استفسار بخصوص الشركه الاسلاميه للتأمين

[NASEER]

السلام عليكم

عملت حادث وكان الغلط على الطرف الثاني واعطوني اوراق تصليح وقالو لي روح

للتأمين وبغيت استفسر الموتر مايمشي الحادث خشن شوي وبغيت اعرف

هل بيطلبون مني اسحب السياره لهم لان السياره موقفها عند البيت وماتمشي

وبغيت اعرف هل يحق لي طلب التصليح في الشركه ولا لازم كراج عن طريقهم

وهل اقدر اطلب منهم يشترون لي القطع من الشركه لان الكراج اخاف يشتري

لي قطع مستعمله ولا مش اصليه يعني هل يحق لي اجبار الشركه على تصليح

سيارتي في الشركه وين مكانهم

[دولة قطر]

كل هاي يعتمد على موديل السياره اخوي..

انا نفسك دعمني واحد قبل اسبوعين بموتر اخوي 2006

رحت اخلص اوراق التأمين قالوا لي موديل 2006 مايتصلح ف الشركه ..

االمهم انهم عطوني بديل كراج الكرستال

لمن رحت له قالي تتحمل 50% على القطع غيار الاصليه..

فماتدري ايش قوانينهم هالشركات

[بن درويش]

اخوى يعتمد على موديل الموتر
لازم ايشوفون الموتر وتقدر تفاهم معاهم توديه اى كراج بالصناعيه وهم يروحون يصلحونه

[جعران]

مؤديل السنة اجباري الاصلاح بالوكالة
اما بقية المؤديلات على حسب
كان عندي حادث دفعت 25% من قيمة القطع الاصلية والاصلاح في وكالة سوزكي
اما شراء القطع يكون عن طريقهم لان لهم خصم خاص 25%