شحن السيارة إلى لبنان ..

[هجمة مرتدة]

أخواني ..

سمعت عن شركة الإرادة للشحن .. تشحن السيارات ..

في حد تعامل مع هالشركة من قبل ؟؟

وهل نقدر نحط أغراض في السيارة قبل ما نشحنها .. شنط سفر وكراتين وسجاد مثلاً ؟؟ هل أضمن أنهم ما راح ينفتحون ؟؟

علما أني رايح الإسبوع الجاي إلى بيروت .. ومحتاج أشحن السيارة هاليومين ..

أرجو الإفادة ....

[هجمة مرتدة]

,,,,,

[الدوحي7]

بتوفيق وعادي حط اغراض بس حط في بالك الاغراض مثل الاوات الكهرابائيه من ثلاجه ومن تلفزيون وماشابه اعتقد ياخذون عليها جمرك اذا مب مرجعهم ولكن اذا بترجعهم عادي بس خبر الى بياخذ سيارتك وحط الى تبقي فيها،،وانا ماتعاملت معاهم وان شاءالله حد بيفيدك في موضوعك، ولاتنسى ترابل تيك التامين،

[هجراوي]

أطلع فيها بر أحسن لك سوى مثلي أنا العام الماضي

طلعت فيها بر

لأي إستفسار عن طريق البر كلمني

أو ممكن أنك تسافر طيران من قطر الى السعوديه (( القريات ))

وتشحن السياره عن طريق السعوديه من الأحساء إلى القريات بمبلغ فقط 900 ريال ذهاب وأياب

عن طريق شحن البسامي

بعدها تعبر بسيارتك الى الأردن لمدة ساعه ونصف وتصل الجمارك السوريه

ثم من سوريا الى حدود لبنان تقريبا ساعتين

وعلى فكره رحلة البر من الأردن الى لبنان حلووووووووووووووه مره

[هجراوي]

بالنسبه للخط مافيه أي شئ إلا بعض التحويلات البسيطه فقط بالشرقيه

وإذا انك صاحب خطوط توكل على الله والطريق أمن بإذن الله

وعلى فكره

الطريق من الأحساء إلى الحدود الأردنيه 1600 كيلو متر

ومن الحدود الأردنيه الى الحدود السوريه 180 كيلو متر

ومن الحدود السوريه الى الحدود اللبنانيه 170 كيلو متر

من الحدود اللبنانيه الى داخل لبنان (( جونيه )) 25 كيلو متر

المسافه الكليه من الأحساء الى جونيه وسط لبنان 1975 كيلو متر

...................

وعلى فكره شحن السياره إذا أردت من الأحساء الى الحدود السوريه 900 ذهاب وأياب

وقيمة التربتيك بالجمارك 450 ريال

أو من داخل مدن المملكه بــ 550

تحياتي

[هجمة مرتدة]

بتوفيق وعادي حط اغراض بس حط في بالك الاغراض مثل الاوات الكهرابائيه من ثلاجه ومن تلفزيون وماشابه اعتقد ياخذون عليها جمرك اذا مب مرجعهم ولكن اذا بترجعهم عادي بس خبر الى بياخذ سيارتك وحط الى تبقي فيها،،وانا ماتعاملت معاهم وان شاءالله حد بيفيدك في موضوعك، ولاتنسى ترابل تيك التامين،

مشكور أخوي على المداخلة ..

بس شنو يعني ترابل تيك التامين ..

مالي علم في هالسوالف اسمحلي :secret:

[هجمة مرتدة]

أطلع فيها بر أحسن لك سوى مثلي أنا العام الماضي

طلعت فيها بر

لأي إستفسار عن طريق البر كلمني

أو ممكن أنك تسافر طيران من قطر الى السعوديه (( القريات ))

وتشحن السياره عن طريق السعوديه من الأحساء إلى القريات بمبلغ فقط 900 ريال ذهاب وأياب

عن طريق شحن البسامي

بعدها تعبر بسيارتك الى الأردن لمدة ساعه ونصف وتصل الجمارك السوريه

ثم من سوريا الى حدود لبنان تقريبا ساعتين

وعلى فكره رحلة البر من الأردن الى لبنان حلووووووووووووووه مره

والله بيني وبينك نفسي .. وفي خاطري أروح بر .. بس الأهل ما يرضون .. ويخافون علي ..

وكل شي الا الوالد والوالدة الله لا يحرمني منهم .. إذا قالوا لا .. يعني لا ..

تسلم أخوي :)

[eXpert*]

اذا ما راح أطول وايد هناك أجر لك احلى سيارة وخل سيارتك اهنيه. سواقة لبنان مب لين هناك .

[هجمة مرتدة]

اذا ما راح أطول وايد هناك أجر لك احلى سيارة وخل سيارتك اهنيه. سواقة لبنان مب لين هناك .

أخوي عندنا شقة هناك .. وراح أتم 6 شهور ..

فالأوفر أني أشحن السيارة ..

[الدوحي7]

مشكور أخوي على المداخلة ..

بس شنو يعني ترابل تيك التامين ..

مالي علم في هالسوالف اسمحلي :secret:

العفوا اخوي،، تقدر تروح عند اشارات كيوتل الى في مشيرب مقابل شركه المرسدس يوجد مكتب حقهم وقول لهم انك بتسافر لبنان وبيعطونك تربلتيك صراحه ماعرف اشلون الفظه ههه، وقول لهم ابقي تامين حق سيارتي انا مسافر لبنان ويمكن لبنان مايحتاجون بس الاردن اكيد يبقونه في لحدود،، واي شي تراني حاضر،واذا تبقي نقبض خط معا بعض بس اصبر شهر 7 وانا طالع على الشام ان شاءالله،