للأسف نتائج المستقلة لن تعلن [الأرشيف] - منتديات شبكة الأسهم القطرية

طواش

13-06-2009, 08:25 AM

رغم انتظار الناس لنتائج الثانوية المستقلة والتي كانت تعلن سنويا إلا أنها لن تعلن هذه السنة

وسيفاجأ بها الطلبة يوم الأحد الموافق 14/6 في مدارسهم .

وهذا ما جاء في موقع المجلس :

إصدار الشهادة:
ترسل الشهادات إلى كل مدرسة على حدة.
تقوم المدرسة بتوزيعها على الطلبة.
يتم التأكيد على الطلبة الراغبين في الدراسة بالخارج بضرورة تصديق الشهادة من وزارة الخارجية وسفارة الدولة المعنية.
يتم إصدار صور إضافية للشهادة أو بدل فاقد من وحدة الشهادة الثانوية العامة بهيئة التقييم برسوم رمزية.

مطيع الله

13-06-2009, 08:31 AM

ما لهم حق يفرحون!!!
على الأقل يسوون لهم دوشه، وساعات ترقب ثم إعلان مفرح، حتى يقوم الناجح ويبوس هله ويحرر كم دمعة عن كل السنين والسهر اللي راح:weeping:

السد

13-06-2009, 09:59 AM

عندك في جريدة العرب حاطين الاسماء

ثاني

13-06-2009, 10:23 AM

ياخوان والله اني قاعد انطر نتيجتي من ثلاث اسابيع ومع ان احنا المستقلة مخلصين قبل الحكومية
الا ان نتايجهم نزلت قبلنا
الله يعين

الموضوعي

13-06-2009, 11:13 AM

لازم يرقعون نسبة الرسوب الكبيرة في المستقلة

امل الحب

13-06-2009, 11:17 AM

خل تطلع ويفكونا ..

صار لهم 3 اسابيع ناطرين وكل مرة موعد شكل..!

][ الوحيد ][

13-06-2009, 11:23 AM

يتم إصدار صور إضافية للشهادة أو بدل فاقد من وحدة الشهادة الثانوية العامة بهيئة التقييم برسوم رمزية.

لييييش ؟؟

يوم خلصت .
عطونا

شهاده اصليه تحتفظ فيها انت بالعربي
شهاده اصليه تحتفظ فيها انت بالانجليزي

4 نسخ بالعربي
4 نسخ بالانجليزي

ريماس الغلا

13-06-2009, 12:58 PM

واااااااااااااعجبي

طواش

13-06-2009, 01:18 PM

ما لهم حق يفرحون!!!
على الأقل يسوون لهم دوشه، وساعات ترقب ثم إعلان مفرح، حتى يقوم الناجح ويبوس هله ويحرر كم دمعة عن كل السنين والسهر اللي راح:weeping:

لحد الحين حتى ما يدرون يستلمونها الأحد ولا لا

bus3od

13-06-2009, 01:22 PM

اخوي ممكن الرابط اللي جبت منه الخبر

VIPLady

13-06-2009, 01:52 PM

لازم يرقعون نسبة الرسوب الكبيرة في المستقلة

شهالعقليه؟؟

رد غريب

][ الوحيد ][

13-06-2009, 01:57 PM

شهالعقليه؟؟
رد غريب

صحيح كلامه !!
واحد من الشباب كان في مدرسه حكوميه .. وفي ثالث ثنوي عليه 4 مواد !!
حول على المستقله .. جاب 84% !!
وبدون دراسه !!

طواش

13-06-2009, 01:58 PM

عندك في جريدة العرب حاطين الاسماء

هذه أسماء طلاب الثانوية العامة لا المستقلة .

VIPLady

13-06-2009, 02:05 PM

[ الوحيد ][;4299200']صحيح كلامه !!
واحد من الشباب كان في مدرسه حكوميه .. وفي ثالث ثنوي عليه 4 مواد !!
حول على المستقله .. جاب 84% !!
وبدون دراسه !!

طريقه التعليم غير
المنهج اختلف
مو انهم ينجحون و يغطون الرسووب

شوف شباب المستقله شلون طلاقتهم باللغه الانجليزيه و شوف الحكوميه حدهم يس و نوو

بتقولون لي كلنا عشنا على الحكوميه بعد ماشالله شوووووف الناتج يا كثر شبابنا الي حدهم ثانويه و ما يكملون لكن الحين معظم الشباب يكملون دراستهم للجامعه سواء بالخارج او يدخلون المدينه التعليميه.. وطلاقه بالغه الانجليزيه الي تعتبر مهمه خاصه في ايامنا هذي.. و شوف اسلوبهم مو تلقيني و ميتين خوف يالله ادرس واطلع لا فيه انشطه في بحوث فيه مراجع الطالب لازم يقدمها .. والطالب من حقه يناقش يطالب بالي يبي مو بالحكوميه الي ان تكلم تهزء

لكن الانسان بطبعه دوم يشوف الجانب السلبي ما يشوف الايجابي
وفي النهايه ماكو مكان كامل من كل النواحي لازم فيه قصور لكن شوفوا المميزات مو بس السلبيات بالمدارس

طواش

13-06-2009, 02:27 PM

ياخوان والله اني قاعد انطر نتيجتي من ثلاث اسابيع ومع ان احنا المستقلة مخلصين قبل الحكومية
الا ان نتايجهم نزلت قبلنا
الله يعين

الله يعين الجميع ويوفقكم لخير .

][ الوحيد ][

13-06-2009, 02:52 PM

طريقه التعليم غير
المنهج اختلف
مو انهم ينجحون و يغطون الرسووب
شوف شباب المستقله شلون طلاقتهم باللغه الانجليزيه و شوف الحكوميه حدهم يس و نوو
بتقولون لي كلنا عشنا على الحكوميه بعد ماشالله شوووووف الناتج يا كثر شبابنا الي حدهم ثانويه و ما يكملون لكن الحين معظم الشباب يكملون دراستهم للجامعه سواء بالخارج او يدخلون المدينه التعليميه.. وطلاقه بالغه الانجليزيه الي تعتبر مهمه خاصه في ايامنا هذي.. و شوف اسلوبهم مو تلقيني و ميتين خوف يالله ادرس واطلع لا فيه انشطه في بحوث فيه مراجع الطالب لازم يقدمها .. والطالب من حقه يناقش يطالب بالي يبي مو بالحكوميه الي ان تكلم تهزء
لكن الانسان بطبعه دوم يشوف الجانب السلبي ما يشوف الايجابي
وفي النهايه ماكو مكان كامل من كل النواحي لازم فيه قصور لكن شوفوا المميزات مو بس السلبيات بالمدارس

اعرف اكثر من واحد من مدرسه مستقله ونسبهم فوق الــ 80% ومايعرفون انجليزي !!
نجحوا بالبحوث واللوحات اللي سووها ..
البحث من قوقل .. كوبي بيست = علامه كامله
اللوحه ابن القيم = علامه كامله ..
الحضور = علامه كامله ..
يمشي حاله فالامتحانات .. مع بعض المساعده من المدرسين :secret:
واعرف شباب من مدرسه حكوميه .. واحد منهم نسبته 79%
احــسن وأفضل من واحد نسبته 93% فالمستقله ..
ترى المستقله دمرت الطلاب ما ساعدتهم

عبدالرحمن

13-06-2009, 03:06 PM

ابرك انهم ماعلونها مانبي نتفشل
واعتقد كلمه لم ينجح احد تمللو منها المسؤلين عن المدارس المستقله

VIPLady

13-06-2009, 03:22 PM

[ الوحيد ][;4299377']اعرف اكثر من واحد من مدرسه مستقله ونسبهم فوق الــ 80% ومايعرفون انجليزي !!
نجحوا بالبحوث واللوحات اللي سووها ..
البحث من قوقل .. كوبي بيست = علامه كامله
اللوحه ابن القيم = علامه كامله ..
الحضور = علامه كامله ..
يمشي حاله فالامتحانات .. مع بعض المساعده من المدرسين :secret:
واعرف شباب من مدرسه حكوميه .. واحد منهم نسبته 79%
احــسن وأفضل من واحد نسبته 93% فالمستقله ..
ترى المستقله دمرت الطلاب ما ساعدتهم

انا ماقلت المدارس المستقله بطلعهم نوابغ وعباقره
بس بعد حرام تعمون القاعده هذي الي تكلمون عنها ان كل الموجودين كساله و ينجحونهم ترى اكو طلاب مجتهدين ويدرسون و يجتهدون ويجيبون النسب بمجهودهم مو المجلس الاعلى يطلعهم او ينجحهم..

و كل من كتب رد قال اعرف واحد واعرف 10 او واحد من ربعي
كل المدارس فيها كل الامثله..الاف الطلبه اكيد منهم يعرف انجليزي بعد فيه شباب بالحكوميه يعرفون ايطالي الماني مافيها شي ترى لغات وتكون مكتسبه ........... بتناقشون على شخص و شخصين يعني..
واذا على المدارس الحكوميه اذا حد معين تعرفونه ترى تشوف الي حوله بالفصل كلهم زيروووو بالانجليزي بس بالمستقله العكس

مب قاعده اسمحوا لي

y.o.y.o

13-06-2009, 03:42 PM

][ الوحيد ][

13-06-2009, 04:11 PM

أحتي VIPlady
انا ماقلت كل المدراس ..
بس المدارس المستقله اللي تهتم بالتعليم الصح معدووده على الاصابع
لكن بقولج !!
انا متخرج من مستقله ونسبتي 86% والحمدلله ..
في ماده الرياضيات .. الطلاب اللي تخرجوا من الحكومه يعرفون احسن مني .. مع انه درجاتي فالرياضيات كانت ممتازة !!
وكذلك فاللغه العربيه !! مافي تعليم للقواعد مثل المدارس الحكوميه ..
وانا لما اقول واحد من الربع او فلان .. تراهم كلهم معاي الحين في امريكا .. وكلهم يعترفون ان المدارس الحكوميه كانت تفيدهم اكثر من المدارس المستقله

والله ياخوي انت تتكلم عن بعض المدارس مثل خليفه او الدوحة
بس تعال مدرستنا ( عمر بن الخطاب ) العلمية
وشوف اشلون
والله انهم يذلونا على الدرجه الوحدة
والله العظيم يحترق قلبك لما تحك وتتعب وتجيب 80
وغيرك يلعب ويسرح ويمرح ويجيب 90
الله كريم

مدرسه عمر بن الخطاب مب مثل قبل !!
أول سنتين لها كانت الصــح فقــط !!

بتقول يذلونكم على الدرجه الوحده !!
واحد من أهلي معاكم وتخرج السنه اللي راحت ..
في ثالث ثنوي عمره ماجاب شهاده فيها فوق الــ 75%
وشهاده المجلس الاعلى طلعت درجه بعد الحسبه 90% ..

بس مع ذلك تعتبرون احسن مدرسه في التعليم والطلبه اللي عندكم يعرفون انجليزي ورياضيات عــدل :)

VIPLady

13-06-2009, 04:20 PM

[ الوحيد ][;4299643']أحتي viplady
انا ماقلت كل المدراس ..
بس المدارس المستقله اللي تهتم بالتعليم الصح معدووده على الاصابع
لكن بقولج !!
انا متخرج من مستقله ونسبتي 86% والحمدلله ..
في ماده الرياضيات .. الطلاب اللي تخرجوا من الحكومه يعرفون احسن مني .. مع انه درجاتي فالرياضيات كانت ممتازة !!
وكذلك فاللغه العربيه !! مافي تعليم للقواعد مثل المدارس الحكوميه ..
وانا لما اقول واحد من الربع او فلان .. تراهم كلهم معاي الحين في امريكا .. وكلهم يعترفون ان المدارس الحكوميه كانت تفيدهم اكثر من المدارس المستقله

مدرسه عمر بن الخطاب مب مثل قبل !!
أول سنتين لها كانت الصــح فقــط !!

بتقول يذلونكم على الدرجه الوحده !!
واحد من أهلي معاكم وتخرج السنه اللي راحت ..
في ثالث ثنوي عمره ماجاب شهاده فيها فوق الــ 75%
وشهاده المجلس الاعلى طلعت درجه بعد الحسبه 90% ..

بس مع ذلك تعتبرون احسن مدرسه في التعليم والطلبه اللي عندكم يعرفون انجليزي ورياضيات عــدل :)

الله يوفقك خيوو
وكلامك على عيني وراسي
انت تتكلم من باب تجارب مريت فيها انت وربعك الي حولك
وانا بعد قدمت رايي و نقاشي من منظوري الشخصي

في النهايه اعيد واكرر مو قاعده ان هذي احسن من هذي
الاختلاف الي صار انه قبل الشي موحد والحين تنافس وفيه مدارس فاشله وفي مدارس من انجح ما يمكن .. فحرام التعميم

][ الوحيد ][

13-06-2009, 04:45 PM

الله يوفقك خيوو
وكلامك على عيني وراسي
انت تتكلم من باب تجارب مريت فيها انت وربعك الي حولك
وانا بعد قدمت رايي و نقاشي من منظوري الشخصي

في النهايه اعيد واكرر مو قاعده ان هذي احسن من هذي
الاختلاف الي صار انه قبل الشي موحد والحين تنافس وفيه مدارس فاشله وفي مدارس من انجح ما يمكن .. فحرام التعميم

ويوفق الجميع ان شاءالله ..
أحترم رايج ..
وكلامج صح .. التعميم خطأ وفي مدارس تنحط على الراس

y.o.y.o

13-06-2009, 05:03 PM

[ الوحيد ][;4299643']أحتي VIPlady
انا ماقلت كل المدراس ..
بس المدارس المستقله اللي تهتم بالتعليم الصح معدووده على الاصابع
لكن بقولج !!
انا متخرج من مستقله ونسبتي 86% والحمدلله ..
في ماده الرياضيات .. الطلاب اللي تخرجوا من الحكومه يعرفون احسن مني .. مع انه درجاتي فالرياضيات كانت ممتازة !!
وكذلك فاللغه العربيه !! مافي تعليم للقواعد مثل المدارس الحكوميه ..
وانا لما اقول واحد من الربع او فلان .. تراهم كلهم معاي الحين في امريكا .. وكلهم يعترفون ان المدارس الحكوميه كانت تفيدهم اكثر من المدارس المستقله

مدرسه عمر بن الخطاب مب مثل قبل !!
أول سنتين لها كانت الصــح فقــط !!

بتقول يذلونكم على الدرجه الوحده !!
واحد من أهلي معاكم وتخرج السنه اللي راحت ..
في ثالث ثنوي عمره ماجاب شهاده فيها فوق الــ 75%
وشهاده المجلس الاعلى طلعت درجه بعد الحسبه 90% ..

بس مع ذلك تعتبرون احسن مدرسه في التعليم والطلبه اللي عندكم يعرفون انجليزي ورياضيات عــدل :)

:nice: thank you brother <<< يستعرض عظلاته :victory:

شموخ

14-06-2009, 12:20 AM

عندك في جريدة العرب حاطين الاسماء

شدعوه أخوي
صباح الخير ياجارة
هههههههههههههههههههههههههه
هاي نتائج الثانوية العامة

الصراحة الله يكون بعونكم على قوانين المستقلة
وإن شاء الله نفرح فيكم جميعا :)

طواش

14-06-2009, 04:04 PM

هذا اليوم الأحد مر وما سلموا الشهادات .

شكله الموضوع فيه شي .

انا حره

14-06-2009, 04:21 PM

من قالكم ان المدارس المستقله اتنجح الكل كل واحد على مستواه انا بمدرسه عيالي يحكونهم حك وهم ابتدائي

الي باول يحاسبونهم على الدرجه وامتحاناتهم صعبه

بنت ذياب

14-06-2009, 04:24 PM

صحيح كلام اخوي " الوحيييد"

vip lady

انتي يمكن ماجربتي او جربتي .. وصح يمكن ساعدتهم بالانقلش لكن بالمواد الثانيه مييييييييح

وشي يقههههههههههر والله لما تشوفين ناس تعرفين مستواهم عدل ..

وتخيلي اييبون 100%

بذمتج هاي اي عقل يصدق هالخرابيط !!

لاااا وفوق ال10 طالبات 100% ف مدرسة وحده

خرابيط ف خرابيط !!!

انا اللي هي انااا .. كرررررررفت كرررررف بالعلمية .. كنت بالبيان

وماقدرت اخذ اكثر من 84%

كنت ادرس ليل ونهار .. واتييج وحده من هالمدارس المستقله الثانيه اللي قامت تقلد

عمر بن الخطاب والبيان وتاخذ 100% وانتي تعرفين مستواها زييين

هاي ظلم وغباء بنفس الوقت

والكل اصلا يذم فالمدارس المستقله

دمرت الطلاب والللله

تبين تعرفين مستواهم الصجي وين؟؟؟؟

خل يدشون الجامعه بس !

واتحدى عاد ياخذون a بكل المواد

لان الجامعه مايلعبون وكلن ياخذ درجته اللي يستحقهااا

وسوري عالمداخله :shy:

طواش

14-06-2009, 04:31 PM

الموضوع عن النتائج وانتوا قلبتوها مقارنة بين المدارس المستقلة والعادية .

الله يهداكم بس .

Q6ria

14-06-2009, 04:52 PM

مـب جديـده

حتـى العـام ماطلعت النتـايج :(

كـان ودنـا نشـوف أسماينـا بالجـرايد

بـس مادري ليـش النظـام غيـر في المستـقله عـن بـاقي الدول؟؟!

Q6ria

14-06-2009, 04:53 PM

هذا اليوم الأحد مر وما سلموا الشهادات .

شكله الموضوع فيه شي .

نتـايج المسـتقله لهـاذي السنـه يـوم الاربعـاء ان شـاء الله :)

saranay1

14-06-2009, 05:11 PM

جات مسجات لنا
بكرة النتايج انشالله

VIPLady

15-06-2009, 12:23 AM

الموضوع عن النتائج وانتوا قلبتوها مقارنة بين المدارس المستقلة والعادية .

الله يهداكم بس .

سوري اخوي
ترى السوالف تجر بعضها و مافيها شي ان تناقشنا .. ونقاشنا عن المدارس والتعليم ومجرد تنبادل و نقل افكار بينا ما طلعنا عن الموضوع ولا تكلمنا عن الفاشن او السيارات.....

نعتذر على المداخله بالموضوع اذا ضايقتك مشاركاتنا