المساعد الشخصي الرقمي

مشاهدة النسخة كاملة : سوق واقف!!!!!! ياريت الكل يشارك



busnaidah
12-06-2009, 07:27 PM
السؤال اللي محيرني انه الكل يدري انه اجارات المحلات في سوق واقف رمزيه جدا. بس ليش ياترى اسعار المطاعم والمقاهي غاليه لدرجة البيبسي ب 12 ريال. انا من رايي انه الاسعار توحد واللي مب عاجبه يطلع احسن. بعدين شلون الاجانب ياخذون محلات هناك.طبعا في اعنقادي انه الطريقه كالأتي :-

--- المواطن: " حصلت محل بسوق واقف اجاره 1000 وبعرضه في الجريده ب 3000 ريال بالباطن" فرحان وعنده انه اذكى واحد في قطر. وفعلا يعرض المحل في الجريده.
--- توني: " الشيخ. بدي أأجر المحل بس سعرك غالي" يدري انه الكسل ذابحنا وبنأجر بأي سعر دام انه احنا ربحانين. " علشان اكون صريح معاك ال budget عندي 2500 اجار للمحل ولا يكون الشغل مش محرز. وبصراحه انا مخاطر لأنه سوق واقف سوق شعبي وزبائنه مش class متل زباين مطعمي".

طبعا توني ياجر ويغلي الاسعار على الخلق وأخر الشهر ربحه 55000 ألف ربح صافي بعد خصم ال running cost وفلوس المواطن مالت الاجار ال 2500.

طبعا بعد كم شهر توني يتمشى على الرنج وعلى الاشاره عراوي تدق له هرن ولا الحبيب المواطن اللي أجر المحل.

طبعا السؤال اللي يطرح نفسه هل اتوافقوني الراي انه الاسعار نار في سوق واقف؟ ولو احد الاخون يفيدنا ليش هذا الغلاء انكون شاكرين له. والا متى واحنا مانعرف اندبر حالنا ومانشوف ال full picture. الناس تفكر بالملايين واحنا انفكر بالملالين ؟

أخوكم الغيور على هذا الوطن \ بوسنيده

شاب مستثمر
12-06-2009, 07:56 PM
الشيخ يعطيك العافيه ع الموضوع بس انت نسيت شي مهم .....

اولا:المحلات ماتتأجر من الباطن وانا واثق ومتاكد في هذا الشي

ثانيأ:اصلن ادراة السوق ماتعطي كل من هب ودب مايعطون المحلات اله بالواسطه ومش اي واسطه ولو انه يقولون ان كانت الاولويه حق المستأجرين القدامه



ومشكور ع الموضوع

Index Signal
12-06-2009, 08:24 PM
بإختصار ..

ما عندك واسطه؟ تطبق عليك الشروط بحذافيرها لازم يكون النشاط مثل ما يبون و تبيع بربح رمزي و لازم إنت يالمواطن تبيع بالمحل بنفسك وتكون متفرغ له و ياويلك لو فتشنا و لقينا حد غيرك يشتغل بالمحل .. إذا وافقت على كل هالشروط و أمك داعيه لك يمكن يتكرمون عليك بمحل بين دواعيس السوق و الزبون يحتاج جارمن عشان يوصل له..!!

عندك واسطه؟ معفي من الشروط السابقه و تخيّر موقع المحل إللي يعجبك و بيع بالأسعار إللي تعجبك..!!

Meero
12-06-2009, 08:59 PM
بإختصار ..

ما عندك واسطه؟ تطبق عليك الشروط بحذافيرها لازم يكون النشاط مثل ما يبون و تبيع بربح رمزي و لازم إنت يالمواطن تبيع بالمحل بنفسك وتكون متفرغ له و ياويلك لو فتشنا و لقينا حد غيرك يشتغل بالمحل .. إذا وافقت على كل هالشروط و أمك داعيه لك يمكن يتكرمون عليك بمحل بين دواعيس السوق و الزبون يحتاج جارمن عشان يوصل له..!!

عندك واسطه؟ معفي من الشروط السابقه و تخيّر موقع المحل إللي يعجبك و بيع بالأسعار إللي تعجبك..!!


انا معاك اخوي

وازيد عليك نقطه الغلاء الي ذكرها بوسنيده


يعطيك العافيه ع الطرح

Thamer_Qat
12-06-2009, 09:04 PM
انتوا خلطتوا مابين المحلات العادية والمطاعم والمقاهي
كل القوانين اللي ذكرتوها لا تنطبق على المطاعم والمقاهي لأن مش معقوله تلقى قطري يوقف في مطعم ولا مقهى يجابل الزباين
وعلى ما اعتقد اجارات المطاعم والمقاهي مش رمزيه زي المحلات التراثية ومحلات التمور والهيل والقهوة

يعني مثلا هل تظنون ان مطعم اصفهان الأيراني اجاره رمزي مثلا ب 2000 او حتى 5000؟ لا طبعا اكيد اكثر وخلنا نقول مش مبالغ فيه بس مب رمزي مثله مثل المحلات الثانية اللي ذكرتها
وطبعا المساحه تحكم السعر ما ننسى

ويظل لازم نفهم ان هالمطاعم والمقاهي وجدت للسياح وبعض المقيمين اللي يدفعون ولا يهمهم لأنه ما يجي الا مره كل فتره طويله مب مثل بعض المقيمين والمواطنين اللي يبغي يروح بشكل دايم ويتشكى من الأسعار

سهم عتيج
13-06-2009, 12:13 AM
هناك نقطة مهمة في الموضوع وهي أن هناك بعض الأنشطة تتغير كل فترة,, يعني لين مايصير للمحل اسم وزباين ويوقف على رجليه,, تجيه بعد فترة الا ونشاط المحل وصاحب المحل متغير وماتدري ايش السبب ووين راح المحل اللي انت جاي مخصوص عشانه؟؟؟


نعم الأسعار في سوق واقف تقريبا قريبة من الأسعار خارج السوق رغم الأسعار الرمزية لايجار المحلات وأيضا توفير الاقامة للعمال لبعض المحلات داخل السوق حسب علمي بأسعار رمزية أيضا..

يعطيك العافية

busnaidah
13-06-2009, 12:29 AM
الشيخ يعطيك العافيه ع الموضوع بس انت نسيت شي مهم .....

اولا:المحلات ماتتأجر من الباطن وانا واثق ومتاكد في هذا الشي

ثانيأ:اصلن ادراة السوق ماتعطي كل من هب ودب مايعطون المحلات اله بالواسطه ومش اي واسطه ولو انه يقولون ان كانت الاولويه حق المستأجرين القدامه



ومشكور ع الموضوع

شاكر لك المشاركه في الموضوع وأحب أأكد لك ان المحل ممكن تسلمه هندي وتستلم لك ربح ألف ريال أخر الشهر بس مايكون لك أي شغل بالمحل وربحه. لنفرض انه كلامك صحيح وأنه أصحاب المطاعم قطريين. كم تقريبا الأجارات؟ وليش كل شي أغلى بسوق واقف؟

busnaidah
13-06-2009, 12:35 AM
انتوا خلطتوا مابين المحلات العادية والمطاعم والمقاهي
كل القوانين اللي ذكرتوها لا تنطبق على المطاعم والمقاهي لأن مش معقوله تلقى قطري يوقف في مطعم ولا مقهى يجابل الزباين
وعلى ما اعتقد اجارات المطاعم والمقاهي مش رمزيه زي المحلات التراثية ومحلات التمور والهيل والقهوة

يعني مثلا هل تظنون ان مطعم اصفهان الأيراني اجاره رمزي مثلا ب 2000 او حتى 5000؟ لا طبعا اكيد اكثر وخلنا نقول مش مبالغ فيه بس مب رمزي مثله مثل المحلات الثانية اللي ذكرتها
وطبعا المساحه تحكم السعر ما ننسى

ويظل لازم نفهم ان هالمطاعم والمقاهي وجدت للسياح وبعض المقيمين اللي يدفعون ولا يهمهم لأنه ما يجي الا مره كل فتره طويله مب مثل بعض المقيمين والمواطنين اللي يبغي يروح بشكل دايم ويتشكى من الأسعار

شاكر لك مرورك أخ ثامر. بس هل تظن انه الاجارات أغلى من برى؟ بعدين أنا ماشفت لافته مكتوب عليها لغير القطريين والسياح فقط؟. بالعكس أكثر الزبايين قطريين وممكن بنفسك تمر وتشوف. وبعدين تأكد انه كل شي يبنى يكون للمواطن مش للأجنبي. بعدين ياخي حرام. انا والله ماعندي مشكله بس ياخوك والله حرام على هالاسعار الغير مبرره. يعلم الله انه قصدي بالطرح هو لصالح الشباب وبغيت اتعلم شوي من الشباب اللي ممكن يوضحون لي نقاط ماكنت عارفها. انا لين اللحين مب مقتنع باسعارهم
شاكر لك مشاركتك

عبدالرحمن
13-06-2009, 02:48 PM
والله معلومات يديدة قاعدين نشوفها
لو فيهم واحد قطري ذكي يفتح مطعم جنبهم ويبيع باسعار السوق اللي برا مثلا البيبسي بريال واحد بس
اذا ماكلهم نزلو اشل شنبي
او ادارة السوق تكون ذكيه وتفتح محل جنبهم باسعار رمزيه وهشكل تكون ضربت عصفورين بحجر واحد
لاني اعتقد انه اداره السوق ماتلزمهم بكم يبيعون اعتقد والله اعلم مخليه الحبل على القارب
فاذا عيزو يلقون حل هذا الحل وبنسبه لاخوي الي يقول هالسوق خلوه للسياح والي يجون مره وحده مب حق هل قطر والمقيمين عشان يتشكون من الاسعار انا اشل شنبي اذا انت شريت شي من هناك يمكن تمر ولا تدري شسالفه ويمكنك ماتشتري غلطان حبيبي هالسوق للكل سياح واجانب وهل قطر مايهمونا لا سياح ولا الاجانب وفوقهم المقيمين اذا تشكو هل قطر هم الاولى نسوي الي يبون السوق لهم
وانا اعرف شخص يوميا هناك ويقولي الاسعار مبالغ فيها وهو من ناس الي لادفع ماياخذ الخرده مب مهايط ولا زبو ولا مفوشر بس اعطيك مثال حبيبي
وسلامتكم

الكعبي qtr
16-06-2009, 04:40 PM
انا اتفق ويااااك اسعاره نار بس الحمدلله

.Omar.
17-06-2009, 01:36 PM
الايجارات رمزيه جدا

اعتقد اكبر محل بسوق واقف اجاره ما يتعدى ال 10,000 ريال

والاسعار عاليه

بما انه مكان تراثي لازم تكون الاسعار موحده

ولد شرق
17-06-2009, 02:41 PM
".

طبعا بعد كم شهر توني يتمشى على الرنج وعلى الاشاره عراوي تدق له هرن ولا الحبيب المواطن اللي أجر المحل.



ضحكتني هالكلمه
والله انك صادق فيها...