ويــــــــــنهم ؟؟؟؟؟

[طواش]

يانّا وقت كانت فيه أمهاتنا ما يدلون السوق ،

مرتاحات ، كل شيء - تقريبا - إييهم إلى بيبانهم ،

السماك إييب لهم السمك وينقون منه وهو يلبط لا ثلج ولا شي ،

الخبّاز إييب لهم الخبز والنخي والباجلا ،

الحواي إييب لهم الأقمشة ،

الحجامة إتدور على البيوت ،

العكافة إتييهم إلى بيوتهم ،

البقّال إييب لهم الرويد والبربير والمشموم إلى مكانهم ،

عقب تطور الموضوع ،

قام العكاس إييهم يصور يهالهم في البيوت ،

راعي العسكريم إييهم بسيارته ويضرب هرن غير شكل وياخذون منه لهم ولعيالهم .

راعي الزل إييب لهم الزل يشوفونها بعيونهم وهم في مكانهم .

راعي الصفيحة إيي البيوت بسيكله ويبيع على عيالهم .

بياكم الزروع تبيع الخضرة طازجة .

كل شي كان خدمة منازل ( هوم دلفري ) .

كانت الناس مرتاحة حاجتها تييها إلى مكانها ، ولا زحمة ولا سندارة ولا صخصخة .

هاذي المظاهر كلها إختفت .

أظن لو تنظر جهة الاختصاص في إعطاء تراخيص خدمة منازل لأكثر من قطاع بتخف الزحمة

شوي ويرتاح الناس من سيرات السوق على الطالعة والنازلة ، وبتنفتح مصادر رزق متجددة

لكثير من الناس .

ولا إيش رايكم ؟؟؟

[طواش]

هل من الممكن أن تقر تراخيص مثل هذه للتجار والمتسببين ؟؟؟؟

[شكري وتقديري]

مثل هذا النوع من طرق التجارة سوف يريح الكثير من الناس أنا أولهم لأني لا أحب الأسواق

ولا أذهب إليها إلا عند الحاجة .

[كيفـي]

ذكرتني بأيام الدوار.. اللى شايل بقشته فوق راسه..

وفيها بضايع متواضعة.. وكانوا يستانسون عليها..

والله ارييح لنا.. وبتخف الزحمة..

ونبي بعد سيارات بنوك متحركة نفس اليمن..:nice:

صدقوني ماطلع.. تراني ابي اشارة وماطلع..

[~~ الدانـه ~~]

ذكرتني بأيام الدوار.. اللى شايل بقشته فوق راسه..

وفيها بضايع متواضعة.. وكانوا يستانسون عليها..

والله ارييح لنا.. وبتخف الزحمة..

ونبي بعد سيارات بنوك متحركة نفس اليمن..:nice:

صدقوني ماطلع.. تراني ابي اشارة وماطلع..



ههههههههههههههههههههههههه ياساتر كيف متحركه يعني ؟

[طواش]

ذكرتني بأيام الدوار.. اللى شايل بقشته فوق راسه..

وفيها بضايع متواضعة.. وكانوا يستانسون عليها..

والله ارييح لنا.. وبتخف الزحمة..

ونبي بعد سيارات بنوك متحركة نفس اليمن..:nice:

صدقوني ماطلع.. تراني ابي اشارة وماطلع..

من الممكن تطوير الأفكار التي كانت في الماضي بمنح رخص لشركات معتمدة وبسيارات

مجهزة ، وفكرة البنك المتنقل موجودة بس غير معممة .

كل هذا بيقلل الزحمة في الشوارع وبيوجد فرص عمل جديدة .






ههههههههههههههههههههههههه ياساتر كيف متحركه يعني ؟

داوود الله يهداك لا تسوي نفسك غشيم ، يعني سيارات بنكية .

[moonبنتnight]

الله 00 صج 00

تهقين بوافقون 00 فريجنا لادكان وطير 00 خبز وروتي وروب أقل شيء جمعية وتتعذبين اذا ما في أحد 00
بيوت موجودة بس بدون مرافق عام لا ( جمعية 00 دكان 00 حديقة ) ما في شي 00

أول أحلى 00

[طواش]

الله 00 صج 00

تهقين بوافقون 00 فريجنا لادكان وطير 00 خبز وروتي وروب أقل شيء جمعية وتتعذبين اذا ما في أحد 00
بيوت موجودة بس بدون مرافق عام لا ( جمعية 00 دكان 00 حديقة ) ما في شي 00

أول أحلى 00

أختي :

تهقى ما هب تهقين

وأهقى ليش ما أهقى

المقترح بينفع الناس وبيقلل الزحمة .

[hemoud123]

خوي طواش اسمحلي اقولك فكره غير صائبه وغير قابله للتطبيق وبقولك ليش :

اولا لازم نشوف دوار ( البايع ) تابع ل لويس فيتون او زارا وواحد ثاني يبيع منتجات ديور ومنتجات تجميل خاصه بالماركه الفلانيه والعلانيه يعني بنشوف الحي السكني يعج بالسيارات وكل وحده تبيع منتج معين
في السابق كان الدوار انسان بسيط يبحث عن لقمة عيشه ويقضي طول يومه يمشي على رجله , واكثرهم من السند اللي يجون يجمعون شوية فلوس علشان يحج , يعني الشغله كلها محطه في طريقه للحج , لذلك في الغالب يكون تعاملهم بامانه .
لكن تخيل شكل البياع الايام هذي ,
يعني واحد لابس جينز ضيق وقميص مخنصر مفتوح نصفه وشعر لين الكتف مليان جل وسلاسل في الرقبه وفي اليد والوجه امرد ما فيه ولا شعره , ويدق الباب , يطلع له راعي البيت نعم ؟ انا الدوار التابع لمحلات زورا ما ادري زارا , ومعاها ابتسامه من النوع اللي اكرهه:tease:
اقلب وجهك جعل العظم يوقف في زورك :anger1:هذا اقل رد ممكن يلقاه

ملاحظه
في اغلب المواضيع المشابهه اللي تطرح , الاحظ ان الاغلبيه ما شاء الله عليهم مايحبون يروحون الاسواق او المجمعات الا للضروره ,الله يكملهم بعقولهم ان شا الله

تسلم على الموضوع

[طواش]

خوي طواش اسمحلي اقولك فكره غير صائبه وغير قابله للتطبيق وبقولك ليش :

اولا لازم نشوف دوار ( البايع ) تابع ل لويس فيتون او زارا وواحد ثاني يبيع منتجات ديور ومنتجات تجميل خاصه بالماركه الفلانيه والعلانيه يعني بنشوف الحي السكني يعج بالسيارات وكل وحده تبيع منتج معين
في السابق كان الدوار انسان بسيط يبحث عن لقمة عيشه ويقضي طول يومه يمشي على رجله , واكثرهم من السند اللي يجون يجمعون شوية فلوس علشان يحج , يعني الشغله كلها محطه في طريقه للحج , لذلك في الغالب يكون تعاملهم بامانه .
لكن تخيل شكل البياع الايام هذي ,
يعني واحد لابس جينز ضيق وقميص مخنصر مفتوح نصفه وشعر لين الكتف مليان جل وسلاسل في الرقبه وفي اليد والوجه امرد ما فيه ولا شعره , ويدق الباب , يطلع له راعي البيت نعم ؟ انا الدوار التابع لمحلات زورا ما ادري زارا , ومعاها ابتسامه من النوع اللي اكرهه:tease:
اقلب وجهك جعل العظم يوقف في زورك :anger1:هذا اقل رد ممكن يلقاه

ملاحظه
في اغلب المواضيع المشابهه اللي تطرح , الاحظ ان الاغلبيه ما شاء الله عليهم مايحبون يروحون الاسواق او المجمعات الا للضروره ,الله يكملهم بعقولهم ان شا الله

تسلم على الموضوع

ايش لون يا حمود يعني الفكرة ما تصلح يا أخوك ؟؟؟؟؟؟؟

إن زين وشو البديل ؟؟؟؟

ايش رايك يحدد جدول للمحلات المارة ، كل محل مرة كل شهر .

ويحدد لهم بعد الالتزام بالزي المحتشم والشكل الحشيم ، وإن اللي يمر على البيوت نساء

فقط لا غير .

[هذلان]

السلام عليكم

بصراحه اقتراح مذهل ... انا مع انه يكون فيه تراخيص و بطريقه منظمه جدا
وتكون للسلم الاستهلاكيه .. يعني خضار سوبر ماركت بياع السمك و اللحام و الاشياء الخفيفه.
اما الملابس و غيره صعبه لوجود تنوع كبير بين كل محل و الثاني.

واحد من الربع كان يدرس برى و كان فيه سوبر ماركت مادي في المجمع الي هم ساكنين فيه او قريب منه
كان فيه سايت للسوبر ماركت ... تطلب و تدفع بالفيزه و خلال دقايق اغراضك عن باب شقتك

[hemoud123]

ايش لون يا حمود يعني الفكرة ما تصلح يا أخوك ؟؟؟؟؟؟؟

إن زين وشو البديل ؟؟؟؟

ايش رايك يحدد جدول للمحلات المارة ، كل محل مرة كل شهر .

ويحدد لهم بعد الالتزام بالزي المحتشم والشكل الحشيم ، وإن اللي يمر على البيوت نساء

فقط لا غير .

اها , الحين حلوت الفكره , وياريت تتطبق الفكره وتكون نسائيه 100% على الاقل نرتاح من ودونا وجيبونا , الحين انا من اول المؤيدين:nice:

[..الاميرة..]

ياسلام على ايام قبل ذكرتنا فيها خصوصاً سيكل العسكريم:D


ذكرتني بأيام الدوار.. اللى شايل بقشته فوق راسه..

وفيها بضايع متواضعة.. وكانوا يستانسون عليها..

والله ارييح لنا.. وبتخف الزحمة..

ونبي بعد سيارات بنوك متحركة نفس اليمن..:nice:

صدقوني ماطلع.. تراني ابي اشارة وماطلع..


اي والله الله يرحم ايام الدوار يوم يجينا ونبسط عند باب البيت نتنقى من خلاقينه ..

ايام ياكيفي اياااااام الله يرحمها من ايام .. :(


بس تهقى اخوي الطواش إذا إرجعت هالاشياء هل فعلاً راح يرضون ويكتفون الناس !!

خصوصاً الدوار :shy:

انا اقول ماضنتي الحين وييييين كلن يدور الماركه الفلانيه ..

[~~ الدانـه ~~]

من الممكن تطوير الأفكار التي كانت في الماضي بمنح رخص لشركات معتمدة وبسيارات

مجهزة ، وفكرة البنك المتنقل موجودة بس غير معممة .

كل هذا بيقلل الزحمة في الشوارع وبيوجد فرص عمل جديدة .







داوود الله يهداك لا تسوي نفسك غشيم ، يعني سيارات بنكية .



والله اول مره اعرف هالتقنيه شدراني


مش قادره استوعب عمومأ جزاك الله خير لاتعصب

[بوحارب]

الله يعطيك العافية طواش

[طواش]

السلام عليكم

بصراحه اقتراح مذهل ... انا مع انه يكون فيه تراخيص و بطريقه منظمه جدا
وتكون للسلم الاستهلاكيه .. يعني خضار سوبر ماركت بياع السمك و اللحام و الاشياء الخفيفه.
اما الملابس و غيره صعبه لوجود تنوع كبير بين كل محل و الثاني.

واحد من الربع كان يدرس برى و كان فيه سوبر ماركت مادي في المجمع الي هم ساكنين فيه او قريب منه
كان فيه سايت للسوبر ماركت ... تطلب و تدفع بالفيزه و خلال دقايق اغراضك عن باب شقتك

المواقع بعد جيدة لتسليم الطلبات .

والسيارت المرارة بعد زينة لو نظموا العملية .

مشكور على المرور .

[طواش]

اها , الحين حلوت الفكره , وياريت تتطبق الفكره وتكون نسائيه 100% على الاقل نرتاح من ودونا وجيبونا , الحين انا من اول المؤيدين:nice:

زين الحمد لله

[مضاربه]

انا لحقت على الدوار وراعي السيكل الي يبع زعتر وسمبوسه وعربانه الخضره محلاها من ايام بس على فكره صعب تطبيقها الحين الزمن غير والناس غير والاذواق غير شي يطول شرحه

[طواش]

ياسلام على ايام قبل ذكرتنا فيها خصوصاً سيكل العسكريم:d



اي والله الله يرحم ايام الدوار يوم يجينا ونبسط عند باب البيت نتنقى من خلاقينه ..

ايام ياكيفي اياااااام الله يرحمها من ايام .. :(


بس تهقى اخوي الطواش إذا إرجعت هالاشياء هل فعلاً راح يرضون ويكتفون الناس !!

خصوصاً الدوار :shy:

انا اقول ماضنتي الحين وييييين كلن يدور الماركه الفلانيه ..


واللي يدور الماركة ليش ما تييه إلى بيته ، سلّم واستلم .

بعض البضائع تخصص لها سيارات واللي لها مواقع بيع على الانترنت تسلم للعميل تسليم يد .

وإلا ايش رايك يا الأميرة ؟؟؟؟

[طواش]

والله اول مره اعرف هالتقنيه شدراني


مش قادره استوعب عمومأ جزاك الله خير لاتعصب

مش قادرة :omg::omg::omg:

أنا مب معصب بس مستغرب .

[!الشايمه!]

العكافة إتييهم إلى بيوتهم ،

العكافة يعني شنو؟

[طواش]

الله يعطيك العافية طواش

ويعافيك ويبقيك

إلا ايش بلاك تحنطم على أيام المنتدى ،

عسى ما أحد دقلك ودقل خاطرك بشي .

إذا أحد زعلك قول لي وأنا :anger1::anger1::anger1:

[طواش]

انا لحقت على الدوار وراعي السيكل الي يبع زعتر وسمبوسه وعربانه الخضره محلاها من ايام بس على فكره صعب تطبيقها الحين الزمن غير والناس غير والاذواق غير شي يطول شرحه

ليش صعب عاد ؟؟؟؟؟؟؟؟

وما نقدر نرجع أي شي منها برايك ؟؟ .

[..الاميرة..]

واللي يدور الماركة ليش ما تييه إلى بيته ، سلّم واستلم .

بعض البضائع تخصص لها سيارات واللي لها مواقع بيع على الانترنت تسلم للعميل تسليم يد .

وإلا ايش رايك يا الأميرة ؟؟؟؟



ماعندي مانع وابرك الساعات يوم كل شي يجيني لي عندي ..

وبخصوص مواقع الانترنت صحيح معاك حق وعلى فكره الاغلبيه قام يشتري ويتبضع عن طريق المواقع وانا وحده منهم .. :nice:












مش قادرة :omg::omg::omg:

أنا مب معصب بس مستغرب .



لا تستغرب ياخوي ..

المعني او المعنيه بـإسم داوود هى (فتاه) وليس بــ (رجل) ..

علشان كذا قالت (مش قادرة) ..

لان من فتره شفت لها تعليق تقول انا وحده مش واحد ..:rolleyes2:



(داوود) انا اقول لو تغيرين نكك افضل ليكون خلصت الاسامي !! :telephone:

[طواش]

العكافة إتييهم إلى بيوتهم ،

العكافة يعني شنو؟

العكافة يا الشايمة يعني ( الكوافيرة ) على ترجمة هالأيام .

العكافة كانت تعكف شعور النسوان يعني تجدل لهم شعورهم .

ما آدري وضحت الصورة ولا لا ؟؟؟؟؟

[مضاربه]

ليش صعب عاد ؟؟؟؟؟؟؟؟

وما نقدر نرجع أي شي منها برايك ؟؟ .

نقدر نرجع مثلا راعي الخضره ممكن لكن لحوم واسماك وملابس ماظنتي شلون تقدر تميز بين الاصلي والتقليد في الي يجيب لك شنطه يد 15000 ومثلها بس تقليد 1000 ياخوي كثر الغش والبلد انترست من الاجانب الاول كل يعرف الثاني وثاني شي الشركات العالميه غير مسموح لهم ان يدورون بالبضايع لازم يكون لهم محل ومواصفات وديكورات معينه

[طواش]

ماعندي مانع وابرك الساعات يوم كل شي يجيني لي عندي ..

وبخصوص مواقع الانترنت صحيح معاك حق وعلى فكره الاغلبيه قام يشتري ويتبضع عن طريق المواقع وانا وحده منهم .. :nice:








لا تستغرب ياخوي ..

المعني او المعنيه بـإسم داوود هى (فتاه) وليس بــ (رجل) ..

علشان كذا قالت (مش قادرة) ..

لان من فتره شفت لها تعليق تقول انا وحده مش واحد ..:rolleyes2:



(داوود) انا اقول لو تغيرين نكك افضل ليكون خلصت الاسامي !! :telephone:


متاكدة أنت من سالفة داوود ؟؟؟؟؟؟؟

شكرا على المرور والمتابعة

[روضة]

الطواش حبيت اشكرك على طرحك الحلو والخفيف والمميز لازم نعترف ان فيه من المتغيرات اللي صرنا عليها وايضا واقعنا الذي فرض علينا ان نعيش حياة تختلف عن الحياة التي عاشوها اهلنا واقعنا هو اللي شكلنا واصبحنا بما عليه الان من تغير في العادات والسلوك والطباع والميول و اللبس والشرب والالفاظ,, .صعب ان نرى امثال هؤلاء الناس من الباعة في زمننا الحاضر

يازين وطر مضى ليته يعود..
الطواش يعطيك العافيه
و بالفعل استمتعت بقراءة الموضوع

[طواش]

نقدر نرجع مثلا راعي الخضره ممكن لكن لحوم واسماك وملابس ماظنتي شلون تقدر تميز بين الاصلي والتقليد في الي يجيب لك شنطه يد 15000 ومثلها بس تقليد 1000 ياخوي كثر الغش والبلد انترست من الاجانب الاول كل يعرف الثاني وثاني شي الشركات العالميه غير مسموح لهم ان يدورون بالبضايع لازم يكون لهم محل ومواصفات وديكورات معينه

وجهة نظرك معقولة .

بس في حالة الأشياء الغالية ممكن نشتريها من مواقعها الرسمية ويوصلونها للبيت .

ولا إيش رايك ؟؟؟؟؟؟؟؟

[طواش]

الطواش حبيت اشكرك على طرحك الحلو والخفيف والمميز لازم نعترف ان فيه من المتغيرات اللي صرنا عليها وايضا واقعنا الذي فرض علينا ان نعيش حياة تختلف عن الحياة التي عاشوها اهلنا واقعنا هو اللي شكلنا واصبحنا بما عليه الان من تغير في العادات والسلوك والطباع والميول و اللبس والشرب والالفاظ,, .صعب ان نرى امثال هؤلاء الناس من الباعة في زمننا الحاضر

يازين وطر مضى ليته يعود..
الطواش يعطيك العافيه
و بالفعل استمتعت بقراءة الموضوع

يا أختي لما تتوسع المدن تتوسع الخدمات ويتفنن التجار في طرق توصيل الخدمة .

أظنه وطر ربما يعود .

[طواش]

لقد عاد وطر توصيل المنازل وأظنه بيعود بقوة مع كثرة الزحام في الطرقات .

[الامانه]

اصلا الدوار كان يبيع عطورات ماركات لا مركزه بعد مهب الحين عطوراتهم
كله تواليت
حتى الملابس نوعيه جيده لو تغسلهم مليون مره ما تغير الون
اما الحين من اول غسله الا الون باهت لا وامحل بعد

[الزاجل]

طيب

ليش ما نطالب بخدمة الطلب عبر النت ؟

[الزاجل]

اصلا الدوار كان يبيع عطورات ماركات لا مركزه بعد مهب الحين عطوراتهم
كله تواليت
حتى الملابس نوعيه جيده لو تغسلهم مليون مره ما تغير الون
اما الحين من اول غسله الا الون باهت لا وامحل بعد

على أيامنا ما اخبر في شي مركز او تواليت
الكلونيا كان عطر :shy:
والفليت كان بودي شوب :shy:
والجاز كان مزيل للعرق :victory:

فالدوار كان عنده بضايع السوق الكويتي
صوب سوق واقف.. :shy:

[طواش]

اصلا الدوار كان يبيع عطورات ماركات لا مركزه بعد مهب الحين عطوراتهم
كله تواليت
حتى الملابس نوعيه جيده لو تغسلهم مليون مره ما تغير الون
اما الحين من اول غسله الا الون باهت لا وامحل بعد

عيل خل يرجع وطر الدوار حتى كل واحد يتأكد من اللي يشتريه وهو على باب بيته .