khaldoon
05-06-2009, 09:11 PM
الخدمات المسائيه لادارة العمل --شيء محبط
لما رحت من يومين على ادارة العمل لتصديق شهادة لمن يهمه الامر الساعه 12 الظهر ....ما شعرت بالاحباط لما قالي الموظف انهم سكروا لاني متوقع هذا الشيء منهم انهم يسكورا قبل نهاية ساعات العمل بس قلت خلني احاول و اكسب يوم .....و كم استغربت و انبسطت لما قالي الموظف تعال الساعه 5 العصر...و قلت ببالي ما شاء الله تقدم كبير انهم يصيروا يشتغلوا بالليل لتصديق الشهادات فقط...فعلا تحسن كبير بالخدمات
رحت الساعه 4:50 فلقيت الناس بتنتظر...و الساعه 5 فتح الباب و جلسنا على الكراسي بانتظار انه الدور يبدأ
كانت المفاجأة غير الساره انه في موظف واحد بس و بانتظر حضور زميله علشان يبدأ تصديق الاوراق للناس...
- طيب متى يا اخوي راح يحضر زميلك؟
- احتمال يحضر الساعه 5:30 و يمكن الساعه 6
- تقول احتمال.... يعني احنا راح ننتظر للساعه 5:30 او 6 و يمكن ما يحضر و نروح بدون ما نصدق الشهادات
- ايه نعم
- طيب ليش ما تبتدي انت بدون زميلك؟
- مستحيل ...ما اقدر الحق على الناس وامس هو ما حضر فما قدرت اسوي شي و الناس روحت!
شوي الموظف من كثر ضغط والحاح المراجعين عليه اتصل على رئيسه و قاله انه زميله ما حضر فأيش يسوي؟
رئيسه قاله انه سوي اللي تقدر عليه ولا تروح بدون ما تصدق اوراق الناس
قرر الموظف انه يصدق اوراق 20 شخص و الباقي يروحون بيوتهم
المشكله انه طريقة تصديقه للاوراق كانت مميزه جدا بطريقه تدعو للقهر و الاحباط!
اشلون؟......طريقة التصديق هي انه يقوم بمراجعة الاوراق و المرفقات و لما يتأكد انها كامله يقوم بختمها بختم كبير الحجم بدون ما يكتب شيء في الختم (الختم يختوي على فراغات يجب تعبئتها)
بعد الختم الكبير الحجم بيقوم بتسجيل معلومات على الكمبيوتر و بيحط رقم الملف اللي بالكمبيوتر على الختم الكبير مع اسم الشركه اللي على الختم اللي سبق ذكره مع كتابة تاريخ التصديق و بعدها يختم بختم صغير مدور
مثل هذا الاجراء اعتقد ما يحتاج 5 دقائق ...لانه عباره عن ختم كبير...تسجيل معلومات الطلب بشكل سريع و وضع رقم الطب على الختم الكبير و ختم صغير مره ثانيه و بس
واضح انه الموظف العزيز حب يمسك العصايه من النص ....فهو قرر انه يصدق لعشرين شخص بس و يروح الباقيين بس من غير ما يزعلهم
فبدل من انه يخلص الشخص الواحد بالعمليه السابق ذكرها قرر انه يختم لكل شخص الختم الكبير بس و يقوله انتظر لحد ما يخلص كل الموجودين و عددهم كان اكثر من 40 شخص مع العلم انه بعض هؤلاء ال 40 شخص يحمل معاملة واحده و بعضهم يحمل كحد اقصى 10 معاملات!!!
الموظف خبرنا انه راح يروح الساعه 7 مساء بجميع الاحوال وهو ما خلص الختم الكبير ل 15 شخص على الاقل متبقيين بحيث انه بعدها راح يبدأ بالختم الصغير
توجهت له و قلت له لو استمريت هالشكل ما راح تخلص لا اول 20 شخص ولا اي احد و من الظلم تأخير الناس اللي حضرت قبل الساعه 5 علشان ناس حضرت الساعه 6:30
بتردد شديد وخجل قال للمراجعين خلاص انا راح ابتدي بالختم الصغير فانهالوا عليه يترجونه فصار يختم لهم الختم الكبير بدون مراجعه و تمحيص مثل ما سوى معانا احنا في اول الدور...بس هم فتحوا اواراقهم و هو يختم الورقه اللي امامه من غير قراءة بالمره
طبعا انا كنت خامس شخص فخلصت الساعه 7 مساء بصعوبه كبيره لانه اللي قبلي عنده من 1 الى 7 معاملات ...يعني انتظار من قبل الساعه 5 للساعه 7 علشان ختم لا يستحق اكثر من 5 دقايق
همسة في اذن المسؤولين عن ادارة العمل:
يرضيكم هذا الشي والا لا؟!...وهل عندكم اي فكره عن اللي قاعد يصير؟!
لما رحت من يومين على ادارة العمل لتصديق شهادة لمن يهمه الامر الساعه 12 الظهر ....ما شعرت بالاحباط لما قالي الموظف انهم سكروا لاني متوقع هذا الشيء منهم انهم يسكورا قبل نهاية ساعات العمل بس قلت خلني احاول و اكسب يوم .....و كم استغربت و انبسطت لما قالي الموظف تعال الساعه 5 العصر...و قلت ببالي ما شاء الله تقدم كبير انهم يصيروا يشتغلوا بالليل لتصديق الشهادات فقط...فعلا تحسن كبير بالخدمات
رحت الساعه 4:50 فلقيت الناس بتنتظر...و الساعه 5 فتح الباب و جلسنا على الكراسي بانتظار انه الدور يبدأ
كانت المفاجأة غير الساره انه في موظف واحد بس و بانتظر حضور زميله علشان يبدأ تصديق الاوراق للناس...
- طيب متى يا اخوي راح يحضر زميلك؟
- احتمال يحضر الساعه 5:30 و يمكن الساعه 6
- تقول احتمال.... يعني احنا راح ننتظر للساعه 5:30 او 6 و يمكن ما يحضر و نروح بدون ما نصدق الشهادات
- ايه نعم
- طيب ليش ما تبتدي انت بدون زميلك؟
- مستحيل ...ما اقدر الحق على الناس وامس هو ما حضر فما قدرت اسوي شي و الناس روحت!
شوي الموظف من كثر ضغط والحاح المراجعين عليه اتصل على رئيسه و قاله انه زميله ما حضر فأيش يسوي؟
رئيسه قاله انه سوي اللي تقدر عليه ولا تروح بدون ما تصدق اوراق الناس
قرر الموظف انه يصدق اوراق 20 شخص و الباقي يروحون بيوتهم
المشكله انه طريقة تصديقه للاوراق كانت مميزه جدا بطريقه تدعو للقهر و الاحباط!
اشلون؟......طريقة التصديق هي انه يقوم بمراجعة الاوراق و المرفقات و لما يتأكد انها كامله يقوم بختمها بختم كبير الحجم بدون ما يكتب شيء في الختم (الختم يختوي على فراغات يجب تعبئتها)
بعد الختم الكبير الحجم بيقوم بتسجيل معلومات على الكمبيوتر و بيحط رقم الملف اللي بالكمبيوتر على الختم الكبير مع اسم الشركه اللي على الختم اللي سبق ذكره مع كتابة تاريخ التصديق و بعدها يختم بختم صغير مدور
مثل هذا الاجراء اعتقد ما يحتاج 5 دقائق ...لانه عباره عن ختم كبير...تسجيل معلومات الطلب بشكل سريع و وضع رقم الطب على الختم الكبير و ختم صغير مره ثانيه و بس
واضح انه الموظف العزيز حب يمسك العصايه من النص ....فهو قرر انه يصدق لعشرين شخص بس و يروح الباقيين بس من غير ما يزعلهم
فبدل من انه يخلص الشخص الواحد بالعمليه السابق ذكرها قرر انه يختم لكل شخص الختم الكبير بس و يقوله انتظر لحد ما يخلص كل الموجودين و عددهم كان اكثر من 40 شخص مع العلم انه بعض هؤلاء ال 40 شخص يحمل معاملة واحده و بعضهم يحمل كحد اقصى 10 معاملات!!!
الموظف خبرنا انه راح يروح الساعه 7 مساء بجميع الاحوال وهو ما خلص الختم الكبير ل 15 شخص على الاقل متبقيين بحيث انه بعدها راح يبدأ بالختم الصغير
توجهت له و قلت له لو استمريت هالشكل ما راح تخلص لا اول 20 شخص ولا اي احد و من الظلم تأخير الناس اللي حضرت قبل الساعه 5 علشان ناس حضرت الساعه 6:30
بتردد شديد وخجل قال للمراجعين خلاص انا راح ابتدي بالختم الصغير فانهالوا عليه يترجونه فصار يختم لهم الختم الكبير بدون مراجعه و تمحيص مثل ما سوى معانا احنا في اول الدور...بس هم فتحوا اواراقهم و هو يختم الورقه اللي امامه من غير قراءة بالمره
طبعا انا كنت خامس شخص فخلصت الساعه 7 مساء بصعوبه كبيره لانه اللي قبلي عنده من 1 الى 7 معاملات ...يعني انتظار من قبل الساعه 5 للساعه 7 علشان ختم لا يستحق اكثر من 5 دقايق
همسة في اذن المسؤولين عن ادارة العمل:
يرضيكم هذا الشي والا لا؟!...وهل عندكم اي فكره عن اللي قاعد يصير؟!