ماك بوك

[أنا]

يا اهل الخبره في الماك بوك ساعدوني اخوي الصغير يبي ماك بوك

ومو عارفين من وين ناخذه ؟ وشنهي المواصفات الزينه ؟

يا ليت تقترحون علي ويا ليت يكون السعر تحت 6 الاف

اشرايكم في الماك الالمنيوم اعتقد 2,0 وفيه 2,4 شنو الاحسن ؟


يا ليت تعطوني المواصفات والاسعار ومن وين ناخذه ؟

ولو في مواصفات زينه وسعره تحت 5 بعد زين ؟؟

جزاكم الله خير..

[alhaddad]

ماك بوك الجديد ( الالمنيوم ) هو المناسب لانه البرو سعره فوق ال10

بأقل من 6000 الــ ماك بوك 2.4 وبكل تأكيد هو أفضل من 2.0

أما 2.0 مادري بكم !

وينباع في أوفيس ون في طريق سلوى وفي له فرع في الرويال بلازا أو اللاند مارك

أو عندج ispot في السيتي سنتر انا شاري جهازي من هناك

[بولينجر]

ماك بوك الجديد ( الالمنيوم ) هو المناسب لانه البرو سعره فوق ال10

بأقل من 6000 الــ ماك بوك 2.4 وبكل تأكيد هو أفضل من 2.0

أما 2.0 مادري بكم !

وينباع في أوفيس ون في طريق سلوى وفي له فرع في الرويال بلازا أو اللاند مارك

أو عندج ispot في السيتي سنتر انا شاري جهازي من هناك
وفي فيرجن ميغاستور في فيلاجيو موجود بعد.... ماخذينه من هناك

[شوكلاته]

خيتوووو عندج فرعهم فـ المول تقدرين تزورينهم
تعاملهم وايد حلو انتي قولي لهم شنو استخدامات اخوج للجهاز
يعني بالالعاب او التصفح وجذي يعني وهم راح يقولون لج الجهاز المناسب له
اسعارهم شويونه غاليه بس بصراحه الجهاز يستاهل سعره ^_^

وبالتوفيق

[vip1982]

ispot أحسن مكان والله أعلم

[أنا]

:telephone:

الاسعار في المحلات اللي ذكرتوها مو متوحده

مثلا الالمنيوم 2.4 محل يبيعه ب6 والثاني ب7

شكلي بروح الف عليهم محل محل وبشوف السعر اللي يناسبني

[superzooz]

انا استعمل ال ٢.٤ صراحه احسن لاب توب استعملته لين الحين

للعلم ال٢.٠ الكي بورد ماله مافي إضائه

[أنا]

اخيرا استقرينا على الالمنيوم 2.4

في فيرجن لقيناه 7150 ريال

وفي اوفيس ون 6650 ريال

كل محل له سعر غيرررر

لقيت اوفيس ون اقل سعر بس الكمية اللي عنده اخلصت قالي عقب يومين بتوصل كميه جديده

شسوي هذه هديه النجاح حق أخوي اطلعت اغلى من بيع السوق والنتائج لين الحين ما طلعت

:rolleyes2:

[superzooz]

اخوي روح اي سبوت الي فالستي ودبر بطاقه جامعه بيسون لك خصم

على ايام كان ب ٧٢٠٠ بعد الخصم صار ب ٦٨٣٠

[أنا]

اخوي روح اي سبوت الي فالستي ودبر بطاقه جامعه بيسون لك خصم

على ايام كان ب ٧٢٠٠ بعد الخصم صار ب ٦٨٣٠

أخوي انت متأكد يعني اذا خذيت بطاقه جامعيه من عند حد من الاهل بيسون لي خصم اي سبوت ؟؟

جزاك الله خير

[أنا]

كلمت اي سبوت سعر الالمونيوم 2.4 = 7199 ريال

يعني حتى لو سوا لي خصم ما راح يطلع بنفس سعر افيس ون 6650 ريال

نفس الجهاز ونفس المواصفات

وكل محل يبيع على مزاااجه الله يعينا بس :weeping:

[FULL]

واحد من الشباب اللي يستعملون apple قالي ان اسعار الابل لازم تكون موحده !!

ويقول انك اذا شريته بغالي تاخذ الفاتوره وتكلم الشركه ((( عاد مادري اي فرع اللي تكلمهم ... امريكا الرئيسي او قطر)) وهم يعوضونك بالزياده ويحاسبون المحل او الشركة

اذا حد عنده فكره هالموضوع وسالفة توحيد الاسعار ياريت يخبرنا

[أنا]

يا ليت أهل الخبره في الماك

يفيدونا

:weeping:

[Just a Gurl]

اخوي روح اي سبوت الي فالستي ودبر بطاقه جامعه بيسون لك خصم

على ايام كان ب ٧٢٠٠ بعد الخصم صار ب ٦٨٣٠


بطاقة أي جامعه تمشي ؟
حتى جامعة قطر ؟


وأختي أو أخوي " أنا "
وين مكان افيس ون ؟

بكره انشالله رايحه اللاند وباخذ لي ماك .. بس متأكده انهم بينصبون علي لأني ادفع بدون لااتكلم :secret:

[أنا]

بطاقة أي جامعه تمشي ؟
حتى جامعة قطر ؟


وأختي أو أخوي " أنا "
وين مكان افيس ون ؟

بكره انشالله رايحه اللاند وباخذ لي ماك .. بس متأكده انهم بينصبون علي لأني ادفع بدون لااتكلم :secret:


اوفيس ون في سلوى .. وقبل لا تروحين اتصلي في 180 واخذي رقمهم وطلبي واحد اسمه عامر تاكدي اذا الموديل والمواصفات اللي تبينها عندهم ولا يمكن يقولون لك بتوصل بعد مده ..
بس هم افضل سعر للماك انا رحت فيرجن في فيلاجيو ورحت الستي وكذا محل اوفس ون سعرهم افضل سعر بالسوق .. :nice:

[محمد]

والله آنا ماعندي فكره عن آسعارهم ،
لكن آعتقد الماك ماعاد ينزلون ماك بوك آلمنيوم ،
الدفعه الجديده الآلمنيوم 13inc نزل ماك بوك برو ومواصفاته جباره صراحه ،
وانا خذت واحد منه لكن مب من قطر ،
والماك بوك نزل لون واحد آبيض ، وحلو كهديه ،
ولواحد صغير بيصلح له آكثر ،
وموفقه ، وعالبركه نجاحه ،

[Just a Gurl]

اوفيس ون في سلوى .. وقبل لا تروحين اتصلي في 180 واخذي رقمهم وطلبي واحد اسمه عامر تاكدي اذا الموديل والمواصفات اللي تبينها عندهم ولا يمكن يقولون لك بتوصل بعد مده ..
بس هم افضل سعر للماك انا رحت فيرجن في فيلاجيو ورحت الستي وكذا محل اوفس ون سعرهم افضل سعر بالسوق .. :nice:


مشكوره ماقصرتي ..

رحت اليوم اللاند عند iSpot وبعد ماقعدت ساااااعه اسأل وافكر واختار النوع اللي ابيه وجيت بدفع الا تقولي الفلبينيه " نو آرابيك كيبورد " :eek5:
يااااربي شنو هاي .. بغيت ألخها بأقرب لاب توب قدامي :rolleyes2: ..
اليوم انشالله بتصل على اوفيس ون وبشوف اذا متوفر الماك بوك اير 2.13 بكيبورد عربي