مـستحـيــ ـ ـلات

[OTOsan]

من مواضيعي القديمه .. موضوع يحمل بين طياته الجد بالهزل ... حطوه وين ماتحطونه :)

واسمحو لي مانسقته .. الصراحه اكتشفت ان التنسيق في المنتديات تعب تعب

،،،

------

كلنا نعرف ان مافي شي مستحيل ، ولكن هي بعض الافكار اللي جائتني وادري ان الكثير

سيختلف معي في الراي .. ولكن هي الرغبة في الكتابه لا اكثر ولا اقل ..

----------------------


مستحيلات اجتماعية :



مستحيل :

- انك تلاقي شاب ماعليه اقل من 80 الف ريال اقساط وديون

- انك تلاقي وحده ترضى تتزوج واحد راتبه اقل من 3000 ريال

- انك تلاقي بيت مافيه مشاكل

- انك تلاقي واحد مايبي يتزوج مدرسة -----> بشد الراء مع كسره

- انك تلاقي واحد ماخذ سلفية للزواج قبل ماياخذ سلفية للموتر





مستحيلات وظيفيه :



مستحيل :



- انك تلاقي موظف حكومه في حسابه 500 ريال تاريخ 25

- انك تلاقي موظف يجيك قبل السبع ويطلع بعد الثنتين

- انك ماتستخدم اغراض الحكومه في شغلك الخاص

- انك تتوظف بعد تقديم اوراقك بيوم

- انك تراجع لمعامله لك وماتلاقي موظف مخيس النفس

- ان كل واحد فينا يشوف شغله عدل ويشتغله بضمير





مستحيلات كرويه :



مستحيل :



- ان ناصر كميل يتعور ---> ماشاء الله عليه لاينكسر وتقولون حسدته

- ان مشعل عبدالله يسجل جول برجله

- ان يوسف سيف يعطي فرصه للمحلل اللي وياه يتكلم

- ان جمهور العربي اكثر من جمهور الريان -----> بصفتي رياني متعصب كخخخخخ

- ان خالد جاسم مايحاول يستفز ضيوفه ويسوي جو اثاره في برامجه







مستحيلات غوازلجيه :



مستحيل :



- انك تلاقي وحده تقول لك " انا عرفت قبلك واحد "

- انك تلاقي واحد يقول لرفيجته " احبج " من قلبه

- انك تلاقي وحده تقول لك " زينب العسكري احلى مني "

- انك تلاقي واحد تعرف على موظفه وماطلب منها فلوس

- انك تلاقي وحده عندها هلا وماطلبت من رفيجها يعبيه

- انك تلاقي مغازلجي عنده 3310 او مغازلجيه ماعندها منظره في الشنطه

- انك تلاقي واحد يقول لرفيجته انا منتف وماعندي فلوس واستلم مصروفي من ابوي





مستحيلات عبطيه :



مستحيل :



- ان الفقع يطلع قبل المطر

- ان البنيه تدق ريوس وهي تسوق

- انك تلاقي لبناني مب كاشخ او هندي مايهز راسه وهو يتكلم

- ان موترك يتم نظيف ايام المطر

- ان في حد من الشباب ماتاثر بالكابتن ماجد ولا وحده من البنات ماتاثرت بسالي


- ان في حد ماسمع بالبرتقاله ولا درى بقصتها ...> وهذه هي التوافه تنتشر بسرعة بينما الاشياء التي تحمل المبادئ والقيم لا تلاقي نفس الانتشار





مستحيلات انترنتيه :



مستحيل :



- ان البنيه تدش النت باسمها الصجي

- انك تلاقي موضوع جاد في منتدى وعليه اكثر من 10 ردود ، بينما من المستحيل انك تلاقي موضوع سطحي جداً وعليه اقل من 10 ردود

- ان الشباب يدشون شات مافيه بنات

- ان البنيه ماتكذب وهي عالنت



مستحيلاتي :



مستحيل :



- اني في يوم اشتري بورش كيان -----> يمكن 2010 يوم تصير ارخص

- ان حسابي في البنك يصير مليون ريال ------> الا إذا .....ههههههههههه

- انه يمر يوم وموتري مايخترب

- ان جهازي مايعلق كل شوي

- اني اصير مدير ادارة

-------------------------


فــ،،ــــاصـ،،ـــله ،،،

ومن سابع المستحيلات ان يمر يوم دون ان تمر ذكراك في خاطري

[ريانة العود]

مستحيل ما ارد على مواضيعك المتميزه ..يعطيك العافيه اخوي مستر لونلي

وكل الي قلته صحيح.

[احلى سهم]

مستحيل ما ارد على مواضيعك المتميزه ..يعطيك العافيه اخوي مستر لونلي

وكل الي قلته صحيح.



كله صحيح ؟؟ :con2:
على اي اساس :p :eek2:

[ريانة العود]

كله صحيح ؟؟ :con2:
على اي اساس :p :eek2:

للاسف هذا هو الواقع..

[OTOsan]

الاخت ريانة العود : الف شكر على المرور والاطراء

-----

الاخت احلى سهم : معروف انه مستحيل ان اثنين يتفقون على راي واحد .. شكرا للمرور

[بنت الحرمي]

تســـــــــلــم مستر لونلي ..

صدقت والله في سالفة المستحيلات هذي

يعطيك العافية

[OTOsan]

تســـــــــلــم مستر لونلي ..

صدقت والله في سالفة المستحيلات هذي

يعطيك العافية

الله يسلمج بنت الحرمي .. واشكر لج مرورج الرائع على مستحيلاتي :)

[بوخالد2]

مشكور ويعطيك العافيه (( كلامك صح وهاى الى يصير للاسف))

[جوكر البورصة]

:eek2: :eek2: :funny: :funny: :eek2: :eek2:

مشكووووووور اخوى :D

[OTOsan]

اخواني :

بوخالد 2 وجوكر البورصة ، شاكر لكم مروركم الرائع وتعقيبكم على الموضوع ،،

[relaax]

مشكووووووووووووووور