سجلات ناقلات وحسابات المستثمرين الجدد أصبحت متاحة لشركات الوساطة

[KhalidQ]

أكد مصدر مسؤول في سوق الدوحة للأوراق المالية أنه بات بإمكان السادة المواطنين الراغبين ببيع أسهم شركة قطر لنقل الغاز " ناقلات " خلال الأيام الأولى من إدراجها للتداول مراجعة شركات الوساطة منذ الآن لنقل تلك الأسهم من حساباتهم في إدارة التسجيل المركزي إلى حسابات شركات الوساطة الراغبين البيع من خلالها استعدادا للبيع ، وتجنبا للاكتظاظ والضغط المتوقع على مكاتب الوساطة عند بدء تداول أسهم الشركة في السوق.

وقال المصدر إنه قد تم إبلاغ شركات الوساطة العاملة في السوق بأن سجلات المساهمين في شركة قطر لنقل الغاز " ناقلات " قد باتت متوفرة من خلال نظام التسجيل المركزي ، وإنه بات بإمكان تلك الشركات الاطلاع على تلك السجلات وإجراء عمليات نقل الأسهم من حساب العميل لدى السوق إلى حسابه لدى الوسيط استعدادا لتنفيذ طلبات العملاء بالبيع والشراء اعتبارا من يوم الخميس السابع من إبريل الحالي وهو اليوم المقرر لإدراج أسهم شركة ناقلات في السوق بشكل رسمي

[المطوع]

لو سمحت يا أخ ممكن أ‘رف اين تقع موقع ادارة التسجيل المركزي
مع خالص التحية

[ناسداك]

بالنسبه لي انا بنتظر لمده سنتين حتى ابيع اسهم الناقلات اللي عندي وعددها 1500 سهم

[عسولة1]

تحية طيبة
بصراحة انا اذا نزل في حدود 50 ريال بشتري
عندي 20.000 الف
يصير اروح يوم الاربعاء سوق الدوحة واعرض طلب شراء
بصراحة اول مرة اتبع هذة الخطوة
ممكن احد يشرحي كيف تتم هذه الطريقة وشنو المطلوب
يصير احدد عدد الاسهم واقولهم اذا نزل 50 ريال ابقي اشتري مثلا" 400 سهم
ارجوا من الجميع مساعدتي ولكم مني الف شكر
عسولة1

[الدانة عنود]

السلام عليكم اخوي

الوسطاء بينزلونها في حساباتنا اوتماتيكين ولا نكلمهم

انا اتوقع تنزل عادي

[Chambray]

أي والله شلون الموضوع .. يعني لازم اطلع من الدوام علشان اروح التسجيل المركزي؟؟؟

وبعدين انا عندي اسهم مخازن ومواشي من الاكتتاب .. شلون اقدر ابيعهم ؟؟؟ لازم اروح السوق .. ولاعن طريق وسيطي الي الحين اتعامل معاه ؟؟؟؟؟؟؟؟؟؟؟ وشكراً لكم

[دهن العود]

بالنسبة لي أنا ماراح أبيعهم ولو على جثتي هذي مكرمة أميرية نحمد الله عليها ولازم ما نضيعها من بين يدنا بكل سهولة وأنصح الجميع أنهم ما يفرطون فيها وأذا سهم صناعات يسمونه السهم الذهبي فأناأسمي سهم ناقلات سهم ألماسي .

[الدانة عنود]

دهن العود المكرمه الاميريه

انك تشتري سهم غاز بخمس ريال

مثل ما شريت مواشي بخمس ريال

هذي المكرمه من سمو الامير


في حد ذاتها

والبيع والشراء ما حرمه الله لو بستفيد 10 ولا 100 ضعف


وشكرا

[الدانة عنود]

دهن العود

ترى سمو الامير حطنا على الطريق

والشاطر يبيع ويكتتب ويبيع ويكتتب على قد الي يناسبه

مب يرقد


لا تزعل

[السهم الازرق]

السلام عليكم ..

بصراحه انا عندي تعليق من زمان ودي اقوله بس من خلال اللي شفته من طريقة تفكير البعض فضلت السكوت ..

انا ما اعرف وين الغلط في بيع اسهم تملكها حتى لو كانت مكرمه اميريه :confused:

و لا ادري ليش البعض يعتبر بيع اسهم ناقلات تعتبر خيانه للوطن !!

شلون بنربح و نخسر اذا ما بعنا و لا شرينا ؟!

الشطاره انك تعرف متى تبيع و تعرف متى تشتري ..

يرتفع سعر السهم تبيع .. ينزل السعر تشتري .. هاذي ابجديات البورصه ..

لكن انك تنام على السهم بحجة انها مكرمه اميريه و تقول ما تبيعها لو على موتك !!

اعتقد ان محد بيكون خسران غير الشخص اللي يفكر بالطريقه ..

و عالعموم واضح من خلال كتابات البعض انهم يفتقرون للخبره ..

و يمكن يكون سهم الناقلات اول سهم يملكونه ..

لذلك يعتقد انه اذا اطال الصبر راح يربح اكثر ..

و نسى ان الشطاره في المضاربه بالسهم .. وليس بالنوم عليه !!

امنياتي للجميع بالريح الوفير و الرزق الحلال

[إنتعاش]

getar1983

هلا فيك اخوي الكريم

تسلم لي على هالخبر

ونناشد جميع الاخوان والاخوات مراجعة مكاتبهم التي يتعاملون معها

ويجهزون لأنفسهم جميع الامور المتعلقه بالناقلات

[حبيـ M ـبها]

بالنسبة للي يملكون اسهم وحابين انهم يبعونها كل اللي عليهم يتجهون الى احد مكاتب الووساطة ويعطيه رقم المساهم .. وعدد الاسهم المطلوب بيعه .. وكف الله المؤمنين شر القتال ..

اما بالنسبة للاخت عسولة .. اختي كل اللي عليك تعرفين انتي مع اي مكتب تعاملين ..

على سبيل المثال المجموعة قدامك خيار من الخيارين اما تروحين لهم المبنى اللي مشاهد برج التويوتا وتعطينهم الشيك وهم يحطونه في حسابك عندهم ( ملاحظة لازم تفتحين حساب عندهم اذا كانت المرة الاولى )
والخيار الثاني تاخذين الفلوس كاش وتروحين صوب اي فرع من فروع بنك الدوحة وتطلبين منهم ايداع المبلغ في حساب المجموعة وبيعطونك وصل هالوصل تاخذينه وتروحين فيه المجموعه وهم يحطونه في حسابك عندهم

واما بالنسبة للبقية تعاملين معاهم بشيكات او كل واحد بحسابه الخاص .. يعني البنك التجاري لازم يكون عندك حساب في البنك التجاري
الدوحة عندك حساب في بنط الدوحة وهكذا ..

اتمنىانك فهمتي

[مغروور قطر]

أكد مصدر مسؤول في سوق الدوحة للأوراق المالية انه بات بإمكان السادة المواطنين الراغبين ببيع اسهم شركة قطر لنقل الغاز (ناقلات) خلال الأيام الأولى من ادراجها للتداول مراجعة شركات الوساطة منذ الآن لنقل تلك الاسهم من حساباتهم في إدارة التسجيل المركزي إلى حسابات شركات الوساطة الراغبين البيع من خلالها استعدادا للبيع وتجنبا للاكتظاظ والضغط المتوقع على مكاتب الوساطة عند بدء تداول اسهم الشركة في السوق‚

وقال المصدر انه قد تم ابلاغ شركات الوساطة العاملة في السوق بان سجلات المساهمين في شركة قطر لنقل الغاز (ناقلات) قد باتت متوافرة من خلال نظام التسجيل المركزي‚ وانه بات بإمكان تلك الشركات الاطلاع على تلك السجلات وإجراء عمليات نقل الاسهم من حساب العميل لدى السوق إلى حسابه لدى الوسيط استعدادا لتنفيذ طلبات العملاء بالبيع والشراء اعتبارا من يوم الخميس السابع من ابريل الحالي وهو اليوم المقرر لادراج اسهم شركة ناقلات في السوق بشكل رسمي‚ وأشار أن عدد الحسابات التي فتحت لغبر القطريين بلغت حتى الآن 16 ألف حساب‚

[دهن العود]

صباح الخير ..
الاخت الدانة العنود والاخ السهم الازرق ..
على العموم كل إنسان له وجهة نظر وتفكير خاص بالنسبة لي انا أكتتبت في أسهم ناقلات ونسيتها لأني ما ناوية أبيعها مثل ماقلت من قبل ولكن في نفس الوقت ماني ناوية اشتري الاسهم وأرقد عليها مثل ماقلتوا لا !
أنا مثل مايقولون مسكت العصا من النص يعني من ناحية ماسكة أسهم ناقلات ومن ناحية ثانية شغلت فلوسي اللي أرجعتلي من الاكتتاب في الاسهم وأنا الحين أشتري وأبيع في الاسهم والحمد لله ربحت منها مثلا شريت أسهم التحويلية على سعر78 وبعتها بسعر السهم 95 والحمد الله ربحت مبلغ زين أنا ما أأيد فكرة أن الواحد يشتري الاسهم ويرقد عليها أنا مع اللي يشغل مخة وفلوسة علشان يربح لكن بصراحة أسهم ناقلات ما تتعوض إذا راحت

[almazam]

لين هذا الوقت

نهاية دوام
( الثلاثاء 5 -4 -2005 )

مافي شي نزل في الحسابات
اللهم الارقام الجديدة للمستثمريين الجدد بس

[Le7dan-Qatar]

مشكورين على الموضووع

اما انا باتظر كم يوووم ويمكن عقب اشتري من الناقلات

وبالتوفيق للجميع

[KhalidQ]

Thanx for all

[أبو محمد]

ممكن يا يا شباب حد يعطيني البرنامج الخاص بحساب أسهم الناقلات

[السهم الازرق]

الاخت دهن العود مساج الله بالخير ..

طبعا كل شخص حر بحلاله و كل انسان له طريقه بأدارة فلوسه ..

لكن اللي ما فهمته هو اشمعنه اسهم ناقلات اللي ما تتعوض في نظرج ؟!

حبيت اقول لج ان اسهم ناقلات حالها حال غيرها من الاسهم ..

ما ادري ليش استثنيتيها من المضاربه حالها حال باقي الاسهم اللي تشتغلين فيها ؟!

يعني مثلا لو كان عندج 10000 سهم ناقلات و بعتيهم بسعر زين مع بداية دخول الاجانب ..

لان هالفتره بيكون الطلب قوي على سهم ناقلات و بالتالي متوقع ان السعر بيكون حلو ..

مثلا بعتي السهم ب 100 .. ,, و رجعتي بعد فترة الركود و شريتي ب 90 او 80 ..

بهالحاله ال 10000 سهم صارو تقريبا 12000 بدال ما انتي مجمدتهم في التجوري !!

يعني بأختصار مافي شي اسمه اسهم ناقلات ما تتعوض مثل ما قلتي ..

في شي اسمه تبيعين و تشترين فى الوقت المناسب ..

تحياتي لج و للجميع و اتمنى لكم كل خير