المساعد الشخصي الرقمي

مشاهدة النسخة كاملة : سلة تركب على التويوتا


kaspersky
12-06-2009, 02:53 PM
سلام عليكم
بغيت تساعدوني في موضوع وهو اني انشا الله مسافر شهر 7 بالسياره gxr 2009 ورايح من الدوحه الى ابها و الطائف و مكه ثم الى الدوحه و ابغي مساعدكم في اني مب ناوي اركب سله على السياره الي تكون فوق واحد من الربع قالي خذ لك العربه الي تجرها وراك بتواير اذا في احد مجربها او يعرف حد مجربها يقولي اشلون هي من ناحيت الامان او هل اقدر اركب السله الي تكون في الخلف من دون تواير مثل السيارات الامريكي
و محتاج نصيحتكم
ومشكورين
البرنـو
12-06-2009, 03:15 PM
هلا اخوي ..

انا من 7 سنوات وانا كله ارووح للديار الي ذكرتها ..

وجربت العربه القلص وجربت السله وكلهم جيدين للسفر اما بنسبه لك انت على حسب أغراضك

اذا كانت الاغراض الي عندك وايد انا انصحك بالعربه .. بس اتكوون صناعتها جيده وعامل لها صيانه ...
kaspersky
12-06-2009, 03:20 PM
مشكور اخوي على الرد
لكن العربه امنه لما اروح ابها او الطائف لانك تعرف راح نطلع الجبال و نزول مثل عقبت ابها اكيد تعرفها
ابغي اتأكد هل هي امنه
الممزر
12-06-2009, 05:52 PM
أنا مجرب دكسارا من أفضل أنواع العربات الموجودة في السوق وتنباع في الجزيرة للاستثمار بطريق سلوى

وبالنسبة للسيفتي والسلامة من أهم مميزاتها ... وشوف الرابط www.daxaraa.com

وبالتوفيق أن شاء الله ....
$$كلنا قطر$$
12-06-2009, 11:21 PM
الشيخ عباله التيدر
انا توني جاي من السفر ومودي التيدر معاي
صج يملل لا تقدر توقف في المواقف وتخاف تسوق بسرعه
نصيحتي لك يا أخوي خذ لك السله الي تركب ورا في الشنطه
أجوفه أحسن من الي فوق وأسهل لتنزيل الأغراض وتحميلها
وتروح وترجع بالسلامه
بوزيد
13-06-2009, 12:21 AM
السلام عليكم ورحمة الله وبركاته كيفك اخوي والله يسهل دربك وتروح وترجع بسلامه ومن ناحية رأأيي اشوف السله وراء السياره او فوق السياره ارحم بواجد من التيدر التيدر خطير وثانين بلعوزك بلمواقف والله يستر تطلع يوم ماتلقاه وسلامتك
Qtr Denver
13-06-2009, 01:21 AM
عليكم السلام ورحمة الله وبركاته

يالغالي شيابنا يقولون إسأل مجرب ولاتسأل خبير ..

انا مجرب السلة ومجرب التيدر ..

السلة ربي يطول لي بعمرك تركب بالشاصي ولذلك تصير جزء من السيارة فـ يثقل على السيارة وتشوف السيارة نازله من الخلف ..

التيدر الله يسلمك أأمن بكثيير حمل في كثر ماتبي وانصحك بتيادر daxara وهذا موقعهم www.daxaraa.com ولها وكيل في قطر ..

انا عندي واحد منه اخر مره والله مازل عليك .. فل اغراض و180 على خط بوسمرة في قطر بالدينالي

الخلاصة :) التيدر افضل من السلة ..

وتروح وترجع بالسلامه يالغالي ..

ونصيحة اخويه اذا عندك سلاح مرخص خذه معك او حتى لو مهب مرخص لأنه قطاع الطرق هاليومين لعبتهم

والله يوفقك

فمان الله
kaspersky
13-06-2009, 03:18 PM
مشكورين أخواني على الردود والتفاعل و يعطيكم الف عافيه على النصائح الحلوه
kaspersky
13-06-2009, 03:21 PM
عليكم السلام ورحمة الله وبركاته

يالغالي شيابنا يقولون إسأل مجرب ولاتسأل خبير ..

انا مجرب السلة ومجرب التيدر ..

السلة ربي يطول لي بعمرك تركب بالشاصي ولذلك تصير جزء من السيارة فـ يثقل على السيارة وتشوف السيارة نازله من الخلف ..

التيدر الله يسلمك أأمن بكثيير حمل في كثر ماتبي وانصحك بتيادر daxara وهذا موقعهم www.daxaraa.com ولها وكيل في قطر ..

انا عندي واحد منه اخر مره والله مازل عليك .. فل اغراض و180 على خط بوسمرة في قطر بالدينالي

الخلاصة :) التيدر افضل من السلة ..

وتروح وترجع بالسلامه يالغالي ..

ونصيحة اخويه اذا عندك سلاح مرخص خذه معك او حتى لو مهب مرخص لأنه قطاع الطرق هاليومين لعبتهم

والله يوفقك

فمان الله

مشكور اخوي على النصيحه

لكنبالنسبه للسلاح وين احسن كلشنكوف احسن او فرد
$$كلنا قطر$$
13-06-2009, 04:25 PM
مشكور اخوي على النصيحه

لكنبالنسبه للسلاح وين احسن كلشنكوف احسن او فرد



انت متأكد انك رايج السعوديه ولا أفغانستان :tease:
امزح وياك اخووي :nice:
Qtr Denver
13-06-2009, 04:48 PM
مشكور اخوي على النصيحه

لكنبالنسبه للسلاح وين احسن كلشنكوف احسن او فرد

العفو يالغالي .. هذا واجب

اظن انه الشوزن يكفي :victory:

<<صار ارهابي
وتروح وترجع بالسلامه