شركة التأمين تسرق وشماعتها الحكومة للأسف الشديد ..

[Store]

شركة التأمين تسرق وشماعتها الحكومة للأسف الشديد ..

يوم الجمعه الماضي تعرض لحادث سير عند اللاند مارك وللأسف الي دعمتي سائق شاب متهور سيارة الشخص المتسبب موديل 1985 وانا سياراتي موديل 2007 تضرر الباب الأيسر الأمامي والخلفي طبعاً هو غلطان اعتذر وقالي انروح المرور انا وايد تضايقت من الي صار الصج بس شاقول غير الحمدالله ان جات في الحديد وانا واعيالي بخير

رحت المرور وهذا ثاني حادث يصير معاي من شهرين تقريباً بعد دعمني واحد عند اشارات السد من قبل وتضرر الصدام الخلفي

المهم في الحادث الأول ألي كان عند اشارات السد رحت التأمين ألي في شارع حمد الكبير وصلحوا لي الجماعة السيارة في الشركة بدون نقاش الصج وبدون ماعور راسي بس تضررت كعطلة من غير سيارة

لكن في الحادث الثاني شركة التامين في الكائن مكانها بالدائري الثالث وألي اسمهم تأمين اسلامي للأسف عوروا راسي من الساعة 9 الى 11 وهم رافضين يودون سيارتي الشركة إلا أدفع 30% من قيمة التصليح
أو كراج ويصلح لي البيبان بدون تبديل أو وكالة الديهاتسو وبيصلحون لي السيارة بدون تبديل قطع غيار بعد او بيعطوني تعويض 1800 ريال وانا اتصرف

ايش رايكم بهذا الكلام

يوم سئلت وقلت ليش ماتصلح لي بالشركة السيارة ماطاف عليها سنتين قالي هذا قانون الدولة والحكومة هي الي تقول تدفع 30% قلت له عن الحادث الأول وشركة التامين صلحت لي في الوكالة غير كلامة وقالي كل شركة وسياستها

الموقف التعيس الصج أن موظف شركة التأمين من نفس المنطقة الي انا فيها وكم مره لقيته على الطريق ووصلته بس شاقول انه شخص مب شي كلش ولا حاول يساعدني العكس احس انه هو سبب تعاستي مع شركة التامين

وليش مايتغير قانون التأمين أذا كان لازم تندفع افلوس 20 % او 30% او 40 % من مبلغ التصليح لازم المتسبب هو ألي يدفع مب المتضرر لأزم يتغير القانون وانا ايش ذنبي او أي شخص غيري يكون ماشي بكل مايرضي الله وحسب القانون ويجي واحد مستهتر ويدعمه ويلعوزة من تأمين الى وكالة وصناعية وكراجات والله حرام وين الحل ؟

[كرستال]

لو سيارتك تكسي ... كان الريال المتسبب ملزوم يصلح سيارتك
ويدفع لك اجرة التكسي ليـــــــــــــــــــــن يطلع من الكراج


لكن الله يعينك

هذي مو اول مره اسمع عن المغالطات مع التامين الاسلامي

انا صارلي نفس الموضوع تقريبا بس مع شركة تامين عربية مغموره

تلعوزت وفي الاخير اضطريت اني اخذ تعويض وازيد من ع ندي عشان اضمن التصليح
لانهم في الاخير ما يتعاونون الا مع كراجات معينه بالصناعية تخدمهم وتصلح اي كلام


احيانا يجي في بالي ان شركة التامين هي واجهه للشخص المؤمن
بانه يختار شركه تسنده في حال لا قدر الله حصل شي


لكن .. الله يعينك على ما جاك

[Store]

لو سيارتك تكسي ... كان الريال المتسبب ملزوم يصلح سيارتك
ويدفع لك اجرة التكسي ليـــــــــــــــــــــن يطلع من الكراج


لكن الله يعينك

هذي مو اول مره اسمع عن المغالطات مع التامين الاسلامي

انا صارلي نفس الموضوع تقريبا بس مع شركة تامين عربية مغموره

تلعوزت وفي الاخير اضطريت اني اخذ تعويض وازيد من ع ندي عشان اضمن التصليح
لانهم في الاخير ما يتعاونون الا مع كراجات معينه بالصناعية تخدمهم وتصلح اي كلام


احيانا يجي في بالي ان شركة التامين هي واجهه للشخص المؤمن
بانه يختار شركه تسنده في حال لا قدر الله حصل شي


لكن .. الله يعينك على ما جاك

اللهم امين والله يجزيك خير

[هدهد سليمان]

من المفروض حتى في حالة التصليح من قبل شركات التأمين ان يتم منح سياره حتى الانتهاء من تصليح السياره في حالة انك مو انت اللي غلطان وغير ذلك ان يقوم مندوب التأمين بأخذ السياره وما يردها غير وانت راضي وهذا اللي شفناه في بعض الدول بالخارج .. ما اشوف التأمين يساعد في اي شي غير فقط تأمن عنده وعند حدوث الحادث لا سمح الله ينشف ريقك لين يصلح لك وعن نفسي دفعت نسبة 50% يالغالي مع اني مب اللي غلطان اشرايك ؟! زين قالوا لك 30% هم يرفعون فقط في قيمة التأمين وما في اي عرض يستحق الاشاده ..

[Sharshooooor]

عندي سيارة سبورت مأمنها تأمين شامل
وصار عندي خدشين بسيطين بصدام السيارة
رحت اصلحها عن طريق التأمين قالوا لي في مبلغ تحمل لازم تدفعة 5000ريال
ههههههههههههههههه
والتصليح كلة في الوكالة ياخذ 1500ريال بس !!!!

[Store]

من المفروض حتى في حالة التصليح من قبل شركات التأمين ان يتم منح سياره حتى الانتهاء من تصليح السياره في حالة انك مو انت اللي غلطان وغير ذلك ان يقوم مندوب التأمين بأخذ السياره وما يردها غير وانت راضي وهذا اللي شفناه في بعض الدول بالخارج .. ما اشوف التأمين يساعد في اي شي غير فقط تأمن عنده وعند حدوث الحادث لا سمح الله ينشف ريقك لين يصلح لك وعن نفسي دفعت نسبة 50% يالغالي مع اني مب اللي غلطان اشرايك ؟! زين قالوا لك 30% هم يرفعون فقط في قيمة التأمين وما في اي عرض يستحق الاشاده ..

الله يعينك المفروش والله يسون كل الي قلته بس يخافون مساكين على كبار المساهمين يتضررون

[Store]

عندي سيارة سبورت مأمنها تأمين شامل
وصار عندي خدشين بسيطين بصدام السيارة
رحت اصلحها عن طريق التأمين قالوا لي في مبلغ تحمل لازم تدفعة 5000ريال
ههههههههههههههههه
والتصليح كلة في الوكالة ياخذ 1500ريال بس !!!!

لصوص والله

بس تدري صارت معاي مره وبواسطه امنوا لي

[وتبقى الدنيا حلوه]

:( شنو هذا حرامي واجد

[sultanqtr]

للاسف ما في جهه تراقب و تدقق على عمل شركات التأمين
دائما يرجعون على الاتفاقية الى وقعوها مع الداخلية و بس

و لكن سير العمل مافى اي شئ اخر يحكمة

المهم ان شركات التامين تربح اكثر من السنة الى قبل و بس

اذا عندك واسطة عاملوك احسن معاملة
و اذا ما تعرف حد امن ضد الغير و صلح على احسابك احسن لك

طبعا شركات التامين ذبحتهم انك تأمن عندهم ضد الغير
لان القانون اجبرهم على التامين الاجباري للمركبات

و هم يشوفون ان المبلغ لتامين ضد الغير صغير جدا

فيحتالون على الناس

مثلا ايقولك اذا بتامن ضد الغير تعال الصبح من 5:30 الى الساعة 7:00 و خذ رقم
اما اذا تامين شامل تفضل الكونترات مفتوحة جدامك و ما عندهم شغل

المهم الربح فى النهاية
اما رضا العميل او حقوقة لها اللة بس

[Store]

:( شنو هذا حرامي واجد

وايد وايد وايد

[Store]

للاسف ما في جهه تراقب و تدقق على عمل شركات التأمين
دائما يرجعون على الاتفاقية الى وقعوها مع الداخلية و بس

و لكن سير العمل مافى اي شئ اخر يحكمة

المهم ان شركات التامين تربح اكثر من السنة الى قبل و بس

اذا عندك واسطة عاملوك احسن معاملة
و اذا ما تعرف حد امن ضد الغير و صلح على احسابك احسن لك

طبعا شركات التامين ذبحتهم انك تأمن عندهم ضد الغير
لان القانون اجبرهم على التامين الاجباري للمركبات

و هم يشوفون ان المبلغ لتامين ضد الغير صغير جدا

فيحتالون على الناس

مثلا ايقولك اذا بتامن ضد الغير تعال الصبح من 5:30 الى الساعة 7:00 و خذ رقم
اما اذا تامين شامل تفضل الكونترات مفتوحة جدامك و ما عندهم شغل

المهم الربح فى النهاية
اما رضا العميل او حقوقة لها اللة بس



والله ان كل كلامك صح 100%

[مخباط]

والله صج كلام صاحب الموضوع

انا قبل يومين رحت شركه الاسلاميه للتامين لتجديد السياره

انصدمت من قول الموظف لي ان موترك محظور ولن نجدده في الشركه

استغربت من كلامه وقلت له ليش انشاء الله الموتر محظور

قالي الموظف انك داعم قبل 6 شهور بورش وكلفنا تصليحه 9000 ريال

بعد ماسمعته قلتله الحادث كان قضاء وقدر

وال500 ولا600 اللي ندفعها كل سنه مب ضمان لنا من الحوادث

ولا تخذونها لمخابيكم

قاللي هذه سياسه الشركه

امحق سياسه شركه تتعامل بالمنظور الاسلامي

[بيرق]

شركات التامين سارت استغلالية لانهم حاولو يغيرون قيمة التامين الاجباري لكن الحكومة رفضت

[شسالفة...؟]

الأولى من الحكومه يا أما أنها تجبر شركات التأمين على تحمل كامل القيمة للحوادث أو أنها تلغي التأمين..!!!

[الموضوعي]

انا كنسلت التأمين الاسلامي على سياراتي من معاملتهم الغير الاسلامية