حجاب ولا........... اكلم خوات ريلي يطنشوني وريلي يقول خذي احتياطك خليك بالحجاب؟
دريولي ان طلبته بشي قال اول شي ماما تبي تطلع ومتى مابغيته ماحصلته ماخذينه والله اني لوابيه احجزه قبلها بيوم تخيلوا طبعا غير خوات الزوج مب كلهم طبعا قليلات ادب واستغلاليت وعيالهم مستلمين عيالي يجون عيالي يشكون لي فلانه خذت لعبتي او طجتني ليش يايمه ماتدافعين عنا وعماتنا يطجونا ويهاوشونا ....وغيره وغيره والله صبرت وتحملت كنت اصب غضبي بزوجي بعمايل اهله ويقول اصبري عشان خاطري دايما يوصيني بامه وابوه هم بالذات اتحملهم وسمعت كلامه يالله عطني الصبر.
اقول لكم ياما بكيت منهم وياما دعيت ان الله يهدي زوجي ويغير رايه بسالفه البيت ......حرمان في حرمان ما اسوي شي الابحساب ماقدر البس اللي ابيه ولا اغير ديكور المكان....... عيالي كبروا وصاروا يحلمون بالبيت مثلي انا مالي لسان مازعلتهم ولا جرحتهم بس اللي عرفته ان حريم عيالهم (الجناين)
كل وحده لسانها اطول من الثانيه ياخذون حقهم وحق عيالهم ووصلت باليد . والحين طلعت من هالكلام كله اني انا احسن جنه وان زوجي مايحصل مثلي وقالوها لي بس بعد شنو بعد ما كرهوني فيهم خلاصه الامر ان زوجي الله هداه قرر نسكن بروحنا والحين جاعدين نبني على نهايه السنه الجايه نكون باذن الله ساكنينه (توه باقي سنه ونص الله يعيني) اللي يسكن مع اهل الزوج لازم يكون عنده اعصاب من حديد او صبر ايوب ولا اؤيد ابدا ومطلقا السكن مع اهل الزوج اللي جاني مب شوي وماخفي كان اعظم .

[نشميّه]

اختي غروب الشمس
عجبني ردج صراحه قمة الواقعيه وقمة الصراحه .. والله يرزقج اللي تبينه
ويجزاج خير على صبرج :victory:

\

من وجهة نظري اذا وجد البيت يكون أحسن .. ع الأقل بداية حياتي وياه افهمه
ويفهمني ونعرف حق بعض مشاكلنا بينا وبين بعض ماتطلع ..
لكن اذا ماقدر يوفر لي بيت بروحي ماعندي مانع اعيش مع هله لكن الأهل لازم
يكونون طيبين محترمين علاقتهم زينه بزوجة ولدهم .. خواته محترمينها ..
مب شغالين مقالب .. ياما سمعنا من ربعنا , اخته تحرجني بطلباتها .. سوي لي وجيبي لي
وهو يهاوشني انا لاتسوين لها ولا شي .. تقوله زين اختك قالت لي انك انت رضيت لها !
يعني اخر شي السوالف تطيح في راس المره !
صراحه ساعات ام الزوج تضيق على مرته وتبط جبدها .. وتطلع العيب فيها
وتقهرها وتحكم في الشغالات والصبيان وعيالها والريل !! وماتبون تنقهر ؟
انا ماقول الا الله يرزق الطيبين نسوان طيبات .. :) ويوفقهم يارب

[Just a Gurl]

أنا متزوجة وساكنة بروحي ومدري السؤال يشمل المتزوجين وألا بس العزابية

مدري اذا تسمحين بكتب رأيي لأن الموضوع شدني

انا من أشد المعارضين للسكن مع أهل الزوج

لأن الوحدة تتزوج وتبي تاخذ راحتها فبيتها

يعني تبي تلبس على راحتها ومع أهله لازم تكون محتشمة طول الوقت

تبي تطلع وتدخل بدون وجود مراقبين يعدون عليها طلعاتها ودخلاتها

تبي تطبخ أكل لها ولزوجها ومب مضطرة تحسب حساب أهله كلهم (أنا ما أقول ما تطرش لهم ولكن الوحدة فبداية حياتها يكون طباخها مب لين مناك ف ماتحب تسمع تعليقات من أهله)

وأهم شي من وجهة نظري ان الواحد يربي عياله على كيفه مب على مزاج المحيط اللي هو فيه(أنا ما أقصد ان الأهل يخربون بالعكس فيهم الخير والبركة لكن لي جيت تأدب ولدك كلن يدافع عنه وما يخلونك تلمسه ، و اذا كنت ما تحب ان عيالك يشوفون قنوات تلفزونية معينة وهي موجودة عند أهلك ف شبتسوي؟)




اذا كان مافي حد فالبيت غير أمه وأبوه مافي مانع

واذا كان هو اللي يساعد أهله وعنده أخوات واخوان صغار ممكن أرضى فبيت مستقل بجانب بيتهم أو داخل حوشهم (مب ملحق صغير لا بيت)


:victory:

[halah]

تعجبني صراتج للاسف اغلب الردود غير واقعيه بس كلام في كلام ووقت الصج تقول ابي بيت بروحي


اللي ردوا بهالردود أتوقع والله العالم انهم مب متزوجات وصغار فالعمر

وما شافوا اللي يصير على ارض الواقع

[halah]

:victory:


مشكورة اختي

واذا كنتي مب متزوجة

لي تزوجتي حطي شرط السكن فبيت بروحج فالعقد

[hamoor4ever]

موضوع النقاش رائع ........انا عندي اخو وحيد متزوج ساكن في بيت الوالد الله يحفظه وزوجته تنطر اليوم اللي تطلع من بيتنا لبيتها الخاص حتى اخوي نفس الشي اللي ماسكه انه ماله بيت ومايقدر يتحمل المسؤليه
مضطر يعيش في بيت الوالد .
من ناحيتي لما انخطبت زوجي قال بصراحه انا ماقدر اسكنك بروحك عشان نكون على بينه ووافقت لعل وعسى بالمستقبل يغير رايه خاصه ان كل خواتي من تزوجوا على طول راحوا بيوتهم محد معاهم ومع السنوات اذكر زوجي لونطلع احسن حلو ان الواحد يستقل كان يرد على انا ما خدعتك وقلت لك من البدايه ماراح اطلع واسكت عنه فتره وارد اكرر محاولاتي بلا فايده نفس الرد يعطيني.
شوفوا زوجي مب الوحيد بالعيله اولا وماعليه قصور ثانيا بس بار باهله ويقول انهم بيستوحشون يفضى البيت عليهم ما تهون عليه نفسه يخليهم خاصه انه الاخير من الاولاد .(امه وابوه بصحتهم)
الحين قربت اكمل10 سنين معاهم واحلم اطلع من بيتهم لمملكتي الخاصه ؛اهل زوجي بالبدايه كانوا ملايكه بس بعد ماعرفوا شخصيتي شلون بدوا يتامرون علي ترا ان دخلت قالوا من وين جايه هاي كله برع وان طلعت قالوا وين رايحه متحكمين في عيالي وكان مالي حق اربيهم بطريقتي لما اسافر ام زوجي تمنع عيالي يروحون بيت الوالد خداماتي مايسمعوني يسمعون كلام صاحبه البيت( قهر حتى الخدم ) طبعا غير عيال الاخ والاخت الذكور البالغين يدرعمون عندي بلا احم ولا دستور بلا حجاب ولا........... اكلم خوات ريلي يطنشوني وريلي يقول خذي احتياطك خليك بالحجاب؟
دريولي ان طلبته بشي قال اول شي ماما تبي تطلع ومتى مابغيته ماحصلته ماخذينه والله اني لوابيه احجزه قبلها بيوم تخيلوا طبعا غير خوات الزوج مب كلهم طبعا قليلات ادب واستغلاليت وعيالهم مستلمين عيالي يجون عيالي يشكون لي فلانه خذت لعبتي او طجتني ليش يايمه ماتدافعين عنا وعماتنا يطجونا ويهاوشونا ....وغيره وغيره والله صبرت وتحملت كنت اصب غضبي بزوجي بعمايل اهله ويقول اصبري عشان خاطري دايما يوصيني بامه وابوه هم بالذات اتحملهم وسمعت كلامه يالله عطني الصبر.
اقول لكم ياما بكيت منهم وياما دعيت ان الله يهدي زوجي ويغير رايه بسالفه البيت ......حرمان في حرمان ما اسوي شي الابحساب ماقدر البس اللي ابيه ولا اغير ديكور المكان....... عيالي كبروا وصاروا يحلمون بالبيت مثلي انا مالي لسان مازعلتهم ولا جرحتهم بس اللي عرفته ان حريم عيالهم (الجناين)
كل وحده لسانها اطول من الثانيه ياخذون حقهم وحق عيالهم ووصلت باليد . والحين طلعت من هالكلام كله اني انا احسن جنه وان زوجي مايحصل مثلي وقالوها لي بس بعد شنو بعد ما كرهوني فيهم خلاصه الامر ان زوجي الله هداه قرر نسكن بروحنا والحين جاعدين نبني على نهايه السنه الجايه نكون باذن الله ساكنينه (توه باقي سنه ونص الله يعيني) اللي يسكن مع اهل الزوج لازم يكون عنده اعصاب من حديد او صبر ايوب ولا اؤيد ابدا ومطلقا السكن مع اهل الزوج اللي جاني مب شوي وماخفي كان اعظم .

مهما كان ذول اهل زوجج مايجوز تتكلمين عنهم بالطريقه هاذي اختي مع اني احس انج متحامله عليهم شوي ، الله يعينج

[hamoor4ever]

مشكورة اختي

واذا كنتي مب متزوجة

لي تزوجتي حطي شرط السكن فبيت بروحج فالعقد

مب شرط تحط بالعقد ترى عقب الزواج العقد وشروطه مايسوي شي الا ابغض الحلال ، لكن التفاهم شي زين بين بعض سواء تسكن في بيت اهله او تقعد ببيت بروحها وياما ناس قعدو عند اهل الزوج من غير مشاكل وياما ناس في بيوت بروحهم وبينهم مشاكل ! بالنهايه يعتمد على الشخص نفسه وعلى اهل البيت يمكن يعزونها وترتاح اكثر من لو ببيت بروحها والعكس صحيح بعد

شكرا للموضوع

[i.qatar]

الردود تحطم الواحد الصراحة ..
هذا سبب من اسباب تأخري عن الزواج .. ( السكن )
بحكم وظيفتي صعب علي اني اسكن زوجتي في بيت بروحها
وفي نفس الوقت اعذر البنت اللي ماتوافق على السكن
مع اهل الزوج . . لكن تكون صريحه من البدايه
مش تغير رايها بعد الملكه . . !

وعندي سؤال اختي بنت دحيل والسؤال موجه لباقي الخوات
بالنسبه للبنت .. من هم اهل الزوج ؟
يعني حتى لو اقتصروا على امه وابوه مثلا تعتبر الامر مرفوض؟

طيب سؤال ثاني للتوضيح بس
لو بعد الزواج جاب الزوج امه وابوه وسكنهم عنده
في البيت .. لانهم كبار مثلا ومايبهم يسكنون بروحهم في البيت
هل يعتبر هذا الشي مرفوض عن البنت اللي ترفض السكن
عند اهل الزوج ؟

[hamoor4ever]

الردود تحطم الواحد الصراحة ..
هذا سبب من اسباب تأخري عن الزواج .. ( السكن )
بحكم وظيفتي صعب علي اني اسكن زوجتي في بيت بروحها
وفي نفس الوقت اعذر البنت اللي ماتوافق على السكن
مع اهل الزوج . . لكن تكون صريحه من البدايه
مش تغير رايها بعد الملكه . . !

وعندي سؤال اختي بنت دحيل والسؤال موجه لباقي الخوات
بالنسبه للبنت .. من هم اهل الزوج ؟
يعني حتى لو اقتصروا على امه وابوه مثلا تعتبر الامر مرفوض؟

طيب سؤال ثاني للتوضيح بس
لو بعد الزواج جاب الزوج امه وابوه وسكنهم عنده
في البيت .. لانهم كبار مثلا ومايبهم يسكنون بروحهم في البيت
هل يعتبر هذا الشي مرفوض عن البنت اللي ترفض السكن
عند اهل الزوج ؟

بصراحه الحق مايزعل اذا مالقيت بالدوحه ترى بنات الناس وايد وبتلاقي كثير يرضون ويتمنون انهم يسكنون في بيت اهلك افتر انت شوي على دول الخليج وبتلاقي طلبك لان الحق يقال بالدوحه بتتعب ويمكن ماتحصل حد ، لكن بتلاقي ناس اتحب البساطه وترضى بالقليل ومن بغى الحلال الله ايسر له

سلام عليكم

[المغترب 123]

ارفض وبقوة
والمثل يقول روح بعيد تعال سالم
لو كانت اختي مخطوبة لشاب وهو (( اخر الشباب المحترمين )) ولا يستطيع ان يوفر لها مسكن خاص يسجل في عقد الزواج فطبعا الرفض سيكون قرارنا
عذرا ولكن مشاكل الاهل لا تنتهي اما الام او الاب او اخوان الزوج او خواته الخ ,,,,,,, وهلم جر وعن قصص ومعاشره بعض اصحابها من الزملاء الاخوة المتزوجين الابتعاد عن الاهل اسلم طريقة وافضل طريقة ليستمر وينجح الزواج
ومعظم الطلاق يحدث بسبب مشاكل الاهل واستطيع ان اقول 90% بسببهم
مراقبينها في الطالعه والنازله الا اكلت كذا الا شربت كذا الا زوجها فعل كذا الا كذا وهذه الامور طبيعيه جدا وذلك ان الانسان بطيعته غيور والغيره تولد انفعالات ويفعلوها الكبار ويقعو فيها ضحايا الصغار (( العرسان الجدد )) الخ ,,,,,,,,
والبيت هي مملكه العروس الخاصة
اذا كان لايستطيع توفر لها مسكن يليق بها فالافضل ان لا يتزوج ويعيش في مسكن ابيه ولا يتحمل مسوليه زوجه واطفال وبيت
لذلك لا انصح اي شاب او فتاه الزواج بدون وجود منزل مستقل
نعم هذه هي السعادة الزوجية الحقيقية لا ترضين بغرفة او ملحق فالاقتراب من اهل الزوج يعني مشاكل لا تنتهي ولا حصر لها وتربص لكي في كل لحظه ومحاولة الاصطياد في الماء العكر
والله يشهد اني لم اقول ذلك الا لتجارب بعض الاخوة التي انتهت معظمها بالمحاكم والطلاق ولم نجد لها حل وهو الزواج والعيش مع الاهل او بالقرب منهم في ملحق او غيره
اعتقد بان الشاب الجاد في فكرة الزواج والاستقرار سيوفر مسكن لكي بدلا من سيارة فارهه ينتهي موديلها وتذهب اموالها مهب الريح وتذهب هي خرده الى كراجات الصناعية
في رايي بان هذه الايام سيكون طلب المسكن على المتقدم لطلب يد الفتاه شرط اساسي ويسجل في عقد الزواج وخاصة بعد المشاكل التي سمعنا عنها ونعاصرها ومن طلاق وتشرد الابناء
ومن لا يعي ذلك فل يذهب الى المحاكم ليرى ويسمع العجب بنفسه
اختي غروب الشمس كلامج واقعي جدا وهذا وصف بسيط مما ذكرتيه وما خفي كان اعظم
وشكرااااا اختي على الموضوع الرائــــــــع

أبعد عن الشر وغنيله






موضوع النقاش رائع ........انا عندي اخو وحيد متزوج ساكن في بيت الوالد الله يحفظه وزوجته تنطر اليوم اللي تطلع من بيتنا لبيتها الخاص حتى اخوي نفس الشي اللي ماسكه انه ماله بيت ومايقدر يتحمل المسؤليه
مضطر يعيش في بيت الوالد .
من ناحيتي لما انخطبت زوجي قال بصراحه انا ماقدر اسكنك بروحك عشان نكون على بينه ووافقت لعل وعسى بالمستقبل يغير رايه خاصه ان كل خواتي من تزوجوا على طول راحوا بيوتهم محد معاهم ومع السنوات اذكر زوجي لونطلع احسن حلو ان الواحد يستقل كان يرد على انا ما خدعتك وقلت لك من البدايه ماراح اطلع واسكت عنه فتره وارد اكرر محاولاتي بلا فايده نفس الرد يعطيني.
شوفوا زوجي مب الوحيد بالعيله اولا وماعليه قصور ثانيا بس بار باهله ويقول انهم بيستوحشون يفضى البيت عليهم ما تهون عليه نفسه يخليهم خاصه انه الاخير من الاولاد .(امه وابوه بصحتهم)
الحين قربت اكمل10 سنين معاهم واحلم اطلع من بيتهم لمملكتي الخاصه ؛اهل زوجي بالبدايه كانوا ملايكه بس بعد ماعرفوا شخصيتي شلون بدوا يتامرون علي ترا ان دخلت قالوا من وين جايه هاي كله برع وان طلعت قالوا وين رايحه متحكمين في عيالي وكان مالي حق اربيهم بطريقتي لما اسافر ام زوجي تمنع عيالي يروحون بيت الوالد خداماتي مايسمعوني يسمعون كلام صاحبه البيت( قهر حتى الخدم ) طبعا غير عيال الاخ والاخت الذكور البالغين يدرعمون عندي بلا احم ولا دستور بلا حجاب ولا........... اكلم خوات ريلي يطنشوني وريلي يقول خذي احتياطك خليك بالحجاب؟
دريولي ان طلبته بشي قال اول شي ماما تبي تطلع ومتى مابغيته ماحصلته ماخذينه والله اني لوابيه احجزه قبلها بيوم تخيلوا طبعا غير خوات الزوج مب كلهم طبعا قليلات ادب واستغلاليت وعيالهم مستلمين عيالي يجون عيالي يشكون لي فلانه خذت لعبتي او طجتني ليش يايمه ماتدافعين عنا وعماتنا يطجونا ويهاوشونا ....وغيره وغيره والله صبرت وتحملت كنت اصب غضبي بزوجي بعمايل اهله ويقول اصبري عشان خاطري دايما يوصيني بامه وابوه هم بالذات اتحملهم وسمعت كلامه يالله عطني الصبر.
اقول لكم ياما بكيت منهم وياما دعيت ان الله يهدي زوجي ويغير رايه بسالفه البيت ......حرمان في حرمان ما اسوي شي الابحساب ماقدر البس اللي ابيه ولا اغير ديكور المكان....... عيالي كبروا وصاروا يحلمون بالبيت مثلي انا مالي لسان مازعلتهم ولا جرحتهم بس اللي عرفته ان حريم عيالهم (الجناين)
كل وحده لسانها اطول من الثانيه ياخذون حقهم وحق عيالهم ووصلت باليد . والحين طلعت من هالكلام كله اني انا احسن جنه وان زوجي مايحصل مثلي وقالوها لي بس بعد شنو بعد ما كرهوني فيهم خلاصه الامر ان زوجي الله هداه قرر نسكن بروحنا والحين جاعدين نبني على نهايه السنه الجايه نكون باذن الله ساكنينه (توه باقي سنه ونص الله يعيني) اللي يسكن مع اهل الزوج لازم يكون عنده اعصاب من حديد او صبر ايوب ولا اؤيد ابدا ومطلقا السكن مع اهل الزوج اللي جاني مب شوي وماخفي كان اعظم .

[مسمس12]

انا الصراحة كنت اتمنى من كل قلبي اسكن معاهم لكن على قولتهم تاتي الرياح بما لاتشتهي السفن للاسف قالي ان بيتهم ماايكفي وبنطلع بروحنا بصراحة زعلت بس يالله اهم شي التوفيق سواء معاهم او برى

[anything99]

اعتقد صعب جدا ان تعيش اسرة ضمن اسرة اخرى .. وان كان الوالدان بحاجة ابنهم المتزوج فيمكن ان يسكنوا في منزليين متجاوريين .. لكل منهما مدخله الخاص .. ويكون الابن في خدمتهم طوال الوقت .. لكن منزل واحد سواء بغرفة او ملحق .. صعب جدا ولن تنتهي المشاكل والتدخلات .. مهما كانوا الاهل والزوجة طيبين ..

[مسمس12]

اعتقد صعب جدا ان تعيش اسرة ضمن اسرة اخرى .. وان كان الوالدان بحاجة ابنهم المتزوج فيمكن ان يسكنوا في منزليين متجاوريين .. لكل منهما مدخله الخاص .. ويكون الابن في خدمتهم طوال الوقت .. لكن منزل واحد سواء بغرفة او ملحق .. صعب جدا ولن تنتهي المشاكل والتدخلات .. مهما كانوا الاهل والزوجة طيبين ..



انا اخالفج الراي

بالعكس اذا الزوجه بحالها ونيتها صافية معاهم من البداية ماراح تصير مشاكل بالعكس انا اشوف عادي الامر بالعكس والله احلى اتكونين مع اهله ولا تقعدين بروحج وبعدين الحين الاهل ماايتدخلون بحياتهم نفس قبل الا عاد اذا فيه عمات شريات ايدورن الهوشات هذا شي ثاني :anger1:

وبعدين الزوجه ماراح تقعد معاهم كل العمر اكيد مرجعها بتطلع وبستقر ببيت العمر مجرد فترة واتعدي

[قطريه ماركه]

كللللللللللللل اللي أعرفهم اسكنوا في بيت أهل الزوج مدة من الزمن قد تمتد الى دخول أول طفل المدرسه ..

بعدين اطلعوا بروحهم ..

و أصلا أريح حق الوحده تسكن مع اهل الزوووج من جمييع الجواانب ..

الاكل جاهز .. جدتهم عندهم اذا كانت موظفة والا تدرس تروح وهي مرتاحه ..

وحتى لو اسكنوا عندها اهلا وسهلا .. بركة البيت هالعيايز والشيبان ......

[ALREEM]

باختصار ومن ناحيتي.......اشوف ان الموضوع له اكثر من اتجااااااه

ووايد القرار صعب...

وحسب الظروف....

تحيااااتي

:nice: رايي من رايك ..

يعطيكم العافيه :)

[ANONYMOUS]

مشكورة اختي

واذا كنتي مب متزوجة

لي تزوجتي حطي شرط السكن فبيت بروحج فالعقد


لحووول

هذي اللي بتخرب بناتنا..

اختي على ايامج كان البيت ب 100 الف وانقز..

الحين البويت ب مليون ونص..

اقول قولي خير ولا اصمتي

[غروب الشمس]

اخوي هامور اهل زوجي ماغلطت عليهم من خلال ردي بالعكس حبيت اشارك الرأي بالموضوع انا شايلتهم على راسي وطلباتهم اوامر ولي مواقف لاتحصى (مابي اخرب اجري) وتراني لين الحين ماقلت شي هذي نقطه في بحر و ربي يشهد علي اني اجعد واضحك معاهم ولا كأن فيني شي كاتمه همي وضيقه خاطري بقلبي محد يدري به غير ريلي بداخلي شي مكسور مب راضي يتصلح خلها على الله بس مانكر انا شايله عليهم كلهم امه وابوه وخواته اللي سووه مب شوي لأن مازال الشريط مستمر .

[حقيقه]

برد على بعض البنات

كل بنت تقول عادي اسكن معاهم ومافيه احلى من القعده مع اهل الزوج ان كانو الوالدين او الاخوات او الاخوان او ابناءهم ..
اقولها هذا مجرد كلام كلام ، بس في الواقع كل شيء راح يتغير
تحملي تقولين موافقه على هالشيء لانه بعد التجربه بتحسفين وماتقدرين تقولين طلعوني من هالبيت بيقولون لس هذا قرار انتي اتخذتيه وكنتي موافقه عليه
وان شاءالله الله يجمعنا معاكم وانشوف ردودكم بعد الزواج
وفي البعد احسن << ابعد عن الشر وغنيلوه :nice:

فيه بنات دمروهم اهل الزوج
حسبي الله ونعم الوكيل حسبي الله ونعم الوكيل

ونرد ونقول البعضضضضضضضضضضض

[المرايا]

اللي ردوا بهالردود أتوقع والله العالم انهم مب متزوجات وصغار فالعمر

وما شافوا اللي يصير على ارض الواقع

هلا اختي

اسمحيلي في ذي النقطة

مش عشاان البنت صغيرة والا ما جربت الحياة الزوجية ..

بس اعتقد ان كل انساان عاارف هو شلوون يفكر .. وشلون اسلوبه وطريقته في التعامل ..

في بناات خلقهم ضيق .. يعني بالهم مش طويل .. ما يقدروون يتعاملون او يتأقلمون مع اهل الزوج

وفي العكس ..

انا ما انكر ان في اهل زوج ما ينطااقوون .. بس ما نقدر نعمم الموضوع على الكل ..

اختي قااعدة مع اهل زووجهاا صاار لها 10 سنين .. وبيتهم جااهز ومأجرينه .. ما يبوون يطلعوون ..

وصدقيني بالذاات اذا كانوا كباار في السن .. يا بختها اللي تخدمهم ..

واذا الرجاال ما يقدر يفتح له بيت .. ؟؟ شراايكم ما يتزوج ..؟؟ لان البنت تبي بيت برووحها ..؟؟

طيب تصبر معاه بنت النااس لين الله يفتحها عليه .. ويقدر يوفر لها طلباتها ..

ما اختلف ان البنت لا فكرت تتزوج .. يعني تبي الراحة والاستقرار ..

بس هذا ما يمنع انها تتنازل شوي عشاان رااحة زوجها ..

ليش يحتدوون الشبااب انهم يتزوجون من برا الديرة .. ؟؟

يسروا الامور .. وبتلقوون التيسير من الله ..

[المرايا]

برد على بعض البنات

كل بنت تقول عادي اسكن معاهم ومافيه احلى من القعده مع اهل الزوج ان كانو الوالدين او الاخوات او الاخوان او ابناءهم ..
اقولها هذا مجرد كلام كلام ، بس في الواقع كل شيء راح يتغير
تحملي تقولين موافقه على هالشيء لانه بعد التجربه بتحسفين وماتقدرين تقولين طلعوني من هالبيت بيقولون لس هذا قرار انتي اتخذتيه وكنتي موافقه عليه
وان شاءالله الله يجمعنا معاكم وانشوف ردودكم بعد الزواج
وفي البعد احسن << ابعد عن الشر وغنيلوه :nice:

فيه بنات دمروهم اهل الزوج
حسبي الله ونعم الوكيل حسبي الله ونعم الوكيل

ونرد ونقول البعضضضضضضضضضضض

صدقتي .. البعض ..

وهالبعض .. تقدرين تعرفينهم من اسلووبهم .. وحتى نظرااتهم ..

وهني تقررين اذا بامكانج تقعدين معااهم او لا ..

[المرايا]

الردود تحطم الواحد الصراحة ..
هذا سبب من اسباب تأخري عن الزواج .. ( السكن )
بحكم وظيفتي صعب علي اني اسكن زوجتي في بيت بروحها
وفي نفس الوقت اعذر البنت اللي ماتوافق على السكن
مع اهل الزوج . . لكن تكون صريحه من البدايه
مش تغير رايها بعد الملكه . . !

وعندي سؤال اختي بنت دحيل والسؤال موجه لباقي الخوات
بالنسبه للبنت .. من هم اهل الزوج ؟
يعني حتى لو اقتصروا على امه وابوه مثلا تعتبر الامر مرفوض؟

طيب سؤال ثاني للتوضيح بس
لو بعد الزواج جاب الزوج امه وابوه وسكنهم عنده
في البيت .. لانهم كبار مثلا ومايبهم يسكنون بروحهم في البيت
هل يعتبر هذا الشي مرفوض عن البنت اللي ترفض السكن
عند اهل الزوج ؟

ما اشوف ان الامر مرفووض .. بالعكس .. بالذاات اذا البنت انحرمت من امها وابوها .. احس انها بتحااول تعوض اللي افقدته مع امه وابووه ..

واذاا فكر انه يجيبهم عنده .. عشاان ماا عندهم حد يعيلهم .. ما اعتقد في بنت تحرم زوجها او نفسها من الاجر ببره لوالدينه ..

اللي متأكدة منه انها بتسااعده .. لان اللي بتسويه هي ويااه معاهم ..

رااح تجنيه في المستقبل مع عياالهاا ..

[>>> غــمـــوض <<<]

في رايـي ،,.،، في بداية الحياة الزوجيــه افضل اقعد مع اهل زوجي بحيث اني احتك معاهم اكثر
يفهموني وافهمهم اكثر واهني العلاقة تصير اقرب وباخذ عليهم بسرعـــه
وانه انسانه بطبعي ماحب الوحده ابدا وموتــي اني اقعد بروحي في مكان
فشلون بعيش ببيت بروحي وانه ببداية حياتي لاعيال ولا شي
يعني بقضي وقتي في بيت امي او بيت اهله والبيت بيكون فاضي مو شي بصراحــه
وغير المسؤليه بتكون كبيره ،.،

الخلاصه كبداية افضل اعيش مع اهل زوجي
لكن اذا صار للوحده طفلين هني اوكي الوحده تروح تقعد ببيت بروحها
لانها بتحتاج لمكان اكبـر وتبي تحس انها عندها ممكتها الخاصــه تتصرف فيها بطريقتها

موضوع شيق
تحياتي لج
:nice:

[halah]

لحووول

هذي اللي بتخرب بناتنا..

اختي على ايامج كان البيت ب 100 الف وانقز..

الحين البويت ب مليون ونص..

اقول قولي خير ولا اصمتي

على أيامي شنهو يعني على أيامي

أولا انا توني ساكنة فبيت ملك

ثانيا من بداية زواجي و طوال الفترة اللي فاتت كنت ساكنة بإيجار على الحكومة

ثالثا الله يعز الحكومة ما تقصر (واللي يبي بياخذ بيت ايجار على الحكومة لين يجهز بيت العمر) والرجال لي اشتهى بيطلع بيت من تحت الأرض

رابعا ياليت النقاش يكون أرقى من جذي

[ANONYMOUS]

على أيامي شنهو يعني على أيامي

أولا انا توني ساكنة فبيت ملك

ثانيا من بداية زواجي و طوال الفترة اللي فاتت كنت ساكنة بإيجار على الحكومة

ثالثا الله يعز الحكومة ما تقصر (واللي يبي بياخذ بيت ايجار على الحكومة لين يجهز بيت العمر) والرجال لي اشتهى بيطلع بيت من تحت الأرض

رابعا ياليت النقاش يكون أرقى من جذي

معليش.. سوري ..

اللي ابي اوصل له.. ان ناس واجد مايقدرون يطلعون من بيت الاهل..

واللي عنده بيت او مقدره يوفر بيت اكيد بيجي يوم وبيطلع..

يعني مش معقوله انا عندي بيت او بيتين... وبصراني اسكن بغرفه ولا ثنتين ب بيت هلي.. !!

بس مايكون شرط الزواج بيت !!

لان المهوروتكاليف العرس ناس متعثرين فيها.. فما بالج في بيت بالسعر ولا الاجار الفلاني..

ارجوا ان قدرت اوضح وجهة نظري,,

وشكرا..

[halah]

هلا اختي

اسمحيلي في ذي النقطة

مش عشاان البنت صغيرة والا ما جربت الحياة الزوجية ..

بس اعتقد ان كل انساان عاارف هو شلوون يفكر .. وشلون اسلوبه وطريقته في التعامل ..

في بناات خلقهم ضيق .. يعني بالهم مش طويل .. ما يقدروون يتعاملون او يتأقلمون مع اهل الزوج

وفي العكس ..

انا ما انكر ان في اهل زوج ما ينطااقوون .. بس ما نقدر نعمم الموضوع على الكل ..

اختي قااعدة مع اهل زووجهاا صاار لها 10 سنين .. وبيتهم جااهز ومأجرينه .. ما يبوون يطلعوون ..

وصدقيني بالذاات اذا كانوا كباار في السن .. يا بختها اللي تخدمهم ..

واذا الرجاال ما يقدر يفتح له بيت .. ؟؟ شراايكم ما يتزوج ..؟؟ لان البنت تبي بيت برووحها ..؟؟

طيب تصبر معاه بنت النااس لين الله يفتحها عليه .. ويقدر يوفر لها طلباتها ..

ما اختلف ان البنت لا فكرت تتزوج .. يعني تبي الراحة والاستقرار ..

بس هذا ما يمنع انها تتنازل شوي عشاان رااحة زوجها ..

ليش يحتدوون الشبااب انهم يتزوجون من برا الديرة .. ؟؟

يسروا الامور .. وبتلقوون التيسير من الله ..

هلا اختي أحترم وجهة نظرج

هو مثل ما ذكرتي على حسب شخصية الوحدة في ناس تقدر تتحمل وفي ناس ما تقدر

عموما الزوج اللي عنده أمه وأبوه وبس الوحدة تاخذ فيهم أجر

لكن اذا كان البيت فيه إخوان وأخوات الزوج حتى لو كانوا صغار هني ما أنصح ان الوحدة تقعد معاهم فنفس البيت

وبالنسبة للتيسير أنا أشوف ان في أشياء ثانية ممكن الوحدة تتنازل عنها وتيسر فيها من الكماليات غير البيت اللي هو من الأساسيات

مثلا ممكن انها ما تبالغ فالمهر وتطلب مهر بالمعقول

قال النبي صَلَّى اللَّهُ عَلَيْهِ وَسَلَّمَ : (خير النكاح أيسره) وصححه الألباني
وقال صَلَّى اللَّهُ عَلَيْهِ وَسَلَّمَ : (خير الصداق أيسره) رواه الحاكم والبيهقي

وممكن بدال ما تسوي عرس يكلفها مئات الآلاف تسوي عرس على قدها

وبصراحة اللي قاعد يصير ان الزوج ينقص ظهره من الكماليات اللي مالها داعي واللي محد يستفيد منها لا هو ولا زوجته وبالتالي يضطر انه يترك الشي الأساسي مثل البيت

ف اذا احنا خففنا الزبو والزبرة والفشخرة شوي تأكدي ان معظم شبابنا بيقدرون يسكنون بروحهم

[halah]

معليش.. سوري ..

اللي ابي اوصل له.. ان ناس واجد مايقدرون يطلعون من بيت الاهل..

واللي عنده بيت او مقدره يوفر بيت اكيد بيجي يوم وبيطلع..

يعني مش معقوله انا عندي بيت او بيتين... وبصراني اسكن بغرفه ولا ثنتين ب بيت هلي.. !!

بس مايكون شرط الزواج بيت !!

لان المهوروتكاليف العرس ناس متعثرين فيها.. فما بالج في بيت بالسعر ولا الاجار الفلاني..

ارجوا ان قدرت اوضح وجهة نظري,,

وشكرا..


هلا

وجهة نظر أحترمها


وفعلا هذا بلا أبوك يا عقاب وانت حطيت يدك على العوق

(المهور وتكاليف الزواج اللي مالها داعي) هي سبب عدم مقدرة الشباب على السكن في منزل مستقل

ف ليش احنا ما نخفف من هالتكاليف بحيث ان الشاب يقدر يفتح بيت وهو مرتاح؟؟

[halah]

صاحبة الموضوع وينها ما بينت فالردود؟؟؟

[♣شيبةالنخرة♣]

معليش.. سوري ..

اللي ابي اوصل له.. ان ناس واجد مايقدرون يطلعون من بيت الاهل..

واللي عنده بيت او مقدره يوفر بيت اكيد بيجي يوم وبيطلع..

يعني مش معقوله انا عندي بيت او بيتين... وبصراني اسكن بغرفه ولا ثنتين ب بيت هلي.. !!

بس مايكون شرط الزواج بيت !!

لان المهوروتكاليف العرس ناس متعثرين فيها.. فما بالج في بيت بالسعر ولا الاجار الفلاني..

ارجوا ان قدرت اوضح وجهة نظري,,

وشكرا..


يا زين بنات اول ولا تجيك وحده تقول ابي مهر كذا وكذا ولا تقول سكني بروحي وتتشرط البنت الستيره يوم يجيها رجال كفو تقول اللهم لك الحمد


بس فرق الاجيال مشكله


اؤيدك في وجهة نظرك يا المجهوووول


مع تحيات\

ابوكم الشيبة

[بوحارب]

مافيه احلى من السكن مع الأهل

واذا ماتبي السحلية تسكن في بيت هلي بخليها تقعد عند امها لين ما تخيس ^^

[مسمس12]

مافيه احلى من السكن مع الأهل

واذا تبي السحلية تسكن في هلي بخليها تقعد عند امها لين ما تخيس ^^

هههههههههههههههههههههههههههههههههههههه


:nice: عجيب التعبير :nice:

[ورقــة أمــل]

انا اشوفه اوفر واريح
اكلي جاهز عيالي عند يدهم ويدتهم
بيتي نظيف وكلشي مرتب
مافكر في مصاريف ومسؤولية بيت ولا سندارة يهال
وبعدين العيايز والشيبان بركة البيت وزينته
وبالعكس هم عندهم الخبرة اللي يقدرون يربون فيها العيال احسن منا
وانا وحده تربيت بصراحة بهالطريقة
امي عاشت طول عمرها في بيت جدي وجدتي الله يرحمهم
وتربيت على يدهم اكثر من من ماربتني امي وحتى اكثر من ابووي
والحمدلله
صج ان امي تحملت اشياء وايد بس كانت تعتبرهم مثل امها وابوها وهم اعتبروها بنتهم ولا يقدرون يستغنون عنها لانها عرفت شلون تكسبهم وتخليهم يحبونها
ولو انا بعتبر ابو زوجي وامه هم امي وابووي صدقووني عمرها ما تكون في مشاكل
لكن المشكلة لما اهل الزوج يعتبرون الكنة ام المشاكل والزوجة تعتبر اهل زوجها سبب تعاستها الرئيسية
وبعدين يقولون لاجل عين تكرم مدينة
ولو الوحده تحب ريلها وتشوف سعادته في قربه من اهله فاكيد بتحاول قد ما تقدر انها تكسبهم

[المرايا]

هلا اختي أحترم وجهة نظرج

هو مثل ما ذكرتي على حسب شخصية الوحدة في ناس تقدر تتحمل وفي ناس ما تقدر

عموما الزوج اللي عنده أمه وأبوه وبس الوحدة تاخذ فيهم أجر

لكن اذا كان البيت فيه إخوان وأخوات الزوج حتى لو كانوا صغار هني ما أنصح ان الوحدة تقعد معاهم فنفس البيت

وبالنسبة للتيسير أنا أشوف ان في أشياء ثانية ممكن الوحدة تتنازل عنها وتيسر فيها من الكماليات غير البيت اللي هو من الأساسيات

مثلا ممكن انها ما تبالغ فالمهر وتطلب مهر بالمعقول

قال النبي صَلَّى اللَّهُ عَلَيْهِ وَسَلَّمَ : (خير النكاح أيسره) وصححه الألباني
وقال صَلَّى اللَّهُ عَلَيْهِ وَسَلَّمَ : (خير الصداق أيسره) رواه الحاكم والبيهقي

وممكن بدال ما تسوي عرس يكلفها مئات الآلاف تسوي عرس على قدها

وبصراحة اللي قاعد يصير ان الزوج ينقص ظهره من الكماليات اللي مالها داعي واللي محد يستفيد منها لا هو ولا زوجته وبالتالي يضطر انه يترك الشي الأساسي مثل البيت

ف اذا احنا خففنا الزبو والزبرة والفشخرة شوي تأكدي ان معظم شبابنا بيقدرون يسكنون بروحهم

صدقتي يالغاالية ..

اللي مبهدل البناات التفكير في يوم العرس وبس كأن الزواج هو يوم وااحد ..

وينقص ظهر هالمسكين .. على يووم ويااريت يعجب خلق الله ..

بس بعد ناادر ما تشووفين شااب عنده اللي يقدر يشتري فيه بيت .. والا حتى يأجر ..

وانتي شاايفة الوضع .. البيووت غاالية .. والإيجاار يااخذ نص الرااتب ..

انا ما اختلف معااج في ان البنت من حقها الاستقلالية .. في انها تقعد في مملكتها الخااصة بها

بس اذا كان بامكانها تأجل هالموضووع .. لين الله يسر لهم .. ويستحقون القرض العقااري ..

فليش ما تصبر ..؟؟

لان الموضووع مش موضووع بيت وبس .. البيت والخادمة والسيارة والسايق .. و ... و .... و .... ومصاريف لا لها اول ولا تاالي ..

والله المستعااان ..

[المرايا]

انا اشوفه اوفر واريح
اكلي جاهز عيالي عند يدهم ويدتهم
بيتي نظيف وكلشي مرتب
مافكر في مصاريف ومسؤولية بيت ولا سندارة يهال
وبعدين العيايز والشيبان بركة البيت وزينته
وبالعكس هم عندهم الخبرة اللي يقدرون يربون فيها العيال احسن منا
وانا وحده تربيت بصراحة بهالطريقة
امي عاشت طول عمرها في بيت جدي وجدتي الله يرحمهم
وتربيت على يدهم اكثر من من ماربتني امي وحتى اكثر من ابووي
والحمدلله
صج ان امي تحملت اشياء وايد بس كانت تعتبرهم مثل امها وابوها وهم اعتبروها بنتهم ولا يقدرون يستغنون عنها لانها عرفت شلون تكسبهم وتخليهم يحبونها
ولو انا بعتبر ابو زوجي وامه هم امي وابووي صدقووني عمرها ما تكون في مشاكل
لكن المشكلة لما اهل الزوج يعتبرون الكنة ام المشاكل والزوجة تعتبر اهل زوجها سبب تعاستها الرئيسية
وبعدين يقولون لاجل عين تكرم مدينة
ولو الوحده تحب ريلها وتشوف سعادته في قربه من اهله فاكيد بتحاول قد ما تقدر انها تكسبهم

100%
:victory:

[ورقــة أمــل]

100%
:victory:

ولا فراخ الجمعية :nice:

[بوحارب]

هههههههههههههههههههههههههههههههههههههه


:nice: عجيب التعبير :nice:

:ok2: