الفززززززززززعة

[دي دي]

طاب حالكم
نود السفر الى فيننا في منتصف يوليو وبما انه لاوجود للسفارة النمساوية في قطر
سوف ناخذ الفيزا من السفارةالالمانية ولكن سوف تكون وجهتنا الاولى الى فيننا مباشرة وبعدها سوف نذهب الى ميونيخ اذا كان في وقت
المطلوب ماعليكم امر افادتي بشان الفيز علما ان طفلي معي بنفس الجواز واين مكان السفارة بالضبط ووقت عملها وكيفية اخذ الموعد معهم وكم يوم تطول .
وماهي متطلبات الفيزا ؟
واي شركة تنصحوني بها تسهل لي الاجراءات ؟اومندوب ثقة
وكم المفروض يكون الحساب في الكشف البنكي ؟
وكم رسوم الفيزا؟
والتامين لمدة 20 يوم او شهر ؟
وعند الحجزالدمي فوتشر الوهمي انة اخاف انهم يجيكون بعدها على الحجز ام ان الشركة التي تعمل على الحجوزات مرتبة كل شي خبركم مابي احجز وادفع وبعدين اتوهق وبس خساير على الفاضي
كتاب من الجهة التي يشتغل فيها زوجي وزارة حكومية هل يجب ان يكون باللغة الانكليزيةلانه اعتقد فقط باللغة العربية
وشكرا اعرف وهقتم وسندرتكم بس انتو اخوتي واهل الفزززعة

[بولينجر]

شوفي الموضوع وان شاء الله يفيدج

http://www.qatarshares.com/vb/showthread.php?t=125852&highlight=%C7%E1%D4%E4%DE%E4

[غير البشر]

طاب حالكم
نود السفر الى فيننا في منتصف يوليو وبما انه لاوجود للسفارة النمساوية في قطر
سوف ناخذ الفيزا من السفارةالالمانية ولكن سوف تكون وجهتنا الاولى الى فيننا مباشرة وبعدها سوف نذهب الى ميونيخ اذا كان في وقت
المطلوب ماعليكم امر افادتي بشان الفيز علما ان طفلي معي بنفس الجواز واين مكان السفارة بالضبط ووقت عملها وكيفية اخذ الموعد معهم وكم يوم تطول .
وماهي متطلبات الفيزا ؟
واي شركة تنصحوني بها تسهل لي الاجراءات ؟اومندوب ثقة
وكم المفروض يكون الحساب في الكشف البنكي ؟
وكم رسوم الفيزا؟
والتامين لمدة 20 يوم او شهر ؟
وعند الحجزالدمي فوتشر الوهمي انة اخاف انهم يجيكون بعدها على الحجز ام ان الشركة التي تعمل على الحجوزات مرتبة كل شي خبركم مابي احجز وادفع وبعدين اتوهق وبس خساير على الفاضي
كتاب من الجهة التي يشتغل فيها زوجي وزارة حكومية هل يجب ان يكون باللغة الانكليزيةلانه اعتقد فقط باللغة العربية
وشكرا اعرف وهقتم وسندرتكم بس انتو اخوتي واهل الفزززعة



مرحبا اختي دي دي
انا كل سنه اسوي فيزا عن طريق السفاره الالمانيه
بس الصيف الي راح سويتها في الفرنسيه
على العموم انا بوضح لج

1- بالنسبه لسؤالج ان اول وجه بتروحين فيينا مافي مشكله
روحي السفاره الاملانيه عطيهم خبر ان الوصول مطار فيينا

2- مكان السفاره الالمانيه اتعرفين اشارات كليب الي عند سوق الكواري
يعني من دوار التلفزيون وانتي رايحه صوب محل الشاهين في بن عمران
في اشارات الي عند مكتبه الجامعه اخذي مع الاشاره يمين 30 متر
واتشوفين يمين اداره الدعوه والارشاد ومسجد السفاره جنب المسجد

3- بالنسبه للموعد وكم يوم تجهز الفيزا :
اختي الموعد على حسب الزحمه اعتقد روحي من الحين افضل
بدون رقم او موعد على طول ياخذون طلبكم
لكن وقت الزحمه بيعطونكم موعد يومين او ثلاثه عشان بس ياخذون الطلبات
وفتره تجهيز الفيزا تقريبا ثلاث ايام
واذا نفس السعر القديم سعر الفيزا الوحده 350 ريال

4- متطلبات الفيزا اخذي الطلبات وبتكون موجوده
بس الي اتذكر:
-صورتين شخصيتين للمسافرين تكون خلفيه رصاصيه
-حجز الفندق وخطوط الطيران مع مرعاه عنوان ورقم تلفون الفندق
وطبعا عمل حجز وهمي اتصلي اي مكتب سفريات ويعملونه لج
او روحي سفريات السليمان مقابل مستشفى السد للأطفال
جنب فندي لاسيجال
- الجوازات الاصليه
- التوقيع على كتاب التعهد تاخذينه من السفاره مع الطلبات
- تامين صحي للمسافرين في نفس السفريات تاخذين التأمين
اسعار الحجوزات الوهميه تختلف بس حاولي تتفاوضين معاهم
ملاحظه مهمه بما انه حجز وهمي حطي معظم الايام في ميونخ
مثال بتروحين اسبوعين حطي ميونخ منهم 10 ايام
مبلغ التأمين يمكن على الشخص 200 ريال

5- مندوب ثقه مب شرط ممكن اي شخص دريول او مندوب عندكم بالشغل
عادي بالنسبه لي ماعرف مندوبين لكن اذا السفريات
ممكن يخلصونهم لج مقابل مبلغ مادي اووكي

6- مافي داعي كشف حساب من البنك ولا يسألون عن المبلغ

7- بالنسبه ان يشيكون على الحجز الوهمي لا طبعا
هم عارفين انه وهمي بس يستعبطون عادي مافي مشكله :victory:

بخصوص كتاب جهه زوجج من قالج انه مطلوب انا كل سنه اسافر
وعمرهم ماطلبو كتاب من جهه عملي وتوني من شهرين جاي من لندن
ماطلبو مني كتاب

8 وبالنسبه للاستفسار الاخير (وشكرا اعرف وهقتم وسندرتكم بس انتو اخوتي واهل الفزززعة)

بالعكس عاادي مابه ازعاج ههههههههههههههههه


واذا اول مره اتروحين فيينا او ميونخ حافظهم اذا تبين افيدج فنادق او مناطق تسوق
او المسافات عطيني خبر
واي استفسار انا حاضر:victory:

[دي دي]

مشكور اخوي ماقصرت الله يجعلهة في ميزان حسناتك اميييييين
استفدت وايد من المعلومات
انه كنت عايشة في فيننا بس الكلام هذ ب2001 والحين ابي اروح سياحة يعني بتختلف لانه ابي فندق مناسب سعره وابي يكون قريب من ماريا هيلفر شتراسة او في لاند شتراسة مافي مشكلة اي مكان عشان انة ادل الاماكن بس بغيت استفسر عن الانترتيمنتس للاطفال الحين عندي ولد ابي اخليه يستانس شنو في غير الزو (حديقة الحيوانات) والبراتر والحدايق
وابي استعلم اذا بغيت اسافر بالقطار الى ميونيخ او اي منطقة قريبة اخرى ياليت تخبرني المسافة وكيفية السفر اول مرة اذهب بالقطار بين المدن كان عندنا دريول ونطلع معاه بس الحين انة مع زوجي وولدي يعني بروحنا ومعتمدين على نفسنا.


بما انه حجز وهمي حطي معظم الايام في ميونخ
مثال بتروحين اسبوعين حطي ميونخ منهم 10 ايام
يعني حتى لومسافرت ميونخ لازم احجز يعني لازم يحسون اني رايحة لبلادهم

ياليت تخبرني عن اوتيلات مناسبة الاسعار وحتى لوكانت موايد كشخة عشان اكثر الوقت راح نقضي برع لانه انة قبل ساكنة الساس وساخر والماريوت والانتركونت والهلتون بس اشوف اسعارها غالية شوي ابي شي مناسب
وابي الاماكن الترفيهية الحلوة لان انة رايحة الاوبرا والمتاحف وووو
والحين ابي ولدي يستانس
استفسار ايضا عن اقرب المناطق يعني سالزبورج وجراتس والمدن القريبة والشلالات وين الاقيها
ومشكور الشيخ ماقصرت والله ياجرك على كل حرف ساعدتني فيه

[ام لولوه]

حبيبتي انا اخر مره سكنت في فندق اسمه نوفتيل قريب من كارتنر ستريت سعره روعه نظيفففففففففف جداااااا
وجديد ومريح وسعر الليله 800 ريال

[دي دي]

مشكورة ياقلبي ماقصرتي