المساعد الشخصي الرقمي

مشاهدة النسخة كاملة : ماهي اجرائات تصدير سيارة سعودية الى قطر؟


القناص
05-06-2009, 02:46 PM
السيارة موديل 2009 أصفار...

الي أعرفه البطاقة الجمركية - وتكون عليها لوحة تصدير ( سعودية)
بالنسبة للرسوم هل مطلوب دفع رسوم ولا معفيه
هل السيارة ممكن تدخل الدوحة بلوحة تصدير ( وكم الفترة المسموح بابقاء اللوحة عليها في الدوحة)
..er..
05-06-2009, 02:49 PM
والله يالغالي ماعندي خلفيه


بس ان شاء الله الربع ماراح يقصرون معك


:)
بوسعود180
05-06-2009, 02:49 PM
المعرض اللي بتشتري منه السياره قله انك بتصدرها علشان يركب عليها ارقام التصدير ويسوي الاجراءات فالمرور واحرص على ورقة المقاصه علشان ماتدفع رسوم جمرك
القناص
05-06-2009, 03:00 PM
المعرض اللي بتشتري منه السياره قله انك بتصدرها علشان يركب عليها ارقام التصدير ويسوي الاجراءات فالمرور واحرص على ورقة المقاصه علشان ماتدفع رسوم جمرك

تسلم يالغالي على الرد

ورقة المقاصة هي نفسها البطاقة الجمركية.
وحيد-الشوق
05-06-2009, 04:09 PM
اخوي السيارة لما تدخلها الدوحة اذا عن طريق البر بتسجلها في المرور وبتركب اللوحات في مركز بوسمرة بس احيانا ماتسجل هناك :rolleyes2:


وافضل حل اتصل على بدالة بوسمرة 4714444 واستفسر منهم
بن درويش
05-06-2009, 04:24 PM
اخوى اورقه المقاصه هاى تطلع من الميناء عشان ماتدفع جمارك فى قطر
البطاقه الجمركيه غير عن ورقه المقاصه
القناص
05-06-2009, 04:37 PM
اخوي السيارة لما تدخلها الدوحة اذا عن طريق البر بتسجلها في المرور وبتركب اللوحات في مركز بوسمرة بس احيانا ماتسجل هناك :rolleyes2:


وافضل حل اتصل على بدالة بوسمرة 4714444 واستفسر منهم

ماقصرت أخوي وحيد تم الاتصال بمركز أبوسمرة وقال يوجد مرور في أبو سمرة ممكن تتسجل فيه السيارة
القناص
05-06-2009, 04:38 PM
اخوى اورقه المقاصه هاى تطلع من الميناء عشان ماتدفع جمارك فى قطر
البطاقه الجمركيه غير عن ورقه المقاصه

تسلم يابن درويش وعساك عالقوة
القناص
05-06-2009, 05:06 PM
غريبة كلمت المعرض الي في السعودية

وقال المقاصة ب 1500 ريال
ole
05-06-2009, 07:44 PM
غريبة كلمت المعرض الي في السعودية

وقال المقاصة ب 1500 ريال

السلام عليكم

انا اخذت سيارة من الدمام من الوكالة بس قلت لهم ابي اصدرها جهزو ضرف فيه اوراق ولوحات التصدير وقالو لي سلم الضرف (فيه قيمة تكلفة السيارة الاصلية و اي مينا واصل) للمخلصين في جمارك سلوى وهم بيقومنن بالازم في المركز السعودي بعدها تروح للمركز القطري ونفس الحكاية تروح للمخلص في الجمارك وهو بيقوم بالازم

ومن ناحية المصاريف رسوم المخلص السعودي مايتجاوز 200 ريال في المركز القطري بيزيد عليك التأمين 550 ضد الغير ورسوم التسجيل يعني انت ماتدفع جمارك لانها المفروض مدفوعة
البحار00
05-06-2009, 09:17 PM
اورقة المقاصه تاخذها من ميناء الدمام
moschino8
05-06-2009, 09:40 PM
اوراق المقاصه تاخذها من الوكاله نفسها مو من المينا هم بيرتبون كل شي واحتمال تسحب مانيفيست قديم اللي دخل في الموتر الى السعوديه عن طريق المينا واذا كان الموتر وارد امريكا ولاا شي تاكد الجمرك مدفوع او لا بالسعوديه عشان ماتدفع جمرك في قطر بموجب المقاصه ونفس ماقلتلك اذا وارد مو وكاله تاخذ الاوراق من اللي مستورد الموتر من برا يعني المعرض او الشخص..
القناص
05-06-2009, 09:44 PM
يعني ورقة المقاصة أخذها من وكالة عبداللطيف جميل بدون رسوم

زين ليش المعرض يقول لازم تدفع 1500 رسوم ( المقاصة)

دامها من عند الوكالة مجانا ليش يطلب علي رسوم
moschino8
05-06-2009, 10:30 PM
عبدالطيف جميل تاخذه من عنده وفي رسوم رمزيه طوابع وخلافه والمعارض سوالفها معروفه 3 دبلات السعر اخوي سوها بنفسك او شوفلك حد بعبدالطيف جميل يسويها ماراح تكلفك 300 ريال سعودي والله اعلم.. او اشرط على المعرض المقاصه مع السياره وهالشي اريحلك :)
بوزيد
05-06-2009, 10:39 PM
السلام عليكم ورحمة الله وبركاته اخوي السياره تاخذ ورقة التصدير الظاهره لك من المرور وتروح وكالة عبدالطيف جميل يعطنك البطاقه الجمركيه والبيان الجمركي ووصل الجمرك علشان تظهر لك مقاصه في الجمارك في سلوى والاوراق يعطونك اياها ببلاش اما بنسبه للمعارض مايعطونهم الوكاله الاوراق فيستعينون بناس مخلصين للوكاله ويجيبونها لك بفلوس مع اخذ حقهم بعد والله يوفقك وارجو اني وضحتلك الصوره بشكل:nice:
المطلوب
بن درويش
06-06-2009, 08:54 PM
اخوى اذا موتر مو من الوكاله يمكن راعى المعرض بيعطى واحد 1500 ريال عشان يخلصلك الاجراات
ويمكن السياره داخله من مينا جده وله مينا الدمام