ربيع قطــر سنة 2007 صور تستحق المشاهده .

[هداف]

السلام عليكم ورحمة الله وبركاته
هذه مجموعة صور للريضان من منطقةالغشاميه بشمال قطر
ما شاء الله تبارك الرحمن
http://qatarspeed2005.jeeran.com/قـــطـــر/1.jpg
http://qatarspeed2005.jeeran.com/قـــطـــر/2.jpg
http://qatarspeed2005.jeeran.com/قـــطـــر/3.jpg
http://qatarspeed2005.jeeran.com/قـــطـــر/4.jpg
http://qatarspeed2005.jeeran.com/قـــطـــر/5.jpg
ولله الحمد الفقع في كل بران قطــر
اللهـم لك الحمد كما ينبغي لجلال وجهك وعظيم سلطانك


طبعا منقول


صور جميله ممكن ان البعض يحتفظ بها في جهازه او ماقد شافها وندعو الله ان يرحم حالنا ويرزقنا الحيا والربيع في السنين الجايه ان مد لنا في اعمارنا

[ذيبه مزاجيه]

سبحان الله ,,
صور وايد حلوه ,,
ليت المطر و البروده يرجعون شوي @_@
تسلم على الموضوع ,,

[بوعلي2]

اه ذكرتنا بذيك السنه صج كان مطر وربيع خصوصا اني من المناطق الشماليه وكانت الشمال شبه خضراااااااااااء :weeping:

الله يجيب الخير لنا يارب


تسلم على الموضوع الرائع الي يشرح الصدر

والله لايحرمنا من جديدك الرائع

[بوالفاروق]

يا الله ,, والله كانت ايام حلوة
للحين اذكر الغشامية والخضرة اللي فيها على ذيج الايام ...

العالم طالعة وقت الاسياد عشان الافتتاح
واحنا طالعين للبر :nice:

تسلم على المشاركة اخوي هداف

:)

[Only Me]

والله عبالي كينيا او غينيا او أي دولة ثانيه
ولا تقول ان هالمنطقه بقطر ( أيام الخير وأيام الأمطار الغزيرة اخر سنتين الأمطار صارت قليله ) الله كريم ان شاء الله

يعطيك العافية وماقصرت اخوي على هالصور الحلوه

[سلمان]

يعطيك العافيه على ها الصور بس ماعندك غيرهم

[لاداعي]

... هذي قطر بيت لكم وظلال..هذي قطر شمس لكم وهلال ...

ماشاء الله.. فديت قطر والله.. :)

[عاشق الشهادة]

يـ سلام ايام ومضت:weeping: يـ هداف

[غير البشر]

معقوله في الغشاميه :omg:
ماشاء الله روعه وربي
منظر حلوووو اتمنى يتكرر كل سنه
هي ماتستحق المشاهده وبس لازم معاها تأمل :shy:
الله يعطيك العافيه على الصور

[روض]

صج انا اذكرها

كانت ايام الاسياد<<من عقب هالسنه وحنا فى قحط مادرى غضب من الله علينا

[بوحارب]

لي ذكريات حلوة في هالمنطقة ^ ــ ^

تسلم على الصور الجميلة اخوي هداف وكثر من المواضيع في الأستراحة

ترى استراحتنا بدت تمووووت

[نجود]

بالتوفيق ان شاء الله

[Darco]

http://farm4.static.flickr.com/3132/3157382269_35145881c5_o.jpg



صورة من تصويري لنفس السنة .. المكان: غاف مكين غربي الغشامية للشمال.
(نفس مكان الصور اللي نقلتها أخوي هدّاف, بس صورك في اوّل الربيع وذي في ذروته)



ربيع 2007 كان تاريخي, المطر جا في آخر أكتوبر على شكل حقبان شمال قطر, ومن 20 نوفمبر والمطر يوقف يومين ويرجع لين 17 ديسمبر ويومها جا مطر غزير وبرد قارس في عز الظهر..

الربيع كان أقواه شمال , وبالذات من الغويرية وأنت رايح شمال وخاصة الغشّاميّة (ماشالله كل سنة ربيع الغشامية يجي أقوى عن المناطق اللي جنبها). فيه روض جنوب ربّع وكان قد له سنين ما ربّع.

الفقع كان جيّد لكن ما ينقارن بفقع 97 .. والسبب أن المطر جا في آخر الوسمي والكثير منه بعد الوسمي. أنا في ذيك السنة لقطت زبيدية بأحجام كبيرة .

عندي صور واجد عن ذيك السنة. إن الله كتب بنزلها في المنتدى.

[ابن مانع]

ان ماخاب ظني هذي روضة الغاف

[وديمه]

حي ذالعيييييين ماشاءالله لو مافيه تعليق كان قلت روضة خريم

لاهنت اخوي على الصور

[هداف]

http://farm4.static.flickr.com/3132/3157382269_35145881c5_o.jpg



صورة من تصويري لنفس السنة .. المكان: غاف مكين غربي الغشامية للشمال.
(نفس مكان الصور اللي نقلتها أخوي هدّاف, بس صورك في اوّل الربيع وذي في ذروته)



ربيع 2007 كان تاريخي, المطر جا في آخر أكتوبر على شكل حقبان شمال قطر, ومن 20 نوفمبر والمطر يوقف يومين ويرجع لين 17 ديسمبر ويومها جا مطر غزير وبرد قارس في عز الظهر..

الربيع كان أقواه شمال , وبالذات من الغويرية وأنت رايح شمال وخاصة الغشّاميّة (ماشالله كل سنة ربيع الغشامية يجي أقوى عن المناطق اللي جنبها). فيه روض جنوب ربّع وكان قد له سنين ما ربّع.

الفقع كان جيّد لكن ما ينقارن بفقع 97 .. والسبب أن المطر جا في آخر الوسمي والكثير منه بعد الوسمي. أنا في ذيك السنة لقطت زبيدية بأحجام كبيرة .

عندي صور واجد عن ذيك السنة. إن الله كتب بنزلها في المنتدى.





حي ذا الشووووووووووف في ذمتي الله لايحرمنا الحيا والربيع ويرحمنا برحمته ,, لاهنت اخوي داركو وجميع المشاركين على التواجد العطر

[سهم مديون]

صور روعه

[غناتي1]

اللهم اسقنا الغيث -- ولا تجعلنا من القانطين

الله يرحمج يا نورة جانا ربيع هالسنة 2007 وهي مريضة

وتوفت وهي تنتظر ربيع السنة اللي بعدها

الله يغفر لها ويدخلها الجنة بلا حساب ولا عقاب

أمانة ادعوا لها بالرحمة والمغفرة

[بوخالد2]

عز الله انك صادق خوش ربيع كان

صدق الواحد ينسى الهم ذيك الايام

واذكر اني منزل موضوع بالمنتدى من تصويري بالسنه هذه

ربيع شمال قطر

[هداف]

اللهم اسقنا الغيث -- ولا تجعلنا من القانطين

الله يرحمج يا نورة جانا ربيع هالسنة 2007 وهي مريضة

وتوفت وهي تنتظر ربيع السنة اللي بعدها

الله يغفر لها ويدخلها الجنة بلا حساب ولا عقاب

أمانة ادعوا لها بالرحمة والمغفرة


الله يرحمها ويغفر لها ويسكنها الجنه امين يارب العالمين

[ام لولوه]

ماشاء الله صج صور اوربيه قطريه ههههههههه

[قطوو كاشخ]

ما شاء الله على الصور الحلوة

والله ما تقول هاي في قطر

كانها في اوروبا او شرق آسيا

واللي مصورها فنان وحساس يمعني الكلمة

تقبل مروري على الموضوع يا هداف


ميوو ميوو

[زقرتي ومزاجي]

شفت برق علينا هلت مزونه ,,, جعل يسقي قطر و يعل ريضانه

من شمال الضعاين مقبل دونه ,,, و غاشي الخور و ام صلال هتانة

و انتكس لزغوى يمشي على هونه ,,, و مر عجل على الدوحة و دانة

و راح للوكرة اللي فيه مزيونه ,,, صاحب اللي علينا طال هجرانه

ثم سند على جو تعرفونه ,,, و اسمه ام الزبار و عل وديانه

و اعتلى للعسيلة و اختلف لونه ,,, ثم حول على عفجان و اركانه

كل هذا لمن هو تذبح عيونه ,,, خلي اللي نضمت القاف من شانه

تم قيلي عسى بس هم يوحونه ,,, و الثنا و الشكر لله سبحانه

[فلفل حار]

سبحان الله ,,:)



صور وايد حلوه ,,:nice: