بغيت اسأل عن العازل الحراري

[DarkBoy]

السلام عليكم

بغيت اسأل اش احسن عاازل حراري وين يبيعونة ؟؟؟ وبكم

وكم نسبة تنصحوني اركب

تحياتي

[خيال شمر]

نصيحتي لك لاتركب الا 10 % واشتر لك الشماسيه الي تلزق ع الجامه من محلات الزينه وكان الله غفور رحيم ... اما عني انا مركب عازل تاتانيوم الي في شارع سلوى وفيه واحد هناك اسمه محمد ( سوري ) والعازل امريكي وعليه ضمان ..خمس سنوات .. :) ولاتروح صبر خذ اراء الموجودين يمكن فيه احسن ... :)

[فلفل حار]

مواضيع العازل الحراري كثيره والفروق بين الاسعار ماتتعدى الـ300 ريال

وافضلهم معروف طبعا وهو v-cool

بس شخصيا انا مب مقتنع بالعازل:rolleyes2:

وجودته مقاربة وايد للمخفي ويأدي نفس الغرض:)

والمصيبه الاكبر في مرورنا ألي مالهم رأي معين يعني تركب عازل بمبلغ وقدره وعند الفحص الفني انسى يمشونك :)

دامك تبيه للصيف روح عند أي محل زينه وركب لك 30% بـ100 ريال وفك عمرك والله يعينك لو صادفك تفتيش :eek5:

لانه سواء مركب عازل او مخفي بتتوهق بتتوهق بس خلك مجاملجي شوي ....:telephone:

والاغلبيه يتغاضون عن المخفي في الصيف فقط ....:nice:


بالتوفيق يالغالــي ....:victory:

[DarkBoy]

والله انا امفكر اركب 20 على الدرايش والقزاز الي وره وجداام 10

[DarkBoy]

نصيحتي لك لاتركب الا 10 % واشتر لك الشماسيه الي تلزق ع الجامه من محلات الزينه وكان الله غفور رحيم ... اما عني انا مركب عازل تاتانيوم الي في شارع سلوى وفيه واحد هناك اسمه محمد ( سوري ) والعازل امريكي وعليه ضمان ..خمس سنوات .. :) ولاتروح صبر خذ اراء الموجودين يمكن فيه احسن ... :)

اخوي اتعرف اسم المحل ؟

[خيال شمر]

لا إذا جيه ركب أحسن ورى 30 % وجدام ركب 10% نفس ماقلت وخذ لك الشماسيه من عند محلات الزينه ... وموفق خير

[almalki2]

ياجماعة العازل الحراري مسموح بدرجة 30% و الزجاج الأمامي 10%
وعندي دليل على كلامي
تعميم من مدير المرور موقع عليه انا نزلت التعميم في الموقع بس للأسف اخوانا المشرفين سكروه ليش مادري واذا يبيه يطرشلي ايميله وانا اطرشه له

[المحافظ]

العازل اكيد له تأثير على تخفيض درجة الحرارة لانه يعزل الحرارة ، ولكن الفرق مب كبير جدا ، وعموما أسعار العازل غالية مقارنة مع دبي مثلا.

فكرة انه اتركب مخفي وخلاص بعد مب شينة والفرق بين المخفي و العازل أحسن من الفرق بين قيمتهم السعرية ، صراحة محلات العازل الحراري مستغلة الناس و تدفعهم مبالغ كبيرة ..

[Q6o]

نصيحه ركب عازل في كول
في شارع سلوى
سعره 2100 ريال
وضمان خمس سنوات

وفعلا تحس بفرق كبير
روح المحل وقوله ابغي اركب عازل نسبة 30% نفس اللي كل سيارات اللخويا مركبينه

[QatarProv]

ياجماعة العازل الحراري مسموح بدرجة 30% و الزجاج الأمامي 10%
وعندي دليل على كلامي
تعميم من مدير المرور موقع عليه انا نزلت التعميم في الموقع بس للأسف اخوانا المشرفين سكروه ليش مادري واذا يبيه يطرشلي ايميله وانا اطرشه له

شلون مسموح ,,
وانا من يومين مخالفيني علية 1000 ريال ظلم :s

وللعلم 10% بس

[بوراشد 66]

عليك بـــ في كووول في طريق سلوى