اخبار متعة ا لتسوق يابنات ؟؟( المعرض الحالي من 11 إلى 20) الشهر [الأرشيف]

latty

11-06-2009, 07:31 PM

هلا خواتي

ممكن نحط معلوماتنا عن المعرض الحالي بقاعة المعارض وايش نبحث عنه ووين لقيناه ؟

وكيف الاسعار وايش اعجبنا

الحقيقه كنت بروح اليوم انا وصديقاتي بعد الدوام بس الحر قال اجليه لبكره

بكره بتكون اول زياره لي وان شاء الله اوافيكم بالاخبار

ياليت نتعاون مع بعض حول مافي المعرض والغايه من زيارتنا له

حقيقه انا ابحث عن اكسسوار لستاير غرفتي اي اكسسوار احطه على فيونكه كبيره اعلى الستاره

ان احد شاف اي شئ من هذا القبيل يدلني

كما انني ابحث عن بخور وعطور فراش تكون روعه ومعقوله بالسعر

ارجو التفاعل مع اختكم latty

ساره2007

11-06-2009, 08:09 PM

حلو الموضوع ..

انا بعد ان شاء الله اروح له السبت بكره جمعه خبرك زحمه

واليوم بالدوام

latty

11-06-2009, 08:55 PM

مشكوره ساره على الرد

وان شاء الله اللي راحوا اليوم يقولون انطباعهم وانا انقل لكم انطباعي بكره وانتي يوم السبت

شكرا

tajirqatari

11-06-2009, 09:04 PM

بصراحه اكسسوارات كثيرة فالمعرض بس اللي شفته اكثر شي ستاير من قماس الاورجنزا والشمواه هو اللي طاغي في المعرض بالاضافه الى المفارش الصينية المعروفه منا الزين ومنها الردي
وبالاضافه الى العطور والمحلات تارسة الدنيا هناك ولاننسى محل لورد جالري
وكل التوفيق يارب
وكانت زياره سريعه لمدة عشر دقايق بس

لوردغاليري

11-06-2009, 11:12 PM

الف شكر لك اخوي تاجر دايم تسعدني ردودك
الله يوفقك ويرزقك

انا صراحه الاجبان حلوة اعجبتني اجبان شيليز القطريه
الغاده البحرينيه

اكسسوارات لبنانيه رووووووعه
مواعين لبنانيه فضيعه

عندج محل سكاكر رووووعه روحي وبتدعين لي
قوليلها من طرف لورد غاليري وبتسويلج خصم خاااااص لاني خميت من عندها ماشالله

عندج عبايات دار مورا رووووعه
وفي محل مااعرف اسمه في الخلف ورا كلش عبيهم راقيه
عطور مابمدح نفسي
انتي مري جربي

نجود

12-06-2009, 01:18 AM

اللهم ,,

إني أسألك نعمة دائمة ,,
تفيض بها خيراتك ,,

وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,

وأعوذ بك ,,,

من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك ,,,

MeMe MoOoON

12-06-2009, 01:23 AM

والله يبيلنا روحه

الاعــلامية

12-06-2009, 01:34 AM

بحاول السبت الصبح ازور المعرض ماداني اروح المسااء

وماشاء الله اللستة اللي قدمتها اختي ام سعود .. مميزة باحتفظ فيها

بالتوفيق

مسمس12

12-06-2009, 01:35 AM

احلى محلات العطور والبخور لورد غاليري وعود غاليري وعطورات الهنوف

العبايات اسعار خيالية وين قاعدين شدعوا

احلى شي خذيته من المعرض اللي اتعلقين عليها الملابس اللي على شكل برواز

latty

12-06-2009, 10:15 AM

بصراحه اكسسوارات كثيرة فالمعرض بس اللي شفته اكثر شي ستاير من قماس الاورجنزا والشمواه هو اللي طاغي في المعرض بالاضافه الى المفارش الصينية المعروفه منا الزين ومنها الردي
وبالاضافه الى العطور والمحلات تارسة الدنيا هناك ولاننسى محل لورد جالري
وكل التوفيق يارب
وكانت زياره سريعه لمدة عشر دقايق بس

تسلم تاجر قطري على الاضافه والمعلومه

وبنتظار المزيد منك

latty

12-06-2009, 10:17 AM

الف شكر لك اخوي تاجر دايم تسعدني ردودك
الله يوفقك ويرزقك

انا صراحه الاجبان حلوة اعجبتني اجبان شيليز القطريه
الغاده البحرينيه

اكسسوارات لبنانيه رووووووعه
مواعين لبنانيه فضيعه

عندج محل سكاكر رووووعه روحي وبتدعين لي
قوليلها من طرف لورد غاليري وبتسويلج خصم خاااااص لاني خميت من عندها ماشالله

عندج عبايات دار مورا رووووعه
وفي محل مااعرف اسمه في الخلف ورا كلش عبيهم راقيه
عطور مابمدح نفسي
انتي مري جربي

تسلمي يالغاليه على الاضافه وهل يخفى القمر طبعا بمر

واضافتك كثير اعجبتني

شكرا

latty

12-06-2009, 10:19 AM

اللهم ,,

إني أسألك نعمة دائمة ,,
تفيض بها خيراتك ,,

وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,

وأعوذ بك ,,,

من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك ,,,

آمــــــــــــــــــــــــــــــــــــــــــــــــ ـــيـــــــــــــــــــن

latty

12-06-2009, 10:20 AM

احلى محلات العطور والبخور لورد غاليري وعود غاليري وعطورات الهنوف

العبايات اسعار خيالية وين قاعدين شدعوا

احلى شي خذيته من المعرض اللي اتعلقين عليها الملابس اللي على شكل برواز

هلا مسمس

حبوبه وين لقيتيها يعني وين الروح لها لاني اجهز بيتي وابي حاجات كذا

بنت سعادة السفير

12-06-2009, 10:42 AM

السلام عليكم ورحمة الله وبركااته ، ،
صبحكم الله بالخير، وجمعه مباركــه ،
ان شاء الله اليوم قبل المغرب باروح وبااعطيكم اخر الاخبار
وتسلمين خيتوو على الموووضووع

شموخ-qtr

12-06-2009, 11:02 AM

في صواني تقديمات راقيه ..؟؟

ام الشهداء

12-06-2009, 12:39 PM

يعطيج العافيه اختى وحلوه فكرتج بصراحه انا لين الحين ما رحت باجر ان شاءالله

بروح اممم انا كونى نازله البيت قريب ادور على شغلات حق البيت من مفارش

ومطبخ بس تكون حركات حلوه

وادور بعد اطقم دلال حلوه وتكون اسعارها مناسبه والله البارحه تفشلت شريت طقم

غااااالى من الشاهين ومروا ضيوف المجلس عند بو العيال

عاد جانى يقول القهوه ابردت والله انفهرت ابردت فى اقل من ساعه

عموما الله يجزيكم خير اذا حد مر شاف يقول لنا وتحياتى

غناتي1

12-06-2009, 01:09 PM

من احلى الردود رد الاخت نجود --- تعجبني ادعيتها

والمعرض لين الحين ما رحنا له -- ومنكم نستفيد

اللهم ,,

إني أسألك نعمة دائمة ,,
تفيض بها خيراتك ,,

وتتوسع بها أرزاقك ,,
وتتضاعف بها بركاتك ,,
وتزيد بها أفضالك ,,

وأعوذ بك ,,,

من أن تزول عني نعمك ,,
وتنقص عني خيراتك ,,
وتنقطع عني أرزاقك ,,,
وتنتهي عني بركاتك ,,
وتذهب عني أفضالك ,,,

ورقــة أمــل

12-06-2009, 01:16 PM

تهقون مفتوح الحين؟؟

ابي اروح قبل لا يصير زحمة

راجية الرحمة

12-06-2009, 01:40 PM

أي مفتوووح اللحين

موضوع في منتهى الروعة

M0H

12-06-2009, 01:51 PM

المعرض متى يفتح ويسكر الحين فاتحين ولا لا

شيط ويط

12-06-2009, 01:54 PM

اهم شي الزحمة اشلون ؟ .. وهل فيه ايام للعائلات والنساء ؟ .. ياليت حد (ينورنا) :secret:

لوردغاليري

12-06-2009, 02:01 PM

يفتح الساعه4

Miss.qtr

12-06-2009, 02:26 PM

كاتبين بالجريده انه متواصل يعني من الصبح لين بالليل

بس ناسيه من الساعه كم :(

ذيبه مزاجيه

12-06-2009, 02:27 PM

من الساعه 4 العصر يوم الجمعه ,, اظن
وما رحت للحين علشان اعطي تعليقي
بس ان شاء الله بروح ,,

La Bella

12-06-2009, 02:41 PM

أحلى عود بالعنبر عند محل ( ريحة )
حلوى المن والسلوى ( عند محل إيراني )
طقم من ثلاث اواني فخار ( عند محل مصري )

مسمس12

12-06-2009, 05:24 PM

هلا مسمس

حبوبه وين لقيتيها يعني وين الروح لها لاني اجهز بيتي وابي حاجات كذا

اتحصلينهم اكثر من واحد واكثر من مكان متوزعين

بس ارخص واحد فيهم اللي عند الباب الاخير اول ماتدخلين من الباب الرئيسي روحي يسار اخر بوابه اتحصلينه على طول

وكاسري بالسعر المره اللي اهناك وحني عليها لانها وايد اتنزل اذا سندرتيها :)

tajraaa

12-06-2009, 05:46 PM

اليوم زحمه
بكره السبت ان شاء الله لنا روحــه

شيط ويط

12-06-2009, 05:49 PM

ياليت يتم تثبيت الموضوع ..

wqatar

12-06-2009, 05:59 PM

من الساعه 11:00ص إلى 10:00م

مشتاقة لقطر

12-06-2009, 08:18 PM

الله يوفق الجميع خصوصا تاجرات وتجار قطر

tajirqatari

12-06-2009, 10:49 PM

وهالسنه محلات الاحجار والاكسسوارات الايرانية لها حيز في هذا المعرض ولكن حبيت اقول ماعليكم من الكلام اللي ينقال ان هذا حجر اصلي او طبيعي بل هو صناعي والدليل على هذا السعر اللي ينباع فيه
وهذا للتوضيح فقط

دايم_افكر

13-06-2009, 12:28 AM

السلام عليكم ورحمة الله وبركااته ، ،
صبحكم الله بالخير، وجمعه مباركــه ،
ان شاء الله اليوم قبل المغرب باروح وبااعطيكم اخر الاخبار
وتسلمين خيتوو على الموووضووع

ننتظر اخر الاخبار

latty

13-06-2009, 12:54 AM

لورد غاليري روعه والعطور والبخور ماعليه كلام

شريت منه عطر مركز وعطر فرنسي وثلاث انواع بخور منها العود العنبر روووعه والاسعار حلوه

قمة الذوق البنات اللي يبيعن بس فيه بنات مسوين زحمه وجالسين بالمحل بدون عمل

موفقه ام سعود وسالت عنها لكن مالقيتها

عطور كويتيه اماراتيه في المحل بنت روعه بالتعامل وتعطي لما تشترين منها هديه عطورها وبخورها روعه

اعتقد الجزيره يمكن بس عطورهم روعه

السجاد الايراني

الاقمشه الالبرتي

ترامس الشاي والقهوه السوريه

كل هذا اعجبني

واللي مااعجبني

زحمة الشباب اللي يمشون بالمعرض بدون شراء الا بس ازعاج الناس بالبتصوير والبلوتوثات

البضايع الصينيه والمصريه خاصه الجلديات والاسعار نار

تواجد حيوانات بالمعرض للبيع الصراحه زحمه وحر والحيوانات تعبانه خاصه مع هالفيروسات مانزداد

الاجبان مكانها غلط والواجب تواجد ثلاجات معدة لهذا الغرض والعرض

الشراشف اللي هي سويت هوم الاسعار اضعاف ماهي عليه بالرياض ولما سالت قالت هم ياخذون منا علما بان الموقع لهوم سويت موجود وياخذ طلبيات وبربع الاسعار

لكن هي فرصه لهم

ناويه ارد يوم الاحد واثناء الدوام لان اكيد الكل بالدوامات باخذ عارضه وبروح مره اخيره

نتابع مع اخواتنا

وشكرا لتواجدكم وردودكم

latty

13-06-2009, 01:00 AM

اتحصلينهم اكثر من واحد واكثر من مكان متوزعين

بس ارخص واحد فيهم اللي عند الباب الاخير اول ماتدخلين من الباب الرئيسي روحي يسار اخر بوابه اتحصلينه على طول

وكاسري بالسعر المره اللي اهناك وحني عليها لانها وايد اتنزل اذا سندرتيها :)

تسلمين اي رحت ولقيتهم عاد هم الصراحه حلوين بس انا مسويه واحد حلو

اقولج الفكره هي نفس الفكره وانا اخترتها لعبايات الزائرات هو عباره عن مستطيل على شكل عرضي تعلقينه عرض طوله متر و20 سنتيمتر والعرض 40سنتمتر انا صممته من الجلد الكبتون اي منفوخ ومطعج يحيط به اطار فضي والجلد اسود به علاقات ثمان للعبايات

على ان الموجود كثير حلو بس الشمواه يجلب الغبار عكس الجلد

طلع روعه وصديقتي الحين تبي عنابي بحاول انزل صوره له

تسلمين ياعمري

لوردغاليري

13-06-2009, 01:02 AM

لورد غاليري روعه والعطور والبخور ماعليه كلام

شريت منه عطر مركز وعطر فرنسي وثلاث انواع بخور منها العود العنبر روووعه والاسعار حلوه

قمة الذوق البنات اللي يبيعن بس فيه بنات مسوين زحمه وجالسين بالمحل بدون عمل

موفقه ام سعود وسالت عنها لكن مالقيتها

عطور كويتيه اماراتيه في المحل بنت روعه بالتعامل وتعطي لما تشترين منها هديه عطورها وبخورها روعه

اعتقد الجزيره يمكن بس عطورهم روعه

السجاد الايراني

الاقمشه الالبرتي

ترامس الشاي والقهوه السوريه

كل هذا اعجبني

واللي مااعجبني

زحمة الشباب اللي يمشون بالمعرض بدون شراء الا بس ازعاج الناس بالبتصوير والبلوتوثات

البضايع الصينيه والمصريه خاصه الجلديات والاسعار نار

تواجد حيوانات بالمعرض للبيع الصراحه زحمه وحر والحيوانات تعبانه خاصه مع هالفيروسات مانزداد

الاجبان مكانها غلط والواجب تواجد ثلاجات معدة لهذا الغرض والعرض

الشراشف اللي هي سويت هوم الاسعار اضعاف ماهي عليه بالرياض ولما سالت قالت هم ياخذون منا علما بان الموقع لهوم سويت موجود وياخذ طلبيات وبربع الاسعار

لكن هي فرصه لهم

ناويه ارد يوم الاحد واثناء الدوام لان اكيد الكل بالدوامات باخذ عارضه وبروح مره اخيره

نتابع مع اخواتنا

وشكرا لتواجدكم وردودكم

الف شكر حبيبتي الذوق ذوقج فديت هالطله بس ماوقعتيلي ع اللوحه
البنات الله وكيلج وااااااااايد وكل منهم يبي يقعد بالمحل وانا ماادري انهم جذيه مريت عند صلاة المغرب وسويت جرد وطلعت 3 وخليت2
سببوا زحمه صراااااااحه
والحيوانات ياااااااااااااااااامه صاجه يخرعون
وغزونااااااااااااا هالصينيين والاجانب بالمعرض اللهم ياكافي
واهم شي اعجبج المحل وشغل ايدي
وعليج بالعافيه
وتسلمين ع الموضوع الحلو
وماتصدقين فرحتي هاااااااااااااااااااااااااااااااااالكبر
وبعد اكبر
حبيبتي انتي

latty

13-06-2009, 01:06 AM

يعطيج العافيه اختى وحلوه فكرتج بصراحه انا لين الحين ما رحت باجر ان شاءالله

بروح اممم انا كونى نازله البيت قريب ادور على شغلات حق البيت من مفارش

ومطبخ بس تكون حركات حلوه

وادور بعد اطقم دلال حلوه وتكون اسعارها مناسبه والله البارحه تفشلت شريت طقم

غااااالى من الشاهين ومروا ضيوف المجلس عند بو العيال

عاد جانى يقول القهوه ابردت والله انفهرت ابردت فى اقل من ساعه

عموما الله يجزيكم خير اذا حد مر شاف يقول لنا وتحياتى

هلا حبوبه منزل مبارك ان شاء الله

وانا مثلج ادور للبيت الجديد

الترامس انا شريت من المائده من الرياض الاواني روووعه مره مره

وشريت بعد من المول من اعتقد اسمه زون لون الشعار اسود وابيض عندهم ترامس شوي غاليه المانيه لكن وربي اني سويت تجربه عليهم ظلوا 16 ساعه وهم حارين شريت لون ابيض ولون فضي الوحده بس ماتقل عن ثلاث ميه الا شئ قليل شريت اربع

تلاقينهم وين السلالم اللي تطلع بالمول للالعاب فوق هو على يسارج

الرياض حلوه كل مافيها حلو حتى مواعينهم

موفقه ياعمري

latty

13-06-2009, 01:08 AM

مواعيد المعرض

يوم الجمعه من الساعه 4 م لين 11 م
الايام الباقيه من 10 ص حتى 11م حسب مانشر بالجرايد

موفقين

مشتاقة لقطر

13-06-2009, 03:53 AM

شوقتووووني والله

للدوووووحة بكبرها قلبي يعورني اباسافر

الكايـــده

13-06-2009, 04:40 AM

بليييز بنات اماكن اللي يبيعون الجبن ووووووين خاصه شيليييز

unique

13-06-2009, 10:15 AM

والله وايد حلو الموضوع تسلمين الشيخه على هالموضوع

انا للحين مارحت

واول ماروح ان شاءالله اقول لكم شنو خميت من المعرض ههههههههه :nice:

ويعطيكم العافيه

яέέⓜ

13-06-2009, 01:44 PM

متابعين

J & N

13-06-2009, 02:58 PM

امممممممم

انا رحت المعرض يومين وراء بعض ((الاول والثاني))

احلى شي الجلابيات السوريه موديلات جديده طوال لصيف كنها مالت الصالون الازرق خذت اول يوم 4 وثاني يوم 4 عجيييييييييييييييييييييبه

وطحت في قطع القطن والروز لصيف رمضاااااااان هههههههه

latty

13-06-2009, 03:04 PM

الحين انا بروح

وباوافيكم بمشترياتي ومشاهداتي

الى اللقاء

فرحة الكواري

13-06-2009, 03:31 PM

ماشاءالله .. موضوع جميل

انا اللحين بروح ان شاءالله ولي عودة مرة ثانيه

يعطيج العافية لاتي

بنQATARت

13-06-2009, 04:52 PM

يعطيكم العافيه خواتي
بس ياريت اللي بتروح الحين اتأكد لنا عن موعد الصبح يفتح 10 او 11
ياريت اتنورونا وتصورون لنا كم صوره عن احسن المحلات
شاكرين لكم على الموضوع الحلووووووووووووووووووو

بنQATARت

13-06-2009, 04:54 PM

امممممممم

انا رحت المعرض يومين وراء بعض ((الاول والثاني))

احلى شي الجلابيات السوريه موديلات جديده طوال لصيف كنها مالت الصالون الازرق خذت اول يوم 4 وثاني يوم 4 عجيييييييييييييييييييييبه

وطحت في قطع القطن والروز لصيف رمضاااااااان هههههههه

اي صوب مكانه اختي

لوردغاليري

13-06-2009, 05:01 PM

في كل مكان هالسوريين تلقينهم

سهم عتيج

13-06-2009, 05:06 PM

سيتم تثبيت الموضوع حتى نهاية المعرض في 20/6/2009 باذن الله ولاتاحة الفرصة للجميع للاطلاع على آخر مستجداته ومحتوياته..

يعطيكم العافية جميعا..

سوق واقف

13-06-2009, 05:38 PM

السلام عليكم ورحمة الله وبركاته
أولا أحي تاجرتنا العزيزة أم سعود على كاونترها الحلو الصراحة وأسعارها الممتازة بالنسبة للمحلات الأخرى وأسعارهم الخيالية ...

أولا المعرض جميل هذا العام وكبير جدااا ولكن الوقت المقام فيه المعرض خطأ لأنه إمتحانات وهذا شيء سلبي للمشاركين ولهذا السبب لم شارك رغم أني كنت أبي أشارك ولكن الوقت وقت أمتحانات...

الشيء الثاني المعرض الأسعار×10 لسبب لأنه الأيجار هذا العام أغلى من العام السابق
ولا تلومون التجار أذا يبيعون غالي لأنه الايجار جدااا غالي ...

المحلات الي أشوف أسعارهم مناسبة :
بالنسبة للعطور العربية ( كمبودي سنتر الكويتي _حماد_ أطياب ) خلطات الكويتين رووعه الصراحه انا شريت أمس وشريت اليوم منهم ..

بالنسبة حق لوحات الحائط السعر مبالغ فيه حتى عند الصينين والأسعار الخيالية لوحات الإيرانيين قطعه شموا 2000 ريال ...

وبالنسبة لكاونتر الإيرانيين شغلهم مش ايراني كله أغراضهم من تايلند وشغل تايلند لا حجم مرد ولا حجر كرندايزر كله كذب..

بالنسبة للإجبان الصراحه كانتر أهل قطر جبنهم رووووووووووووووووووعه أنا دايمن آكل من عندهم لذيذ الجبن والبنسبة البحرينية جبنها يعني بس المخلالات حلووووووه خذت منهم..

بالنسبة للجلابيات المصرية كلها من محلات الي في زون سنتر ورافعين السعر للضعف أشتر عقب المعرض من زوم...

بالنسبة للثريات ترى مش كريستال عصفور مالت مصر حاسبوووووو كلها صينية والمبلغ ×10
دوحة سيتي أرخص....

بالنسبة لماركات التقيد في ثلاث كاونترات حق شباب إماراتيين أسعارهم روووووووعه حتى للتجار الي يبون يشترون جملة ...

وربي يوفقكم جميعا

راجية الرحمة

13-06-2009, 05:53 PM

يستاهل التثبيت

joOoreee

13-06-2009, 06:05 PM

ننتظر اخبار الي راحوا المعرض
مع الشكر الجزيل للجميع

انا حره

13-06-2009, 09:00 PM

السلام عليكم المعرض حلوو ومنووع

مريت على مال المغربي وخذيت الابريق مع الاكواب المغربيه

وفي الجلابيات المغربيه مو الشيفونات الغاليه لا قطن وتهبل وبااارده وتصلح لرمضان ومطرزه ب 80 ريال

الصيننين بكل مكان مامريت حتى عليهم لانهم كل سنه نفس الشي

العطور ماشاء الله شكثر انا احب المحلات الكويتيه لاننها مميزه صراحه

محل ريحه والبيت الخليجي اول ماتدخلون روحو يسار عندهم اشياء مميزه صراحه

المواعين مالت زهران حلووه وعجبتني المواعين البيالات والفناجيل السوريه رهيببه والصواني بعد بس مبالغ بسعرها

والطاجين المغربي متواجد بعد بكثره

الي باط كبدي اللوحات نفس ال بدوحه ستي واضعاف السعر

البيجامات السوريه حلو بس مافي جديد حتى عيالنا ملوو منها

محلات الاجبان شيليز احلى من البحرينيه والبحرينيه مستغلين البهارات علبه صغنونه ب35 ريال مايسوى ..

جلابيات السورين مادري احسها مو راقيه كلها شك

العبايات لاحد يزعل بس يكفي النسوان مسوين عرض ازياء للعبايات فمحلات العبايات بتربح

الي ماعجبني الجلابيات المغربيه الي تبيع هناك كان لبسها مو محتشم عطيتها نظره وفهمتها

وبسترجع ذاكرتي وبرجع

latty

13-06-2009, 09:03 PM

الصراحه كن الدوحه مافيها اسواق

زحمه والشباب حدث ولا حرج تمشيه ومضيقين على الناس ودام ولد البلد سوى كذا كيف بيسوي المقيم ؟؟؟؟

مضايقين النساء وياليت بس واحد منهم فيده كيس

اسال انا وين العضيد عنهم وين؟؟؟

لعوزونا

المعرض حلو

الصراحه السجاد الايراني لاعب لعبته بين النسوان

وش شريت انا وش شريت

ايه فيه محل صيني لشناط مطرزه بالفولك والفصوص روووعه شناط يد

ورسومات دار مادار خرز ولمعات حلوه

شريت وحده سعرهم اشوفه شوي غالي لكن الشناط تستاهل

شريت حاجه خاصه للفتيات والنسوان وهي غريبه لكن مفيده وشريتها بعد ماشفتها عند صديقتي لكن بقولكم وين تجيبونها حتى ما تروحون لوحده تبوق الفلوس صج

اقول لكم

هي اداه مثل القلم يميل للانثناء على شكل يو بالانجلزي U على القضيبين لون اما احمر او اصفر او اخضر تدورينهم بيدك وانتي تشيلين الشنب او شعر الوجه رووووعه

فيه مصريه اخر المعرض تبيعه وهي جايبته من دبي صناعه ايرانيه كل حبتين بخمس واربعين والحبه الوحده بخمسة وعشرين هو عملي ويبقى معك مده طويله بس دوري القضيبين وضعيه على الجلد وهو ينزع الشعر وينظف بشكل رهيب للي تعرف له وان ماعرفتي قولي لها تعلمك

حلو حق الشنطه ممتى ماتريدي تستخدميه

لكن بعد ماتركتها وتقدمت وسط المعرض لقيت مصريه اخرى تبيع زيهم ومعلقتهم اعلى المحل قلت بسالها كم قـــــــــــــــــــــــــالت الواحد 50 ريال :omg: يااااااااااااااااااه وين حماية المستهلك :telephone:

قلت لها طيب انا معي سبعه تشترينهم بخمسين ؟؟؟؟ قالت معك ؟ قلت ايه قالت صناعه اماراتيه او ايرانيه قلت وش الاحسن قالت الايراني قلت معي ايراني وجهها راح فيها انحرجت قلت صناعه ايرانيه والتوزيع امراتي تكذبين على القطرييات ليه ؟؟

قالت من باعك قلت ماعليك

شريت بعد كم قطعه لرمضان سعر المتر عشرة ريالات واشوف زحمه عليه بشكل غير طبيعي

شريت سجادتين ايرانيات

واعلن الاكتفاء حتى اخر يوم بالمعرض يمكن يسوون تنزيلات على السجاد

وسلامتكم

اللي اعجبني بالمعرض كثرة الحمالييين والله ريحونا

وكلمه ياشباب خافوا الله في بنات الوطن وخلوا بوجيهم ماء عيييب والله

وشكرا

latty

13-06-2009, 09:08 PM

يعطيكم العافيه خواتي
بس ياريت اللي بتروح الحين اتأكد لنا عن موعد الصبح يفتح 10 او 11
ياريت اتنورونا وتصورون لنا كم صوره عن احسن المحلات
شاكرين لكم على الموضوع الحلووووووووووووووووووو

حبوبه يفتح 11 ص

latty

13-06-2009, 09:09 PM

سيتم تثبيت الموضوع حتى نهاية المعرض في 20/6/2009 باذن الله ولاتاحة الفرصة للجميع للاطلاع على آخر مستجداته ومحتوياته..

يعطيكم العافية جميعا..

يعطيك العافيه :)

latty

13-06-2009, 09:13 PM

السلام عليكم ورحمة الله وبركاته
أولا أحي تاجرتنا العزيزة أم سعود على كاونترها الحلو الصراحة وأسعارها الممتازة بالنسبة للمحلات الأخرى وأسعارهم الخيالية ...

أولا المعرض جميل هذا العام وكبير جدااا ولكن الوقت المقام فيه المعرض خطأ لأنه إمتحانات وهذا شيء سلبي للمشاركين ولهذا السبب لم شارك رغم أني كنت أبي أشارك ولكن الوقت وقت أمتحانات...

الشيء الثاني المعرض الأسعار×10 لسبب لأنه الأيجار هذا العام أغلى من العام السابق
ولا تلومون التجار أذا يبيعون غالي لأنه الايجار جدااا غالي ...

المحلات الي أشوف أسعارهم مناسبة :
بالنسبة للعطور العربية ( كمبودي سنتر الكويتي _حماد_ أطياب ) خلطات الكويتين رووعه الصراحه انا شريت أمس وشريت اليوم منهم ..

بالنسبة حق لوحات الحائط السعر مبالغ فيه حتى عند الصينين والأسعار الخيالية لوحات الإيرانيين قطعه شموا 2000 ريال ...

وبالنسبة لكاونتر الإيرانيين شغلهم مش ايراني كله أغراضهم من تايلند وشغل تايلند لا حجم مرد ولا حجر كرندايزر كله كذب..

بالنسبة للإجبان الصراحه كانتر أهل قطر جبنهم رووووووووووووووووووعه أنا دايمن آكل من عندهم لذيذ الجبن والبنسبة البحرينية جبنها يعني بس المخلالات حلووووووه خذت منهم..

بالنسبة للجلابيات المصرية كلها من محلات الي في زون سنتر ورافعين السعر للضعف أشتر عقب المعرض من زوم...

بالنسبة للثريات ترى مش كريستال عصفور مالت مصر حاسبوووووو كلها صينية والمبلغ ×10
دوحة سيتي أرخص....

بالنسبة لماركات التقيد في ثلاث كاونترات حق شباب إماراتيين أسعارهم روووووووعه حتى للتجار الي يبون يشترون جملة ...

وربي يوفقكم جميعا

اخوي ايش قصدك بالبضاعه اللايررانين قصدك الزل ؟؟؟؟؟

انا شريت والله ثنتين وحده 7250 قال صوف بحرير وشفت اللي جنبه يبيها 14 الف نفسها نفسها

وشريت وحده قال كمية الحرير اكثر باربعه ونص اخاف يطلع مب ايراني والوالد يهاوشني ؟؟؟؟

وضح واللي يخليك :secret:

انا حره

13-06-2009, 09:14 PM

اختي انت اتقولين ساشباب خافو الله في بنات البلد <<<شلابسين بالمعرض بعضهم كانهم رايحين عرس الله يهديهم

latty

13-06-2009, 09:16 PM

السلام عليكم المعرض حلوو ومنووع

مريت على مال المغربي وخذيت الابريق مع الاكواب المغربيه

وفي الجلابيات المغربيه مو الشيفونات الغاليه لا قطن وتهبل وبااارده وتصلح لرمضان ومطرزه ب 80 ريال

الصيننين بكل مكان مامريت حتى عليهم لانهم كل سنه نفس الشي

العطور ماشاء الله شكثر انا احب المحلات الكويتيه لاننها مميزه صراحه

محل ريحه والبيت الخليجي اول ماتدخلون روحو يسار عندهم اشياء مميزه صراحه

المواعين مالت زهران حلووه وعجبتني المواعين البيالات والفناجيل السوريه رهيببه والصواني بعد بس مبالغ بسعرها

والطاجين المغربي متواجد بعد بكثره

الي باط كبدي اللوحات نفس ال بدوحه ستي واضعاف السعر

البيجامات السوريه حلو بس مافي جديد حتى عيالنا ملوو منها

محلات الاجبان شيليز احلى من البحرينيه والبحرينيه مستغلين البهارات علبه صغنونه ب35 ريال مايسوى ..

جلابيات السورين مادري احسها مو راقيه كلها شك

العبايات لاحد يزعل بس يكفي النسوان مسوين عرض ازياء للعبايات فمحلات العبايات بتربح

الي ماعجبني الجلابيات المغربيه الي تبيع هناك كان لبسها مو محتشم عطيتها نظره وفهمتها

وبسترجع ذاكرتي وبرجع

حبوبه رجيتك قولي لي وين الجلابيات المغربيه اللي شريتهم

يعني اي صوب aاوbاوcاوd
ارشديني لاني تعبت وانا ادوووورهم ماعرفت وينهم

بنتظار توجيهك

انا حره

13-06-2009, 09:17 PM

ههههههه يعني انا الي ادل شوفي وعد مني بكره بروح المغرب وبروحله وباخذللك رقم محله ولا يهمج

latty

13-06-2009, 11:11 PM

ههههههه يعني انا الي ادل شوفي وعد مني بكره بروح المغرب وبروحله وباخذللك رقم محله ولا يهمج

تسلمين

اوك اتحراج تخبريني

:app:

مستجدة

13-06-2009, 11:32 PM

بنات مافيه شنط يد تقليد نخب اول .........؟

اشوف محد جاب طاري شنط اليد !!!!
انا ابي اروح حق المفارش وحق شنط اليد والعطور اللي عندها خلفيه عن المكانات والاسعار
لاتبخل علينا ^ ــ ^

latty

13-06-2009, 11:55 PM

بنات مافيه شنط يد تقليد نخب اول .........؟

اشوف محد جاب طاري شنط اليد !!!!
انا ابي اروح حق المفارش وحق شنط اليد والعطور اللي عندها خلفيه عن المكانات والاسعار
لاتبخل علينا ^ ــ ^

شنط يد نخب اول ماشفت الا هاك الالبناني اللي كل سنه يقول نخب اول نخب اول ماعنده الا عدد قليل وشكلها مالت العام ومادورت

العطور يوووووووووووووووه اش كثر بس البيت الخليجي روعه روعه الشراشف السوريه المطرزه من 250 الى 400 حلوه وعليها زحمه لكن الصينيه زي كل عام وهوم سويت نفس الالوان اللي العام شكلهم طايحين بكبدها السوريه المطرزه روحي اخر بوابه السيد الاول اعتقد حرف l
موفقه

شوق qtr

14-06-2009, 01:05 AM

يعطيكم العافيه على ها الموضوع

ما جبتو طاري المكياج
العام جايبين مكياج ماك وكانت اسعاره حلوة
مدري السنه شخباره

مستجدة

14-06-2009, 01:14 AM

شنط يد نخب اول ماشفت الا هاك الالبناني اللي كل سنه يقول نخب اول نخب اول ماعنده الا عدد قليل وشكلها مالت العام ومادورت

العطور يوووووووووووووووه اش كثر بس البيت الخليجي روعه روعه الشراشف السوريه المطرزه من 250 الى 400 حلوه وعليها زحمه لكن الصينيه زي كل عام وهوم سويت نفس الالوان اللي العام شكلهم طايحين بكبدها السوريه المطرزه روحي اخر بوابه السيد الاول اعتقد حرف l
موفقه

شكرا يالغلا على الرد بروح اليوم الاحد الصبح ان شاءالله مايكون زحمه انا مختارة هالوقت لان كل الناس بعمالهم والشباب يا احد بعملة يا احد طاخها نومة ماله خلق يغاز ويضايق الناس ظهيرة وحر ومافيه مواقف :nice:
شنقول غير الله يهديهم حتى هالمكانات ورانا انا شفت اكثر الاخوات يشتكون من تواجد الشباب اللي محد فيهم حامل كيس بيده ابي افهم هذولاء مب بنات بلادك مثل خواتك وعماتك وخلاتك المفروض انت اتضايق من يضايقهم الله يهديكم بس هذا اللي نقدر نقوله
بندور اللي سعرة اوكي ويستاهل بتاخذه بصراحه اكثر شئ ابي العطور والبخور
والمفارش

anood

14-06-2009, 01:24 AM

يعطيكم العافيه صراحه ماقصرتو

وصج الشباب مسببين لي ازمه العام كان ماساه وحيل زحمه
عشان جي مافكر اروح هالمره

بس شكلي لازم اروح ابي اشتررررررررررري

انا حره

14-06-2009, 07:02 AM

العطور روحي الفودري مال الكويت والبيت الخليجي

المفارش الصينيه اعجبتني التلبيسات حلووه

المكياج والشنط فيه بس قليل حتى الشنط استغرربت مافي واجد مثل كل عام

انا حره

14-06-2009, 07:03 AM

لاتنسون انصحكم باجبان شيلي اليوم تريقت بجبنه الي معاها باذنجان لذيذه

سكر_قطر

14-06-2009, 09:04 AM

السلام عليكم

انا الصراحه المعرض عجبني السنه اكثر من المرتين اللي طافوا

عالاقل شفت تنوع واغراض جديده مو مثل قبل لوحات وشراشف

بس الغلط اني رحت السبت فالليل وكانت امة لا اله الا الله هناك

خذت لي شوية اغراض وناوية ارجع اليوم عشان اركز

خذت لي مناكير ملونه واكسسوارات من محل تركي

اغراضه روعه وايد وكيوت وخذت لي كريمات معطره

بس ماعرف من اي محل لاني ماركزت من الزحمه

الغلط الوحيد فالمعرض كان الشباب الفاضين كل واحد راز تلفونه ويصور

غير اللي يتحرشون في البنات ومسوين مشاكل للكل

ياليت يكون في سكيورتي ينظم هالشغله

وكنت ناوية امر على لورد غاليري بس ماحصلته :(

يعطيكم العافيه

latty

14-06-2009, 02:16 PM

شكرا يالغلا على الرد بروح اليوم الاحد الصبح ان شاءالله مايكون زحمه انا مختارة هالوقت لان كل الناس بعمالهم والشباب يا احد بعملة يا احد طاخها نومة ماله خلق يغاز ويضايق الناس ظهيرة وحر ومافيه مواقف :nice:
شنقول غير الله يهديهم حتى هالمكانات ورانا انا شفت اكثر الاخوات يشتكون من تواجد الشباب اللي محد فيهم حامل كيس بيده ابي افهم هذولاء مب بنات بلادك مثل خواتك وعماتك وخلاتك المفروض انت اتضايق من يضايقهم الله يهديكم بس هذا اللي نقدر نقوله
بندور اللي سعرة اوكي ويستاهل بتاخذه بصراحه اكثر شئ ابي العطور والبخور
والمفارش

هههههههههه مثلج قلت اروح الصباح وتفاجات والله ياالنسوان مايمسكن ماسك زحمه ولاحظت المقيمين اكثر بس يتفرجون والشباب مسنترين خاصه الصغار اللي عطلوا بس ياحليلهم ما عندهم نيه سوداء مثل اللي بالمغرب والعشاء :)

بس سمعت شي قالوا واكده لحدان المهندي ان فيه معرض 5/7 سعت وحده تساله وقال ايه قالت بجي المكتب اتكلم معك بخصوصه كنها تبي تحجز كورنر او شئ لما سالت قالوا ان فيه اعلان مكتوب وزع امس ان المعرض بيرد باول شهر سبعه مدري حد سمع عن هذا اولا

شريت عطور كويتيه والله حلوه وتعاملهم روعه ومحلهم روعه نسيت اسم المحل بس فيه عطر ضحكني اسمه اسمه المطبه :)
المطبه عاد لكن عنده عطور حلوه وكل اثنين عليهم واحد هديه

بس

حاولت القى المغربي اللي قالوا عنه البنات مالقيت الا محلين يبيعون حراير بس القطنيات تعبت وانا ادور عليهم

وبس

نشوف بقيه البنات وش عندهم :nice:

J & N

14-06-2009, 03:17 PM

اي صوب مكانه اختي

اسم المحل ((الخليج الذهبي)) البوابه الثانيه اعقد صفه المحل صوب البوابه

قولي له ابي الجلابيات الطوال الساده و الموديلات الجداد :victory:

وادعي لي :shy:

قطر love

14-06-2009, 03:17 PM

الصراحه انا رحت المعرض بس من كثر الزحمه الواحد مايركز وحر وعفسه وشباب مغازلجيه خخخخخخ

بس الصراحه احلى العطور عند الركن الاماراتي عنده اشياء حلوه وعنده عود يسميه استخدام يومي شي عجيب حق البيت ولا السياره ومريت على لورد غالري الله يوفقها بس من كثر الزحمه الواحد مايقدر يشوف شي بس قدرت اوقع وعن السجاد الايراني كله نصب في نصب هو صح ترا الي معلق هاي حريري بس يوم كنت موجود عندهك وسالت الرجال بكم اول شي قالي ب30000 ريال بعدين سال رفيجه يحسب ما افهم عليه باايراني فرفيجه قال لا ليش قلتله السعر قوله 45000 وبعد الخصم 35000 يحسب الناس تنك مثله والله انا رحت ايران وشفا الاسعار تاخذلك قطعتين زل حرير يدوي ويا الشحن مايكلفك 35000 بس مشكله الناس اهني ياخذون اي شي عادي ماعليهم من السعر لو في احد جاد يدور المحلات الي برع والسجاد الحرير نوعين اصفهاني ومن قم وفي من تبريز بس احسن شي قم وفي المعرض مش النوع الزين حاسبو لايقصون عليكم

قطر love

14-06-2009, 03:29 PM

وعن الشنط والشغلات الثانيه التقليد درجه اولى في واحد من الشباب في الجناح القطري على ما اعتقد جمب محل لورد غالري يبيع اشياء تقليد بي مايقدر يعرض التقليد الدرجه الاولى روحو وكلموه وهم بيجيبلكم الي تبونه والله يوفقكم ويوفقه ويوفقك لورد غالري ويوفق كل من اشتغل في الحلال ويوفقنا كلنا وقولو

اميــــــــــــــــــــــــــــــــــــــــــن

latty

14-06-2009, 03:33 PM

وعن الشنط والشغلات الثانيه التقليد درجه اولى في واحد من الشباب في الجناح القطري على ما اعتقد جمب محل لورد غالري يبيع اشياء تقليد بي مايقدر يعرض التقليد الدرجه الاولى روحو وكلموه وهم بيجيبلكم الي تبونه والله يوفقكم ويوفقه ويوفقك لورد غالري ويوفق كل من اشتغل في الحلال ويوفقنا كلنا وقولو

اميــــــــــــــــــــــــــــــــــــــــــن

اميــــــــــــــــــــــــــــــــــــــــــن
اميــــــــــــــــــــــــــــــــــــــــــن
اميــــــــــــــــــــــــــــــــــــــــــن
اميــــــــــــــــــــــــــــــــــــــــــن

:)

انا حره

14-06-2009, 04:00 PM

latty

لمحل الكويتي الي اسمه اهل الكويت الي فيه خياااش خخ
حلووه عطوراتهم وقدامه الفودري للعطور عنده مسك ابيض بالتوله بااارد ويجنن

وعنده دهن العود الكمبودي يهبل

واليوم بروح المعرض وبشوفلج محل المغربي

لوردغاليري

14-06-2009, 04:53 PM

بنات مافيه شنط يد تقليد نخب اول .........؟

اشوف محد جاب طاري شنط اليد !!!!
انا ابي اروح حق المفارش وحق شنط اليد والعطور اللي عندها خلفيه عن المكانات والاسعار
لاتبخل علينا ^ ــ ^

هلا حبيبتي

شرفي محلي العصر نزلت شنط نخب اول ماتفرق عن الاصلي
وكان عليهم اقبال كبيييييييييييييييير

ولاتنسين تقولين لمندوبتي انج من المنتدى وبتسويلج خصم حلو

انا حره

14-06-2009, 11:19 PM

المغربي يقول اسمه بنت الشمال وقسمه 41k

انا حره

14-06-2009, 11:23 PM

عندي اقتراح ياليت يسوونه وتوصلونه للمسؤلين بالمعرض يالي يسوون اقسام العطور بروحها والمكياج بروحه مع املابس والاكسسوارات الملاحف بروحهم الاكل بروحه

لانه صراحه احسه فوضى والواحد يضيع ولو يبي يرجع لاي محل مايقد وحتى المحلات الي حاطين لهم ارقام مو مرتبين

latty

14-06-2009, 11:40 PM

المغربي يقول اسمه بنت الشمال وقسمه 41k

تسلمين ياعمري بروح بكره ان شاء الله

بس على فكره ترى اعرف واحد هناك بالقسم الايراني للسجاد قال اليومين الاخيريين فيه خصم كبير بيكون لان الناس ماتبي تتخسر قيمة الشحن

وعلى طول بيروحون البحرين لان هناك معرض اخر نفس هذا

ومشكووووره مره اخرى حياتي

latty

14-06-2009, 11:42 PM

عندي اقتراح ياليت يسوونه وتوصلونه للمسؤلين بالمعرض يالي يسوون اقسام العطور بروحها والمكياج بروحه مع املابس والاكسسوارات الملاحف بروحهم الاكل بروحه

لانه صراحه احسه فوضى والواحد يضيع ولو يبي يرجع لاي محل مايقد وحتى المحلات الي حاطين لهم ارقام مو مرتبين

ايه والله فكرتج كثير ممتازه وصح يمكن انا ماابي احذيه وشناط ابي اجبان يكون هناك قسم للاجبان بس مب جنبها قطو وبخور ههههههههه

خلاص الملاحظه نكتبها ونعطيها الاستقبال يوصلونها للاخ لحدان المهندي على طول

ومن بكره :)

latty

14-06-2009, 11:45 PM

latty

لمحل الكويتي الي اسمه اهل الكويت الي فيه خياااش خخ
حلووه عطوراتهم وقدامه الفودري للعطور عنده مسك ابيض بالتوله بااارد ويجنن

وعنده دهن العود الكمبودي يهبل

ايه الكويتي جيته وخذيت منه وهو اللي عنده المطبه اسمه اطياب اعتقد

عنده عطور روعه ويعطي هديه نفس اللي تاخذينه

اما اللي مقابله دعاني ماجيته ممللو بنا هاللي يلحقك ويفلت عليج زين اذا عطرك ماعجبني :(

لكن دام مدحتي المسك بروح اخذ لاني بعد احب المسك

تسلمي انا حره

مهره

15-06-2009, 12:16 AM

بسم الله الرحمن الرحيم

انا بصراحة رحت ثاني يوم زحممممممممممممممممممممممممممة والى عندة شغلة والى ماعندة على الفاضي ماقدرت اركز ولا اشزف شي ولا اليهال صياح ونواح مساكين والله انا اشوف بيوتهم اريح الهم هاليهال مالهم شغلة يعنى الا حر وموت

اكثر شي عجبنى الاجبان والعطورات وهذا المقص الى ذكرتة وحدة من الاخوات والصنع ايرانى والله يوم سالتها عنه الا تقولى ب 55 انا انصدمت ليش؟ محصلين لفلوس فى الشارع احنا

المهم رحت عند واحد يبيع جلابيت قطن خفيفة لليهال قلت باخذ بنتى الا يقولى ب 40 خليتة تدرون ليش مب بخل بس ماحب حد يستغلنى لا والاخ صينى صارو قوايا عين ولا يعبرونج اذا تكلمينهم المهم رجعت لة ثاني يوم قلت بشوف اللاستغلال كيف واسالة عن نفس القطعة تعرفون كم قالى ب 50 مجرررررررررررررم والله انا تعرفون شقتلة قتلة انت جذاب ليش امس 40 واليوم 50 عرفنى الا يقولى لج خصم ب 35 قتلة روح والله لو الموت وخليتة

بصراحة استغلال استغلال على الفاضي وزحمة خليتهم وطلعت رحت بbhsمسوى تنزيلات ارقى واحلى وراحة بال ولا هالزحمة والحر والموت والازعاج والشباب والشواب مالج مكان

انا راي بصراحة المعرض كان ناقصة الرقابة من كل النواحي

وسلامتكم....

مستجدة

15-06-2009, 12:23 AM

ابشركم نجحت الخطه رحت اليوم الصبح وماحصلت زحمة والشباب مالهم وجود من الحر بل مكيف السيارة الى الاخر وبعد فطسه ههههههه احد بالعمل وحد طايح نوم من السهرة اخذت عطورات من البيت الخليجي بصراحة
بخور عجيب واخذت عطر بعد وماقصرت الاخت عطتني خصم وهدية بعد ربي يوفقها ويرزقها بالرزق الحلال
وايضا مريت اجبان شليز بكرة بتريق وبقول لكم شلون طعمها ههههههههه واخذت ملاحف وايضا قطع قطن مع الشيله ومع الاسف كنت ادور ابي محل اختي ام سعود وماحصلته الا على الاخير او ماوصلت عنده دقت علي الوالدة فديتها وقالت خلاص تبي تطلع لان تعبت ارويلاتها من المشي ماخذت شئ فقط عطيت توقيعي ولي ردة لها ان شاءالله

انطباعي عن المعرض بشكل عام اشوف انه الاسعار غاليه وصدنا غش بعض ناس لهم محلات ومغلين السعر عن المحل بشكل توب عبالهم اهل قطر مقصه
ويا كثرررررررر الصنيين امي من شافتهم قالت يمة لايكون هذولاء فيهم مرض الخنزير ههههههههه فديت امي والله كنت ناسيه مغصني بطني وكل مامريت محل طلعت غرشة غسول الديتول اللي بشنطتي ومسحت ايدي الله هو الحافظ ماغيرة بس فعلا الوالدة ذكرتني بشئ غائب عن بالي واتمنى مايكون غائب عن بال الاخوان المسؤولين عن إقامة هالمعارض وهو فحص الوافدين والتاكد من سلامتهم لان في هالنوع من المعارض اهل قطر فديتهم مافيه بيت مايمر هالمعارض الله يحفظ اهل قطر من كل سؤ يارب قولوا امين

latty

15-06-2009, 12:34 AM

بسم الله الرحمن الرحيم

انا بصراحة رحت ثاني يوم زحممممممممممممممممممممممممممة والى عندة شغلة والى ماعندة على الفاضي ماقدرت اركز ولا اشزف شي ولا اليهال صياح ونواح مساكين والله انا اشوف بيوتهم اريح الهم هاليهال مالهم شغلة يعنى الا حر وموت

اكثر شي عجبنى الاجبان والعطورات وهذا المقص الى ذكرتة وحدة من الاخوات والصنع ايرانى والله يوم سالتها عنه الا تقولى ب 55 انا انصدمت ليش؟ محصلين لفلوس فى الشارع احنا

المهم رحت عند واحد يبيع جلابيت قطن خفيفة لليهال قلت باخذ بنتى الا يقولى ب 40 خليتة تدرون ليش مب بخل بس ماحب حد يستغلنى لا والاخ صينى صارو قوايا عين ولا يعبرونج اذا تكلمينهم المهم رجعت لة ثاني يوم قلت بشوف اللاستغلال كيف واسالة عن نفس القطعة تعرفون كم قالى ب 50 مجرررررررررررررم والله انا تعرفون شقتلة قتلة انت جذاب ليش امس 40 واليوم 50 عرفنى الا يقولى لج خصم ب 35 قتلة روح والله لو الموت وخليتة

بصراحة استغلال استغلال على الفاضي وزحمة خليتهم وطلعت رحت بbhsمسوى تنزيلات ارقى واحلى وراحة بال ولا هالزحمة والحر والموت والازعاج والشباب والشواب مالج مكان

انا راي بصراحة المعرض كان ناقصة الرقابة من كل النواحي

وسلامتكم....

اي والله صدقتي شفتي الاخت كانت باعته بخمسين ياناس هاي نعمه اللي هي فلوس وهي موجوده اليوم باليد بكره مابتلقونها لا تاخذون المكرر وفاصلوا البايعين وغصب عنهم بيبيعون لانهم جايين يبيعون

كن القطري او القطريه خزنه تمشي على الارض

شوفوا الخليجيين اللي بالمحلات قنوعين وينزلون من الاسعار لا اااااااااااا وبعد يعطون هديه

البيت الخليجي للعطور وربي كرم تشتري وتعطى عطر وبخوروكلام ماشاء الله وكذلك الاطياب الكويتيه ماشاء الله عليهم تعاملهم روعه

اما الاجانب ولار ريال ينزل تبي او لا

takfon

15-06-2009, 07:25 AM

مرحبا خواااتي

بجد المعرض جنااان

رحت وشفت اشياء كثيره وحلوووه يستااهل الواحد يشتريهااا

مثل الاواني المغربيه الملونه

والملاحف جناااان

والجلاابياااات لرمضاان والعيد صج اسعارهاا غاليه شوي لكن حلوووه بصراحه

والمعاليق على شكل البراويز روووعه الصراحه

والاكسسوارات والفضيااات جنااااااان

ولي عوده ثانيه للمعرض اكيد

تحيااتي

انا حره

15-06-2009, 07:55 AM

لوع كبدي المصري الي يبيع الحب يصارخ بقمه راسه واسمعه وانا اخرا لمعرض وبالصدفه امس مريت عليه الا يصارخ واهاوشه ههههه قلتله لعنبو غيرك مكرفون صجيتنا

ولا همه يصارخ

الا اقول حق اختي امشي امشي لوع كبدي

يحسب اني اقوله بالمصري امشي امشي الا يقول ربنا يسمحك انا امشي امشي الا واحد قطري اغتاظ عليه ههههههه

واسمعه ايقوله هي ماتكلمك وعقب قاله قصر صوتك شوي

بس عن جد ينرفز

انا حره

15-06-2009, 07:57 AM

استانست على التلبيسات حلووه

ورجعت اخذ من اجبان شيليز لانها رهييييييييييييبه

وذبحني مال خان الصابون قلتله انت ورانا ورانا خخخخخ

nono80

15-06-2009, 10:11 AM

هلا خواتي بالنسبه للمعرض رحت له اول يوم الظهر قبل الزحمه حلو وكل شي فيه بس غاااااااااااااااااااااالي وااااااااااااااااايد نفس بضاعه العام بس السعر دبل يالت واحد هناك قال لي العام الاجار كان 18000 والسنه 23000 ريال والشحن علشان جذيه اسعارنا غاليه
اخذت لي من الملاحف لانه صج حلوة وزينه مجربتهم العام وخذت جلابيات البيت من عند الصينين وكم بدله حق عيال اختي
ورجعنا مخسرين 5500 ريال مادري اشلون؟؟؟

لوليتا قطر

15-06-2009, 11:03 AM

انشاااء الله لي روووحة واتظروا تقرريرري

بنت سعادة السفير

15-06-2009, 11:08 AM

كل يووم اأجل ماادري شصاايدني كل ماتذكر الزحمه اغير رااي
وان شاء الله اليوم بشتط وباروح

لوردغاليري

15-06-2009, 11:22 AM

هلا وغلا بما اني تقريبا يوميا امر نص ساعه اشيك
الي عجبني اجبان شيليز
الجلابيات المغربيه الاقطان على80ريال الوان حلوة لرمضان
القطع البكستانيه الي معى شيله على 50 بعد لرمضان
العقود الاحجار الي مع اساور واشغابات حلوة عند الهندي تقريبا خذت طقمين الواحد1200 والثاني900
حلوين لمعتهم حلوة ومعاهم ضمان
الاكسسوار البناني حلو فرصة الي عندها عرس او مناسبه اشياء غريبه
العبايات عند بوحليقه خذت وحده 1500 رراقيه حق الاستقبال والزيارت في رمضان
واي شي جديد ابشروااا

ولاتنسوني تجون توقعون في محلي ترا وااااااايد افرح

خشوف

15-06-2009, 11:29 AM

أمس رحت المغرب تعقدنا لحد مالقينا موقف

اول مادخلت انا وزوجي اتفقننا اول شي ندور مانشتري شي نسأل عن الاسعار ونقارن

كان في لحاف 6 قطع دخل مزاجي سالت اول واحد كم قال 450 وهذا كان سعره النهائي قدمنا سالت واحد ثاني قال 250 انصدمت سالته كم قطعه طلع نفس بالضبظ مافي ولا فرق قدمت تخيلوا كم لقيته عند وواحد صيني بعد كم اخر اخر كم 120ريال

حتى الجلابيات محل عن محل يفرق محل يقول 350-400 ومحل 150ريال صراحه انصدمت

ابصور لكم مشترياتي حق امس واليوم الساع2بروح وبشتري اشياء دشت المزاج

خشوف

15-06-2009, 11:34 AM

سؤال
المعاليق على شكل البراويز وين القاها

والجلابيات القفطان الخفيفيه وين القايها ؟؟

لوردغاليري

15-06-2009, 11:36 AM

هلا تلقين البراويز الي فيها علاق عند مال البراويز عند الباب
والجلابيات المغربيه الخفيفه عن محلات الاثاث المصري حلوة

بازعل عليج لو ماوقعتي

هههههههه

latty

15-06-2009, 04:08 PM

أمس رحت المغرب تعقدنا لحد مالقينا موقف

اول مادخلت انا وزوجي اتفقننا اول شي ندور مانشتري شي نسأل عن الاسعار ونقارن

كان في لحاف 6 قطع دخل مزاجي سالت اول واحد كم قال 450 وهذا كان سعره النهائي قدمنا سالت واحد ثاني قال 250 انصدمت سالته كم قطعه طلع نفس بالضبظ مافي ولا فرق قدمت تخيلوا كم لقيته عند وواحد صيني بعد كم اخر اخر كم 120ريال

حتى الجلابيات محل عن محل يفرق محل يقول 350-400 ومحل 150ريال صراحه انصدمت

ابصور لكم مشترياتي حق امس واليوم الساع2بروح وبشتري اشياء دشت المزاج

صدقتي حبوبه امس اسال واحد كم هالشرشف قال 250 لكن جاء المدير اللي معه قال 350 :omg:

مدري هل يحق لنا نتطالب بحماية المستهلك ب؟؟؟؟؟

latty

15-06-2009, 04:10 PM

سؤال
المعاليق على شكل البراويز وين القاها

والجلابيات القفطان الخفيفيه وين القايها ؟؟

الصينيين تلاقين عندهم البراويز المعاليق باحجام وفيه محل المعاليق عنده احلى واجمل من الاول

اما الجلابيات مدري ايش قصدك قفطان لو فهمتها بدل :omen2:

latty

15-06-2009, 04:14 PM

لوع كبدي المصري الي يبيع الحب يصارخ بقمه راسه واسمعه وانا اخرا لمعرض وبالصدفه امس مريت عليه الا يصارخ واهاوشه ههههه قلتله لعنبو غيرك مكرفون صجيتنا

ولا همه يصارخ

الا اقول حق اختي امشي امشي لوع كبدي

يحسب اني اقوله بالمصري امشي امشي الا يقول ربنا يسمحك انا امشي امشي الا واحد قطري اغتاظ عليه ههههههه

واسمعه ايقوله هي ماتكلمك وعقب قاله قصر صوتك شوي

بس عن جد ينرفز

يووووه هذا مسوي ملحمه قصدي معركه اللب المصري الحب المصري زين اللي يبي بجيك

واللي يبيعون ا لعطر يطلعون من محلاتهم ويلحقون الناس غصب تشم غصب والله حاله واللي مايبي يتعطر

ياليت يتم توجيه لهم ذبحونا بعض العطور رحيتها ما نحبها ا ليوم واحد مالقى حد يفلت عليه صار يفلت على نفسه والاخر يعطر للهنود

الله يهديهم

latty

15-06-2009, 04:20 PM

رحت اليوم ال صبح 11 الزحمه معقوله

الزحمه عند الصراف الالي الداخلي طابور

مافيه شباب وهذا اهم شئ الصبح اليوم ولا متسكع كنهم يقرون الاسهم القطريه وشافوا شقد متضايقين منهم

رحت الاستقبال ابي صندوق اقتراحات او شي من هالقبيل لقيت باكستانيه بالاسستقبال يا تتكلمي انجليزي ياباكستاني قال لها شايب وين عرب :)

قالت جست مي

اوكي وراح نبي نقترح عليهم يوزعون المحلات حسب كلن وتخصصه مثلا العطور صوب العبايات صوب وكذا مثل مااختي اقترحت امس

شريت تمر :)

ورديت على الزل واحترت وطلعت

برد اخر يوم

excited

15-06-2009, 04:55 PM

امس كنت بالمعرض شفت شنط تقليد طبق الاصل وجودتهم عالية الصراحة عند محل (المضعد )

الاسعار غالية بس تبون الصج الشنط روعة وتستاهل

وعند لورد جالري (ام سعود ) شنط واسعارها واااااااااااااااااايد رخيصة مقارنة بباقي المعرض وجودتهم حلوة خصوصا الجوتشي

واشتريت من وحدة لبنانية مفرش للسرير كنج سايز 170 ريال للواحد وانا شريت منها اثنين وبرجع اروح مرة ثانية لها بصارحة جودتهم وااااااااااااااااااايد حلوة

واشتريت فساتين لبنتي من محل صيني عطتني الفستان ب 190 ريال غالي بس حلو شريت 3 فساتين مقاس 9 سنوات بس يلبس 7 سنوات لان احنا مقاساتنا غير عنهم :shy:

والله المعرض حلوووووووووو وبروح ان شاء الله مرة ثانية لين الحين ما طاب خاطري

ومتابعة معاكم التسوق

ورقــة أمــل

15-06-2009, 05:15 PM

ام صالح من وين خذتي المفرش الكينغ سايز شسم المحل؟؟

انا خذت مقشر لليد

من محل نوعيته Nana May's

اسمه Magic hands

بصراحه وايد حلو ينعم اليد وعجبني وايد

بس مالهم فرع في قطر يعني لو خلص لازم اطلب من موقعهم :(

excited

15-06-2009, 05:32 PM

اللي اسألوني عن المفرش خواتي

انا الصراحة ما حطيت بالي على اسم المحل هذي صورة المفرش وترى جودتة رووووووووووعة

http://www5.0zz0.com/2009/06/15/14/446167265.jpg

joOoreee

15-06-2009, 07:11 PM

يا الله بنات نبي اخبار اليوم عند المعرض
لاني باروح بكره انشاء الله
يعطيكم الأف عافيه

البسمة العذبه

15-06-2009, 10:41 PM

خوووووش موضوع جا في وقته

انا رحت يوم الجمعه فليل
زحمه والله يهديهم هالاجانب رايحين رادين مع عيالهم
الي يقول رايحين ملاهي
لوعو جبدي مع فقاعات الصابون ينفخون على العالم

وبعد الله يهديهم الشباب جنهم رايحين مقناص
من كثر الملل الي فيهم اسمعم وهم مارين من حذاي يقول حق رفيجه
روح شرق شرق الا الثاني يقوله لالا شمال شمال
شدعوووه وين قاعدين؟؟؟؟؟؟؟؟؟؟؟؟

وصدقتو الصينين قوت عينهم ماينزلون كلش والنصب عيني عينك

عجبني التعامل مع الباعه العرب والخليجيين اكثر
ذرابه وسنع .. ماتحسون انهم يطرون منكم
بالعكس يخلونكم اتسوقون على راحتكم

خذت من رينادا للازياء قمصان للنفاس روعه
وخذت من عندها بعد المدس للبيبي ومعاه شنطه حلويييييين وستايل
كله تور ودانتيل وكرستال

وخذت لي البرواز للتعليق

وخذت كمن شغله عاديه مثل مناكير .. وشباشب وهالسوالف

وبس ماطولت من الحر والتعب

وتخيلوو
طلعت وانا صارفه فوق ال 2000

على 3 اكياس بس @@

صج صج الاسعار نااااار

دايم_افكر

15-06-2009, 10:47 PM

لوسمحتوا في مكان للمكياج حلووغريب ؟

غناتي1

15-06-2009, 11:08 PM

ما قصرت اخوي سوق واقف

جبت المختصر المفيد

هجمة مرتدة

15-06-2009, 11:46 PM

أخواني وين أجبان شيليز ... اليوم مريت المعرض أدور عليه وما حصلته ... ياليت اللي يعرف رقم الستاند يفيدنا .. مع الشكر

سهم عتيج

16-06-2009, 12:08 AM

أخواني وين أجبان شيليز ... اليوم مريت المعرض أدور عليه وما حصلته ... ياليت اللي يعرف رقم الستاند يفيدنا .. مع الشكر

e 30
:)

لوردغاليري

16-06-2009, 12:09 AM

اجبان شيليز مقابل محلي تقريبا

مشتاقة لقطر

16-06-2009, 01:30 AM

ماشالله متابعة معاكم التسوق ..

مـراحـب

16-06-2009, 08:10 AM

المعرض بشكل عام أحسن من اللي أقيم السنة الماضية

وعموما ، ،

أنا كل سنة مشترياتي ما تتغير

عطورات الفراش - بخور وعود - أجبان - جلابيات من الصينين القطن والحرير
والاكسسورات وخصوصا الخواتم < < لأنهم صغار هههههههههههههه
نادر ما احصل قياس أناملي

ولاتفوتون ( البيت الخليجي )

ما شاء الله أقبال كبير عليهم ، ، من دخون وعطورات
خذت من عندهم ولي عودة بالمزيد
الله يوفقهم ويزيدهم من خيره

وما ننسى ( لورد غاليري )

مريت عليهم وخذت كسرة من العود بالعنبر وجربته في البيت فضييييييع
ما خذت أمس قالت لي مخلص
ولي عودة
الله يوفقك وويوسع ابواب رزقك

ووووووووووووووبث

سهم متردد

16-06-2009, 08:14 AM

الغاده البحرينيه للاجبان والمخلالات
الصراحة شغلهم روووووعه واحلى شي اجار الربيان والجبن مع الزيتون والجزر (خيأأأأأأأل)

لوردغاليري

16-06-2009, 09:23 AM

الف شكر مراحب حبيبتي

nwary

16-06-2009, 09:48 AM

روحو عند ميره الاماراتيه

الي دايما تجي الاند مارك

اسم محلها القصر الملكي ،، ورقمه h05

عطوراتها عربيه ،، فرنسيه ،، عندها بخور وعود روعه وعطوراتها فرنسيه مخلوطه مع العربيه روعـــه

لا تفوتكم

انا خذت مند عندها رولكس ،، لانكوم ،، اسكادا ،، بخور مشايخ

nwary

16-06-2009, 09:49 AM

ولو رد غاليري بعد خذت من عندها

بخور اللورد مع عطر اللورد

روعه بعد :)

nwary

16-06-2009, 09:50 AM

وين مكان عبايات مورا ..؟

احمد زين الشباب

16-06-2009, 12:16 PM

اجبان شيلي من يعرف رقم موبايلهم ؟؟

انا حره

16-06-2009, 01:03 PM

امس غسلت الجلابيه المغربيه ماخذتها تجربه من الي اسمه بنت الشمال قلت بجربها اخاف انها تكر ولا شي وطلعت حلووه وباارده بروح اخذ منها حق رمضاان

انا حره

16-06-2009, 01:05 PM

اجبان شيلي من يعرف رقم موبايلهم ؟؟

شيك على الخاص :shy:

ارسلته

عذبة الأطباع

16-06-2009, 01:36 PM

أم سعود انا وقعت على اللوحه اكيد شفتيه

ربي ييسر لج الخير

لوردغاليري

16-06-2009, 01:45 PM

عذبة الاطباع حبيبتي شفت توقيعج فرحت وايد حبيبتي
ربي يسلمج

ام الشهداء

16-06-2009, 02:05 PM

هلا حبوبه منزل مبارك ان شاء الله

وانا مثلج ادور للبيت الجديد

الترامس انا شريت من المائده من الرياض الاواني روووعه مره مره

وشريت بعد من المول من اعتقد اسمه زون لون الشعار اسود وابيض عندهم ترامس شوي غاليه المانيه لكن وربي اني سويت تجربه عليهم ظلوا 16 ساعه وهم حارين شريت لون ابيض ولون فضي الوحده بس ماتقل عن ثلاث ميه الا شئ قليل شريت اربع

تلاقينهم وين السلالم اللي تطلع بالمول للالعاب فوق هو على يسارج

الرياض حلوه كل مافيها حلو حتى مواعينهم

موفقه ياعمري

يعطييج الف عافيه اختى وما قصرتى وطبعا بضاعه سعوديه كلها لا يعلى عليها

والاسعار فرررررررررررررررق

>>>> تفكر تروح الحسا وتاخذ

مشكوره قلبو

latty

16-06-2009, 02:55 PM

مممممممممممم مساء الخير

اليوم رحت الساعه 11

الرجال شبه معدومين كمتسوقين يعني مافيه الا قليل وبحالهم يعني مافيه مضايقات

السوق هادئ نوع ما رغم الزحمه

الزحمه كانت عند الالكسسووووارات شي غير طبيعي وياليت اي اكسسوار هي اساور يد من خيوط وتعليقات محلات اللبنانيين

الكل اشترى بنات ونسوان كبار

جلابيات المغربيه زحمه

العبايات يعني مب ذاك الزود

العطور ماعليها اليوم اقبال

اللي لاحظت ان فيه نوع عود ماليزي البلديه مانعته من قطر لانه يسبب سرطان الرئه لانه مصبوغ بماده ايل

منتشر عند ا لهنود شكل العود منحوت على شكل رمح من كل الجهات بتشوفونه اسوووود قار

ياليت احد يخبر البلديه لان الجرايد قد كتبت عنه

ويتم خلطه في الخلطات الدهنيه اي عود معطر ارجو الانتباه

الشراشف سوقها ماشي اليوم
شريت خاتم من معرض مجوهرات هندي الخاتم اخضر حجر وشكله رائع ومبلغه معقول
بعد ما خرجت الساعه 12 ونص الا والزحمه بالطريق استغربت السيارات تقطع الشارع على الارض التراب وتاخذ مسار عشوائي
السيارات الكبيره تقدر الصغيره غاصه مع بعضها وش السالفه وش السالفه لين قربت لقيت سيارتين متصادمين وجه لوجه رغم ان التصادم بسيط الا ان احدى السيارات متاثره كثير ويالله وين وين لين جات الشرطه

بعض الباعه اكد على نزول بضاعه جديده

فيه اواني مغربيه حلوه انصح بزيارتهم للمطالعه اما الاسعار فحدث ولا حرج

وقررت ماعاد الروح الا تاريخ 19

فعتمادنا عليكم لمعرفة المزيد

بالتوفيق

latty

16-06-2009, 03:00 PM

امس غسلت الجلابيه المغربيه ماخذتها تجربه من الي اسمه بنت الشمال قلت بجربها اخاف انها تكر ولا شي وطلعت حلووه وباارده بروح اخذ منها حق رمضاان

ملبوووس العافيه حبوبه

لجين

16-06-2009, 03:04 PM

:weeping:

اللي لاحظت ان فيه نوع عود ماليزي البلديه مانعته من قطر لانه يسبب سرطان الرئه لانه مصبوغ بماده ايل

منتشر عند ا لهنود شكل العود منحوت على شكل رمح من كل الجهات بتشوفونه اسوووود قار

ياليت احد يخبر البلديه لان الجرايد قد كتبت عنه

ويتم خلطه في الخلطات الدهنيه اي عود معطر ارجو الانتباه

بالتوفيق

خرعتيني :weeping:

ماخذة عود بنفس المواصفات تقريبا من ريحه لونه اسود على رمادي غامق

والقطع كبيرة نوعا ما :(

latty

16-06-2009, 03:07 PM

:weeping:

خرعتيني :weeping:

ماخذة عود بنفس المواصفات تقريبا من ريحه لونه اسود على رمادي غامق

والقطع كبيرة نوعا ما :(

صح حبوبه فيه اشهب وفيه اسود

احذركم حتى لما يطبخ على النار تشوفين وكانه ديزل

اصلا هذا نشر بجريده الشرق بتحقيق من سنه ونص البلديه مانعته

رحيته للوهله الاولى تقولين عود لكن مب عود حبوبه

الله يحميك يارب

أسد الجزيرة

16-06-2009, 05:06 PM

هذا عود صناعي يسبب السرطان لحد يشتري منه

اناقه

16-06-2009, 05:36 PM

امس زرت المعرض الساعه 4 تقريبا

ما كان مزدحم مثل كل مره

المشاركين وااايد

عجبتني الملاحف ديزايناتها تختلف عن كل مرة و لكن الاسعار وااااااايد غالية

زرت ركن لورد غاليري ما خليت شي ما شريته من هناك

اممممم و في بعد محل سوري اذا ما خاب ظني موجود في اخر المعرض ومافي محل على يمينه شريت من عندهم جلابيات خفيفه مع الدانتيل رووووعه و خامتها خفيفه زينه حق الصيف

و بالنسبة للاكسسوارت اللبناية وااااااااااااااااااااايد غالية ما ادري ليش

في كشك يبيع شغلا من تركيا ومن ضمنهم بعض الاسور المطلية بماي الذهب شكلهم حلو ناعم و سعرهم مناسب

والشي الحلو في المعرض كله العربات اللي يبيعونها حق التسوق وايد مسهلة على الواحد احسن من التشقل و الشيل

بس الاقبال مب مثل كل معرض

яέέⓜ

16-06-2009, 09:04 PM

مممممممممممم مساء الخير

اليوم رحت الساعه 11

الرجال شبه معدومين كمتسوقين يعني مافيه الا قليل وبحالهم يعني مافيه مضايقات

السوق هادئ نوع ما رغم الزحمه

الزحمه كانت عند الالكسسووووارات شي غير طبيعي وياليت اي اكسسوار هي اساور يد من خيوط وتعليقات محلات اللبنانيين

الكل اشترى بنات ونسوان كبار

جلابيات المغربيه زحمه

العبايات يعني مب ذاك الزود

العطور ماعليها اليوم اقبال

اللي لاحظت ان فيه نوع عود ماليزي البلديه مانعته من قطر لانه يسبب سرطان الرئه لانه مصبوغ بماده ايل

منتشر عند ا لهنود شكل العود منحوت على شكل رمح من كل الجهات بتشوفونه اسوووود قار ياليت احد يخبر البلديه لان الجرايد قد كتبت عنه

ويتم خلطه في الخلطات الدهنيه اي عود معطر ارجو الانتباه

الشراشف سوقها ماشي اليوم
شريت خاتم من معرض مجوهرات هندي الخاتم اخضر حجر وشكله رائع ومبلغه معقول
بعد ما خرجت الساعه 12 ونص الا والزحمه بالطريق استغربت السيارات تقطع الشارع على الارض التراب وتاخذ مسار عشوائي
السيارات الكبيره تقدر الصغيره غاصه مع بعضها وش السالفه وش السالفه لين قربت لقيت سيارتين متصادمين وجه لوجه رغم ان التصادم بسيط الا ان احدى السيارات متاثره كثير ويالله وين وين لين جات الشرطه

بعض الباعه اكد على نزول بضاعه جديده

فيه اواني مغربيه حلوه انصح بزيارتهم للمطالعه اما الاسعار فحدث ولا حرج

وقررت ماعاد الروح الا تاريخ 19

فعتمادنا عليكم لمعرفة المزيد

بالتوفيق

اللي لاحظت ان فيه نوع عود ماليزي البلديه مانعته من قطر لانه يسبب سرطان الرئه لانه مصبوغ بماده ايل

منتشر عند ا لهنود شكل العود منحوت على شكل رمح من كل الجهات بتشوفونه اسوووود قار

هذا يسمونه العود الازرق او الكيميائي
او الصناعي

للاسف مضر بس محد منعه منشر بكل مكان بالختلاف اشكاله

مكبوس بدهن العود مع دهون اخرى الله اعلم بها

latty

16-06-2009, 11:46 PM

اللي لاحظت ان فيه نوع عود ماليزي البلديه مانعته من قطر لانه يسبب سرطان الرئه لانه مصبوغ بماده ايل

منتشر عند ا لهنود شكل العود منحوت على شكل رمح من كل الجهات بتشوفونه اسوووود قار

هذا يسمونه العود الازرق او الكيميائي
او الصناعي

للاسف مضر بس محد منعه منشر بكل مكان بالختلاف اشكاله

مكبوس بدهن العود مع دهون اخرى الله اعلم بها

تسلمين على الاضافه والتاكيد

شكرا وياليت حد يتصل بالبلديه ويخبرهم او الجرايد

الجرايد من تشوف تلفوني ماعاد يشلونه لاني كله انقل لهم المشاهدات والملاحظات :(

لجين

16-06-2009, 11:53 PM

اليوم رحت العصر وكان زحمة نوعا ما

شفت كم وحدة هني مدحوا بنت الشمال وخذت من عنده كم جلابية مغربية

بخصوص محلات العود والعطورمريت على ثلجي (أعتقد اسمه جذي)

والفودري اثنينهم محلات كويتية .. أخذت من عندهم باقات فيها عطور مشكلة يصلحون حق هدايا

وخذت أكثر شي من المراسيم (اماراتي ) حلوة العطور اللي عنده ويعطي خصومات زينة

عندهم عود بالعنبر بخاخ روووووعه ريحته أخذته بـ 100 ريال أنصحكم به

ومريت على لورد غاليري وكتبت اسمي ع اللوحة : )

nonoooooh

17-06-2009, 12:04 AM

السلام عليكم ورحمة الله وبركاتة

اليوم رحت الساعة 11أول مافتح الجوء كان رايق ومافية زحمة كلهم حريم او عائلات

بالنسبة للعطور

*خذت من البيت الخليجي عطر سبع الامارات بريحة دهن العود وعطاني معاة بخور هدية ب 200 ريال

*خذت من عود جاليري مسك الطهارة الخفيف والثقيل وهذا خاص للحريم بس / وعطر البندقية بعد حلو

* خذت من محل لبناني عطر صدفة ب 100 ريال ريحتة مثل اسكادا حلو وبارد وعطاني بخور ورش للغرفة

بس مب لين هناك / لوشن جسم بدهن العود ب 40 ريال حلوة ريحتة .

* خذت من الصيني لحاف خفيف ب 50 ريال .

* بالنسبة اللجلابيات الصينية نفس اللي في زون .

* خذت شنطة لدلال الشاي والقهوة حلوة ب 100 ريال .

وبس .

بنت سعادة السفير

17-06-2009, 08:01 AM

وبعد عناا طوووووووووويل رحت امس المعرض الساعه 5 الحمدالله مااكانت الزحمه واااو
يعني صراحه اول مره احس بهذا الشعور وصلت محل الغاليه ام سعوود واتلفت منيه منااكـ مالقيتها طبعاً قلبي يرقع قلت لازم اكلمها :weeping: >> لانها زعلانه علي الاستاااند صراحه كلمة فخم شووي عليه دوم مميزه ياام سعوود والله شعوور اول مره احسه مسكت القلم ويدي تتنااااااااااااااااااااافض خخخخ ماادري شفيني :eek5: حتى خطي صااير عووي لووول مااشااء صارلي ربع سااعه ادوور مكاان انور اسمي باللوحه :tease: مااشاء الله عطوراتج لايعلى عليهاا وتعاامل البنات قمه ف الذوق جننتها كل ماقالت عطر قلت لها عندي ، وكل ماقالت بخور قلت عندي ، الله يووفقج يابعد عمري .

راجية الرحمة

17-06-2009, 09:08 AM

بروح أن شاء الله اليوم
وبأوفيكم باللي عندي

لوردغاليري

17-06-2009, 09:34 AM

وبعد عناا طوووووووووويل رحت امس المعرض الساعه 5 الحمدالله مااكانت الزحمه واااو
يعني صراحه اول مره احس بهذا الشعور وصلت محل الغاليه ام سعوود واتلفت منيه منااكـ مالقيتها طبعاً قلبي يرقع قلت لازم اكلمها :weeping: >> لانها زعلانه علي الاستاااند صراحه كلمة فخم شووي عليه دوم مميزه ياام سعوود والله شعوور اول مره احسه مسكت القلم ويدي تتنااااااااااااااااااااافض خخخخ ماادري شفيني :eek5: حتى خطي صااير عووي لووول مااشااء صارلي ربع سااعه ادوور مكاان انور اسمي باللوحه :tease: مااشاء الله عطوراتج لايعلى عليهاا وتعاامل البنات قمه ف الذوق جننتها كل ماقالت عطر قلت لها عندي ، وكل ماقالت بخور قلت عندي ، الله يووفقج يابعد عمري .

الف الف شكر حبيبتي
سارونه
بعد روحي
الشرف هو زيارتكم وتوقيعكم الله يشهد علي
وماقصرتي فديتج شفت توقيعج فليل فرررررررررررررحت
وباقي الاعضاء ماشالله الوحة انترست
صج شعوري ماينوصف
فيكم
بيض الله وجيهكم جميعا
احبتي
في الله

الاعــلامية

17-06-2009, 10:54 AM

/
وين مكان محل بنت الشمال ... اللي يبيع جلابيات مغربية

/

{ آلكــــآدي ~

17-06-2009, 11:18 AM

السلام عليكم ورحمة الله وبركاته

قوآج الله حبيبتي Latty ع الموضوع الحلوووو ويسلمون اللي مثبتينه .. :) لانه يستاهل

المعرض حلو ويبيله اكثر من زياره

خذيت هالاشياء

العطورات حلوه صراحه .. خذت من البيت الخليجي للعطور صراحه روووعه رووعه ...

- من عود غاليري فتنه و ممنوع ومسك .. وشغله بعد .. خاصه للحريم روحوا هناك

-لوحه تعليق حلوه ب 250 بعد طلوع الروح ماتبي تنزل ف السعر اكثر

-من محل مفارش عند صينيه مفارش حق تبديل حلووه وناعمه 6 قطع

ومب موجوده ف الدوحه مثل هالكواليتي .. بس ماتنزل عن 200 ريال ..

وخذت بعد ستاير مخمل خفيف حلووه وحركات لشعر بنوتاتي .. يجننون ..

شغله ثانيه بعد مقص الحف حلو شريت من عندهم بكرة خيط حرير توهم جايبينهم بعد عشان ما اتوهق ف المقص بعدين ههههه ..

- شنطه لدلال القهوه والشاي ..

وخذت من عند لبنانيه ورد بس فيه لمبات للغرف وللكورنرات وتعليقات بعد يعني شكلهم راقي وحلو

حتى لو تطفين الليتات يتم شكلهم كـ ديكوريشن .. بس سعرها شوي غالي ..

وقوالب الكيك اللي على شكل ورد جوري حلوو والورق الملون للتقديم حلوين بعد

وشغلات الـ cupcake حلوه ..

بعد خاطري اروح اخذ جلابيات لي ولـ بنوتاتي واخذ لفه اخيره ع المعرض لاني ماقصرت صراحه

الاسعار شوي يبيلهم حد من قسم حماية المستهلك يشوف شسالفتهم ..

كنت باخذ كوره هاللي الصغار ينطون عليهم عند صينيه ب 15 قلت اشوف غيرها ارخص

رحت عند ثانيه نفسها خااايسه قلت لها بكم ! قالت اسرين = 20

قلت لا مافي عشرين لاست برايس قالت نو نو والنفس كللللللللللش مب شي

مادري على شنو !

والشباب ماعندهم سالفه صراحه .. والا البنات حدث ولاحرج .. شفت موقف قدامي

3 بنات صغار يعني ف الثانويه تقريبا حاطين ناطحات سحاب وفل ميك اب

وواقفين عند الصراف الالي بس هالشكل ماعندهم شغله ويلعبون بالجوالات ومروا شباب كان تطلع عيون البنات فيهم ويقزونهم قز وراحوا وراهم !!!!!!!!!!

يعني الحين انقلبت الايه وصاروا البنات هم اللي يعاكسون والله قوات عين

وين العضيييييييييييييييييييييييييد عنهم ابي اعرف !!!!!!

لا شباب ولابنات استغفر الله

مانقول غير الله يهديهم والعتب على الاهل صراحه

نقطه اخيره

لازم ازور كورنر الغاليه لورد غاليري ولها مني كل التحيه

وبوقع لازم لازم :D

تحيتي لكل التجار والتاجرات القطريين والقطريات

ربي يوفقهم

انا حره

17-06-2009, 11:59 AM

/
وين مكان محل بنت الشمال ... اللي يبيع جلابيات مغربية

/

k41

هذا رقم محلهم

لوردغاليري

17-06-2009, 12:11 PM

نوى القلب ابدعتي
وتسلمين ذكرتيني فديتج

بنات لايفوتكم البزار المخلوط ايجنن
عند حضرموت
فضييييييع
خذت اول شي كيلو وجربته في المجبوس وماشالله ايجنن ريحته حلوة وطعمة خيال
الكيلو40ريال
امس رديت خذت 20 كيلو
ترا ماينزل من 40 بس يستاهل

الاعــلامية

17-06-2009, 01:17 PM

/

مشكووورين وماقصرتوا

انا اشتريت .. بخور الاسطورة من ركن لورد غاليري .. روووووعه

وخذت المناكير الاسلامي .. كذا لون لأن سعرة 5 ريال واستخدمتة ممتاز وايد

اشتريت الاوتي البخار |.. حق السفر ينفع 100 ريال سعرة

اشتريت فضة واكسسوارات راااقية من عند تركية اسم محلها نور جاليري . لها فرع في جدة انصحكم فيها

اشتريت جلابيات لبنوتت اختي .. من عند الصينيين .. رووعه ..

وشنو بعد .. مااذكر اللحين

بس يبيلي ارجع على اللي قريته منكم

//

яέέⓜ

17-06-2009, 02:10 PM

ولكم باك

المعرض مافيه اي شي مميز

عااادي والاسعار اغلى من العام

ام سعود.....

الله يرزقج الحلال يا بنت بلادي
كفو والله
شريت ودخت من العطور
قلت برد باجر اكمل ع البخور
قمه الروعه

الله يسعدج يا رب
كتبنا بالمقلوب خخخخخ
بس ماعجبوني الله يهديهم اللي رازين ارقامهم

وبس=)

latty

17-06-2009, 03:17 PM

تسلمون يالغاليات

اليوم مارحت وبكره مابروح

الهجوم بيكون يوم الجمعه عاد نفسي في الزل بطوف عليهم يمكن القى اسعار حلوه وتناسبني

نشوف اليوم وبكره ايش مشترياتكم ونصايحكم وملاحظاتكم

وختامها مسك ان شاء الله

راجية الرحمة

17-06-2009, 04:02 PM

توني جاية من المعرض وبوافيكم بكل شي
أذا فضيت برجع وبكتب لكم كل شي
ولايطوفكم بنزل موضوع خاااص في المعرررض
أن شاء الله بحاول الليلة أنزله ، بعد ماأوافيكم باللي شريته
والأجواء هناك

latty

17-06-2009, 04:43 PM

توني جاية من المعرض وبوافيكم بكل شي
أذا فضيت برجع وبكتب لكم كل شي
ولايطوفكم بنزل موضوع خاااص في المعرررض
أن شاء الله بحاول الليلة أنزله ، بعد ماأوافيكم باللي شريته
والأجواء هناك

راجيه الرحمه

هلا بك ملايين حبوبه

بنتظارك لكن ان كان الموضوع بتنزليه عن المشتريات والملاحظات افضل تنزليه هنا حتى يكون تكمله لهذا الموضوع وان كان ملاحظات لادارة المعرض انفردي به بموضوع لحاله حتى يطلع عليه الجميع

بنتظارك بشوق

اختك لاتي

alanood

17-06-2009, 05:08 PM

المعرض حلو لكن اسوأمن المعارض السابقه من ناحية التسعير و البضاعه
وتوني راجعه من عنده للمره ال3
بس عشان الكمبني اللي معاي عاجبهم
وانا عاجبتني ذير كمبني ولا ماكنت رجعت

راجية الرحمة

17-06-2009, 05:23 PM

راجيه الرحمه

هلا بك ملايين حبوبه

بنتظارك لكن ان كان الموضوع بتنزليه عن المشتريات والملاحظات افضل تنزليه هنا حتى يكون تكمله لهذا الموضوع وان كان ملاحظات لادارة المعرض انفردي به بموضوع لحاله حتى يطلع عليه الجميع

بنتظارك بشوق

اختك لاتي

لا أختي ماهو خاااص بالمشتريااات
بتشوفونه أن شاء الله الليلة واللي جا المعرض لازم يشوفه
:victory: << تشوقكم على الموضوع

مشتاقة لقطر

17-06-2009, 08:46 PM

متسوقة يوميا معاكم ...متابعة الموضوع الشييييق بالفعل

excited

17-06-2009, 08:57 PM

ولكم باك

المعرض مافيه اي شي مميز

عااادي والاسعار اغلى من العام

ام سعود.....

الله يرزقج الحلال يا بنت بلادي
كفو والله
شريت ودخت من العطور
قلت برد باجر اكمل ع البخور
قمه الروعه

الله يسعدج يا رب
كتبنا بالمقلوب خخخخخ
بس ماعجبوني الله يهديهم اللي رازين ارقامهم

وبس=)

فعلا انا لمن شفت حالحركة البايخة ما وقعت

راجية الرحمة

17-06-2009, 10:06 PM

مسااااء الخير
وعلومكم عساكم طيبين
المهم ،، مالكم في الطويلة
اليوم ياطولين الأعمار وصلت قاعة المعارض الساعة 10:45 ، توقعت الجو أهدى من اللي شفته
الا يوم قربت أشوف الباركانات شبه ممتلئة ، قلت أكيد العالم دخلوا وللحين ماجات الساعة 11 وأول مادخلت شفت الناس في الساحة اللي بالمقدمة والبوابات مقفلة هنا جاني شعور مدري وشلون تقولون بضحك << لأنها تقول في نفسها يامكثر من حب السوق من هالوقت مسنترين هنا قبل لايفتح شي ،، من رجال ونسوان وبزران وشيبان وعجايز يعني كل الفئات
:) :)
العالم كذا والله لو أن وقت صلاة مايجوون مثل هالحزه ، المهم
انتظرنا كم دقيقة إلا صوت السكيورتي يفتحون الباب << شكلك بجنب الباب
ودخلت السوق ، كانت الأجواء ماهي بزحمة بس أن كنت متوقعة بيكون الصبح أهدأ من اللي شفته
صراحة أنا ناوية أشووف المعرض ماكنت ناوية أشترري << لأن الميزانية عندهاا بح :)
أول محل وقفت عنده محل أختنا الغالية (( أم سعوود )) طبعاً وقعت لها أول ماطلبت القلم من البنات اللي هناك قالت لي هاه أكييد من هل المنتدى =)
قعدت عند ستاند التوقيع حوالي ربع ساعة ،، تعرفون نقرأ ونشوف وين نووقع لأن ماشاء الله الستاند مترووس
وعقب رحت لمحل بنت الشمال شفت الجلابيات ماعليها كلام بس مادري شفيني ماخذيت منها
ورحت افرفر في أجواء المعرض ، كنت أحس حد من اللي بيعون بيقولون لي أنتي شكلك جاية تتمشين :d
رحت عند محل صيني وشريت *تكرمون * شباشب ، خميت لي ثلاث تقريباً لأني أحس انها ناعمة وخفيفة في نفس الوقت
رحت صوب طيف الأمارات وخذت لي لوشن ، وشريت الأداة اللي قالت لنا أختي لاتي عنهاا بس شكلي طبيت في الكذابة أول ماجيت وشفت الأداة قلت بسألها بشوف هذي الكذابة ولا لا ، إلا يوم سألتها من السعر على طول قالت لي خمسين قلت لا هذي الكذابة عندي خبر ماهو بعندك ^^
بس للأسف فريت المعرض يمكن ثلاث مرات ماحصلت اللي يبعون الـ 2 بأربعين :( ، قلت ويش أسوي لازم أقنعها ، جيت مره ثانية وسألتها جاوبت مثل أول مره ، قلت ياختي الناس يأخذونها في محل هنا الثنين بأربعين وأنتي بخمسين << تحط نفسها تعرف المحل ولا هي ماحصلته
قالت خلاص خلاص نعطيك الثنين بخمسين ، قلت بخاطري ايش اسوي أجباري أخذه بذا السعر ، وراحت تجيب أعذار أن اللي تشوفونه هناا انه ماهو اصلي ومادري ايش ..الخ
مرريت قسم أعجبني حيل للمنتوجات الطبيعة للبشرة أسمه شي ماجك كان أسعاره مقبولة نوعاً ما ، أذا كانوا صادقين عقب قلت يالله خليها على الله ومالازم نغامر خذت الصوابين اللي عندهم الطبيعية
وكملت مشواري خذت لي مفررررش بس عشان أقنع نفسي أني جيت المعرض بـ 150
رحت أخذ جوله على البديهات والبدلات من التنانير والقمصان أسعار المصريين أرخص من غيرهم
أما أسعار الشنط توووب ، والله بالسعودية أرخص بكثيير ، والصينين وش فيهم رافعين الأسعار مره وحده بوك نسائي مايستاهل حاطينه بخمسة وخمسين
وقفت عند محل كمبودي سنتر الكويتي هذولا من العام وأنا أخذ من عندهم ، العام خذت من عندهم عطر النخبة وهالسنة منزلين عطورات ريحتها ماعليها كلام مثل الصنوان ومعارف
خذت لي فستان بنوته من عند الصنين ، وأنهيت جولتي او شرائي عند غادة للمخللات والبهارات وخذت من عندهاا إجار المشروم ، مااتوا عليه الأهل والله اللحين العلبة باقي نصهاا

هذي هي جولتي حول معرض التسوق ، ولفت نظري اقتراح البنات اللي قالوا لو يحطزن كل قسم بروحه لأن بالفعل دوختني شوي
ولي رجعه أحط لكم رابط الموضوع هنا

:)

{ آلكــــآدي ~

17-06-2009, 10:21 PM

السلام عليكم

باك من بعد جولتي ف المعرض

تكسرنا صراحه من هالزحمه .. بس الحمدلله طلعنا قبل زحمة الليل < عاد زحمة الليل هي اللي مايحتاج اعبر عنها ..

هالمره لقيت جلابيات حلوه للصيف لبنوتاتي ولي ..

وبعد الجلابيات المغربيه حلوه من محل نسيت اسمه < :d دار راسها هههههه
صراحه ماتتفوت ..

ولقيت بالصدفه انا والوالده محل يبيعون شغلات حلوه صناعه يدويه للبيت

بلاستيك قوي بأشكال حلوه لتقديم الفواكه وبعد في منهم صغار للملاعق والشوك .. شكلهم غريب وحلو

في منهم الوان بس انا خذيت الشفاف ..

الغاليه لورد غاليري .. قواج ربي ع الكورنر الذوق .. ماقدرت ادش عليكم من الزحمه ماشاء الله

ربي يزيدكم ماينقصكم ان شاء الله .. ووقعت بعد :d

خذت من البزار المخلوط من حضرموت .. مثل ماقلتي بهالموضوع وجزاج الله خير صراحه

في اخر لفه لي بالمعرض لقيت صيني مادري كوري يبيع بوكسات مقسّمه من داخل

للملابس الداخليه وانتوا بكرامه او للدلاغات .. الخ الخ مايحتاج اشرح وبحيث يكون شكل الملابس حلو ومرتب في درج الكبت او ف الكبت من داخل ..

ماحبيت اغامر ف الاكسسوارات او في الاطقم لانها مب مضمونه

وسلامتكم ..

ويوم السبت بيكون اخر يوم اللي مالحقت تخلص تخلص بكره والله يعينكم عاد ع الزحمه

مع السلامه

PARIS

17-06-2009, 10:44 PM

/
وين مكان محل بنت الشمال ... اللي يبيع جلابيات مغربية

/

عزيزتي خلي بالج من الاسعار ترى باعني الجلابية 75 ريال وباع اختي 50 ريال نفس الجلابية حسبي الله عليه...

{ آلكــــآدي ~

17-06-2009, 10:48 PM

عزيزتي خلي بالج من الاسعار ترى باعني الجلابية 75 ريال وباع اختي 50 ريال نفس الجلابية حسبي الله عليه...

:eek5: بلللل جد جد نصب عينك عينك .. و ليش ماقلتي له !

بس صدقتي والله انا دخلت ع المحل لقيت جلابياته حلوه بس مب اللي كلش يعني روووعه

عاديه يعني وماتستاهل السعر اللي حاطه ع الجلابيات .. مانزل من السعر طلعت وخليته

صراحه بعضهم نصاب درجه اولى ,,:telephone:

latty

17-06-2009, 11:19 PM

وشريت الأداة اللي قالت لنا أختي لاتي عنهاا بس شكلي طبيت في الكذابة أول ماجيت وشفت الأداة قلت بسألها بشوف هذي الكذابة ولا لا ، إلا يوم سألتها من السعر على طول قالت لي خمسين قلت لا هذي الكذابة عندي خبر ماهو بعندك ^^

:)

:)

وربي اني ضحكت على هالفقره وتعليقك ....عندي خبر ماهو بعندك :::

زياره ممتعه عرفتينا على بعض الاشياء التي كنا نجهلها

وكنك ماشريتي شي والميزانيه بح هاه :)

بالعافيه عليج بكره بروح اشتري الاجار

تسلمين ياعمري وبنتظار الرابط او الموضوع

شكرا

latty

17-06-2009, 11:22 PM

السلام عليكم

باك من بعد جولتي ف المعرض

تكسرنا صراحه من هالزحمه .. بس الحمدلله طلعنا قبل زحمة الليل < عاد زحمة الليل هي اللي مايحتاج اعبر عنها ..

هالمره لقيت جلابيات حلوه للصيف لبنوتاتي ولي ..

وبعد الجلابيات المغربيه حلوه من محل نسيت اسمه < :d دار راسها هههههه
صراحه ماتتفوت ..

ولقيت بالصدفه انا والوالده محل يبيعون شغلات حلوه صناعه يدويه للبيت

بلاستيك قوي بأشكال حلوه لتقديم الفواكه وبعد في منهم صغار للملاعق والشوك .. شكلهم غريب وحلو

في منهم الوان بس انا خذيت الشفاف ..

الغاليه لورد غاليري .. قواج ربي ع الكورنر الذوق .. ماقدرت ادش عليكم من الزحمه ماشاء الله

ربي يزيدكم ماينقصكم ان شاء الله .. ووقعت بعد :d

خذت من البزار المخلوط من حضرموت .. مثل ماقلتي بهالموضوع وجزاج الله خير صراحه

في اخر لفه لي بالمعرض لقيت صيني مادري كوري يبيع بوكسات مقسّمه من داخل

للملابس الداخليه وانتوا بكرامه او للدلاغات .. الخ الخ مايحتاج اشرح وبحيث يكون شكل الملابس حلو ومرتب في درج الكبت او ف الكبت من داخل ..

ماحبيت اغامر ف الاكسسوارات او في الاطقم لانها مب مضمونه

وسلامتكم ..

ويوم السبت بيكون اخر يوم اللي مالحقت تخلص تخلص بكره والله يعينكم عاد ع الزحمه

مع السلامه

ماتعرفين محله هالصيني وين كم رقمه او اي حرف ؟؟؟

والله يعطيج العافيه يارب

alanood

17-06-2009, 11:38 PM

ماتعرفين محله هالصيني وين كم رقمه او اي حرف ؟؟؟

والله يعطيج العافيه يارب

هاللي خذت منهم باقي كميه قليله اللي اذكره عند مدخل 3 ثاني صف باتجاه الباب بس الرقم:rolleyes2:

غناتي1

17-06-2009, 11:43 PM

خلال زيارتنا اليوم للمعرض انا رحت سيدة لركن ام سعود (( اللورد غليري ))

لأنا خذينا منها مجموعة عطورات البارحة وجربناها واعجبتنا -- ورجعت بنتي

تبي منهم هدايا للخريجات -- وبخور -- وعود

ووقعت توقيع ثاني غير اللي أمس -- وخسارة ما لحقنا على الشنط

(( تساتهلين يا ام سعود كل خير ))

وشرينا من عند التركية خواتم وحلق حلوين عليهم اسم الله واساور بنوتية

حلوة والوانها زاهية --وصج اللبنانيين غاليين ما ادري على ايش

مع انه عجبني خاتم وخذيته ومن عند الايرايين خذين زولية صفراء

ب 9500 ريال وتذكرت اختنا كاتبة الموضوع

اممممممم وشريت بعد شنطة من عند اللبنانيين اللي على شكل

جلد الحية وااااجد فخمة ب 1800 ونزلناه لين 1500 ريال

بس اللي ما عجبني في المعرض هو كثرة الشباب اللي يدورون

بدون هدف وما ينلامون لأنهم لاقيين تشجيع من هالبنات اللي

كأنهم رايحين اعراس

الله يهديهم -- ويستر على بناتي وبنات المسلمين

اللهم آمين

لوردغاليري

17-06-2009, 11:53 PM

:weeping::weeping::weeping:اشكركم جميعا بنات
وماقصرتوا
سواء الي ذكرني او ماانتبهلي
الف شكر ويعطيكم العافيه جميع
اليوم كان زححححححححححححححمة اكثر من الايام الي قبل
ولما رحت فليل طبعا جولتي الاخيرة يوميا تبدا9ونص
ادخل من البوابه الخلفيه بوابة العارضين
ورحت سيده على استاندي اشوف الوضع
الا وقدامي الطامه الكبرى
انسرقت اغلى وافخم شنطة معروضه قيمتها2500ريال
تخيلوا انصعقت
حسبي الله ونعم الوكيل
على من خذها
الله يعلم تعبت كثير في طلبهم واختيارهم وكم مرة رجعتهم بلادهم عشان الكوالتي وخسرت مخاسير
بس الله مايضيع تعب عبده
الحمدالله على كل حال

ابي منكم شي تدعون على كل من تسول نفسه الرديئه لهاذي الامور

نوى القلب
حبيبتي البزار ايجنن عليج بالعافيه

غناتي1
حبيبتي ماقصرتي شفت توقيعج وتواقيع وايد بنات هو الشي الي فرحني عقب الصاعقه صرااااااحه
بس موجوده شنط يوميا والله الظهر اجدد الكولكشن غريبه ماشفتي؟؟؟؟؟؟؟

بنات الف شكر لكم

وان شالله اي شي اشتريه بقولكم عنه
احبكم

لجين

18-06-2009, 12:00 AM

معوضة خير يا ام سعود

لوردغاليري

18-06-2009, 12:05 AM

العوض براسج فديتج ردج فرحني بس ماقصرتي

حمدة

18-06-2009, 12:07 AM

الله يعوض عليك يا ام سعود ,انا شريت الكحل القلم من عندك ورجعت مره ثانية بس حصلت واحد ...الصراحه رووعه وبارجع مره ثالثه اذا فيه.انا وقعت اذا شفتي توقيعي؟

فزعـــــ قطر ـــــة

18-06-2009, 12:09 AM

http://www.uaekeys.com/fwasel/www.uaekeys.com27.gif

اليوم قبل المغرب رحنا المعرض صدق زحمة ياالله ياالله اتوقف السيارة:eek5:
ودخلنا شنو زحمة سيدة رحت ادور مكان لورد غاليري قلت لازم اول شي ادخلة واسلم على الغاليه أم سعود ..بس خسارة ماحصلتها خذت من عندها بخور روعة الأسطوري وفيه عطر فرنسي عجبني للفراش..بس محد طلب مني اوقع :weeping:
وبعدين رحت صوب الملا من دبي فيه قمصان نوم قطعة روعة بس سعرهم غالي اشوي ..
وخذت بعد ملاحف من الصيني هاي كواليتي ب 200 بس ماحصلت اشناط ادلال الشاي ؟؟؟
ومريت صوب الأدوات الكهربائيه وخذت الأوتي البخاري حق السفر والممسحة العجيبه خذت 3 وبعد خذت الخلاط 3 ان 1 من عندة اللي يسوي كل شي عصير ميلك شيك وكابتشينوووو :victory:
بس يبيلي ارجع للأواني المغربيه والجلابيات بس ابي اشوفهم واذا اصلحووو لي بشتري منهم
http://www.uaekeys.com/fwasel/www.uaekeys.com27.gif

classic2004

18-06-2009, 12:10 AM

هلا بنات
انا اول مرة رحت ع السريع واليوم رحت بعد ع السريع
فباقول الاشياء اللي عجبتني ..
طبعا ركن ام سعود لازم امره .. :) بس ما قدرت اكتب :(
وخذت لي استي لودر اوف اموت فيه هل العطر بس ما كثرت لان اغراضي من اخر مرة ما خلصت
والله عيوضج خير يا رب .. صراحة مدري شلون ياخذون شي مب لهم ..
الله يهديهم .. ولا يهنيهم بالشنطة
ودورت العلاقلات اللي باطارات ما لقيت .. خلصوها البنات لووول معنه اول مرة كان المكان مليان
خذت لي بيجامات حق بنتي
وشنطة وسكوتر لها مدري شفيها متولعة بسكوتر بنت عمها
ونعل الله يعزكم وشنطة لها
وخذت من الاكسسوارا ت اللبنانية ... وخذت جوتي من السورين
وبهارات من حضرموت .. جربته حماتي ومدحته ..
وخذت عود بالعنبر عجيب صراحة خذته اول مرة ورجعت له
وخذت لي استشوار وفراشي ومكينة الحلاوة واغراضها ..
وخذت هاي المنظف العجيب من الصنيين
صج عجيب
وبس هاي تقريبا شلون الفلوس خلصت مدري .. على اخر شي اكتشفت انه ماباقي شي بالبوك :)

لوردغاليري

18-06-2009, 12:11 AM

حمده بعد قلبي
ماقصرتي
يعل ربي يواجرج ويرزقج ماتتمنين
شفت توقيعج منور مثل راعيته

{ آلكــــآدي ~

18-06-2009, 07:41 AM

ماتعرفين محله هالصيني وين كم رقمه او اي حرف ؟؟؟

والله يعطيج العافيه يارب

هلا قلبي بالضبط مثل ماقالت الغاليه alanood

نفس المكان

/

لورد غاليري

مال الحلال مايضيع وان شاء الله يرد لج او يعوضج بخير

يالغاليه ..

وقعت ع الستاند ماشفتي التوقيع :(

دي دي

18-06-2009, 08:49 AM

معوضة خير يا ام سعود
حبيبتي مرينا انة ورفيجتي وشرينا منها وماقصرت وعطتنا هدايا وانة وقعت في النصف الاعلى من اللوحة
وماشاء الله ..وحتى الشنط كانت موجودة في كارتير حمراء وبرادا وفيرساتشي وحسبي الله على اللي اخذها
وربج يعوض حسبي الله عليهم.والله انة تعنيت عشانج للمعرض لان مافي شيء كلش ميسوى

fatma1974

18-06-2009, 09:16 AM

ممكن لوسمحتوا ... اللى يعرف رقم اجبان شيليز القطريه ...مع الشكر

classic2004

18-06-2009, 02:24 PM

هذا رقمهم
5850194
انا من زمان خبري فيهم بس مدري غيروه ولا نفسه ؟

classic2004

18-06-2009, 02:26 PM

اللي خذت مقص الحف وين خذته بالضبط
انا اتذكر اول يوم رحت وقالت ب 50 وما خذته
واللحين ابي ارجع اخذه وناسية المكان :@

راجية الرحمة

18-06-2009, 03:05 PM

ماقدرنا نزل الموضوع البارحة
واللحين رجعت ورابط الموضوع معي

تفضلوا

http://www.qatarshares.com/vb/showthread.php?p=4327072#post4327072

latty

18-06-2009, 04:48 PM

رحت اليوم

زحمه زحمه زحمه غير طبيعيه

السحب الالي للوطني فاضي السيارات الخارجيه والداخلي زحمه واضني بيكمل مع الزباين لين الليل

الزل زحمه

المكياج والالكسسوارت

والعطور والبخور

قالي اكثر من واحد ان بيكون اخر يوم تنزيلات

شريت المقص الفتله مع الكور

شريت جلابيه مغربيه

واربع قطع زل

وشريت كحل يقولون ما ينغسل حتى بالماء

وصورت لكم صورة الفتله للشنب بنزلها بالليل

ريحة العطور روعه

اما ا لبخور يقولون اشتروا على حظكم بدون توليع نار

الله يعطيكم العافيه

ونتابع معكم

latty

18-06-2009, 04:54 PM

محل سوري كان اول يوم يبيع اكواب ملونه واكواب مرسومه بالذهبي

او مجموعة اكواب بها الازرق والوردي والاصفر

المهم الاخ كان يقول لي اول يوم بميه وثمانين ريال

اليوممممممممممممممممممم صار 220 وهو يضحك

ليه زيادة 40 ريال عن اليوم الاول كان المفروض ينزل مب يرفع لما قلت له قال احنا عكس نرفع الايام الاخيره

ياحماية المستهلك وينك وين التسعير

:(

مستجدة

18-06-2009, 05:05 PM

معوضه يا ام سعود وهذا درس لكم انتي وخواتك العارضات لازم اتكونون اكثر حرص
في المرات القادمة الله يعوضك خير والله يحاسب اللي خذها بعمله

مانقول الا حسبي الله ونعم الوكيل

{ آلكــــآدي ~

18-06-2009, 06:41 PM

اللي خذت مقص الحف وين خذته بالضبط
انا اتذكر اول يوم رحت وقالت ب 50 وما خذته
واللحين ابي ارجع اخذه وناسية المكان :@

هلا الشيخه

مقص الحف بتلقينه عند محل ميك اب فيه 2 لبنانيين ووحده ايرانيه عندها ستاند ومعلقه عليه شغلات ومنها المقص

والمحل بالضبط عند مدخل خوزان 1 بس تدشين على يسار شوي بعدها تلفين يمين ثاني او ثالث محل اغلب ظني

ان شاء الله تلقينه

latty

18-06-2009, 08:51 PM

هلا الشيخه

مقص الحف بتلقينه عند محل ميك اب فيه 2 لبنانيين ووحده ايرانيه عندها ستاند ومعلقه عليه شغلات ومنها المقص

والمحل بالضبط عند مدخل خوزان 1 بس تدشين على يسار شوي بعدها تلفين يمين ثاني او ثالث محل اغلب ظني

ان شاء الله تلقينه

رقمه 05g وعنده الجهاز الخاص بالشنب اللي على حرف يوم والمقص صار مع الكور بــــــــ50 انا شاريه اثنين

سلامي للكل

19-06-2009, 05:26 AM

الســلام عليكــمـ ورحمــة الله وبركاته

يوم الاثنين على ما اعتقد مريت المعرض, ما طولت كلها 20 دقيقة بس علشان ابرد خاطري :tease:

الزحمة كانت لابأس بها, وكان للنساء الحضور الاكثر :secret:

المعروضات كالعادة, عطورات, مفروشات, ملابس, اكسسوارات, , , , الخ

حسيت اني داخل سوق الحراج, كل واحد يصوت على بضاعته :anger1:

مريت على استاند أم سعــود, بس ماوقعت الصراحة استحيت :shy:

كان بخاطري اوقع :weeping:

المعرض بشكل عام مقبول - جيد :eek5:

المعرض ناقصة الترتيب, لو كان في ترتيب وتنظيم اكثر كان بيكون روعة

والحمــد لله على كل حال

أم سعــود, يمكن اجيكمـ المعرض آخر يوم شوفي لي مكان فاضي علشان اوقع :shy: مافي مكان:anger1:

وفاااااااالكمـ التوفيــق :victory:

حقيقه

19-06-2009, 01:55 PM

انا الصراحه مريت المعرض بس عشان امر على ام سعود
وخذت منها كم شغله واهدوني بعد :shy:
ووقعت :nice:

نقدر نقول المعرض زين بس مشكلته الزحمه :nice:

ملكة الأسهم

19-06-2009, 10:52 PM

أنا من شوي وصله من المعرض

الصراحة زحمة موووووت

وأنا ما حب الزحمه طلعت بسرعه :weeping:

اللهم رحت كذا محل ومن ضمنهم

كورنر أم سعودالله يعطيها العافية

وخذت عود بالعنبر لحقت عليه قبل لا يخلص

والبنات ما قصروا معاي سوا لي خصم

وقعت على الاستاند وبغيت اطيحه:shy:

بس ماشاءالله يالله حصلت مكان عشان اوقع

كان خاطري اروح اماكن حطتهم في بالي

بس يالله خيرها بغيرها أن شاءالله :)

latty

19-06-2009, 11:42 PM

رحت المعرض

زحمه غير طبيعيه

الناس تهرول وكانها تودع المعرض ياناس ياهووو عبايتي رجولي ابد

مرينا على بهارات حضرموت واخذنا كم كيلو للبيت والاحبه وللغاليه غناتي1

مرينا على الزل الايراني ودعناه بقطعه روعه والاخ كان بقمة الروعه وكان مجهز لي هديه عباره عن حلويات ايرانيه وسكريات اخجل تواضعي والله

رحنا هندي يبيع انقبه ههههه ياحليله متخصص انقبه شرينا كم نقاب وكم خمار اسعاره روعه والخمارات روعه من دبي مطرزه بالخيوط المغربيه وردي واحمر وبيج وقصتهم روعه

اللي معي مروا على محل ام سعود شروا منها عطر رشاش استلودر اعتقد فرنسي مدري لكن والله ريحته تهبل وبكره بروح لها اشتري او بطرش حد يجيب لي

ابي بعد اخذ لفه على الفوط يمكن ينزل من اسعارها

من ا لملاحظ عدم تنزيل الاسعار بالايام الاخيره عكس كنا نتمنى بالعكس ارتفعت الاسعار

لنا بكره لقاء

وهلا بالجميع

classic2004

19-06-2009, 11:42 PM

هلا ..
مريت امس ع المعرض وخذت 2 من مقص الحف
وخذت مكياج عند وحدة مصرية عجيب عندها كحل بالوان وايد حلوة ويثبت
والشدوات الوانها غربية .. اغرب شي الطاوسي .. صج عجبني ..
والغلوسات ثابته ما تروح والروج السحري
وعندها كحل نفس كحل الباكستينين الاسود ع شكل مثلث .. وايد حلو
اعتقد رقمها e34
وخذت بعد معطر للسيراميك عجيب من واحد كويتي بس كان اخر شي
ومعطرات للغرف
والعطر اللي يبيعه اخونا ملك البضائع احبه وايد .مع الدخون الفرنسي من ام سعود.لازم انسال عن عطري ولقيته من الوكيل ومسوين عليه عرض فطخيت منه لاني استهلكه بسرعة

وخذت لي ولبنتي من جلابيات المصاروة الفلاحين *_^
وخذت عجينه حواجب بعد
وايلال للصلاة من عند السورين وايد حلوين وراقين
وكنت ابي اخذ من القطع ولكن ريلي تعب وكان يتاافف طول الطريق فاضطريت اطلع :(
واليوم ماقدرت اروح
عاد مافي الا بكره والله يعين

ام الشهداء

20-06-2009, 12:14 AM

السلام

انا بعد توووووووونى راده قبل شوى بصراحه رحت خاص حق عطر استى لودر

للغاليه ام سعود لانى اخذت تيست قبل كم يوم وريحته طلعت جونان وبعد حق بهار

حضرموت والمقص قعدت احوووس ادور الايرانيه ما لفيتها لين ما تعبت وجايه اطلع

ولا سبحان الله لقيتها جدامى المهم خذت المقص مع ثلاث خيوط بخمسين

واخذت كم جلابيه من الصينى وسلامتكم تعبت رجولى وما بتصدقون

والله انى عقيت نعالتى تكرمون وقعدت امشى حافيه ولا افتكرت

ام سعود الله يرزقج ان شاءالله من حيث لا تحتسبين ويوفقج يارب

خبرت البنات عندج يوصلون لج السلام والله يسهل عليج ان شاءالله وتربين بالسلامه

ادعو لها يا بنات البياعه اللى عندها قالت لى انه ام سعود بتربى

عسى الله يسهل عليها ويرزقها الذريه الصالحه

ودمتم بوووووووووود

{ آلكــــآدي ~

20-06-2009, 12:58 AM

السلام عليكم كلكم

شلونكم

اليوم رحت للمعرض وتكسرنا صراحه زحمه زحمه زحمه اعوووذ بالله

اليوم مستانسه ... لاني مريت لوردغاليري وشريت من عندهم استي لودر عجيييييب وعطر مميز

وعطر فراش رهيب بعد .. وعطتني ام اياد هديه .. يعطيها الف عافيه ماقصرت وياي

وسألت عنها ام سعود وقالت مب موجوده كنت حابه اسلم عليها .. بس ماكان لي نصيب :)

كفت ووفت ام اياد ربي يعافيها وقلت لها اني من المنتدى ومعاملتها حلوه مع الزباين ..

:) موفقه يا ام سعود واللي معاج بارك الله فيهم

الله يعين اللي بيروحون بكره .. حالتكم بتكون صعبه ههههههه

latty

20-06-2009, 01:13 AM

هلا ..
مريت امس ع المعرض وخذت 2 من مقص الحف
وخذت مكياج عند وحدة مصرية عجيب عندها كحل بالوان وايد حلوة ويثبت
والشدوات الوانها غربية .. اغرب شي الطاوسي .. صج عجبني ..
والغلوسات ثابته ما تروح والروج السحري
وعندها كحل نفس كحل الباكستينين الاسود ع شكل مثلث .. وايد حلو
اعتقد رقمها e34
وخذت بعد معطر للسيراميك عجيب من واحد كويتي بس كان اخر شي
ومعطرات للغرف
والعطر اللي يبيعه اخونا ملك البضائع احبه وايد .مع الدخون الفرنسي من ام سعود.لازم انسال عن عطري ولقيته من الوكيل ومسوين عليه عرض فطخيت منه لاني استهلكه بسرعة

وخذت لي ولبنتي من جلابيات المصاروة الفلاحين *_^
وخذت عجينه حواجب بعد
وايلال للصلاة من عند السورين وايد حلوين وراقين
وكنت ابي اخذ من القطع ولكن ريلي تعب وكان يتاافف طول الطريق فاضطريت اطلع :(
واليوم ماقدرت اروح
عاد مافي الا بكره والله يعين

حلوه مشترياتج

بالعافيه

latty

20-06-2009, 01:16 AM

السلام

انا بعد توووووووونى راده قبل شوى بصراحه رحت خاص حق عطر استى لودر

للغاليه ام سعود لانى اخذت تيست قبل كم يوم وريحته طلعت جونان وبعد حق بهار

حضرموت والمقص قعدت احوووس ادور الايرانيه ما لفيتها لين ما تعبت وجايه اطلع

ولا سبحان الله لقيتها جدامى المهم خذت المقص مع ثلاث خيوط بخمسين

واخذت كم جلابيه من الصينى وسلامتكم تعبت رجولى وما بتصدقون

والله انى عقيت نعالتى تكرمون وقعدت امشى حافيه ولا افتكرت

ام سعود الله يرزقج ان شاءالله من حيث لا تحتسبين ويوفقج يارب

خبرت البنات عندج يوصلون لج السلام والله يسهل عليج ان شاءالله وتربين بالسلامه

ادعو لها يا بنات البياعه اللى عندها قالت لى انه ام سعود بتربى

عسى الله يسهل عليها ويرزقها الذريه الصالحه

ودمتم بوووووووووود

بالعافيه يالغاليه

اهم شي بالمشي النعال المريحه انصح بلبس الزنوبه وقت العارض ههه اهم شي النعال لان ان لم تكن الرجول مرتاحه والله ماترتاحين لكن انصحج بالشباشب الصينيه خفيفه وروعه احسن للرجل والله

استلودر مسوي عمايله والله روووعه بكره بروح اخذ

ام سعود الله يقومك بالسلامه ويرزقج الرزق الحلال يارب

لوردغاليري

20-06-2009, 01:17 AM

الف شكر لكم فديتكم ماقصرتوا حبايبي
بعد قلبي والله
سلامي للكل شيكتلك اليوم فيه مكان راويت مندوبتي اذا جيتها بكره
ام الشهداء بعد قلبي انتي
نوى القلب لا يحرمني طلتج يالغلا
لاتي حبيبت قلبي انتي
كلاسيك2004 فديت قلبج
اعذروني لونسيت حد تراكم كلكم غالين يشهد الله
صج اليوم زحمة من قلب بس كان التداول خفيف
بس يتفرجون على هاذي الزحمه
ماكان فيه بيع كثر الايام الي قبل
صاجه حبيبتي ام الشهداء انا على وشك ولاده ادعولي
وراح اوقف تجارة بعد المعرض فتره ولاده

ومروا باجر اخر يوم ولكم خصم خاص
بناتي
احبكم في الله الله يشهد

latty

20-06-2009, 01:20 AM

السلام عليكم كلكم

شلونكم

اليوم رحت للمعرض وتكسرنا صراحه زحمه زحمه زحمه اعوووذ بالله

اليوم مستانسه ... لاني مريت لوردغاليري وشريت من عندهم استي لودر عجيييييب وعطر مميز

وعطر فراش رهيب بعد .. وعطتني ام اياد هديه .. يعطيها الف عافيه ماقصرت وياي

وسألت عنها ام سعود وقالت مب موجوده كنت حابه اسلم عليها .. بس ماكان لي نصيب :)

كفت ووفت ام اياد ربي يعافيها وقلت لها اني من المنتدى ومعاملتها حلوه مع الزباين ..

:) موفقه يا ام سعود واللي معاج بارك الله فيهم

الله يعين اللي بيروحون بكره .. حالتكم بتكون صعبه ههههههه

عليج بالعافيه

بكره رايحين لكن الله يعين مسوين كل الاحتياطات عبايات قصيره ونعال سحاتيه وشناط على الظهر مايبي لها حتى حمالي مافيه :)

نبي بكره ننقل لكم على الهواء مباشره اخر الاحداث

ابي اشوف الاسعار كيف بكره

حتى المعارض الجايه نوفر ولا نروح الا اخر يومين

بنتظار المزيد من الاخوات يتفاعلون معنا

شكرا لكم

ام الشهداء

20-06-2009, 01:26 AM

تسلمين اختى ام سعود والله يسهل عليج ان شاءالله وتقومين بالسلامه

بصراحه ريحه الاستى لودر فضييييييييييعه عندى الفرنسى منه كنت دوم احطه

واحط العود معاه تتم الريحه ايااااااااااااام

بس انتى اختصرتى علينا المشوار وجبتى لنا ها المخلط فرنسى ويا العود روعه

انصحكم فيه يا البنات ولا تفوتون

لاتى مشكوره قلبو صاجه هنى نعرف قدر الزنوبه ههههه والله تعبت

اوصيكم بعد ببهار اليمنى فضيييييييييييع وينفع حق الرمضان خبركم الثريد والمجابيس

وربى يسعدكم كلكم ان شاءالله

ومبروك عليكم الشهر مقدما شفتوا تباريك اسرع من جذى هههههه

saranay1

20-06-2009, 01:30 AM

صح حبوبه فيه اشهب وفيه اسود

احذركم حتى لما يطبخ على النار تشوفين وكانه ديزل

اصلا هذا نشر بجريده الشرق بتحقيق من سنه ونص البلديه مانعته

رحيته للوهله الاولى تقولين عود لكن مب عود حبوبه

الله يحميك يارب
اعتقد اني شريت منه
مو هذا نفسة اللي عند محل اماراتي اسمه شيخة والتوله 20 ريال
عموما ليش ماتمنهة البلدية اذا يسبب السرطان

saranay1

20-06-2009, 01:30 AM

الغاده البحرينيه للاجبان والمخلالات

وين المحل بالظبط
الرقم اذا حد يعرفة
شكرا

ليــث قطر

20-06-2009, 01:38 AM

سؤال:

مب ممنوع بيع الماركات التقليد؟

شلون يسمحون لهم يبيعون التقليد في معرض رسمي؟؟

قطر2005

20-06-2009, 01:42 AM

هلابكم شخباركم
باقولكم اليوم اول يوم اروح المعرض
صرااااااااااااااااحه زحممممممممممممممممممممه من قلب
دخلت على طول الا في وجهي استاند ام سعود
الله يوفقها صج لمسات قطريه في الديكور والبضاعه
اسعار حلوة مقارنه بالي موجودين بالمعرض
بضاعه اقيمها100%
اسلوب راقي بالاستقبال
لا ويوم قلت من المنتدى عطتني هدايا وخصم
تستاهل ام سعود كفايه مثلت قطر بنت بلادي الله يرزقها من جميع ابوابه
خذت عطر فرنسي معاه دهن عود روووعه
وخذت دخون الشيوخ
لوتاه
عود بالعنبر
عود بالمسك
روز مااستغنى عنه
استي لودر ابداااااااااااااااااع
خلطة لورد
مشموم ملكي
والله من غير اي مجامله العطور رووووووووووعه والكل طلبني منهم
بكرة برجع اخذ لانهم الي عندي اغلبهم وزعتهم من كثر اعجابهم استحيت>>>>خسروني:weeping:
لايفوتكم استي لودر
الفرنسي
عودبالعنبر
لورد
صرااااااااحه شي راقي وثابتين ماشالله
تسلم الايادي يابنت بلادي
وقعت لها مشالله اللوحه متررررررررررررررررروسه
الله يبارك لها يارب فرحت وايد
محبينها اكثااااااار
الله يزيدهم
رحنا صوب حضرموت خذوا الاهل بزار تسلمين ام سعود
شي يستاهل العنوة
مريت عطورات الفودري خذت عطر اخلاص 60ريال حلو
خذنا لعب لليهال
خذنا مفارش حلوة عند الصينين 140ريال6قطع بس خامتهم حلوة
اجبان شيليز رووووووووووعه
لايفوتكم
جبن السمسم
الجزر
الفول
اجار مانجا
خذنا شيز درووو
طاولات ام ادراج عند مصر
حلوين
2 ب1500ريال بس حلو رخام وعليهم رسم للممرات راقيه

هاذا تقريري

وبكرة راجع من الصبح قبل الزحمه
اخذ من ام اسعود ومعاي لسته للعايله يبون من عطورها
وعودها

الف شكر لكاتبة الموضوع ماقصرتي

ولد الشقب

20-06-2009, 01:53 AM

هلا مشكورة اختي الموضوع ممتع جدااااااا

صج استي لودر ام سعود عجيييييييييب
وعطر الفرنسي
وزهور ايجنن
ولورد

مشالله عليها الله يهون عليها ويوفقها ياربي

saranay1

20-06-2009, 01:57 AM

عندي واييد عطورات وبخور وعود
بس ابي اجرب شي واحد من ام سعود
ابايش تنصحوني .. وايش رايج يام سعود .. ايش اكثر شي عليه اقبال وتنصحيني بيه .

الشي الثاني البهارات مالت حضرموت ما فيها حلبة او ثوم لاني ماكلهم .

شكرا لكم وموضوع رايع ..ومنكم نستفيد

لوردغاليري

20-06-2009, 03:09 AM

تسلمين اختى ام سعود والله يسهل عليج ان شاءالله وتقومين بالسلامه

بصراحه ريحه الاستى لودر فضييييييييييعه عندى الفرنسى منه كنت دوم احطه

واحط العود معاه تتم الريحه ايااااااااااااام

بس انتى اختصرتى علينا المشوار وجبتى لنا ها المخلط فرنسى ويا العود روعه

انصحكم فيه يا البنات ولا تفوتون

لاتى مشكوره قلبو صاجه هنى نعرف قدر الزنوبه ههههه والله تعبت

اوصيكم بعد ببهار اليمنى فضيييييييييييع وينفع حق الرمضان خبركم الثريد والمجابيس

وربى يسعدكم كلكم ان شاءالله

ومبروك عليكم الشهر مقدما شفتوا تباريك اسرع من جذى هههههه

الله يسلم غاليج حبيبتي ياذوق انتي ماقصرتي فديت روحج
الف شكر لج يالغلا

يعقوب ذياب

20-06-2009, 07:29 AM

اليوم السبت اخر يوم

ذيبه مزاجيه

20-06-2009, 08:59 AM

رحت امس كنت ابي اشتري من عند هذيج الاجنبيه اللي تبيع اكسسوارات مطعمه بالزيركون تجنن كأنها الماس لقيت العقد وشريته بس ما لقيت الحلق والاسواره :(
انقهرت ,,
ياليتني خذيتهم يوم راحت ذاك اليوم :(
وبس طلعت من المعرض ,,

latty

20-06-2009, 11:28 AM

اعتقد اني شريت منه
مو هذا نفسة اللي عند محل اماراتي اسمه شيخة والتوله 20 ريال
عموما ليش ماتمنهة البلدية اذا يسبب السرطان

هلا حبوبه

يمكن هو او لا لان وحده من البنات قالت اني شريت مثل ماوصفتي لما صورته وارسلته لي ماطلع نفس الممنوع

الصراحه البلديه ماعاد بها مثل اول يعني شيءضار بالصحه والجرايد ناشره الخبره وينباع عيني عينك هذا دليل تحدي المفروض من المطار ممنوع مب ينباع للناس وهو مسبب للسرطان

ان قدرتي صوريه وارسليه لي او حطيه هنا واشوفه يمكن مب هو

وان حصلت اليوم فرصه بصوره

الله يحفظك يارب

latty

20-06-2009, 11:29 AM

الغاده البحرينيه للاجبان والمخلالات

وين المحل بالظبط
الرقم اذا حد يعرفة
شكرا

ماعرفه والله اشوف محلات اجبان كثيره والاجبان مكشوفه اخاف اقرب لها

اسالي ومن سال ماتاه عيني:)

latty

20-06-2009, 11:30 AM

سؤال:

مب ممنوع بيع الماركات التقليد؟

شلون يسمحون لهم يبيعون التقليد في معرض رسمي؟؟

ليث قطر

مب كلن يقدر يشتري ماركات اصليه خل الناس تلبس على ذوقها وقد فلوسها

وبالعكس كل النساء مرحبات بوجود التقليد خبرك ازمه اقتصاديه :)

سعدت بتواجدك

سهم سهم

20-06-2009, 11:31 AM

سمعت انهم مددوه صح ؟!!

latty

20-06-2009, 11:33 AM

هلابكم شخباركم
باقولكم اليوم اول يوم اروح المعرض
صرااااااااااااااااحه زحممممممممممممممممممممه من قلب
دخلت على طول الا في وجهي استاند ام سعود
الله يوفقها صج لمسات قطريه في الديكور والبضاعه
اسعار حلوة مقارنه بالي موجودين بالمعرض
بضاعه اقيمها100%
اسلوب راقي بالاستقبال
لا ويوم قلت من المنتدى عطتني هدايا وخصم
تستاهل ام سعود كفايه مثلت قطر بنت بلادي الله يرزقها من جميع ابوابه
خذت عطر فرنسي معاه دهن عود روووعه
وخذت دخون الشيوخ
لوتاه
عود بالعنبر
عود بالمسك
روز مااستغنى عنه
استي لودر ابداااااااااااااااااع
خلطة لورد
مشموم ملكي
والله من غير اي مجامله العطور رووووووووووعه والكل طلبني منهم
بكرة برجع اخذ لانهم الي عندي اغلبهم وزعتهم من كثر اعجابهم استحيت>>>>خسروني:weeping:
لايفوتكم استي لودر
الفرنسي
عودبالعنبر
لورد
صرااااااااحه شي راقي وثابتين ماشالله
تسلم الايادي يابنت بلادي
وقعت لها مشالله اللوحه متررررررررررررررررروسه
الله يبارك لها يارب فرحت وايد
محبينها اكثااااااار
الله يزيدهم
رحنا صوب حضرموت خذوا الاهل بزار تسلمين ام سعود
شي يستاهل العنوة
مريت عطورات الفودري خذت عطر اخلاص 60ريال حلو
خذنا لعب لليهال
خذنا مفارش حلوة عند الصينين 140ريال6قطع بس خامتهم حلوة
اجبان شيليز رووووووووووعه
لايفوتكم
جبن السمسم
الجزر
الفول
اجار مانجا
خذنا شيز درووو
طاولات ام ادراج عند مصر
حلوين
2 ب1500ريال بس حلو رخام وعليهم رسم للممرات راقيه

هاذا تقريري

وبكرة راجع من الصبح قبل الزحمه
اخذ من ام اسعود ومعاي لسته للعايله يبون من عطورها
وعودها

الف شكر لكاتبة الموضوع ماقصرتي

بالعافيه يالغاليه

والعفو ماسوينا شي الشكر لله ثم لكم جمعتكم هنا بالموضوع عطتنا معلومه اضافيه وخبرات ونصايح نتمنى ان بالمعارض الجايه تكون تغطيتنا كبيره ويكون الموضوع مصور وفيه بعد مراسلين هههههه:)

تسلمين عمري

latty

20-06-2009, 11:34 AM

هلا مشكورة اختي الموضوع ممتع جدااااااا

صج استي لودر ام سعود عجيييييييييب
وعطر الفرنسي
وزهور ايجنن
ولورد

مشالله عليها الله يهون عليها ويوفقها ياربي

الصراحه ام سعود رهيبه وخلطاتها تجنن والعود بالعنبر روووعه شريت منه
والدهن الملكي روعه

يعني كله على بعضه حلو

الله يقومها بالسلامه

شكرا لمروروك :)

latty

20-06-2009, 11:37 AM

عندي واييد عطورات وبخور وعود
بس ابي اجرب شي واحد من ام سعود
ابايش تنصحوني .. وايش رايج يام سعود .. ايش اكثر شي عليه اقبال وتنصحيني بيه .

الشي الثاني البهارات مالت حضرموت ما فيها حلبة او ثوم لاني ماكلهم .

شكرا لكم وموضوع رايع ..ومنكم نستفيد

هلا حبوبه

والله ياعيني كل شي عند ام سعود رووعه والدليل لما تشمين شئ بكره تردين تاخذينه

يعني اشتري وانتي مطمنه انه راح يعجبك

البهار مال الكبسه مافيه اي ثوم او حلبه انا ماشميت فيه شي من هذا القبيل حتى اني كليت شويه اشوف كيف الريحه والذوق طلع رووعه

بالعافيه عليج يارب

وهلا ملايين

latty

20-06-2009, 11:38 AM

اليوم السبت اخر يوم

الله يختمه بالعافيه على الجميع

وان شاء الله لنا موضوع قريب بعد هذا الموضوع ترقبوه

وننتظر التغطيه من الجميع لهذا اليوم

شكرا لك

joOoreee

20-06-2009, 11:38 AM

سمعت انهم مددوه صح ؟!!

:eek5: :eek5: :eek5:

latty

20-06-2009, 11:39 AM

رحت امس كنت ابي اشتري من عند هذيج الاجنبيه اللي تبيع اكسسوارات مطعمه بالزيركون تجنن كأنها الماس لقيت العقد وشريته بس ما لقيت الحلق والاسواره :(
انقهرت ,,
ياليتني خذيتهم يوم راحت ذاك اليوم :(
وبس طلعت من المعرض ,,

:(

والله حاسه بالقهر اللي حسيتي به لان هذه عاده لي لما اشوف الشئ واقلبه بمزاجي وارد ابيه مالاقيه او الاقيه بس ناقص او سعره ارتفع يعني قههههههههههههههههر:(

الله يفرح قلبج يارب

وحياج الله

latty

20-06-2009, 11:41 AM

سمعت انهم مددوه صح ؟!!

ماظنيت ياخوي الناس مرتبطين بمعرض البحرين والكويت بس اللي سمعت ان به معرض اول سبعه

بعدين حرام خلونا نوفر شوية فلوس بكره ورانا رمضان والعيد وبعدها المدارس:(

saranay1

20-06-2009, 12:09 PM

حضرموت
وين مكانه بالضبط
شكرا

بنت محمد

20-06-2009, 12:30 PM

انا و latty بنروح اليوم .. و الله يستر :)

روح الاطلس

20-06-2009, 12:33 PM

لاحد يروح اليوم نصيحة مني <<< عشان لا تسوون زحمه وهي ناوية تروح

latty

20-06-2009, 01:22 PM

حضرموت
وين مكانه بالضبط
شكرا

حضرموت يابال k او جنبها من جنب المصري اللي يبيع طاولات تقديم من صوب باوابه خوزان يعني اخر المعرض دوري بالطخه ذيك:)

latty

20-06-2009, 01:24 PM

انا و latty بنروح اليوم .. و الله يستر :)

بنت محمد خخخخخخخخخ اي بنروح روحه ان شاء الله مافيها زحمه ياويلكم ياللي تسوون زحمه احنا جايين انا وبنات المنتدى هههه:)

بنت محمد وش ناويه تشترين ؟؟؟

قولي مب شاريه مثلج

وماقلتي ايش شريتي بهالايام الماضيه وكيف انطباعج عن المعرض وايش اللي اعجبج وايش اللي مااعجبج تكلمي :)

latty

20-06-2009, 01:26 PM

لاحد يروح اليوم نصيحة مني <<< عشان لا تسوون زحمه وهي ناوية تروح

روح الاطلس ماحد برايح ابد بس انا وانتي وبنت محمد بس

يعني الجو ربيع بس اخاف تكون ريحة المعرض مثل امس :anger1:

كمامات بنلبس اليوم ايش رايكم ههههه

بنت محمد

20-06-2009, 02:38 PM

هههههه .. والله كل شي حلوو .. شريت عطورات و مكياج =$

{ آلكــــآدي ~

20-06-2009, 02:44 PM

عليج بالعافيه

بكره رايحين لكن الله يعين مسوين كل الاحتياطات عبايات قصيره ونعال سحاتيه وشناط على الظهر مايبي لها حتى حمالي مافيه :)

نبي بكره ننقل لكم على الهواء مباشره اخر الاحداث

ابي اشوف الاسعار كيف بكره

حتى المعارض الجايه نوفر ولا نروح الا اخر يومين

بنتظار المزيد من الاخوات يتفاعلون معنا

شكرا لكم

ياهلا وغلا حياتي

هههههههههههه الله يعينكم اتخيلكم مثل النينجا

بس ها عاد تحملوا يبيلكم فاين ديتول وكمامات :rolleyes2:

وننتظر تقريركم عن اخر يوم ف المعرض .. صراحه كان ودي اروح مع الوالده

بس بتزورني ضيفه:telephone: وماقدر اطلع :(

كنت ابي اروح لكورنر ام سعود .. بس خيرها بغيرها ان شاء الله ...

ربي يقومج بالسلامه يا ام سعود .. ويعطيج الصحه والعافيه

وتسلمين لاتي ع التغطيه الحلوه منج .. ماقصرتي والله

:) لي عوده ان شاء الله

{ آلكــــآدي ~

20-06-2009, 02:46 PM

هههههه .. والله كل شي حلوو .. شريت عطورات و مكياج =$

عليج بالعافيه حبوبه بس ليش تاخذن من الميك اب اللي هناك ؟ لانه تقليد كله .. صراحه وحده من ربعي خذت من الارواج وتقول الوانهم حلوه بس فيهم ريحه كيميائيه ومب زين للشفايف :secret:

انصح البنات ماياخذون من مكياج المعارض الا اذا كان ماركه معروفه احسن

ام الشهداء

20-06-2009, 03:54 PM

وانتى صاجه خيتو نوى تدرين لقيت محل لبنانى يبيع ارواج واقلام ارواج تنفع روج وظل الحبه ب 25 ريال والله انه فى الرونق فى محل قسم الميكب بخمسه ريال

وماركته حلوه صج كنت اخذت الكحل منه من تركيا ووااااااااااايد عجبنى واستانست
يوم لقيت ها الماركه هنى وبرخص التراب اسم الماركه flormar
المهم ان شاءالله لو قدرت بروح اليوم والله المستعان

saranay1

20-06-2009, 04:34 PM

انا توني جاية
مو زحمة كثير
بس الاسعار شفتها يا مثل اول او امزيدين يعني مو اخر يوم وعاملين خصم..لا
الظاهر التجار شارين بضاعتهم ومو رادينها بلادهم .
الشي الثاني حبيت اشكر ام سعود
صراحة ليما قلت للي تبيع اني بالمنتدى رخصت لي الاسعار
العود بالعنبر رهيب
ووقعت باللوحة.. شوفيها ..
صراحة الفكرة اعجبتني ومشكورة يام سعود
اما بهارات حضرموت فالظاهر ام سعود ما خليتي لنا شي ..خميتيها كلها .
هههههه
قال بيجيب بعد اشوي بس طلعت وما قدرت انطر.

{ آلكــــآدي ~

20-06-2009, 06:14 PM

وانتى صاجه خيتو نوى تدرين لقيت محل لبنانى يبيع ارواج واقلام ارواج تنفع روج وظل الحبه ب 25 ريال والله انه فى الرونق فى محل قسم الميكب بخمسه ريال

وماركته حلوه صج كنت اخذت الكحل منه من تركيا ووااااااااااايد عجبنى واستانست
يوم لقيت ها الماركه هنى وبرخص التراب اسم الماركه flormar
المهم ان شاءالله لو قدرت بروح اليوم والله المستعان

هلا فديتج ..

اول مره اسمع بهالماركه .. بس مايمنع اجربها .. اهم شي ماتسبب حساسيه ولا اشياء ثانيه ..

لازم تست :shy:

الله يعينج فديتج ع المعرض وزحمته .. امي هناك للحين وتقول زحمه وكل شي تطلبه مخلص

:rolleyes2:

ماشاء الله على اهل الدوحه من حبهم للزين استغلوهم بعض التجار

لوردغاليري

20-06-2009, 07:12 PM

هلابكم شخباركم
باقولكم اليوم اول يوم اروح المعرض
صرااااااااااااااااحه زحممممممممممممممممممممه من قلب
دخلت على طول الا في وجهي استاند ام سعود
الله يوفقها صج لمسات قطريه في الديكور والبضاعه
اسعار حلوة مقارنه بالي موجودين بالمعرض
بضاعه اقيمها100%
اسلوب راقي بالاستقبال
لا ويوم قلت من المنتدى عطتني هدايا وخصم
تستاهل ام سعود كفايه مثلت قطر بنت بلادي الله يرزقها من جميع ابوابه
خذت عطر فرنسي معاه دهن عود روووعه
وخذت دخون الشيوخ
لوتاه
عود بالعنبر
عود بالمسك
روز مااستغنى عنه
استي لودر ابداااااااااااااااااع
خلطة لورد
مشموم ملكي
والله من غير اي مجامله العطور رووووووووووعه والكل طلبني منهم
بكرة برجع اخذ لانهم الي عندي اغلبهم وزعتهم من كثر اعجابهم استحيت>>>>خسروني:weeping:
لايفوتكم استي لودر
الفرنسي
عودبالعنبر
لورد
صرااااااااحه شي راقي وثابتين ماشالله
تسلم الايادي يابنت بلادي
وقعت لها مشالله اللوحه متررررررررررررررررروسه
الله يبارك لها يارب فرحت وايد
محبينها اكثااااااار
الله يزيدهم
رحنا صوب حضرموت خذوا الاهل بزار تسلمين ام سعود
شي يستاهل العنوة
مريت عطورات الفودري خذت عطر اخلاص 60ريال حلو
خذنا لعب لليهال
خذنا مفارش حلوة عند الصينين 140ريال6قطع بس خامتهم حلوة
اجبان شيليز رووووووووووعه
لايفوتكم
جبن السمسم
الجزر
الفول
اجار مانجا
خذنا شيز درووو
طاولات ام ادراج عند مصر
حلوين
2 ب1500ريال بس حلو رخام وعليهم رسم للممرات راقيه

هاذا تقريري

وبكرة راجع من الصبح قبل الزحمه
اخذ من ام اسعود ومعاي لسته للعايله يبون من عطورها
وعودها

الف شكر لكاتبة الموضوع ماقصرتي

شهاده افتخر فيها اخجلتوا تواضعي ماقصرتوا والله

majedah

20-06-2009, 08:30 PM

مساء الخير للجميع...
انا رحت اليوم بما ان اخر يوم كان زحمه..
بس اهم شي رحت لكورنر ام سعود الله يقومها بالسلامه وخذيت مخلط فرنسي رهيييييب...
ووقعت ...وخذت لوحات وجلابيات وزعتر وبهارواكسسوارات ...وسلامتكم ....

Maha_N

20-06-2009, 10:54 PM

:eek5: بلللل جد جد نصب عينك عينك .. و ليش ماقلتي له !

بس صدقتي والله انا دخلت ع المحل لقيت جلابياته حلوه بس مب اللي كلش يعني روووعه

عاديه يعني وماتستاهل السعر اللي حاطه ع الجلابيات .. مانزل من السعر طلعت وخليته

صراحه بعضهم نصاب درجه اولى ,,:telephone:

زين شرايكم اختي خذت جلابيه من البحرينيه اول يوم ب 900 ريال

وقالت لا تفكرون لو تجوني اخر يوم بنزل انا سعري ثابت

واليوم جلابية اختي ب 400 ريال ولو كاسرناها بتنزل

واللي ب 2000 صارت ب 1000

واللي ب 1000 صارت ب 500

حسبي الله ونعم الوكيللللللل

latty

20-06-2009, 11:13 PM

ياهلا وغلا حياتي

هههههههههههه الله يعينكم اتخيلكم مثل النينجا

بس ها عاد تحملوا يبيلكم فاين ديتول وكمامات :rolleyes2:

وننتظر تقريركم عن اخر يوم ف المعرض .. صراحه كان ودي اروح مع الوالده

بس بتزورني ضيفه:telephone: وماقدر اطلع :(

كنت ابي اروح لكورنر ام سعود .. بس خيرها بغيرها ان شاء الله ...

ربي يقومج بالسلامه يا ام سعود .. ويعطيج الصحه والعافيه

وتسلمين لاتي ع التغطيه الحلوه منج .. ماقصرتي والله

:) لي عوده ان شاء الله

يوووووووووه ياهي زحمه ياهي ننجا

وش هالزحمه ياناس ياهووو ابد دخلت الا اللي يضرب بالشنطه واللي فاغر يدور مرته واللي تدور على رجلها والاطفال اللي معه ارنب واللي يبكي يبي سلحفاه والناس كانهم يوم ال حشر

ياناس ياهوو ابد

رحت محل ام سعود ولقيت بنت محمد تشتري سلمت عليها وشرينا منهم استلودر والمشموم والبخور وماخلينا الصراحه روووعه وخبره ام سعود الله يقومها بالسلامه

رحنا للكسسوارات وتعلقنا بكم شغله حلوه وكان البائع قمة الذوق وسوى لنا خصم كل وحده دفعت مبلغ وقدره

رحنا حق النعال الزنوبه كل وحده شرت لها ماركه بل ماركه كل ثلاث بميه ههههههه وطلع مقاسنا واحد هههههه

اذن المذن ياناس صلوا الصلاه يامسلمين ابد حتى اللي لحيته لين نص بطنه ماراح اعوذ بالله

وبعدها هالشباب تسيعن خمسن سبعين و وو وو ينقلون ارقام ياناس روحوا للي هناك الحقو وش تبون بالمنقبات وش تبون بالمتغطيات وش وراهم وراهم ماخلوا مره ما ازعجوها

الصراحه استبعد على شباب قطر هالحركات والله شباب قطر مايرز وجهه كذا ولا يضايق اهل بلاده كذا اولا مستحيل واحد يجي قطري مايلقى له بالمعرض عمه او خاله او صديق او خال او لازم يلقى حد من اهله ويفتشل يسوي هالحركات

لكن الشباب اللي هناك وكيل الله يوصلون النسوان لين السياره وهو خمس وسبعين عشرين تششش ياخوانا مالكم وش صاير ماتستحون

ملينا من حركاتكم وعقولكم الخفيفه ماتستحون ابد

قررنا نطلع وطلعنا قلت امر الاستقبال نكتب ملاحظات شي ابد لا صندوق اقتراح ولا يحزنون

الزحمه والشباب كانت فلونزا مالها دوا

ارجو ان تشاركوني بموضوع مرتبط عن ايجابيات وسلبيات المعرض طبعا بيكون موضوع منفصل عن هذا

شكرا لكم وممتنه لكم تواصلكم حضوركم موضوعي ردودكم ومبروووك لكم ماشريتوا وتقطعونه بالعافيه

اختكم لاتي

latty

20-06-2009, 11:14 PM

هههههه .. والله كل شي حلوو .. شريت عطورات و مكياج =$

عليج بالعافيه بنت محمد وتشرفت بمعرفتج الغاليه

وفعلا مشترياتج روعه شفت عندج الكحل اللي ما يروح من العين وشفت عندج اشياء حلوه

تقطعينها بالعافيه حبوبه

latty

20-06-2009, 11:18 PM

عليج بالعافيه حبوبه بس ليش تاخذن من الميك اب اللي هناك ؟ لانه تقليد كله .. صراحه وحده من ربعي خذت من الارواج وتقول الوانهم حلوه بس فيهم ريحه كيميائيه ومب زين للشفايف :secret:

انصح البنات ماياخذون من مكياج المعارض الا اذا كان ماركه معروفه احسن

نوى القلب شكرا على النصحيه وانا اييد كلامج بقوووه

بنت محمد خذت من ماركة فور ليف مك اب واللي خذت الكحل اللي ملون وتحطينه اعلى واسفل الاجفان تصدقين مايروح تغسلينه غسل تقولين تاتو حلو للحواجب والكحل من الخارج وتحديد مك اب الوان روعه وخذت وانا معها مناكير روعه الوان ماعمري شفت زيها

والماركه هذه معروفه دايم اخذ منها من السعوديه

لكن انا ضد مك اب الصينين مع المك اب اللبناني

:)

مشتاقة لقطر

21-06-2009, 12:11 AM

تقرير وتغطية ولا اروع ماشالله

موضوع ما افوته يوميا اتسوق معاكم ماشالله هنيه ..

الله يهنيكم باللي شريتووه .. وبالعافية يارب

وننتظر الموضووع الجديد

latty

21-06-2009, 12:29 AM

هلا حبيبتي

انا معلج انا انحط ملا حظاتنا عن السلبيات والايجابيات وانا اشوف السلبيات اكثر مثل :

1- خلط الستاندات وعدم توزيع كل قسم لحاله

2- توقيت المعرض غير مناسب (( أيام الأمتحانات )) أتكلم عن نفسي

3-ما خصصوا يوم للنساء مثل باقي المعارض السابقة

4- وقته قصير وهذا اللي خلاهم يغلون

5- الاسعار غالية وما عليها مراقبة وخصوصا المشاركين اللي من قطر

واكثرهم من زون سنتر

6- غلاء الأيجار للعلرضين وهو اللي خلاهم يستطمعون ويرفعون الاسعار

7- عدم وجود خصم على ايجار الاستاندات للتجار والتاجرات القطريين

كتشجيع لعيال البلاد

8- كثرة اللوث اللي يمكن يكون اكثرهم مب قطريين وهم يضايقون ويغازلون

أشكرة

9- هالبنات الله يهديهم المتبرجات اللي اتخلي الحرمة تنعجب فيها قبل الشباب

وحتى البياعين يبققون احلوجهم وهي تكلمهم (( وهذا أكثر شئ ضايقني ))

10- ما فيه تنظيم داخل -- وما فيه تخطيط وحلول لكثرة الزحمة ايام المعارض

-------------------------------------------------------------------------------

المميزات :

1- ان المعرض هالسنة عطا فرصة لبعض التجار القطريين بالرغم

من غلاء الايجار

2- فيه بعض البضايع الجديدة مب مثل كل سنة

3- فضيات الأيرانيين السنة تشكيلاتها حلوة -- بس غالية

وبس ما أتذكر الباقي

========================================

اليوم بناتي اغصبوا أبوهم يوديهم المعرض يبون من شنط ام سعود

وجابوا لي عطر استي لودر (( رووووووووووعه ))

وشروا بعد من العود بالعنبر وكم عطر رجالي لأبوهم وأخوانهم

ومروا على الزل عند الأيرانيين ولقوهم نفس الأسعار وشروا من

الفضيات الأيرانية تعليقات حلوة مع الخواتم والحلق سعرهم مناسب

بالوزن من عند ارخص واحد عنده الغرام ب 14 ونزل لهم شوي في المجموع

وبالنسبة للمحل التركي اللي اسمه نور غاليري تبيع على قولتها

الخواتم والحلق والاكسسوارات البناتية على انها فضة خالص

ومطلية بماي الذهب وما بتغير واكتشفنا ان الخواتم كشف لونها

من مجرد الوضوء -- كيف لو انغسلت بماي وصابون

(( الله يسامحها -- غشتنا ))

وحبوبتنا latty الله يجزاج خير ويرحم والديج على ذوقج معاي انا بالذات

لأنها تعنت وشرت لي من بهارات حضرموت -- كفاية والله تفكيرها فيني

الله لا يحرمج الجنة -- ويسعدج دنيا وآخرة

ومشكورة على هالموضوع اللي خلا كل وحدة تذكر لنا الشئ الزين اللي

اشترته 00 وبكم سعرة

بارك الله فيج اختي العزيزة

هلا غناتي 1

موضوع السلبيات والايجابيات منفصل مب هنا انسخي هذا وحطيه بالموضوع اللي بالمنتدى بحط لج رابطه اوكي
http://www.qatarshares.com/vb/showthread.php?t=273791

شكرا لج

latty

21-06-2009, 12:30 AM

شاركونا الراي اخواني اخواتي

http://www.qatarshares.com/vb/showthread.php?t=273791

سلامي للكل

21-06-2009, 12:35 AM

الســلام عليكــمـ ورحمـة الله وبركاته

الحمـــد لله حصلت لي وقت ومريت المعرض اليوم (السبت)

نقدر نقــول في زحمة نوعاً ما :secret:

خذيت لي كم غرض, ومن اهم الاغراض مخلط رولكــس من أم سعــود

والاهم الاهم اني كتبت اسمــي على لوحــة أم سعـــود :dance

وعليكــمـ بالعافية

latty

21-06-2009, 04:12 PM

الســلام عليكــمـ ورحمـة الله وبركاته

الحمـــد لله حصلت لي وقت ومريت المعرض اليوم (السبت)

نقدر نقــول في زحمة نوعاً ما :secret:

خذيت لي كم غرض, ومن اهم الاغراض مخلط رولكــس من أم سعــود

والاهم الاهم اني كتبت اسمــي على لوحــة أم سعـــود :dance

وعليكــمـ بالعافية

عليك بالعافيه

والله يعطي ام سعود كل خير الصراحه تستاهل هالنجاح وونتظرها بالمعارض الجايه

شاركنا الراي بالموضوع المثبت بالسوق

رايك يهمنا من ملاحظات وسلبيات

بنت الاجاويد

18-07-2009, 01:16 PM

المعرض عكس ماتوقعت
ما عجيبني ...
والله يوفقكم

شمعة الدوحه

18-07-2009, 01:57 PM

انا عن نفسي مارحت حق هالمعرض

رحت للي قبله على شهر 6

عجبني بخور اسمه موزه من محل ريحه .. اماراتي

وامي خذت المياسه من عندهم ماعجبني كلش :omen2:

بس ماادري اذا موجودين بهالمعرض او لا؟؟

انصحج فيه اذا كانوا موجودين :nice: