الدخول للاهميه ارجوكم ساعدوني

[شموخ عزي]

السلام عليكم ورحمة الله وبركاته

لوسمحتوا اللي يعرف حد يقدر يسوي لي هالموضوع اويشتغل في العقار يساعدني انا حابه اشتري بيت بالاقساط عن طريق المالك مباشره يعني
ادفع للمالك اللي بشتري منه البيت دفعه اولى 800000 والباقي اقساط على دفعات مثلا كل ست شهور 100000
اوكل سنه 200000
وطبعا يكون بينا شيكات بباقي المبلغ

اللي يقدر يساعدني يرد علي ضروري
وشاكره تعاونكم

[شموخ عزي]

وينكم يااعضاء المنتدى اشدعوه ولا مساعده

[طريق سلوى]

ما اعتقد تحصل

[ابن مانع]

الله يوفقك بس شوف المصرف يمكن يسوي لك نفس العرض بس بنسبه عاليه شوي

[الـخـور]

ماعتقد في حد بيبع باقصاد وبدون فوائد

لذلك البنوك الاسلاميه هي احسن حل لك اخوي

[رحال]

عليك بالبنوك الأسلامية والله يوفقك ...:nice:

[خليفـة]

ما ظنيت يا شموخ انج بتلاقين حد يوافق يبيعج بالاقساط

الحين زمن الكاش وانا اخوج
والبايع مستحيل يوافق على اتمام الصفقة الا بعد ما يشوف الخردة كاملة جدام عينه
الله يوفقج عموما

[بوعليان]

ليش مايصير يصير اذا كان معرفه وصاحب الحلال و بينزل البيت باسمك وتقسطوله باقي المبلغ شيكات

[ارهابي قطر]

ما ظنيت ومين الي قلبه قوي

بس في سؤال هل البيت بيسجل بسامك ولا بظل باسم راعي البيت لين ما تسددين المبلغ كامل

في هذه الحاله لازم تكون الثقه عمياء وبقوه

وشكرا

[خليفـة]

ليش مايصير يصير اذا كان معرفه وصاحب الحلال و بينزل البيت باسمك وتقسطوله باقي المبلغ شيكات

خذ مني يالغالي
مالك امل تلاقي حد يبيعك بالاقساط الحين

[بوعليان]

خذ مني يالغالي
مالك امل تلاقي حد يبيعك بالاقساط الحين
الله اعلم.............................................. ...

[جليســــة القــــرآن]

عن طريق البنوك الإسلاميه أيسر

[شموخ عزي]

الى جميع اللي ردوا على موضوعي جزاكم الله خير
وشاكره مروركم
وان شاء الله باشيك مع البنك الاسلامي مثل ماقلتوا؟

[بـن عدوان]

ان شاءالله تلقين البيت المناسب والبنك يوافق ^_^

والله يوفقج

[شموخ عزي]

سبحان الله وبحمده سبحان الله العظيم

[شبح الصمت]

اختي شموخ عزي دام ماشاء الله عندج دفعة اولى طيبه روحي الاولى للتمويل وبيرتبون لج ان شاء الله كيفية الدفع وسألي لانه والله نفس ما قالو اخواني كل واحد يبي يضمن حقه ويبون كاش مب انه الناس مافيها خير لا والله الخير موجود في اهلنا بقطر وخيرهم واجد بس تدرين ناس عليها التزامات للبنوك ومنحكره تبي تسدد تبي تخلص .. اتصلي الاولى للتمويل وسأليهم وانشاء الله بيفيدونج وان صار وحصلنا شيء طيب مثل طلبك بنرد عليج ..

[مشتاقة لقطر]

البنوك الاسلامية تنهبك نهيبة ..
هذي قصتي مع مصرف قطر الاسلامي

لقيت بيت ماجر شهريا 23 الف ريال .. وسعره مليون وستمية ..

قلت للبنك بندفع دفعة اولى 300 الف والباقي يتقسط كل شهر عشرين الف بضمان عقد الايجار وباجيب لي كفيلين موظفين رواتبهم ينزلون عندك .. قال مايصير ؟


لازم يتقسط بطريقتهم الخاصة ..
وحسب واخر شي قال خلاص اوكي .. بيتقسط لكم ومدري وشو وشرح وكلام

واخر شي صار سعر البيت مليونين وستمية ؟؟ عسى ماشر .. مليون فايدة .. مرة وحدة

وراح البيت علينا واحنا ندور من بنك اسلامي للثاني .. كل واحد اخس من اللي قبله ..

مافيه الا البنوك الربوية قالو جيب فلوسك وتعال بس مانبي الربا ..

الله المستعان

[شموخ عزي]

شكرا على مروركم وكفايه تفاعلكم وردكم على الموضوع

[Qatar564]

البنوك الاسلامية تنهبك نهيبة ..
هذي قصتي مع مصرف قطر الاسلامي

لقيت بيت ماجر شهريا 23 الف ريال .. وسعره مليون وستمية ..

قلت للبنك بندفع دفعة اولى 300 الف والباقي يتقسط كل شهر عشرين الف بضمان عقد الايجار وباجيب لي كفيلين موظفين رواتبهم ينزلون عندك .. قال مايصير ؟


لازم يتقسط بطريقتهم الخاصة ..
وحسب واخر شي قال خلاص اوكي .. بيتقسط لكم ومدري وشو وشرح وكلام

واخر شي صار سعر البيت مليونين وستمية ؟؟ عسى ماشر .. مليون فايدة .. مرة وحدة

وراح البيت علينا واحنا ندور من بنك اسلامي للثاني .. كل واحد اخس من اللي قبله ..

مافيه الا البنوك الربوية قالو جيب فلوسك وتعال بس مانبي الربا ..

الله المستعان

:eek5: كلام سليم 100%
انا كنت بسوي نفس الحركة من سنة تقريبا يعني قبل الازمة الاقتصادية وقالولي فوايد بس 900,000 فوق سعر البيت اللي هو بمليونين ونص!!
يعني للأسف في هالزمن اللي ما عنده دفعة كاش كبيرة لا يفكر ياخذله بيت وينطر احسن!!
والله يوفقك ويعطيك مرادك اخوي..

[عاشق الشبكة]

الله يوفقج اختي

[الصحراء]

نصيحة لوجه الله
انا ما افضل انك ما تغامر مع البنك سواءاً ما يسمى بالإسلامية او الاخرى التي يطلق عليها الربوية
لان سوف تكون فوائدهم عالية جداً
انتظر ومن الله الفرج
بالتوفيق لنا ولك ان شاء الله

[أميرااالذوق]

السلام عليكم ورحمة الله وبركاته

انا بالنسبه لوجهة نظري
فيه والله يرزقكم بولد الحلال اللي يقدر هالظروف
واانا ادري ان صاحب الموضوع لو هو قادر عالكاش ماطلب هالطلب وربي يكون بعونه
بس انا من تجربتي فيه ناس يسون بهالطريقه بس بشرط
البيت اتكون اجراءاته عن طريق محامي معتمد بالدوله
ويكون صاحب العقار راهي وموب محتاج للكاش
انا مرت علي نفس الحاله بالضبط!
ولاتتسجل الملكيه باسم الشاري الا بعد اتمام الاقساط كامله
وبالتوفيق ان شاء الله

[محمد اليهري]

الله يوفقكم

[حيهور]

الله يوفقكم ببيت العمر وكاش ان شاء الله