شسالفه

[الوجبه]

السلام عليكم

يا اخوان من يقرا الكلام والتحليل اللي موجود هنا في المنتدى كنكم تقولون للناس بيعو اللي عندكم

انا عندي في 8 شركات وكلهم تقريبا شاريهم على الستينات والثمانينات الحين مرتفعين كثير

ما ادري اخليهم لان انا اشوف مستحيل ينزلون لهذا المستوى ولا ابيع ........اشرايكم .

يا ليت الخبرا يعطوني رايهم .

[ali]

لاااا لا تبيعين ولا شي صبرك
بترتفع على النسه الجايه وبسعر خيالي الصبر زين وانا اخووك

:)

[الطيف المسافر]

لا تبيعين

مثل ما قال على الصبر زين ،،،،،،،،

[المراقب]

لا تبيعيين .............

[الوهم]

القرار بيدك يالوجبه .....
مكتفي ومقتنع بالربح بيع .......

بالك طوويل واتحمل الخساره الله لا يقوول لا تبيع

[الخبير المالي]

الوجبة السوق بشكل عام نازل لو شركة او ثنتين نازلين بنقول خسرانين او عندهم مشاكل لكن بما ان السوق ككل نازل الصبر هو الحل الانسب حاليا وانشالله بيرجع للصعود خلال الايام القادمة

[qatari1]

تعتمد إجابة السؤال على نوعية الأسهم التي لديك، وهل أنت مستثمر قصير-متوسط-طويل الأجل أم مضارب.
إذا كنت تملك أسهماً قيادية وقوية مثل الصناعات ووقود والمصرف والدولي والكهرباء والملاحة والاسمنت وكيوتل، وكنت مستثمراً فاحتفظ بالأسهم، وإن كنت مضارباً فحاول تسييل الجزء الأكبر من المحفظة للحفاظ على الأرباح.

أما إذا كنت مضارباً أو مستثمراً في شركات مثل مواشي ومخازن وإجارة والطبية فتخلص من أسهمك الآن، وأعد شراءها لاحقاً بأسعار أقل بكثير.
و أخيراً استفتِ قلبك ولو أفتاك المفتون، واستخر الله عز وجل في كل أمورك، ثم اعقلها وتوكل، والله يوفقك ويرعاك.