استفسار بخصوص الدورات ؟؟

[♣شيبةالنخرة♣]

السلام عليكم ورحمة الله وبركاته



بحط هالموضوع بناء على طلب واحد سالني عن هالموضوع وقلت له والله ماعندي اي خلفيه ولكن راح اشوف لك و قلت فيكم الخير باذن الله


الولد متوظف صاير له 5 سنين و وده انه يترفع اكثر وكان بوده ياخذ له دورات تفيده في مجال شغله


وكان يسال عن احسن الدورات اللي ممكن ياخذها وهو ذكي ما يحتاج دورات تاسيسيه في الحاسب الالي لانه يبي دورات متطوره يعني من شبكات وما الى شابه


فهو سالني عن دورة الشبكات وهل لها فائده لو اخذها وهل في دورات احسن منها ممكن يترقى بشغله عقبها او انها تفيده يوم يغير شغله


ويبي تفاصيل دقيقه عن احسن مكان ممكن يدرس فيه


نيوهرايزن ولا سيسكو ولا وين بالضبط وحط البال على نيوهرايزن لان على حسب ما اعرف معتمده من ميكروسوفت شهاداتها


المهم اللي عنده تفاصيل لا يبخل علينا وخصوصا بنوعية الدورات ومدتها و لو امكن تكلفتها وتتخصص في ايش بالضبط


وانا علمته اني بحط له الموضوع هنا وبخليه يجي يشوف الردود بنفسه لاني ماعندي اي خبره بهالامور


مع تحية\


ابوكم الشيبة

[Orion]

والله يا ابونا أنا أخبر أنه المكان الوحيد الي تعترف فيه الحكومه هو آبتك أما نيوهورايزن وغيرهم فغير معترف فيهم من التربيه والتعليم لكن اذا هو في قطاع خاص هذا كلام ثاني.

[♣شيبةالنخرة♣]

والله يا ابونا أنا أخبر أنه المكان الوحيد الي تعترف فيه الحكومه هو آبتك أما نيوهورايزن وغيرهم فغير معترف فيهم من التربيه والتعليم لكن اذا هو في قطاع خاص هذا كلام ثاني.

وهذا وين ابتك ولدي ؟؟ <<<استحملوني شيبه ولا ادري بهالامور :secret:



الرجال بقطاع خاص و بيض الله وجهك على الرد يا ولدي ما تقصر

[Orion]

الله يسلمك محله بعد دوار المول على يدك اليمين بعد مجمع أسمه الأندلس على طول.
بس اذا الرجال قطاع خاص أظني في أماكن غير بس والله منيب خابرهم وما عندي فكره عنهم

[♣شيبةالنخرة♣]

الله يسلمك محله بعد دوار المول على يدك اليمين بعد مجمع أسمه الأندلس على طول.
بس اذا الرجال قطاع خاص أظني في أماكن غير بس والله منيب خابرهم وما عندي فكره عنهم

في كل الاحوال جزاك الله خير وبيض الله وجهك ولدي ما تقصر

[ام الحلوين]

مثل ماتفضل اخوي
ابتك ممتاز

[العمـادي]

اذا يبغي يستفيد خلي ياخذ هندسة شبكات

لانه مطلوب بسوق العمل

وخله يروح مركز العطيه معترف فيه بس خلي يسال بالاول لاني سمعت انه اسحبوا منه الاعتراف والله اعلم

وبالتوفيق

[♣شيبةالنخرة♣]

مثل ماتفضل اخوي
ابتك ممتاز


بيض الله وجهك يا بنتي تسلمين على المساعده



اذا يبغي يستفيد خلي ياخذ هندسة شبكات

لانه مطلوب بسوق العمل

وخله يروح مركز العطيه معترف فيه بس خلي يسال بالاول لاني سمعت انه اسحبوا منه الاعتراف والله اعلم

وبالتوفيق


هو كان يبي ياخذ هندسة شبكات بس اللي قاله لي انه كل الدورات اللي قبلها ما يحتاجها لان دورة هندسة الشبكات كنها 11 شهر ومقسمه على عدة شهادات والشهاده الاخيره هي شهادة هندسة الشبكات وهو يبي يقصرها وياخذ هالشهاده وبس فمدري اتمنى القى حد يفيدني وهو يدخل وبيطالع ان شاء الله ان كان حد يقدر يفيدنا اكثر بهالموضوع وبيض الله وجهك يا ولدي ما تقصر

[eXpert*]

طويل العمر ,,

الموضوع يعتمد على شهادته أولاً هل هي ثانوية أم جامعية وفي أي مجال ؟

النقطة الثانية ،، يجب الا يغفل عن اعتراف جهة عمله بالشهادة ،، يعني هل اذا اخذ دورة وطور من نفسه هل سيتم الاخذ بعين الاعتبار أم لا ؟؟ مثلك عارف مثل هالدورات تكلف ،، بس صدمة قوية تكون للواحد اذا ما يتم تحريك ساكن من قبل جهة العمل .

بعض الجهات يقولك احنا ما نعترف بأي دورة تم اخذها بشكل شخصي ولسنا ملزومين بأخذها بعين الاعتبار .

فأتمنى الانتباه لهذه النقاط ,, فيما عدا ذلك أنا مستعد أفيدك من الــ ألف الى الياء بما يختص الدورات سواء التقنية أم غيرها .

[♣شيبةالنخرة♣]

طويل العمر ,,

الموضوع يعتمد على شهادته أولاً هل هي ثانوية أم جامعية وفي أي مجال ؟

النقطة الثانية ،، يجب الا يغفل عن اعتراف جهة عمله بالشهادة ،، يعني هل اذا اخذ دورة وطور من نفسه هل سيتم الاخذ بعين الاعتبار أم لا ؟؟ مثلك عارف مثل هالدورات تكلف ،، بس صدمة قوية تكون للواحد اذا ما يتم تحريك ساكن من قبل جهة العمل .

بعض الجهات يقولك احنا ما نعترف بأي دورة تم اخذها بشكل شخصي ولسنا ملزومين بأخذها بعين الاعتبار .

فأتمنى الانتباه لهذه النقاط ,, فيما عدا ذلك أنا مستعد أفيدك من الــ ألف الى الياء بما يختص الدورات سواء التقنية أم غيرها .



صحيح يا ولدي هذي هي المشكله انا اشتغل بمكان و الرجال يشتغل بمكان ثاني وهو علمني امس انه خايف انهم ما يعترفون بهالشهاده وهي مثل ما قلت تكلف


فهل لو قلت لك المكان اللي يشتغل فيه الرجال بتعرف اذا يعترفون ام لا ولدي ؟؟