ممكن فندق قريب من الشانز

[القطرية1]

ادور عن فندق قريب من الشانز ينراحله مشي
ممكن اللي يعرف يقولنا عن لسته الفنادق
علما اني رايحة مع زوجي 4 ايام
شكرا

[برق قطر]

في فندق الماريوت في الشانز جنب سيفورا ممتاز..فندق الوار ويك خطوات من الشانز..فندق جورج الخامس روعة وتقريباً 400متر من الشانز بس غالي شوي.. في شقق فندقية روعه مثلاً الفوكت في الشانز..او كلاريج جنب فندق الماريت في الشانز..وفي كثير من الفنادق لصغيرة في الشوارع المتفرعة من الشانز..

بالتوفيق في رحلتكم واتمنى اكون فدتج

[الكايـــده]

الماريوووت ممتاااااااز لاصق فسيفورا ووسط الشاااااااانز روعه مكانه

[القطرية1]

ممكن الكايدة
اسامي الفندق بلانجليزي علشان اقدر ابحث عنهم
اما الماريوت ففي اكثر من واحد في باريس ا1ا اتعرفون اسمه بالضبط
تعبتج معاي
مشكورة وشكلج خبرة في باريس
دامت اسفارج

[A7med]

Hôtel California Champs Elysées هالفندق قريب ويحبونه هل قطر :)

Warwick Champs-Elysees اقرب من الي قبله وافخم

Amarante Champs-Elysées هالفندق سعره معقول ومستواه جيد وموقعه روعه

Fraser Suites Le Claridge Champs-Elysées احسن شقق فندقيه وعلى الشانز مباشره وهو الافضل

[Chambray]

الشانز في الويتيم ( 8 )
لان باريس مقسمه الى 17 قسم تقريباً
والشانز في الويتيم ..

افضل الفنادق من وجهة نظري هي :
Fraser Suites Le Claridge Champs-Elysées 4-star hotel
74 Avenue Des Champs-Elysées, 75008 Paris


Warwick Champs-Elysees 4-star hotel
5 Rue De Berri, 75008 Paris

Chateau Frontenac 4 stars
54 Rue Pierre Charron, 75008 Paris

Hôtel Powers 4 stars
52 Rue Francois 1Er, 75008 Paris

Paris Marriott Hotel Champs Elysées 4-star hotel
70 Avenue Des Champs Elysées, 75008 Paris

واذا تبين فندق 5 نجوم ويعتبر افضل فندق في العالم ( حائز على جائزة الافضل لمدة 5 اعوام على التوالي ) فهو فندق فورسيزون جورج 5 ، بس ال 5 تنكتب بالارقام اللاتينية v هشكل
Hotel George V Paris
http://www.fourseasons.com/paris/

بالتوفيق .

[Chambray]

Hôtel California Champs Elysées هالفندق قريب ويحبونه هل قطر :)

Warwick Champs-Elysees اقرب من الي قبله وافخم

Amarante Champs-Elysées هالفندق سعره معقول ومستواه جيد وموقعه روعه

Fraser Suites Le Claridge Champs-Elysées احسن شقق فندقيه وعلى الشانز مباشره وهو الافضل

كلامك سليم Fraser Suites Le Claridge Champs-Elysées موقعه حلو ومستواه ممتاز ..
وايضاً فريزر اللاديفانس حلو بس بعيد عن الشانز ..للي يحب الشانز ..

كاليفورنيا مب شئ غرفه قديمه ..

[الكايـــده]

ممكن الكايدة
اسامي الفندق بلانجليزي علشان اقدر ابحث عنهم
اما الماريوت ففي اكثر من واحد في باريس ا1ا اتعرفون اسمه بالضبط
تعبتج معاي
مشكورة وشكلج خبرة في باريس
دامت اسفارج

هلا الغاليه .. والله ماعرف اسمه بالانجلييش بس هو لازق ف سيفوورا بالضببط اعتقد بس الماريوت ...

ابد لاتعب ولاشي .. بخصوص الخبره ههههه لا والله ماعندي الا شي بسيط عنها توني جايه منهاا مازرتها الا مره :shy:

[Night KNight]

اختي عندج هاذا الفندق زين
وقريب من الشانز اتروحين له مشي

best western champs elysees friedland paris

في اكثر من واحد في باريس
وبالتووفيق

[القطرية1]

مشكورين ياهل ابلادي ما قصرتوا ..

بس بغيت اسال هل هاذول الفنادق كلها قريبه من الشانز .. وينراحلة مشي
الشي الثاني هل هاي الفنادق نظيفة ومريحة .. كلها 4 ايام


hôtel california champs elysées هالفندق قريب ويحبونه هل قطر :)

warwick champs-elysees اقرب من الي قبله وافخم

amarante champs-elysées هالفندق سعره معقول ومستواه جيد وموقعه روعه

fraser suites le claridge champs-elysées احسن شقق فندقيه وعلى الشانز مباشره وهو الافضل

[Chambray]

الفنادق الي عطيتج اياها كلها ملاصقه للشانز وكلها 4 نجوم وراقيه
بستثناء ( الفورسيزون ) ارقى فندق في باريس
بخصوص فندق fraser suites le claridge champs-elysées
عبارة عن شقق فندقيه نظيفة ورائعه ..

[hamoor4ever]

warwick
بس اذا كنت شخصين فقط ، فندق سكنته اكثر من مره بينه وبين شارع الشانز ١٠ امتار وانت بنص الشانز ، وفندق نضيف وخدمه حلوه وسعره جيد مقارنه في مكانه وخدمته طبعا الفندق ٤ نجوم

[القطرية1]

شكرا لمساعدتكم

بس بغيت اسال هل هذا الفندق تابع للهلتون ، لانه جذي ظهر لي في النت


warwick
بس اذا كنت شخصين فقط ، فندق سكنته اكثر من مره بينه وبين شارع الشانز ١٠ امتار وانت بنص الشانز ، وفندق نضيف وخدمه حلوه وسعره جيد مقارنه في مكانه وخدمته طبعا الفندق ٤ نجوم

[لاموشي]

فندق نابليون مقابل السفارة القطرية
والسويت عندهم 326 يورة الحجز من عند ريجنسي
وغرفه في قمة الروعة
ومقابل قوس النصر
وادعي لى
والفنادق الثانية
غالية مثلا كلاريج 600 يورو والماريوت 500 يورو
والفور سيزون 900 يور
عسى ماشر

[القطرية1]

كموقع من افضل
نابليون او الماريوت
بغض النظر عن السعر .. من افضل واشرح

[احلى دنيا]

في باريس مطاعم ايطالية شهيرة اسمها viaderoma

[غير البشر]

كموقع من افضل
نابليون او الماريوت
بغض النظر عن السعر .. من افضل واشرح



اختي كموقع واشرح الماريوت
لانه باب الماريوت على الشانز مباشره وفي النص
لكن نابليون تدخلين لفه 90 متر عن الشانز
عيب الماريوت ان اللوبي فيه اشويه حبربش:rolleyes2:
يعني حزات زحمه وسنداره هههههههههههههه
وسعر الغرفه العاديه تقريبا في حدود 2700 ريال

[ام لولوه]

حبيبتي في فندق سكنته فيه اسمه فيرنت ورا الشانز بالضبط تدخلين له من عند لوي فيتون وتروحين يمين ماياخذ منج دقيقه مشي روعه الصراحه وسعره رووووعه وراقي وديكوره وايد مريحه احلى من كاليفورنيا والوار ويك بمليون مره وتوهم مجددنيه على كثر ماسكنت بقنادق بفرنسا عمري ماارتحت ففي فندق مثله واذا تبين صور الفندق ممكن انزلها ومن تصويري الشخصي

وتروحين وترجعين بالسلامه حبيبتي

[القطرية1]

مشكورين يا جماعة
ام لولو ممكن اسم الفندق بلانجليزي علشان ادش له من النت
وممكن تعطينا من خبراتج عن باريس لانه صار لي 20 سنه على اخر زيارة لباريس
يعني افضل المناطق السياحية والاسترخاء وتغير جو
واحلى واشهر المطاعم
علما ان زيارتي لها 4 ايام
ابي اغير جو .. استرخاء واستجمام
شكرا

[ام لولوه]

اسمه vernt
انا حجزته عن طريق موقع booking.com
كان الحجز مضمون لدرجة ان اول مادخلنا الفندق قال لنا الي بالرسبشن بنجور بااسمي لان وخلصنا بسرعه وعطونا الكرت
وبالنسبه للقهاوي والمطاعم الشانز متروسين منهم
مثل البيتزا بينو والي جنبه وفي مطعم ايراني بنفس الشارع اكله حلو وبعد فيه مطعم الديوان بعد اكله حلو
والمقاهي بالنسبه لي احلى قهوه هي قهوة جورج سانك بنص الشانز عندهم هوت شوكلت يهوووووووووس

ولاتنسين حبيبتي تروحين الاوت ليت وهوالمحطه الي قبل ديزني بالضبط
واذا رحتي الاوت لت في مطعم داخل المول قبل تطلعين للاوت لت اسمه نورا عنداكل لبناني وفلافل خيال
وفي غيره مطاعم وقهاوي واااايد وراح تستانسون فيه وايد
بالنسبه للحدائق والبرج على حطت ايدج
واذا تبون متعه اكثر انصحج تاجرون سياره وتتمشون في باريس بالليل الصراحه شعورررررررر حلو

واي استفسار ثاني انا حاضره حبيبتي
وتروحين وترجعين بالسلامه

[القطرية1]

مشكورة اختي ام لولوه
الله يخليلج لولوة

[القطرية1]

Hotel Vernet
شكرا ام لولوة
بس حبيت احط الاسم الصحيح بلانجليزي يمكن حد يبي اسمه

[ام لولوه]

Hotel Vernet
شكرا ام لولوة
بس حبيت احط الاسم الصحيح بلانجليزي يمكن حد يبي اسمه


ان شاء الله عجبج ترى نفس الصور بالضبط انا مجربته
بس ماكنه اسعاره ارتفعت ؟؟؟؟؟؟؟؟؟؟؟؟؟؟؟؟
احنا ماخذينه ففي شهر 10 الي طاف الغرفه على 990ريال تقريبا الليله
يمكن عشان الصيف صار وايد وايد وايد وايد غالي :shy:

[احلى دنيا]

اختي تروحين وتردين بالسلامة

[القطرية1]

مشكورين ياجماعة

[q6ria25]

يسلموو على الطرح ونترقب كل جديد

[القطرية1]

اسمه vernt
انا حجزته عن طريق موقع booking.com


والمقاهي بالنسبه لي احلى قهوه هي قهوة جورج سانك بنص الشانز عندهم هوت شوكلت يهوووووووووس

ولاتنسين حبيبتي تروحين الاوت ليت وهوالمحطه الي قبل ديزني بالضبط

وتروحين وترجعين بالسلامه

حبيت اشكرج
انا بالفعل خذت ابكلامج
اسكن الحين في الفندق
صراحة ماعليه كلام خصوصا انه نظيف
وخذته من نفس الموقع وهو الارخص
290 يورو مع الفطور

وباروح اجرب الهوت شوكلت ( لاني اثق بذوقج )

اما الاوت لت ماله داعي
باريس كله تنزيلات وخصومات الحين
اذا في شي ثاني ياريت اتخبريني
لاني راجعة يوم الثلاثه .. بعد يومين
شكرا لج

[الراقية]

Hôtel California Champs Elysées هالفندق قريب بس ما جربته

Warwick Champs-Elysees اقرب من الي قبله وافخم بس مشكلته تكثر فيه السرقات وقد تعرضت لها شخصيا

الاولى : سرقة شنطة بنت خالتي في طرفة عين في مطعم الفندق اثناء الافطار يعني في لمحة بصر مع ان المطعم يا دوب عائلتين خليجيتين ( وطبعا ضايعة شكوتك عندهم)


الثانية : اثناء وصولنا الى هذا الفندق ركب احد المغاربة مع بنت خالتي واخوها في عمر ال 14 سنه وقام هو وصديقة بوضع كوعه يامال الكسر في رقبتها والثاني متسند على ولد خالتي
وقاموا بسرقة شنطة يدها

وخرج عيني عينك في الوقت اللي كنت فيه عند الحجوزات اعمل حجز لليورو ديزني

في هاللحظات لقيت بنت خالتي تطلع من المصعد وهي تصرخ حرامي

وطبعا الكل يركض وراء هالحرامي وتم القبض عليه والحمدلله

الثالثة : سرقة سعودي في غرفته


مع ان الفندق درجة اولى وفخم وقرييييييب جدا من الشانز بس للاسف غير أمن

تقبلوا تحياتي

وعموما الاحتياط واااااااااااااااااااجب خاصة في هذه الدول