«مؤسسة قطر» تُعيد النظر في الرواتب والامتيازات [الأرشيف]

هدوء الصباح

03-06-2009, 08:49 AM

«مؤسسة قطر» تُعيد النظر في الرواتب والامتيازات

2009-06-03
الدوحة - هدى السراري
كشفت مصادر مطلعة لـ «العرب» أن مؤسسة قطر تعكف حالياً على إعادة النظر في الرواتب والامتيازات المخصصة لمنسوبيها.
ورجحت المصادر خفض الرواتب العالية والامتيازات التي يتقاضاها بعض العاملين في المؤسسة، وتوقعت أن تتم هذه الخطوة خلال الفترة المقبلة.
وتعد مؤسسة قطر واحدة من أفضل بيئات العمل في الدولة، إذ تتميز بمنح العاملين فيها رواتب وامتيازات مجزية، فضلاً عن تمتعهم بأنظمة إدارية متطورة

nyzk

03-06-2009, 08:59 AM

العداله الوظيفيه مطلوبه من غير المعقول رواتب مؤسسة قطر خياليه والوزارات رواتبهم اقل مثال على ذلك رواتب وزارة التربيه والتعليم اللي رواتبهم ماتقارن برواتب مؤسسة قطر الخياليه هذا الشي فيه ظلم لفئه ثانيه
ننتظر تخفيض رواتبهم وتحقيق العدالة الوظيفيه والاستقرار الوظيفي .

hamoor4ever

03-06-2009, 09:05 AM

نعم للعداله اذا كانت للكل

كيفـي

03-06-2009, 09:09 AM

شيء جيد.. واتوقع راح يسرحون الكثير من الجانب..
ياخوفي اللى يتسرحون قطريين..:|

لان الاجنبي لن يرضى بتخفيض راتبه..

والله المستعــــان..!!

hamoor4ever

03-06-2009, 09:13 AM

شيء جيد.. واتوقع راح يسرحون الكثير من الجانب..
ياخوفي اللى يتسرحون قطريين..:|

لان الاجنبي لن يرضى بتخفيض راتبه..

والله المستعــــان..!!

اعتقد ان تخفيض الرواتب للقطريين فقط ولن يشمل الاجانب لان هم جايين بعقد عمل مع امتيازات مثل الفلل والسيارات وغيره من الشغلات الخياليه اللي يحلم فيها كل مواطن

Bo3oof_80

03-06-2009, 09:28 AM

الله كريم الله كريم
يهون الجرح الاليم
وصباح الخير

بويوسف

03-06-2009, 09:45 AM

انزين بنشوف ..

سهم طويل الأجل

03-06-2009, 09:54 AM

قال رسول الله صلى الله عليه وسلم : { لا تظهر الشماتة لأخيك ، فيرحمه الله عز وجل ويبتليك }

بومحمد

03-06-2009, 10:04 AM

قال رسول الله صلى الله عليه وسلم : { لا تظهر الشماتة لأخيك ، فيرحمه الله عز وجل ويبتليك }

كلام سليم وانا اعتقد ان المفروض مايخفضون رواتب بل يعيدون النظر في ارجاع الأحوال إلى ماكانت عليه ....ويردون رواتب الناس اللي فعلا تضررو من القانون والله المستعان

شاهين

03-06-2009, 10:19 AM

SpeedSter

03-06-2009, 10:26 AM

ننتظر تخفيض رواتبهم وتحقيق العدالة الوظيفيه والاستقرار الوظيفي .

هذي العداله يعني؟!

الله يهديك بس ! :)

بويوسف

03-06-2009, 10:31 AM

وشنهو العداله اللي بتحصلها من تخفيض رواتبهم

الله يزيدهم أن شاءالله

للعلم مش موظف في مؤسسة قطر

لا لا العدالة ان يزيدون رواتب قطر فاونديشن وينزلون رواتب الهيئات والوزارات ..

سهم طويل الأجل

03-06-2009, 11:04 AM

لا لا العدالة ان يزيدون رواتب قطر فاونديشن وينزلون رواتب الهيئات والوزارات ..

يالشيخ شنو ذنب الموظف ينزلون راتبه وهو متعاقد عليه وكله عشان يساوونه مع غيره لأنه أقل منه !!!

هذي العدالة برايك ؟؟

يبون يكررون غلطة كهرماء وغيرها من الهيئات !!

للعلم أنا مب موظف لا في كهرماء ولا قطر فاونديشن ... لكن اتكلم من ناحية المنطق

hamoor4ever

03-06-2009, 11:11 AM

يالشيخ شنو ذنب الموظف ينزلون راتبه وهو متعاقد عليه وكله عشان يساوونه مع غيره لأنه أقل منه !!!

هذي العدالة برايك ؟؟

يبون يكررون غلطة كهرماء وغيرها من الهيئات !!

للعلم أنا مب موظف لا في كهرماء ولا قطر فاونديشن ... لكن اتكلم من ناحية المنطق

وليش اصلا يستثنونهم ، خل يذوقون اللي ذاقوه موظفي الهيئات ومؤسسه البترول ويوم تكلمو مساكين الكل طاح فيهم ، مع العلم ان قطر فونديشن اللي يشتغل اهناك يتم اختياره بعنايه وبواسطه ورواتبهم من 30 وطالع والفال حق بعض الاماكن الثانيه المستثناه من القانون ليكون القانون بالفعل عادل

سهم طويل الأجل

03-06-2009, 11:16 AM

وليش اصلا يستثنونهم ، خل يذوقون اللي ذاقوه موظفي الهيئات ومؤسسه البترول ويوم تكلمو مساكين الكل طاح فيهم ، مع العلم ان قطر فونديشن اللي يشتغل اهناك يتم اختياره بعنايه وبواسطه ورواتبهم من 30 وطالع والفال حق بعض الاماكن الثانيه المستثناه من القانون ليكون القانون بالفعل عادل

يعني أنت تمشي على مبدأ :
( المساواة في الظلم عدالة )

المقهوره

03-06-2009, 11:18 AM

شي بالنسبه لي مايفرح

لاني مريت بالتجربه هذه وجدا قاسيه وفي النهايه بس القطري الي ينضر والاجنبي على قولتهم عقود

PoBox

03-06-2009, 11:20 AM

hamoor4ever

03-06-2009, 11:22 AM

يعني أنت تمشي على مبدأ :
( المساواة في الظلم عدالة )

لا بس هم مب احسن من موظفي كهرماء ، ولا على راسهم ريشه علشان يستثنونهم لاهم عسكرين ولا يشتغلون في قطاع البترول ولا يشتغلون بالشمس قاعدين على مكاتب ومرفهين بالسفرات وغيره واللي في البند المركزي اولى منهم

سلام عليكم

سهم طويل الأجل

03-06-2009, 11:23 AM

*
*
*

اللهم لك الحمد

نفسيات هل قطر تغيرت وايد
صرنا لازم نظلم الكل عشان يفرح اللي انظلم !!؟؟
بدل الدعاء ان يرفع الظلم عن المظلوم وندعي بالبركة لغير المظلوم

أنت :ok2::ok2:

في ناس يجبرون الشخص على احترامهم وأنت واحد منهم

hamoor4ever

03-06-2009, 11:26 AM

بس شي زين انهم يساوون الكل دام ظلموا اللي قبلهم علشان ترخص الاجارات وماتصير حكر على ناس معينه

alkuwari55

03-06-2009, 11:27 AM

الله كريم

nyzk

03-06-2009, 11:31 AM

الرواتب الخياليه في جهات دون جهات اخرى سبب من الاسباب الرئيسيه لرتفاع الاسعار في قطر

تخفيض الرواتب الخياليه بيحقق العداله مع اصحاب الرواتب الاقل في جهات اخرى و بتنخفض الاسعار

اذا اصحاب الرواتب الاقل بيستفيدون من القرار وحتى موضفي مؤسسة قطر بيستفيدون من انخفاض الاسعار

والقرار بحد ذاته قرار حكيم

anything99

03-06-2009, 11:32 AM

اعتقد ان تخفيض الرواتب للقطريين فقط ولن يشمل الاجانب لان هم جايين بعقد عمل مع امتيازات مثل الفلل والسيارات وغيره من الشغلات الخياليه اللي يحلم فيها كل مواطن

انا استغرب فعلا من هذا المنطق .. في امريكا نفسها خفظت رواتب موظفيها للنصف تقريبا .. فمن كان يتقاضى 2000 دولار اصبح يتقاضى 1000 دولار .. وثلاث ارباع الراتب يذهب للضرائب .. والناس متحملة لانه تسريح الموظفين عندهم بمئات الالاف .. فلا اعتقد ان مشكلة العقود هي المعضلة في عدم تطبيق القرار على جميع الموظفين ..

الراقي18

03-06-2009, 11:44 AM

على فكره رواتب مؤسسة قطر مب خياليه

انا ما اشتغل هناك بس اعرف جامعيين ورواتبهم عاديه

بعدين اللي يبي رواتبهم تنخفض شنو بيستفيد من هالشي

هل اذا خصموا من راتب الموظفين بيحطون الزياده في راتبه

ومن كم يوم كان يصيح يوم نزلوا راتبه 2000 او 3000

شنو هالحقد اللي عليه اذا هذا كلامه فيستاهل اللي صار له

يعني نزلتوا راتبي نزلوا رواتب الباقيين صج منطق خايس

وبعدين جيتوا على مؤسسة قطر بس وطحتوا فيها عندكم 5 او 6 اماكن استثنوهم والله يوفقهم ليش ما تكلمتوا عنهم ولا لو انتوا في الاماكن اللي استثنوها كان كلامكم غير

لحد يقعد يصيح على تنزيل راتبه ويحسد غيره والمشكله يدري ان التخفيض بيصيد القطريين بس

pink girl

03-06-2009, 12:16 PM

Qf مؤسسة ذات اهداف تنمويه نبيله للمجتمع لكن للاسف طريقة تنفيذ رؤيتها فاشله وكارثية . واعتقد ان من اهم اسباب فشلها الذريع غياب التخطيط السليم الذي من شأنه دمج المجتمع القطري بالشكل الافضل. بالاظافة الى تسيد العنصر الاجنبي على المؤسسة بشكل عام مما يعني تنفيذ مصلحته في المقام الاول حتى ولو كان هناك خطط للتقطير او النهوض بالمجتمع القطري الذي انشأت له qf.

تحدثت باسهاب هنا في المنتدى وقلت رأيي بكل تجرد وصراحه وما الخبر المنقول اعلاه من اعادة النظر في الرواتب والامتيازات الا تأكيد ما قلته سابقا ان المؤسسة فاشله ولن تصمد طويلا وان جاهدت وصمدت فأنها لا بد ان تغير من سياستها الحاليه والا ستكون الابنية مساكن خمس نجوم للطيور والقطط السائبه مستقبلا .

حمود قطر

03-06-2009, 12:22 PM

لا حول ولا قوة إلا بالله ..

الحال من أسوأ إلى أسوأ يعني ..!!

الحمدلله على كل حال ..

ما نبي نتشكى عشان ما يتضايقون المسؤولين في الدولة انه القرار ظالم ..

لأنه صاروا اهل قطر ( طماعين وشكايين .... ) من وجهة نظرهم ..

لكن أقدر أقول : ربنا ينتقم منكم .. ورب العالمين يسلط عليكم وبتحسون في المظلومين ..

هدوء الصباح

03-06-2009, 12:29 PM

يا جماعة ما نبي الضرر لحد.. الله يرزق الجميع..بس كان القصد من نقل الخبر ان محد بأمان وان التغيير طال كل المؤسسات بالدولة.

بويوسف

03-06-2009, 12:34 PM

يالشيخ شنو ذنب الموظف ينزلون راتبه وهو متعاقد عليه وكله عشان يساوونه مع غيره لأنه أقل منه !!!

هذي العدالة برايك ؟؟

يبون يكررون غلطة كهرماء وغيرها من الهيئات !!

للعلم أنا مب موظف لا في كهرماء ولا قطر فاونديشن ... لكن اتكلم من ناحية المنطق

ياخي اش هالمنطق الغريب .. يعني لازم ادعوا لهم واقول ان شالله تزيد رواتبهم عشان اكون عادل ومش حقود على قولتكم .. يا اما قانون يتطبق على الكل او مايتطبق على حد ..

احنا مانعترض على حكمة الله وهذي ارزاق ولكن العدل يجب ان يطبق هل ترضى ان ابوك يعطي اخوك مليون ريال وانت يقول لك روح دور ربعك وماعندي لك ريال. روح اتعب واجتهد ..

والا يشتري لك سيارة قرمبع بيكب موديل 1985 واخوك بورش كيان موديل 2009 اكيد بتقول له شمعنى اخوي بورش وانه بيكب يا اما تشتري لنا بياكب كلنا والا تشتري لنا بورشات.

وبعدين من الظلم ان يكون راتب مهندس ويطلع مواقع ويدور من مكان لي مكان عشان ينفذ شغله اقل من راتب موظف هو مجرد طابع او سكرتارية بدون مؤهلات اخرى.

ترى احنا كلنا عيال قطر ومفترض ان يكون في عدالة في اعطاء كل ذي حق حقه كل حسب شغله وجهده ودرجته .. مش عندي واسطة احصل لي مكان براتب عااااااالي وماعندي واسطة يقطوني في السرداب.

سهم طويل الأجل

03-06-2009, 01:16 PM

ياخي اش هالمنطق الغريب .. يعني لازم ادعوا لهم واقول ان شالله تزيد رواتبهم عشان اكون عادل ومش حقود على قولتكم .. يا اما قانون يتطبق على الكل او مايتطبق على حد ..

احنا مانعترض على حكمة الله وهذي ارزاق ولكن العدل يجب ان يطبق هل ترضى ان ابوك يعطي اخوك مليون ريال وانت يقول لك روح دور ربعك وماعندي لك ريال. روح اتعب واجتهد ..

والا يشتري لك سيارة قرمبع بيكب موديل 1985 واخوك بورش كيان موديل 2009 اكيد بتقول له شمعنى اخوي بورش وانه بيكب يا اما تشتري لنا بياكب كلنا والا تشتري لنا بورشات.

وبعدين من الظلم ان يكون راتب مهندس ويطلع مواقع ويدور من مكان لي مكان عشان ينفذ شغله اقل من راتب موظف هو مجرد طابع او سكرتارية بدون مؤهلات اخرى.

ترى احنا كلنا عيال قطر ومفترض ان يكون في عدالة في اعطاء كل ذي حق حقه كل حسب شغله وجهده ودرجته .. مش عندي واسطة احصل لي مكان براتب عااااااالي وماعندي واسطة يقطوني في السرداب.

أول شي الموضوع عن تخفيض رواتبهم مب زيادتها
أنا مب مع التخفيض ،، ولا مع ان يزيدون رواتبهم
وكل هذا لأن حياتهم ماشية على نظام معين ومرتبين أنفسهم عليه وبناءً عليه حددوا التزاماتهم
ومسألة أن أبوي يعطي أخوي مبلغ وقدره هذي لها أسباب
يمكن أخوي يكون ذراع أبوي اليمين ويستاهل وأنا شغلي على قدي ومايتناسب مع شغل أخوي
على منطقك راتب كل القطريين يكون متساوي مهما كان الجهد المبذول
يعني واحد يداوم من 8 - 12 ياخذ نفس اللي يداوم على نفس الدرجة من 7 - 3
بالمحصلة كلهم قطريين !!

بومحمد

03-06-2009, 01:34 PM

الله يهديكم

ياجماعه كلنا قطريين وأخوان وانا ماعتقد ان في حد يبي المضره لأخوانه ....

وفعلا أتمنى من قلبي أن ترجع العلاوات اللي انقطعت من الناس اللي تضررو من القانون

لأن مثل ماقال أخوي اللي قبلي كل واحد كان مكيف حياته على الراتب ...والله المستعان

بويوسف

03-06-2009, 02:03 PM

أول شي الموضوع عن تخفيض رواتبهم مب زيادتها
أنا مب مع التخفيض ،، ولا مع ان يزيدون رواتبهم
وكل هذا لأن حياتهم ماشية على نظام معين ومرتبين أنفسهم عليه وبناءً عليه حددوا التزاماتهم
ومسألة أن أبوي يعطي أخوي مبلغ وقدره هذي لها أسباب
يمكن أخوي يكون ذراع أبوي اليمين ويستاهل وأنا شغلي على قدي ومايتناسب مع شغل أخوي
على منطقك راتب كل القطريين يكون متساوي مهما كان الجهد المبذول
يعني واحد يداوم من 8 - 12 ياخذ نفس اللي يداوم على نفس الدرجة من 7 - 3
بالمحصلة كلهم قطريين !!

هييي يادنيا الحين قطر فاونديشن صارت ذراع ابوي اليمنى

والتخطيط العمراني وأشغال وكهرماء ذراعه اليسرى اللي يبي لها القطع وعيال البطة السودة.؟

ايي يادنيا ايام الطفرة والسنين اللي راحت اشتغلنا شغل عشر سنين اللي اشتغلوه قبل وبشهادتهم الحين تقول الجهد المبذول والدوام.

وياليت بعد اللي فيها قطريين معظم اللي فيها هم الاجانب وهم اللي ماخذين الامتيازات .

ولا احنا مع التخفيض ياخوي ومانرضى بمضرة حد .. بس نطالب بالعدالة في بلادنا .. واللي يده بالماي مب مثل اللي يده في النار.

Hamad7788

03-06-2009, 02:25 PM

قبل لا تتكلمون شوفوا اول شي طبيعة عملهم و وقت الدوام

ترى دوام مؤسسة قطر من الساعه ثمان الصبح لي الساعه خمس هاي بالميت

واذا كان في ضغط عمل بالراحه لي سبع وثمان فليل

يعني الموظف في مؤسسة قطر يشتغل تقريبا عشر ساعات يوميا

اخذوا الموضوع بالعقل .. اشلون موظف يشتغل 10 ساعات يتساوى مع موظف يشتغل ثمان ساعات وهاي اذا كملها

يا عالم ترى دوام الوزارات يتنهي وحده ونص ولا 2 .. وكل واحد ياخذ الراتب على حسب وقت الدوام ..

تـــحياتي لكل حــاســــد ...

المدهش

03-06-2009, 02:27 PM

المدهش

03-06-2009, 02:31 PM

!الشايمه!

03-06-2009, 02:37 PM

انا من اشوف مواضيع الفلوس.....

افهم ليش الشعب القطري...مايزيد عن 500 الف

أثر القطري لاجاع مايأكل الا القطري اللي يمه......

والا الاجنبي....في السراء او الضراء....مايطوله شئ....

الله يديم النعمة للجميع....ويفرج للمظلومين ظروفهم.

تحية

Hamad7788

03-06-2009, 02:40 PM

اتمنى تحسن الفاظك لانك تخاطب اخوانك في الموضوع
وكلنا عيال قطر ، ونتمنى كل خير

اخوي المدهش ..أولا انا اعرف انتقي الفاظي عدل وماكتب شي الا انا عارف معناه عدل ..

ثاني شي اذا انت مب عاجبتك كلمة حاسد عطني كلمه توصف فيها الشخص اللي يقول اتمنى خفض رواتب موظفي مؤسسة قطر ...

هل تعتقد انه هذا انسان يحب الخير لأخوه .. ولا الموضوع عندهم الشر يعم عالكل ..؟؟

Hamad7788

03-06-2009, 02:42 PM

تعالوا شوفوا الاجانب عندنا اشلون يدورون الخير حق ربعهم ....

من يستلم منصب يجيب جماعته كلهم يشتغلون عنده ويعطيهم اعلى الرواتب

مب احنا .... الواحد لي شاف اخوه شوي زاد راتبه .. بيروح يشتكي ويقول زذتوا اخوي وانا لا .....

الله يصلح الجميع انشالله ..

hamoor4ever

03-06-2009, 02:51 PM

اخواني

نرجع لقانون الموارد البشرية العجيب اللي قام بتنزيل رواتب الهيئات والمؤسسات وصارت بنفس مستوى الوزارات ، اللي صار ان بعضهم تم استثنائهم ؟!! مع ان القانون على قولتهم يحقق العداله الوظيفيه اوكي مااختلفنا

زين وبخصوص بعض المؤسسات الاخرى اللي تم استثنائها ابغي اعرف ليش!! هل لانهم احسن مثلا او هم اشكالهم احلى او شنو بالضبط مب قادر استوعب شنو السبب قلنا شركات بترول قلنا اوكي قالوا عسكرين قلنا اوكي بعد يتعبون وايد لكن يتم استثناء قطر فونديشن وهيئه المتاحف والديوان والخارجيه وبعض الاماكن الاخرى ليش نوروني اعتبروني غبي وماعرف ليش ؟!!

الحمدلله ان اصحاب القانون اكتشفوا العيوب والظاهر يبون يرقعون شوي وكان المفروض من البدايه اي مؤسسه شبه حكوميه او حكوميه او هيئه انها يشملها قانون الموارد البشريه او يتم الحال على ماهو عليه وهاذه هو الصح ، لكن دام ان الهيئات والمؤسسات شملها القانون اذن فمن العدل ان الباقي يشملهم القانون ومن غير زعل هاذي الصراحه

سهم الصناعات

03-06-2009, 02:52 PM

الأ خ العزيز // بو يوسف
اوافقك الرأي وبشده ، شالفرق بين موظفي الجهات المستثناه من قانون الموارد البشريه ، والجهات اللي تطبق عليها القانون ،، كلهم موظفين في خدمة الوطن .
واللي يقول ان في فرق هذا يداوم من 7 لين 12 غير عن اللي يداوم من 7 لين 3 ،، انا اقوله سلامتك ،، غلطان ، اوقات الدوام هي اللي تفرض ها الوقت على جميع الموظفين مب بكيفهم ،، لو طلع قرار انهم يداومون من 7 لين 3 انا متأكد انهم بيلتزمون بوقت العمل ..
وبعدين في شي ثاني مهم ،، الامتيازات ،، لازم اتكون متساويه ،، على سبيل المثال اخوي جهة عمله توفر له تأمين صحي ومدارس خاصة ،، وانا جهة عملي ولا تعطيني ولا شي ، مع العلم انهم الجهتين يتبعون للدوله،، اقووول ليش هالتفرقه ؟؟؟؟
يا تعطون الكل ،، يا بلاش ، الصراحه العداله مطلوبه

يداومون لين ثمان او تسع مايداومون ابلاش في عمل اضافي يابوشهاب

وبعدين في جهات حكوميه اتم لاوقات متاخره وانا الحين راد عليك من الدوام واتوقع اني استمر لين اربع او خمس مافجيت حلجي ولا قلت عطوني راتب نفس قطر فونديشن .. وعلى فكره قطر فونديشن مب مستثنيه من الموارد البشريه ولا هي اطبقه .. نبي نعرف وين موقعها من الاعراب ..؟؟

عابر سبيل

03-06-2009, 02:54 PM

الحمد لله الذي لم يسخر الهواء
لتتحكم به اي من الأهواء.

و لا حول و لا قوة الا بالله...
حزنا على من أُسيء لهم سابقا بتنزيل
رواتبهم.
و يؤسفنا ان تتكر معاناة المزيد من الاخوة
و الاخوات في قطر فونديشن معهم...

بنفس اللامنطق!

و على البقية ممن لم يطلهم بعد هذا " التعسف"
ان يبدأوا بالتجهيز.

النسيان نعمه...
بس من الخطأ تناسي
قانون التقاعد اللي خسف بالقطريين في ذاك الوقت..!.

لاااااااااامنطق ..بالامس
في الزيادات اصلا و الفروقات بين بعض الجهات و مثيلاتها...

ولااااااااااا منطق اليوم في التخفيضات!.

الحمد لله الذي قال
" و في السماء رزقكم و ما توعدون"

كل ما يأتينا من رزق فمنه وحده سبحانه....
نستغفرك اللهم و نتوب اليك...

hamoor4ever

03-06-2009, 02:55 PM

يداومون لين ثمان او تسع مايداومون ابلاش في عمل اضافي يابوشهاب

وبعدين في جهات حكوميه اتم لاوقات متاخره وانا الحين راد عليك من الدوام واتوقع اني استمر لين اربع او خمس مافجيت حلجي ولا قلت عطوني راتب نفس قطر فونديشن .. وعلى فكره قطر فونديشن مب مستثنيه من الموارد البشريه ولا هي اطبقه .. نبي نعرف وين موقعها من الاعراب ..؟؟

قطر فونديشن حلم كل مواطن عنده واسطه هاهاهاها علشان جذيه مالها اي موقع من الاعراب

بوخالد911

03-06-2009, 05:17 PM

نامل ان يكون الخبر صحيحا

درب السعادة

03-06-2009, 05:20 PM

لا حول ولا قوة الا بالله كنت ناويه أقدم على وظيفه عندهم . ليش صارت الدنيا ملغمة

♣شيبةالنخرة♣

03-06-2009, 05:27 PM

*
*
*

اللهم لك الحمد

نفسيات هل قطر تغيرت وايد
البعض يطالب ويمنى النفس ويدعو ان نظلم الكل عشان يفرح اللي انظلم !!؟؟

بدل الدعاء ان يرفع الظلم عن المظلوم وندعي بالبركة لغير المظلوم

ماقول الا الله يهدينا ياهل قطر كبار وصغار اغنياء وفقراء

للاسف والله

وقلبي معورني حيل اني اشوف اهل قطر يحسدون بعض ؟؟ ويتمنون الشر لاخوانهم

المسلم ما يتمنى الا الخير لاخوه المسلم

مع اني ما اشتغل بأي مكان من اللي انذكروا

ولكن والله لو كانوا منقصين راتبي

ما اتمنى اشوف اي مؤسسه او وزاره يقررون ينقصون من رواتب موظفيها بالعكس افرح لزيادة رواتبهم واقول يالله تزيدهم وترحمنا برحمتك

وش هالقلوب الضيقه :rolleyes2:

nyzk

03-06-2009, 05:33 PM

نامل ان يكون الخبر صحيحا

الخبر صحيح
وبنتظار تعميم العدالة والمساواه وذلك بمساواة الجهات الاخرى بلوزارات الحكوميه

كاللجنه الاولمبيه اللي رواتبهم اكثر من الوزارات الحكوميه بدون وجه حق

OREO

03-06-2009, 05:54 PM

قال رسول الله صلى الله عليه وسلم : { لا تظهر الشماتة لأخيك ، فيرحمه الله عز وجل ويبتليك }

هذه مهب شماته .. هذه حقوق المواطنين المسلوبه ..

شبعان

03-06-2009, 05:59 PM

باقي شبكة الجزيره واسباير..
اتصدقون "عامل" في الجزيره الرياضيه يستلم 8000 ريال

genesis

03-06-2009, 06:08 PM

Long Live the Communism

:rolleyes2:

OREO

03-06-2009, 06:20 PM

باقي شبكة الجزيره واسباير..
اتصدقون "عامل" في الجزيره الرياضيه يستلم 8000 ريال

سكرتيرتي السابقة كانت اجنبية و تستلم 17 الف و كانت تشتغل 8 ساعات فقط ..

مساهم عادي

03-06-2009, 07:07 PM

مؤسسة قطر تعيد النظر في الرواتبن والامتيازات

اتوقع هذا للقطريين فقط...فغير القطريين لن يمسهم شي..
نفس ماحدث مع موظفي المؤسسات والهيئات التي ضموها للقانون..تأثر القطري ونزل راتبه..والغير قطري على ماهو عليه ..

hamoor4ever

03-06-2009, 07:09 PM

باقي شبكة الجزيره واسباير..
اتصدقون "عامل" في الجزيره الرياضيه يستلم 8000 ريال

لاتروح بعيد مندوب جوازات هندي الجنسيه في احد المؤسسات بشهاده ثانويه يستلم فوق ال 20 الف ريال قطري شهريا غير البونس والبدلات الاخرى ياليتني بوظيفته بس

بويوسف

03-06-2009, 07:15 PM

اذا كان التعديل على القطريين السؤال اللي يطرح نفسه ليش؟ ليش اعادة جدولة الرواتب وتخفيضها على القطريين وبس .. قلتها قبل وبقولها الحين شي عجيب وغريب .. ولحد ينط لي من الاخوان اللي تكلموا وقبل ويقول لي حسد وغيرة او اللي يقول احمدوا ربكم ومشوا يدكم بالطوفة وشوفوا غيركم ولاتتحندون وايد .. الحمدلله والشكر لانحسد احدا وشايفين خير وعلى قناعة بأن الرزاق هو الله سبحانه فله الحمد وله الشكر على نعمه الكثيرة التي لاتعد ولاتحصى.

شبعان

03-06-2009, 07:24 PM

ياجماعة الخير من يتحمل مسؤلية "مسخرة" الرواتب اللي صايره في الجهات الحكوميه؟
ليش مجلس الشورى مايتدخل في الموضوع؟
من الاساس ليش تم استثناء هالجهات؟ انا اقدر استثناء الاطباء والكادر الاكاديمي والنيابه العامه واصحاب الوظائف الحساسه ..
هل يعقل موظف حاصل على "الثانويه" راتبه اعلى من موظف حاصل على "الماجستير"!!

قطري كشخه

03-06-2009, 07:46 PM

يااخي في ردود فيها نوع من الحقد ماقول اله الله يعين من انظلم ويالله ربي يعوضه بأخير من ماضاع منه ..

اتمنى انهم مايتأثرون والله يوفقك الجميع في خدمه الوطن والله يحفظ بلادنا وشعبها ومن ساكن عليها من كل سوء

hamoor4ever

03-06-2009, 08:29 PM

قبل يوم نزلت رواتب الهيئات والمؤسسات مثل كهرماء وايد ناس قعدو يتشفون ويتضحون ويقولون ليش وليش هم كانت رواتبهم عاليه ، والحين يوم بده القانون يشمل بعد بعض الاماكن الثانيه كل واحد صار شكله خايف على مكانه وقاعد يدافع عن قطر فونديشن بحكم ان شغلهم على قولتهم لين الساعه ٥ انا اقول مالهم سالفه يداومون لين ال ٥ خل ينزلون دوامهم مثل الهيئات وتنزل رواتبهم حالهم حال اللي شملهم القانون ، اذا على قولتهم القانون عادل خله يشمل الكل ولا لا يشمل حد ونتمنى سرعه مساواه القطرين مع الاجانب لان هم اللي لهم نصيب الاسد في القطاعات هاذي علشان القانون يكون بحق عادل .

الجنوبي 11

03-06-2009, 09:45 PM

طلع نفي من موسسة قطر على هذي الاشاعه ،وبكره بتشوفه في الجرائد

حمد

03-06-2009, 11:28 PM

مؤسسة قطر تنفي اعادة النظر في رواتب موظفيها

--------------------------------------------------------------------------------

الدوحة في 03 يونيو /قنا/ نفت مؤسسة قطر للتربية والعلوم وتنمية المجتمع الاخبار التي نشرتها بعض وسائل الإعلام وتفيد بنية المؤسسة إعادة النظر في الرواتب والامتيازات المخصصة لموظفيها.
وصرح مصدر مسؤول بمؤسسة قطر بأن الخبر الوارد عار عن الصحة جملة وتفصيلا، وان المؤسسة لا تنوي خفض رواتب أو امتيازات أي من موظفيها لا على المدى القريب أو البعيد.
وأكد المصدر ان مؤسسة قطر مؤسسة قطر، وبشكل عام، ما زالت تمضي في مشاريعها كما هو مخطط وتسعى لاستقطاب الكوادر المؤهلة لتشارك في بناء وتطوير المؤسسة في شتى المجالات، لا سيما التعليم والأبحاث العلمية وتنمية المجتمع.
يذكر أن مؤسسة قطر هي مؤسسة خاصة غير ربحية تأسست سنة 1995 وتركز على التعليم والبحث العلمي وتنمية المجتمع، وتضم المؤسسة تحت مظلتها المدينة التعليمية التي تحتضن جامعات عالمية المستوى وعددا من البرامج الأكاديمية والتدريبية كما تضم واحة العلوم والتكنولوجيا في قطر التي أبرمت شراكات مع أكثر من 21 شركة هامة تعنى بالبحث العلمي والتنمية.
وتهدف مؤسسة قطر إلى رفع مستوى جودة الحياة من خلال تطبيق مبادرات إنمائية من قبيل مناظرات الدوحة وأيادي الخير نحو آسيا وقناة الجزيرة للأطفال.
وتسهم المشاريع المشتركة في مجالات التصميم وتكنولوجيا المعلومات والاتصالات والاتصالات اللاسلكية ودراسة السياسات وإدارة الفعاليات في تحقيق الأهداف التي تصبو إليها مؤسسة قطر.