تسجيل الدخول

مشاهدة النسخة كاملة : سؤال


فاطمة
04-04-2005, 12:16 PM
مشكورة يادارة على المنتدى
واشكر القائمين والمشرفين
ماقصرو منتدى في قمة روووعة

سؤالى
وتمنا مايسبب ازعاج لكم:
اذا نبي نبيع اسهم الناقلات يو م الخميس
نوديهم البنك محل ماشريناهم
او سوق الاوراق المالية
او عن طريق افراد او شركات
وكم بعد بياخذون علينا نسبة بيع
وهل يحق لى ان ابيع بنفسي
اول مرة شارية اسهم


والله يخلى لنا بومشعل
وشكرلله موصول بالحمبة للجميع
اختكم
فاطمة
مغروور قطر
04-04-2005, 12:22 PM
اختي فاطمه الله يحيج ومرحبا فيج في محلج وبين اخوانج اختي تبيعين عن طريق الوسيط مثل المجموعه او الاسلاميه الشركات المعتمده للوساطه اما نسبه ياخذون مسبه قليله 004%
فاطمة
04-04-2005, 01:04 PM
اشكرك على الاجابة

في حد اقصى او اعلى لبيع الاسهم

اشكرك مرة اخرى
سهم طايش
04-04-2005, 01:18 PM
اختي فاطمه يوم الخميس هو بداية تداول الناقلات و اول يوم تداول للسهم بيكون تعويم للسعر يعني حطي السعر اللي انتي تبينه مافي اي لمت معين 0

بس اذا انتي اتداولين اول مره لازم تروحين البورصه في الدور الارضي و تطلبين منهم ورقة كشف الاسهم اللي لج

و لازم تبرزين البطاقه الشخصيه و بدورهم بيطلعون لج الاسهم المستحقه مع رقمج في البورصه 0

وبهذا الرقم تقدرين تفتحين حساب في المجموعه او اي شركه وساطه اخرى و يتم البيع و الشراء عن طريق هذا الرقم فقط اللي اسمه ( رقم المساهم ) 0
مغروور قطر
04-04-2005, 01:18 PM
على كمية الاسهم وسعرها
فاطمة
04-04-2005, 01:27 PM
شكرا سهم عتيج
الطريقة الى تقول عنها حق مضاربين في البورصة
انا ابي اعرف اقدر ابيع الكمية الى عندى من الاسهم كلها مثلا او اجزئها
المقصود هوا
يوجد سقف اقل اسهم اقدر ابيعها واعلى اسهم
الكمية وليس السعر
مثل ماقال اخي مغرور قطر
شاكرة لكم التعاون
سهم عتيج
04-04-2005, 01:40 PM
تقدرين تبيعين كل أسهمك دفعة واحدة او على دفعات,, فانت حرة,,
وبالنسبة لعملية البيع,, فما يحتاج انك تروحين البورصة وتطلعين كشف حساب,, كل اللي عليك هو انك تأخذين ورقة الأسهم المخصصة لك والتي تم ارسالها لك,, وتقدرين تروحين حق اي مكتب وساطة خارج السوق بعد الظهر كالمجموعة أو قطر للأوراق المالية وتحطين طلب البيع,,

ملاحظة: اذا تبغين تبيعين يوم الخميس فلا بد من عمل الاجراءات اللازمة قبل يوم الخميس لتسهيل عملية البيع..
فاطمة
04-04-2005, 02:49 PM
اشكرك اخي سهم عتيج
وشكر موصول لمغرور قطر
اقدر اقول لكم
شكر بلاحدود
والله يوفقكم.
اختكم
فاطمة