القمسيون الطبي

[الجنوبي 11]

احد يقدر يفيدني عن طريقه الحصول نتائج الفحص الطبي لطباخ تونا مستقدمينه ،لان كل مره نسال عن النتائج يقولون النتائج لحد الان ما طلعت ،والطباخ له تقريبا شهر موجود في الدوحه ،هل هذا الامر عادي ؟؟؟؟؟؟؟؟؟؟؟؟؟

[سهم مديون]

غريبة اخبر ان الفحص يطلع اليوم الثاني تأكد من الحالة

[Riku3]

تأكد من الادارة داخل اخوي .. مستحيل يتأخر لهالدرجة ! .

[روضة]

لا مايتأخرون النتيجة تطلع خلال 24 ساعة

تقدر تاخذ الوصل وتراجع فيه عندهم وهم عندهم خدمة الرسائل النصية يعني هم اذا فيه شي بيطرشون لك رسالة على الجوال اذا انت عطيتهم الرقم صح

[وتبقى الدنيا حلوه]

وديه خاص اسر ع

[شاعر المليون]

يمكن شاكين فيه شي

[J & N]

يمه اكيد فيه شي غريب

[ويلاه]

انه ياخذ شهر هذا مب عادي اكيد به عله او ضيعوا الورقه

الحين روحي اي مختبر سوي له فحص سريع قبل ما يطلع مثل يوماه بنغالي قريبتي اللي طلع فيه السل وشرد منهم والنتيجه خذت شهر واكيد قريتي موضوعه بالجريده وهنا بالمنتدى


الله يحميكم هالقمسون صار سموم

[الجنوبي 11]

كلمت وحده ،الله يبيض وجهها ،خذت الرقم وقالت لي كلمني بكرة اول الصباح بتابع لك الموضوع وبرد عليك،نشوف ايش بيصير

[انا حره]

عادي خدامتي العام قعدت شهر وشي وهم ماخلصت وعقب قالوو ضاعت

[غير البشر]

يمكن شاكين فيه شي



حتى لو شاكين المفروض مايتأخرون
انزين وشاكين لو قدر الله فيه شي ومايعطون الكفيل خبر
يعني عادي يعيش بينهم شهر
لا اكيد في خطأاو سبب اخر
المفروض يروح لهم يكون افضل
والله يكتب الي فيه الخير